قصة #عشق_الأصيل 9
القسم التاسع
بقلمي:مايا الحجازي
كانت سيدرا معزومة عنا وطبعا هي ضيفة وانا لفاية وقت اتزكرت الخطبة وانو انا بالاسم انخطبت قلبي غص محمد مختفي وكل الي عم يصير ضدي ولولا الخوف من اهلي كنت رميت الدهبات وتركت ويكون شو مايكون صاير معو وانا رفعت سقف احلامي وقلت رح اعيش معو قصة حب ويصير يسمعني حكي حلو
بقلبي:اي انا كنت بدي اتعرف عليه اكتر وليكو مختفي لا حس ولا خبر شو هالحظ هاد
ضيفت سيدرا وعزمي قهوة وقعدت على قلبهن وحسيت سيدرا اتدايقت
ماما:بلسم؟؟خلصتي شغل
بلسم:اي كلشي جاهز بس الطبخة بدها تطبيق
ماما:ماعندك شي
بلسم:لا
ماما:طيب تعالي شوي
رحت اشوف شو بدها
بلسم:شو بدك
ماما:اتركيهن لحالهن
بلسم:لا مارح اتركهن وبدي أقعد على قلبهن
ماما:بتغاري يعني
بلسم:لا بس شو لازمة هالحركات وع فكرة سيدرا عرفت شو بدك مني وجكارة بالكل رايحة اكبس على نفسهن
تركتها مصدومة مني وارجعتلهن
سيدرا:اي صحيح حلو عفش بيت عمي
عزمي:اي بجنن
سيدرا:بس العريس بحالو مو مبين
عزمي:مابعرف شو احكي
سيدرا:ليكون بيعرفو وينو وهو قاصد يختفي عننا نحن
عزمي:لا ما بظن هيك
سيدرا:معك المفتاح
عزمي:اي
سيدرا:خلينا نروح نشوف البيت
عزمي: بس لنشرب القهوة
سيدرا:انتي بلسم لا تشوفيه مو منيح😂
بلسم:لا رايحة بس جكارة فيكي
خلصو القهوة ورحنا سوى وسيدرا بلشت تعطي رأيها من اول ما دعست بالبيت
سيدرا:معقول هاد بيت عمي الي كان خارج الخدمة
عزمي:حلوو
سيدرا:مو انت زبطتو بجنن
عزمي:بس مو مني المصاري ها
سيدرا:اي بس حلووو وجابو غرفة نوم
عزمي:لا حكو انو لازم محمد يختارها
سيدرا:وديكور لغرفة النوم والله ما الك حظ الا شوي
بلسم:...
بقلبي: فاضية لحالك واصلا ما همني البيت كل همي نعرف شي عن محمد وازا صرلو شي رح يكون فالي نحس عليهن حتى المطبخ عجب سيدرا
سيدرا:ياي نيالك والله رح اصيبك عين
بلسم: اي والله الحق معك
اتمايزت ايدها المشبوكة بايد اخي
عزمي:لسى المضافة على احلى
مع انو سيدرا طار عقلها بكلشي انا كنت اتفرج بدون نفس سكر البيت عزمي وراحو يتمشو شفت سيدرا كيف سحبتو من ايدو وحتى ما عزموني ضليت اتاملهن ورحت لاشكي ل ستي كانت قاعدة برى وتتامل الجو سلمت عليها وقعدت جنبها
ستي: يسعدلي هالطلة الحلوة
بلسم: رح اموت يا ستي
ستي: سلامة قلبك يا عيوني شو صاير لك
بلسم:ليش انا ما عم اتهنى بحياتي
ستي:انشالله بيرجع وبتتغير كل نفسيتك
بلسم: انا غيرانة من عزمي وسيدرا
ستي:هههه وهي بتكون غيرانة لانو رح تسكني ببيت بجنن
بلسم:انا مو هامني البيت ولاشي بس بدي اعرف وين مختفي
ستي:روقي يلا وبكرى لحتى كل البنات يتمنن يكونن بمطرحك
بلسم:ستي ازا تركت شو رح يصير
ستي:لا يوه تكسري بخاطر عمك وبيت عمك ويفكرو انك عم تفاولي على ابنهن
بلسم:ازا بين رح اترك
ستي:مو عيب
بلسم:اي ما بحبو
ستي:ههههه انا كنت اكره جدك بس بعد سنتين من زواجنا صرت أحبوا حب واغار عليه حتى من النسمة الرجال لمنيح رزق من الله
بلسم:ومحمد منيح
ستي:بصير لا تخافي ولا بقى تقولي بدي اترك وتشمتي فيكي الناس
بلسسم: مابدك تيجي علينا
ستي:والله اليوم تعبانة
بلسم:لكن رح اجي اتتغدا معك
ستي:اهلا وسهلا
خطة مني لحتى ما ياخدو راحتهن وهيك رح تتغدا معهن امي بفكروني جدبة
جهزت ماما الاكل واخدت الي ولستي مع انو اتبرعت سيدرا تجيب ستي بس اناا رفضت وحسيتها انقهرت😂المهم ما يتغدو سوى
...........
بيوم الإجازة كان عم يجهز حالو قبل بيوم حلق شعرو ودقنو متحمس وبدو يطير من الفرحة سكر على اغراضو بخزانتو الخاصة وقفلها وقع الإجازة من أسير وودعو وبطريقو للبيت بالمواصلات لانو مفلس وما سدء ايمتى صار باب الفيلا دق الباب وفتحت روز وبس شافنو اخواتو شهقن وامو انصدمت وهو مابيعرف غيابو كيف اثر عليهن لتلات ركضن عليه وغمرنو وهو لسى مصدوم
سلام: اصيل مو مسدءة عيوني مو مسدءة
حنان:لك خبرنا وين كنت
ام مهران:الله يسامحك انقلبت حياتنا ونحن على اعصابنا
نزل مهران مو عاجبو رجعة اصيل وكيف ملهوفات عليه بس ما بين انو مزعوج سلم عليه
مهران:وين كنت ولاه دورنا بكل مكان
محمد:في مجال ارتاح شوي
مهران:منستناك
ام مهران:ربع ساعة اكتر لا
طلع ل غرفتو في كتير شغلات لازم يعملها اتحمم ولبس بيجامة ونزل لتحت كان واصل ابوه ودغري سلم عليه وباس ايدو
ابو مهران:والله ماسدءت انك اجيت فكرت بيمزحو
مهران:وين موبايلك
قعدو كلهن واول ماا جابت القهوة روز شغل سيكارة واتنهد
محمد:انسرق مني
مهران: واشتري بدالو
محمد:مامعي مصاري
مهران:وراتبك
محمد:بعبي فيهن وحدات😂
مهران:طيب وين كنت
محمد بتحدي:صرت من عناصر فاروق بيك
هالاسم صدم مهران وكيف مافيه يصدمو هو بحارب الفساد وبلاحق كل حدا خارج عن القانون

ابو مهران:مرة وحدة
مهران:فاروق بيك ما غيرو
محمد:اي
ابو مهران: والوضع كيف
محمد:انا ما توقعت يكون لهدرجة متواضع بعاملنا كأننا اولادو
مهران:وانت؟؟!!
محمد:انا عنصر مميز عندو
مهران:وكيف لحتى انتقلت من عند ضياء بيك
محمد: فاروق بيك طلبني بالاسم
مهران:...
ابو مهران: واديش اجازتك
محمد: كالعادة
ابو مهران:اسبوعين
محمد: اي
ابومهران:مع انو نويت اجوزك هالإجازة
انبسط كتير وطاقة فرج وانفتحتلو
محمد:بس اموري
ابومهران:نحن جهزنا البيت وباقي بس غرفة النوم وجهاز العروس
مهران: الإجازة الجاي
محمد:انا فيني امدد الإجازة لشهرين
سلام:اي يا اصيل خلينا نفرح فيك
ابو مهران: وشو ناطر
محمد:ما فكرت انو ناويين
ام مهران:لا خلص بدنا نفرح فيك واشوف اولادك كمان
ابو مهران:وكيف بدك تمدد الإجازة
محمد:قائد الحرس مارح يرفضلي طلب
مهران:اوف وصاير عندك واسطات
محمد:واسطة تقيلة هالمرة وبيتحكم بالفرع بالكامل
مهران:....
ابو مهران:لكن رح اتصل ببيت عمك ونحدد موعد
محمد:بكون احسن
مهران:ومعك رقمو ل قائد الحرس
محمد:ولو هو الي معي
ام مهران:شو ناطر ابو مهران خبر بيت اخوك وخبر مرت عمي بكون بالهن لسى مشغول
مهران:روح اشتري موبايل مو حلوة تضل هيك
محمد:لبكرى انا غرفتي عم تناديلي
ام مهران:ع لتمانية انزل بكون العشى جاهز
محمد:ابشري
سلام: اشبع نوم بدنا نسهر معك
محمد: انشالله
طلع ل غرفتو يحلم ب قسط راحة زمان عنو
.....
كانت ماما عم تحكي مع بابا وضحكتها شبر
ماما:عنجد ...ايمتى...وهو حكى معك.... كتير منيح.....لا لسى ما جهزنا شي ..... مابعرف المهم انو رجع اي لاروح لعند مرت عمي واهنيها بسلامتو
عزمي:محمد رجع
ماما:اي وعمك خبر ابوك وكانو العرس بهالاسبوعين
انصدمت لا انصعقت
عزمي:وبابا
ماما:مستحيل يحضر بتعرف انت كيف سافر لاخبر ام عامر لنروح نهني ستك
خبرتها والتقينا فيهن وبطريقنا لبيت ستي مبين معها خبر لانو فرحانة لدرجة
ماما:الحمد الله ع سلامتو
ستي:الله يسلمك ويسلم عيلتك من كل شر
ام عامر:والله افرحنا بس وين كان
ماما:مضيع موبايلو ومنتقل لفرع جديد
بقلبي:هاد الي كان ناقص
عامر:ومقررين يجوزوه
سيدرا:اوف بهالسرعة
ستي:اي احسن بيتهن جاهز وخلينا نفرح فيهن
واتحولت السهرة لبيت ستي عمتي وسعدية وانا ناطرة اي اتصال منو نتناقش بالعرس الي ما علاقتي فيه
عزمي وعامر بس سمعو بسيرة لجهاز طلعو
عمتي:لا يوه انا بعرف محل تياب كل قطعة عندو اغلى من التانية
ام عامر:بس لازم تاخدي بلسم معك احسن ما تضلي رايحة جاية
سعدية:اي المقاس مبين
سيدرا:لا في تياب لازم العروس تختارها
عمتي:عروستنا اخر همها
ستي:يمكن مو مسدءة انو رجع
عمتي:يلا كم يوم وبتكوني بحضنو
خفق قلبي بقوة
ستي:الله يهنيهن يارب
سيدرا:عمتي شفتي البيت
عمتي:لو مو الدنيا ليل كنت رحت
ام عامر:يلا يوم تاني حتى انا ماصرلي اشوفو
سعدية:يلا بتنعزمي يوميا عند امك
ستي:لا يوه اصلا بدي اقفل عليهن
سيدرا😂بتخلصينا منها بتغار من حالها لانو
ام عامر:عيب وليه
سيدرا:اي قاعدة على قلبنا انا وعزمي
سعدية:هي لانو الخطيب كان مختفي
رحت لاعمل قهوة وبطريقي اتسمعت على عامر وعزمي
عزمي:بشوفو بالتلة وما بسدء
عامر:وانا متلك
عزمي:المشكلة ما بيحكي شي مارح نعرف وين كان
عامر:شو قصدك
عزمي:في من ورا غيبتو شي وقصة ضياع الموبايل ماعم تخرط مشطي
عامر:انت ادرى كانو الكل دريان
عزمي:اي صاير حديث المجتمع
عامر:بس مو حلوة تتجوز بلسم بغياب عمي وهي وحيدة
عزمي:يلا المهم عمي يحضر عرس سيدرا 😂
عامر: وانا يعني يلعن عمري
عزمي:ليكها سعودة فوت طبقها
عامر:اي انا بس اسمع باسمها بتروح كل رجولتي بالارض
عزمي:😂مثلا بدك عروس اسمها جميلة
عامر:لا اي اسم بس مو سعدية إنا مو مشاان شي مشان ولادي بكرى ما يتعيبو باسم امهن
فرطت ضحك على جنان عامر ورحت لاجهز القهوة وكانو مو متسكر على سيرة لجهاز وانا بعالم تاني ومابعرف مو مستوعبة انو بدي اتجوز خلال اسبوعين
........
كان بيتنا مكركب على جية بيت عمي ولو مارح ينزلو عنا ومو بس بيتنا الحارة كمان وصلت سيارة وفيها غرفة نوم وكان عامر وعزمي مهتمين بكلشي والمسا وصلو بس ما كان محمد معهن ولا مهران بس عمي والبنات ومرت عمي والا تخليني ماما اروح استقبل وكل وحده معها شنته كبيرة الظاهر المنافسة رح تكون مو سهلة وجايبات نص تياب المدينة معهن اخدت دور العروس ع الاخر وما دقرت ولا شغلة وبدي اتواصل مع محمد باي شكل بلكي يتاجل العرس لو شهرين او تلات اجتمعنا بغرفة ستي نحن البنات وحنان مستوية لانها بشهرها
سيدرا:اشتقنالك وليه
سلام:وانا كتير مو شوي
حنان؛وانا
سيدرا:هههه وانتي بس مو الك لحالك ل يلي ببطنك
حنان:اااخ لا تزكريني ميتة من تعبي

