فزاعيه للدفنه

يادفان عندي عتاب وياه
ريض لاتغطي حسين بثراه

...........
عندي عتاب ويه الدللاني
مايدرون بالضيم الفاني
افراكه والهظم غير اللواني
عزيز الروح مشتاكه عالمكاه
........
انه اشتاكيت لحبابي الاودهم
امشي باليسر والروح عدهم
اتمنه حاضره بساعت دفنهم
اشمن عطر ااخيي واكعد احضاه
........
اشمن ريحته العنت عليه
واكله وداعتك ماحيل بيه
روحي معلكه بالغاضريه
ماراحت يوالي ضلت هنا
.......
ياخال الولد عتبك ازيده
عندي عتاب والعباس اعيده
واكله اشلون بدروب البعيده
ضعنك ياغيور الشمر وداه
.......
تاني خل تجي زينب يدفان
مهظومه وتريد اتشوف الاخوان
وتكله بالمتن يحسين نيشان
ماتدري الشمر بالسوط طكاه

.......

هاي القصيدة من كتاب الماسي العلويه الجزء الحادي عشر

.✍إم زينب كربلاء
غير مبري الذمه الي يتلاعب القصيده او يحذف اسم الشاعره

https://www.tg-me.com/القلم الحسيني/com.amAli30

يا ناكه شجاج وما عرفتيني
بلله امشي اعله كيفج لا تطيحيني
*
فاركني العزيز وطول افراكه
ومشتاكه لخوتي اهوايه مشتاكه
نزليني اعله هونج بلله يا ناكه
خافنج كبرتي وضيعيتيني
****
للعباس اصد ونوبه اصد لحسين
طريت الصحاري ويجري دمع العين
بزينب وين يا ناكه صحت تردين
امن اتعرجين يا ناكه تعذبيني
**
كمت الراس اهبطه من يشتموني
وانواع الحجي كامو يسمعوني
بحجار وعصي ضلو يراموني
من الناس بيدي كمت اسد عيني
****
يا ناكه اعله هونك بالمشي واني
انه الضيعيت بكربله اخواني
يتفرج عليه القاسي والداني
ردت عباس يمي ويسمع اونيني
*





تاليت العمر بحبال مجتوفه
وبروس اخوتي طبيت للكوفه
اشبيها الناس كلها اعلينه مصفوفه
صحت وينك يجيدر كوم حاميني
***
من الناس في يا ناكه سويلي
اباتن بالخرابه اشلون كليلي
امصاب حسين عذبني وهدم حيلي
ومحتاره بيتامه ازغار تدريني
*
كلبي امن القهر ومن الحزن خلصان
والله ايعينها التبكه بلايه اخوان
تره اهوايه اهضمتني طبت الديوان
يا ناكه الهلي ناديت رديني
***
يا ناكه اشوفج حيل حنيتي
ومثل اونين زينب هيجي ونيتي
اليوم امن الزلم خالي صبح بيتي
يا ناكه بدمعتج حيريتيني
**
تمت
تحسين الخفاجي

https://www.tg-me.com/القلم الحسيني/com.amAli30

قصيدة اشتياق للإمام الحُسين ع
طور (لاحياة بلا عزاء) للرادود قحطان البديري
==============

مشتاكَ ازورك ياحُسين
وامشي بين  الحرمين
كَلبي حن لزيارتك يابو علي
😭😭😭😭😭
من بعيد ارسل سلام .. الك يا نعم
الامام
اقبلهه من بعيد هاي  زيارتي
ازورك اني من بعيد .. وانته تعرف شنهو
اريد
بس الك والزهره شوكَي ولهفتي

وحق عباس تره تجرح  الفركَه
شكثر اشتاكَ يغالي والله للملكَه

مرت ايام وسنين
مانسيتك يالحنين
بحبك انه والله كَلبي منملي
كَلبي حن لزيارتك يابو علي
😭😭😭😭😭
امنيتي صارت ياحُسين  .. امشي بين الحرمين
واشم ريحت حضرتك هاي امنياتي
مالي غيرك كل حبيب .. وانته لجروحي طبيب
واني الك نذريت عمري وكل حياتي

