tg-me.com/sakiAtashi/4906
Last Update:
جبل الصبر سلام الله عليها
عند رجوعها الى كربلاء الاربعينينه
خويه اجيتك مالكيتك بس تراب
ناري بيه جن سريه بس عذاب
*اكعد وحاجيني**
*
من وصلت لكبرك بروحي النياح.زينب اني
باينه اعل جفوفي آثار اجراح. زينب اني
جبت راسك جسد عفتك هذا حاله
ونته ابن سيد الامامه والنباله
القاتلاك الباع دينه والرساله
دمك براسك اشوفه وكلبي ذاب
ناري بيه جن سريه وبس عذاب
*اكعد اوحاجيني**
✍طالبةالزهراء
***
من وصلنه هاج بكليبي الحنين.. يا غربتي
صحت وينك ياحبيبي ياحسين.يا غربتي
بس حضنت الكبر واشتم ابتربهم
ضني يفزون الي ويلكون اختهم
فار كلبي من الهظم من عاتبتهم
حسره زادت بيه نادت يامصاب
ناري بيه جن سريه وبس عذاب
*اكعد اوحاجيني **
✍ام حيدر العباديه عماره
***
حسره والام وحزن باين عليه
يبن حيدر
شاب جفني والرمش بالغاضريه
يبن حيدر
كلبي بيه النار شبت من وصلتك
اكعد وخليني اشمك من ركبتك
حيل مشتاكه الك يابعد اختك
شرد آلاكي دمعي ساجي بلا جواب
بصوت انادي لجن مااسمع جواب
ناري بيه جن سريه وبس عذاب
*اكعد اوحاجيني **
✍️ ام نور الزهراء الزينبيه
**
من وصلنه وطحت خويه أمن النياك..هذا حالي
صحت خويه حسين عذبني الفراك..هذا حالي
طحت فوك أگبورهم والگلب ملچوم
أجيت وأمحمله أبرگابي أهموم وأهموم
ريت ياخويه العمر بجفاك ميدوم
زاد خوفي طفه شوفي وبس سراب
ناري بيه چن سريه أوبس عذاب
*اكعد اوحاجيني **
✍🏻الشاعره عاشقة كربلاء الطف ام محمد آل درويش
*
خويه جيت بحزني ومحمله الهموم
ياحبيبي..
تلكه ظعني يبو اليمه انهضلي كوم
ياحبيبي
اكعد وشوف اليتامه ياولينه
وشوف يحسين الحبل جارح بدينه
وشوف سوط الشمر ويلي طبع بينه
يا هظمتي يا بلوتي اوي الغياب
ناري بيه وجن سريه بس عذاب
*اكعد اوحاجيني **
✍️ام حسين الفريداوي
****
تمت القصيده بأقلام شعرات رابطه الطفوف
لا نجيز حذف الاسماء
......
https://www.tg-me.com/us/قناة الشاعره طالبه الزهراء القريشي/com.sakiAtashi
BY قناة الشاعره طالبه الزهراء القريشي
Warning: Undefined variable $i in /var/www/tg-me/post.php on line 283
Share with your friend now:
tg-me.com/sakiAtashi/4906