tg-me.com/lawlaw1400/1456
Last Update:
تاڵەکانم چەن لە ئاکارت دەچن
لوول و تاریک و بڕێک شپڕێو و شێت
وازی لێ هێنا لە پەنجەت تەل‌ژەنین
چاوم ئەمما ماوە هەر وا چاوەڕێت
چی دەبێ جارێک لە شێعرێکی شەوێم
سەربنێیتە گێژەڵووکەی زەردی مووم
من نەسووتێم ئەم چەلە و باڵم نەچێ
نەبمە پەروانە لە دێڕت، نەبمە مووم
شەمعەکە خۆت بیت و پەروانە و ئەشق
ناز و شێعر و دابڕان و هەڵوەرین
شەونخوونی و ڕاکەڕاکی هەستەکان
کاری تۆ بن، من بە قاقا و پێکەنین
ڕابرم یەک لەحزە، مۆڕەت لێبکەم
فیز و غەمزەم بێ، فڕ و فیلم سوار
نوور و نێوچاوان گرژ، تووڕە و نەبان
خێسە خێسم بێ، دەم و لووتێکی خوار
هێندە ئازارت بدەم تا کوو دڵم
داکەوێ، لەم زەبر و زەنگەی لێکەوێ
بچتە نێو جەنگەی ژیانی بێ‌دڵی
جەنگی ئەوجارەم ڕەبی دڵ، سەرکەوێ
ئەم خەیاڵە خاوە خۆ ناتکاتە ماڵ
بیبڕەوە دڵ! بۆڵە بۆڵ و ناڵە ناڵ
هەستە ئەمڕۆشت وەکوو ڕۆژانی تر
هەر چی ئێحساسە گورج بینێوە چاڵ
با ببەستم تاڵەکان و هەستەکان
هەستمەوە بۆ ململانێ و پەت‌پەتی
داوی ئەمڕۆکەت دەبێ ئاخۆ چ بێ؟
هەر بە من وەستای ژیانی نەگبەتی!؟
لەیلا بەهرام‌بەگی "لاولاو"
کۆتاییەکانی خۆم و ۲۷۲۳
https://www.tg-me.com/us/لاولاو/com.lawlaw1400
BY لاولاو
Warning: Undefined variable $i in /var/www/tg-me/post.php on line 280
Share with your friend now:
tg-me.com/lawlaw1400/1456