📢 “Rahbar va yoshlar” uchrashuvi davom etmoqda!

📆 2025-yil 14-mart kuni Toshkent davlat transport universitetida navbatdagi “Rahbar va yoshlar” uchrashuvi bo‘lib o‘tdi. Tadbirda quyidagi rahbarlar ishtirok etdi:

1.“Temiryo‘linfratuzilma” AJ Qo'qon mintaqaviy temir yo‘l uzeli filiali boshlig'i - Millajonov Baxtiyor Parpievich
2.“Temiryo‘linfratuzilma” AJ Qo‘qon mintaqaviy temir yo‘l uzeli filiali Xodimlar va ijtimoiy masalalar bo’limi boshlig‘i - Sottorov Bekzod Baxtiyorovich
3.“Temiryo‘linfratuzilma” AJ Qo‘qon mintaqaviy temir yo‘l uzeli filiali Marketing va shatnomalar bo’limi boshlig‘i - Ubaydullayev Dilshod Hamidjonovich

Uchrashuvning asosiy maqsadi – bitiruvchi talabalarni sohaga jalb qilish, transport, raqamlashtirish va logistika yo‘nalishidagi dolzarb masalalarni muhokama qilish, shuningdek, talabalarga kelajakdagi kasbiy yo‘nalishlarini belgilashda ko‘mak berishdan iborat bo‘ldi.

💡 Tadbir davomida tashkilot rahbarlari o‘z korxonalarining faoliyat yo‘nalishlari, kelajak rejalari va innovatsion loyihalari haqida batafsil ma’lumot berishdi. Yangi kadrlar uchun qo‘yilayotgan talablar, universitet talabalarini amaliyotga jalb qilish hamda ishga qabul qilish imkoniyatlari haqida ham tushuntirishlar berildi.

🗣 Talabalar o‘zlarini qiziqtirgan savollar bilan faol ishtirok etib, mutaxassislardan sohaga oid muhim javoblarni olishdi. Uchrashuv davomida transport va logistika sohasidagi zamonaviy texnologiyalar, ilmiy tadqiqotlar va raqamli innovatsiyalar bo‘yicha qizg‘in muhokamalar bo‘lib o‘tdi.

🎁 Tadbir yakunida talabalar tashkilot rahbariyati tomonidan esdalik sovg‘alar bilan taqdirlandi.

📢 Transport sohasi vakillari va talabalar o‘rtasidagi uchrashuvlar davom etmoqda! 🚆

Bizni kuzatib boring
Telegram | Instagram | YouTube | Web-sahifa