tg-me.com/MedX_channel/1995
Last Update:
#MedX
#MedX_surgery
#pacemaker
#ناظم_الخطا_الصنعي
مدة القراءة :دقيقتين⏰
〰〰〰〰〰〰〰〰〰〰〰〰
كلنا منعرف أنو القلب بينبض ذاتياً ومابحتاج لبطارية أو جهاز حتى ينبض🤓
وأنو هالنبض بيتولد من مجموعة خلايا الجزء العلوي من القلب (العقدة الجيبية) وبينتشر للأسفل ، مسبباً انقباض القلب وضخّ الدم وطبعا هالشي بيتكرر بانتظام
لكن ....!! في حالات مثل الشيخوخة و تلف عضلة القلب أو بعض العيوب الوراثية بتعمل اضطراباً في إيقاع القلب "arrhythmias" يعني بتخلي القلب ينبض بسرعة أو بيبطئ لهيك رح نلجأ لزرع جهاز بيعدل النبض ليصير منتظم💯
اسمو #ناظم_الخطا_الصنعي
هالجهاز بيتألف من مولد نبضات وموصلات (أقطاب)😑
منجي للكلام المهم😃
نحن ايمت منلجأ لزرع هالجهاز !؟
قال لما القلب بينبض بسرعة كبيرة أو ببطء شديد أو بشكل غير منتظم ، وبالحالات دي ما بيحصل الجسم على حاجته من الدم وبالتالي رح يصيب المريض
تعب / إغماء / قصر نَفَس / ضرر بالأعضاء الحيوية (دماغ كبد كلية )
وممكن تتطور حالتو عند الشدة لفقدان وعي ووفاة
هون بيجي دور الطبيب لحتى يزرع هالجهاز و يتعدل النبض والأعراض السابقة رح يتخلص منها المريض .
معناها كل ما حدا قلبو أسرع أو بطّأ منزرع هالجهاز السحري و انتهينا 😃؟؟؟؟؟
أكيد لاااء
قبل عملية زرع الجهاز لأي مريض لازم يخضع لإجراءات طبية هي
📌مخطط كهربية القلب (ECG) "Electrocardiogram" : يقيس الإشارات الكهربائية للقلب
📌جهاز هولتر " Holter Monitoring" : بيسجل معلومات عن النشاط الكهربائي للقلب اثناء القيام بنشاطات ولمدة يوم أو يومين
📌 مخطط صدى القلب " Echocardiogram" : استخدام موجات الصوت لتصوير نبض لقلب
📌اختبار الجهد (التحمُّل) " Stress Test" : أحيانا المشاكل القلب ما بتظهر إلا أثناء التمرين لهيك بيلجأ الطبيب لتخطيط القلب قبل وبعد المشي ليتاكد من وجود هالمشاكل
📌وفي بعض الحالات يتمّ عمل المسح الذرِّي أيضاً.
- كيف ممكن يزرعه الطبيب للجهاز دا ؟؟
بيتم إدخال سلك أو عدة أسلاك معزولة بوريد رئيسي تحت أو بالقرب من عظمة الترقوة ومنوجهو للقلب باستخدام التصوير بالأشعة السينية X-Ray .
وبعدها بيتم تثبيت طرف كل سلك بالمكان المُناسب في القلب، و الطرف الآخر رح نربطه بمولد الصدمات الموجود تحت الجلد أسفل عظمة الترقوة.
العملية بتصير من خلال التخدير الموضعي يعني مش هتغمض عينيك😁
وممكن يكون زرع الجهاز مؤقت أو دائم
.
.
يعني المريض هو اللي بيختار هالشي🤔 ؟؟!
أكيد لاء
منزرع الجهاز مؤقتا في حالات معينة متل
👇👇
💢تناول جرعة مفرطة من الدواء
💢 بعد عملية جراحية للقلب
💢 التعرض لنوبة قلبية
وطالما الجهاز المؤقت موجود رح يضطر المريض للبقاء بالمشفى
أما في حالة زرع الجهاز الدائم رح يبقى المريض لمدة يوم وبعد كدا رح يرجع لحياتو الطبيعية بس مع شويونة تعليمات لازم يتبعها😇
إبعاد الهاتف الخليوي عن الجهاز المزرع 15 سم يعني مو يخطرلكن تحطو الموبايل بجيب القميص📱
في حال تتسافر تأكد أنو معك بطاقة تثبت وجود جهاز النظم المزروع _ هو عبارة عن معدن خالي من الرصاص _ لأنو في حال اقتربت من نظام الكشف المعدن رح يبدأ يرن 😂 لهيك تجنب حدوث هالشي بوجود البطاقة 🏷
في حال رح تتعاين عند طبيب لتشخيص مرض معين فلازم يعرف بوجود هالجهاز حتى ولو كان طبيب أسنان لازم يعرف
منشان ماتتداخل الإجراءات الطبية مع وجود هالجهاز🔀
طيب حكينا عن الشغلات اللي لازم تصير بعد العملية وقبل العملية في شي لازم يعمله المريض ؟!
في إجراءت بسيطة و ضرورية متل
⬇️⬇️
○ الاستحمام ، والطبيب هو اللي بيحدد نوع خاص من الصابون ، منشان تقليل خطر الإصابة بالإنتانات.
هلأ أكيد بيخطرلكن..عجب بيصير الواحد يتحمم يعد الزرع ولا بيتضرر الجهاز 🙄
لا أكيد بيصير لأنو الجهاز محمي تماما من ملامسة الماء 💧
○ إخبار الطبيب بالأدوية اللي رح تتناولها ، لتحديد إذا كان في ضرورة لإيقافها💊.
لحظة 😶....ماحكينا عن المخاطر للجهاز دا !! من الأخير مخاطر هالجهاز هو وجود مضاعفات بعد العملية وهي عالأغلب مضاعفات مؤقتة وغير شائعة ، بتشمل:
● العدوى في المكان اللي تم زرع جهاز تنظيم ضربات القلب فيه.
● رد فعل تحسسي للمخدر المستخدم أثناء العملية.
● تورُّم أو كدمات "bruising" أو نزيف "bleeding" في موقع المولد، خاصة إذا كنت عم تتناوَل عقاقير تمييع الدم.
● تلف الأوعية الدموية أو الأعصاب بالقُرب من جهاز تنظيم ضربات القلب.
وهيك منوصل لنهاية المقال عن هالجهاز العظيم🤞
إن شاء الله ما تحتاجو للجهاز لا هلأ ولا بالمستقبل😌
حافظوا على قلوبكن من المرض
👨⚕ومنتمنالكن دوام الصحة👩⚕
#MedX 💚
BY MedX
Warning: Undefined variable $i in /var/www/tg-me/post.php on line 283
Share with your friend now:
tg-me.com/MedX_channel/1995