بلسم:ليش ما اجى محمد
حنان:اه مشتاقة لحبيب قلبها
سلام:عندو مشاغل مشان العرس
بلسم:وما اشترى موبايل
حنان:اي اشترى بس بدو يطالع شريحة جديدة على نفس الرقم
سعدية:ومبسوط
سلام:مو قاعدين بقلبو اسالي بلسم هي متربعة بقلبو
سعدية:عروستنا قالبة خلقتها
حنان:اي معها حق هي ناطرة العريس ويكون اللقاء بوس واحضان
سيدرا:😂اوبااا
سعدية: ياترى مين رح يسبق التاني
حنان: المشتاق اكتر
بلسم:وايمتى جاي
سعدية:اتحمست بلسم
بلسم: انا مسايرة قلة ادبكن ما اكتر
حنان:ما بعرف بس عم يجهز امورو
سلام:هي متعودة هو يزور التلة ونحن نكون مرافقينو مو العكس
سيدرا:بس رح يصير عندا غرفة نوم كلها مرايا😂
سلام:مشان كيف ما لفت تشوف اصيل
بلسم: انا بقول تسكنن معنا احسن
سلام:لا يوه منستحي
حنان:😂مو بلا
سعدية:وبعدين بدك تاخدي راحتك
سيدرا:والاغراء يشتغل شغلو
بلسم:مأثرة فيكن المسلسلات التركية
حنان:اي بالاخص جان دخيلو عضلاتو
بلسم:يا حبيبي وجوزك بيعرف انك بتحبي عضلات جان
حنان:لا يوه بس الكن بحكي
سلام:تحكي مع اصيل
بلسم:بلا خط؟
سلام:لا اكيد مهران معو
بلسم:لا مافي داعي...فرجني لتياب الحلوة
سلام:انتي جهزتي
بلسم:اي بس ما خلصت
كنت خايفة وعم يفسرنها انو شوفة حال مع انو ولا عبالي وكل حكيهن تلميح ارجعت للبيت مع ماما لانو عزمي سهران مع عامر وقلت بشكيلها بلكي تلاقيلي حل
بلسم:بدك تنامي
ماما:اي بكرى يومنا طويل العرس الاسبوع الجاي
رجفو ايديي
بلسم:ماما كانو مستعجلين
ماما:لانك رح تسكني جنبي مو مهتمة لو بكرى العرس
بلسم:بس انا خايفة
ماما:هاد مو خوف حبيبتي هاد خجل وكل عروس بتمر بهالمرحلة
بلسم:لا انا خايفة ومقبوض قلبي كمان
ماما:لا تضحكيني بلسم
بلسم:انا بحس انو ما رح نتفق انا ومحمد
ماما:ليش شو الزواج خناق ولا مقاتلة تفاهم وحب والاهم من كل هاد الاحترام الزلمة بدو يحس بقيمتو
بلسم: انا مو فايتة لعقلي
ماما: شو هي الي مو فايتة لعقلك
بلسم:زواجي منو انا ما حكيت معو طوال فترة الخطبة ما بعرف عنو الا شغلة وحدة انو سرسري
ماما:ايوا من وين اطلعتي بهالحكي اتخيلي عمك وولاد عمك جايين وشو الست بلسم مابدها وحجتها ما حكت معو
بلسم:اي شو ها لخطبة وشو هالعرس انا حاسة أنها لفلفة والسلام
ماما:جهزي حالك بكرى بدنا نخلص لجهاز
ما اخدت منها لا حق ولا باطل وتاني يوم رفضت اروح معها لاي محل رجعت مع مرت عمي هلكانة واجت سيدرا تتمختر والا تشوف شو لتياب
سيدرا:😂اي هاد اسمو جهاز
ماما:دخيلو الي بيفهم مو متل هالعنيدة
بلسم:يا حبيبي شو هاد
ام عامر:تياب
بلسم:وليش كلو مكشوف لك شو هاد انا مستحيل اللبس هيك شي
ام عامر:ونحن هيك كنا نحكي
ام عزمي:وصرنا نفتل بالمحلات وندور على شي يناسب زوقهن
سيدرا:😂 يعني بكون لعزمي زوق خاص
ماما:اي لكن انا بجهازي ماما جابتو اغلبو طويل قصيتهن بالمقص
سيدرا:😂 يا عيني
ام عامر:خلص وليه
سيدرا:😂 شوفي بلسم ما احلى هالشورت ولا هالحفرة رح يطلعو عليكي غير شكل
ماما: شوفي ما احلى هالقطعة
ام عامر:اللون الاحمر بجنن على بلسم
بلسم:اي رجعيهن أنا هدول ما بلبسهن
ماما:بلا جنانك
سيدرا:بعد شهر منلاقي بلسم عند ماجدة وتختار على زوق محمد
وفرطن ضحك
قلدتها ومقهورة منهن
وبس اندق الباب طار عقلي لميت كل هالقطع لمشرشحة
وخبيتهن وسيدرا وماما فرطانات ضحك ومنيح ضبيتهن لانو برى عزمي ومحمد واهلو اخجلت كتير وانا مخنوقة من هالظروف كلها وبدي معجزة لحتى ما يصير هالزواج رتبت الشالة وفاتت مرت عمي والبنات وهو واقف مع عزمي
بلسم:فوتو
عزمي:اطلعي استقبليه
كنت مترددة وعزمي كمل لعند عامر اطلعت لعندو بس ما اطلعت فيه
محمد:كيفك
بلسم:الحمد الله
مد ايدو ليسلم بالاول اتفقدت باب البيت واطمنت ما حدا منهن ع الباب ومديت ايدي وسحبني لعندو
محمد:اي شو هالحلاوة لازم ما ترتبي حالك
بلسم: ليش بدك يحكو اني مهملة حالي
محمد:لا مشان تفرقي بعد العرس
بلسم:...
محمد:وكانو مبارح متعشي عندكن؟؟
بلسم:ليش
محمد:اسالي حالك
بلسم:الحمد الله ع سلامتك
محمد: مبين مضروب مزاجك
بلسم:,...
محمد: انا رايح مع الشباب
بلسم:
محمد:بدك تخلصي مني
بلسم:مين حكى
محمد: انا بختبرك مفكرة جاي مشتاق الهن
بلسم:فوت
محمد:لا بعرسك انشالله
بلسم: ليش ما اتصلت
محمد:قلت بعملها مفاجئة
بلسم:انت قررت
محمد:لا والله اهلي بس قرارهن اسعدني
بلسم:يعني بدك تفوت ولا
محمد:خايفة ع ايدك ما باكلها
بلسم:شوف نحن برى
محمد:ومين الو عنا
بلسم:طيب خلينا نقعد
محمد:برجع بكونو راحو
بلسم: لانو بدي نحكي
محمد:بامرك منحكي
بالغصب لترك ايدي واتاريهن على الشباك وميتات ضحك وانا كتير اخجلت
سلام:تاني مرة خلي ايدك معو😂
حنان:مبين متولع فيها
سيدرا:ولا كيف أتطلع فيها

سلام:اي عشقان
كنت عم ارتب الكلام الي لازم احكيه بدون ما يزعل واكيد رح يحترم رأيي المسا راحن لبيت ستي ونحن اطلعنا نتمشى وبس اجو الشباب اتوترت بس مارح اتردد مشيو معنا وهو ماشي حدي
عزمي:عجبكن مابدو يعمل حفلة قبل العرس
سلام:بلااا شو
عامر:يوم من العمر
محمد:انا مابدي خلص ب عرس عزمي منفرح
حنان:لا بدنا نعملك حفلة
محمد:لا حدا يناقشني الموضوع منتهي
سلام:وكأنو مافي زفة
عامر:مو حرزانة خطوتين
محمد:العرس رح يصير ببيت اهلي
سيدرا:مو حلوة لازم تطلع من بيت ابوها
عزمي:كلو واحد ابوها ولا عمها
سيدرا:وانا هيك رح يصير فيني
عزمي:لا بدي اعملك زفة ماصارت
سيدرا:طمنتني
بلسم: وانا بدي انزف
عزمي:مو حرزانة
بلسم:وكيف حرزانة تزف سيدرا
عامر:😂 الغيرة ماكلة عقل بلسم
سلام:هههه اي معها حق عم تناقضو حالكم
محمد:كل واحد حر بعرسو
بلسم:عرسك لحالك
عامر:لا تتخانقو ولوو
عزمي: بعدين بتتقاتلو
بلسم:...
حنان: روحو لحالكن بدنا نحكي عليكن
سيدرا:اي بدنا نضحك على قلة عقلها
ما كنت ناوية على الخير فتنا لبيت اهلي واستجمعت قواي وفتنا لغرفة لضيوف
بلسم:شو بتحب تشرب
محمد:سلامتك ارتاحي
قعدت جنبو ونطقت
بلسم:ليش هيك مستعجل ع العرس
محمد:مو انا اهلي
بلسم:يعني كتير قريب
محمد: ووين الغلط نحن منعرف بعض
بلسم:لا هيك حسيت خبط لزق مابعرف
محمد:انا كنت شايل هم البيت ليكو مجهز واجازتي شهرين واموري تمام
بلسم:وانا
محمد:ما خلصتي جهاز
بلسم:بس جهاز يعني انا مابعرف عنك شي ماقعدنا سوى
محمد:😂كل التلة بتعرفني هلا صرتي غشيمة
بلسم:اجلها شهر طيب
محمد:هالشهر يمكن يصير عنا ولد
بلسم:يا حبيبي
محمد:اتخيلي احكي لبابا نرجع والسبب بلسم ما بتعرفني
بلسم:انت مو شايف اننا مسخرة للبنات
محمد:من غيرتهن
بلسم: انا ما بطيق حدا يضحك عليي وساكتة بس مشان لا اعلق معهن ازا بمسك الوحدة فيهن لاطالع روحها
محمد😂 اي هيك ها هلا اتاكدت انك مخلوقة من ضلعي
بلسم:يعني ما بيتأجل
محمد:للاسف نو
بلسم:....
محمد:اشتريتلك شغلات الك بتجننن
بلسم:اكل
محمد: انا ما قلت بتشهي😂
بلسم:لبس مشلح
محمد:لا ولوو بس بعرفك بتحبي هيك شغلات
بلسم: فرجيني عليهن
محمد:لا بعدين
بلسم:وغير اللبس
محمد:بارفان وشغلات حابب اشوفها عليكي وشغلات بتحبيها
بلسم:...
محمد: وبالمناسبة عازمك على غدا لحالنا
بلسم:اي موافقة
بس للجكارة هو نطرني بالغرفة لحتى جهزت حالي واللبست احلى قطعة عندي واطلعنا والا نمسك ايدين بعض واطلعنا بسيارتو واتنفست براحة لانو أخلصت منهن
...........
بسهرة العيلة اجت وصفية وبنتها وولادها
قعدو الشباب بالمضافة والنسوان جوى بالغرفة
مصعب:لك ابن خالي بدون حفلة مو حلو كل العرس وبكرى بتعزم كل زملائك بتصيرلك حفلة ما صارت وانت شعبيتك عالية هون
يحيى:اي ماصارت لك حتى لو العريس فقير عم يشد حيلو ويجيب مطرب وفرقة ويفرح ويفرح اهلو
عامر:والله الحق معهن ونحن زمان ما افرحنا
عزمي: ولو ما عملت حفلة رفقاتك رح يلمو حالهن ويجو ويفرحو فيك
محمد: مابدي لا حفلة ولا مطرب
مصعب:وهي وحيدة وبدها تفرح
محمد:لااا تعمل حفلة وتعزم رفقاتها بالعكس ما عندي مانع
عامر:اوف كيف هيك
محمد: ظروفي ما بتسمحلي
مصعب:ازا الشغلة من ضياء بيك انا بحكي معو
محمد: لا تحكي مع حدا انا مقرر وخلص
مهران: ومابدك تعمل عرس
محمد:...
مصعب:ونحن حابين نفرحلك
عامر:منعملها عائلية
محمد:ويجي كل زعران التلة ل هون
مهران:مو انت واحد منهن
محمد: انا رئيس الزعران ورافض الحفلات وياريت تحترمو رأيي
عامر:براحتك بس عزمي لا تقعد معو بكرى بخرب افكارك
عزمي: وانت جبتها
مصعب: على كلا شو ما اعتزتو نحن كلنا بالخدمة من لكبيرة للصغيرة
محمد: ما بتقصر
يحيى:يلا خلينا نمشي
عزمي: بكير عمتي معها كوميات حكي😂
مصعب:ليش حكيها بيخلص
يحيى:مبارح الساعة تلات بليل بتعرفو انها فاتت بس لتسالني اتعشيت😂
عامر:حنونة
مصعب:😂هي ما شافت طبق البيض مسلمها
مهران:😂بلكي متعشي لحم
مصعب:لا من جماعة البندورة هاد كحتة😂
يحيى:لا افرط بتعبي رايح جاي
عزمي:والبيض ببلاش
مصعب:لا عنا كم جاجة بس مو ملحقات ولزبالة عنا عبارة عن قشر بيض
عامر😂بدك مدجنة يعني
محمد:لا تروح تبيض ابن عمتي
يحيى: في احتمال 😂
مصعب:حولو علينا جبنا طبق بيض جديد
محمد:بيض مقلي
يحيى:لا اليوم بدي اعمل عجة حولو
محمد: وانت جايب بالسلامة
صوت ضحكهن عبى المكان
مهران:بلا خليكن
مصعب:بعرس محمد
يحيى:اوعى تسدءو مشان البيض
محمد: ولو سدءنا ما منتقل بالعشى
عزمي:انت تحسباً مصعب اخفي طبق البيض
مصعب: ع الريحة بطلعو
عامر:من زمان مختص
يحيى:على كلا ما بسامحكن
محمد:قبل رمضان منعتذر منك وبتسامحنا
طلعو لبرى كلهن
يحيى:ام مصعب
مصعب:وصفية خلصينا

