تصفح

تسجيل الدخول سجّل اشتراكك


أنت تقرأ

أبي لم يكن إنسانًا
قصص عامة
الأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....

#اجتماعية #حقيقية #ظلم #قتل #قسوة


البارت 32
82.9K 7.4K 7K

بواسطة Lubna_Almousawi
#أبي_لم_يكن_إنساناً
البارت الثاني والثلاثون
للكاتبة لبنى الموسوي
46
همام.. طلعنا اني والاء البيت أهلها
الطريق كلة سطرتني بالبچي خليتها على راحتها الحچي ميفيد هذا هو وصلنا الطريق ما بي رجعة بعد
25
وصلنا نزلت الجنطة وفتحت الها الباب يلا نزلي
باوعتلي تبچي همام...
نترت كافي عاد لتدوخيني نزلي وخلصينا وصلت حدها وياچ يبت الناس وهالزواج لازم ينتهي اليوم
24
- بس اسمعني
- ما اسمع لتتعبين روحچ ع الفارغ
- والله اسفة اوعدك راح اصلح كل شي بس اصبر علية
32
- شبعت وعود وكل شي ما شفت
فـ خليچ من هالسوالف ونزلي عاد ترى تعبتيني كلش
7
بس حچيتها نزلت تمسح بـ دموعها
دگيت الجرس طلع أخوها مصطفى لك هلا بالنسيب عاش من شافك يابة وين هالغيبة صدگ چذب
21
- بيك أكثر صفاوي الذهب شلونك اخبارك مشتاقين
حقك ادري مقصر بس الشغل ما يخلص شسوي تشوف حال الوالد انتَ
5
- الداعي اشوق ومعذور بس العتب على قدر المحبة
9
- رحم الله والديك
- ووالديك بالرحمة يلا ليش واگف تفضل استريح
- عمي موجود
- لا والله بعدة بالدوام تعرف ما عندة موعد يوميا شكل
4
بعدة يحچي التفتت على الاء انتبه على حالة وجها
- خير شكو
شبيها تبچي وشنو هاي الجنطة لتگول رجعتوا تعاركتوا
10
- ان شاء الله راح احچيلكم كل شي بس يجي عمي
- اي لعد تفضل انتظرة جوة
- أول بشرني على جية لو يتأخر ما بية انتظر
- لا والله يتأخر اتصل على الوالدة وگال لتنتظرون اني والعصر صار عندي شغل مهم
10
- لعد خليني اتوكل وارجع أمر الكم بالليل اذا الله راد
3
- شنو السالفة قابل غريب
تجي من الباب السلام عليكم مع السلامة واگفة والله
8
- هاي انتَ گلتها اني مو غريب
بعدين قابل اريد اجربكم يا خوية بس ثق بربك تعبان هاي جيتي من الدوام حتى ملابسي ممغيرها
خليني اروح اتغدة وأنام ساعة ولليل النة گعدة طويلة
4
- على الأقل فوت تغدة مو صابين الأكل
- ألف عافية صفاوي اعذرني اليوم تعبان كلش ما أگدر
12
- على راحتك حبيبي البيت بيتك وهلا بيك شوكت متجي
29
- رحم الله والديك خوية
حچيتها والتفتت على الاء فوتي جوة ولتحچين اي شي منا لما اجي بالليل نصيحة مني هاي
لأن مثل متعرفين من فمك أدينك فـ سدي حلگچ أحسن
9
مصطفى.. هو انتم تالي لو متخبلين لو مخبلينا ما بيها كل مجال
29
- باوعتلة مبتسم استأذن صفاوي وسلملنا على الأهل
- غالي حبيبي يوصل ان شاء الله
5
ما صدگت ارجع للبيت
دخلت للصالة كلهم مجتمعين مبين دينتظروني وشلون عاد بية حيل اني أهلها ما گدرت اگعد وياهم
3
- السلام عليكم
- وعليكم السلام
ها خوية شو وحدك شنو سويتها صدگ هالمرة معقولة
4
- متشاقي وياچ من قبل بـ هيچ مواضيع ؟!!
11
- اعصابك مو هيچ السالفة
يعني قصدت شعجب أبوها ما سواها مثل كل مرة وحل السالفة بكلمتين ومباوس من الروس متعودين علي
23
- ههههه والله يا خديجة ضحكتيني واني ضايج
على العموم ما هو الرجال بالدوام لليل عود أمر عليهم
3
- اي هسة تمام مو اگول السالفة مو خالية هل انصدمنا
9
- صاعد أنام
لحد يگعدني اتركوني شوكت ما احس اگعد تعبان اليوم
4
طيبة.. شنو متتغدة الأكل جاهز بس احمي الك
9
همام.. هسة ما اشتهي ما اريد شي غير بس أنام واذب تعب جسمي حتى راسي صدع
6
بتول.. اي والله حقك
غير راحت حارق الدهون فـ أكيد بعد متحس بـ الجوع بصورة مستمرة مثل قبل چان عوزك بس تاكلني
40
خديجة.. هههههههههههه
ولچ اسكتي شوية لو متگدرين تسيطرين على لسانچ
5
بتول.. والله لساني ما گال غير الحقيقة بس هذا الواقع اليحچي الحق ينزعل منة واني ما اسكت
7
الحجية.. وليدي برضاتي عليك اگعد تغدة لتزعلني منك
8
- والله حجية ما اشتهي
- الخاطر أمك مو زين تظل هيچ هم تعب هم ماكو أكل شيصير بيك تعرف ما عندي غيرك بالدنيا
11
- صار تتدللين لخاطرچ بس
4
خديجة.. لعد گايمة اصبلك الأكل بين متغير ملابسك
3
طيبة.. لا عمة اني اصبلة خليچ انتِ مرتاحة
27
صعدت غيرت ملابسي ونزلت اتغدة
ويا ريتني ما نازل
طول ما اني أكل أمي وخديجة اسئلة وتحقيق مصدگت اكمل واصعد ع السريع حتى ارتاح شوية
23
بـ وجهي دخلت الغرفة الاء حتى طيبة تاخذ راحتها
جريتها نومة للمغرب تقريباً
گمت غسلت وغيرت ملابسي نزلت للصالة گاعدين على التلفزيون

6
الحجية.. ها يمة صحي النوم
ظل بالي يمك مو عوايدك هالگد تنام خو ما بيك شي
5
- ماكو شي يمة بس شوية تعبان ومحسيت على روحي
4
- يساعدك ربي وحقك ليش الأنتَ بي شوية
شنسوي هم حظك الحمد لله الذي لا يحمد على مكروه سواه
16
- الحمد لله على كل حال
اريد اطلع وراسي مسطور ي بنات چاي على السريع
4
بتول.. اي عمو تتدلل هسة طيبة تسويلك گومي يلا
66
همام.. لا شو إلا انتِ تسوي حركي طولچ شوية داشوف
15
- ليش عمو هي مرتك لو اني
- گومي
- هسة انتَ شعليك منو الـ يسوي المهم بالنهاية تشرب الچاي وراسك ينعدل مو صح
7
- صح بس اني مُصر انتِ تسوي يعني انتِ يلا حبابة
- اي ليش غير افتهم
10
- عاجبني اشرب من إيدچ
بصراحة الچاي التسوي انتِ الة نكهة خاصة متجي يم غيرچ
30
- شوف بـ أختصار اني ادري بيك دتصبغني حالياً
بس شسوي حكم القوي
مجبورة اگوم لأن مستحيل اگدر اعاندك
ان رضيت أو مرضيت بالنهاية راح اسوي غصب فـ شنو خليني أگوم بـ كرامتي احسن ما أنسحل سحل
21
- همزين مفتهمة الموضوع
يلا لعد چاي بسرعة والشكر قليل اذا سويتي حلو مثل كل مرة ازوهر عيشتچ ترى ما اتعاند وتدرين
31
- اي حقك هو الحلو ميصير يشرب حلو لازم يكاسرة
- خوش
- دگول انتِ الأحلى رحم الله والديچ الله يكثر حلاوتچ اي شي المهم جامل قابل اعلمك
47
- ما احب المجاملة يلا الچاي دوختيني ولچ
- بس حچيتها گامت گدامي ضربت تحية حاضر سيدي
31
طيبة.. هههههههه والله هاي البنية فلا صاحية لا بالقرأن خيط عقل ما ظل بعد بيها
10
بتول.. هههههههه توچ عرفتي اصلاً المخابيل الهم شرف انتمي الهم عاد نظل أحسن من الصاحين
17
حچتها وراحت تسوي الچاي الـ همام
رجعت الحجية تحچي ويا بالموضوع خلصها بس يهز براسة كسر خاطري خطية بالشغل تعب هنا تعب
12
رجعت بتول انطتة الأستكان
دتحچي الحجية واني صافنة بوجهة رفع راسة باوعلي بوية على الفشلة الحسيت بيها بوقتها
نزلت راسي بسرعة لو بـ إيدي اطير ما اظل گدامة ثانية وحدة فجأة صاحني
68
- طيبة
- رفعت راسي بخجل نعم عمو
11
- تذيتچ گدام الكل
ومن واجبي اعتذر منچ گدام الكل
اسف عمي حقچ على راسي من فوگ لا تزعلين مني
100
موقف يقشعر البدن فعلاً
ظليت صافنة بـ وجهة والدمعة بـ طرف عيني صاحت الحجية ليش هي تگدر تزعل عليك هاي الطيبة
17
- كلام بيبي صح
ما صار شي وما زعلت منك تظل بمقام عمو الله يرحمة وتمون علية ان شاء الله تنذكر ما تنعاد
43
- ذهب طيبة ذهب الله يرحم أمچ وعمچ على هالتربية
16
خديجة.. يلا همام ما ناوي تحچيلنا السالفة
شلون دبرتها الاء وشنو هاي سالفة التحاليل دخنا وياك فهمنا الله يخليك
3
- سولف النة كل شي صار ويا أبوها البارحة
ظلينا صافنين علي
هو اني دوختني وعود چنت متأكدة من برائتي همَ لعد شلون صدگ هالمرة مو طبيعية شيطان ولابسها
19
والله فـ لا ألوم همام
كلنا شفنا شصار بيها بذاك اليوم لدرجة حتى أهلة اللي يعرفون شنو الاء شكوا بية شلون اعتب علي بعد
4
خديجة.. والله عقلي مديشيلها ابد
معقوله كل هذا يصير واحنة نايمين على أذانة
زين شلون گدرت تخدعنة انتَ مو رحت وياها للتحليل
6
- اي وشفت ورقة التحليل بـ عيني
لا وبعد حتى المحللة طلعت تبارك الي گدامها شلون ما ادري معقول اشترتها لو قشمرت عليها مثلنا يعني
10
وخو من طرحت چنت وياها بالمستشفى
أمها گالت الله يعوضك واني ادري بيها مرة تخاف الله ومتطلع العيبة منها شايفتها انتِ
13
ولو عمي حقها
اذا بتها خوش مسويتلهم فلم المرة شعليها بعد ما الها ذنب بالموضوع الذنب ذنب الاء وبس
8
هاي بعد من غير الراچيتة والعلاج والدكتورة
بعد كل هذا شلون اشك
رغم يشهد علية ربي دائماً اكو شي داخلي يگول طيبة بريئة بس شيقنع عقلي وماكو دليل الصالحها
10
الحجية.. هاي البنية شجاها
معقولة الغيرة تخليها تتصرف بخبال ماكو هيچ قابلية كل هذا بس علمود ترجعك الها بعد ما خسرتك
8
- يمة واليرحم والديچ يا غيرة هاي
توصل بيها تتفق وتخطط وتچذب وتشتري ناس وتبيع بناس بس علمود تتهم طيبة لأن تغار ؟!!
11
الإنسان الـ بكلبة ذرة إنسانية ميتصرف بحقد
دتشوف البنية مالها صوت
ما فكرت ممكن أأذيها وتصفى بالشوارع غير ربچ زارع حب هالطفلة بگلبي مثل بتول لأن اعرف شلون عانت بحياتها وعذرتها اذا صدگ تصرفت بعدوانية
76
بس لو وحدة غيرها ما اضمن شراح اتصرف وياها
هاي روح مو لعبة
والاء ما شاء الله عدها الروح كاسة ماي شوكت ما ملت شمرتها لا ذمة ولا ضمير شنو من بشر ما ادري
9
بتول.. والله عمو زين سويت من وديتها لأهلها
ويا ريت لو بعد مترجعها نريد نرتاح شوية من المشاكل خو اذا طلگتها تسوي فضل على أمة محمد
56
خديجة.. انتِ وتالي وياچ
كم مرة صار گايلتلچ سوالف الكبار عيب تتدخلين بيها

