حاشاك يل ما غالطك صوت
يدناك موت وانت ابو الموت
الشال العرش مو مال تابوت
گلي العرش تابوت واقنع

گيعان حربك والصناديد
تنعاك كون اليوم وتزيد
ينعاك زحمه المو گلب حيد
ومو فارس اعليك ايتفجع

لا ما يموت إمكلم الاموات
كلفه يتاريخ الكلافات
طعنات كون ابچيك طعنات
با الگلب حدما روحي تطلع

يا علي يا ميزان الاعمال
إمقدر القدر ومغير الاحوال
روحك بچم عزريل تنشال
وياهو الحملها وما تصدع

رد يامن إمونس الله طاريك
حر والوعد ما يوم يجزيك
المغرب وصل وارمله اتانيك
قنعها ميت عود وارجع

الزلمه الصدگ كل حيله مهدود
واعليك كون ايخرط الخدود
مضهود گلبي اليوم مضهود
وبا الگوه اقنع العين تدمع

با الگوه اقنع العين تبچي
بلچن يخف حزني واتچّي
وارجع الك من موتك اشچي
فكره ولا اريد الها اخضع

يا علي يميتم اعزازه
بس عازتك تتسمه عازه
انشال الستر وي الجنازه
والشرف صد وجهه وتبرگع

يا علي يا دين المروّه
يابو هله وحچايه حلوه
تگوه يبو الحسنين تگوه
موسد وبيك الروس نرفع

يا علي اتمنيت اليشيعون
لصوب المدينة هناك يرحون
وبيك لحصن خيبر يمرون
بلكت تفز وانوب تقلع

ايمرون بيك ابأُحد واحنين
وببدر واتذكر المُسِلْمين
خاف انّسي ، هاي النياشين
خافن السان بموتي يطلع

ايمرون بيك بكل ارض چان
سيفك عليها امخلي نيشان
عميان يابو الحسن عميان
الما شافو الله البيك يلمع

يا علي يمشرع الدساتير
ويرحون بجنازتك للبير
تاخذ اسرارك والتعابير
لله والك بس الله يسمع

وتندار يابو الحسن تندار
للباب ، للايام ، للدار
وتصيح يا زهراء خطار
ومطبور اجاج اليوم الانزع

انور الموسوي

#اللهم_عجل_لوليك_الفرج
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa

مولاتي زينب عليها السلام تقول
....

الدنيه إولا اسويعه.. راحمتنه
والحادي ابسبينه.. راحمتنه
علي السجاد بالطگ.. راح متنه
وأنه اجتافي لهسه اتون عليه

محمد الجماسي

#اللهم_عجل_لوليك_الفرج
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa

٢٨ رجب
خروج ضعن مولانا سيد الشهداء صلوات الله عليه من المدينة




درب السلامه يهل الضعون
وادري بسفركم ماتسلمون

~~~~
ادري بدربكم موت ونياح
وذباح هذا السفر ذباح
ميلة گفاكم ميلة ارماح
ويلاه يهلنه الما تـردون

~~~~
ويلاه يهلنه الفرگه تعذيب
امداره العليل يريد ويطيب
مو عنّه أهله بحاجته اتغيب
الفرگه موت وعلتي تهون

~~~~
يهلي الحنين يموته الغياب
يگضي حياته امگابل الباب
بلكت تحركه اچفوف الاحباب
كافي الهوه يخيّب بالظنون

~~~~
يهلي العليله اتاني مكتوب
وحشه وعليها مسرگه البوب
وتارس نظرها اتراب الدروب
گـدمـا تتانيكم ترجعون

~~~~
لا يمي عبد الله وأداريه
ويصبر عيوني وأناغيه
يسليني بعيونه وأسليه
لحدما علي يهلي تعودون

~~~~
لا يمي اخـو ويشيل الاثگال
ولايمي اخت واشكيلها الحال
يهلي الحمل معتاز شيّال
مال الحمل ياماي العيون

سجاد الگريزي

#اللهم_عجل_لوليك_الفرج
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa

نعي مولاتي زينب على أخيها الحسين (ع)


يا يوم خويه مثل يومك
عطشان ومسلبة اهدومك..
گبلك گضوا يحسين گومك
واستوحدوك الما يرحمون ......