عامر ومحمد وعزمي يتطلعو ببعض طلعت عمتهن لحالها
وصفية:شوفي ولاه واحدكن قد اللوح بدكن اوصلكن
مصعب:حاجتك سهر
وصفية:منيح بيت اهلي
يحيى: نحن مشان الملائكة الي على كتافك
وصفية:اولاد اخي بوصلوني
مهران:ديرو بالكن على حالكن مننا
مصعب:يعني ما خلص مؤتمر القمة
وصفية: لا عم اقترح مشان يعزمو بدرية
اهتم محمد
محمد: ومين بدو يعزمها
وصفية:انت عمتي لانك العريس وخلص لازم لقلوب تتصافى
محمد:وعمرها ما تتصافى
وصفية:مشان ستك
محمد:ولو يطلع جدي من القبر ما بعزمها
وصفية: احكيلك كلمة مهران
مهران:وجيرة الله ازا بتنعزم بدرية لاقلب العرس اجر
وصفية:لك ليش هيك انتو ما بصير
محمد: نحن جماعة سرسرية وزعران
مهران:وعنا الدبح حلال
خافت منهن وصفية لتنين مجددين
وصفية:يعني للازم عمتكن
محمد:ولو منموت كلنا نحن عيلة ابو مهران بدرية لا تفوت بعزانا
مهران:الي ما بيبكي علينا ونحن عايشين مابدنا اياه وقت نندفن
وصفية:مو كلشي انتهى
محمد: عندك ....وحدة دعت علينا
مهران:لك لو دعت نموت ما منزعل
محمد:دعت على اخواتي البنات بالفضيحة
مهران:ونحن جماعة شرفنا اغلى من دمنا مو نطلع من التلة نروح لبلاد الكفر
عزمي:عمتي اقصري الشر
مصعب:خلص ماما
الكل مصدومين من عصبية لتنين
وصفية:علقت بنت اخي الله يكون بعونها
يحيى:لازم تختميها ماما؟
وصفية:والله اسمعت عنهن اليوم اثبتولي...يلا سعدية مشينا
طلعت سعدية وسلام وام عزمي
سعدية:يعني وافقو يعزمو خالتي
وصفية: امشي لا يقوصونا ولاد اخي
مصعب:روقو خلص واصلا ماما خافت وندمت
عزمي وعامر مشو معهن ودعوهن ورجعو
ام عزمي:كانو في خناقة
محمد:لا بس مجرد رأي
عامر:😂ازا طرحتو فكرة شو بصير
مهران:منولع التلة
عزمي:يلا بلسم كانو بدها تبلش الحرب
طلعت بلسم
بلسم:في شي يعني
عامر:لا مشاكل عائلية يعني بتنحل بمخزنين رصاص
مهران ومحمد لساتهن معصبين
محمد:مطول عندك انت
عامر:لا انت عريس وصل بيت حماك
عزمي:يلا امشي
نظرة من محمد ل سلام خلاها تتخبى جوى وهيك اطمن على وضعها ووضع عامر ماشيين سوى
ام عزمي:شو صار يعني
عزمي:انحلت ببهدلة
ام عزمي:انا حكيتلها لا تدخلي
محمد: عاملة فيها ست الكل
عزمي:بس زودتوها
محمد: مشان نثبتلها اننا اولاد ابو مهران
عزمي:لا اتاكدنا
...........
كان الكل متحمس الا انا والكل مبسوط الا انا ومشان حفلتي اتصلت برفقاتي وعزمتهن وماما راكضة بعرسي ومبسوطة اكتر مني كنت زعلانة لانو بابا مارح يحضر ولا كأني بنتو الوحيدة اطلعت بكل الجموع لمة قرايب بتخوف ما بتفرح البنات اشترن فساتين سهرة واكتر وحدة مهتمة بحالها سيدرا يمكن لانها كنتنا وسلام وحنان زبطن تشكيلة أغاني كانت اهدا وحدة فيهن نيفين وجودها وعدمو واحد وحتى امهاتنا مزبطات تزبيط ولا كل الصبايا وكانو تحدي الشغلة هي الليلة الاخير الي ببيت اهلي في شي رح يتغير بحياتي واصلا مسدءة ومو مسدءة انو هو العريس الي رفضتو رفض قاطع واتخيلت انزف لاي حدا بالعالم بس الي اتاكدت منو الي براسو رح يصير ونحن تحت امرو بعد الظهر اتحممت واللبست وسيدرا جاهزة واجى الافندي يوصلنا لعند لكوافيرة قعدت جنبو ودغري دفشتني من كتفي سيدرا
مارديت عليها وهو ما شغل السيارة ابدا
سيدرا:كيفك ابن عمي
محمد:اهلين سيدرا شو كانو في حدا مو عاجبو
سيدرا:متوترة وبتعرف
محمد:؟؟ليكون استعجلنا بالعرس
سيدرا:لا اجى بوقتو ابن عمي بدنا نفرفش وشو بدك فيها ما عنا نمرة متلها
زورتها بس انبسطو لتنين
بلسم: مطول عندك
استرخى اكتر وشغل سيكارة وابتسم
محمد:ازا ما شفت ابتسامة ولايمكن احرك
بجية مرت عمي وما اقدرت ماافردها ومثلت اني خجلانة
ام مهران:يلا حبيبي بدكن نص ساعة ما بتوصلو لعند لكوافيرة
محمد:قولو لحالكن مافي وحدة تجهز عرايس بالتلة
سيدرا:لا يوه هي عالمية الكوافيرة
ام مهران:يلا لكن اتيسرو
محمد:..
..........
اطلع ببلسم الي مبتسمة وخجلانة
شغل السيارة وطلع من الحارة
محمد:بتطولو
سيدرا:شي اربع ساعات
انصدم وبين عليه
محمد:شو تبديل قطع يعني
سيدرا:😂يا ويلي منك
محمد: لكن ليش اربع ساعات
بلسم:بكون عندها اكتر من عروس
محمد:يرضى عليكي سيدرا ديري بالك ليروحو يبدلولي بلسم
سيدرا:😂اتخيل
محمد:لا شو اتخيل مافي منها بالعالم
بلسم:لا عم تتمألس كمان
محمد:لا بحكي جد
سيدرا؛صحيح ليش ما عملت حفلة الك
محمد:ارمل😂
سيدرا:ولو مطلق لازم حفلة الشب
محمد: اجاني تهديد ازا بعمل حفلة بدهن يقوصوني
بلسم:عنجد
محمد: لكن
سيدرا:خفف محمد حاجز قدامنا
محمد:هيك بصير مع الواحد بس يطلع مع بنات صغار
سيدرا: يا عيني فتنا من الخط العسكري
محمد:شايفيتني مدني عادي
بلسم:لا مبين عليك
محمد:شو مبين
بلسم:لا يعني واضح انك مو مدني
محمد:ليش الواحد فات هالشغلة من عبث

سيدرا:ياريت في بنات يتطوعن
محمد:بتعرفي تسكتي
بلسم:لا تجرحي كرامة العيلة
محمد:اموت واعرف ليش حاجزات عند كوافيرة باخر الدنيا
سيدرا:كليوم بدها تتجوز بلسم مرة بالحياة
محمد:لو مرتين بالتلة مثلا بتتجهز
بلسم:لا بقى تتمسخر
محمد:مخطوبة وغصب يا فلانة
سيدرا:غني شي حلو 😂هي مو معبرة
محمد:حسب الجو بيطلع معي الكلمات
سيدرا😂 مو معقول اديشك رايق غني اغاني فرح مثلاً حمامة بيضا رفت رفت فوق راسي
محمد:ليكون ما رفت وعملتها😂😂
فرطو ضحك بس بلسم ما بتتحاكى بنوب
وطول الطريق يحكو ويمزحو لحتى وصلو للصالون التجميل
محمد:قبل تخلصن ب نص ساعة خبرني
سيدرا:ماشي
بلسم:انطرنا هون
محمد:لا لازم ارجع بس متل ما خبرتكن يلا فوتن لا تضلن برى
امن عليهن ورجع للتلة اعطى السيارة ل عامر يوصل اخواتو للكوافيرة كمان وهو فات للبيت ولغرفتو الي معبية اغراض بلسم وكلشي فيها بيدل على انو عريس اتمدد على التخت ب تعب وحط ايدو على بطنو وحس بتشنجات قوية الباب عم يدق وجر حالو جر فتح كان مهران
مهران:طولت يا زلمة
محمد:مابعرف عن قلة عقل النسوان
مهران:ليك السهرة ببيت عمتي
محمد:ولشو السهرة
مه

