Қарағанды соты оқушы қызды орамалына бола мектептен шеттетуді заңсыз деп таныды

2023 жылы қаладағы Назарбаев зияткерлік мектебі әкімшілігі діни наным-сеніміне байланысты басына ақ орамал тартқан 13 жастағы Әнелді сабаққа кіргізбей қойған, кейін оқудан шығарып жіберген еді.

Оқушы қыздың әкесі Болат Мусин жарты жылдан астам уақыт бойы түрлі мемлекеттік мекемелерге, соның ішінде сот органдарына жүгініп, баласын мектепке қайта қабылдауды талап еткен.

Сөйтіп жүріп ақыры оқу жылы аяқталғаннан кейін әкiмшiлiк iс бойынша тыңдау өткізуді ұйғарған. Талап-арыз бір-ақ күнде қаралып, осы іс бойынша тараптардың ұстанымын тыңдап, оқушы қыздың қалай киінгенін, басындағы орамалдың пішін қандай екенін қарай келе, оны ішінара қанағаттандыру жөнінде шешім шықты:

оқушыны мектептен шығару туралы бұйрықты заңсыз деп танып, күшін жойды, ал мектеп әкімшілігін оқушыны мектепке қайтаруға және 8 сыныпқа ауыстыруға міндеттеді.

www.tg-me.com/Azattyq Азаттық/com.azattyq

44 жасында қыршын кеткен. Мағжанның бір ғасыры | Азаттық радиосы – 70 жыл

Биыл 25 маусымда ақын, қайраткер Мағжан Жұмабаевтың туғанына 131 жыл толды. 31 жыл бұрын ақынның 100 жылдығы қалай атап өтілген? Мағжанның сол кезде көзі тірі туыстарының естеліктері, ақын поэмасы желісімен түсірілген "Батыр Баян" фильмінің әсері – бүгінгі хабарда осы жайлы айтылады.

🎧Азаттық сайты
🎧Youtube
🎧Apple podcasts

www.tg-me.com/Azattyq Азаттық/com.azattyq

28 маусымда Қырғызстанның Ош облысындағы тасқын салдарынан бес адам қаза тапқан. Тағы екі адам хабар-ошарсыз кеткен. Қалың жаңбырдың аяғы тасқынға ұласқан.

Қырғызстанның төтенше жағдайлар министрлігі лай-топырақ көшкіні жүрген Ноокат ауданында төтенше жағдай режимі жарияланғанын хабарлады. Министрлік дерегінше, өңірде күрделі жағдай қалыптасқан.

Абшыр-Ата ауылында тасқын екі көпірді бұзып кеткен, 10 жеке үйдің ауласы суда қалған.

Тескей-Қожеке ауылында он шақты жеке үй мен білім беру мекемесінің аулаларын су басқан. Қарабұлақ ауылында тасыған су өзен жағасында тұрған автокөлікті ағызып әкеткен.

ТЖМ іздеу және тазарту жұмыстарына 637 адам мен 19 техника жұмылдырылды деп хабарлады.

www.tg-me.com/Azattyq Азаттық/com.azattyq

29 маусымға қараған түні Ресейдің Курск облысындағы тұрғын үйге әуеден дрон шабуыл жасады, салдарынан бес адам қаза тауып, екеуі ауыр жағдайда ауруханаға түскен.

Қаза тапқандардың екеуі – бала. Мұндай ақпаратты Курск облысы губернаторының міндетін атқарушы Алексей Смирнов хабарлады.

Оның айтуынша, украин дроны Городище ауылындағы үйге түскен. Опат болғандар мен зардап шеккендер – бір отбасының мүшелері дейді Смирнов.