18
بتول.. يلا عيني قابل شگلت اني
بعدين هاي يا سوالف كبار شو الاء أكبر زعطوطة وكل تصرفاتها طايشة الله اليعلم لو باقية هنا شتسوي بعد
13
خديجة.. لا اله إلا الله
وچ يمة اسكتي عيب رجلها گاعد وهو اليحچي
المهم خوية معليك بيها احچيلي هسة على شنو ناوي
6
- اطلگها غير ما عندي غير نيـة
كافي وصلت حدها ما اگدر ابقيها على ذمتي بعد الشي السوتة تمادت هواي وصار لازم ينحط الها حد
11
- زين أبوها شلون مو المفروض تبلغة بعملة بنتة حتى لياخذ بـ خاطرة انتَ تعرف شگد متمسك بيك
8
- طبعاً راح ابلغة
عود چنت ناوي ورى الصلاة أمر عليهم بس يمكن أأجل الموضوع على باچر تعبان ما بية للنقاش
12
الحجية.. احسن زين تسوين
بلكي منا الباچر تبرد وترتاح حتى تعرف شلون تتصرف وياهم المهم حاول تتجنب المشاكل وليدي
15
- ان شاء الله يلا اني رايح تردون شي من طريقي
4
- اي همام هاي نواقص البيت كتبتهن بورقة مو تنساهن
5
- تتدللين واذا تذكرتي بعد شي اتصلي علية
- متقصر خوية
- مع السلامة
- الله وياك عود أرجع من وكت حتى توديني الـ بيتي
5
طيبة.. لليل اجة رجل خديجة عليها
عود عبالنا تبقى بس مدري شعجب اجاها ولو هو صاير احسن من الزعلة الأخيرة لأن ما اشتكت منة بعد
54
همام هم من عرف بيها راحت تأخر بالرجعة للبيت
كلهم ناموا
صعدت الغرفتي باوعت للساعة راح تصير الـ 12 جهزت جدول باچر وطفيت الضوة حتى أنام
4
بعدني اتگلب سمعت صوت سيارتة
شوية وخطواتة صارت ع الدرج عبالي يجي يمي بس ماكو يمكن راح الغرفة الاء گمت دگيت الباب علي
33
صاح من بعيد تفضل
فتحتها ودخلت لگيتة دينزع بالقميص من شافني تركه
26
- ها طيبة خير
- اجيت اشوفك اخاف تريد عشى ترى بعدني ما نمت
- لا عاشت إيدچ أكلت برى ويا جماعتي
- ألف العافية...... بس شسمة يعني راح تنام هناا اليوم
115
- اي اخذي راحتچ بالغرفة الاء وماكو بس خو متخافين
- لا شنو السالفة تعودت بعد يلا عمو تصبح على خير
- وانتِ من أهل الخير
8
سديت الباب ورجعت الغرفتي
غفيت بسرعة للصبح فزيت صاير عندي منبه ذاتي من كيفي سبعة إلا ربع اگعد حتى بـ أيام العطل
47
گعدتهم ونزلت اسوي الريوگ
سبعة ونص طلعنا وصلنا همام للمدرسة وراح على دوامة
5
همام.. وصلت للمقر غيرت ملابسي ودگيت على علي
ما اعرف اليوم احس بخنگة الله يستر بس لا راح يصير شي مجرب احساسي بـ هالمواضيع بالذات
106
- صباح الخير سيدي
- صباح النور مخلد اجة لو بعدة ؟!!
- اجة سيدي قبل ربع ساعة وحتى مر لهنا سأل عليك
4
- انطي خبر اني اجيت وروح جيبلي فد استكان چان
- تأمر أمر
6
بلشت اشتغل
ربع ساعة ودخل علية مخلد صباح الخير يا وجه الخير
2
- والله اشك اكو خير خوية
- ليش يمعود مو بعدنا بأول اليوم شصار دخيل الخلقك
5
- ما ادري بس حاس راح يصير شي
المهم وينك تأخرت گلت راح اجي الگاك واگفلي بالباب
13
- اسكت يول ذول المتهمين ينراد الهم ندف يلا يقرون
4
- ميصير يخوي طول خلگ وياهم شوية
احنة منخلص من النظام السابق حتى نصير نظام اسوء منة ولو هي الشغلة خربانة بس يلا كلمن يعمل بـ أصلة
23
- وياك اني بس هاي في حال اذا چان المتهم بريء
خو ما هو خلقتة مگلوبة مابيها نور محمد والشر واضح ذاك وينة بعيونة من غير الأدلة التدينة
تالي يوگف گدامك يحلف كل يمين ولا الثاني اني بريء سيدي ممسوي شي
8
- يمعود خليهم ينكرون أول وتالي همَ لابسيها لابسيها
5
- اي صح
بس منا لما يلبسوها اني أشوف جدي من عالم البرزخ
22
- هههههه جدك لو يعرف انتَ حفيدة الله وكيلك يشرد بيوم العرس ولا هالورطة الگشرة
35
- مراح ارد عليك
ادري بيك مضغوط من نجاحي ووسامتي قابل مااعرفك
49
درت وجهي عنة اضحك فجأة صار صوت قوي
گمت على حيلي لا يا الله انفجار
دنطلع تكرر الصوت حتى الجام تكسر فتحت الباب ولك عليييي وينك تعال بسرعة فهمنا شديصير برة
35
- سيدي انفجار بالسوگ القريب منة
والمركز انخبص لأن لازمين واحد مشتبه به بس كلش قوي العالم راحت
64
مخلد.. لا اله إلا الله صدگ چذب
بلا شنو ذنب هالمساكين طالعين على باب الله يترزقون تالي يرجعون لأهلهم جثة هامدة الله أكبر عليهم
8
همام.. ذنبهم انولدوا بالعراق انا لله وانا اليه راجعون
30
مخلد.. اي والله شنو الجديد يعني نخلص من المجازر الجماعية تجينا الأنفجارات والأغتيالات العشوائية
10
علي.. سيدي اروح اساعدهم اخاف يحتاجوني
6
همام.. علي احنة هم نحتاجك
لتطلع هسة تطگ الثالثة وانتَ عائلة برگبتك خليك هنا
14
علي.. صار سيدي
7
باوعت للشارع مخبوص خليت ورجعت المكتبي
دخل مخلد وراية يول بس لا يحولوا علية وحق ربك ما اگدر الزم روحي عنة بوكس واحد اخلي يزوع مصرانة
14
- اگول انتَ شعندك طلبت نقل لهنا
لو ظال بـ مكانك مو احسن شغلنا يول يحتاجلة صبررر وخلگ طووويل بغير هالشي مراح تطلع نتيجة

5
- لا وداعتك البوكسيات تجيب نتيجة اسألني الي
أشهر بس وشبعتهم كتل
واحدهم يدخل علية يضحك يطلع همات يضحك بس شنو سنونة الأمامية كلها ماكو خطية
55
- ههههههههه امشي روح ولك اريد اشتغل شلون وياك
- ههههههههههه رايح عفية شعب بعز المصايب يضحك الك بيها أرادة ررررربي
71
- اگول صدگ على طاري الأرادة جوعان ومسوي رجيم
- هذا يا رجيم هو انتَ بس عضلات
- شعرفك يابة رجيم من نوع خاص بس سر ما اگولك
17
- ميحتاج عندي رجيم رباني
- شلون
- عندي حارق دهون يوميا ينزلني كيلو واذا كلش منزلت يثبت وزن المهم ما اسمن شگد ما أكل
49
- بشرفك اسمة
- لا اعذرني سر المهنة مو هذا كلامك
- يول اني أخوك تحتاجني
- الله ليعوزني عليك ويلا ولي عاد شوف الساعة يمعود
26
- درب البوبي ع الگصاب شوف حتى بـ أمثلتي احترمك
- لك رووووووووح
- هههههه رايح لتصيح أن انكر الأصوات لصوت الحمير
100
- لا يا حمار على هالدگة
18
رفعت الملف اضربة بي طلع يضحك
رجعت عيني على الساعة سبحان الله چنت حاس راح يصير شي الله يرحم الشهداء ويشافي الجرحى
25
التهيت بالشغل لـ نهاية الدوم
توني اريد اغير ملابسي دخل علية القائد شلونك يا بطل
7
- اهلاً وسهلاً سيدي اسأل عنك
- رحم الله والديك ولو راح نتعبك بعد ما خلص الدوام بس محتاجيك ضروري متگدر تطلع حالياً
3
- خير سيدي صاير شي
3
- تحقيق مهم ومستعجل وسري نوعاً ما
وطبعاً مستحيل نگدر نسلمة الغيرك بـ أوامر من الجهات العليا
11
- تأمر سيدي بس ما بيها مجال يتأجل لباچر الصبح
- داگول مستعجل شد حيلك ما ظل شي على الترقيـة
26
- على أمرك سيدي
بس حول المتهم علية وراح ابدي ويا بالتحقيق فوراً
5
- سبع همام عشمي بيك چبير
هذا التحقيق كلش مهم لأن هالمتهم من الناس الفوگ تفهم علية لذلك خليك حذر بالكلام على گد متگدر
33
- صار معلوم
- يلا اني رايح ونص ساعة ويصير يمك جهز روحك الة
- جاهز ان شاء الله سيدي
4
بس حچيتها طلع باوعت للساعة والبنات شلون يربي
فتحت الباب وطلعت علي علي وينك تعال
10
- نعم سيدي
- روح صيحلي مخلد قبل ليطلع اركض موبايلي خلص شحن
118
رجعت للمكتب جهزت كل شي دخل علية
- ها همام ردت اطلع وعلي گال رايدني خيررر شعندك
10
- محتاجك بشغلة أخيك
- طلع درب البوبي قصير بس يلا اني گصاب بگلبي رحم
55
- ههههههههه بشرفك مو وكتك اسمع يمعود
قبل دقائق اجتني مهمة مستعجلة
فـ مضطر ابقى ما اگدر اطلع والمشكلة البنات ينتظرني بالمدرسة لازم اروح عليهن
24
- اگول ليش متسويلهن خط مو احسن من هالدوخة
- هي مال خط متشوف الأوضاع شلونها
- وهسة شنو المطلوب مني اروح ارجعهن اني مو صح
27
- اي والله ولو اسوي زحمة عليك
- لا يول لعد الخوة المن تنراد عمي بيك خير وتتدلل
12
- رحم الله والديك
- ووالديك بس شلون راح اعرفهن ناسيها الـ بتول اني
26
- مراح تلگة غيرهن مخلد
هنَّ يحلن قبل ليخلص دوامي يعني من اروح الهن بس هنَّ واگفات بباب المدرسة كل الطالبات رايحات
5
-زين لعد خليني اروح بسرعة لا اتأخر عليهن خطية
- مشكور حبيبي ما قصرت
- دار وجهة يطلع رجع باوعلي اليوم اجت اسماء الوجبة مالت النقل عرفت بـ هالشي لو بعدك
7
- لا توني سمعت منك
- المهم شفت أسم صالح وياهم وباچر راح يباشرون
- بيها الخير ان شاء الله الله يوفقهم
- اجمعين بس اذا متحتاجة انتَ أريدة هو بالذات وياي
17
- صالح قصدك !!!
- اي بس لتخجل الله عليك اذا محتاجة
- لا يخوي شسوي بي اخذة بالعافية عليك يلا استعجل
36
- مع السلامة
- الله وياك راح اشحن جهازي عود اتصل علية من توصل
5
طيبة.. فوگ الربع ساعة ننتظر همام وهو ماكو
المدرسة فرغت تماماً
اتصلنا علي من الحارس قبل ليروح طلع جهازة مغلق
5
ملينا واحنة ننتظر شوكت يجي
رجعت بتول ظهرها ع الحايط تدردم علي مليت ااااني وتعبتتتتت من هالوضعية وحق رب العالمين
اموت واعرف ليش معاند على سالفة الخط هم هو يبرد راسة وهم يرحمنا من هالتأخير قابل أبو الخط ياكلنا
15
- كافي سدي حلگچ
هاي فوگ ميخاف عليچ تحچين علي هسة شوية ويجي
5
- اي عيني دافعي الة ليش لا من حقچ غير رجلچ هذااا
- عمچ ترى يعني المفروض انتِ التدافعيلة
- شگلت قابل بس عاجبچ حالنا دشوفي الشارع يصفر
11
- ماكو شي شعلينا يمعودة
حچيتها ورجعت ظهري وياها ع الحايط چان المح من بعيد سيارة دتقترب بـ اتجاهنا ندست بتول حيل
5
- شوفي گدامچ
- شنو
- ولچ هاي السيارة فوگاها مظللة رحنا بيها بتوووول
39
بعدني احچي نزل ولد شاب من گصة همام
- عززززة باوعي ديجي علينة يتحارش لو راح يخطفنا
44
- اسكتي طيبة الجبانة
شحدة يمد إيدة علينا غير اسلگ عشيرتة واخلي فرجة لأمة لا اله إلا الله قابل تايهين الة ومندري
61
مخلد.. السلام عليكم
16
بتول.. دنچب وولي منا احسنلك يلاااا

