tg-me.com/Kaifaaa/22190
Last Update:
سلّم على البانِين صرحا أتلَدا
شادوا منارا كي يدُل على الهدى
فبنوا مراقيَ للعلوم مدارجا
لتكونَ للطلابِ نهجًا مُرشدا
▫️معاشر المبتغين بهذا العلم رضوان الله؛ حياكم الله وبيّاكم، ومد سنا آثاركم، وزادكم عزمًا وهمة، هذه أبواب التسجيل قد فتحت وشرعت، فدونكم الرابط:
https://forms.gle/CmB3M71H57ya61589
*فتح باب التسجيل في البناء المنهجي الدفعة الأخيرة"))*♥️
ابدأ منين؟
أقرأ إيه؟
أقرأ لمين؟
ليه بدرس فترة كبيرة ومش بحس بتغيير حقيقي؟
هي دي الأسئلة اللي كانت سبب في إنشاء البناء المنهجي.
= إيه هو البناء المنهجي؟
- هو برنامج هيساعدك تتجاوز شتات المعرفة اللي باقينا فيه في عصرنا الحالي.
= مين المشرف عليه؟
- د. أحمد يوسف السيد.
= هندرس إيه فيه، ومدته قد إيه؟
- البرنامج مقسم لـ 3 مستويات، كل مستوى مدته حوالي سنة وبعض الشهور، مدة البرنامج كامل حوالي 4 سنين.
- كل مستوى مقسم لـ 3 مساقات (دورات)
• المساق الأول اسمه التأصيل الشرعي لدراسة العلوم الشرعية
( فقة، حديث، عقيدة، أصول، علوم القرآن، لغة عربية)
• المساق التاني اسمه البناء الفكري والسلوكي ده مساق خاص بالقراءة وفي المستوى الأول المطلوب قراءة 21 كتاب مُختارين، وبيكون مطلوب ليهم تلخيصات وبعض الواجبات الدورية.
• المساق الثالث وهو الحفظ ومن أفضل ما في البرنامج إنك في خلاله هتقدر تحفظ القرآن كاملا إن شاء الله، في كل مرحلة 10 أجزاء مع توفير معلمين ومعلمات للمتابعة والتسميع.
- القسم التاني من مساق الحفظ هو (حفظ الأربعون النووية، منظومة في النحو، قصيدتين في الآداب، قصيدة عربية).
= المتابعة إزاي؟
- بعد التسجيل بيكون موجود لينك قناة التليجرام وبينزل عليها جدول أسبوعي للمطلوب.
= حلو بس كل اللي فوق ده كم كبير أوي هاخده مع بعض؟
- بيكونوا مقسمين 3 أيام للعلم الشرعي و 3 أيام للجانب الثقافي ( القراءة) والقرآن بشكل دوري وبالتوازي معاهم، والمطلوب من القرآن حفظ 5 أوجه (صفحات) أسبوعيا.
= عندي دراسة ممكن مقدرش التزم وياخد وقت كبير.
- البرنامج محتاج من 45 دقيقة لـ ساعة يوميا، واحنا بنضيع ساعات كتير على سوشيل ميديا وكتير من الملهيات، وحقيقي دي فرصة عظيمة أنا ندمت إني مكملتش السنة اللي فاتت.
= التسجيل هيفتح امتى؟
- يوم ٦ يناير إن شاء الله وأول ما يفتح هعلن على قناة التليجرام الخاصة بيا اللينك في الكومنتات.
= فيه أي رسوم بدفعها؟
- البرنامج مجاني بالكامل، لكن محتاج التزام واستمرار.
= أنا في أكاديمية زاد اسيبها وأكمل في البناء؟
- لا، كمل في زاد لو كنت معتمد فيها على القراءة بس وقدم في البناء، لكن لو بتفرغ محاضرات زاد يبقى اختار برنامج واحد عشان متضغطش.
= طب إيه الفرق بين زاد والبناء المنهجي؟
- زاد بتديك الأساسيات اللي محتاجها كل مسلم، وهي عبارة عن علم فقط، ومجرد مشوار قصير، ممكن تكتفي بزاد لو مش حواليك شبهات، ودراستك للعلوم الشرعية عشان تظبط عباداتك وعقيدتك ومعلوماتك البسيطة، ولو وقتك مش هيسمح.
أما البناء المنهجي بتجيبلك الحكاية من الاول خالص، وعبارة عن علم وثقافة ليك، ورحلة طويلة.
- لما بيفتح كل سنة بعلن عندي على قناة التليجرام، هتلاقوها في أول كومنت.
أتمنى أكون وضحت كل الجوانب اللي محتاجينها.
• ملحوظة خدوا نوايا كتير قبل تسجلوا، اقعدوا فكروا هتسجلوا ليه؟ متسجلوش لمجرد إن الناس كلها هتسجل، فكروا واكتبوا أهدافكم وعلقوها قدامكم عشان بمجرد ما التسجيل يفتح تكونوا جاهزين نفسيًا وعقليًا وعندكم هدف واضح كمان.
خدوا نيات كتير واستغلوا الفرصة، بالتوفيق"))♥️
BY كيف وأخواتها؟🤔
Share with your friend now:
tg-me.com/Kaifaaa/22190