حبيبي انته وحق الطاهره الزهره
شكثر مشتاكَ اجي اتمشه بالحضره

كَلبي حن  لزيارتك
اتمنه اشوفن كَبتك
زيارتك يحسين اقسمهه الي
كَلبي حن لزيارتك يابو علي
😭😭😭😭😭
الك مشتاكَ  شكثر ..  والله عذبني
الهجر
اتمنه اشوفنك ولو مره بمنامي
امنيتي اشوفن بالمنام .. بس ضريح وبي حمام
بشوفتك مولاي حلوه كل ايامي

ازورك والله هايه امنيه  بدنياي
ذابحني حنيني وشوكَي يامولاي

حيل جارحني الحنين
ارد ازورك  ياحُسين
ياحبيبي واغله كل ناسي وهلي
كَلبي حن لزيارتك يابو  علي
😭😭😭😭😭
وحيد اني بلا أهل .. و بيك خليت
الأمل
بكلشي تدري وانته اعلم بالكَلب
ياابو كَلب الحنين .. تعرف كَليبي
الحزين
بين ناسي بس احس عايش غرب

امنيتي اجي يمك يابو السجاد
عذبتني غربتي والكَلب ما هاد

الغربه لا ماتنحمل
تعذب وتكتل كتل
بحالي تعلم انته يحسين الولي
كَلبي حن لزيارتك يابو علي
😭😭😭😭😭

تمت والحمد لله
بقلمي المتواضع
✍للشاعرة وخادمة الحُسين
          رقية العامري

https://www.tg-me.com/القلم الحسيني/com.amAli30

قصيده حزينه لمولاتي فاطمه العليله  س😭

       (  احن الهم و عاتبهم  )



احن الهم وعاتبهم واريد اهلي يذكروني

عتب ما فاد بيكم يلنسيتوني

ردت منكم تذكروني بيوم العيد

من افراك النحبهم حزن بيه ايزيد

مشو عني         نكطع ضني


واهلي بحزن خلوني

.........



انشدنج يدار البيج كعدتنه

خذت منه ليلالي ذيج لمتنه

كبل جنه بسعاده و الفرح عدنه

بعدهم سافرو و انهد حيلي

ضعنهم سار و كلبي حتار

احن الهم.  و اعاتبهم



.....


لاطارش ولا مكتوب شينهو العطل احبابي

كتب بكتاب وديته لعد عودي

عن حالي كلتله و رجع اجوابي

عزيزتهم    وون الهم

يجون بساع ماحسبت ينسوني


يالعرابي شلكيت حسين وحده و دمعته بعينه

غريب ولا وياه انصار يحشم محد يعينه

شتشوفين كطعي الياس ولا واحد تشوفينه


ثكل وني.    الحزن  همي


حسبت من اموت اهلي يحضروني

اون ليلي و نهاري و عيني اعله الباب

ياوكت يا شهر عليه تعود الاغياب

اريد اكتب رساله و بيهه اودي عتاب

يبويه اشلون      عليك ايهون


ويهل الضعن تانوني


هاي الخادمه ابكل وكت ممنونه

على علي البلدار ضلت تون محزونه

من افراك الحبايب و خوتي شلوني

سفركم وين.    يبويه حسين

شعدكم فاركيتوني



.....


تم الناشر رهف الكعبي

عمل اهداء الي ظهور مولاي القائم الامين صاحب الروح و الزمان عج

https://www.tg-me.com/القلم الحسيني/com.amAli30

اسم الحسين كتبته بروحي
وزينب تعيش الم بجروحي
عندي عاشور جميع ايامي
حتى بالعيد ونيني ونوحي

يازينب يازينب يازينب يازينب
يازينب يازينب يازينب يازينب


وين مالتفت انظرلي مصيبه
جرح اهل البيت وين الكه طبيبه
ضلع مكسور جاب عاشور
اسال وين اليجاوب عن سؤالي
شلون تنشف دمعه الفاكدله غالي
ابجي ياعين لاجل الحسين
صورة حسين تجي باحلامي
اشرب الماي واون عالضامي
استمع صوت يتامى وزينب
جمرة خيام تشب الامي

يازينب يازينب يازينب يازينب
يازينب يازينب يازينب يازينب


زينب ام الحزن يعني شكد حزينه
والجرح معناه خدر ومسلبينه
وتلكه بالشام كل الالام
عين ابو فاضل كبل جانت حرسها
زينب وجم سوط من عكبه لمسها
الاجت وياه وين تلكاه
زينب شلون صفت مجتوفه
حامي الخدور كطيعه جفوفه
راس الحسين رمحهم شاله
وطفله بالشام تريد تشوفه

يازينب يازينب يازينب يازينب
يازينب يازينب يازينب يازينب


زينب الحاشت بلوعتها وعللهه
ماتت بحسرة وبعيده عن اهلهه
تصيح باحساس وينه عباس
بكبر زينب خلو من حسين تربه
والله صعبه تندفن بديار غربه
منو الدفان عكب الاخوان
لزينب نشوف جروح هوايه
عالنعش ريت يصير الرايه
وينه عباس يجيهه بجوده
والكبر ذاك يرشه بمايه

يازينب يازينب يازينب يازينب
يازينب يازينب يازينب يازينب


مهجت المهدي منو يطفي جمرها
وعمته مسبيه ومسلب خدرها
ماضن الدار يخمد النار
خدر زينب اكبر من الثار جرحه
مايطيب ولا تمر عالزهرة فرحه
دمع العيون مثل المتون
المهدي ماكول تطيب جروحه
وماضن الثار يسكن نوحه
راس مكطوع طبع بعيونه
وجمر الخيام يضل بجروحه

يازينب يازينب يازينب يازينب
يازينب يازينب يازينب يازينب


خضرت للمهدي وسط الكلب شيبه
عالغريبه روحه بالدنيا غريبه
عنده كل يوم لوعه وهموم
ربني وفقني واصيرله مواسي
مرة ابجي ومرة الطم على راسي
وين الكاه وابجي وياه
ادعي والروح تناشد وينه
عجل الله فرج مهدينا
كربله تصيح طويل غيابه
صاحب الثار متى يمر بينه



الشاعر وسام الشويلي

https://www.tg-me.com/القلم الحسيني/com.amAli30)

قصيدة: ديار هاشم
بصوت: سيد فاقد الموسوي
الشاعر : سيد محمود الموسوي

▪️▪️▪️▪️▪️
البارحة وياي البنات البارحة
ذيچ تدعي وهاي تقرا الفاتحة
صبّحت بس انه شو مارايحة

عني كلهن رايحات
وين بوية الليلة ابات

ديار هاشم خاليات
وين بوية اللية ابات ...
ــــــــــــــــــــــــــــــــــــ

البارحة بحضني عبد واحچيله
الليلة ياهي تگمطه ياهي تشيله
الليلة بيت حسين خالي الليلة

يادموعي الطايحات
وين بوية الليلة ابات

ديار هاشم خاليات
وين بوية اللية ابات ...
ــــــــــــــــــــــــــــــــــــ

ردت اسير عود واسمع صوتهم
وآل هاشم خاليات بيوتهم
الليلة سالفة العليلة تفوتهم

حلوة لمتها الخوات
وين بوية الليلة ابات

ديار هاشم خاليات
وين بوية اللية ابات ...
ــــــــــــــــــــــــــــــــــــ

البارحة تگلي رقية امشينه
وابو فاضل گاعد يتانينه
الليلة وحشة البيت ماهي سكينة

الليلة كلهن شايلات
وين بوية الليلة ابات

ديار هاشم خاليات
وين بوية اللية ابات ...
ــــــــــــــــــــــــــــــــــــ

الليلة ادور عل محنة دوارة
الليلة وحدي الليلة اظل محتارة
الليلة بس الموت يرهم چارة

الليلة بالبر بايتات
وين بوية الليلة ابات

ديار هاشم خاليات
وين بوية اللية ابات ...
ــــــــــــــــــــــــــــــــــــ
#اللهم_عجل_لوليك_الفرج_والنصر_والعافية
ديار هاشم مكتوبة

https://www.tg-me.com/القلم الحسيني/com.amAli30

قصيدة: مسلم ياحميدة اليوم
بصوت: سيد فاقد الموسوي
▪️▪️▪️▪️▪️

مسلم ياحميدة اليوم
جايبلج خبر منه
طاح وذبحته الكوفان
نوحي وجري الونه
★★•★★•★★
جيت مگصر الخطوات...امشي ومستحي من حسين
وجهي يصب عرگ خجلان...واحجي النايبه بيا عين
كليــلي يبنت الــنــاس....كونج للحجي تحفظين
حفظي الجايبه وسمعيه.... صعبه بلحلگي اگولنه

★★•★★•★★

صاحت يارسول الشوم....جيتك موش جيت خير
جنــك ماتريد تگول....عندك ناگص التعبير
انه ابنـــة رسول الله....عگلي موش عگل ازغير
سولفلي التريده وروح....وانه لعمي اوصلنه

★★•★★•★★

گلــهـا يفتــت الدلال....حالــف مااگول الصــار
من طبع العراقي يخون....يهدم للاشراف اديار
مسلم حاوطــوه آلاف....برماح وسيوف وعاد
بحبال وتـجره الخيل....والشمات تتعنه

★★•★★•★★

ردت خانگــه العـبـرات....تتعثر بمشيتها
عرفت عن ابوها اخبــار....والنسوان لاگتها
صاحت وين عمي حسين....يحضر هاي ساعتها
عندي من الحجي مشكوك....بيه ومايسر چنه

★★•★★•★★

من مر الخبر لحسين....رك حيله وهوى للگاع
اجهر بالدموع وصاح....سيف من الهواشم ضاع
يا نكبــة بني عدنان....مسلم للسفينة اشراع
بيه انحر الريح وبيه....بحر الضيج اطرنه

★★•★★•★★

صاحت ها يعمي احسين....شنهي الخبر حاجيني
ترانه مثبته بصميم احشاي....واختلت موازيني
ابــوي يرد بـعــد لو راح....عـني وصار ناسيني
اشوفك تمسح اعله الراس....عمي وگاطع الضنه

★★•★★•★★

گلها من الصبر مريود....ليج وكفي الآهات
عودج بعد مايرجع....مايرجع بنوح المات
باجر عمج تشوفيه....دمه مخضب الشيبات
وجفوف الكفيل تطيح....بالدمغات تتحنه

★★•★★•★★

موش اليوم اهمن بيج....باجر ياحميده الخوف
عنهم ع الحرم واعليج....لو طاح الگمر مخسوف
وانه انسلب مني الثوب....وتطوف اعله جسمي سيوف
راسج من يمسحه وراح....جفي البيه امسحنه

★★•★★
#اللهم_عجل_لوليك_الفرج_والنصر_والعافية
مسلم ياحميدة اليوم  

https://www.tg-me.com/القلم الحسيني/com.amAli30

#ياصاحب الزمان مدد #محرم

القصيده 🗒️للرضيع ع( ياسكنه)

#الشاعره -فاطمه هاشم الحسيني
....
ياسكنه شوفيلي الولد     ناغيته انه وماكعد

آه ييمه    آه ييمه
...
ياسكنه اخيج مابجه قالقني وضعه
لوليت اله وتفاجأة لان كلبي ينعه
فال الله ليش ادوهنت خنكتني دمعه

وجماله دلالي انمرد     ياسكنه شوفيلي الولد
....
من امس نايم ماكعد عذبلي حالي
شميته شلته بلهفتي شو مابجالي
كاروكه خالي امن الدفو ذابل دلالي

ميت الواهس بلمهد  ياسكنه شوفيلي الولد

..
شوفيلي كلبه بداعتي خافنه سكته
ياسكنه بالي منشغل توجع نظرته
كمطته بيدي وماضحك اسمع حسرته

كل ضني مايكعد بعد    ياسكنه شوفيلي الولد
...
واهسنه مايكعد بعد كبرت الحيره
ماادري الولي لو اون شده وجبيره
هم عود اشوفه لو خلص هاي الاخيره

ماضلي ياوادم سند     ياسكنه شوفيلي الولد
....
مابيه اشوفنه العطش خرب حلاته
ما اكَلبه ميت لو عدل انده خواته
الجان يشبه للكمر فارق حياته

يوجعني كلبي وماركد    ياسكنه شوفيلي الولد

أسالكم الدعاء

الشاعره فاطمه هاشم الحسيني
غير مبري الذمه من يحذف الاسم او ينسب الكلام له

https://www.tg-me.com/القلم الحسيني/com.amAli30

هنا يمن سرتو بضعنه اعله الجثث مرونه
خل نمر ونودع اهله وخلهم يودعونه
~~
خل نم. بجساد اهلنه وللفحل ودوني
ارد اسولفله عل ضيمي وارد اراوي متوني
يابوفاضل شتموني اخلافك وبجوني
ترضه غيرتكم يخويه وي العده تخلونه

هنا يمن سرتو بضعنه
~
وصبح المصباح الاكشر والهزل جابوها
وحشمت زينب بهلهه والاهل ماجوها
ليش وحدها العزيزه بلا ولي خلوها
وللضعن ينراد والي وادم يبارونه

هنا يمن سرتو بضعنه
~
حيرت ام الحزن زينب بالعليله وحالته
شلون يالعباس بيهه وببن اخوها ورجبته
ركبت وفزت الناكه وطاح هوه وعمته
تالي بصياط ومسبه عداكم تولونه

هنا يمن سرتو بعضنه
~
وحنت الناكه اعله حالي وعاينتي بلا ولي
وصاحت على النوك هونج هاي زينب بت علي
مالها اخوان بضعنها ولا كفيل بمحملي
ولا ولي يباري الخواته وينشد على ضعونها

هنا يمن سرتو بضعنه
~
ومرت سكينه اعلى ابوهه وبيها فيض من الدموم
لاعت بلوعت يتامه والجثث كامت تلوم
بويه ياهو الداس صدرك ياهو رض ذيج الضلوع
وياهو صوب راس عمي وياهو طفه عيونه

هنا يمن سرتو بضعنه
~
وحنت ام جاسم لجاسم واعله ذيج الذكريات
وذكراها الطف ببنه وبل عرس والامنيات
وتالي عريس المنايع بفرحت الميدان مات
وعادت العريس اخوته بحنته يزفونه

هنا يمن سرتو بضعنه
~
وشرباني الدهر ظيم وموش من لوعاته اضوك
ومرمرت حالي اليتامه وعل حرم حنت النوك
غير ابو فاضل كفيلي لاحلت رفجه وتلوك
ولاحلت دنيه بغيابه ولافرح من دونه

هنا يمن سرتو بضعنه
~
يامره الشافت خيمها خلاف عزها تفرهدت
وياهي ضاكت لوعه مثلْي وياهي مثلْي تشتمت
ذيج هيه الهاشميه لعگب ابو اليمه نـًسّْيـت
والوكت ماانصفاني وشوف وكتي شلونه

هنا يمن سرتو بضعنه
~
وسارت عياله ومشينه وجنه للشام المسير
والمنايه تحوف بينه وليل الاحزان الخطير
ولوعت الشام واهله وتعرف بحال الاسير
ولا محامي وشتموني ولدي يعرفونه

هنا يمن سرتو بضعنه
~
وبل يسر ماتت رقيه وفزت وياها الجروح
اهنا يبت احسين كومي نريد للوالد نروح
الكربله حمل ضعنه ومابقت ياعمه روح
خايفه ينشدون عنج لمن يشوفونه

هنا يمن سرتو بضعنه
°°°°°°°°°°°°°°°°°°°°°°°°°°°°°°°°°°°
*عباس المشرفاوي*

https://www.tg-me.com/القلم الحسيني/com.amAli30

زنجيل ثلاث دكات
قصيدة 18

لمن طحت يحسين بالغاضريه
زينب مشت للشام بعدك سبيه
★★★★★★★★★
لمن طحت  يحسين  وليه  ولونه
هجمت زلم وخيول  كلهم أجونه
حرگوا خيمنه بنار خويه وسبونه

بهذا الوضع ظليت أصفگ بديه
لمن طحت يحسين  بالغاضريه
★★★★
أول    فعلهم   چان   شدوا    أدينه
وأحنه حرم وأطفال خويه شبدينه
وحتى  العليل   بطوگ   ومگيدينه

يگوم ويطيح وچان ونته شجيه
لمن  طحت  يحسين  بالغاضريه
★★★★
ثاني فعل  يحسين  خيمتنه  وجت
وأنفجعت النسوان بالصحره هجت
ورجل  اليتامه  بنار  خويه  تچوت

بيدي  أطفي النار  وجت عليه
لمن طحت يحسين بالغاضريه
★★★★
ثالث فعل  يحسين   لمن  أجانه
شمر  وزجر  بالسوط وليه ولانه
تولونه  ضرب سياط بالخيزرانه

ريتك تشاهد حال سكنه ورقيه
لمن طحت يحسين  بالغاضريه
★★★★
رابع فعل  عالنوگ وأعله  الهزيله
آنه وحرم  وأطفال  رمله أويليله
بيهن عگب عباس صرت الكفيله

جفني سهر مآنام صبح ومسيه
لمن طحت يحسين  بالغاضريه
★★★★
خامس  مصيبة  الله  وأكبر عليها
وروس أخوتي برماح  ومكشفيها
وظلت  حرم وأطفال تنظر  وليها

وحتى الطفل ذبحوا گوم آل أميه
لمن  طحت  يحسين   بالغاضريه
★★★★★★★★★★
الشاعر (أسعد قاسم الكريعاوي)

https://www.tg-me.com/القلم الحسيني/com.amAli30

العليلة تخاطب اهلها
#القصيدة  هلي باجر

هلي باجر صدك بالدار تمشون وتخلوني
بعدكم خاف حمره تصير وكت المغرب عيوني


ماخلاني اروح وياه ابوي وكلفت عمي
بجيت وكال لاتبجين والاكبر كعد يمي
من دنو مسير النوك جلبت بعباة امي
لنها تصيح لام عباس يختي بفاطمه اهتمي
اصيح وما يرد الصوت يهل الغيره تانوني
بعدكم خاف حمره تصير وكت المغرب عيوني

هلي باجر صدك بالدار تمشون وتخلوني
بعدكم خاف حمره تصير وكت المغرب عيوني

هلي صارو عليه بعيد وانكطعت رسايلهم
لا واحد يجيب اخبار لا طارش يرد منهم
عندي بكل كتر بالبيت صوره وذكريات الهم
مره اكعد بفي البيت مره اصفن واعاتبهم
مره ادموع عيني تصيح ليش احبابي عافوني
بعدكم خاف حمره تصير وكت المغرب عيوني

هلي باجر صدك بالدار تمشون وتخلوني
بعدكم خاف حمره تصير وكت المغرب عيوني

هلي احلم بيكم وفزيت حلم خوفني ماريده
احلمت جن بخيمكم نار عطش والمشرعه بعيده
احلمت فارس يريد الماي يبست شفة وليده
احلمت ضلمه وكمركم غاب طاحت رايته من ايده
هلي بس لاصدك وانوب ماضنكم تودعوني
بعدكم خاف حمره تصير وكت المغرب عيوني

هلي باجر صدك بالدار تمشون وتخلوني
بعدكم خاف حمره تصير وكت المغرب عيوني

هلي وسكنه ورقيه شلون من طاح الابو يمهن
ركضن حافيات اعليه لو لاذن بعمتهن
هم راحن على العباس يشكن والشمر ردهن
لوضلن بلا صيوان لاخيمه البقت عدهن
هلي وانه بحزن ضليت وابجي وماتسمعوني
بعدكم خاف حمره تصير وكت المغرب عيوني

هلي باجر صدك بالدار تمشون وتخلوني
بعدكم خاف حمره تصير وكت المغرب عيوني

وياكم حالي حال الناس امشي وماالي ضله
ومن يبجي ويفز بالليل اهز كاروك عبدالله
دللول الولد رد نام اصمله انه اختك اصمله
وحضر ماي ابوي حسين والسجاده لوصله
هلي وخاف الفراك يطول فدوه وياكم اخذوني
بعدكم خاف حمره تصير وكت المغرب عيوني

هلي باجر صدك بالدار تمشون وتخلوني
بعدكم خاف حمره تصير وكت المغرب عيوني

الرادود علاء البيضاني

الشاعر صادق شويع المالكي

https://www.tg-me.com/القلم الحسيني/com.amAli30

((تبديل الرايه))


الليله ابو صالح يغير الرايه
وبضريح حسين عنده قرايه
رايه سوده تعلكت..........فاطمه تبجي اجت
............................................................