ظليت طايح عالوطية
وداير يخويه العين ليه
حن گلبك الشوفة رقية
ما ودعتها ..امغمضه العيون

ونيت خويه ويا ونينك
فت گلبي بي صاير حنينك
ايعز اعله زينب تصد عينك
فوگ الترايب طايح اشلون ..

ما انسه خويه الشفته بالعين
شفتك تلوج بعيني يحسين
رايد تگوم وحيل ما بيك..
سهم المثلث ما يخيلك
هميت اجيك وخاف أأذيك
نوم الوطية اعليك مو زين ...

من صاروا عليك الگوم لمة...
بعد ما شفت حالك يبو اليمة
واحد رفع رمحه ابهمه
صابك وهذا اليدج جدمه ..
ونيت خويه وصحت يُمه
گومي ييمه وعايني احسين


تعالي يالزجية وشوفي حاله
عزيز الروح محد بجه اگباله
لو بيدي اموت انا أبدله
ولا شوفه ايتگللب يمه بالعين


من شفتك عله التربان ...ون صار
ابخيامي ..ابگيت لا خوان ..وانصار
صحت عباس.. عن احسين ...وين صار
الما يسوه يسلب ثوب أخيه


ما همني خويه الصار بيه
بس الهمني نومك عالوطية
مسلوب وانا امشي سبية
لو بيدي أظل يا نور عيني ..


لو بيدي أظل يحسين يمك
ابجي وانوح ابكتر جسمك
حدما اموت الذاك همك
ويكتلني لجروحك ونيني ...

انا موتي ..من سمعتك ..يالأخو اتون ..عالوطية
هنانه زينب ...موتتها ... ابونتك يابو رقية...

اشلون خويه اتموت وانا
ابقى يحسين اعله حيلي ..
ريت ما وياي عيلة ..
والله اموتن يا دليلي ..
ما مفارگتك ثواني ..
.وتالي جدامي اتسلّب
كلشي ما ردت ابحياتي...
.بس اموتن يا خليلي ..


أظل المن يخويه وفارگتني ..
ردت يمك منيتي وما اجتني ..
اموتن بالخرايب تالي يحسين
يخويه ليش ما جيت وشفتني ...



قاسم المالكي

#اللهم_عجل_لوليك_الفرج
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa

اعتذر من سيدي اباعبدالله الحسين وسيدي قمر بني هاشم صلوات الله عليهم واقول😭💔

ها يزينب غمض جفنج واستراح
وحّده من غمّض احّد غمّضاه
ماكو حتى برؤيا اخوتج مااجوج
تنعقل هذا الجرح حيدر نساه
فاطمه اتدّور مجالس ماتجيج
حگها ام مذبوح واتدورلها اه
متّي عطشانه شربتي اشويه ماي
متنج ايخر دمّه واحد ضمّداه
جسمج اتغسل اكو بالجربه ماي
من ضربتي المحمل الدم غسلاه
چفن ماظلّج امن اهدوم الحسين
لو بذيج الحمره لفوج العباه
ظهر مكسور وغريبه اوحيده ليش
صدك نعشج من مشه محد وراه
اعتب اعله المرتضى لو عالكفيل
حسين معذور وبجالج دم قفاه
كلهم اعتذروا عمت عيني عليج
خبر هذا الشامت بروحه اشتراه
جسمج الشابع هضم ناحل اكيد
الحفر كبرج ضيّكَاه لو وسّعاه
هاي هيه انتهت ايام الدموع
لو رقيـــه اتلجمج بيا ابتــــــاه.