مهران: هيك بدو مصعب انا سكرت طريق بيت ستي ونشرت رجالي بين الشجر
محمد:ليش في شي
مهران:جراح شايف اكتر من ملتم عم يفتلو بالحارة
محمد:انا حاسب هالحساب
مهران:لا تروح لحالك تجيب العروس خود عزمي وخود كم واحد من رجالي
محمد:الله يمضي هالليلة ع خير
مهران:لا تخاف انا مأمن الحارة بس الخوف من الطريق
محمد:انا اصلا كل طلعتهن من التلة ما عجبتني
مهران:وين سلاحك
محمد:بالغرفة
مهران:على كلا لا تروح بدون سلاحك ومابصير شي مدامنا مفتحين عيونا
محمد:فوت
مهران:لا بس حبيت اخبرك
محمد: ماشي
رجع لغرفتو جهز تياب مشان السهرة وبالو مشغول ناطر اتصال من البنات
........
بعد ساعات تجهيز خلصنا ابتسمت بإعجاب فستاني مع المكياج كلشي خلاني افرح اتصل فينا لبستني سيدرا كاب بلون الفستان واجى محمد اخدني من جوى الصالون كنت مستغربة لانو عزمي معو وحسيت بشي غريب
سيدرا:محمد هاد موكب السيارات معك
محمد:بدل زفة بكرى ها اسمعو
سيدرا 😂😂 نيالني زفة مافي متلها
عزمي:لا اسمع جراح مساندك وبزمر
محمد:شو كليوم بدي اتجوز
سيدرا:مال وفي وانت لساتك صغير لازمك عروستين تلااتة
عزمي:قولتك وانا اعمل متلو
سيدرا: لا هو غيرر انت
محمد:منيح اتجوز مرة
سيدرا:ياي صار عنا عرس
عزمي:😂هني لو يعرفن لشو هالموكب
بلسم:في شي يعني
محمد:لا بس احسن مافي شي
سيدرا:فوت هلا رقصها مجهزتلكن شو اغنية رمنسية
عزمي:والله بتلاقي النسوان فرحانات برقص العرسان اكتر منهن
سيدرا: اي منتفرج منحب الرومنس نحن
محمد:فاضيات لحالهن ما بيعرفن شو يعني يفوت زلمة بين حشود من النسوان على قلة عقل
عزمي:مابتسترجي ترفع عينك
سيدرا:محمد أجرأ منك
عزمي: هاد مجرب اشكال الوان انا لا
قهروني وصرعنا محمد ومرافق مهران وصلنا للتلة ولبيت اهلي وفوتني محمد وصوت الزغاريد يعلى ويزيد ومبلشة الحفلة من زمان هيك مبين شلحني الكاب وما اقدرت اطلع فيه
ماما:اسم الله عليكي الله يحميكي يارب
ام عامر:بسم الله ماشاء الله
ام مهران:يخزي العين عنكن
محمد:انا لازم امشي
سلام:لا بدكن ترقصو ولوو
محمد: مامعي وقت
لمحت شيماء وابتسمتلها
سلام: يلا شغلي حنان
محمد: وأخيرا شفنا هالسن اللولو
بلسم:ليش مستعجل ما افهمت
محمد:السهرة ببيت عمتي وهاد عاشر اتصال
بلسم::...
سلام تشجيع النا قربتنا من بعض وبلشنا نتمايل على انغام الاغنية وعيوني مو قدرانة تلتقي بعيونو
وانا بين أديك .. تهت في مكاني
ونسيت معاك .. عمري وزماني
والوقت فات وياك ثواني
قربني ليك .. سبني أعيش أحساسي بيك
بتحدى العالم كله وانا وياك
وبقول للدنيا بحالها ان ان بهواك
وانت حبيبي وقلبي وروحي معاك
قربني ليك .. سبني اعيش احساس هواك
انا عشقي ليك .. عشق القمر للنجمة والليل والسهر
وشوقي ليك .. فوق الخيال .. فوق احتمال كل البشر
من يوم لقائك .. حلوة الحياة
بتحدى العالم كله وانا وياك
وبقول للدنيا بحالها ان ان بهواك
وانت حبيبي وقلبي وروحي معاك
قربني ليك .. سبني اعيش احساس هواك
اتحدى بيك .. كل الوجود .. وياك اكون او لا اكون
انا مش حعيش من غير هواك .. انا قلبي عاشق للجنون
من يوم لقائك .. حلوة الحياة
بتحدى العالم كله وانا وياك
وبقول للدنيا بحالها ان ان بهواك
وانت حبيبي وقلبي وروحي معاك
قربني ليك .. سبني اعيش احساس هواك
بتسفيق كبير بنات عمي مصيفات ما سدءت ايمتى خلص وطلع بعد ما غمزني وبالزور لترك ايديي
كانت الحفلة ماشية وغير شكل وقبل تنتهي حسيت صار شي اجت بيلسان من برى وهمست شي ل مرت عمي وضربت على وشها وانا خفت وحسيت صاير شي ودغري طلعت لبرى ولحقتها مرت عمي وكل البنات
بلسم: شيماء شوفي
شيماء:مابعرف بس صار شي والا ما طلعن لبرى
بلسم:روحي شوفي شو القصة
دغري طلعت وانا ما سدءت ايمتى رجعت
بلسم:شو طمني
شيماء:اي....محمد تعبان شوي
بلسم:كيف يعني تعبان
شيماء:حكت بيلسان منتكس متل المرة الماضية
حسيت بخذلان رح ينحكى عليي ويقولو قدمها نحس
شيماء:لا تخافي ما فيه شي
بلسم:مابعرف بس قلبي متل النار
مسكتلي ايديي لتهدي رجفتهن
شيماء:خايفة عليه
بلسم: انا اصلا مابعرف شبو
شيماء:ليروح يتأجل العرس
بقلبي:بتيجي منهن مو مني وبرتاح من هالهم
بجية سلام ونيفين ليطمنني
بلسم: شو صاير معو
نيفين:مابعرف كان عندو الممرض وقلعونا كلنا
شيماء:وشو صاير معو
سلام:حكت بيلسان انو فقد وعيو ببيت عمتي وجابولو دكتور وحكى لازمو سيروم مغذي أصيل بياكل لقمتين وبكون شبعان
اجن كل النسوان بس صوت ضجة حكي
عمتي:يلا عمتي حاجتكن بدلي هالفستان
شيماء:بشوفك بكرى
ماما: خليكي حبيتي بتنامي عند بلسم
شيماء:لا اخي من نص ساعة بستنى مني اتصال يلا الله يعافيه
ودعتني وراحت وانتهت الحفلة بلشن تعزيل وانا بغرفتي ما اقدرت اعمل شي حتى ما اقدرت ابكي بدلت الفستان واللبست بيجامة مسحت المكياج وخلص قلت اكيد انتهى كلشي وبكرى مستحيل يكون في عرس رحت لشباك غرفة ماما ماكان في حدا واستنيت لحتى اجى عزمي اكيد كان معو بس شافني دغري ابتسم

عزمي: شو صاحية
بلسم:شو صار مع محمد
عزمي: نايم ومافيه شي
بلسم:..
عزمي:فوتي نامي لا تشيلي هم
بقلبي:اااخ على حظك يا بلسم
اجت شاركتني النومة سلام وسيدرا تركتهن يحكن ونمت
.........
لمعة فرح بعيونو من اخبار عم تريحو عم يسمعها من شيماء
وصال:وانا قلت تركت الحفلة بنصها
شيماء:لا انتي رحتي من هون وصار الي صار
وصال: وشو صاير معو
شيماء: مابعرف
رانيا:😂عين لانو شخصية يخرب بيتو
ايوب:اخرسي وليه
رانيا:والله بجنن شفتي هالرقصة وكيف ماسك ايديها وخصرها😂
ايوب:بيطلع منو والله
شيماء:لازم اطمنت عليه مو رفيقك
ايوب:اي وانتي جبتيها
طلع لبرى اتصل ب امين ودغري اجاه
ايوب: صاحبك معطوب
امين:شمتان يعني
ايوب:لااا الله لا يجعلني من الشامتين
امين:شو هالنبرا الحنونة لكن
ايوب: معقول بكرى العرس
امين:مستحيل ياجلوه
همسلو:يلا ازا ما قام بواجب العروس انا بنوب عنو
امين بقهر: ايوب شو عم تخبص
ايوب:نفسي فيها الك عندي
امين:انت مو معقول وبتعرف اغلى شي على البني ادم شرفو وازا حكيت بعرض الناس
ايوب:😂 ماحدا بقرب صوبي بعدين هديك بنت والكل بيشهد انا الي عندي نص زلم😂
امين :يعدمني اياك على هالحكي اي
ايوب:شايل هم بكرى اااخ ناس بتحلم وناس بتحقق الحلم
امين:فوت لا تنلفح هيك هيك انت مهستر
شلح الجاكيت
ايوب: مولع عندي طاقات غير طبيعية
امين:انت جايبني تسمعني حكي ما بينسمع
ايوب:لا بس ازا بكرة رايح بروح معك منحضر ومنتغدا بكفي منحب المخلوقة كمان ما نتغدا بعرسها
تركو امين وراح وهو شغل سيكارة ومبسوط وشمتان لابعد الحدود
تاني يوم من الصبح قاعد ولانو صحيت رانيا لحقها
ايوب:رنوشي
رانيا:ايوا
ايوب:حلوة طلعت بلسم مبارح
رانيا:انووو حلوة قمر والله انصابت عين
ايوب: وشو كانت لابسة
رانيا:فستان زهري بس مو غامق ولا فاتح لون كتير حلو
ايوب:وحلو جسمها
رانيا: وانا شبعرفني
ايوب:ما كانت بدون بلوزة
رانيا:اي بشرتها ناعمة كتير ومتل التلج
ايوب:لو صورتيها
رانيا:العريس بس فات بهدل كل وحدة ماسكة موبايل وبالغصب لصورن رقصتهن على موبايل العروس
ايوب:اي لانو مخبص بفكر كل العالم متلو طيب شو لون شعراتها
رانيا:اسود
ايوب:...لا تجيبي سيرة شو سألتك
رانيا:يعني ولو اعرفت انت ما شفتها
بقلبو: المهم انو اعرف تفاصيل عنها
ايوب:المهم لا تحكي
......
الصبح على صوت حكي ماما اصحيت
ماما:يلا بلسم الساعة تمانية رح تتأخري على لكوافيرة
اتجلست ووقع قلبي
بلسم:انو كوافيرة
ماما:اليوم عرسك شبك
اتوترت كتير
بلسم:ومحمد
ماما:لساتو نايم عزمي رح ياخدك انتي وسيدرا يلا البسي وجهزي حالك
اخدت المنشفة ورحت للحمام وبلشت ابكي بدي حدا يفهمني شو عم يصير وليش انا ما الي حظ هيك نص ساعة وما كنت ارتاح خلصت حمام وجهزت حالي واطلعت طبعاً بيت اهلي مرتب ونظيف والتجمع ببيت عمي ابو مهران أخدنا عزمي وطول الطريق ساكتة
سيدرا:وين محمد
عزمي:ببيت ستي
بلسم:لساتو مريض
عزمي:لا الحمد الله اتحسن
سيدرا:افرديها وليه
عزمي:لا تبكي ببين على عيونك
بلسم: يعني حلو الي صار مبارح شو بدها تحكي الناس
عزمي:وما يحكو نحن منعرف انو مو اول مرة بينتكس
راسي رح يتفجر حسيت بخذلان من الجميع واهلي بس بدهن يخلصو مني وكنت متحلفة ل محمد لانو هو السبب بكلشي عم بيصير ساعات وكنت جاهزة وما كنت متوقعة انو هو جاي ياخدني ضربت بوز بزيادة ساعدني لحتى اطلعت بالسيارة وبطريقنا للتلة
بلسم: اتحسنت
محمد:شو شايفة انتي
بقلبي:متل القرد
بلسم:مبين مافيك شي
وصلنا وباول الحارة صرعنا وهو يزمر والحارة ملكنا مافيها اي حدا غريب فوتني للبيت استقبلني بنات عمي بالزغاريد شي مو طبيعي ولا كانو مبارح انتزعت حفلتي بس شفت شيماء ارتحت انصمدت وهو اختفى بس ماكانت الحفلة متل مبارح والوقت عم يمشي بسرعة وانا توتري يزيد مابدي تعتم العين بنوب باركتلي اخر شي شيماء وما ضل حدا غريب ورغم انو اتغدينا جهزن عشى من جديد وشفت محمد واقف عند باب البيت وعمتي تمزح معو عم تقلل ادب مو اكتر شلح جاكيت البدلة وأعطاه ل سلام علقتو جوى وبعدها انهالت عليي المباركات واخر شي ماما غمرتها مابدي تتركني
ماما:الف مبروك حبيبتي
بلسم:خليكي كمان
ماما: الصبح بكون عندكن مابدي أوصيكي
حسيت رح يغط على قلبي من الخوف باركت لمحمد وهلا فات وسكر الباب وانا بلشت اولول بقلبي هدوء النا يومين مصروعين سامعة بس صوت الخطوات ومابعرف كيف بدي اهرب منو لساتني قاعدة على الكنباية وهلا اجى لجنبي وبكل جرأة حط ايدو على كتفي وبفكرني لقمة سهلة بعدت عنو
محمد:شو هالحركة هي
بلسم:متل حركة مبارح وقت خربت الحفلة
محمد:وانا متعمد اخربها
بلسم:اكيد لا بس انا رح انزع عليك هالليلة
محمد:مارح اناقشك فوتي بدلي الفستان

