Science

بقايا DNA ميتوكوندريا الخلايا العصبية ممكن يوصل لDNA النواة ويخلينا نموت بعمر اصغر


الميتوكوندريا هي وزارة الكهرباء بخلايانا او تكدر تمثلها ببطاريات هي مسؤولة عن توليد الطاقة الكيميائية (ATP) الي يحتاجها الخلايا والجسم بشكل عام ليسوي فعالياته الايضية ومختلف نشاطاته.

يُعتقد انو الميتوكوندريا قبل كم مليار سنة جانت كائن بدائي النواة، هذا الكائن جان عايش وحده وسعيد بحياته لكن بيوم ما استولى عليه خلية اكبر منه، وعاش داخل هلخلية بعلاقة تكافلية هي وفرتله احتياجاته وهو وفرلها احتياجاتها وبقو عايشين سوه لحد هليوم.

لكن هلكائن جان على مدى فترات زمنيه طويلة ينقل جزء من الجينوم مالته الى جينوم نواة الخلية الي موجود داخلها.


بحث جديد لفريق من باحثين من جامعة كولومبيا لكه ان الاشخاص الي عدهم معدل عالي من DNA الميتوكوندريا المدموج بDNA النواة الخلايا العصبية (nuclear mitochondrial insertions) او اختصاراً NUMTS كانوا اكثر عرضة ليموتون بعمر اصغر من اقرانهم الي عدد الاندماجات عدهم اقل.

يعتبر ال NUMT بالخلايا الجنسية (يورث) نادرة عند البشر، من بين كل 4000 ولادة فقط واحد يكسب NUMT وحده، وهلآلية مو بس عند البشر وانما موجوده حتى عند حقيقيات النواة اللخ مثل الخميرة وغيرها.

يتصرف ال NUMT كفيروس من يدخل للنواة مال خلية يقطع جزء من الجينوم مالتها ويلصق نفسه او يتصرف مرات كجين قافل retrotransposon يتحرك من مكان لاخر بالجينوم.

الابحاث السابقة اكتشفت انو هلشي ارتبط بخطر الاصابة ببعض انواع السرطانات والدراسات على NUMT اكتشفت هم انو كانت تسرع الشيخوخة عند خلايا الخميرة yeast cells.

للذك العلماء فكروا يشوفون تأثيرها بالخلايا الغير تناسلية non-reproductive cells (لاتورث) عند الانسان ومدى تأثير تراكمها طول فترة الحياة على الشخص.

دراستهم سووها على عينات دماغية وعينات دم (الخلايا المناعية) لاشخاص ميتين تبرعوا بيها لدراسات طويلة الامد لدراسة الاضطرابات العصبية.
اخذو عينات من مناطق مختلفة من الدماغ وعينات دم ل 1200 شخص.


كانت النتيجة انو لكو بعض الانسجة  طويلة العمر كانت تحتوي على ذاكرة كاملة لادخالات ال NUMT.
فمثلا خلايا الفص الجبهي الظهراني dorsolateral prefrontal cortex  كانت تحتوي على ادخالات اكثر ب5.5  مقارنة بخلايا المخيخ cerebellum.

واستنتج الباحثين ان الاشخاص الي خلاياهم العصبية تحتوي على ادخالات NUMT اكثر يموتون اسرع من اقرانهم الي عدهم اقل، مقابل كل ادخالين يقل عمر الشخص 10 سنوات.