علي محسن الزيادي


#اللهم_عجل_لوليك_الفرج

كـثــر دخـان لـمـخيـم .. على اهواي
وتـمنـيت الدهر يمشي .. على أهواي
وأضل يمك وأسولفلك .. على اهواي

حـچـي يحسين عـگبـك ضال بيه

*------------------*----------------*

✍خـادم زيـنـب ع
الشاعر رعد الجريخي


#اللهم_عجل_لوليك_الفرج
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa

نعي مولاتي زينب على أخيها الحسين (ع)


يا يوم خويه مثل يومك
عطشان ومسلبة اهدومك..
گبلك گضوا يحسين گومك
واستوحدوك الما يرحمون ......

ظليت طايح عالوطية
وداير يخويه العين ليه
حن گلبك الشوفة رقية
ما ودعتها ..امغمضه العيون

ونيت خويه ويا ونينك
فت گلبي بي صاير حنينك
ايعز اعله زينب تصد عينك
فوگ الترايب طايح اشلون ..

ما انسه خويه الشفته بالعين
شفتك تلوج بعيني يحسين
رايد تگوم وحيل ما بيك..
سهم المثلث ما يخيلك
هميت اجيك وخاف أأذيك
نوم الوطية اعليك مو زين ...

من صاروا عليك الگوم لمة...
بعد ما شفت حالك يبو اليمة
واحد رفع رمحه ابهمه
صابك وهذا اليدج جدمه ..
ونيت خويه وصحت يُمه
گومي ييمه وعايني احسين


تعالي يالزجية وشوفي حاله
عزيز الروح محد بجه اگباله
لو بيدي اموت انا أبدله
ولا شوفه ايتگللب يمه بالعين


من شفتك عله التربان ...ون صار
ابخيامي ..ابگيت لا خوان ..وانصار
صحت عباس.. عن احسين ...وين صار
الما يسوه يسلب ثوب أخيه


ما همني خويه الصار بيه
بس الهمني نومك عالوطية
مسلوب وانا امشي سبية
لو بيدي أظل يا نور عيني ..


لو بيدي أظل يحسين يمك
ابجي وانوح ابكتر جسمك
حدما اموت الذاك همك
ويكتلني لجروحك ونيني ...

انا موتي ..من سمعتك ..يالأخو اتون ..عالوطية
هنانه زينب ...موتتها ... ابونتك يابو رقية...

اشلون خويه اتموت وانا
ابقى يحسين اعله حيلي ..
ريت ما وياي عيلة ..
والله اموتن يا دليلي ..
ما مفارگتك ثواني ..
.وتالي جدامي اتسلّب
كلشي ما ردت ابحياتي...
.بس اموتن يا خليلي ..


أظل المن يخويه وفارگتني ..
ردت يمك منيتي وما اجتني ..
اموتن بالخرايب تالي يحسين
يخويه ليش ما جيت وشفتني ...



قاسم المالكي

#اللهم_عجل_لوليك_الفرج

نعي للسيدة زينب (ع)
ـــــــــــــــــــــــ
شـعَدِّد يــا مصيبـــه ويا مصيبــه
چنــت امدللـــه وهســــه الغريبه
عُـمُر خلصتـــه يوميّــه ابنهــيبه
صبح تسبيحي اخوي منين تجيبه
ـــــــــــــــــــــــ
طحت وبطيحتك لـ اللــه الشـكايه
هِنّـــه هـــواي بـس هــاك البدايه
أنه الما شافولي ضل بالركضه هايه
انترســت شيـب زينـــب والعـبايه
ـــــــــــــــــــــــ
أو وصــلنه الشـام آه يالشام غَبْرَه
وانــته برمح تمشــي ويـاي وأدره
ابســوگ الشـام خويه اشبعنه فرّه
نشــگف بالحجاره إتْجـينْه عشرَه
ـــــــــــــــــــــــ
ما يخلــص حچيــنه هـواي بعده
بعد جــرح الخرابه ابيش اضمده
ما طــوّول عليـك ابـ جُمله وحده
خَذَت منــه الخرابـه شـلون ورده !!
ـــــــــــــــــــــــ
يتيمات إلــــك لتخــيّب ـ أمَلهن
وبناتك لا تضن لحظـــه ـ أمِلهن
أمّن خويه صــرت آنــه ـ أُم إلهن
أم سكنه صرت وام لرقيه ..
ـــــــــــــــــــــــ
يملچ المــوت عجـّـل ـ ماتمتني
المآتــم مووّتَنّــي و ـ مأتم أتني
مو بس مــات گلبـي ـ مات متني
مِتت كِلّي بعد شيموت بيه ..
ـــــــــــــــــــــــ