بلسم:لا
محمد:طيب مشان نتعشى وتاخدي راحتك
بلسم:انا شبعانة من شوي اتغدينا
محمد:اتعشى لحالي
بلسم: بكون احسن
محمد:ع شو ناوية بلسم
بلسم:كلشي عملتو زمان كان بكيفك
محمد: واليوم ؟؟
بلسم:بكيفي انا
محمد:الوحدة بتستلم الحكم بس مو من اول ليلة الليلة ليلتي انا
بلسم:ومبارح حفلتي وخربت
محمد:طيب فوتي للغرفة
بلسم:انت متدايق مني فوت انا هون مبسوطة
محمد:....
وقف ب ملل انا بعرف حركاتو منيح اسمعت صوت بالمطبخ يمكن عم يتعشى واطرافي عم تخرج عن الخدمة كانو لوح بوظ خلص عشى ورجع لعندي ومبتسم
محمد: روقتي؟؟؟؟راجعتي عقلك
بلسم:لا
محمد:لا تنزعي عليي وعلى حالك
بلسم:انا هون مرتاحة فوت نام او جيب شي دكتور يحطلك سيروم
محمد:مين مكبر راسك انتي
بلسم:ماحدا
محمد:اليوم خليها براحتي وبكرى براحتك
بلسم:ولايمكن اخليك تقرب مني
محمد:😂الثقة ياربي دخيلك
بلسم:وما رح تجبرني على شي مابدي اياه
زبط وقفتو واتكتف
محمد:والله الليلة امورنا لتكون خالصة وازا في وحدة معطيتك درس خلي درسها الها
بلسم:مارح يصير شي
محمد:واهلك بكرى
بلسم:يعني ازا ماصار شي رح انعاب
محمد:هيك الدنيا
بلسم:جكارة بهيك عادات مارح يصير
محمد:انا تحدي لراسك الصوان رح يصير
.....
قرب منها وخلاها توقف غصب عنها
بلسم:وجعتني بعد ايدك عني
محمد: مابدي تكوبسي وانتي صاحية لهيك امشي قدامي لشوف
بلسم:وازا ما مشيت
مشى فيها وفوتها للغرفة وشغل الضو
محمد:اعقلي مشاني ومشانك
بلسم😭اتركني بحالي اتركني
محمد:ولو بكيتي غير الي براسي ما بصير
بلسم:انا مابدي اياك عم تفهم
محمد:هيك الحكي صار
بلسم:اي وانت خططت ونفذت لحالك
محمد:وفرضت حالي
بلسم:وحتى ما همك موافقتي وحددت العرس بكيفك فجأة بغمضة عين وكانو انا سلعة بتبين بليلة العرس ازا بتنفع او لا
محمد:لك خافي على حالك مني بلسم لا تزودي لعيار مشان لا تندمي
بلسم: مابدي اياااك اتركني بحالي اعتقني
محمد:جواب نهائي
بلسم:اي
مسك موبايلو كان مبين عليها انها خافت
محمد:الو
عزمي:محممد!؟؟؟شوفي
محمد:مابعرف شو بدي احكيلك بس لازم تيجي انت ومرت عمي ضروري
انهارت بلسم بنفس اللحظة وصارت تبكي وتشهق
بلسم:لا لا ليش اتصلت فيهن
محمد: منشوف وعم تتحديني مو
اندق الباب وراح يفتح كان لونها مخطوف مرت عمو وعزمي مبين معصب
ام عزمي: شوفي محمد
محمد:فوتي لجوى بتعرفي
فاتت وهو مشى ببرود وراهن وبس شافت بلسم عم تبكي وقاعدة بالارض جن جنونها
ام عزمي:شوفي بلسم انا ماضل فيني حيل
بلسم😭 مابدي مابدي
ام عزمي:شو مابدك
بلسم:انا مابدي اياه
ام عزمي:لككك ..بلا جنانك لا تفضحينا
بلسم:همكن حالكن وبس انا مابدي اياه
عزمي:والله لاطالع روحك بدك تفضحينا انتي
وقبل يضربها عزمي بعدو محمد عنها
عزمي:اتركني عليها
محمد:انا ما جبتكن لحتى تضربها بس لحتى تعرفو من اولها بلسم على شو ناوية
ام عزمي: اتركوني معها شوي
طلعو لتنين وعزمي بالزور عم يهدي حالو ومحمد فرجاهن انو العيب من عندهن مو من عندو
.........
لساتني مو مستوعبة شو عمل المجنون
ماما:بغضب عليكي والله
بلسم:ما بدي رجعوني معكن😭
ماما:الحكي هاد ما بينفعنا ولا بينفع اسم عيلتنا والي ناويا عليه بعيد عن عيونك خلي الأمور تمشي
بلسم: شو بتسمي الي عملو عملة زلم ولا طرطور
ماما:والله ما ضل فيني حيل واجيت مو شايفة الطريق برضايي عليكي لا تفضحينا
بلسم:😭😭😭
ماما:الي بترجع مطلقة بيدبحوها ومننفضح نحن
بلسم:بلا اصل لانو مابدي اياه مابدي اياه
ماما: مشان ابوكي هو بيستاهل منك هالشي لا تنسي عماتك كيف رح يشمتو فينا بعد ما انقهرن من كلشي ومشان عزمي
بلسم: ومشاني انا مو مرتاحة الو
ماما:اي عروس بتكون مو مرتاحة وبيتغير الجو عليها بس ما بيعملن الي عملتيه استهدي بالرحمن بلسم ولا تخلي الناس تشمت فينا
تركتني شبه منهارة وطلعت وبس اتسكر الباب جن جنوني رجع للغرفة وكل نظراتو تحدي بتحدي
محمد:خلصتي
بلسم:ليش عملت فيني هيك
محمد: لانو بدك ترباية مو انتي تربيني
بلسم😭😭
محمد:وازا ما صار الي بدي اياه رح اعتزل الرجولة
بلسم:اي هاد دك رجولة الي عملتو فيني
محمد:لااااا هي علامة علمت فيها عليكي مو مشان شي مشان سمعتك يا بنت عمي
بلسم: وشو رح تعمل
محمد:انتي سايري احسن الك لانو انا مو رايح عليي شي
بلسم:انا تعبانة من مبارح
محمد: وانا كتير تعبان لهيك لا تعزبيني وتعزبي حالك
بلسم:😭😭طيب اتركني شوي
محمد: التأخير مو لصالحك مو تعبانة
بلسم:😭 انت ماعم تفهمني
محمد:فهمانك وبوعدك ازا سايرتيني ما ازعجك ابداّ من بعد هالليلة وكلشي يصير برضاكي
بلسم:احلف
محمد:والله من بعدها الي بدك اياه بصير
غمضت دموعي حرقوني بردانة تعبانة ومنهارة والي عم يستناني اصعب من الموت..

#يتبع
ببوست تاني للموسم التاني
غدا نلتقي بأذن الله🌹❤️

قصة عشق الأصيل 1 الموسم الثاني
ملاحظة:هذه القصة لا تحتوي على الأكشن بل هي حياة يومية يعيشها أبطال قصتنا ب ضيعة صغيرة🌹❤️ ومتواضعة √
قراءة ممتعة للجميع✓
////~~~~////
اتنفس براحة اول ما هديت بلسم ويمكن رجعلا عقلها وصل لعندها وخلاها تقعد على طرف التخت وقعد بجنبها بالاول راقب ايديها كيف عم يرجفو ولساتها عم تشهق
محمد:روقتي
بلسم:مو كتير
محمد:مارح يغير شي
بلسم:انت صدمتني
محمد:بس انا متوقع
بلسم:كنت ناوي يعني
محمد:اي وحاطك براسي بدك تركزي بلسم ولا شو؟
بلسم:انا مجنونة يعني
محمد:لا بس مولدنة كتير بنت بعمرك مابدها حدا يفهمها شو يعني عرس
بلسم:بس مو تعمل فيني هيك
محمد:بدك اركض وراكي من مكان لمكان ولا بدك اتهجم عليكي
بلسم: يعني رح تبين رجولتك هالليلة
محمد:لك انا بعرف حالي شو مو مستني هالليلة ....بس لازم انتي تعرفي انو انا من حبي الك بدي تكوني مرتي
بلسم:اي لانو انا ما الي فوتة وطلعة ومتل باقي البنات لانك عامل العمايل
محمد: وليش انتي مو سيدرا ؟؟
بلسم:انت اصلا بتكرهنا
محمد:انا اخترتك لانو بعرف انو جواتك بنت حنونة ورقيقة انا ما بنسى كيف حاربتيني مشان عزمي ما بنسى خوفك عليه ودموعك
بلسم:متلك تماما انا ما بنسى كيف تقاويت على اخي انا قلبي نافر منك من هداك اليوم
محمد:ايام ولدنة ومضت ونحن هلا بدنا نكون عيلة ام حنونة واب يمكن ما يفتخرو فيني اولادي بس مارح اخليهن ينضامو بيوم
بكل هدوء كان عم يقرب من خدها وطبعلا بوسة
محمد:بدي تعيشي معي جو خاص بعيد عن كل الدنيا
بلسم:ولو كنت خايفة؟؟
محمد:انا بهمني راحتك ونفسيتك ولو كنتي بتحبيني هالليلة صعبة
بلسم: ليش عملت فيني هيك
همسلا بادنها خلا جسمها يرتعش:لاني بحبك
بلسم غمضت ب تعب:والي بحب هيك بيعمل
محمد:كنتي رح تعندي خوفك من اهلك رح يخليكي تحبيني
بلسم:واثق يعني اني ما بحبك
محمد:لانو ما جربتي تنجرفي معي بتيار اسمو عشق الاصيل هاد العشق ما بخلي صاحبو يخون ولا يكره
بلسم:بتقصد انا لازم انكره
محمد:بس حبي الك متحكم فيني وبتعرفي شغلة
حط ايدو على خصرها وقربها منو لزقها فيه
محمد:من سنين بحلم بهي الليلة وبدك تكون عادية
بلسم:طيب والي مو مرتاح بهيك وضع
محمد:رح اعودك على حضني رح تستفقديني اول ما اغيب عنك انتي حابة القرب مني
بلسم:...
محمد:انتي اتخيلي انو محمد بكامل قواه العقلية .؟.بدو اياكي
بلسم:..
محمد: انا بعرف انك حابة القرب بس الخوف مو مخليكي ترتاحي انسيلي الماضي كبي كلشي برى هالغرفة وخلينا نعيش جو خاص ما بيشبه اي جو بالعالم
بلسم:.......
.........
لسى عصبية عزمي ببالي وحتى خوف أمي وموقف محمد ولايمكن أتجاوزو كيف فيه يحطني ويحط أهلي بهيك موقف
بلسم:اتركني بدي ابدل الفستان
محمد:اديشو حلو عليكي انتي بكل حالاتك ملكة ولهيك مارح اتركك تبدليه لحالك رح اساعدك
بلسم:....
كنت متخيلة كلشي الا انو اطاوعو اتاريه مجنون كنت اسمع عنو وبعرفو منيح بس اليوم اتاكدت انو هو ازعر حدا بالعالم مو بس بالعيلة كنت مسايرة مو خوف من حدا كنت حابة القرب منو انا اتخيلت بايام الخطبة يحضني برودو كان مو طبيعي بس اليوم انا افهمت ليش ما اتقرب مني وكل ما اتزكر الفصل الناقص الي عملو فيني يضرب على عقلي اتماسكت كتير بس كلشي عم يصير عم يقطع نفسي كان حاضني بأيديه وعم يمسح على شعري كل شوي وهلا كلامي خلاه يفرط ضحك
بلسم:يعني منيح الكل بيعرف شو عم تعمل
محمد:😂انتي مو معقولة
بلسم:وليش عم تضحك
محمد:هاد الي شايلة همو طيب كيف اهلك رضيو يجوزوكي
بلسم:😕اسأل حالك
محمد:مو سنة الكون الزواج وهيك نكون قريبين من بعض امسح على شعرك براحتي اتملكك الي وبس اديش حلوين عيونك لك بلسم
بلسم:مابعرف
محمد: وشفافك طيبين
بلسم:انت فايق ورايق ما انعست
محمد:حبيبتي بجنبي وبدك انعس انا اصلا نمت كتير مشان هي الليلة
بلسم: بس مارح اسامحك لو من اول سايرتني
محمد:لكن ما شفتي الشلالات الي نزلت من عيونك وأنا مابدي يصير شي واندم عليه ازعلي ما بهمني
بلسم:اي لانو ابرد من التلج انت
محمد:كل هالحرارة الي طالعة مني وبارد
بلسم:تصرفاتك كانت تدبحني وانا كان كل همي تحسسني بالحب اي ما شفتو
محمد:هني شغلتين منعوني عنك
بلسم:شو هني
محمد:خوفي عليكي من حالي ومشاعري الي كانت اكبر مني
بلسم:حتى مكالمة رومنسية ما صار بيناتنا
محمد:شو اعملك ضاع موبايلي وكنت مفلس واصلا مو حافظ رقمك
بلسم:بس كنت حافظ رقم جيني
انصدم شفت الصدمة بعيونو
محمد:بلسم شو جاب جيني على بالك
بلسم:لانو مابنسى نبرتك معها وكيف كنت دايب بالمكالمة معها
محمد: كل هالشي مو مهم المهم انا مين بحب ولمين اعطي هالحب
بلسم:بستها مو
محمد:...
بلسم:ليش سكتت

