иєω υρɒατє ✨

انت مش مثالي!

يوم بتصلي الصلاة ف مواعيدها وتقرأ الورد اللي عليك وتعمَل بالسُنة وتقوم بكل الفرائض اللي عليك ، وبعدها ترجع تقع ع وشك في الذنب اللي حلفت واخدت مليون عهد على نفسك انك مش هترجعله!

يوم تحس انك انجزت انجاز مفيش بعد كده وتنام وانت حاسس برضا رهيب وتُشكر فضل ربنا انه أنعم عليك ، ويوم تاني تبقى بتتمنى من ربنا انه يديلك يوم تاني و فرصة بس عشان تتوب ،

يوم بيكون إيمانك في السما ، ويوم تاني بتحس ان مفيش انسان على وجه الأرض عصى ربنا زي ما انت عصيته - سبحانه وتعالى -

انت مش مثالي ، هتقوم مرة وهتقع عشرة لحد ما ربنا يأذن ليك بالثبات ،

﴿ وآخرون اعترفوا بذنوبهم خلطوا عملا صالحا وآخر سيئا عسى الله أن يتوب عليهم إن الله غفور رحيم ﴾

خلطوا الصالح بالسئ ، زيك زي ما انت عملت وبتعمل وهتعمل ، لكن الفرق هنا إنهم تابوا وانت بردو محتاج تتوب وترجع حتى ولو وقعت على وشك ١٠٠ مرة محتاج إنك تقوم لحد ما ربنا يأذن ويتوب عليك ومترجعش تاني زي ما كُنت!

كمل محاولة صدقني في يوم - بإذن الله - هتوصل!

‏كان الرسول ﷺ إن ضاقت دنياه يردّد:

"يا حيّ يا قيّوم برحمتك أستغيث، أصلح لي شأني كلّه ولا تكلني إلى نفسي طرفة عينْ."

أول دُعاء أهل الجَنَّة..
وقالُوا الحَمدُ لِلَّـهِ الذِي أَذهَبَ عَنَّا الحَزَنَ.
‌‎

هقولك على 10 حاجات خليهم في يومك لمدة 21 يوم، وإن شاء الله حياتك هتتغير للأحسن

1. الفروض الـ 5 في وقتها وسنن الصلاة.

2. ورد قراءة القرآن على الاقل 10 صفح في اليوم، كدا هتختم الجزء في اليومين ولو الورد زاد يبقي جميل

3. قيام الليل وسورة الملك وآخر آيتين من سورة البقرة
وتنام على وضوء عشان في ملك هيفضل يدعيلك.

4. صلاة الضحى عشان تاخد ثواب 360 صدقة

5. الصلاة على النبي مش أقل من 200 مرة

6. لا حول ولا قوة إلا بالله مش أقل من 100 مرة.

7. الباقيات الصالحات، سبحان الله، الحمدلله، لا إله إلا الله، الله أكبر، مش أقل من 100 مرة.

8. ورد استغفار يومي مش أقل من 1000 مرة.

9. سورة الإخلاص 3 مرات عشان تاخد ثواب القرآن

10. أذكار الصباح والمساء، وأذكار بعد كل صلاة.

خليهم على صفحتك، متنساش، ف ميزان حسناتك

الشيخ/ محمد عبد العظيم الأزهري

واحدة صاحبتي كانت بتصلي الضحى فبقولها بهزار ماتخلصي هي التراويح
فكان ردها مااحنا فاضين يا سلمى ما نصلي

افتكرت قول الله عزوجل فإذا فرغت فانصب

عندك الصبح وقت بدل ما تصلي ركعتين ضحى ما تزود ٤ وتزود مرة كدا تخرج عن القاعدة وتصلي ٨ ! جرب

واحدة تاني قالتلي مش بتصلي السُنه ليه ؟
احنا ورانا حاجه ولاقيت انه الضهر بالُسنه بتاعته مفيش ربع ساعه بجد وماعطلنيش عن حاجه اصلا

احنا في سن الشباب وعندنا وقت وصحة بفضل الله فإذا فرغت فانصب
وافتكر ان من السبعة الذين يظلهم الله يوم القيامة شاب نشأ في طاعة الله يابختنا والله اننا لسا شباب🤍.

