عليلة وصعبة اضـل وحدي
متعـوده اعلـى ملگاڪم
خلـك خدامـه اخذونـي
مريضه وجـاي انخـاڪم
صح هوه السفـر متعـب
بس يحـلى اويـه ممشـاڪم
رقـيه حاچـي ابـوي احسـين
هلبـت امشـي وياڪم۔۔💔
_العليلة

بوداع العليلة والحُسَيْن
‏وبأمنياتها الأخيرة وهي تُنادي

‏وياك إخذني أضوي بدروبك شمِع
‏آنَه العليلة وبغيابك أنفجَع 😔💔" .

‏‌ #يافاطمة_العليلة⁩

لقد رأيتُ النجاة في خدمتك والحياة في مجلسك، سيدي يا أبا عبدالله الحسين عليه السلام

قال موّلانا الإمام الرّضا عليه السّلام :
«كان أبي إذا دخل شهر الـمُحرّم لا يُرىٰ
ضاحكًا، وكانت الكآبة تغلب عليه ، حتّىٰ
يمضي منه عَشرة أيّام، فإذا كان يوم العَاشر
كان ذلك اليوم يوم مُصيبته وحُزْنه وبُكائه،
ويقول : هو اليوم الّذي قُتِل فيه الحُسيّن».
- الأمالي للصدوق.

فَلأنْدُبَنَّكَ صَبَاحاً وَمَسَاءً
وَلأبْكِيَنَّ لَكَ بَدَل الدُّمُوعِ دَماً، حَسْرَةً عَلَيكَ
وتَأسُّفاً عَلى مَا دَهَاكَ وَتَلَهُّفاً
حَتَّى أمُوتُ بِلَوعَةِ المُصَابِ، وَغُصَّةِ الاِكْتِئَابِ..

نعي للعليلة عليها السلام


كلبي ماهوه الفركه  ولاراد
صحت يابوي تانيني ولاراد
حاديهم مشه  عني  ولاراد
اتاني ولانشد واحد عليه

.........
نعي

عله  الدرب ضليت اتاني
وبالاحباب  ماعود  زماني
مشدوه لوكلبك   نساني  
.............
كلما شفت طارش تعده
اكولن ابوي الوكت  رده
ماشبع  منه الكلب بعده
.............
بعد  الكلب ماشبع منهم
بلكت يحن وكتي ويردهم
بلمت  هلي يزهي  نزلهم 
.............
يابيت وين اهلك  تكلي 
وين الجان من نكصد يهلي
شالو  هلي وبالبيت  شلي
............
شالو  وبتهم   ماخذوها
روحي تحن وتريد ابوها
تبجي  وتريد   الدللوها
............
يالشالو  اهلج  وين ترحين
غياب  وعليمن  تكصدين
حيرانه  ياروحي شتسوين
..........
يالغاب ابوج ابجي عله حالي
من وجوه اهلنه البيت  خالي
يادهر   ماخليت    غالي
..........
نعي كرناوي  الحسين  يوصي ام البنين بالعليله
عليها السلام

الابو  لوشال عن بيته ومشه بعيد
كبل   لايرتحل    يكتب   وصيه

اذا   حان  الافراك  ومايرد دوم
يشيل   وتضل    عينه   اربيه

يكتب   وصيته  كبل الارحيل
خصوص الابو   العنده  ابنيه

يدري من  يشيل  اتذل الاحوال
وكسر    اليتم    ماهو   شويه

مكسوره  تضل   وادير  بالعين
بطرف    العين    دمعتها جريه

حسين بيوم حمل ذيج الاضعون
ونده   يم   البنين   تعاي   ليه

يمي  تكربي  خل  احجي وياج
اروح  او سفرتي   كلش  بطيه

تدرين  الابو   لوناوي  ايشيل
يمشي   وتضل   عينه   اربيه

امانه  فاطمه   لوطال  الاغياب
من  تشتاكلي    وتنشد   عليه

خلي  العين   منها  يم الابنين
اذا   جاها  الخبر عودج رميه

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الفاطميه جزء الحادي عشر
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

#جديد
#نواعي #الخدمة_الحسينية

أبوذيات :

نظل نبچي عليك الليل وانهار
وما نُوفي لَـــون الدمـــع أنهار
محبك طود صبره انهدم وانهار
إذا ما يخــدم وينصب عزيـــه

ما عدنه سوى الخدمه وعزاكم
ونظل طول العمر ننصب عزاكم
عزنه والفخر كله ابعزاكم
وتظل إلنه خدامتكم هويه