مهدي التقي

#اللهم_عجل_لوليك_الفرج
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa

بَاقِي ليَّالِي قَليِّلة حَتى تُطَهر اروَاحَنا بِذكِر الحُسَيِّنْ بالدَمعَة عَلى الحُسَيِّنْ بِالجَزَع عَلى الحُسَيِّنْ ايَامْ قَليِّلة وَتَبدأ مَجَالِسَ العَزاء الِتي تَحتَويِّ الجَزَع الصَرخَات الحُسَيِّنيِّة التِي تَخرُج مِن قُلوبِ ألعَاشِقيِّنْ ، عَاشُورَاء شَهرٌ عَظيِّم لـِ ائمة عُظمَاء لاَ يَعرِف مُصَابِهُم إلا العَاشِق الهَائِم الدَائِم عَلى نَهِج الحُسَيِّنْ أسئَل الله انْ يُهَيئ اروَاحَنا لِمُحَرَم مِن الدَمعَةَ والجَزَع ، اللهُمَ اتِم عَليِّنا مُحَرَم ونُفوسَنا مُطَهرةَ زَاكية بِمُصَابٍ أليِم اللهُمَ وَفِقَنا لخِدمَةَ مَولانَا وسَيدِنا ومَعشوقِنَا ابا عَبدِ الله الحُسَيِّن صَلوَات اللهِ عَليه .
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa

#تراث

يا وقعةَ الطف كم أوقدتِ في كبدي
وطيسَ حزنٍ ليوم الحشرِ مسجورا

كأنَّ كلَّ مكانٍ كربلاءُ لدى
عيني وكلَّ زمانٍ يومُ عاشورا

لهفي لظامٍ على شاطي الفراتِ قضىٍ
ظمآنَ يرنو لعذبِ الماءِ مقرورا

لا غروَ إن كسفت شمسُ الضحى حزناً
على من اقتبست من نوره نورا

يا ليت عينَ رسولِ اللهِ ناظرةٌ
رأسَ الحسينِ على العسّالِ مشهورا

وجسمُه نسجتْ هُوجُ الرياحِ له
ثوبا بقاني دمِ الأوداجِ مزرورا

إنْ يبقَ ملقىً بلا دفنٍ فإنَّ له
قبرا بأحشاءِ مَن والاه محفورا

لم يشف أعداه مثل القتل فابتدرت
تجري على جسمه الجرد المحاضيرا

ويلَ ابنِ آكلةِ الأكبادِ كم جلبتْ
يداه للدينِ كسرا ليس مجبورا

لم يكفِه قتلهُ أبناءِ فاطمةٍ
حتى سبا الفاطيماتِ المقاصيرا

لهفي على خفراتِ المصطفى هُتكتْ
أستارُها بعد ما عُرّدْنَ تخديرا

ينظرن أرؤسَ قتلاهنَّ سائرةً
إمامُها بينها السجاد مأسورا

مَن مبلغُ المرتضى أن العدى صدعتْ
أهليه نصفين مقتولا ومقهورا

الشاعر الشيخ
عبدالحسين الأعسم النجفي

#اللهم_عجل_لوليك_الفرج
https://www.tg-me.com/النعي والرثاء لمجالس سيد الشهداء/com.AL_Nay_and_Alrthaa