محمد:بدي اعرف كيف خطرت على بالك
بلسم: لانو بس اتزكرك تلقائياً بتزكر فصولك وعمايلك ف كيف وانت بجنبي بستها مو
محمد: قلتلك الماضي انسيه
بلسم:لااااا بدك تحكي
محمد:وشو بهمك من هالسؤال انا ما كنت مرتبط فيكي بوقتها
بلسم:يعني بستها
محمد:اووف بلسم لا تجننيني شو بيخطرلك انتي
بلسم:اتركني انام انا اصلا تعبانة من مبارح
بقلبي:من وقت ابتليت فيك وانت بارد
مرتاحة لانو حاطة راسي على كتفو غمضت شعور مخربط قهر وخوف اتزكرت لمساتو بوساتو رومنسيتو وخجلي الي محمد داراه كتير بس ما نمت كنت سامعة صوت انفاسو ومتاكدة مارح ينام بس طاوعني وتركني انام
........
ببيت نوارة الدنيا فجر وحنان عم تطلق
نوارة:اتمشي ليش قاعدة
حنان:اااخ يا ستي معاد فيني
نوارة:هلا بتنسي كل هالوجع
حنان:خدوني ع المشفى معاد فيني
ام مهران:مشفى شو هلا الداية بتكشف عليكي
حنان:انا مابدي اولد بالتلة مابدي
سلام:اختي فاضية لحالك شو بهم
حنان:ااااخ وين البطيخة معاد فيني
نوارة:راح مهران يجيبها يلا الله يهون عليكي وانتي سلام قومي روحي لعند سيدرا احسن الك
نيفين:وانا كمان مابدي اسمع بشي أسمو ولادة تعالي يلا
ابو مهران:لاوصلكن
بطريقهن لبيت ابو عامر
نيفين:صباحية اصيل عند حنان صارت😂
سلام:😂اي متوقعة هيك
نيفين:اديش مبين عليه انو مبسوط
سلام:بشوفهن ببيت واحد وما بسدء 😂😂
نيفين:قصدك صارو بغرفة وحدة
سلام:اوقات بحسدها انا بحاجة حدا يحبني ويقاتل مشاني
نيفين:وصحيح هو موقف جوازتها وشبه غصب
سلام:كانو هيك بس بلسم ميتة عليه
نيفين:😂يخرب بيتك شو قوية
سلام:اي ولو ما بتحبو رح تحبو أصيل بينحب مو لانو اخي بس انتي بتعرفيه
نيفين:اي معك حق حنون ومسالم
سلام:هاد التحديث الجديد اما النسخة القديمة كان كلو مشاكل واقل خناقة يعملها يضرب الخصم سكين ويسعفوه
نيفين:ولييي وكان ينضرب
سلام:اي يجي مشطب بتعرفي حتى ضرب عزمي أيامها كانت امي وام عزمي شحم ونار وراحت ماما حكتلو بدي تعلم عليه وبنص محلو
نيفين:يوووه
سلام:واصيل بس اعطيه مشاكل راح وضربو مو بس لحالو هو وأمين ما بنسى وقت فزعو كل العيلة ومرت عمي صارت تدعي عليه
نيفين: واعطتو بنتها
سلام:ساعة خوف على ابنها وبلسم لليوم ما بتنسى والمشكلة وبتعرفي الي بيكسر الظهر شو
نيفين:شو
سلام: بعد بأسبوع اصيل عمل مشكلة ومسكوه كم شب من التلة نحن كنا برى وشفنا عزمي ومعو سكين وطالع ركض اتاريه ليخلص اصيل منهن ومن وقتها حتى ماما بتخجل من هالموقف
نيفين:اي رد الاذى بمعروف والله مبين عزمي راكز
ابو مهران:يلا فوتن حاجتن صف حكي
سلام: بس تولد خبرونا
نيفين:اوليييي انا خايفة
فتحتلهن ام عامر على عيونها النوم
سلام:اسفين مرت عمي
ام عامر:اهلا وسهلا بس شوفي
نيفين:حنان عم تطلق وقلعونا
سلام:انا اتقلعت هي هربت😂
ام عامر:اهلا وسهلا فوتو
هجمت سلام على غرفة سيدرا وصحتها غصب عنها
سيدرا:مين مات بلسم صرلها شي
سلام:😂اي مبسوطة بحضن ابو الشباب
سيدرا:شوفي بلا
نيفين:حنان عم تطلق ويمكن تولد
سيدرا:الله ينتعها بالسلامة
سلام:لك قومي انا فاقسة نومتي خلينا نحكي لنيفين عن ايام زمان
نيفين:اي كلها مشارط وسكاكين
سيدرا:حلووو عني بدي انام
نيفين: متقلة السهرة مع عزمي
سلام:اندفست خلينا نكمل
نيفين:شوفي بعد
سلام:عزمي راكز يعني
نيفين:وغير شكل
صحصحت سيدرا واهتمت
سيدرا:مين عزمي عن شو بتحكو
سلام:انقبري انتي ما دخلك اي نيفين ورأيك ب عامر شو
نيفين: مهضوم كتير اصلا كلهن مواصفاتهن فريدة
سلام:😂 بالاخص مهران
لتتزكر نيفين ولادتها ب رسلان ولانو اتعسرت وولدها دكتور ليوم مهران بزكرها فيه وبهتها وكانو هلا هي بالمشفى ومهران عم يهدد ويتوعد الها
بقلبها:عمرو ما ينجاب اولاد لهيك زلمة
لو كنت بعرفك منيح ما كنت ابتليت فيك
سيدرا:اي شو جاب سيرة عزمي
سلام:نيفين حاببتو
خجلت وخافت
نيفين:يووه شو بدي فيه وانا متجوزة بس اعطيت رأيي فيه
سيدرا:اي عندها مهران بالدنيا
سلام:ورسلان كمان😂😂
نيفين:شو مستفزة
حردت وسلام مبسوطة لأنها بديار المحبوب وسيدرا بالها عند بلسم
عامر ب غرفتو عم يتحزر
عامر:انا مستحيل احلم ومرت عمي وعزمي كانو عند محمد والوقت متأخر شو بدو يكون صاير ومستحيل اسأل ولا يمكن يحكو كمان بس كانو ما رح تكمل جوازتهن على خير
........
عزمي ما بيتفسر ما نام الموقف كان صعب فتح الشباك الي بيطل على بيت عمو ابو مهران واخد نفس طويل
عزمي:لتحكمي على حالك بالموت مو انا الي بتعيب بشرفي كبرتي راس بما فيه الكفاية وانا ما بنحط بهيك موقف ورح اربيكي ولو صرتي محسوبة على محمد واصلا كيف اتجرأ يتصل فينا انا مو غبي وهو بيعرف عادات وتقاليد التلة والكل رح يسألو ويسألها وهي كبرت راس وهو مابدو يجبرها حطها تحت الأمر الواقع ....كانو بلسم ما رح تمضيها على خير

وكلو كوم وسيدرا كوم حاطة بلسم خصم الها
اتزكر كيف كانت قالبة خلقتها
عزمي:ليش زعلانة مو سمحتلك تلبسي الفستان
سيدرا:مو بس مشان هيك
عزمي:لكن
سيدرا:بكرى رح يقارنو جوازتي بجوازة بلسم
عزمي: وشو يعني
سيدرا:كلها عم تفوت لبيت عمي ويطلعو يحكو شو هالحظ ونيالها
عزمي:يعني مو عاجبك وضعي المادي انا مارح ارمم البيت ولو تطلع براسك شجرة
سيدرا:بس المطبخ امانة
عزمي: اصلا كتر خيري ازا بشتري غرفة نوم
بوقتها زادت عصبيتها وهو على شوي بدو يتصل بابوه ويحكيلو بدي افسخ الخطبة بس اتعوذ من الشيطان وسكت
رجع لعقلو موقف الليل طفى السيكارة وسكر الشباك وحط راسو على لمخدة بس ما نام
.......
كنت عم استوعب انا وين وخفق قلبي وقت اتزكرت الليلة وكيف مضت مع محمد ريحة القهوة خلتني اتجلس وابتسمت تلقائيا رح يشتغل عندي كأنو اللبست ردة قميص النوم انا اصلا ما اتخيلت اللبس هيك نوعية رحت للحمام غسلت ورحت للمطبخ الافندي عم يجهز القهوة وبايدو موبايلو
بلسم: بكير عالقهوة
محمد:كبيت نصها عادي
بلسم: ليش ما صحيتني
محمد:انا ما بحب ازعجك اصلا شو هالصباح الحلو
كنت رح أفرط ضحك كانو بمسلسل تركي هيك اتخيلت قربني منو وباسني
بلسم:بلاقيك مروق
محمد:بدي احلى من الصباح الحلو
بلسم:لانو اتجوزنا
محمد:لانو انتي معي
بلسم:وين بتحب تشرب القهوة
محمد:وين مابتحبي
ابتسمتلو ولساتني كاتمة الضحكة اخدت القهوة كان معبي الدنيا ياريتني انا عملتها ورحت للصالون وحصرا جنبو قعدت
محمد:كيف شايفة الوضع انتي
بلسم:لساتني زعلانة منك
محمد:لو ما عملت الي عملتو كنا لحد الان فاتحين جبهة
بلسم:مبين عيشتنا كلها حرب
محمد:حرب الحب بس غيرو لا
بلسم:بتعرف ياريت ما يجي حدا لعنا
حط ايدو على كتفي وقربني منو
محمد: لهدرجة عاجبيتك العيشة معي😂
بلسم:لا تتمسخر بس خجلة
محمد:ياربي كبر عقل بلسم
بلسم: شو قصدك انا صغيرة عقل
محمد:لا بس بنت صف تاسع ما بيطلع منها هالحكي
بلسم:اي لانو بتكون ما بتعرف
محمد:😂طيبة قهوتي
بلسم:مو اطيب مني😂
محمد:اااخ ع الثقة بس دوقيني مشان احكم
بلسم:قبل القهوة دقت
محمد:😂منعيد المشهد
بلسم:صارحني بالاول
محمد:ب شو
بلسم:انت ما استحيت مني
فرط ضحك اديشو رايق اليوم
محمد:لا ما اسمعت بعريس بيخجل بس بعرف عرايس بتنحن متلك
بلسم:تحدي
محمد:وكبيرة بحق العريس ها
بلسم:طيبة قهوتك
محمد:بس اليوم باقي الايام عليكي
بلسم:وازا كنت تعبانة
محمد:لا ازا كنتي تعبانة انا بعملها بس مو كليوم تتعبي
بلسم:انت نمت
محمد: نص نومة وانتي
بلسم:راحت فيني نومة
محمد:ناوية تضلي هيك
بلسم:لا رايحة ابدل تيابي بلكي ماحدا اجى قول انشالله
محمد:اجي معك
بلسم:لا ريح حالك
محمد:بساعدك
طنشتو ورحت واسمعت صوت دق على الباب اتأففت واستعجلت اللبست فستان زهري فاتح وما اتحملت بدي اعرف مين جاي اتاريها سلام انا شفتها حاضنة محمد وعم تباركلو وغصيت
نيفين:مبروك اصيل
محمد:الله يبارك فيكي عقبال عند مهران😂
نيفين:بلاااا شو
سلام:بيقصد رسلان صح
محمد:لا عن مهران وبتخلصي منو
سلام:عروستنا الحلوة نحن منيجي نسلم عليكي
ع اساس كتير فرحانة فيني بس حسيتها جاية تشوف الوضع والله مو سهلة هالسلام باركتلي هي ونيفين ونطقن بصوت واحد
نيفين سلام:حنان ولدت
محمد:بتمزحن
سلام:كنو على الهز نزلت تكرج مبروك صرت خال وعريس بنفس اليوم
محمد😂امانة ولدت هون بالتلة
نيفين:ببيت ستها حصرا
محمد:😂لا مو معقول بعمرو الواحد لا يتكبر ويتجبر 😂
ضحكتو خلتني ابتسم كتمت الضحكة
سلام:اوعك تضحك قدامها اصيل بتجن وبكيت كمان😂
محمد:وكيفها هلا
نيفين:متل الغزال
سلام:مابدكن تباركولها
بلسم:مابعرف نبارك لمين ولا مين بدو يباركلنا
محمد:انا رايح اباركلها مو حلوة
بلسم:وانا بدي اباركلها
محمد:هيك
بلسم:لا رايحة اللبس شي تاني
سلام:نحن رايحين سيدرا عم تجهز حالها
.....
طلع محمد لبرى يشوف الاجواء وينطر بلسم لحتى طلت عليه بتياب حلوة
بلسم:فوت بدل تيابك
محمد:ليش شبني هيك
بلسم:اللبس شي تاني احلى
محمد: متل ما بدك بس مشان لا تعلق عليكي سيدرا بعرف
فات يضحك على قلة عقلها لبس بنطلون جينز اسود وقميص أبيض لبس البوط وسكر الباب ومشيو سوى
محمد:شو منيح هيك
بلسم:اي منيح ياترى اهلي بالبيت
محمد:بلكي مرت عمي عند حنان
بلسم:...
اطلع فيها كان مبين عليها انها متوترة ويمكن هو السبب بس لمحوه عامر وعزمي ومهران وقفو
عامر:طل عاريس الزين
مهران:قلتلكن رح يجي حنون
عزمي:اي حزرت والله
محمد:فوتي دغري لجوى
بلشو يباركولو وهو بيعرف انو رح يزودها بالحكي لهيك خلى بلسم تفوت
.....
انصدمت ولي كل البيت مليان بدل ما هني يزورونا نحن زرناهن سلمت على الكل وباركت ل حنان وبالاخير سيدرا باركتلي ونظرات امي شلتني لهيك نزلت راسي بخجل

