tg-me.com/shaghufdreams/5748
Last Update:
لسه متزوج جديد بقالي شهرين والحمد لله زوجتي كويسة ، بس مش عارف ليه دايما بيجيلي تفكير ما كنت صبرت شوية وشفت حد تاني مثلا أكثر التزاما ، تكون كلية أحسن كده ،
مش عارف ده من الشيطان ولا ايه مع اني بغض بصري وكل حاجة بس مش عارف ليه كده أنا حتى مستغرب؟
ج/ طبعا شيطان..ومش هايسيبك
لو كنت استنيت كنت أخدت واحدة أحلى وأطول وعنيها بتنور في الضلمة وشعرها أخضر وعنيها صفره
وهي كمان ممكن الشيطان يستلمها:
لو كنتي صبرتي كنتي اتجوزتي واحد عريض المنكبين مناخيرة رفيعة وودانه أصغر
انت فيك عيوب زيها
وفيك نقص زيها
ده نزغ شيطان
لازم تعرفوا ان كل حلوة في اللي احلى منها
وكل وسيم في اللي أوسم منه
والسعادة الزوجية لا تحتاج للدكترة والهندسة ولا مدارس اللغات فالزوج والزوجة في البيت يتخليان عن المؤهل الدراسي و تبقى الاخلاق والطباع
الشيطان لما يرى بيت مسلم جديد يقام وحياة تبدأ و فيه زوجين سعيدين لن يتركهما ابدا..
لهذا تكثر المشاكل قبل الزفاف دائما...نزغ شيطان!!
وسيتلون ويتلوى ويجتهد ليفسد بينكما فاحذر وكن دائما ذاكرا لله انت و زوجتك
زوجتك حبيبتك ونور عينك...خد بالك منها الله يرضى عليك ويجعلها قرة عينك ويجعلك قرة عينها.
د/حنان لاشين.
BY ✨احاسيس طبيب✨
Warning: Undefined variable $i in /var/www/tg-me/post.php on line 283
Share with your friend now:
tg-me.com/shaghufdreams/5748