نعي مجاريد :


يبگــه فخــرنه للمنيه
انقيم المجالس والعزيه
ونبچيلكم صبح ومسيه

ننصب مجالسنه لعزاكم
ابتوفيقكم والله حماكم
وكل العمر والله فداكم

وكل حاجاتنه بس الخِدامه
ابخدمتكم انعيش ابسلامه
وهيــه فخـــرنه بالقــــيامه

يا سادتي بس عنه ترضون
وانريد للخدمه توفقــــون
ونبچي على الظامي وعلى ام عون

الليله باسمها نبدي النوح
وابتوفيقها هالدار مفتوح
منها المدد واتشافي لجروح
___
#فاطمة_كريم
٢٠٢٤ م

*🍃نعي گرناوي عتاب الاحباب للعليله(ع)🍃*
*من ديوان📚 عبرات وأنين ج٢*
▪️〰▪️〰▪️〰▪️〰▪️〰▪️
اجاني الليل وانشد و يـن الأحـباب
اعاتبهم و اگـلـهـم  ليـش عـفـتوني
تركتوني  بهظيمه و تهمل العـيـن
وانه من البواچي منخـطف لوني
أعتـب عالـزمان الطـشـرانه بـيوم
لو اعتـب على احبـابي الـجـفوني
خلوني و حيـده  اصـفك بالايـديـن
نـهدم كـل  حيـلي  لمـن فــارگـوني
جنت بوجودهم مسرورة البال
وهـسـه تـهـدمـت مــن ضـيعـوني
عافونـي عليله ودمـعي سـچـاب
وانـه جسمي عليل و تـيـهـونـي
اصــد للبيت ادور بيـن الـوجــوه
بلـكـت  بـيـه الگـه  الفـارگــونــي
يروحي من المناحه  ما تـشــبعـيــن
مشو  اهلي وخـابـت كل ظـنــونـي
محد  يمرني و  يطرگ  الباب
و  اهلي  بالمناحات اتــركـونـي
هلي دموع  عالاحباب  يا عين
شالو هلي و انگطعت ضـنونـي
بـعد  هيـهـات  ليه  ما  يعودون  
و يردون  الاحباب و  يلاگوني 
صـار  البيت  مظلم  من  بعدهم 
لأن كـل الاحـــبــهـم فــارگــونـــي
▪️〰▪️〰▪️〰▪️〰▪️〰▪️

*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي وﻷمواتكم:🍃
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

نعي ليلة مسلم بن عقيل ع.....محرم1446

ابلا ناصر بقى وايدير شوف العين
مسلم حيره بيه ما يدري يگصد وين
ديرة غدر ما بيها اليوفّي وياه
بس طوعه الوحيده وتنشده يالغريب منين
گللها آنا مسلم عمي حامي الجار
ونزل مدمعها من سمعت ببو الحسنين
گلتله اهلأ انت اليوم راعي الدار
واعذرنه يوجه الخير خاف ابحقك امقصرين
نزل بديارها ليله ابصبحها الموت
وطر الفجر لن بالباب متجمعين
ذياب الغدر كلها اتريد بيه تمتاز
ما يدرون خسرانين دنيا ودين
وعليهم من طلع طلعت اسد مجروح
خلاها الزلم ما تدري تشرد وين
وتالي ابولية الانذال طاح الما ايطيح الواه
وخذوه عد مجلس ابن زياد فرحانين
گللهم وسف دار الزمان وجار
وخلى الما يعرف الاصل يصبح زين
ومن فوگ القصر لمن نوو يرموه
صاح ابصوت كلشي فدى الوجه حسين

ولينه حسين غيره ما ولينه
ولونّه انموت غيره ما والينه
نضل نمشي اعلى دربه ما وّلينه
اشما جار الوكت يبقى الهويه

المثلك لو حكم حكمه يضِل دين
ودمانه وحگنه برگبته يضل دين
حسين ايگول لو متنه يضل دين
جدي المصطفى يهدي البريه


