tg-me.com/tajalzahraa1/83577
Last Update:
#محرم1446
صدك مات الاخو...ليش اوياك ما جبته... صدك مات
صدك مات الاخو.... اشصار ومارجع لأخته... صدك مات
احجي وياي.... يلساكت تره ظهرك اجه يحجي
مدري اعليك... لو مدري لابو فاضل اون وابجي
صدك مات............ صدك مات
..............................................
اول مره تسكت هيج... ياهو العلشريعه امسمعك احجايه
وليش امترب ومهضوم... وليش اتلوج يمي وشابگ الرايه
شصاير يلجنت عالماي... اشوف افطور شفتك صارن اهوايه
تون سكته اشعجب
تعب گلبك تعب
شنو المنه انهب.... يخويه
رگض بيك العمر
شجره ابعز الظهر
وتعاين عالخدر.... يخويه
بطارف السانك ليش حابس سوالف
طلع الحجي المضموم من ياهي خايف
شكو يم النهر...عليك اعيوني والخوه... اكبرت ليش
شكو يم النهر... وتنتفس احس گوه... اكبرت ليش
وين تريد... منانه الخيم شو تيهت دربك
كافي ادموع... بس شويه هوّد لا يگف گلبك
صدك مات......... صدك مات
................................................
قبل لا تصل واتلگاك.. وصل لاخيامي صوت اطبول ذيج الناس
يلمعلمني اشيل الراس... اول تالي هيج امهبط انته الراس
واليوجعني تشهگ ليش... كلما جبنه طاري العلگمي وعباس
كثر ما مختلف
احس شابع نزف
اوديمن عرف.... يخويه
أنه بعازة خبر
يجيني امن النهر
عدل كون الگمر.... يخويه
شأخر اخينه اهناك امشيله خلني
شو گلبي عالعباس گضني وعصرني
وحگ امي وعلي...تعبانه وبديت اذبل... بطه اهواي
وحگ امي وعلي...رگض امشيله اذا تقبل... بطه اهواي
گال الجود... حسبة بس اترسه ماي لسكينه
بس من راح... كلما يمشي خطوه يلتفت لينه
صدك مات.......صدك مات
...........................................
فبعد ذلك الكلام المبكي يجيبها مولاي سيد الشهداء ع بدموع وانكسار
امنيتي احجيلج اعله الصار... راح اگضيها أشر وانتي افهميني
صوتي عفته يم عباس... هالضليت ساكت يختي اعذريني
يم عون ارجعت ماشوف.. الطف جر گلبي مني مدري اخذ عيني
اخذ حيلي النهر
اطلبنه ظهر
اشبعت يمه قهر... يخويه
ادور عن دفو
نبگت يختي اخو
وشمت بيه العدو..... يخويه
گلت ابينلها ابخير وعلت اعله صبري
بس الصدگ يم عون يوجعني ظهري
حرت مدري شكثر... وكلتني بعينها الوادم... أخوه طاح
حرت مدري شكثر.... جي عباس ضل نايم... أخوه طاح
ماكو اجفوف... شبگته وما گدر عباس يشبگني
گتله ارتاح..... بجه ومن مستحاته باسني بمتني
صدك مات......... صدك مات
............................................
السهم أمن بعينه ونام... طفت وحده والاخره شفت بيها انتي
يزينب واني احجي اوياه.... اواحد بالحجاره گطع سالفتي
وكل الطف وگف فرحان.... واعاين وحّدي واگف ابفاتحتي
أنه راعي الهله
وحيد ابكربله
وعليه كل المله... يخويه
اوگعت يم اللوه
وبجينه احنه سوه
هوى حاضن هوى... يخويه
خايف عليّ عباس گدامي كابر
وضلينه نبجي اهواي واحد عالآخر
نلجم مدري انجوه... ضل عالرمل يتگلب... بالاسهام
نلجم مدري انجوه... واحسه يريد يتگرب... عالاخيام
اوساده تراب.... حط اعليها خده وعالخيم عاين
مدري شراد..... اعيونه امن البواجي والخجل طاحن
صدك مات........ صدك مات
...............................................
حسبالي ارجع بعباس... ورحت مشتاگله بذاك الظهر والحر
گلت من ايده اشرب ماي..... لجن ضليت ادور عن أدي بالبر
وهاي التوجعج يم عون... يابس كله اخوج الجان كله أخضر
الهوى بعيني زغر
اعتذر عن هالخبر
لجن مات الگمر..... يخويه
بعد ماكو امل
ابو فاضل رحل
التحبينه انجتل... يخويه
يمدلله لسوط حضري عبيجن
وبس الله يدري شلون خايف عليجن
وحسبيني متت... شعيش بدون ابو فاضل... بدي مات
وحسبيني متت.. راح الجان الج كافل... بدي مات
وغمضي العين... يختي من أطيح بيدي عاموده
راح ابعيد.... عضيدي انسي بعد يرجعلج بجوده
صدك مات........... صدك مات
#أحمد #ماجد #الكلابي
BY 🌴تجمّع الزهراء ع العاشورائي🌴
Warning: Undefined variable $i in /var/www/tg-me/post.php on line 283
Share with your friend now:
tg-me.com/tajalzahraa1/83577