شفتنا بنات و وحدنا گلت ااي اتحارش بيهن بسهولة لا يمة غلطان شايف ذيچ الخيسة اطمس راسك بنصها اذا فكرت تفتح حلگك بكلمة قذرة
530
- دخيلك ربي على هاللسان شنو هاي منين جايبتة ولچ
58
- و ولاچة تولچ عيونك الچقل
وهذا لساني المستغرب منـة حضرتك جايبتة من نفس المكان الجبت منة أخلاقك القذرة تسمع لو لاااااا
132
بلا متستحي ما عندك خوات متخاف الله انتَ
شنو جاي تتحارش ببنات العالم
مو باچر الله يطلعها بـ عرضك ولو اذا انتَ هيچ عرضك شلون يطلع الله اليستر
112
بس حچتها نزع المناظر وحد نظرتة عليها بـ عصبية
- الزمي حدچ لتحچين كلام أكبر من راسچ
13
بتول.. لا أكبر من صماخك احسن راسي صغير للأسف
62
طيبة.. ولچ بتول عيب مو هيچ
كافي اسكتي هسة يروح كل شي ميگدر يسوي واحنة بنص الشارع
7
بتول.. يلا لك تروح منا لا الم العالم عليك
بس افتح حلگي واگول هذا ديتحارش بينة إلا تنعجن الله وكيلك
14
مخلد.. وانتِ شكول واحد يتحارش بيچ احچي بعقل
52
بتول.. أحسن من خلقتك الزفرة
ولا عبالك فرحان بـ هالنفاخات البيدك ترى افشهن الك بالقندرا
224
- لأخر مرة اگول احترمي نفسچ والزمي لسانچ زين
- محترمة نفسي غصباً عليك واشوف شتسوي
- هههههههههههه لچ شنو هاي اكيد انتِ بتول بت أرشد
35
- بس حچاها صفنت علي وانتَ منين تعرفة الأبوية
10
- شلون ما اعرفة غير اني صديق عمچ همام
ما گدر يجي لأن صارلة شغل فـ طلب مني ارجعكم ولو لو ظال اشتغل بـ مكانة ولا هالورطة عمي
55
- ومنو يگول دتحچي صدگ مو تقشمر علينا
- والله اشك اكو واحد أمة داعية علي ويگدر يقشمرچ
25
حچاها وطلع الموبايل من جيبة يتصل
- ها همام
اگول هاك البنات حاچيهن يخافن يصعدن وياية تدري بعد الدنيا مو أمان طمنهن حتى نتوكل
15
نزل الموبايل مدت إيدها بتول تاخذة سحبة بسرعة
- لا هاي الحبابة تحچي ويااااا أم لسان شبرين ممنوع تلزم جهازي خوووووش
59
- ديلا عاد هسة اني ميتة على موبايلك عشتووووو
15
باوعتلها كافي بتوووول.... اخذت الجهاز منة
- الووو
- ها عمو طيبة اصعدوا ويا خلي يوصلكم للبيت أخوية هذا لتخافون دزيتة لأن ما اگدر اجيكم مشغول
10
- اي تمام الله وياك
رجعت الموبايل الة شكراً الك واعتذر عن الصار هسة
5
رفع عينة باوع على بتول وضحك
خزرتة والتفتت علية ها يلا فضيني صدگ صديقة لو لا
8
- اي صدگ حتى گال نفس الكلام مشغول ودزيتة الكم
3
بتول.. خو گول هيج من الأول
يعني إلا تاكل طن رزايل يلا تحچي المطلوب
ولو شكلك متعلم تتحارش وتترزل فالشغلة صايرة مثل الزلاطة عندك
98
مخلد.. هو انتِ تنطين مجال للواحد يحچي
لسانچ رشاش وانفتح على العدو يامن يسدة بعد خالي
23
- والله لو ما مجبورة اخليك توصلني فلا أصعد وياك
5
- لا يمعودة الله يخليچ
دشرفي سيارتي بصعدتچ الكريمة هاي تتسجل بالتاريخ وين احصلها بعد يلا لترديني حبابة
62
- اعتذر والله ميشرفني أصعد بـ سيارة واحد مثلك
29
طيبة.. بتول عيب كافي الله عليچ كافي
بلا زحمة عليك خوية ممكن توصلنا للبيت بسرعـة لأن تأخر الوقت وهسة يظل بالهم يمنة
5
مخلد.. صار تتدللين يبعد أخوچ
هنا الأخلاق والأدب واللسان الحلو خو مو مثل الأخت لسانها متبري منها
40
حچاها وراح صعد بالسيارة
دگت بتول رجلها بالگاع محتجة على كلامة والله اليوم ما أصعد ويا هذا المتعجرف لو اعرف أبات بالشارع
30
طيبة.. يمعودة بروح أبوچ فضينا
ليش هو شحچة شو أكلتي وشربتي وفوگاها صايرة أم الراهي بـ راسة والله المفروض هو الميقبل يوصلنا من لسانچ هذا مو انتِ
16
بتول.. اشو غصباً علي يوصلنا
مجبور لعد المن دزة عمي حتى يتعارك ويانة ويولي
شوفي بشرفچ گبر الخلقتة شايف نفسة وجه الفسيفس
50
طيبة.. بتول وحق الله عييييب
ليسمعچ ليش تغلطين علي بعدين منين شايف نفسة ها شو خطية بلع رزالتچ وسكت الخاطر عمو همام
6
بتول.. دولي انتِ ام العمووو
31
مخلد.. يمعودات متصعدن شبيچن لشوكت اظل انتظر
5
بتول.. لتصيح منشتغل عندك احنة هذا شارع مو المقر
25
طيبة.. كافي راح ابچي والله
أصعدي وفضيني هنَّ دقائق تحمليهن شلون مچان ولچ
4
- الخاطرچ بس وإلا هو ميسوة والله
- اي خوش
5
ما عولت تقنع وتصعد
شغل السيارة وتحرك چنت صافنة ع الشارع
فجأة التفتت شفتة ديباوع الـ بتول بالمرايا ويضحك
54
بتول.. اگولك انتَ صدگ متستحي
لويش دتباوع شنو الظاهر عاجبك افگس عيونك اليوم
65
- معجب مو بـ إيدي شسوي
- عزززة بيمن !!
- لتفهمين غلط ارجوچ قصدي معجب بـ لسانچ الطويل المشايف منه بكل حياتي حلوو هيچ
83
- سبحان الله شعور متبادل تصدگ لو لا اني هم معجبة
- بيمن بلا
- بـ اخلاقك المفقودة أولاً وبخلقتك الشايف نفسك بيها ثانياً وبعينك هاي اليحتاجلها فگس ثالثاً واخيراً
80
- هههههههههههه كارثة بشرية انتِ

ما اگول غير بس الله يساعد الياخذچ شمسوي بحياتة والله راح يبلي بيچ
163
- لا ابد ما اصدگ عمو مصاحب هيچ شكولات
اكيد يعرفك معرفة سطحية لأن مستحيل تكون صديق مقرب الة
24
- اني مخلد لو ما سامعة بية قبل
- لحظة لحظة يا مخلد بس لا الأجيت ويانة بالسفرة
7
- ااااي بالضبط وصلتي عفية
بس صراحة انصدمت بيچ لأن اتذكر چنتِ صغيرة كلش وكيوت خو لسانچ يخبل شگلبچ زومبي يمعودة
24
- واني هم وروحة الـ بابا
اتذكر چنت مؤدب وحبااااااب وتنننننگط أخلاق مدري شـ خربك هسة
35
مخلد.. خربت بعد مثل لسانچ شسوي
17
طيبة.. ولچ كافي عليچ الله
اذا عرف عمو همام بكل هالحچي شراح يسوي بيچ
3
بتول.. هو اني اصلاً راح اگولة
حتى بعد ليدز هيچ شكولات والله شنو ميقبل يخليلنا خط بس عادي يودي النة واحد مثل هذا
25
مخلد.. اگول انتِ ليش متحترمين ترى زودتيها كلش ها
18
بتول.. وانت شكو حاط أذنك ويانة عجيب بابا انتبه ع الطريق ولتتدخل بحورارتنا الشخصية عود من نحچي وياك ساعتها رد باليعجبك
19
مخلد.. وهو منو حاط أذنة وياچ
غير انتِ صوتچ واصل المكة قابل تردين اسمع تحچين علية واسكت !!!
22
بتول.. باوعي طيبة باوعي وصلنا
ااااف واخيراً اختنگت هنا خلي انزل اشتم الهوى النقي
11
حچتها ونزلت رگعت الباب بكل قوتها
مد راسة من الجامة يصيح انكسرت إيدچ ان شاء الله تفلشت البااااااب
103
طيبه.. اسفة اني
طبعاً كلش اعتذر منك والله بالنيابة عنها وشكراً الك ع التوصيلة زحمناك هواي ما قصرت خوية
24
- انتِ مرت همام ؟!!
- اي اني
- تشرفت بيچ وماكو أي زحمة بالعكس اني الممنون منچ
17
بس يا ريت لو توصلين للمخبلة الدخلت قبلچ
تنكسر إيدها لو سدت الباب بـ هالطريقة مرة ثانية خاف يسويها الحظ وارجع واصلكم الأحتياط واجب
35
- ههههههههه ان شاء الله يوصل وارجع اكرر اعتذاري
- ممنون
- مع السلامة خوية ورحم الله والديك
- الله وياچ وردة
45
دخلت صوت بتول واصل للممر تدردم ويا خديجة
- عمة مشايفة هيچ صلافة
والله عينك عينك يباوعلي بالمرايا ويتمضحك ميگول هاي بت أخو صديقي بنية مثلها مثل خواتي ابد شايل الغيرة تربية سزززززز
34
طيبة.. والله كلش عيب الشي السويتي بتول
ترى الرجال ما غلط بشي وياچ
انتِ المدري شبيچ استلمتي أكس مربع من أول مشفتي لحد ما وصلنا
8
بتول.. يستاهل على شنو دتدافعين عنة
بس الله عليچ شفتيني شلون رگعت باب سيارتة خطية من القهر تلگي دخن
بشرفچ شگال وراية اكيد انجلط مووو اعرفهم كل شي ولا سيارتهم
25
خديجة.. ههههههههه لا والقسمة
يعني فوگ ما وصلكم المسكين ترگعين باب سيارتة اي ليش متخافين ربچ
10
بتول.. عمة خيولي وداعتچ سرسري مستر مستهتر هذا
21
خديجة.. ادري ليش دتحچين ع الرجال
اني اعرفة قبلچ اصلاً حباب وأخلاقة ذهب سرسري شنو
3
طيبة.. صدگ والله عمة كلش حباب
اصلاً من باوع بالمرايا ابد مو قصدة يتحارش بيها
بس ضحك عليها لان مشفتي شلون مدتلة لسانها مترين بس تنفس وگال السلام عليكم
12
خديجة.. ادري بطة تعلميني ببتول قابل
3
بتول.. ها يعني هيچ صارت
توگفون ويا الغريب ضدي خوش والله عفية عليكمممم
6
خديجة.. بتول لتزعلين من الكلام الراح احچي
انتِ بنية مو ولد
لسانچ هذا لازم تگصري جمال البنية بـ أدبها وهدوءها لو تظلين هيچ راح تعنسين ومحد يگلبچ يمة
56
بتول.. ومنو گلچ اني اريد واحد يگلبني
اصلاً عاجبني اعنس
شلي بالرياجيل ونكدهم هاي هاليوم شفت نموذج حي عنهم عاب شكو رجال بالدنيا اي والله
30
الحجية.. بهذا كلامچ يعني شملتي الكل حتى عمچ
3
بتول.. لا بيبي عمي استثناء
شفايتلي لو احصل واحد مثلة بس للأسف هي نسخةةة وحدة وعزل المعمل
23
الحجية.. زين والله من حچيتلچ كلمة حلوة
من اجيتي ولسة تحچين على هالعالم وتسبين بالزلم
6
بتول.. مو الـ هدرجة بيبي
ما سبيت ولا حچيت غير على هذا السرسري ويستاهل
6
خديجة.. أبو المثل شنو يگول ؟!!
سوي زين وذب بالشط يلا عود تالي يحصل الأجر مـن صاحب الأجر
7
بتول.. عاد شلون زين عشتووو
خلوني اروح اغير ملابسي قبل لتسوا نبي براسي اعرف
8
حچتها وراحت للغرفة ظلت خديجة تهز بـ إيدها وراها
سألت على همام گلتلها عندة شغل
اتصلت بي گال للعصر يلا اجي هيَّ هم صبت النة الغدة وراحت البيتها
3
للعصر گعدنا من النوم طلعنا الحجية للصالة
گاعدين نباوع مسلسل دخل همام
خطيـة مبين علي التعب حتى بالگوة فاتح عيونة سلم وباس راس أمة
3
- شنو السالفة يمة حيل تأخرت اليوم مو من عوايدك
- صار عندي شغل هسة يلا خلصتة
- الله يساعدك ويحمل عنك يلا اصعد غير ملابسك ونام شوية
3
- لا خليها لليل بعد راح يصير المغرب
- عود عمو لويش متخليلنا خط وتريحنا ادري قابل أبو الخط راح ياكلنا
3
همام.. لا عمو بالعكس اخاف انتم التاكلوا

