tg-me.com/Alfoatm16/1274
Last Update:
يابعد لونـي يبويــه شلــونك
ليش دمك نازل اعلى عيونك
..........................
يــااســد خيبــر يجتــــال العرب
يــاغياث الكل يجشـــاف الكـرب
شلون كيفك يابو كيف الماخرب
يــاسخي الـلاعنــك ولادونــك
..........................
دخيل جفك يابو جف الكله هاك
حيــد يــل الماتلتفت للظل وراك
راعــي نخــوه وتنتخي للمانخاك
حاضــر الشده علــي يسمـــونك
..........................
يلـي مــارد اليگصده بمطلبه
ياعلي يابو الهله والمرحبـــه
اليوم راسك شادينه بمعصبه
تشابهن لون العصابه ولـونك
.............................
هنا يل فراگك صعب ماينحمل
ليش بويه تلم رجل وتمد رجل
ردتك ليوم الطفوف تظل عدل
لشدتي يــل بالشدد ينخـــونك
............................
فدوه حاجيني يبــــويه مروتك
عين ماليـــــاش اصـــد لحالتــك
تخضبت من فيض راسك لحيتك
وتنلجم لـــــو رادو يضمدونـــك
...........................
ياعلي مسموم من گال الطبيب
رگضت ايتامك لبابك يالحبيب
بويه جابولك لبن هلبت تطيب
تكوم سالم يـــاعلي يريدونك
...........................
من طحت بويه طريح اعللوساد
ثلث تيــــام اليتــامه بلايـــه زاد
ياعلي يافارس السبع الشــــداد
الفقره وكت المغرب يتـــانونك
............................
انت هذا التنتجي اعليك السمــه
تنتجي اعللحسن من نزف الدمه
تقلـــع البيبـــــان اديــك معلمـــه
وهسه كل مــا تگعــد يسندونك
...........................
تبات جوعان وخبز تطي الفقير
وتطعم المسكين وتروي الاسير
يالبعد ربـــك فــلا مثلك جبيــــر
ولايصيــر بغيــــرك يقيســـونك
.........................
ياعلـــي مـــاصدگ يشيــلك نعــش
وداعة الله ونلتگي بليــل اهــدعش
منظل وحدي ويكتل حسين العطش
هناك يــابوالغــوث اريـــدن عــــونك
رائد الناشي
BY رائد الناشي
Warning: Undefined variable $i in /var/www/tg-me/post.php on line 283
Share with your friend now:
tg-me.com/Alfoatm16/1274