وتجارب على human skin fibroblasts لكه الباحثين ان بالمتوسط  يتكون  NUMT واحد جديد كل 13 يوم، وهلمعدل يزداد كل ميكون الميتوكوندريا متعرضة لاطفرات اجهاد اكثر stressful mutations.

journals.plos.org

Somatic nuclear mitochondrial DNA insertions are prevalent in the human brain and accumulate over time in fibroblasts

Somatic nuclear mitochondrial DNA (Numt) insertions are mito-nuclear gene transfer events that can arise in the germline and in cancer. This study shows that Numt insertions arise spontaneously and accumulate in brain tissues during development or over the…

www.tg-me.com/us/Science/com.science9897/7741

1.0K viewsS=K log w, Apr 17 at 19:19

بقايا DNA ميتوكوندريا الخلايا العصبية ممكن يوصل لDNA النواة ويخلينا نموت بعمر اصغر


الميتوكوندريا هي وزارة الكهرباء بخلايانا او تكدر تمثلها ببطاريات هي مسؤولة عن توليد الطاقة الكيميائية (ATP) الي يحتاجها الخلايا والجسم بشكل عام ليسوي فعالياته الايضية ومختلف نشاطاته.

يُعتقد انو الميتوكوندريا قبل كم مليار سنة جانت كائن بدائي النواة، هذا الكائن جان عايش وحده وسعيد بحياته لكن بيوم ما استولى عليه خلية اكبر منه، وعاش داخل هلخلية بعلاقة تكافلية هي وفرتله احتياجاته وهو وفرلها احتياجاتها وبقو عايشين سوه لحد هليوم.

لكن هلكائن جان على مدى فترات زمنيه طويلة ينقل جزء من الجينوم مالته الى جينوم نواة الخلية الي موجود داخلها.


بحث جديد لفريق من باحثين من جامعة كولومبيا لكه ان الاشخاص الي عدهم معدل عالي من DNA الميتوكوندريا المدموج بDNA النواة الخلايا العصبية (nuclear mitochondrial insertions) او اختصاراً NUMTS كانوا اكثر عرضة ليموتون بعمر اصغر من اقرانهم الي عدد الاندماجات عدهم اقل.

يعتبر ال NUMT بالخلايا الجنسية (يورث) نادرة عند البشر، من بين كل 4000 ولادة فقط واحد يكسب NUMT وحده، وهلآلية مو بس عند البشر وانما موجوده حتى عند حقيقيات النواة اللخ مثل الخميرة وغيرها.

يتصرف ال NUMT كفيروس من يدخل للنواة مال خلية يقطع جزء من الجينوم مالتها ويلصق نفسه او يتصرف مرات كجين قافل retrotransposon يتحرك من مكان لاخر بالجينوم.

الابحاث السابقة اكتشفت انو هلشي ارتبط بخطر الاصابة ببعض انواع السرطانات والدراسات على NUMT اكتشفت هم انو كانت تسرع الشيخوخة عند خلايا الخميرة yeast cells.

للذك العلماء فكروا يشوفون تأثيرها بالخلايا الغير تناسلية non-reproductive cells (لاتورث) عند الانسان ومدى تأثير تراكمها طول فترة الحياة على الشخص.

دراستهم سووها على عينات دماغية وعينات دم (الخلايا المناعية) لاشخاص ميتين تبرعوا بيها لدراسات طويلة الامد لدراسة الاضطرابات العصبية.
اخذو عينات من مناطق مختلفة من الدماغ وعينات دم ل 1200 شخص.


كانت النتيجة انو لكو بعض الانسجة  طويلة العمر كانت تحتوي على ذاكرة كاملة لادخالات ال NUMT.
فمثلا خلايا الفص الجبهي الظهراني dorsolateral prefrontal cortex  كانت تحتوي على ادخالات اكثر ب5.5  مقارنة بخلايا المخيخ cerebellum.

واستنتج الباحثين ان الاشخاص الي خلاياهم العصبية تحتوي على ادخالات NUMT اكثر يموتون اسرع من اقرانهم الي عدهم اقل، مقابل كل ادخالين يقل عمر الشخص 10 سنوات.

وتجارب على human skin fibroblasts لكه الباحثين ان بالمتوسط  يتكون  NUMT واحد جديد كل 13 يوم، وهلمعدل يزداد كل ميكون الميتوكوندريا متعرضة لاطفرات اجهاد اكثر stressful mutations.

BY Science