✍️ الخادم فراس موحان الساعدي

موشح.... مسلم بن عقيل عليه السلام

يا بو طاهر گوم وانشر رايتك
وادحض اسيوف الضلاله العادتك
.....
يا سفير النهظه يا نعمه السفير
بزمن بيه مات الحيه بگصة الضمير
گوم واردع كل حقود وكل اجير
وافگس اعيون الاصنام الغدرتك
.....
يمن لحسين انذرت هاي النَفِسْ
هالشوائب گوم لقنهم درس
حگها هاي اعداك منك تنخرس
الطاح بيدك ما سلم من ضربتك
.....
يابو طاهر شد عليهم يا همام
ولا تغرك هاي عبّاد الاصنام
يمن ضحيت ابدمه الدين الاسلام
ودافعت عن شرعة الله ابوكفتك
......
انهض وبيدك لوائك يعتلي
وخلهم يذكرون صولات الولي
صيح بيهم لا فتى الا علي
مثل ابو الحسنين تصبح صولتك
......
يا غضنفر يا محارب يا شهم
اگلب الحومه عله اشباه الزلم
والنعم منك يمسلم والنعم
تشهد اعداك ابسالة حضرتك
......
ابحملتك خل ينطق السان الزمن
ومهله لا تنطيها ابد روس الفتن
بسيفك اگطع نسل عبّاد الوثن
يمن نصر الدين غاية غايتك
......
انت لجل الدين روحك قدمت
ومن عله قصر الاماره اتكلمت
ارفعت چفك للحسين وسلمت
ورد سلامك وافتهمها اوصيتك
......
رد عليك احسين وادموعه تسيل
وعلم بوصيتك وانطاك الدليل
مسح راس ابنيتك وصار الكفيل
ومن مسحته هيه عرفت موتتك
.......
خادم مسلم بن عقيل عليه السلام
حسام ناجي الحلي
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

الرادود حيدر البياتي
كلمات الشاعر ميثاق الحمداني
منقووووول نازلي عبد الله
تجمع الزهراء العاشورائي

☘️☘️☘️☘️☘️☘️

ماشين ماشين   ....  راح ابقه مشتاكه ....راح ابقه مشتاكه

☘️☘️☘️☘️☘️☘️☘️
من ركبو كل الضعن.....بدمعي كلت جا وانه
كالو تموتين وكلت....هم راح اموت هنانه
عنهم لمن درت الوجه....رديت بس حزنانه
امشي اعله كيفي وانتظر....جلمة تعالي اويانه

وحسين....وحسين ....ما وضح اشواكه....راح ابقه مشتاكه.....راح ابقه مشتاكه

☘️☘️☘️☘️☘️☘️☘️
يا دهري متروس النزل....ومثل الكبر خليته
ما كنت اضن ابو علي ....الصدا يصير ابيته
فوك المرض راحو هلي ....وعمري انتهى حسيته
افكدت الامل من علتي.....وحتى الدوا بديته

والعين ...والعين....دمعتها حراكه... راح ابقه مشتاكه.....راح ابقه مشتاكه

☘️☘️☘️☘️☘️☘️☘️☘️

حال اليتيمة حالتي....المغرب يجي ابلواها
ما عدها والد من بجت ....ويكول من بجاها


البنيه من تفكد ابو.... تفكد طعم دنياها
وانا العليله الفاركت... احله ابو ابعيناها

جم وين ....جم وين....وديت العراكه...راح ابقه مشتاكه.....رح ابقه مشتاكه
☘️☘️☘️☘️☘️☘️☘️
راحن خواتي اللي كبل.....نفس الغطا يغطينا
ما اصبر بهاي الصور .....فاركت وجه سكينه
شلونج تكلي ام الكمر....وانه ارد مو زينه
انه ورقيه جم شهر .....صارلنه ما تلاكينه....انه ورقيه جم شهر صارلنه ما تلاكينه

عامين ....عامين....اليوم البلا ملاكه....راح ابقه مشتاكه.....راح ابقه مشتاكه

☘️☘️☘️☘️☘️☘️☘️☘️
ليش الاحبة يبتعد .....ياهو اليردلي جوابي
وليش انه من اصحه كبل....اركض واعاين بابي
جتلي الطبيبه وعاينت .....ما شخصتلي اصوابي
كلتلهه ما ينفع دوا....اليوجعني فكد حبابي....كلتلهه ما ينفع دوا ...اليوجعني فكد حبابي

ما بين ....ما بين ....موتي وبجي فراكه....راح ابقه مشتاكه....راح ابقه مشتاكه
☘️☘️☘️☘️☘️☘️☘️
آخر حجي وين الظعن....اهلك حزن بجفاكن
المغرب يجيني واختنك....وين امشي حتى الكاهم
عديت مرحلة السهر ....ما اصبر بفركاكم
شوفولي حل من الهجر ...لو موت لو وياكم....شوفولي حل من الهجر.... لو موت لو وياكم

https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa