tg-me.com/AbuhassanAlmusawi2007/7801
Last Update:
قصيدة للزهراء عليها السلام…
ياشيعتي… ارد احچي بحروف الدمع
ياشيعتي… وشصار من طــــگ الضلع
بيت الحزن بي بس اون
مهضومه من كلمة وإن
ياشيعتي… ياشيعتي
:::::::::::::::::::::::::::::::::
انه البضعه .. چنت شمعه.. وابوي ايجله مقداري
انه الكوثر .. انه الاطهر ..ومهبط للوحي داري
المصطفى خير الورى يوميه چفي ايقبله
ياشـــــــيعة من بعد الابو لاظـل قدر لامنزله
بس دمعتي .. تركت على اخدودي جرح
بس دمعتي… نشــدوهه تلگون الشرح
ادفن بآهـــــــاتي دفن
مهضومه من كلمة وإن
ياشيعتي… ياشيعتي
:::::::::::::::::::::::::::::::::
على بابي ..يأحبابي.. اثر دگـــــات جبرائيل
وحي لوجاب.. يدگ عالباب.. اذن يطلب على التنزيل
فوگ الاثر حطو حطب ويه الحطب نار الحقد
شوگ ال هبل عدهم رجع رادو صنمهم ينعبد
ياحسرتي .. حتى عـــطر بابــــــي اختلف
ياحسرتي .. على اعتابه چم شامت وگف
وادري بالشامت مايحن
مهضومه من كلمة وإن
ياشيعتي… ياشيعتي
:::::::::::::::::::::::::::::::::
ستر وحجاب ..لذت بالباب.. وانه خير النسه يدرون
انا فاطم ..يهالوادم ..صحت واتأمل ايرجعون
حسيت بي بابي اندفع طبگوني عالحايط طبگ
مسمار بضلوعي نبت وسمعته ضلعي من يطگ
وي شوغتي .. اخ اسمعت من داخلي
وي شوغتي .. يايمه صاح الطعنه الي
محسن وكع زاد الحزن
مهضومه من كلمة وإن
ياشيعتي… ياشيعتي
:::::::::::::::::::::::::::::::::
رسول الله.. علي صلى.. برضاي اصحابه وصاهم
غضب يغضب.. لاجلي الرب..بهاي الهادي حاچاهم
دخلو على داري غصب محرابي ناده بشكوته
خد الترف چف انسطر اتلگه يارب سطرته
كل صيحتي .. يابويه غدرت امتك
كل صيحتي .. خانو يهادي وصيتك
ناديت مجروح المتن
مهضومه من كلمة وإن
ياشيعتي… ياشيعتي
:::::::::::::::::::::::::::::::::
يچذبوني.. ويسلبوني.. فدك من عندي غصبوهه
بشهادة زور.. ورأي مأجور.. كل افضالي نكروهه
قرآن الي شاهد شهد يردون يشهدلي بشر
گلت انه يشهدلي علي ينحاز گالو لو حضر
وبعبرتي .. مخنوگه ودموعي تهل
وبعبرتي .. للباري ادعــــي وابتهل
دمعاتي سالت عالوجن
مهضومه من كلمة وإن
ياشيعتي… ياشيعتي
:::::::::::::::::::::::::::::::::
الشاعر سيد فليح الموسوي ✏📖
https://www.tg-me.com/F_h_mo
رابط القناة 👇
https://www.tg-me.com/us/قناة الشاعر سيد فليح الموسوي/com.AbuhassanAlmusawi2007
BY قناة الشاعر سيد فليح الموسوي
Warning: Undefined variable $i in /var/www/tg-me/post.php on line 283
Share with your friend now:
tg-me.com/AbuhassanAlmusawi2007/7801