42
طيبة.. هههههههه
والله بـ هاي عندك حق بتول تاكل أكبر واحد بـ لسانها
11
بتول.. ليش تحچين علية ولچ
بعدين عمو شنو هذا اليوم وتدزة النة ما لگيت إلا هو
3
همام.. اسف ست بتول مرة ثانية عود استنگيلچ واحد على مزاجچ
هسة المهم احچيلي شصار ليش دتحچين على الرجال
7
بتول.. ادري هو طماطة وتستنگيلي واحد
لا سلامتك ما بي شي
بس شوية مو هواي سرسري وخلص الطريق يباوع من المرايا ويتمضحك هيچ بلا سبب
7
طيبة.. عزززززة لا والله عمو بالعكس
اصلاً كلش حباب وما باوع ابد ابد بس هي بتول مدري شجاها لعبت بي لعب فـ ظل يضحك على سوالفها
12
همام.. ليش شصار وياكم احچولي
3
طيبة.. احچي بتول
بتول.. لا انتِ احچي اني بس اذكرة ما اگدر الزم لساني
همام.. فضني عاد يلاااا
6
طيبة.. اني اگولك شصار
هو بس گال السلام عليكم وعينك متشوف إلا النور
استلمتة بتول رزايل لحد ما ظل صافن عليها
صدگ الرجال حتى بعد ميعرف ينطق ويگول صديقك علمود يسكتها
5
- احچي بالتفصيل شصار
- حچيت كل شي صار بس خلصت التفت عليها عصبي
4
- ادري انتِ وتالي وياچ راح تخبليني
يعني فوگ ما اجة يوصلكم تالي تتجاوزين علي
متخجلين
متگولين هذا رجال عيب اتصالف ويا ليش اعتب على الاء وانتِ لسانچ متبري منچ عود تربيتي
11
- شجاب الجاب لتقارني بيها رجاءاً
وثانياً اني انهديت بي لأن عبالي ديتحارش قابل تريد اظل ساكتة طلع يتحارش ياخذ راحتة يعني
15
- بتووووول
لسانچ هذا سيطري علية شوية لا اگصة الچ
تعبتيني وسودتي وجهي گدام الرجال بلا شيگول علينا هسة
5
- العفو عمو اوعدك بعد متتكرر
11
- اتمنى هالشي
بوية انتِ بنية ميصح تكونين عدائية الـ هالدرجة
تالي العالم تسب الـ رباچ وترجع ليورة وانتَ هم تتأذين من لسانچ هذا خصوصاً اذا كبرتي
10
- بس حچاها بچت مو بـ إيدي عمو اني هيچ شسوي
51
ركضت للغرفة ظل همام يصيح وراها
راد يلحگها وگفتة الحجية اتركها يمة هم حقها ششافت من حياتها
شو لا أم مثل العالم والناس ولا أب گدر يحويها شتريد تطلع يعني طبيعي تصير هالشكل
19
- ميصير حجية لسانها هذا مو مال بنات ولد ويحچي
باچر تتزوج
هم مثل الاء تلاسن برجلها تالي يومين ويرجعها علينا
16
بعدهم يحچون اندگ الجرس راح همام يشوف منو
شوية ورجع الاء ويا !!!!
باوع علية طيبة اخذي أمي بسرعة وروحوا للغرفة أبو الاء بالباب راح يدخل وبلغي بتول لتطلع بعد....




يتبع

  تصفح

تسجيل الدخول سجّل اشتراكك


أنت تقرأ

أبي لم يكن إنسانًا
قصص عامة
الأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....

#اجتماعية #حقيقية #ظلم #قتل #قسوة


البارت 33
78.5K 7.4K 4.9K

بواسطة Lubna_Almousawi
#أبي_لم_يكن_إنساناً
البارت الثالث والثلاثون
للكاتبة لبنى الموسوي
41
همام.. طلعت اشوف منو وأنصدم بـ الاء ويا أبوها
سلم بنبرة عتب
تجاهلتها والتفتت علي وعليكم السلام عمي اهلاً وسهلاً
31
أبو الاء.. هيچ صارت همام
تشمر مرتك وتروح حتى متكلف نفسك وتفهمنا السالفة
29
همام.. لا والله عمي مو هيچ
الله يشهد ردت أمر الكم البارحة بس مصارت
واليوم مشغول طول النهار هاي شوفة عينك توني راجع من الدوام حتى ملابسي بعدني ممغيرها
8
- اعرف بشغلك وليدي
حتى مهمة اليوم انسدت الك بناءً على ترشيحي
بس مع ذلك من البارحة واني انتظرك على الأقل أتصل مو إلا تجي
فوگاها مانع الاء تحچي وبالأخير جبرتني اجيك بنفسي
31
- جيتك على عيني وراسي
بس شنو راح نبقى نحچي بالباب دتفضل ويصير خير
5
- يلا سويلي طريق
بس حچاها دخلت الاء تسحب بـ جنطتها
71
اخذتلة طريق وصحتة
گعد بالصالة بعدني ما حچيت شي صار يعتب علية
7
- هوَ هذا العشم بيك همام !!!
ادري حتى لو غلطانة وياك بـ شي بس متوصل تشمرها هيچ من الباب وتروح ارفع التلفون مو إلا تجي
44
- لحظة عمي قبل لتعتب اسمع بالأول شصار وساعتها احكم مثل متريد حضرتك
11
- هوَ اني اجيت اسمع منك
اريد اشوف شنو هذا الشي الچبير الخلاك تتصرف هيچ مو قبل يومين حچيت وياك ومشكيتلي منها شصار هسة
8
- شوف عمي الله يشهد علية
احترامك وتقديرك ومعزتك بـ گلبي راح تظل ثابتة
بس لهنا وكافي الاء من اليوم بعد متنفعني
لا والله من أول ما اخذتها منافعتني بس صبرت لأجل عينك لأن تستاهل
11
- احچي همام احچي
خلينا نشوف شنو من مصيبة تنتظرنا مو احنة تعودنا ع المصايب عبالك ما عدنا شغل وعمل غيركم
42
- راح احچي بس هاي گدامك اذا حچت وقاطعتني ما ارحمها مو تگول أبوية گاعد ويخجل منة
7
- ها بابا سمعتي شگال
ما اريد اسمعلچ نفس خلي رجلچ يحچي وبعدين گولي العندچ
11
- حچيت كل شي صار من حملها ولحد ما عرفت الحق
اني اسولف وهي تبچي بصوت عالي
هوَ اني كملت كلامي
ما احس إلا گام يركض عليها لطمها بوجها وگفت حاجز بيناتهم عمي لا مو هيچ اصبر شوية
90
- وخر همام وخرررر خل أموتها واخلص من مصايبها
20
- مو بالضرب عمي
هاي اني گدامك شبعتها كتل وما غيرت البيها
وصلتني المرحلة كرهت روحي على گد ما ضربتها لأن هاي مو أخلاقي ومو رجال اليمد إيدة على مرة
18
بس احياناً المقابل يوصلك تفقد اعصابك
يكرهك بـ عيشتك
يطلعك من ثوبك وتربيتك وهذا بالضبط اللي سوتة الاء
3
بس هم ما فاد
صدگ لو يفيد چان جبتها الك جنازة على السمعتة منك بس ميفيد ليش عمرك شايف حيوان شكى من الضرب
14
هاي بنتك هيچ ولو يجوز تزعل مني
لا ذمة لا ضمير لا تربية لا أحترام فـ شفت الحل النهائي مو اضرب وتعتذر تالي يومين وترجع الطينتها
لا عمي الحل الوحيد هنا الأنفصال بغير هذا منگدر نحل من هالمشكلة شي صدگني
8
- شسوي همام فهمني شسووووي
متريد اضربها شلون تتعدل لعد مو هاي شوفة عينك من دون كل أخوتها هي الشلعت گلبي وصخمت وجهي گدامك وتاااالي
27
يا حيف التربية بيچ يا كلبةةةةةة
هيچ عندچ بكل سهولة تضحكين على شواربنا
ما وگف بعينچ أب أخ زوج
شنو انتِ فهمينييييي شنو انتِ شمسوي بحياتي والله بلاني بهيچ خلفة عاااار مووو راح تخبلينننني
28
- عمي اترجاك أعصابك
مو عندك سكر وضغط ليصعدن وتروح بيها لا سامح الله
5
- يابة عساني كافي تعبت شنو هالعيشة ومنين اتلگاها
12
- اسم الله عليك عمرك طويل ان شاء الله
بس تعال اگعد خلينا نكمل مراح اخليك تمد إيدك عليها وانتَ ببيتي عود من ترحون سوي اليعجبك ساعتها
9
بالگوة سحبتة للتخم گعد يتنفس سريع
- بيك شي عمي
- ماي
- التفتت عليها هاي ليش لسة واگفة بسرعة جيبي ماي
4
راحت تركض ثواني ورجعت قدمتة الة ما أخذة
سحبتة منها انطيتة شرب
خليت ماي على وجهة دفع إيدي حيل عمي غسل ترتاح مبين ضغطك صعد مو زين تظل هيچ
5
- عوفني همام
- شنو يعني دتعاقبنا لو تعاقب روحك بـ هالتصرفات
5
ما رد على كلامي
گام فتح أول دگمة من القميص وصار يفتر بالصالة
يا الهي شنو هذا اختبار لو ابتلاء ليش من دون جهالي هاي هيچ عمري ممأذي بشر ليش دتأذيني بيها
13
الاء.. اسفة بابا
والله مراح اعيدها بعد صدگني ما اعيدها بس سامحني

