ابوها حسين تنشد ماتلوحه
من الطگ چفها ورم ماتلوحه
الرمح عالي ورقيه ماتلوحه
يشيال الرمح درحم رقيه

محمد الجماسي

https://www.tg-me.com/asaadshaker

مربعه

بعد شيعود اهلنه ونكعد وياهم
ليش اهل المحنه ضيعيناهم
😭😭😭😭😭😭😭
بعد شيعود كعدتنه وسوالفنه
وذيج ايام راحت وين لمتنه
ظلت خاليه وسفه منازلنه
بعدنه بشوك للكعدات وياهم
😭😭😭😭😭😭😭
كعدنه بدارهم بس نجذب الونه
وبعدنه الدهر ياحيف يفاركنه
عتبي على الدنيا ليش ودتنه
بعد بنفوسنه نسمع حجاياهم
😭😭😭😭😭😭😭
وي اعزاز كلبي حلوه لمتنه
تزهي ديارنه وتزهي ثنيتنه
والبيه المحنه ليش فاركنه
عمت عين العمر جي ماكظه وياهم
😭😭😭😭😭😭😭
عمت عين العمر والراح شيعوده
حلوة كعدت الخوان مريوده
عافونه ومشو والدار مسدوده
فاركنه الوكت وشلون ننساهم
😭😭😭😭😭😭😭
وعلى افراكهم روحي شيظل بيها
والنامو بعد ما سألوا عليها
شلون وجوه حلوه معلمه عليها
حدر الكبر والتربان غطاهم
😭😭😭😭😭😭😭😭
والتربان حار وبدل ارسومه
عزيز الروح مانحمل بعد يومه
الميت مات خل تلطم المهظومه
صار سنين محتامه على ملكاهم

ديوان خاتمه الاحزان للخادمه اهل البيت ام هاجر الشريفي صاحبة ديوان دمعة زينب

ياخويه يحسين   وين اوكعــــــــت و بياكتر

ياخويه يحسين   متعنيه واســــحك عالجمر

جيتك وانادي امن الألم      نهبوهه من عندنه الخيم

ياخويه يحسين

***

بالي انشـــده من الحـزن  اعثر واطيحن وانتهض

وينك يســـــــــباح الكلب  مني احس مات النبض

نكعت عباتي امن البجي  من الخـيم جيتك ركض

هواي الجثث متكعطــعه  متروســه بالدم الارض

يابخت العيال   طشت اعيالك بالفله

يابخت العيال   ضاكت علينه كربله

مفجوعه واتصيح الحرم   نهبوهه من عدنه الخيم

ياخويه يحسين

***

لاكاني من جيتك اون   يبن امي هالموقف صعب

بوليدي ياخويه اعثرت  صادفني جثه اعله الدرب

ياريحة الزهره وكمت  عفته ودمــــع عيني يصب

متعنيه الك يابو علــي   انته النفس وانتــــه الكلب

يافتشة العين    فدوه الك ولدي وهلي

يافتشة العين   وين اوكعت يابو علي

بفراكك الحيل انهدم   نهبوهه من عدنه الخيم

ياخويه يحسين

***

بعيوني كل شي ابلا ضـوه   ماشوفن الكــــــــاع وطحت

مخنوكه ماشــــــــــم الهوه   تتراجف اعضامي وصحت

شادهني يبن امــي الهظم   حرمه وهدم حيلـــي الوكت

مر الأبد ماينجــــــــــرع    ياخويه بخــــــــلافك ضكت

متعذبه اهواي   اشكيلك الشـــفته وجره

متعذبه اهواي   جنحاني خويه امكسره

متعنيه الك حافي الجدم   نهبوهه من عدنه الخيم

ياخويه يحسين

***

حاجينــي زينــب تيهت  وينك مجاتــيل اشكثر

شميته عطرك من بعد   ضايع علــيه ابيا كتر

هذا انته بس كلك جرح   يالجوتك شمس الظهر

غافي على حـــر الرمل   متغيره اخدودك سمر

يالجسمك ادموم    ألف وتســـع مية جرح

يالجسمك ادموم    عطشان بالحر منطرح

يالنابت بكلبك سهم   نهبوهه من عدنه الخيم

ياخويه يحسين

***

شطول الدرب من الخيم   لمن وصلت المصرعك

فك عينك اخــــتك تنتظر   دنكــــت يمك و اسمعك

اشرلي بيدك يالأخــــو  خبرني شنهو اللوعك

خلي اشد جرح الكلب   ادريبه هـوه اليوجعك

بس كونك اتكوم   كوم وعلى متني انتجي

بس كونك اتكوم   عفت المعاتب والحجي

امحلفتك ابراعي العلم     نهوبهه من عدنه الخيم

ياخويه يحسين

*




ابو علي الركابي



https://www.tg-me.com/plkfc

يخويه الجفن لاتعتقد هدمـــــــاي
دمه وماشال متني عليك هدمــاي
يبو الغيره وهدمني الوكت هدماي
يوم الطاحن جفوفك رميه


اكل صوط العده مـن المتن لحماي
يعباس وشحــــشم بــــعد لحماي
يلح ضامي الضعن ويريـــد لحماي
تهد بالجود تلحگ خويه اليه
**

على دروبك يبويه انشــــد سبلها
وخبرك زينب الشـــــــامت سبلها
هاي ام الخدر تقبــــــــــل سبلها
وتروح ميسره بيد ال ميه
****


علي مظلوم الجناحي

لا هليت لا هليت       يهلال الحزن ياريت
بيك اعيونه  الليله  
تضل المدمع اتسيله
اسود لبس حته البيت
------------1-----------
و لا هليت يا عاشور بينه و لا يمر ليلك
كلبي شكد حمل لوعات منك من برد حيلك
مدري اشتكي منك ليك مدري اليوم اشكيلك
ليش و يانه يا عاشور احذرك منه يا ويلك
ارحم حالي يا عاشور
ماندري بزماني ايدور
كلبي بيك ضل مكسور
وياك الوكت شد حيله
تضل المدمع  اتسيله
ريتك بينه ما مريت
----------2-----------
و لا هليت يهلال الحزن بينه شضل باجر
كلي شبيك غير حسين ضلعه يسحكه الحافر
و باجر بت رسول الله منها ينكسر خاطر
وباجر عل هزل للشام بس نسوان ونسافر
السفر متعب بلايه اخوان
وانه امشي بكلب فحطان
وسفه برحمت  العدوان
الحمل ياهو اليتجيله
تضل المدمع اتسيله
بحركه بجي ودمع ضليت
---------3--------
وعلينه  بكتابه شكال  الله من ذكرنه بهاي
ليش العكس عيلتنه بحر وحسره شربت ماي
ما ندري الزمان ايدور تفتر عكس يا دنياي
وتفرج علينه الناس وشافونه اليروح وجاي
و يهلال الحزن بينه
ارحم حالت سكينه
زلمنه وما ترد لينه
العلينه غاير بخيله
تضل المدمع اتسيله
اعلينه شبيك ما حنيت
-----------4--------
هلالك من يهل عاشور  رايح ياخذ اعيالي
وكلي شنهي حصلتك و باجر ينشده بالي
رايح تاخذ الولياني  تاخذ كل شخص غالي
شلون نعيش ياعاشور  عكب حسينه الوالي
و باجر بالخيم نيران
كلب اختك يضل وجعان
بدون حسين و الوليان
ويله اكليبي يا ويله
تضل المدمع اتسيله
بكلبي بس الم خليت
----------5----------
باجر ياصبح باجر حسيني اعله رمح راسه
ذاك الجان هيبتنه حسين و ما يذل باسه
و راح ينكسر ضهره  حسين اخلاف عباسه
الرايه بجفه راح اطيح وضهره الحافر الداسه
ضلمه اصبحت دنياي
راحو مني كل ولياي
عكب حسين والوفاي
اخوي العرش يوحيله
تضل المدمع اتسيله
وحدي للسبي ومشيت
--------------------------
حسن صالح العيساوي


https://www.tg-me.com/plkfc

وين طايح يحسين يبن الزجيه
كون حاضر وياك حامي الحميه
.
وين حيدر مايحضره حسين طاح بكربله
مو حضر بالحوت يونس خلاصه من البله
ومن مشت زينب وحيده للسبي والعايله
راح بيها ايعيلون اشرار اميه
.
وين يا عباس خويه يا عضيدي وكافلي
كوم شاهد حال اختك ضلت ابلايه ولي
حركو الخيمه عليها وشتمو الوالد علي
بيها ضل ايشتمون هاي المسيه
.
طاح بسيوف الاعادي بحدقد كصو منحره
علي يا حاضر الشده حسين رادك تحضره
حسين باب الله الوسيعه ابن البتول الطاهره
تحضر الزهره التنعاه بالغاضريه
.
شلون ياحيدر تعوفه حسين جسمه بالترب
عكب عينه الحره زينب راحت بديرت غرب
الله خصه حسين كلهن  بالكلام  وبالكتب
خصه نعرف بهواي رب البريه
.
من طحت يحسين وحدك وين طاحو نخوتي
خويه من عكبك يغالي بحطب حركوا خيمتي
وبالبراري شلون المهم خويه  فرت عيلتي
طاح الاكبر وياه وعباس اخيه
.
.
حسن صالح العيساوي

نعی عن لسان السیده زینب کبری ع بعدمقتل اخیها اباعبدلله الحسین ع

💔💔💔💔💔

من چلچل ضلام الیل اجیتک

خویه اعلی الارض مچفی لگیتک

ونادیت یخویه وینه راسک

💔💔💔💔💔

یحسین گلی وینه خنصرایدک

ولیش بخیلهم مدیوسه جثتک

بهل حاله شفتک ماعرفتک

💔💔💔💔💔

اگعدیخویه وشوف وضعی

جیتک یخویه ومحنی ضلعی

واصرخ واهل اعلیک دمعی
💔💔💔💔💔

انه زینب وردالصوت لیه

واگعدوشوف الصاربیه

وشلون خویه بهل رزیه

تمت
خادمة الحسين وعلی ع
ام محمدعلی

عمه زينب مثلچ امصاب العليله
والله عمه فراكم ما اليه حيله

ناس متعوده على ابونه تزور بيته
والي يوصل بيتنه تنحل قضيته
مثل زينب بيت ابوي اتكفليته
ونتي بيتامه يبت حيدر كفيله

عمه اشم بالكاع اثر بس مالكيته
والمرض بفراكهم عمه نسيته
حتى ريح الله اليمرهم كلفيته
بهونه كتله من يمر ضعن العقيله

جنت اضن تتغير ارسوم الغوالي
من عناء السفو وتعاب اليالي
عمه بس ذل وهضم ماجه علبالي
ولا حسبت الشام زينب تعتنيله

احنه بعد الله سادات العتر
احنه والقران نفس المعتبر
الله فضلنه على كل البشر
والصبر عند البلاء اقوم خصيله

احنه متعودين نتحمل صبر
رغم ما صبر المذله هوايه مر
ماتحمل صبر موسى على الخضر
مرسل بمرسل جزع تئويله

بالرسل تشكيك صار من الرسل
وحنه الجل الدين نصبر علكتل
والمصيبه بصبر زينب عل الهزل
والحسين السمه دم تبچيله

املاك تبچي حسين كامت بالسمه
وغيم الطف ونمطر لجلك دمه
بجنة الفردوس نصبت فاطمه
عزه الحسين والطم جبريله