عمتي:منورة عروستنا مع انو كنت جاية اباركلك ببيتك
ام مهران:يلا سبقونا
عمتي:اي بترجع مع عريسها مو حلوة يتفرقو شو ام عزمي ما باركتي لبنتك شو مجهزة صباحية للعرسان
ماما:اي وصيت عزمي كيف صرتي حنان
حنان:منيحة احسن بس البنت مو عاجبيتني
فرطنا ضحك
سلام:يؤبرني حبيبة خالتو
نيفين:مارح تبين ملامحها لبعد الاربعين
ام مهران:رح تطلع نسخة منك شو بدو يجي جوزك
حنان:اي ع الطريق ومعو كمال
سلام:...
نيفين:حتى نسايبك رح ينجمعو بالتلة بس كمال جاي مو معقول
سلام:بدو يبارك لاصيل وبابا هيك خبرني
ستي:لازم اجى
سلام:ما بحب افراح الضيع متعود على الصالات
عمتي:يوه صحلو متل عاداتنا وتقاليدنا اي شو صار بالقرفة
نيفين:ع النار
وقت انفتح الباب خفت لانو محمد ونزلت راسي وبلشو سلامات ومباركات وهلا بارك ل حنان وباسها
محمد:الحمد لله على سلامتك
حنان:الله يسلمك ومبروك الك
محمد:يبارك فيكي شو كيف الحلوة
ستي:احملها
محمد:بخاف😂اي حنان صارت بنتك بنت التلة مو
حنان:مو وقتك اصيل ها
محمد:😂 شمتان فيكي والله
حنان:ماما سكتي ابنك
ام مهران:بكرى بتربى هنيك شو بدك فيه
محمد:رح تحن لمسقط راسها
ضحكتو ضحكت الكل
محمد:اي صح متل حنان
ام مهران:حنان اولدتها بالمدينة
محمد:متعسرة فيها لهيك عقلهاصعب😂
حنان:شو قصدك
محمد:فيكي وشة صغيرة
حنان: اطلع لبرى مو طايقيتك
محمد:اي رايح على كلا جاي المحرز هلا
حنان:اصيل بربك حل عني
نيفين:😂ما بيسوالها الزعل
محمد:بلا يلا لكن خليها لبعدين
قلبي يدق كل ما اتزكر ماما وعزمي وهاد الي سبب المشكلة مبسوط ولا عبالو لمحت عزمي بس انفتح الباب طلع محمد ولحقتو عمتي وسكرت وراها كنت متمنية لو ما اخلقت بهالعيلة ومحمد ما بيستحي وعمتي ازود منو
ام مهران:بدك تضلي هون بلسم
ماما:لا مارح تطول هلا بترجع
بلسم:اجيت لابارك لحنان
حنان:عقبالك تضلي حامل من اول يوم
نيفين:😂لا اقل شي بدها سنتين تعيش اجواء العروس
ستي:لا يوه بدي اشوف لمحمد ولد
سيدرا:ركزي بلسم ولد مو تجيبي بنت
ستي:حيلا بنت ولد ما بتفرق
سيدرا:انشالله بتجيب كومة بنات لانها حلوة
حنان:ناوية مهران يدفنهن
سلام:وازا طلعو لعمتهن حلوين شو بدهن احسن من هيك
ستي:جمال امهن بوحدة
سيدرا:لكن لنباركلك سلف
مو مسدءة ارجع للبيت بس ماني قدرانة اتحرك برجعة عمتي
عمتي:يلا بلسم باركتي لحنان روحي لبيتك
ام مهران:نحن منطمن على حنان وجايين
هزيت راسي بعدم اهتمام
بقلبي: مابدي هالشوفة كلها
سكر الباب نظرات عزمي برى شلتني
رجفو ايديي بدون سبب
عامر:بارك لاختك ولو
عزمي:واصلة
محمد: راجعة
بلسم:اي
بوصلة نسايب محمد
محمد: لجوى بلسم لا تضلي هون
أرجعت للمطبخ وعم اهدي ضربات قلبي السريعة مو مسدءة ارجع للبيت من وين اجو هدول
وكانو اتقلعت سيدرا معي اجت للمطبخ بس انا قلبي نافر من كل العيلة
سيدرا:ليش ما روحتي
بلسم:اجو نسايب عمي
سيدرا:وانا عزمي كتبلي لا تضلي بالغرفة تعالي نشوف جوز حنان
طلينا شوي من باب المطبخ وشفناه فايت ومعو عمي ومهران للغرفة وسلام طلعت لعند خطيبها وانا رح اموت على ما اشوفهن حد بعض
.......
كمية قهر جوات عامر وقت الي مشيت حدو لهيك حط ايديه بجيابو ورجع للبيت لحالو وكل شوي يطل عليهن
بقلبو:خلص بربك اطلعي من راسي رح اموت قهر وباي حق بيخطبها والله مو مناسب الها كانو من جيل مهران ومبينة بنتو اوف عمي ابو مهران مصلحتو بالدنيا حرام لو طلبت واعطوني
اتزكر محادثاتو معها فتح موبايلو وعمللها بلوك ومسح كلشي غصب عنو اليوم لحتى اتاكد انها ملك لواحد ابدا منو اللي ومكتوب كتابها عليه فات وطبش الباب وقلبو مقبوض قفل حتى غرفتو مابدو يسمع ولا يشوف حدا
........
كانت قاعدة جنب كمال وقلبها نافر منو تتزكر كيف عامر ابو ضحكة المهضوم هيك اتلون واتغير وراح
كمال:مطولين هون
سلام: شوفة عينك ازا ما اتعافت حنان ما رح نرجع
كمال:اجت على كيفك هالشغلة مو ازا روح مهران ومرتو بتروحي معهن
سلام:لا مارح ارجع الا بشور اهلي
كمال:مهران اهلك وهو رح يمون عليكي
سلام: كمال ليش اجيت
كمال: ابارك لعمي ولاصيل اكيد مو مشان شوفتك لانو بس اتزكر محادثاتك ورد الحكي بغير رايي
سلام:شو احكي انا
كمال:لا تحكي شي خليكي معلقة هون ما قلتيلي مين هاد الي كان واقف اول ما اوصلت
سلام:هدول اولاد عمي
كمال:بقصد الي مو عاجبو
سلام:وشو عرفني انا مين موعاجبو
كمال:عم تسلبها هاد الي طول العامود
سلام: مابعرف اصيل ادرى
كمال: ورح اخبرو كل التغييرات الي صايرة من اول ما ارجعتي للتلة
سلام:ليك كمال انا راسي رح يتفجر حل عني
كمال:شو عليه يا سلام
دغري وقف وراح يتمشى واول ما شاف اصيل راح لعندو
كمال:شبها سلام
محمد:شبها عين الله عليها
كمال: اختك عم تحكيني بلهجة كتير مستفزة

محمد:شو اعملا يعني
كمال:مابعرف انت ادرى ليكون حابة هون
محمد:عفوا انت عاقل صهري
كمال:حاليا اي بس اتوقعو جناني باي لحظة
محمد:مو حرزانة فوت لا تضل برى
كمال:انا اصلا ما بفهم لاني اجيت
محمد:بالعكس انت الي كلك فهم
لحقو محمد مقهور من سلام ومن عامر كمان الي اختفى فجاة عم يتأكد انو حابين بعض عنجد
بالمضافة صارت قعدت رجال لهيك فات لعند بلسم ع المطبخ
محمد:يلا مشينا
بلسم:يلا
طلعو سوى وع الطريق لاحظ انو بلسم متجمعين دموع بعيونها ما سأل هو بيعرف انو عزمي السبب فاتو وسكر الباب ودغري لحق بلسم للصالون بالاول بينت انها عادية بس سؤالو خلاها تنهار
محمد:شبكي
بلسم:انت ادرى😭
محمد:مشان عزمي
بلسم: هو بس عزمي نظرات امي نظرات عزمي روحتي لهنيك وانا عروس
محمد:وليش رحتي
بلسم:انا ما كنت بعرف انو هنيك الكل
محمد:ووين الغلط
بلسم:انت بعمرك اسمعت صباحية عروس بالشارع
محمد:اوووف بلسم بلشنا
بلسم:اي بلشنا مو انت سبب عصبية اهلي
محمد:مو انتي السبب يعني وراسك الي كان بدو تكسير
بلسم:😭اي كسرتلي راسي عملت الي بدك اياه طلقني هلا
محمد:بس تصحي لحالك منحكي
فات للغرفة متوتر من الجدال معها واتاكد انو مقهور لانها عم تبكي بس مو ندمان على يلي عملو معها بنوب اخد نفس وشغل سيكارة ليروق كل شوي يمسح على شعرو بدو يلاقي طريقة ليحل المشكلة الي صارت
......
دموعي لسى عم يسيلو حاولت اتماسك خفت تيجي ماما وباقي العيلة بس حتى وجودهن ببيت ستي كان يسببلي غصة وقهر فتح الباب محمد وطلع من الغرفة لمحتو لابس جاكيتو يمكن وراه مشوار واخر شي اتوقعتو انو يقعد جنبي ودفشني عم يتحركشني بس ما اطلعت فيه ودرت وشي على جنب
محمد: روقي يلا
بلسم:😭مو قدرانة
محمد:يلا مشاني
بلسم:انا كرهانة حالي
محمد:مو حلوة يجو ويشوفوكي تبكي
بلسم:😭انت متخيل عزمي ما اطلع فيني ما عبرني طنشني معناتو حامل بقلبو عليي
محمد:بيولد😂مدامو حامل يعني بروح الحقد
بلسم:عم تتمسخر مو وانت السبب
محمد:مو هاين عليي اشوف دموع حبيبتي يلا خلص روقينا
بلسم:شوف كيف عم يرجفو ايديي
محمد:سلامتك سلامتك
بلسم:لك مو بردانة بس متوترة من عزمي ومقهورة منك
حضنها وباسها
محمد:الا دموعك انتي صعبة عليي
بلسم:انت السبب وازا عزمي بضل محاربني لاحاربك
محمد:حاربيني بس بتضلي تطبخي وبالليل منسهر وعادي ع الصامت
بلسم:لا يا مفكرني هبلة ازا حاربتك بنام هون
محمد:وانا بنام هون
بلسم:وين هون
محمد:بحضنك
بلسم:اتركني بدي استوعب الدك الي عملتو فيني
محمد: انسي وبالناقص منو لو ما بيشبه البغل
بلسم:لك لا تحكي عليه
محمد: حمار 😂
بلسم: انا مقهورة وانت عم تنكت
محمد:اي مافي غبرة لانكت😂
بلسم:ياربي دخيلك بدو يموتني
محمد:شو رايك نروح نعمل غفوة وخليهن برى
بلسم:لا ما حزرت وبدك تحكيلي شو حكتلك عمتي
محمد:😂مو لصالحك تعرفي
بلسم: ايوا هيك صار الحكي
محمد: هي شو حكتلك بيوم الخطبة
بلسم:لااااا انت مو معقول
محمد:😂 بمزح روقي وليه بس عنجد خبرتني
بلسم:😭الله بلاني ب عيلة مطلقين الحيا
محمد:😂 ورح اخليكي تطلقيه
بلسم:شو حكتلك بلا
محمد:بس رديت عليها صفيت معك
بلسم:شو حكيتلا
محمد: قلتلا متل جوزك ما عمل😂😂
بلسم:😭😭😭
تركتو فرطان ضحك وفتت للحمام غسلت ما عم استوعب لوين رح يوصل بقلة ادبو هو وعمتي وباقي العيلة رحت اللبست فستاني الي شلحتو زبطت مكياجي وضليت بدون الشالة اتعطرت لانو اسمعت صوت العيلة برى اتاكدت انو بس النسوان واطلعت استقبل مع محمد وعبالي افجرهن هو والعيلة كمان
.......
كانت سيدرا تتأكد انو ريحة العطر بتجنن ولبس بلسم لابق عليها لدرجة وكيف مهدية الشالة على شعرها وعم تشع حلاوة بابتسامة رقيقة واول ما وقفت بلسم راحت وراها تتحركشها
سيدرا:حليانة وليه
بلسم:ليش ما خبرتيني اول ما شفتيني
سيدرا:هون ببيتك غير وفستانك عرايسي شو كيف امورك طمنيني
بلسم:معقولة احكيلك لتتجوزي في احتمال كمان ما اخبرك
سيدرا:ومحمد كيفو معك
بلسم:بجنن رايحة اجيب موبايلي
لحقتها سيدرا تتامل غرفتهن وكيف مليانة تفاصيل وهدايا بتجنن
سيدرا:ليش عزمي معصب
بلسم:اساليه يمكن على فراقي
سيدرا: وانا متوقعة هيك
بلسم: وين اختفى عامر
سيدرا:حتى مو بالبيت وما عم يرد علينا
بلسم:وراح خطيب سلام
سيدرا:لا بعد الغدا راجعين
بلسم:وليش ما تروح حنان معهن
سيدرا:ستي خايفة عليها قال مو منيح
.....
برى محمد وجنبو عزمي الي مو عاجبو حدا
محمد:طول بالك لا يطقلك شي عرق ونبتلي فيك
عزمي:انت مرتاح
محمد:وفي احتمال اريحك كمان
عزمي:عملت الي براسك
محمد:وشو علاقتك
عزمي:اتحايدني انت ومرتك بكون احسن
محمد:اي لرجلي شوفتك بتقطع الرزق
عزمي:فهم بلسم انا مو اخوها
محمد:اريح دخيلك على هالاخ ال
عزمي:انا رايح