59
أبو الاء.. اشششش ولچ صوتچ ما اريد اسمعة
لتتنفسين بـ حرف
لا شنو حتى وجهچ ما اريد المحة گدامي ولي من يمي بسرعة لا اگوم ابتلي بيچ وحق القرأن
15
بس حچاها زادت بالبچي
گام يريد يضربها وگفت گدامة الاء روحي للمطبخ بين منخصم السالفة ولتطلعين لحد ما اصيح اني
6
هزت بـ راسها وراحت للمطبخ بدون متحچي
گعد بتعب عيونة بالگاع
خليت إيدي على كتفة وگعدت بصفة اهدأ عمي ما احب اشوفك هيچ واني العشت عمري أستمد القوة منك
4
- الله يشهد انتَ بغلاوة الوالد الله يرحمة
مستحيل انكر افضالك ولا اگدر انسى وگفاتك وياية
انتَ سندتني مثل أي أب يسند أبنة بحيث رسمت الك صورة الرجل المعطاء ذاك العظيم الصعب يتكرر
23
بـ طفولتي عوضتني عن غياب أبوية
بمراهقتي صرتلي مرايا تعكس اخطائي حتى اصححها
وبشبابي ميحتاج احچي بعد كل الأني بي حالياً وصلت الة بفضلك انتَ من بعد رب العالمين وأمي
22
- وشنو الفائدة من كل هذا همام
هاي انتَ عمرك كلة تشوفني بـ هالصورة تالي تجي الاء بنتي الربيتها مثلك وتعبت عليها تشوه صورتي بعينك بين ليلة ويوم وتنزل راسي بالطين
13
- راسك مرفوع وراح يظل مرفوع طول العمر عمي
ما عاش ولا كان الينزلة
تبقى مثل ما انتَ بعيني متهز صورتك لا الاء ولا عشرة مثلها وتربيتك ونعم التربية بس شنگول الله يسامحها
5
- وليدي اعرف تعبتك وياية
ويشهد ربي من انطيتك بنتـي چنت شاري نسبك بماي عيوني بس مچنت ادري بيها راح تسود وجهي وياك
3
المهم صارت بعد وربي يحبني لأن ستر عيوبي بيك
واعرف كلش زين
لو غيرك واحد چان كشف المستور بس انتَ ستر وغطا الية والعائلتي مو جديدة عليك هالسالفة
10
- أهلي انتم الله يشهد عمي
واذا على سالفة حيدر لا تحچي هيچ هذا أخوية شلون ما اوگف ويا واستر علي كافي هوَ أبن حضرتك
59
- أصيل من يومك وليدي رحم الله والديك
- ووالديك بالرحمة
- اريد اطلب منك طلب أخير واتمنى هااا اتمنى متردني
31
- شتعرف بية اگدر أردك
غير انتَ تأمر وتنهي عمي مو بس تطلب تفضل اسمعك
4
- لتاخذ قرار الأنفصال بس لترجع وياها مثل قبل
195
- شتحچي عمي
ثق وصلت حدها ونفسي طابت من بنتك وروح أبوية
4
- بس اسمعني اذا تسمح اكمل كلامي وبعدين اعترض
- العفو عمي تفضل
6
- اني ما اريدك تطلگها لان طلاگها كسرة الية
هي شكو على گلبها
متهتم تتطلگ وتگعد بجالي معززة مكرمة بس اني راح اتضرر كلش بسبب هالأنفصال وانتَ تعرف بـ هالشي
39
نسبي وياك بصمة علية وعليك
اذا انفصلتوا مراح نخلص لا اني ولا انتَ من التلميحات والاسئلة وهالشي راح يخسرنا هواي صدگ
34
- وياك عمي واني اعرف هالأنفصال راح يأثر علينا
بس الى متى تعبت اني تعبت
ثق بكلام ربك حتى العافية انسلبت من جسمي من يوم ما دخلت الاء لهذا البيت وانتَ شاهد حتى ضغط صار بية
22
ما عايش مثل العالم والناس اني
عمري ما اعرف شلون ديمر ضغوطات الشغل ضغوطات البيت مسؤولية البنات شوكت ارتاح حاچيني
6
- اذا ع الشغل اني راح اعفيك من التحقيق
ظل بس على ملفات المتهمين ترى الضغط الگاعد تعيش بي بس لأنك كفؤ
43
- لا يابة شنو السالفة
تعرف حضرتك شغلي أحب شي على گلبي
صدگني عمي استمتع من أقدم شي بـي خير لهذا البلد
7
بس حچيتها علمود اوصلك الفكرة
يعني فوگ ما شغلنا متعب جداً ارجع للبيت حتى ارتاح تالي الگا القال والقيل مشتغلة ومحد يحس بية
4
- حقك والله وحالي مو احسن من حالك
بس اني احبك همام
ما ابالغ لو اگولك احبك أكثر من بنتي لأن ما شفتها شي منها غير بس التعب والأذية بس انتَ جازيت تعبي
39
اني شاري نسبك الي مو مشتري الـ الاء
بحيث صدگني ما أهتم غير الك والصورتنا گدام العالم
أما الاء وبعد كل شي سوتة فـ عقابها تبقى وياك وتكسر خشمها مرة واثنين وعشرة لحد متعض أصابع الندامة وتترك عنها الغرور العم عليها وعلية
95
- شلون يعني أكسرها اكثر من زواجي الثاني وهم مفاد
8
- هواي طرق تگدر تعاقبها بيها
الاء من هسة انكسرت لأن عملتها متنغفر فـ مالها عين بعد للمشاكل وانتَ وشطارتك لتقصر وياها
20
شتريد تسوي سوي واحرگ أبو اليتدخل ويمنعك
احبسها اهجرها امنع عنها الماي والهوى
تزوج مرة ومرتين خليها خدامة الك هي بنتي واني هاي داگول سوي بيها التريدة لحد متتأدب وتجر عدل
108
ما عرفت أربي ربي انتَ
مو على مزاجها تتزوج وتتطلگ وترجع لبيت أبوها هم متگعد راحة وتنتظر زواج جديد ترجع تكسرني بي
16
هالحچي ميصرفلي والبراسها مراح يصير
مترجع على بيتي إلا جنازة وانتَ أختار موتها لو تعدلها وتسوي فضل علية وعليها لأن صدقاً تعبت بعد
55
- شلون حچي عمي گول يا الله
- هذا العندي همام مستحيل اخلي زعطوطة مثلها تلعب وتضحك علينا المن تزوجت لعد فهمني
26
اذا تشوف نفسها مو گد الزواج شكو قبلت وخجلتني

لا وكلما تريد تنفصل عنها متقبل
يعني هي متمسكة بيك بس ما عدها حس المسؤولية لا وشايفة نفسها على العالم همزين مو بت وزير والله
20
- والله عمي اني بعد فاضت...
- لتخجلني همام وثق هذا أخر طلب أي مشكلة جديدة اني نفسي اخذها واطلگها منك حتى اتصرف وياها
91
- ميفيد وداعتك
- جرب مخسران شي ولو بس رفعت صوتها مو عليك لا حتى لو على اصغر واحد بالبيت الك حق تطلگ
18
- ما اعرف شلون راح اكمل حياتي
بس مو سهلة علية تطلب وارفض طلبك لكن عمي مثل ما گلت أقل زلة ننفصل
84
- رحم الله والديك وليدي فضلك هذا ما راح انسى
- لا العفو عمي شنو هالحچي الفضل لله ومثل ما شاري نسبي شاريك بس لو الاء تصلح نفسها
14
- غصباً عليها راح تنصلح مو بمزاجها
وهسة اذا تسمح اريد احچي وياها كلمتين قبل لا اروح
12
- اي طبعاً عمي تحب اصيحها الك لو شنو
- لا اني اروح الها
- تفضل بس اترجاك تلزم أعصابك قابل هي شكو عليها انتَ الراح تتأذة بالأخير
7
هز بـ راسة وتحرك قبلي
فتحت الباب گاعدة راسها على الميز وتناشغ من البچي
12
تقرب منها رفعت عيونها علي سحبها من إيدها حيل
- اسمعيني ولچ واستوعبي شراح احچي
راح تظلين هنا خدامة الـ همام والأهلة ممنوع تحچين ممنوع تعارضين ممنوع تطلبين ممنوع حتى تتنفسين
95
بيتي ما اريدچ تعتبي إلا اذا هوَ جابچ ويا
أقل شكوى منة عليچ موتچ على إيدي الاء راح ارجع من جديد اربيچ واطلع الدلال العشتي من بين عيونچ
16
- اسفة بابا والله اني...
- اششش لتكملين ألف مرة سمعتها منچ وألف مرة اجة همام اشتكى منچ واگعد اعقل واتوسل بس شنو النتيجة
8
تغيرتي فاد بيچ صرتي أدمية
لا والله ليش لأن ما شفتي منة إلا كل خير
رغم كل عيوبچ تحملنا سواء اني أو أخوانچ ورجلچ بس هسة لا راح تشوفين الوجه الثاني الكل واحد منة
14
- بابا فدوة...
9
- ولا نفسسس اني ما اجيت اخذ رأيچ
اني اجيت ابلغچ وبس
لأن مخليتي حل غير هذا سنين واني احاول اعدل بيچ وسنين رجلچ متحمل عجرفتچ بس الى متى
20
وبعد شغلة هسة بس اطلع
تعتذرين منهم واحد واحد من رجلچ لحد بت أخو شكو واحد أذيتي بسوالفچ العوجة راح تطلبين منة السماح
6
همام.. صار معلوم عمي ديلا اتركها صحتك أهم
12
أبو الاء.. هاي گدامها همام داحچي وياك
شتريد تسوي بيها سوي الك مطلق الحرية وشعل روح اليجي ويحاسبك لأن اني اعترف بنتي مو أدمية
27
- حچاها والتفت على الباب يلا اخذلي طريق خل اروح
- وين عمي شنو هالحچي غير وقت عشى
- ما اگدر وليدي تعبت كلش ادري متقصر قابل اجربك
5
- على راحتك ما اجبرك
يلا تفضل الطريق فارغ واذا تحب اجي وياك اوصلك
3
- لا حبيبي انتَ هم تعبان لتشيل هم بعدني بحيلي ما وگعت بس ما ظل شي على وگعتي
8
- العافية تسمعك لتگول هيچ
بس حچيتها ضرب على زندي مبتسم بتعب وطلع من المطبخ رحت وصلتة للباب ورجعت بعدها تبچي
3
- اسمعيني زين وخلي هالكلام يدور براسچ 24 ساعة
رجعتچ لهنا غير عن كل المرات
قبل الكل يوگفون وياچ ويگولون صغيرة اكيد يجي يوم تكبر وتبطل سوالفها بي عملتچ هاي تختلف كلش
5
هالعملة فضحت مكرچ وعرفوا بيچ شيطان
فـ الكل حالياً ضدچ
وما زال تمسكتي بية من الأول تحملي الراح يجيچ وهاا اياچ اسمعلچ نفس لأن حتى النفس راح ينحسب عليچ
24
وشغلة اخيرة حتى تصيرين على علم بحياتچ الجاية
من اليوم انتِ هنا ديكور
مظهر يعني لأبوچ ومكانتة بين الناس أما اني فـ ميربط بيني وبينچ غير الأسم والواجبات الـ علية بس
12
أكل شرب ملابس كلها اني حاضر الها
وعن طريق خديجة
أما تجين وتحچين وياية تشوفين مني غير شي همام من اليوم ما عندة زوجة غير طيبة استوعبي زين
30
- شنو يعني راح تهجرني ؟!!
97
- لا اتعس وروح أبوية
راح احتقرچ مو بس اهجرچ وكل كلمة طلعت منچ بحق طيبة وأهلي وكل أذية عشتها بسببچ راح ترجع عليچ
13
وانتِ وصلتينا لهنا
متمسكة بالزواج ومتسبعة بـ أبوچ ورغم هذا ما گعدتي راحة خطط شيطانية ومؤامرات تصفن ابليس وهسة جاية تطلبين العفو بكل سهولة
4
حچيتها وطلعت من المطبخ
رحت الغرفة أمي طلعتها للصالة اجت الاء وگفت گبالها
3
طيبة.. بس شفت الاء گدامي باوعت الـ بتول بصدمة
تقربت من الحجية تبچي
تقدمت صرت بصفها من كل عقلي خفت لتروح تضربها ما استبعد هالشي بعد كل شي سوتة ويانا
6
الاء.. اني اسفة خالة
باوعت عليها متفاجأة معقولة دتعتذر ؟!!
التفتت على الحجية ما حچت شي بس هزت بـ راسها
3
رجعت باوعتلي اسفة طيبة اخاف اذيتچ بدون قصد
ما اقتنعت بـ كلامها فـ سكتت
اندارت على بتول وانتِ هم عذريني بتول ادري غلطت بحقچ
42
بتول.. هه نعذرچ احلفي تردين نعذرچ
بلا على شنو تعتذرين بالضبط
على چذبچ لو كلامچ الجارح بحقنا واحد واحد لو مثلاً على تصرفچ الحقير ويا بيبتي

