tg-me.com/tajalzahraa1/83583
Last Update:
#محرم1446
عباس... عباس.... بجيتني وما باجي عمري
عباس..... عباس..... اليوجعني انته مدري ظهري
عباس.... عباس
..............................................
جيتك ارگض من خيمنه وبيه ما بيه اوصلتلك
الگاع صارت بس شماته ومن حرگتي فرعتلك
أعمامتي بالدرب طاحت ما شلتها
گلت خاف اتأخر اعليك وعفتها
ظهري واخيامي تريدك يا ابو فاضل
النومه هاي البصحاري ما ردتها
عباس.... عباس... شبعان شيب وجملتني
عباس... عباس..... يمك طحت ما گَومتني
عباس... عباس
..............................................
ليش هلگد خويه نازف گوم خلي إنطيك دمي
شحجي لحگوني اعله طولك الخذو مني ضلع امي
كلشي احبه بدنيتي ايحرموني منه
وجي دروا عشرتنه حلوه من زغرنه
وآنه ياعباس هذا الحرگ گلبي
گطعو اجفوفك اودوها لخيمنه
عباس... عباس.... خوتنه مدري لوين حدها
عباس....عباس....ابيناتنه سهامك شعدها
عباس... عباس
.............................................
الرمل يجوي يغافي ليش ما تغفه اعله اديني
وعينك شبيها يروحي گوم خلي إنطيك عيني
اختار ياهي أتريدها ياخويه منهن
آنه اگول اثنينهن عباس اخذهن
يا ابو فاضل گوم خلي انطيك شوفي
وانته بالكاروك بأسمك سجلتهن
عباس... عباس... شگد موتتني بهاي ونتك
عباس.... عباس.... ما يغلن اعيوني اعله خوتك
عباس... عباس
............................................
گوم لسكينه ورقيه شيوجعك گاضيها سكته
اعتبر مايك وصلهن بس بعد يردنك انته
من اجيتك جلبن خويه بعباتي
واعله ذاك الصايح ابيضت لهاتي
وين ادينك يا عزيز اعيون زينب
ما يريدن ماي يردنك بناتي
عباس... عباس... صير بمجاني الجان تسمع
عباس... عباس... من ماكو انته شلون ارجع
عباس... عباس
...........................................
شلون أخلص الطف بدونك وانته بالطف جنت كلشي
بين ما ينگطع راسي عود ذيج الساعه أمشي
استوحدوني الناس جي يدروك زودي
آنه الأخضر طيحتك يبست عودي
والشماته درت بيه انكسر ظهري
يا ابو فاضل كابر وگوم اعلمودي
عباس...عباس...شمثگلها هيج ايصير بيه
عباس.... عباس.. عثرات أگضي الغاضريه
عباس.... عباس
#أحمد #ماجد #الكلابي
نسألكم الدعاء
BY 🌴تجمّع الزهراء ع العاشورائي🌴
Warning: Undefined variable $i in /var/www/tg-me/post.php on line 283
Share with your friend now:
tg-me.com/tajalzahraa1/83583