Ресей қорғаныс министрлігі Курск облысының әуе кеңістігінде дрондар жойылғаны жөнінде ештеңе хабарламаған. Министрлік сенбіге қараған түні Тверь облысы мен Ресей аннексиялап алған Қырымда екі-екіден, Белгород және Брянск облыстарында әуеден бір-бір дронан атып түсірілді деп жазды.

www.tg-me.com/Azattyq Азаттық/com.azattyq

Кэмеронды терістеген СІМ, яхтадағы қазақстандықтарға айып таққан Грекия, Еуроодаққа жасыл энергия сату | Баспасөз шолуы

Ұлыбританияның сыртқы істер министрі Дэвид Камерон ресейлік пранкерлермен әңгімеде қазақстандық әріптесі Мұрат Нұртілеумен болды делінген әңгімені жария етті, бірақ Қазақстан сыртқы істер министрлігі оны "жалған ақпарат" деп атап, теріске шығарды. Грекия билігі өртенген арал маңында яхтада болған сегіз қазақстандыққа айып тағып, оларды іздеу үшін Қазақстаннан көмек сұрады. Каспий теңізі аймағы Еуропаға энергия тасымалдайтын орталыққа айналуды көздейді. Батыс баспасөзі бұл аптада осы тақырыптарды қамтыды.

🔗Оқу

www.tg-me.com/Azattyq Азаттық/com.azattyq

АҚШ Украинаға 150 миллион доллардың қару-жарағы мен оқ-дәрісін береді.

Жаңа көмек пакетіне Hawk әуе қорғанысы тұтқыштары мен калибрі 155 миллиметрлік артиллериялық оқ-дәрі кіреді. Бұл туралы Ақ үйдің екі өкілі айтты, деп хабарлады Reuters.

Вашинстон Киевтің әуе қорғанысын қолдау туралы өтінішіне құлақ асып отыр, өйткені кейінгі апталарда Ресей Украинаның энергетика нысандарына ракетамен шабуылды жиілеткен.

www.tg-me.com/Azattyq Азаттық/com.azattyq

⚽Еуро-2024 додасының 1/8 финалында Италия құрамасы Швейцариядан 0:2 есебімен жеңіліп жатыр. 37-минутта Ремо Фройлер, 46-минутта Рубен Варгас гол салып, Швейцария алда келеді.

Ойын жағынан да, шабуылдың өткірлігі жағынан да Швейцария басым ойнап жатыр. Италияның жағдайы қиын. Бұл құрама үшін есепті теңестіріп, ойынды қосымша уақытқа соза алса ерлік болмақ.

www.tg-me.com/Azattyq Азаттық/com.azattyq

⚡ Швейцария Италияны жарыстан шығарды

⚽ Футболдан Швейцария құрамасы Италияны жеңіп, Еуропа чемпионатының ширек финалына шықты. Осылайша Еуро-2020 додасының чемпионы болған Италия биылғы Еуропа чемпионатын 1/8 финалдан аяқтады.

⚽ Бірінші таймда Швейцария әлдеқайда басым әрі сенімді ойнады. Италияға қарағанда қауіпті сәттерде көп ұйымдастыра білді. Сондай сәттердің бірінде, 37-минутта Ремо Фройлер Италия айып алаңына имене кіріп, есеп ашып кетті. Бірінші таймда Швейцария тағы екі гол салуға мүмкіндігі болған еді. Бірақ бұл сәтте Италия қақпашысы Джанлуиджи Доннарумманың шеберлігі басым болды. Италия жанкүйерлері құрамадан мұндай ойын күтпеген еді.

⚽ Екінші тайм бастала сала Италияның жағдайы тіпті қиындады. 46-минутта Швейцария ойыншыларының кезекті комбинациясы голға айналды. Рубен Варгас салған гол Швейцарияны 2:0 есебімен алға шығарды. Матч соңына дейін Италия есепті теңестіруге тырысқанымен, нәтиже шықпады.

⚽ Бұл ойында Швейцария қорғаныста да, шабуылда да сауатты ойын көрсетті. Қарсыласының атағына да, букмекерлік кеңселердің Италия басым болады деген болжамына қараған жоқ. 90 минут бойы ойынды өз бақылауларында ұстады.

⚽ Швейцария Еуро-2020 турнирінің 1/8 финалында Францияны пенальтиден жеңіп кеткен еді. Бұл жолы Италияның Еуро-2024 додасынан шығарды.

www.tg-me.com/Azattyq Азаттық/com.azattyq

Швейцария фанаттары ұлттық құраманың ширек финалға шыққанын тойлап жатыр. Берлиндегі Олимпиада стадионы

Швейцария жанкүйерлері "Берлин, Берлин! Біз Берлинге қайта ораламыз!" деп ұрандатты. Олардың "қайта ораламыз" дегені - 14 шілдедегі финалды меңзегені.