لا حبيبتي اذا هم گلبهم ابيض وقبلوا اعتذارچ اني عاد كلش حقودة ومستحيل اعذر لأن وللأسف مداگدر اصدگ ندمچ هذا
54
الاء.. على راحتچ عيوني المهم اني عملت وياچ بأصلي
بتول.. هه حافظين أصلچ عدل عاشرناچ بعد
35
همام.. كاااافي بتول اني قبل شوية شنو حچيت وياچ
6
بتول.. راح اسكت بس يا ريت لو تسوي حل
مو كل مرة ترجعها الخاطر أبوها كافي ملينا يعني الى متى نتحمل نجامل على حساب نفسنا ومنو يتأذة غيرنا
17
حچتها وراحت للغرفة التفت همام على الاء
- اخذي غراضچ وللغرفة يلا
خلقتچ ما اريد اشوفها طول ما اني بالبيت والمشاااكل تنسيها لأن تدرين بـ مصيرچ شيكون لو عاندتيني
14
ما حچت شي خلصتها بس تبچي
صعدت فوگ راح وراها باوعت من الدرج دخل الغرفتي رجعت بمشاعر غريبة ما ادري انقهر عليها لو اخاف منها
13
لليل تعشينا هي ما نزلت ابد
قريب الـ 11 صعد همام الغرفتي اني هم كملت الشغل ورحت حتى ادرس لگيت المخدة على وجهة دينام
5
سحبت جنطتي من الميز ومشيت بـ هدوء طفيت الضوة
داطلع فزيت على صوتة ليش طفيتي
التفتت علي مو عمو انتَ تعبان وادري بيك متگدر تنام والضوة مشتغل اخذ راحتك نازلة يم بتول
9
- لا خليچ شعليچ بية حاجب الضوة بالمخدة
- هيچ احسن والله لأن يم بتول يصيرلي واهس أكثر
4
- براحتچ
- يلا تصبح على خير واذا احتاجيت شي بس صيحني
3
حچيتها ونزلت يم بتول
عبالي گاعدة شو هاي نامت شبسرعة يربي عاد همزين هيَّ متنام بالظلمة ظليت يمها ادرس للوحدة صعدت
4
همام.. وصلت البنات للمدرسة ورحت على دوامي
بعدني ما گاعد طب مخلد
ما ادري وين اودي وجهي من الفشلة السوتة بي بتول ابد مو شوية
29
مخلد.. ها صاحبي شلونك اليوم بشر
5
همام.. الحمد لله اسأل عنك بس شعندك يوميا جاييني من الصبح اشتغل يمعود اشتغل
6
- مو اجيت لأن گلت اخاف تريد تحچي وياية شي
- مثل شنو
- ما ادري اعتذار أمتنان المهم اكو شغلة لازم تنحچي
89
- هههههههه والله حقك
هنا استوجب الأعتذار اسف حبيبي امسحها بـ وجهي
7
- ها يعني عرفت بالموضوع والله زين
- عرفت ويشهد ربي خجلان منك بس شسوي بت أرشد وتعرفها ماخذة طولت اللسان من أمها وأبوها
16
- اممم يلا مقبول اعتذارك
بس شنو تووووبة دير بالك تطلب مني ارجعهم بعد لو تبات بباب المدرسة عمي ولا تدز واحد عليها نصيحة
21
- ههههههههه لا لتخاف متنعاد ان شاء الله المهم تنسى
6
- انسى !!!
حقك والله مو ما شفت شسوت بية وسكتت الخاطرك
المهم صالح داوم واخذتة يمي عرفت
31
- بالخير عليك صديقي
من أول هوَ عاجبك وان شاء الله يكون عد حسن ظنك
14
- ان شاء الله
يلا حبيبي ما اعطلك أكثر رايح اني اشوف شغلي موفق
2
- اجمعين
بس حچيتها طلع ماكو نص ساعة داشتغل دخل علي
5
- ها خير
- تفضل سيدي هذا الظرف اجة الحضرتك قبل دقيقة
6
- من منو ما عرفت ؟!!
3
- لا والله سيدي لأن مو اني الـ استلمتة
الحارس اللي بالباب جابة الية
يگول انطانيا ولد شاب بأسمك ولمن سألة منو گبل شرد
17
- خوش يلا اخذ راحتك
بس طلع لزمت الظرف فتحتة بي ورقة طلعتها شو هاي ثگيلة داشوف شنو مكتوب بيها سمعت شي وگع بالگاع
27
نزلت راسي ادور جوة الميز ولن أشوف طلقة !!!!
رفعتها بـ إيدي مستغرب
تهديد ؟!! هو بس هذا الناقص بعد لا حول ولا قوة إلا بالله العلي العظيم شلون سالفة من بداية اليوم
68
فتحت الورقة مكتوب اذا مشتري حياتك تغير مجريات التحقيق بالقضية ×××× أو تسلمها للضابط ××××
65
- ههههههههههه
لا اله إلا الله ميدرون ويامن ديلعبون يلا نشوف تاليها
22
ضميتها بجيبي وخليت الطلقة بالجرار
للظهر خلص دوامي رحت ع البنات رجعتهن ونمت بلا غدة تعبان ما اشتهي حتى الماي
4
طيبة.. سبع أشهر مرت على رجعت الاء للبيت
مثل ما عاملني عاملها واسوء لا يحچي وياها لا يطلب منها شي واذا اجت المكان هوَ بي يغادرة مباشرتاً
15
أما هيَّ ابداً مو ذيچ الاء القديمة
لا تختلط لا تسمعنا حچي حدها بس تنزل تاكل وحدها بالمطبخ وترجع الغرفتها بحيث كلنا مصدومين
31
خلصت السنة على خير وبتول صارت بالخامس
بعدها بأقل الشهر اني تجاوزت الوزاري وعديت مرحلة المتوسطة بـ سلامة وهالشي كلش فرحني
28
اليوم گعدت على صوت الموبايل كالعادة
فتحت عيني دايخة
شوية وركزت هذا مو صوت المنبه شنو السالفة بسرعة ركضت علي لگيتة أتصال من رقم غريب
6
اخذتة ورحت الـ همام
بين ما انشلع من المخدة الأتصال انتهى رفع راسة يلا عمو صحصح عاد مو گاعد يتصلون عليك
3
- منو
- ما ادري ممكتوب أسم مجرد رقم غريب
- مو مشكلة يرجعون يتصلون حچاها ورجع راسة على المخدة
8
- وين ودوامك شنو راح ترجع تنام
- بس شوية
- فدوة گوم والله تتأخر وتالي تگوم تركض حتى تلحگ
4
همام.. بعدي مغمض وطيبة تزن فوگ راسي دگ الجهاز

فتحت عيني نفس الرقم
رفعت الخط الووو نعم تفضلوا منو وياية ؟!!!
8
- همام
- نعم منو حضرتك
- احنة شـ حذرناك باشا ليش متسمع الكلام هيچ عندك حياتك رخيصة حتى تبيعها علمود قضية
33
- منو انتَ وعلى شنو دتهدد بابا
- مثل ما انختمت القضيـة بـ مكتبك حياتك هم تنختم هناك والراح يصير مستحقة لأن نبهناك وما فاد
15
- هه تهديدك هذا يخوفك انتَ واسيادك مو علية بوية
12
- لازم تخاف سيدي حياتك صارت ع المحك
لتشوف چنا ساكتين
انتظرنا تبرد الشغلة وهسة دگت ساعة الصفر استعد يلا
14
- اليطلع بـ إيدكم سووا مو صار أشهر بس تهديدات
ولا كل بشر تگدرون تشتروا
ماكو شي يخليني اتراجع عن اليمين حتى حياتي فنفد بدون تهديد ولتوجع راسي بين فترة والثانية
18
طيبة.. هو جاب سيرة التهديد لو گلبي سكت
گعدت يمة ع الچرباية
فجأة سد الخط بوجههم فرك راسة حيل يستغفر شلون عالم فارغة بـ هالبلد صار الباطل هوَ أبو الراهي
4
- منو هذا الديهددك
- ماكو شي يمعودة أشهر صارلهم يهددون هه كل عقلهم اغير مجريات التحقيق بـ هالأسلوب شبعنا ترى
12
- شنو هذا الحچي عمو
ديهددك مستمر وانتَ تضحك شمنتظر يكتلك يلا تصدگ
7
- أولاً كل شي مقدر ومكتوب من رب العالمين
ثانياً شخص مجهول من رقم مجهول شلون أگدر اوصل الة اني.. بس إلا ما يوگع بـ إيدي بالأخير شگد يعني يريد يطول بالتنكر
13
- والله عمو خفت تصرف حباب لتظل ساكت
- الله كريم
- مو بس الله كريم لازم تشوف حل هالموضوع مو مال تستهزأ بي تدري احنة ما عدنا غيرك
3
- ههههههه ان شاء الله
بس اهدي ترى التهديد وصل الي مو الچ ليش اصفريتي
7
- ليش انتَ شوية عندي اخاف عليك مثل نفسي وأكثر
15
- يابة رحم الله أمچ الطيبة
وليظل بالچ الأسد ميخاف من عواء الكلاب ربچ موجود
56
- ونعم بالله بس عفية دير بالك على نفسك
أخذ كلامهم بـ جدية لتستهزأ ترى الشغلة مو لعبة عمو
3
- صار بس شنو اليوم متريگيني شوفي بيش الساعة
- گوم بين متسبح تلگا الأكل جاهز
4
حچيتها ورحت علگت ملابسة بالحمام ونزلت للمطبخ
اشتغل بالريوگ وفكري يم الأتصال
شوية ونزل كل مرة اعوفة واصعد اكمل نومتي بس ما ادري ليش هالمرة ظليت مگابلتة يمكن بسبب الخوف
10
فجأة رفع راسة بس شافني صافنة علي ابتسم
- شنو السالفة شبيچ تباوعيلي هيچ مو راح اغص بالأكل
62
- ليش متاخذ اليوم اجازة يعني ضروري تداوم استراح
7
- كافي عاد زودتيها
ليش تعرضيلي ماكو شي داگولچ اشهر صارلهم يهددون
5
- ميخالف مو علمودهم
خليك هنا ارتاح شوية شغل شغل ادري متتعب متمل
4
- لا ما اتعب ولا أمل واليوم بالذات عندي شغل ميتأجل
11
حچاها وگام غسل إيدة الحمد لله والشكر
باوعت علي هاي وين بعدك مماكل شي عمو اذا ضجت مني راح اصعد
8
- لا طيبة ضجت منچ شنو
بس ما اگدر اتأخر اكثر عندي ملفات لازم اسلمها حالاً
4
- الله يساعدك بس أكل بالدوام لتظل بدون ريوگ
- ان شاء الله يلا رايدة مني شي قبل لا اروح
- سلامتك بس ارجع واگول دير بالك على نفسك فدوة
9
ابتسم وطلع من المطبخ ع السريع
تمشيت للشباك ظليت اباوع علي فتح الباب طلع سيارتة ونزل سدها معقولة راح يصير شي لو مجرد خفت من هالأتصال وگمت اتخيل شغلات مو زينة
31
ما گدرت ارجع اصعد الـ غرفتي
ظليت افتر بالبيت عبالك وحدة حامل ودتطلگ ساعـة تقريباً سمعت الباب انفتح باوعت دخلت خديجة
2
سلمت علية وراحت اخذت الحجية للمغاسل
تريگوا ما اشتهيت أكل وياهم
شوية وگامت للمطبخ تجهز للغدة رحـت وراها مترددة احچي لو اخاف ميقبل وتصيرلي مشكلة
4
هسة مو بس همام هيَّ هم مشكلة
اذا عرفت شيخلصني
خصوصاً اني ادري بيهم شگد يحبوا ويخافون علي لأن وحيدهم وحنين عليهم شلون يربي حلها من يمك
7
نص ساعة واني الوب مثل الطير المذبوح
أخر شي متحملت
وگفت وراها چانت دتفرم باللحم عمة عمة شو باوعيلي
8
- ها مو تشوفيني دا اشتغل
- دعوفي كل شي من إيدچ واسمعي هاي المصيبة
- يا ستار يا رب
- اريد احچي وخايفة شجعيني مو تخوفيني أكثر عمة
5
- شنو الموضوع يخص الاء سوت شي جديد وياچ
- لا لا اصلاً وين اشوفها اني
- لعد ؟!!
- اليوم الصبح صار شي ويا عمو همام وضروري تعرفي
6
- احچي ولچ مو وگعتي گلبي شبي همام
3
- الصبح گعدت على صوت أتصال بـ موبايلة
ولمن رد عرفت من خلال كلامة اكو واحد ديهدد بي من فترة يعني هاي مو أول مرة بس المصيبة هو ولا مهتم
10
- عزة بعيني اذا هالحچي صدگ راح أخوية صخام
- اسم الله عمة هسة ليش تتفاولين علي
- ولچ لعد ليش خليتي يداوم
- حاولت هواي والله ما قبل گال عندي شغل ضروري ما اگدر أأجلة وهالتهديد قديم لتخافين منة وراح
3
بس حچيتها ركضت تتصل علي
أكثر من مكالمة ما رد أخر وحدة رفضها گامت دزت الة رسالة
3
همام.. وصلت للدوام غيرت وبديت بـ شغلي