إلهي العزيز..
بارك لنا في الخطوة والقرار والمصير، في الدهشة والرغبة والشغف، في القلب وما حوى، في النصيب وما قسمت، في الأمل والهدف، في أيام العُمر ولياليه، في الطريق وفي الرفيق، في الصبر ونيل العزم في الثبات وفي التجربة، وفي الإقبال على الحياة ♥🌿

يقول ﷺ: إن في الجمعة ساعة لا يوافقها عبد مسلم -وهو قائم يصلي- يسأل الله عز وجل شيئًا إلا أعطاه إياه.

وفيها ساعة لا يوافقها عبدٌ مؤمن
يدعو اللهَ بخيرٍ إلَّا استجيب له.

لا تنسوا إخوانكم المسلمين في غزة والسودان وكل مكان.

كان النبي صل الله عليه وسلم يكثر من قول هذا الدعاء.

( اللهُم اهدِني فيمَن هديت وعافِني فيمَن عافيت، اللهُم أبكي عيني من خشيتك، ورقّي قلبي لحُبك، وعلّمني علمًا يوصلني إليك ويُعرفني عليك .. اللهُم أعِني على ذِكرك وشُكرِك وحُشن عبادتك .. اللهُم يا مُثبّت القلوب، ثبّت قلبي على دينك )

‏"لَيسَ لكَ مِن الأمرِ شَيء"
آل عمران- ١٢٨.

"قُل إنَّ الأمرَ كُله لِلّٰه"
آل عمران- ١٥٤.

لو مستصعب صيام عاشوراء وبتقول دي سُنة مش فرض ، افتكر حاجة هتشجعك.

صيامه بيكفر سنة كامله ماضية من الذنوب.

اللهم ارزقني توفيقًا في طريقي، ونجاحًا في مسعاي، وسعادةً في قلبي، وصحةً في جسدي، ورضا في نفسي🤍

أسبوع حافل بالصيام

الإثنين ٩ محرم : تاسوعاء + سُنّة الإثنين
الثلاثاء ١٠ محرم : عاشوراء " كفارة سنة "
الأربعاء ١١ محرم : يلي عاشوراء
الخميس ١٢ محرم : سُنّة الخميس

الجمعة ١٣ محرم : أول الأيام البيض
السبت ١٤ محرم : ثاني الأيام البيض
الأحد ١٥ محرم : ثالث الأيام البيض

إن لم تصوم فذكر ..

بصوتي ♥🌿

@majecano 🗨

انزع مني غضب أيامي الحزينة وكتماني الطويل ولياليّ الشاقة، وأمنحني السلام الدائم مع نفسي يارب

لو عندك مشكلة نفسية، تعبان ومحتاج تحكي، عندك مشاكل في بيتكم، في خلافات بينك وبين أهلك، عايز تتكلم ومش لاقي حد، اوعي تترد تدخل تكلمني وتحكيلي وتفضفض تأكد إني هسمعك بكل حب ومش هسيبك غير لما تبقى بخير وكل حاجة هسمعها منك تأكد إنك بعد م تقفل معايا إنك مكلمتنيش و إني معرفكش، هذا الحساب بكل حب يحتوى كل ما هو وحيد يعاني من أي شيء أو أي اضطرابات نفسية فـصاحب هذا الحساب دومًا ما يُعاني فأصبح يدرك أهمية المشاركة و الإستماع والإحتواء فلا تترد أبدًا..هسبلكم الرابط بتاعي تحت عشان تعرفوا تبعتولي ف اي وقت ♥


@majecano  💌👈

فيكَ الرّجاء سُبحانك وإنّ ضلَّ السَّعي وانسدّت الطُّرق وانقطعت حبال الأسباب، اللهمّ إنَّ في تدبيرك ما يُغني عن الحيَل، وفي كرمك ما هو فوق الأمل، أصلح لنا شأننا كلّه ولا تَكِلنا لأنفسنا طرفة عين ♥

"اللهم أخرجني من حولي إلى حولك، ومن عزمي إلى عزمك، ومن ضعفي إلى قوّتك، ومن انكساري إلى عزّتك، ومن ضيق اختياري إلى براح إرادتك

" كلا إن معي ربي سيهدين "..

الآية دي مش مجرد كلام خاالص لأ وراها قصة وقصة كبيرة وهي اللي هتخلينا نصوم بكره اللي هو عاشوراء.

