tg-me.com/AbuhassanAlmusawi2007/7286
Last Update:
قصيدة لعبدالله الرضيع عليه السلام…
لسان حال الرباب بعد عودتها من السبي الى كربلاء لحن ( جسام ياضنوتي )
عنك نشدني اشكثر مهدك
مهدك يعبد الله
وينه عطر الورد ناده بلكي يرد
مهدك مهدك يعبدالله
""""""""""""""""""""
خلصته ون اعليك درب السبي
بگليبي احسن بيك تــدبي دبي
بالك تخيب ارجاي وتـرد مطلبي
تتلگــه امـــك ردت تحبي حبي
رديت من سفرتي حظينك
يبني اشتهى اوصالك
هزه كثر البعد ناده بلكي يرد
مهدك مهدك يعبدالله
""""""""""""""""""""
جبته ييمه الماي اجيتك للگبر
يالمنـــذبح عطـشان در الصدر
عذبــني طيــف الـليل لمن يمر
احلم ييـمه اتـــلوع طــر الفجر
تبچي واعرفه السبب ادري
ادري السهم جارح
گلبي احس ينمرد ناده بلكي يرد
مهدك مهدك يعبدالله
""""""""""""""""""""
عبدالله يمه اجفاك فطّر چـــبدتي
وجرحهن الوجنات مجرى دمعتي
ريت الســــهم وياك حزلي رگبتي
عگبك يماي العيـــن شلي بدنيتي
كل ما اغمض الجفن تفزع
يبني والوليلك
وحشه خاف اللحد ناده بلكي يرد
مهدك مهدك يعبدالله
""""""""""""""""""""
گلي اشفت من دنيتـــك وارحلت
ست اشهر انت اصــحاح ماكملت
ردتك ذخــــرهه كبـــــرتي اتأملت
باحلامي يامه احلمت زلمه صرت
واحضر زفافك ردت ربعك
كلهم يهنوني
بهذا چنت اعتقد ناده بلكي يرد
مهدك مهدك يعبدالله
""""""""""""""""""""
ماادري يمه منـــين اجت كربله
ثاري الغدر شيمتهه نبلة حرمله
آهات گـــلب امـــك عليك انمله
بياصبر گـــلي افراگك ا تتحمله
گطعته يمه المهد ويلي
من شوغة اصوابك
ابچي واقره الحمد ناده بلكي يرد
مهدك مهدك يعبدالله
""""""""""""""""""""
الشاعر سيد فليح الموسوي ✏📖
https://www.tg-me.com/F_h_mo
رابط القناة 👇
https://www.tg-me.com/us/قناة الشاعر سيد فليح الموسوي/com.AbuhassanAlmusawi2007
BY قناة الشاعر سيد فليح الموسوي
Warning: Undefined variable $i in /var/www/tg-me/post.php on line 283
Share with your friend now:
tg-me.com/AbuhassanAlmusawi2007/7286