شوية واندگت الباب
صحت تفضل طب صالح السلام عليكم سيدي شلونك
29
- اهلاً حبيبي وعليكم السلام
- هاي جبتلك القضية الـ حولها عليك الملازم مخلد حتى تتابعها من وين ما توقفنا بيها
4
- بس انتَ لازم تظل وياية لأن منك احتاج المعلومات
- اعرف سيدي تبلغت بـ هالشي
- خوش اتركني هسة اكمل الشغل العندي وساعة وتعال
3
- صار سيدي استأذن
- راد يطلع صحتة صاالح لحظة بس بلغ مخلد يجيني
- تأمر
9
حچاها وطلع عشر دقائق واجاني مخلد
- ها همام رايدني
- اي بس تعال استريح عندي موضوع ضروري وياك
6
- عندي شغل ميتأجل موضوعك شوية
- لا
- شكو يمعود خوفتني
- اليوم الصبح اجاني أتصال من رقم غريب وكالعادة
3
- لحظة لتگول نفس الجماعة رجعوا يهددوك
- اي
- لا اله إلا الله شلون تالي ويا هالموضوع المناوي ينسد
6
- فارغين ي خوية
- زين شنو حچوا بالضبط دفهمني
- مثل العادة حياتك وتموت وهيچ بس هالمرة حسيت زادوا بيها شوية
9
- شلون يعني دوضح طريقة كلامهم شبيك
- يعني گالوا حياتك صارت على المحك ودگت الساعة ومدري هيچ شغلات
5
- وانتَ مستهزأ حضرتك
متشوفهم شلون ديلحون شمنتظر يكتلوك يلا تصدگهم
14
- شسويلهم مخلد مو شفت حتى ما گدرنا نوصل الهم
6
- الله على شجاعتك الله
5
- قل لن يصيبنا إلا ما كتب الله لنا
خوبة الرب واحد والعمر واحد وكلمن يموت بيومة خو ما اوگف حياتي وشغلي بسبب تهديداتهم تدري احنة بالعراق هيچ نموت لو تفجير لو ذبح لو اغتيالات
22
- عمرك طويل ان شاء الله لتحچي هيچ
- المهم اني صحتك حتى اوصيك خاف يصير شي أهلي بأمانتك تدري ما عندي غيرك لا عم لا خال كلمن ملتهي بروحة
90
- همام لتلغي لغوة زايدة من الصباحيات
- الموت حق والوصية حق
7
- همااااام بروح أبوك لتضوجني
شحدهم يتقربون عليك غير اطلعهم لو چانوا بسابع گاع واحرگهم بـ إيدي
21
- ههههههه والنعم والله أخو گول وفعل
- بس حچيتها گام حضني اني وياك بس عفية لتستهزأ بيهم ترى الإنسان النگس ميتردد بـ أذية الغير
5
- ان شاء الله حبيبي
- اليوم لتطلع وحدك انتظر نطلع سوة وعود ظل بالبيت
2
- هههههههه يمعود شلون حچي هذا تريد اختل بالبيت والله عيب
4
- يمعود تحمل هي فترة لما نشوف شلون نوصل الهم
- مخلد روح الشغلك
- همام
- خوية رووووح وراية كومة شغل ترى عطلتني شجاك
2
- اي رايح بس لتطلع بدوني وداعة الخوة نتخارب هاا
- ان شاء الله بس غادرني يلا
11
باوعلي بـ نظرة خوف وطلع
ابتليت حچيت الة بالصار بس المشكلة لازم اوصي هاي دنيا ومحد ضامن عمرة بيها مو الدور تهديد
12
داشتغل اني وصالح ومخبوص بالتحقيق ويا المتهم
دگ جهازي
باوعت خديجة سويتة صامت ظلت تلح بالأتصال أخر شي رفضتها چان تدزلي رسالة
7
فتحتها كاتبة جاوبني ضروري
بعدني اقرا بيها رجعت اتصلت رديت ها خيتي شصاير مو تشوفين ارفضچ يعني بـ إيدي شغل مهم
5
- عوف الشغل وجاوبني شنو هالكلام السمعتة هسة
- خير شسمعتي
- صدگ ديجيك تهديد وممهتم تريد تموتنا همام احچي
4
- لا اله إلا الله لحگوا يفتنون شنو السالفة
- بروح أبوك همام عوف كل شي من إيدك وارجع للبيت
10
- مشغول هسة عبالي صاير وياكم شي مهم ورديت
- ليش اكو شي أهم من حياتك خوية
- لتكبرين الموضوع هو حچي لا شهر ولا شهرين كافي
4
حچيتها وسديت الخط ع السريع
رجعت تتصل ضميت الجهاز بالجرار وكملت التحقيق
4
- تفاجأت بسؤال صالح صاير شي وياك سيدي
- لا حبيبي سلامتك
- متأكد
- رفعت راسي اضحك هي ظلت عليك يعني يلا كملت
28
- شوف يعني اكو شي
- اي اكو قضيـة مهمة صار بالساعة مگاعد نگدر نغلقها
- يلا سيدي نكمل شغل ولا يهمك لتضوج
8
طيبة.. سد الخط بوجها لو هي تخبلت
ظلت تتصل وترجع ليورة أخر شي تعبت گعدت تبچي لزمت كتفها اهدي عمة
3
- ولچ شلون ترديني اهدأ وأخوية بـ خطر
ذولة مو بس كلام ذولة مجرمين يسووها بدم باااااارد
6
- ماكو شي لتفاولين علي اصلاً صوچي اني حچيتلچ
- لا همزين حچيتي حتى ع الأقل منخلي يطلع العصر
9
- اي هنا حقچ
بس هسة لتخافين شوية ويجي سالم للبيت مثل يوميا
4
- الله ينتقم منهم عدهم دم البشر أرخص من التراب
والله عارضنا كومة
يمعود لتصير ضابط لتدخل بـ هالمجال دتشوف بالدنيا شصاير هي مال دولة شو تايهة الحمد لله والشكر
12
- دكافي لتشحرجين هالشكل
بعدين بيبي اذا سمعت تتخبل فدوة دير بالچ لا خوفچ يسيطر عليچ وتخليها تحس متتحمل هيچ خبر
3
- مو بـ إيدي طيبة حتى ما اگدر اگوم اشتغل كالعادة
4
- گعدي ارتاحي اني اشتغل كل البيت
اهم شي تسترخين حتى لا ينقل خوفچ الهم ما عايزين قهر كافي علينا خوفنا
7
خديجه.. يمه بس لا يصير بأخويه شي والله ما اتحمل وساعتها اموت
4
همام.. للظهر خلص دوامي
بدلت داطلع اجاني مخلد ها يول تريد تشرد لزمتتتتك

40
- هههههه شنو حرامي شارد لو متهم هارب من العدالة
10
- يلا خلينا نطلع لتسولف هواي
- ترى عندي سيارة المن جاي وياية شبيك اليوم يمعود
4
- انتَ عندك اني ما عندي سيارة وصلني يلا
- أخي تعبان وين بية اوصلك أخذ تكسي على حسابي
- لتوصلني يابة ذبني يم بيتكم واني اروح
16
- مخلد وصلت حدها اليوم واني روحة بـ خشمي
- والله روحك بخشمك بمدري وين توصلني وبمزاجك
19
حچاها وسحبني الـ خارج المكتب
استاهل اني الـ جبتها النفسي لو ما حاچي شيخلصني بعد
13
طلعنا للكراج والطريق كلة مخلد يتلفت يسار يمين
باوعت علي شبيك منا العالم تخبلت
حچاها وعيونة على الشارع باوع الطريقك ولا تتدخل بية شغل هذا شـ يفهمك انتَ
35
- هههههههههه يابة والله ماكو شي
أرحم روحك وارحمني مو خليتني أشك حتى بـ نفسي
10
- يلا يلا لتحچي وصلنا للسيارة افتح الباب وخلصني
10
هزيت بـ راسي اضحك على سوالفة
فتحت الباب ما اعرف شصار صوت رمي حرارة سرت بـ جسمي عيوني غوشت أذني انسدت وما اسمع غير صوت مخلد يصيح همام ولكككك لااااااا......




يتبع

  تصفح

تسجيل الدخول سجّل اشتراكك


أنت تقرأ

أبي لم يكن إنسانًا
قصص عامة
الأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....

