tg-me.com/tajalzahraa1/83582
Last Update:
#محرم1446
مدري انعاك مدري انعه أعلى عمري
يفياي الخيم جويت ظهري
ياراعي اللوه... ضاگ الهوى.. خويه
شأدعي اعله النهر.. ظهري انكسر... خويه
/////////////////////////////////////
هنا يلمجانك حدر الاضلوع طاحت عباة الشيخ الحگ
جيتك ركض حافي يعباس وطول الطريق اتراب اشهگ
لخاطر بناتي گوم لسوط ماريد منهن وحده تنطگ
حاجيني اعليك اظلوع امي
يلساكت يمتى اتعيد اسمي... ياعباس
دليني بيا صوب اجفوفك
خاف اسكينه اتروح اتشوفك... ياعباس
عمت عيني على الخوه وحنينك
ياهو امسوي هيجي ابرسم عينك
من طولك هوه.. ضاگ الهوى... خويه
شأدعي اعله النهر.. ظهري انكسر... خويه
//////////////////////////////////////
ملگاك بارد ليش يلحار ياحيلي شو خلصان حيلك
يا ابو الفضل عفت النساوين بالخيم يتباجن دخيلك
موّوت أديه اشكثر مطعون جا ماحسبت احسابي اشيلك!
باصرني ابهالضيج اشويه
بس فتح ما اريد اميه... ياعباس
مطشّر كلك شيلمك
وخوفي لزينب يوصل دمك.. ياعباس
يساگي اخيامنه بس صد عليه
امحضره الطوس بالخيمه رقيه
اگعد يادوه... ضاگ الهوى.. خويه
شأدعي اعله النهر...ظهري انكسر.. خويه
//////////////////////////////////////
وليّة اسهام ابكربله اعليك
والعطش حز ثلثين گلبك
يلمستحي وعالوجه مگلوب
محتار اشمك مدري اگلبك
ترويني ما ترويني معذور
عباس والعباس احبك
فدوه الجود ايروح الونك
ما رايد شي غير اعيونك... ياعباس
اشكي المن كل هاي اهمومي
راح اتصير امراد اهدومي... ياعباس
ابسلامه خنصري ما ضنه يمسي
يا ابو الفضل هاك ألبس محبسي
دلالي انجوه.. ضاگ الهوى... خويه
شأدعي اعله النهر.. ظهري انكسر.. خويه
//////////////////////////////////////
عباس كلشي اتگطع اعليك
اهروش الگلب واحبال صوتي
خليتني اصفگ ايد بالأيد
يعمامتي ويا كل اخوتي
يلطيحتني بطيحتك هاي
قويني لا ياخذني موتي
من الشر اعليك اسم الله
شتگول انروح لعبدالله... ياعباس
شفت الخيل وشفت الحافر
امشينه الخاطر من خاطر. ياعباس
شسوي ابروحي يالكافل قليله
حسبالي ادزك للعليله
بصحاري نينوه..... ضاگ الهوى... خويه
شأدعي اعله النهر.. ظهري انكسر... خويه
////////////////////////////////////
بالخيم نام الجان متعوب مو گدرك افراش الترابه
وين الجمال الهاشمي ذاك اوين الملامح والمهابه
ومادام راسي ابخير عباس خلينه نحجي اعله الخرابه
من علوياتك مجتوفه
شيعبرهن سوگ الكوفه... ياعباس
محتاجك ليش اتغربني
زينب واصوابك يوجعني... ياعباس
وادي يجييها وياخذها وادي
وحداي الضعن مو خوش حادي
ضلمه ابلا ضوه... ضاگ الهوى... خويه
شأدعي اعله النهر.. ظهري انكسر... خويه
#أحمد #ماجد #الكلابي
تمت بعون ورعاية مولاي بقية الله الحجه بن الحسن صلوات الله عليه
BY 🌴تجمّع الزهراء ع العاشورائي🌴
Warning: Undefined variable $i in /var/www/tg-me/post.php on line 283
Share with your friend now:
tg-me.com/tajalzahraa1/83582