محمد:بالناقص منك
عزمي:....
قبل يمشي عزمي مسكو محمد بلغة التهديد
محمد:اوعك تفكر انو ممكن بنبرتك هي تمشي نفسيتك عليي
عزمي:مارح انسى شو عملت
محمد:فوت بلا صغر عقلك
عزمي:اشوف الي بتتسمى
محمد:فوت احسن ما ادعس بنص قلبك
فوتو غصب بس عزمي مو عاجبو لدرجة واتحايد بلسم وزودتها سيدرا اجت قعدت جنبو وهو عبالو يقلعها كمان هي
ضيفتو القهوة بلسم وتزاورها بس هي دغري كسرت عينها وقعدت جنب محمد هالحركة ريحت عزمي انو يحط ايدو على كتفها معناتو أمورهن منيحة
وصفية:يلا الدور عندك عزمي
عزمي:اي السنة الجاي
ام عزمي:اول ما يوصل ابو عزمي دغري رح نجوزو
وصفية:اي هيك خلي ايامنا كلها فرح
طبعا بلسم ومحمد عم يتهامسو والباقي يحكو ويتبادلو الحديث سيدرا كل شوي ترجع رأسها لورا لتشوف كيف قاعدين ومنسجمين وحتى وصفية مو مسدءة كيف بلسم بجنب محمد كأنها ملكة وام عامر مبسوطة لبنتها وام مهران ناطرة يخلص شهر العسل وتسافر بلسم وتعيش عندها وتحت رحمتها لقلوب مليانة
........
بجنبي محمد مطنشة الكل ومستقلعة كمان ب

- النص المستخرج من الصورة: 📝
١٢:٤٤ ص
اسات
K/1
بجنبي محمد مطنشة الكل ومستقلعة كمان بدي ينقلعو كلهن
محمد بتعرفي انهن اولاد حرام
بلسم شو عرفك
محمد متنا جوع
بلسم ي اي والله وانا عم فكر بمثل ما بتفكر
محمد : ومنيح مو متعطلين الهن بكرى رح اغديكي على زوقي
بلسم وزوقك حلو
محمد مو احلى منك
بلسم: ورح تطبخ انت
محمد اي ولووو
بلسم : هيك اتاكدت اني عروس
محمد بالليل بثبتلك
بلسم : خلص شوف كيف مراقبيين نحن
محمد العاشق والمعشوق اجباري بدنا نكون مراقبيين
كل شوي سيدرا تطلع فينا واجى الغدا الي امي موصيه عليه
ومو ناسية حتى حنان اتغدينا وبعد الغدا راحو لعند حنان
كلهن ومحمد راح يودع جوز حنان وخطيب سلام وانا
مستغربة كانو اخدو حنان وكلهن انقلعو نطرتو لحتى اجي
كانت الدنيا على وشك غروب
بلسم راحو
محمد اي حتى مهران وعيلتو
بلسم وعمي
محمد : لا لبكرى بابا
بلسم انا جوعانة
محمد وانا اصلا جاي احكيلك تتعشي
بلسم رح اجهز العشى
محمد بكون شفت عامر وين مختفي الافندي
تركتو يعمل اتصالات كنت ماخدة راحتي كلشي بالمطبخ
بجنن جهزت العشى ورتبتو على الطاولة اصلا مو متعودة الا
على قعدة الأرض بس بدي اساير الطبقة الي بيت عمي
اتهجمو عليها بس محمد متعود على كل الأجواء يمكن من
ব

- النص المستخرج من الصورة: 📝
١٢:٤٥ ص
شغلو انفتح باب البيت
بلسم يلا محمد جاهز العشي
محمد: يلا اجیت
اسات
ع العشى كل شوي اتأملو اي ما اتخيلت اشاركو كلشي
محمد شبكي ما تاكلي
بلسم اكلت انت شبك
محمد شبني
بلسم كانو شاغل بالك بشي
محمد اي ب سلام
بلسم ليش
محمد: عم تطفش خطيبها تخيلي ما ودعها
بلسم وشو قصدك
K/
:محمد ما بعرف بس متحلفلها على بدن يربيها ويربي لقرود
معها
بلسم لا ولووو لا تضربها حرام تكسر خاطرها
محمد لكن بدك تفضحنا بتعرفي انو خطيبها شاكك انها
عشقانة
هون
بالتلة
بلسم يوووه شو عرفو
محمد يعني انتي بتعرفي
بلسم لك لاا بقصد من وين خطرلو
:محمد ما بعرف بلسم انتي بتفهمي على حركات البنات سلام
على شو ناوية
بلسم ما بعرف انا اصلا مو صحبة معهن ما انت بتعرف شو
بعملن معي
محمد ما لاحظتي شي يعني
بلسم .....
محمد انتي متخيلة عامر اختفى من وقت اجى كمال لهون
بلسم .....
محمد يارب اطلع غلطان لانو الي رح يصير ما رح يعجب حدا
بلسم : انت فهم سلام مافي داعي تخرب علاقتك ب عامر
محمد: هـ يقـ حكاية ثانية

- النص المستخرج من الصورة: 📝
١٢:٤٥ ص
محمد هي بقى حكاية تانية
بقلبي يا ويلي شو انو قوي وذكي لدرجة
يمكن مرت عمي اكلة محصول فستق فيه و
محمد ع شو بتضحكي بلا
بلسم : لا شغلة بعيدة عن موضوعنا
محمد شو هي
بلسم لو كملت دراسة شو كنت صرت
محمد تاجر مخدرات
بلسم : 3 ملعوبة هي
محمد: ليش سألتي
بلسم لانك عبقري
محمد هلا باكلك ها
بلسم ليكك عم تعشى
محمد وبعد العشى شوفي
بلسم ....
محمد فواکه مابدها تفكير اشبعتي انتي
بلسم وبدي ارتب المطبخ
محمد بالسهرة بترتبيه
اسات
K/E
25
اخدني من ايدي للغرفة اي كنت مبسوطة عم اعيش اجواء
مثل المسلسلات التركية رومنس ومحمد شغلتو يدلل بس
ما
يكون مدلل غيري بموت طقيق والله وقلت لاتدلع عليه واتدلل
براحتي بجنبو بكون كتير مرتاحة ويمكن كان لازمني تهديد
والا كنت لهلا مجنونة بعد بوسات كثيرة منو
نطقت
بلسم محمد
محمد يا روح محمد انتي
بلسم ليكون مدلل غيري
محمد من وين اطلعتي بهالحكاية اصلا انا
معي جفاف
من
زمان
بلسم مستحيل بيوم وليلة تكون هيك رومنسي مجرب مو
محمد الموبايل ماخلى حدا غشيم حتى
انتي
بلسم : انا مو متابعة شي الا بالشاشة

- النص المستخرج من الصورة: 📝
١٢:٤٥ ص
محمد اي اتراك مو
بلسن بس ما بيتعدو الحدود
ارات
25 8/1
محمد شو بفرق يعني بعدين هي الشغلة مابدها تعليم بدها
جراة وبس
بلسم ليش بتعرف تدلل انا مقتنعة انو ماحدا بيعمل الي
بتعملو
:محمد مو كل المعاملة وحدة بس اتاكدي العاشق بيعمل هيك
بلسم يعني مع جيني ما كنت هيك
نفخ كل نفسو
محمد بلسم شو بجيب جيني ع بالك بدي اعرف
بلسم : قلتلك نبرتك معها ما كانت عادية
محمد بيني وبينها مافي شي يذكر
بلسم معقول مو اخدها بحضنك مثل هيك
دغري تركني
محمد شو بأثر انا ما كنت مرتبط فيكي
بلسم : هيك صار الحكي
محمد اي هيك ونحن بالغرفة رجاءً لا تجيبي سيرة حدا ولا
حدا
الباب عم يدق وبنفس الوقت موبایل محمد عم يرن رد وطلع
ليشوف مين
بری کل رفقاتو واولهن امین
امین عريسنا منور
محمد اهلا وسهلا
باركولو ع الباب ودغري فتح باب المضافة شوفة ايوب لو
وصل متأخر خلتو يتنرفز
ایوب مبروك زميل
محمد عقبال ما تضل عزابي
ایوب : دعوة عدو هي
محمد خليك داشر مين بدو يبسط بنات الملهى
ايوب: اهوو علينا بدو يفضحنا هاد

- النص المستخرج من الصورة: 📝
١٢:٤٥ ص
اسات
25
8/1
محمد خليك داشر مين بدو يبسط بنات الملهى
ایوب اهوو علينا بدو يفضحنا هاد
فات الجوى ومحمد دغري راح يطلب من بلسم لضيافة اي
مقهور من شغلة ايوب وكلمة بيلسان ببالو
حبيبة ايوب
بقلبو الله لا يحبو
فات لعند بلسم
محمد: جهزي قهوة
بلسم مين عندك
محمد اصحابي مارح يطولو
بلسم كم واحد
محمد : خليهن ثمانية انتي
بلسم حاضر
بقلبو بدو يدوق قهوة بلسم وأنا اصلا مابدي ينزكر اسمو
قدامها ليكون حاببتو عنجد اووف اختنقت الله يلعن شكلو
وسيرتو كمان
رجعلهن حكي ومزح وبس اندق الباب عرف انو القهوة
جاهزة وصعبانة عليه يدوق ايوب من قهوة بلسم بس مجبور