Telegram Group Search
ለካ ከሆነ ቀን ሳምንት ወር አመት በኋላ እኔ የኔ አልነበርኩም ሁሉ ነገሬን ሌላ እኔ ያልኩት ውስጥ አኑሬው ነበር ታዲያ አሁን ምን ይብጀኝ
ንጋቴም ምሽቴም የኔ ባልኩት ውስጥ ሆነና እሱን ሳጣ እሆነው ጠፋኝ ያ ሰአት እስኪያልፍ ምን ልሁን ከእለትም ሠአት መርጦ አንድ ሁነት መፈለግ ሽታ ጠረን ድምፅ ምስል ወደኔ ገዝፎ ይመጣል እሆነው ይጠፋኛል ማለዳ ከወፍ ቀድሜ እነቃለሁ እራሴን አብሰለስላለሁ ሰአት አያለሁ በቃ ቀኑ ይውልና ቀትር ማብቂያ ላይ ሌለ ግዙፍ የመፈለግ ህመም መቶ ነፍሴ ላይ ይቀበቀባል አለኝ የምለው ሁሉ በአንድ ምስል የተሞላ ነው ለካ ቤቴ ጊዜዬ ቦታዎቼ የማልፍበቸው ጎዳኖች የጎዳናው እጥፋት ውስጥ የታጠፈ እምነት ይዞ ያጮልቁብኛል የጎዳና ዳር ያኔ በደስታ ያዜምኳቸውን ሙዚቃዎች እያንቧረቁ ይጠዘጥዙኛል የት ልሂድ የት ልከለል ሁሉን ሸሸሁ ቤቴን ዘጋሁ ከሁሉም ልቆ ቤቴ ውስጥ ገነነ ከመቀመጫው ላይ ከጠረጴዛው ላይ ከአልጋው ከትራሱ ላይ ከመብያ መጠጫው ላይ .....
ሌት 06:49

ሠብልዬን
ለትንሳኤ የሚባቃ አኗኗር የለኝም ይህን አውቃለሁ ይቅር በለኝ ብዬ አልለማመጥህም ይቅር ማለት ሳልችል ምህረትህን አልጠብቅ አንተም ደና ሁን እኔም ደና አልሆንም
እንዴት ነው ተረትህ ?
ደሃ ድህነቱን ይረሳ ዘንድ ወይን ይጠጣ
የወይን ዋጋ ሠማይ ወጣ
እና በቃ ድህነታችንን አንርሳ ?
ወይ አበሳ !
ይታይልን ዳግም ለግዜር አመልክቱ
ወይን ተወዶብናል ፍረድልን በሉ

ሠብልዬን
በየ ህይወት ሽንቁራችን ለሠዎች መከራን አፈሰስን ደስታና ሃሴት በከበበን ጊዜ ያ መከራችንን ያፈሰስንበትን ሽንቁር ደፈንን ! በቃ ሠው መሆን ይህ ነው ? ሠው ነኝ እያሉ ደሞ ሠውነትን እያራከሡ ፅንፍ ወደሌለው ወደራስ ውስጥ ዝቅጠት መውረድ ከዛ የሠውነት የዝቅጠት ማጥ እየጨለፉ ተስፍና እምነትን እውነትና ቃልን የጨለማ ግርፍ መግረፍ ..ልንሠማ የማንወደውን ካወራን የምናረገውን ካልገራን ቀና ማለታችን የሚሠማን ሌሎችን አስጎንብሰን ደፍጥጠን ከሆነ እስከምን ? የምንችለው ይህን ብቻ ነው ?ሲያሻን ብቻ የግዜር አምሳል ገፁ ነኝ ብሎ መፎከር እለት እለት በዲያቢሎስ ገፅ ምድር ላይ መፍሰስ እንደው ለቧልቱ እግዜርን መጥቀስ በቁም ነገሩ በሴጣን መገለጥ .... የኔ እምነት ሴጣን ይሉት ነገር የለም !!!!!!! ምኞትና ምክንያታችን ነው ዲያቢሎስ አርጎ የቀረፀን ። ሴጣን ይሉት የለም ምኞት መፈለጋችን ምክንያት አለመርካታችን ነው ከሰው መሆን የነጠለን
ሴጣን የለም ሰው ነው ሴጣን!!
መግቢያ :- መምጣት
የሚመስለንን ልንጨዋወት የቀጠሮ ካርዳችንን ሠደድንላችሁ
ስትመጡ እጅ ከምን ነውና ተፅፎ የተቀመጠ ግጥም ካላችሁ ያዝ አርጋችሁ እማወጋችሁም አለ ካላችሁን በጄ ማንጎርጎርም ካሻችሁ ምን ገዶን ጎሮሯችሁን ጠረግ አርጋችሁ ከች ...የጋራ መድረክ ነው የደገስነውና ሽር ብለን እንገናኝ
ቸር ይግጠመን....
እንደው በፈጣሪ ይህንን ቻናል ሰፕስክራይብ አድርጉ፡፡ ክበሩልኝ፡፡ ውለታችሁ አለበኝ፡፡
endalegeta multimedia እንዳለጌታ መልቲሚድያ
https://youtube.com/@endalegetamultimedia?si=hEO0egZkKPtR1mv0
የዘንድሮውን አድዋ እንደ ጥምቀት ልንደግስ ወደናልና ልትቀላቀሉን የፈቀዳችሁ በዚህ ቤተሰብ ሁኑን
https://www.tg-me.com/adwaadewa
አንዳንዴ እምኖረው እውነት አይመስለኝም
የምር የምሬን ባንኜ መንቃት እመኛለሁ ቅዘት የሆነ ህይወት ውስጥ መች እንደሰመጥኩ አላውቅም