الليله ابو صالح كصد رايد يغير الرايه
والخدم وياه اجت رادت تسوي قرايه
شيعتك يحسين اجتك كلهه الك وفايه
وباسم ام الحسن خل نبدي التعزايه

فاطمه ويا فاطمه يا فاطمه
بهل شهر ابنج يمس كلبه الضمه
الرايه لمن رفرفت.........فاطمه تبجي اجت
............................................................

المهدي بيده جاب رايه وصاح حي عله العزاء
يله خل نلطم يشيعه على الصار بكربلاء
احنه مجلسنه بضريحه والملائك بالسماء
وكله مشتاكه لمحرم والله حتى الانبياء

كله مشتاكه لمجالسنه ونعينه
يله اسمعو الخادم وسمعو ونينه

كله لمصابه نعت..........فاطمه تبجي اجت

.............................................................

تبدي الليله المصايب بالمحرم من يهل
بهل الشهر كله اتذبح ولد فاطم تنجتل
المهدي فوك الرايه يرسم صوط واحبال وطفل
والاميره شلون تالي باليسر شدهه الحبل

رايه الطف ترتفع هالليليه
المهدي بهذا الشهر هد حيله
المنايا الهم مشت........فاطمه تبجي اجت
...........................................................

حسين ثوبك ينشر هاي الليالي بالسمه
والمطر مو ماي ينزل ينزل علينه دمه
المهدي ثوبك بيده شايل تمشي ويا فاطمه
حسين ماي شلون صارت ماي ويلوحه الضمه

جن نشوف بثوبك اثار الحوافر
احمر من الدم يوسفه الثوب صاير
والثياب اتمزكت ........فاطمه تبجي اجت
...........................................................

بضريحك كلهه اجتك لابسه اسود تصيح
يا حبيبي يا حسين ويالثارات الذبيح
عل ترب مذبوح وسفه وعل رمل نايم طريح
نوافي جيناك بلطمنه اه يبو كلب الجريح

يا ابو الاكبر كاصدين لكربله
واحنه غيرك ماكو النه نرتله
لخدم بسمك رددت...........فاطمه تبجي اجت




خادمك حسين ابو عباس الكعبي

https://www.tg-me.com/القلم الحسيني/com.amAli30

#استقبال محرم

يامحرم ; شوفت اهلالك ألم
يامحرم ; انه صرت ابـلا علم

يامحرم ; تحترگ بيك الخيم
------------------------------ـ
من تهل اگبال عيني كل سنه
كـلـشي بيه ينـهـدم مـني انا
وضهري مثلك ياهلال انحنه
وگـلـبي منـك محد ايـطمئنه

يامحرم ; بيـك تـتـذبح هـلي
يامحرم ; تنسحگ ريحة علي

يامحرم ; تحترگ بيك الخيم
-------------------------------ـ
من هلالك يكبر اعليّه الجرح
مو كسر انه اصـير ابـلا جنح
والمصايب تنتشر من الـرمح
يامحرم يصعب اعليه الشرح

يامحرم ; بيـك تـنـزل قـارعه
يامحرم ; والـرؤس امگـطـعه

يامحرم ; تحـتـرگ بيك الـخيم
-----------------------------------ـ
لا تضل عنـدي گرابه ولا أهـل
من اشوف اهلالك اگبالي يهل
وليـلي اظـلـم من عـليّـه يچـل
ولا گمر فوگاي يحميني يضل

يامحرم ; فاتحه ايصير العرس
يامحرم ; ينطفي ضيي الشمس

يامحرم ; تحترگ بيك الـخيم
----------------------------------ـ
قصـتي محـتـار بيـهه كـل نـبي
شلون زينب يمها يمشي أجنبي
ابلا أخو راحـت غـريبه بالـسبي
وشبّت الـنـيران بطـراف الـعـبي

