tg-me.com/tajalzahraa1/82929
Last Update:
( شجاعة مسلم )
……………………………………………………………
هله ابصگار الزلم •• مسلم ومحله الاسم
……………………………………………………………
هله يل حسين اخيّه وعلي يصبح عم اله
بينه ما بين ابو فاضل قسّموها المرجله
لوَن باقي الوحي وايه جان بيه امنزّله
حسين وبلايه ابن عمه وحشه صارت كربله
اتصوّر الحومه وشنو يحل بيها
مسلم وعباس طبوا ليها
ما يظل راس او جِدم •• مسلم ومحله الاسم
……………………………………………………………
شتطلع اخلاقه وصفاته الخلص سنين و زمن
درس تربايه وشجاعه و چان الاستاذ الحسن
ولذلك سيفه عزب موت لصحاب الفتن
ادلاله فوّرها ابجثثهم منهم ارواح انملن
انا ابن عم الكريم ينادي
الموت جاع وراح اشبعه ابزادي
وصاح عزريل ونعم •• مسلم ومحله الاسم
……………………………………………………………
هلهلت طوعه وتكله كوم يا بن حيدره
مثل عين النمل عسكر عالسطوح امجمهره
ابد ما هزتله شعره ولا تكدر خاطره
مبتسم ويگلها طوعه انا ابو طاهر تره
هاشمي وسوح المعارك عيدي
السيف يكبر قدره بس ابأيدي
ارگاب اطشنها وألم •• مسلم ومحله الاسم
……………………………………………………………
نزل يتمشه اعل كيفه غابه طباها الاسد
ابعينه من النمله اصغر شاف كل هذا العدد
وبمجرد لزم سيفه نص وره الحايط لبد
وقسم ما شالته اجدامه انرعب من عنده وگعد
محد اتقدمّله ظل ايناطر
گال ولكم جا نظل الباجر
يله راح انا اقتحم •• مسلم ومحله الاسم
……………………………………………………………
شيخ سيفه و ظل يسولف و اللِسِن مچتوفه
ارواح ماتلحگ تناوش سقر من اچفوفه
عود بس أگباله يذبح عالطراف ايعوفه
صاحت النسوان ولكم راح يگظي الكوفه
صاحت الشيّاب يمكن حيدر
رد يعيد اعلينه عركة خيبر
للنجف خلل ننهزم •• مسلم ومحله الاسم
……………………………………………………………
خلصوا وارسل القائد لبن مرجانه الخبر
ودلي كل اجنود عندك لا تخلي ولا نفر
تره ماكو ازلام ظلت والبقت چومة وذر
اعلن الانذار فورا ميه بالميه الخطر
شويه ويطب للقصر ويشوفك
راس ما يبقالك اعله اجتوفك
وتدري بي فارس شهم •• مسلم ومحله الاسم
……………………………………………………………
✍️ ( سيد خضر الزاملي )
BY 🌴تجمّع الزهراء ع العاشورائي🌴
Warning: Undefined variable $i in /var/www/tg-me/post.php on line 283
Share with your friend now:
tg-me.com/tajalzahraa1/82929