ድንገት ጩህ ጩህ ይለኛል እበድ እበድ
እብደት ነፃነት ነው እንዴ


ደጋግሜ የኮምፒውተርሬን ዲሌት የሚለውን በተን ደጋግሜ እጫናለሁ ውስጤን ጥፋትፋት ቢያረግልኝ እየተመኘሁ

ለሠው ግን ያስፈልግ ነበር እኮ shift + Delete

ይሄንንም ከእድሜዬ ላይ ቀንሶ አያፍርም እኮ ሞት ይመጣ ይሆናል

ማነው የኔን መኖር እቁብ የበላ የተበላ መኖር እና እድሜ ላይ እንዳይሆን የምገፈግፈው
የበአል ለት የማይመለከታችሁነሰ መመልከት ለበቃችሁ እነሆ በረከት ብለናል
ክረምት አግቢ በቤቴ በር ክፍተት ተንፈራፍሮ ገብቶ ቤቴ ውስጥ ይተራመሳል የ 20 ደቂቃ ህይወቱን ይባክንባታል እዚህም እዛም ይበራል አሁን እኔ ቤት ለመግባት ምን አንፈራፈረው ገብቶስ ደግሞ ዝግ ከሆነ ብርሃን አልባ ቤት ለመውጣት ይህን ሁሉ ምን አባከነው የገባበት ጠፍቶት ነው መውጫ ያጣው ለምን ገባ ቆይ አጭር ህቅታውን ከሚወዱትና ከሚወዳቸው ጋር አያሳልፍም ወይስ ለሱ መውደድ ወደ ፍላጎቱ መፍሰስ መንፈስ ነው ዝግ በር ሰርስሮ መግባት ደሞ ለመውጣት መፍጨርጨር ምን አልባት ለመውጣትስ ባይሆን ይሄ ሁሉ መብረር አረኩት ገባሁ ቢሆንስ ወይ ደሞ ዝግ በር አረም ያበቀለ ከመከፈት የሰነበተ ጨለማ ከዋጠው ቤት ክረምት መግባቱን ሊናገር መልክቱን ለማድረስ ይሆን ይህ ይሆን ደስታው ከዚህ ወና ቤት ለሱ የምስራች የሆነን ሊያደርስ የጣረው ለኔ ብክነት ያልኩት ለሱ ምን አለባት ስኬት ይሆን የመኖር ግብን ማሳካት አላማን ማድረስ መልክቱን ማዳረስ ......ሃሳቤ ውስጥ ሠጥሜ ብዙ ቆየሁ ክረምት አግቢ አንበጣው ጠፋኝ ምን አልባት 20 ደቂቃው አልቃ ሞቶ ይሆናል የሆነ ጥግ ላይ የሆነ መሃል ላይ የቱጋ ለማንም ግድ የማይሰጥ ቦታ ምን አልባት ለሱ የደስታ ሞት የዕረፍት ሞት የፍቅር ሞት ለኔ ተመልካቹ ደሞ ምንም የሆነ የት ይውደቅ መች ይሙት ጉዳዬ ባልሆነ ለሱ ግን ፍቅር በሆነ ጣፋጭ ማብቂያና መዳረሻ ባለው ክረምት አግብቶ ከቤቴ ገብቶ ክረምት እናቱን ክረምት ፍቅሩን ለኔ ነግሮ ተፍነክንኮ በክንፉ በኩል ስቆ ሽር ብር ትር እያለ ደስታ ክረምቱን አጫውቶኝ እፎይ
መኖር ምን አልባት ስኬቷ ለጥቂት ቅፅበትም ቢሆን ለደስታ ውዴታችን መታገል እሱን አሳክቶ መጎንጨት እሱ ውስጥ በሞሉት እፎይታ ችርስ እያሉ ሞትን መቀበል ይሆን
እንደሱ ነው የሚሆነው የልብ ኖረን ከልብ የምንሞትበት አሸነፊነታችን በተመልካች ሳይሆን በኛው የሚወሰንበት ከሞታችን ጋር ተሳስቀን የምንገናኝበት የምናሰግድበት ያ የመፈለግና የማሳካት ደስታ ውስጥ እፎይታ ነው ሰው እሚያረገን ።
አንበጣ ና ቁጭ በል ብና እንጠጣ /አንበጣ ሲቀመጥ እንዴት ይሆን / አመት ሲሞላ አስታውሰኸኝ ቤቴ እንድትመጣ ።

Mexico fili coffee July 11 2024 Thursday
ሜክሲኮ ፊሊ ብና ሐምሌ 4 2016 ሐሙስ
ሠብልዬን


ክረምታት
2024/07/24 03:05:53
Back to Top
HTML Embed Code: