tg-me.com/alsmahaegthad/9968
Last Update:
مهما كنتي مرهقه وتعبانه طلعي ليك زي ساعه كده لي جيهتك وكبرتك.بمعني انو لازم تاخدي بوختك وتكوني مراة مهذبة وريحتك تسوي كدي يايمه..اولا بالتبادي بعد تطلعي ابو الشباب والعيال للشغل سوي فطورك سريع سريع وقولي كدي يايمه جيبي حطباتك ااااي حطباتك اديهم غسله خفيفه عشان تزيلي الغبار ولو فيو سوس يقع في الغسيل..وقوووولي كده يايمه اخدي بوختك ولو جسمك متعود علي الدخان مااالو كتري الجمر عارفه لشنو؟دخان الجمر بشيل زي التمر..بس ماتبقي خفيفه كل 5دقائق تمرقي في يدك ورجلك عشان تشوفيو شال ولا ماشال..المهم خملتك ظبطتك وشالت..بس قبلي تجيك فلانه جارتك وتلخمك ورحكاكي ناس فلانه وفرتكانه..خليك سريعه.كورة مديدتك ودهنك جمبك ودلكتك جمبك..طوالي دلكي جسمك اوووعك تكسلي.ومن كركارك داك ادي الشعر دهنه خليو ينور حبه..شري شملتك عشان العرق مايغير ريحتها وارفعي الطلح بتاعك ماتبقي خمله.وطوالي علي الحمام غسلي وشك وكحلي عويناتك...اجششش عاد انتي الاولي كده وبتشوفي روحك مراة بتشبهك مافي ..غيري قميصك ..اجي يابنات امي الجيهه حالي وحالكن قولن امين ...اوعك تخلي العاده دي..الساعه 4العصر لمن تجي اقشري بالاسكيرت والبلوزة ماتنسي الستيانه ..ولعي ليك حبة بخور..عاد فلان يسوي اح اح من خشم الباب..دي حالتها مقدمات بس ههههههه طبعا لمن تكوني مدخنه الريحه بتشيل فيك برااااها قادر الله وبتثبت وبتلقي روحك شغاله فووو فووو بلا شغله تدخلي وتمرقي عاجباك ريحتك توزعي بيها ..خلي المغرب ياذن جيبي داك يا الشاي وادخلي وامرقي واتفنقسي واتصنعي في المشيه..الراجل لو قالو ليو داك الشارع مابفوتك ههههه المهم صلي العشاء من بدري ونومي الحلوين عشان المدارس..جيبي عجنة محلب حتيته في كفت يدك بليها بي حبة خمرة وحبة مويه ومرريها في جسمك واحتفظي بالحتات ماتدفقيو..وولعي بخورك وليلة سعيييييييده...
الجييهه فلااااااحه
BY السماحة اجتهاد😌💃
Warning: Undefined variable $i in /var/www/tg-me/post.php on line 283
Share with your friend now:
tg-me.com/alsmahaegthad/9968