ايه القصة بقى
سيدنا موسى كان معاه قومه اللي آمنوا بيه وكانوا مستضعفين، سيدنا موسى بعد معاناة مع فرعون وبعد ما السحرة آمنوا بيه ربنا أخبره "وَأَوۡحَیۡنَاۤ إِلَىٰ مُوسَىٰۤ أَنۡ أَسۡرِ بِعِبَادِیۤ إِنَّكُم مُّتَّبَعُونَ" سيدنا موسى مشافش إنهم جايين وراه بس هو عنده يقين فربنا ومصدق، فرعون بعدها جمع الناس وحفزهم ضد موسى وقلل من قيمته هو وقومه وجهز جيشه ورايح ورا موسى.

عايزك بس تتخيل معايا الموقف فرعون بكل الهيلمان والحاشية والناس الجامدة دي والناحية التانية سيدنا موسى ومعاه ناس قليلة لسه مآمنين بربنا ومستضعفين.
فالرؤية بالنسبة ليهم هي مش واضحة لأ هي مش موجوده أصلاً، مش عارفين ايه هيحصل وايه النهاية.

سيدنا موسى أكيد بيفكر إنه تعب ولسه السحرة مآمنين ولسه كان في شو اتعمل من فرعون قدام الناس فخلاص بقى نريح لأ لسه قدامك مشوار كبير في الدعوة فمحتاج تصبر..

أن أسر بعبادي إنكم متبعون! لسان الحال ممكن يفكر أنا تعبت ومعايا المستضعفين بس يارب بعد كل ده؟
بس الحكاية مش كده خالص الحكاية إننا مش عارفين نصبر..

وده يرجعنا لقصة موسى مع الخضر وكيف تصبر على ما لم تحط به خبرا؟ فهو ده شكل الصبر، الصبر بيبقى على حاجة أنت مش عارف هي عاملة ازاي ولا متخيل هتعدي ازاي ولا هيحصل ايه، بس كل اللي عليك ترضى وتتيقن في ربنا.

طب أنت ممكن تفكر أنا بصبر ومفيش نتيجة! يبقى الصبر محتاج ايه؟ محتاج يقين سيدنا موسى..

سيدنا موسى اخد الأمر من ربنا ومشي، فاعمل الحاجة اللي ربنا أمرك بيها وتوكل عليه ويقيناً ربنا هيستجيب..

ربنا أما سأل سيدنا موسى عن عصاه سيدنا موسى متوقعش إن العصاية اللي بيهش بيها على الغنم هي السبب في النجاة!
فهي نفس نظرة يعني هو الدعاء هيعمل ايه؟
لأ هو هيعمل كتير رصيدك الإيماني هيبقى عامل ازاي؟ واللي في إيدك إنك ترضى والثواب عظيم، ماهي المشكلة متحلتش! بس أحنا مش مستنينها تتحل خالص أحنا مستنيين نحل مشكلة قلوبنا..

فرعون ظبط خطة وظبط الناس اللي معاه، بس ربنا سبحانه وتعالى معه خطة ويمكرون ويمكر الله..

في ناس بتقولك "إِنَّا لَمُدۡرَكُونَ" أما تلاقي مجموعة بتقولك مش هتعرف تعمل الخطوة دي وازاي هتكملي حياتك عادي كده؟ افتكر إن المحبَطين دول ناس ضعيفة مش قوية بالله، فأوعى تمشي ورا كلامهم يقينك في الله بس.

بس رد سيدنا موسى ايه قال "كلا" دي جابها منين؟ من تربية ربنا له أما قاله قبل كده "كلا إنني معكما" فرجع قال لقومه "كلا إن معي ربي" فأنت معاك ايه بقى؟ معايا ربنا..

فالهداية الحقيقية هي إنك تعرف الطريق الحق والطريق الصحيح، ربنا مقالهمش البحر هيتشق وهنعدي لأ سيدنا موسى قال أنا عندي يقين في الله خلاص خلصت.

مش مهم هتتحل منين المهم هتتحل من عند مين، فهي عمرها ما هتتحل بتفكيرك وخططك وقياساتك.. هتتحل من عند ربنا بس.

فافتكر دايماً خلي عندك يقين فيه هو سبحانه ويقيناً هيدبرلك أحسن من تدبيرك.
يوم عشوراء جيه عشان يفكرنا إن كل مشاكلنا حلها سهل أوي عند ربنا سبحانه وتعالى.. بس أنت فين يقينك بالله وقدرته؟
يوم عشوراء جيه عشان يفكرك إنها مش بالأسباب، هي بالله وبس.