قصيده للسبي بحق فخر المخدرات زينب والبوت الطالبين عليها السلام


لبوت حيــدره ،،،، حره امخـدره
وترافگ غـرب ،،،، تمشي اميسره

¢¢¢¢¢¢¢¢¢

عگب الخــدر والعـز ذاك راحت سبيه
ونكروهه والكل اتصـيح يالخارجــيه
من تبچي تنطگ ابسوط بنت الزچيه
وخــوانهه اعله التــربان ضـلو رمــيه

فـارگــهه الـولي ،،،،،،،،،، الگلـــــهه ادللـي
وبـعده تنضرب ،،،،،،،،،،وتـمشي اميسره


¢¢¢¢¢¢¢¢¢


مــهضومه والسوط يلوح. بــالطگ متنها
الــمايــمشي چـان العباس. الـــه ابــــئذنها
اخ الـــــمصايب يــــاناس. بـــالطف ولـنها
شيبت من طاح حــسين موش اعله ابنها

واعــيـون الـحرم،،،،،،،،،،،،،، تـنظـرللــسهم
وبــعيد الــــدرب ،،،،،،،،،،،،وتـــمشي اميسره


¢¢¢¢¢¢¢¢¢


مـن طبت الذاك السوگ. ضـيگ نفسها
الـما طلعت الباب البيت. الــه وحرسها
حــــيدر علي والــعباس. گــايد فرسها
وسـفه الشمر ذاك اليوم. گــام ورفسها

وتــنادي بــوجل.،،،،،،،،، كـــــفالي انـجتـل
والـمدمع يصب ،،،،،،،،، تـــمشي امـــيسره

¢¢¢¢¢¢¢¢¢



تــدمع عيون الــنسوان. واللــوعه بــيها
عـنهن تشاگف بالسوط. بـــثنين اديـــها
مـن تــرتجل ك الــقران. يـــطلع حچيها
مـا مش زلم ذاك اليوم. تــتفزع تـجيها

وتسـاوي الارص.،،،،،،،،،،،،،وتـحق الفـرض
ويـزول الــكرب،،،،،،،،،،،،،وتــمشي امــيسره

¢¢¢¢¢¢¢¢¢


اليخدمها بالطف جبريل. ســـكنت خرابه
لامــن عــمام يـــفزعون. لامــــن گــــرابه
الــيذكر گلبها الــمفجوع. حــتمأ ثـــــوابه
يم فاطمه وداحي الباب. يــحضر عــذابه

ويـطـفي اللـهب.،،،،،،،،،،،،، ويـزول الـتعب
ويـهون الـصعب،،،،،،،،،،،،، وتمشي اميسره


¢¢¢¢¢¢¢¢¢


تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي
الفاتحه الى روح والدي 💔

لبوت حيــدره ،،،، حره امخـدره
وترافگ غـرب ،،،، تمشي اميسره

¢¢¢¢¢¢¢¢¢
للشاعر
لـــــــــــــ... زين العابدي الزبيدي
༺༺༺༺༻༻༻༻༻
༺༺༺༻༻༻
༺༺༻༻
༺༻
#الخادم_غازي_الساعدي

......... ١٩٨ ........

مربعه للسبي
على هونج يناكه من تسيرين
على ضهرج يتيمه تهمل العين


على ضهرج يناكه سكنه ورقيه
مر بيهن هظم مامر على ابنيه
بنات احسين اذوهن بني اميه
بهداي ابمشيتج لا تعثرين

على هونج يناكه بالمشي اشويه
تراني امن المشي تعبانه رجليه
من ارض المنيه حيل مابيه
حيلي منهدم علغالي الحسين


يناكه عالترب نايم بقه الوالي
او وراسه ع الرمح هاليمشي اكبالي
مااكدر اصدله ايذوب دلالي
ويزيد البجي او يزيد الونين


حكج لو بجيتي ادموم يالناكه
دم سال الصخر للوالي واشوكه
اونعاه الطير ويلي بروح حراكه
حكج لو بجيتي ادهور وسنين


يناكه من اسولف زين اسمعيني
تراني امن الهظم ماشوفن ابعيني
خواني كظوا والكوم سابيني
ذكري كل كلامي او لا لتنسين

تمت الحمد لله
العلويه ام غيث الذبحاوي


على هونج يناكه رحمي بحالي
وليي راح اتولاني العدو تالي
لايتام وحرم انفطر دلالي
القلب محروك و وياه تهمل العين

