tg-me.com/tajalzahraa1/83565
Last Update:
#محرم_1446هـ
( راهب العاشر )
يابو چف الساقي .. يل الأوحّد الباقي
يا سـيد الــقــاده .. طـشّـر بالاعـنـاقي
يا قـاهــر وكـاسر .. يا راهـب العــاشر
حيدريه اوصافك .. يا مـزهـق الكـافـر
يلمحدب المهـر .. ابـد ما تنكسر
ربيت اعلشيهم .. يلمشيم الخدر
روحك .. روح المرتضى
روحك .. توصل للفضا
روحك .. تاج الرافضه
عباس .. عباس .. ياغياث الخيم
• • • • • • • •ـ
ما تـرد عن قـرارك .. يا دخيل اختيارك
شيط اعله المطهم .. واحرگـهـم ابنـارك
هاي الحرب عيدك .. من أيـدك الأيـدك
عيد العلي امجاده .. وزلــزلهــا بعنـادك
يگاطع كل درب .. لقد حلَ الرعب
فقـارك بالـوغى .. شلع حته الگلب
سيفك .. رايـد قـارعه
سيفك .. فنه الصارعه
سيفك .. للحومه دعه
عباس .. عباس .. ياغياث الخيم
• • • • • • • •ـ
يا ملحـمـة حـيــدر .. قـالـع جـذور الشر
تطوي السمه اعليهم .. بجفوفك وتگـدر
يا صاحــب الــرآيه .. ســويـهـم اسـوايه
بس اخـزر الشاطي .. يـركـضلك ابـمـايه
انّا ابـن ام الـوفه .. اجيكم عـاصفه
صدح صوتك تره .. دمه الوادم چفّه
يومك .. والموعد بده
يومك .. تذبحهه العده
يومي .. بالـعايــل حده
عباس .. عباس .. ياغياث الخيم
• • • • • • • •ـ
يلعجازي ابفـنـونـك .. تحديت اليجونك
كلشي يردم سيفك .. من تحومر عيونك
انته بـدر الـهـواشم .. تفني الشرك عـازم
تسجد على اخيامك .. غصباً على الوادم
يرب المـرجله .. يـ سيد كربله
ينادوك العطش .. يصگار الفله
وينك .. صرخات الخيم
وينك .. يا راعـي الـعلـم
وينك .. يـا رب الـشـيم
• • • • • • • •ـ
- خيري الصفراني ✍️
BY 🌴تجمّع الزهراء ع العاشورائي🌴
Warning: Undefined variable $i in /var/www/tg-me/post.php on line 283
Share with your friend now:
tg-me.com/tajalzahraa1/83565