الشاعر
ابو حيدر الابراهيمي

خادم الحسين رعد الفريجي:
نعي  للسيدة  العليلة  محرم  1446
------------------------------------------

رايح    ابوي أبعيد   رايح
گمت أسال  بدمع  النوايح
ينفع وره المجفين صايح ؟
طايح يگلبي الليله  طايح

ونيت   اريد اوجوه   الاحنان
فارغ    البيت    يريد    وليان
يا گلبي  عيش شلون  ما چان
ساعه  العمر  والنوب  خلصان

هذا   الدهر   هاي   المصيبه
بالدار     واتسمى     الغريبه
الرباني  هسه   منين  اجيبه
گلبي  اليون فارگ     حبيبه

ليهسه    بذني اصوات  الاحباب
ظليت  أون    ومگابله      الباب
من الفرگه  چني   چفوف شياب
يا ضيمي    گعد    حدر   التراب

يلفون  ما  يلفون   حيره
بالبيت بس حال  الاسيره
ديرة هلي  ما چنهه  ديره
ظلمه  ونواعيهه    چثيره

كلمات  الخادم /  رعد الفريجي
محرم الحرام 1446

أبوي    الفارگاني    وراح       چا وين
وأصيح  الحادي تاني شواي  چا وين
هلي  ها    يلمشيتو    بنار       چاوين
عليله بمگفى  ضعن الغاضريه

كلمات الخادم /   رعد الفريجي
محرم الحرام   1446


قناة أّئمًةّ أّلَبًقُيِّعٌ
یوسف الزهراءع
💔

: كلي يالميمون وين والينه
✒️للشاعر : شيخ كاظم منظور الكربلائي
گلي يالميمون .. وين والينه
راح أبو السجاد لو يرد لينه
🍂🍂🍂🍂🍂
آنه يالميمون بيدي جدمتك
وانخمش قلبي
من رحت بحسين بالله ودعتك
والباري حسبي
وبقت روحي تلوج وانتظر جيتك
وعيوني ترمي
جيتني خالي حسين چا وينه
راح من إدينه
🍂🍂🍂🍂🍂
بالله يالميمون رد عليّ جواب
وخفي ونيني
سرجك المقلوب صاب گلبي صواب
واثقل حنيني
هذا دم حسين لو حمر خضاب
ما تدليني
همهم الميمون وهملت عينه
راح من إدينه
🍂🍂🍂🍂🍂
دم يا هالميمون وجهك خضابه
والقلب عطب
من وريد حسين لومني صوابه
وجهك تخضب
قلها سهم البين بالقلب صابه
شمالج يزينب
دم أخوج حسين ما تعرفينه
راح من إدينه
🍂🍂🍂🍂🍂
ليش يالميمون مندهش حالك
مجبل عليه
تجر بلجامك تصهل شمالك
ونتك خفيه
جيتني خالي وين خيالك
عفته رميه
وين أخوي حسين عن صواوينه
راح من إدينه
🍂🍂🍂🍂🍂
بالله يالميمون لهفتي ردها
وهود عويلي
قلوب هالأيتام لا تمردها
هدمت حيلي
هاي سكنه تريد مني والدها
وفجعت دليلي
چن أخويه حسين يتم سكينه
راح من إدينه
🍂🍂🍂🍂🍂
ليش يالميمون سيـّـبت حالي
وهدمت داري
وقطعت بينا بطيحة الوالي
آه ينكساري
واقطعت قلبي بسرجك الخالي
وهيجت ناري
حرم ظلينه ومن يحامينه
راح من إدينه
🍂🍂🍂🍂🍂
اللهم صل على محمد وآل محمد

حار الرمل وابن امي ضل عليه
و لا عن الشمس خلوا ضل عليه
الحوافر متركت سالم ضل عليه
طحنت صدره بطفوف الغاضريه