عدنان الذبحاوي

يحادي اعله درب عباس مربينه

.
مـر بينه على العباس مشتاكه
تره افراك العزيز يموت افراكه
و تـاذينه يـحادي رجبـت الناكه
جمرها الكاع ضل ياكل برجلينه
.
مر بينه على العباس اودعـنـه
عنـدي اعتاب خـليني اعتبنـه
هـم يرجع بعد لونكطع الـضنـه
بلكت يفتح عيونه ويحاجينه
.
اكل عباس خويه حركو اخيامي
مذبوح الطفل من العطش ضمي
صدرحسين ضل اعله الترب دامي
مـا تكعد يـبـو الغيره  تـحامينـه
.
شنهي نومتك و الحرم عطشانه
الي دكيت صـدرك مو كلت انـه
بـقـة سكنه عليك اليوم زعلانـه
بيد اجناب يابو الفضل ضلينه
.
مـا تقبل  اروحـن خويه مسبيه
بس غمضت عينك خذه الترجيه
على افراك الكفلني حيل مـا بيه
ياهو الجان رايح يصرخ اعلينه
.
عبدالله الطفل عالكاع  اعوفنه
و شكللهن خواته مـن يريدنـه
الرباب اتجر علي ونه بثر ونه
جنينه نشوف الطفل جنينه
.
.
حسن صالح العيساوي
.

الشاعر الغالي حسن العيساوي

بصوت الرادود ستار الصالحي

الاداء ياسر العارضي

ليلة ١٢ محرم

بعد حسين والعباس اخيه
الج صارت بواجي زينبيه
يزينب يزينب
............................
تذوب الشمعه حين التشتعل نار
بس ابكل ظلام اتخلي اثار
صبرج وي مدامع تجري باعبار
نصرج بي تحقق والزمن دار
وصرتي ابكل زمن اعظم قضيه
الج صارت بواجي زينبيه
يزينب يزينب
............................
يهتز كل غصن من يشتد الريح
وانت كالجبل مايقبل ايطيح
بصوتج ثوره ومن الزهره تسبيح
والمبحوح جرحه ابساعة ايصيح
وبقت نبرات صوتج نهضويه
الج صارت بواجي زينبيه
يزينب يزينب
............................
تره المرفوع مو تل اليرفعه
سحكتي اعليه وصار ابهذا وضعه
المهم شفتي الحسين اهناك اصبعه
مكَطوع واجه الميمون ينعه
واستقبلتي ميمون المنيه
الج صارت بواجي زينبيه
يزينب يزينب
............................
الورد بين الحوافر وشتلمين
انتشرو بالطف ايتام الرياحين
وحرتي بهالامر المن تحشمين
ابوفاظل كفيلج لو للحسين
وحدج وي عليل الغاضريه
الج صارت بواجي زينبيه
يزينب يزينب
............................
عمرج بالحزن واهات الايام
خلص وتحمليتي هضمة الشام
مثل هالتضحيه ماكو بالاسلام
واسمج ضل شعار بكل الاعلام
وحروفج زلزله الكل ناصبيه
الج صارت بواجي زينبيه
يزينب يزينب

الشاعر ياسر العارضي

الاداء ياسر العارضي

ليلة ١٢ محرم
زين العابدين يخاطب اباه الحسين ع
موشح نجفي

عالترب هالليله جسمك نايم
وبالخرابه انه اويه زينب هايم
...................
حيل ماذيني المرض وضعي صعب
وانتهت وي مصرعك ذيج الحرب
باجر اعله الضالم ابمجلس نطب
من المرض مابيه احاجي الوادم
...................
انه أبنك علي الساجد من رحت
وي ضعن مسبي على امصابك ذبت
شعري ابيض جا لفكَدك شيبت
والعدو جان اعله موتي عازم
...................
حالي يصعب والله كلما انشتم
ومن اشوف الحره مابين الزلم
ارد اقاتل بيه يشتد العزم
وعمتي رادت ابقه بعدك سالم
...................
والجره اعلينه ابد ماينحمل
العقل ضل عالمصايب منذهل
احنه ميتنه تره حته العدل
جا على فركَاك حيله هادم
...................
صعبه يابويه المواقف بالسبي
اشما اشوف ايقودنه ابن الغبي
والعدو ينكر اسلامي ومذهبي
يسوي روحه بينه ابد مافاهم
...................
ياحسافه اتروح وانت ابن الفحل
ومنذبح وانته ابن خير العمل
انت وي كافل ضعنه ابهالاجل
والجمع بعدك صبح ما دايم


الشاعر ياسر العارضي

الاداء ياسر العارضي