tg-me.com/tajalzahraa1/83581
Last Update:
#محرم1446
يمك يا ماي.... ضيعت آنه الدرب
يمك ياماي.... بس شلعان الگلب
خذت اخوي واعيوني وشمتت بيه العدو
بكربله شتطلبني ماخذت منك اخو
...........................................
اعله شوف العين ما حسبّت انباگ
وتمنيت اويه اخيي اگعد عله الراگ
يشاطي گلبي للعباس مشتاگ
بس رجعه يماي... وشخَذ بالجربه ماي... ارجعه بيدي هاي.... اوعدك
ياماي وشتريد انطيك وانطيني الكافل
لزينب توصل ما اخليك هم راضي وقابل
شنطوك وخاطر يرضيك ظهري يضل مايل
بيمن مطلوب..... تاخذ مني ظهر
بيمن مطلوب... اشبع آخ وقهر
من اجاك من يمي ماگلت هذا منو؟
بكربله شتطلبني ماخذت منك اخو
...........................................
عله ريحة الخوه يانهر جيت
شويه شويه يم راسه تدنيت
شبگته وفرعت يمه وتحفيت
بست عينه وبجيت..... وگلتله اكعد اجيت.... يخيي اتغربيت.. واريدك
شسوالك بالطف يا ماي.... وإتغير لونه
شالك من الگاع اهداي... وحطك بمتونه
گالولي أمدلي الرماي... بجوده وبعيونه
بعين العباس..... ليش أدلي السهم
بعين العباس...مو تدري شگد خيم
يارخيص يا شامت گصّرت طوله الحلو
بكربله شتطلبني ماخذت منك اخو
............................................
يريت بگلبي طاحن كل الاسهام
عگب عباس ما تنطب الاخيام
والله اليستر امن الكوفه والشام
الشماته عدها عيد.... صرت بالطف وحيد... أنجتل ظهري العضيد....حسافه
وكل واحد من هاي الناس..... أوجر بالساده
بس أكو من گطع الانفاس... من حيل اتماده
شايب يشمت بالعباس... ويّضحَك أولاده
بگلبي أتجويت... وضيم وحرگه انترس
بگلبي أتجويت..... شيرجَعنه الامس
كلشي ضل يوجعني وشفته عالغبره الكفو
بكربله شتطلبني ماخذت منك اخو
...........................................
شدعي اعليك يا حراگ الاگلوب
لگيته اعله الگفه عباس مگلوب
وامن الظهر عندي صار الاغروب
حرت ياجرح اروف.... انعميت وما اشوف.... خذن روحي الجفوف.... الگطيعه
ماتنراف اجروحه اوساع... ومن كلشي امسلب
بس عايفلي رساله اوداع... أتموت الما ينحب
كاتب عباس اعله الگاع.... مشتاگ لزينب
ما عاف ام عون... من ايام المهد
ما عاف ام عون.... أم وربت ولد
يرجع امتنايته منه ما شبعت دفو
بكربله شتطلبني ماخذت منك اخو
...........................................
وصل خيمة رقيه صوت الاثغيب
كلي امشيب ورايد بعد شيب
عالعباس اذا ما اموت ما اطيب
جنت شيخ وحبيب... انگلب اسمي غريب... اشبعت بالطف نحيب ...بحسرتي
راح ارجع بس مدري اشلون... أبدي بسالفتك
وكلشي ايصير اعله اختي ام عون... يا ماي بذمتك
وياحوبة گلبي المطعون.... لابد أتموتك
بموت السگاي... بين بيه التعب
بموت السگاي... جنت انته اكبر سبب
ما اضن يم الله تنشمل راح بعفو
بكربله شتطلبني ماخذت منك اخو
#أحمد #ماجد #الكلابي
نسألكم الدعاء
BY 🌴تجمّع الزهراء ع العاشورائي🌴
Warning: Undefined variable $i in /var/www/tg-me/post.php on line 283
Share with your friend now:
tg-me.com/tajalzahraa1/83581