يامحرم ; زينـب انه امـحـيره
يامحرم ; وانه جنت امخدره

يامحرم ; تحترگ بيك الخيم
----------------------------------ـ
بيك عيني تنعـمي من الـحرگ
والحوافر تسحگ اگبالي العشگ
من ضربهم تصبح امتوني زرگ
وعن اخـوتي يا محـرم افـترگ

يامحرم ; لا تـهـل اعله السمه
يامحرم ; تنكسر بت فـاطمه

يامحرم ; تـحترگ بيك الخيم
----------------------------------ـ
- خيري الصفراني

https://www.tg-me.com/القلم الحسيني/com.amAli30

السلام عليكم خدام الحسين

موجود لدينا توصيل للدواووين حسب طلبكم نوصل

اي ديوان لأي شاعره نوفره الكم وبسعر مناسب
توصيل بداخل النجف 4000
توصيل لمحافظة بغداد 5000
توصيل لجميع المحافظات 6000
سعر الديوان 2500


التريد دواووين الشاعرات تختار كتب وتسجل عنوانهم ورقم اليستلم الطلب وترسله عالخاص على الرقم 👇🏻👇🏻👇🏻👇🏻

التريد جنطة او لاقطة او جهاز او طبابة

07821865366

07708887592

من اجمل القنواة الحسينيه قصائد حزينه جدا

اهلا وسهلا بكل خدام الحسين
بقناة الشاعرة ام حوراء الاسدي
لاتحتارين بعد القناة يمج وبحثي واخذي اليعجبج

ماعليج بس تشتركين من هنا


👇🏻👇🏻👇🏻👇🏻👇🏻

https://www.tg-me.com/omhaoraai2017

https://www.tg-me.com/omhaoraai2017

اخواتي خادمات الحسين وخصوصآ متابعات الشاعرة ام ذو الفقار اسراء اللامي

قناتها القديمه راح الحساب منها وفتحت قناة جديدة تنشر بيها قصائدها واصداراتها

تعالن وياي خلنشترك قبل لاينحذف الرابط

هذا الرابط 👇🏻👇🏻👇🏻👇🏻

https://www.tg-me.com/UMdufekar
https://www.tg-me.com/UMdufekar

مولد لعيد الغدير الأغر



بايعنه حيدر هالمسيه
والبيعه چانت حيدريه

والينه من والاه ….. عادينه من عاداه
بايعنه حيدر هالمسيه

⊹───⊹⊱🌸⊰⊹───⊹

هاليله حيدرنه صبح والي وامير
والفرحه زادتنه بااعياد الغديــر
هاليوم يامحله الفرح يمك يصير
حيدرنه عالي تنصب من الله الكبير

بالنجف تزهي اعياده
بعيد الغديــر زيــاده

والينه من والاه …. عادينه من عاداه

بايعنه حيدر هالمسيه

⊹───⊹⊱🌸⊰⊹───⊹

عيد الله الأكبر هذا بااسمك حيدره
يالتحظـر الوالاك دنـيا واخـــره
نتباها بيك وانت اصل المفخره
والنجف ياحيدر بكبتك زاهــره

من الله عالي مچانه
حيدر علـي مولانــه

والينه من والاه … عادينه من عاداه

بايعنه حيدر هالمسيه

⊹───⊹⊱🌸⊰⊹───⊹

ياعلي هذا الدين بااسمك يكتمل
وبالصلاة مذكور ياخير العمــل
علي لوماشخصك يطيح الحمل
انت خلصت الوجود من الجهل

بيك الرسول اتباها
يالصرت سور لطاها

والينه من والاه … عادينه من عاداه

بايعنه حيدر هالمسيه

⊹───⊹⊱🌸⊰⊹───⊹

علي من سابع سمه تنصب ولي
متباركين اليوم كل شيعة علــي
بااسم حيدر صار كل هم ينجلي
بالهلاهل والفـرح علنـت هلـي

هاليله دنيانه ازهرت
حيدر امـير تبـشرت

والينه من والاه … عادينه من عاداه

بايعنه حيدر هالمسيه

⊹───⊹⊱🌸⊰⊹───⊹


#جديد2023

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313