#اجتماعية #حقيقية #ظلم #قتل #قسوة


البارت 34
76.1K 7.3K 4.7K

بواسطة Lubna_Almousawi
#أبي_لم_يكن_إنساناً
البارت الرابع والثلاون
للكاتبة لبنى الموسوي
40
هزيت بـ راسي اضحك على سوالفة
فتحت الباب ما اعرف شصار صوت رمي حرارة سرت بـ جسمي عيوني غوشت أذني انسدت وما اسمع غير صوت مخلد يصيح همام ولكككك لااااااا
20
لزمت كتفي بـ إيدي حسيت بـ ألم كلش قوي
باوعت الباطن كفي انترس دم
الحرارة سيطرت على كـل جسمي وبديت افقد توازني خليت إيدي على باب السيارة المفتوح أسند روحي بي
34
هوسة صارت يمي ومخلد خبص الدنيا بالصياح
اجة سندني علي همام الله يخليك قوي روحك لتفجعنا هسة اخذك للمستشفى وكل شي يصير تمام
15
فجأة وگعت من طولي نزل يمي بالگاع والأمة انگلبت
- همام باوعلي
شو باوع اترجاك لتغمض عيونك خليك وياية همااااااام
21
- م مخلد أهلي بـ امانتك دير بالك عليهم وادريك گدها
113
- لتحچي هيچ همام متموت انتَ متمووووت
إسعاااااااااااااف
ولك محسن اتصل بالأسعاف ع السريع وبلغهم يصعدون للبنايات هذا الرمي وهمي قناص الـ ضربة
51
محسن.. سيدي اتصلنا
والقائد طوق المكان ان شاء الله ينلزمون
اضغط على جرحة حيل وهذا الدكتور اجة بس يجيب جنطتة
14
القائد الضباط الشرطة العالم كلها صارت فوگ راسي
نهائياً صرت ما اسمع
بس اشوفهم يحچون شوية ونظري غوش بديت أفقد الوعي غمضت عيوني ومحسيت بشي بعد
35
طيبة.. ظليت احسب الدقائق حتى يصير الظهر
اريد همام يجي وارتاح
ما خليت شي مسويتة بحيث ولا گعدت دقيقة امشي واشتغل حتى يمر الوقت واخلص من التفكير
8
باوعت للساعة صارت بالوحدة
يلا مظل شي بس 30 دقيقة گمت طلعت للممر غسلتة رغم نظيف بس شسوي ما عندي شي اسوي بعد
14
شوية ودخلت صارت الوحدة ونص يعني موعد رجعتة
دقيقة دقيقتين عشرة همام ما بين !!!
هنا صدگ الخوف سيطر علية باوعت الـ خديجة مثلي دتلوب اشرتلي بـ راسها وراحت قبلي للمطبخ
11
بتول والحجية گاعدات ع التلفزيون ميدرن شديصير
رحت وراها تفتر بالمطبخ رايحة جاية
بس شافتني ركضت ولچ طيبة راح تصير الثنتين همام وين ليش لسة ما بين واتصل علي ميرد ولچ ميرررد
6
- عفية على كيف والله دتخوفيني
يعني قابل أول مرة يجاوب شو هواي مسويها بينة من قبل اصبري اكيد عندة شغل هسة شوية ويتصل
5
- لا طيبة لا گلبي ممرتاح ابد ممرتاح
صاير ويا شي مبين وإلا چان اتصل أو رد على الأقل مو عادتة يتأخر هيچ واذا تأخر يبلغ ميخلينا بـ قلق
18
- جيبي جهازچ خلي ارجع اتصل بي بلكي يرد ونخلص
6
- ذاك گدامچ
حتى لو مجاوب لحي بالأتصال شوية وأمي تسأل علي
5
- اي عمة ان شاء الله
3
الموبايل ع الكاونتر اخذتة ودگيت على همام
نهاية المكالمة رفضني
كلش فرحت عبالك رد مو فصل الخط التفتت عليها هاا عمة شفتي هاي رفض معناها ديجي بالطريق اكيد
21
- ااااف ألف الحمد لله والشكر
والله بس تعدي هالمشكلة على خير إلا اذبح طلي لوجه الله تعالى واوزعة كلة ع الفقراء والمحتاجين
21
- ان شاء الله راح تعدي
المهم بردي گلبچ وتفائلي بالخير ميصير تظلين هالشكل اذا اجة وشاف خوفچ يضوج وهوَ خطية مناقص
4
يلا گومي خل نجهز الأكل
هسة شوية ويدخل للبيت جوعان وبيبي هم لازم تاخذ علاجها لتروح تحس بينة وشيقنعها بعد
7
بديت اشتغل وياها وبالگوة مسيطرة على خوفي
ما اريد احسسها بشي
خطية البيها كافيها اصلاً هيَّ دتستمد القوة مني حتى تصبر نفسها گدام أهلها لأن لو عرفوا مصيبة
7
مو ثواني لا سنين ودتمر علينا
هسة يجي هسة يجي ماااكو حمينا الأكل وبرد ورجعنا حمينا وهمام ممبين واگفات وحدة تواسي بالثانية صاحت الحجية خديجةةةةة
4
- طلعت الها تركض ها يمة
- ادري أخوچ وين صار مو متنا جوع اتصلي بي شوفي يجي لا
8
- اي يمة هوَ الصبح گال اتأخر شوية مع ذلك راح اتصل
3
حچتها ورجعت للمطبخ بس دخلت لطمت على صدرها
- لچ عبرت الثنتين وينة ها وينة مو فصل الخط وگلتي تلگي بالطريق  هسة شسوي اني وبيمن أصبر روحي
4
- ليش متتصلين علي
- يمعودة شـ اتصل غير جهازي راح يخلص شحن على گد ما دگيت بس ماكو ميرد ولچ ميررررررد
11
- فدوة على كيف لتسمعچ بيبي
هسة اني راح الح بالأتصالات وان شاء الله يرد ويطمنا
4
- بسرعة لأن لو سألت أمي بعد ما اعرف شـ اجاوبها
- بس حچتها اتصلت علي مرتين بالثالثة رفضني كلش استغربت شديصير ممعقولة يشوفنة هيچ نلح وميرد

10
- هااا ولچ احچي شبيچ صافنة
- مثل قبل شوية أول ما جاوب بعدين رفض المكالمة
4
- ادري ليش ديرفض ميشوف شلون خايفين علي
شلون بي هذا ميبطل من هالسالفة بس خلي يجي ااااخ
3
ويا ما عضت أصبعها دگ جهازها رسالة
طفرت من مكاني يمها فتحت الجهاز همام كاتب ليظل بالكم صار عندي شغل مهم ما اگدر اجي واحتمال اتأخر لليل كافي تتصلون
59
- عود شنو معناها ميجاوب مشغول مثلاً !!!
بس فارغ يكتب رسالة هالطولها
لا والله گلبي ممرتاح اكيد اكو شي وإلا ميتصرف هيچ
8
- كافي عمة أبوس راسچ لتكبرين الموضوع
دز رسالة وخلص
على شنو دتتفاولين علي گوة تجيبيلة الشر يعني امشي نبلغ بيبي ونتغدة شنو ذنبهم ماتوا جوع بسببنا
5
- اوگفي خلي اتصل بـ رجلي
لازم ابلغة ما اگدر ارجع لليل لأن والله گلبي ميرتاح اذا مشفت همام واگف على طولة گدام عيوني
9
عفتها تخابر سلام واخذت الماي للصالة
گعدنا نتغدة همَ اكلوا بس اني وخديجة ما خلينا لگمة بحلگنا شوية وحست بتول
سألت صاير شي حاولت اضيع الموضوع وگلتلهم سلام متعارك ويا خديجة فـ اني ضجت على ضوجتها
14
طبعاً صدگونا لأن متعودين على مشاكلهم
خليت ورحت للمطبخ
ظليت اتصل علي من موبايل خديجة كالعادة ولا جاوب
4
للمغرب وهذا حالنا ما ظلت بينة قطرة دم من الخوف
توضيت حتى اصلي اجتني بتول
3
- طيبة
- ها بتول خير
- احچي شديصير انتِ وعمة اليوم اااابد مو طبيعيات ولتسويلي سلام ومدري شنو هالدروب متعبر علية
10
- شكو يعني مثلاً شفتينا دنمشي على راسنا وگلتي مو طبيعيات هاي گدامچ حتى اريد اصلي شبية هاا
33
- التفتي على المرايا وشوفي وجهچ بالأول
صاير كركم حبيبتي
تردين تقنعيني هالخوف كلة وماكو شي احچي عاد يلا
9
- ماكو شي صدگيني بس ضايجة على عمة
يعني شنو من حظ عليها ولا دترتاح ويا رجلها قهرتني اليوم كلش
4
- راح اعدمچ العافية بت رزاق
دروب أبوچ عوفيها واحچي شكو واذا گلتي سلام گبل اوديچ الوادي السلام لأن جزعت روحي من لواتچ
52
- اهووو يمعودة شـ لزگتي مو داگول ماكو شي كااافي
3
- خوش لعد
رايحة العمة خديجة واني اعرف شلون احچيها الصدگ
3
- لا ولچ بتول بيبي يمها يمعودة وين مولية
- واذا يمها ليش اكو شي تخافون تسمعة شوفي قريتي على نفسچ بنفسچ
19
- لا يعني قصدي يظل بالها هم عبالها اكو شي
- لا مو عبالها هوَ فعلاً صاير شي
- ااااي يمعودة راح اسولفلچ بس سدي الباب ليسمعون
6
- بعدني ما حچيت الها عافتني وطلعت تركض
رحت وراها مدري على تدور هاي شبيچ يا التفتت علية موبايل عمتي ووووين
4
رحت جبتة الها من غرفة الحجية ورجعت
قبل لا انطيهيا سحبتها للغرفة لو تظل هنا تفضح نفسها واني من الصبح احاول اداري الموضوع عن الحجية
9
- دخلتها وسديت الباب بتول لتتعبين روحچ وتتصلين
- ليش يعني ؟!!
- ماكو ولا يرد لأن دز رسالة وگال اتأخر كافي تتصلون
5
- بس انطينيا اني اعرف شلون اخلي يرد غصباً علي
- هاچ تفضلي
9
سحبتة من إيدي واتصلت بي ع السريع
لا مكالمة ولا مكالمتين
من يمي تعبت وهو ميرد لا والمصيبة حتى رفض صار مينطي وهالشي خوفني أكثر وأكثر
4
ساعة وهي رايحة جاية بالغرفة تتصل بلا توقف
چان عادي يدگ
فجأة طلع الجهاز مغلق أو خارج منطقة التغطية صرخت بصوت عالي ولچ طيبة انغلق ااااانغلق الجهااااز
17
- اهدي يمعودة يجوز خلص الشحن
من الصبح واحنة نتصل علي واكيد هوَ ما فارغ يشحن
4
- لا عيني لا مو سالفة شحن لتقنعيني
لا يرد لا يراسل لا يشحن جهازة وديشوف شلون خبصنا الدنيا بالأتصال معناها اكو شي امشي صيحي عمة
5
- بتول دعوفيها هي منا خايفة لتزودين السالفة عليها
- عمةةةةةةة.. عمةةةةة وينچ تعالي ع السريع لغرفتي
7
بعدها تصيح اجت خديجة تركض
- هااا ولچ شكووو
- والله صاير شي الـ عمو اني متأكدة اترجاچ تصرفي
6
- شنو يعني شصاير عرفتوا شي
- اي اتصل بي ما رد ولا عبرني أخير شي غلق موبايلة
4
- لا عمة شبيچ يجوز خلص شحنة هواي اتصلنا علي
- والله اني هم گلتلها هيچ
- يا شحن الخاطر الله ليش عمو بلا گلب حتى يخوفنا علي هيچ اكيد ميسويها كافي تضحكون علية
10
طيبة.. باوعت الـ بتول كلامها صح للأسف
بس شنسوي من قلة الحيلة وحدة تحاول تهدي بالثانية من برة بس من جوة وحده رب العالمين الـ يحس بينا
16
كل الكلام ما فاد ويا بتول
خبصت الدنيا بالبچي عبالك وصل الها خبرة لا اني ولا خديجة گدرنا نقنعها ظلت مگابلة الجهاز وتتصل علي
7
أكثر من ساعتين مغلق ما بيها مجال نتأمل الخير بعد
گعدت بتول بالگاع تبچي وإيدها على راسها
نصيت يمها احاول اهديها شوية دگ الجهاز باوعت علي بـ لهفة رقم غريب گامت مسحت دموعها وردت
12
بتول.. الوووو
- الووو منو وياية بلا زحمة
- رفعت الحاكية ونزلت الموبايل گدامنا شكو ترى انتَ المتصل مو اني يعني هالسؤال المفروض يتوجه الك

8
- منو بتول ؟!!
- اي بتول انتَ منو عيني
- وياچ مخلد صديق عمچ همام
16
- بس حچاها باوعت علينة مبتسمة مخلد شديصير
الله يخليك طمنا عمو بي شي هواي اتصلنا علي ولا رد احچي لتضم علينا فدوة
4
- ماكو شي ليظل بالكم
جهازة خارج منطقة التغطية لأن طالع واجب ع الحدود وهناك ماكو شبكة فـ اتصلت علمود اطمنكم
17
- اذا ماكو شبكة شلون عرفت وشلون وصلك رقم عمة
18
- اني چنت ويا بس رجعت وهو ظل ميرادلها سؤال
10
- الله عليك ما بي شي
ممرتاحة الكلامك والله لأن ممسويها قبل وطالع واجب بهيچ مناطق ليش احسك دتضحك علينا
7
- يمعودة گتلچ ما بي شي رجال شگدني اچذب !!!
المهم باچر الظهر يمكم ان شاء الله
وهسة صار لازم اسد الخط محتاجين شي قبل لا اروح
17
- لا عيني سلامتك وشكراً على اتصالك زحمناك ويانا
- ماكو زحمة ألف هلا
6
سدت الخط وباوعتلنا تبچي نترت بيها خديجة
- شبيچ يمعودة مو هذا مخلد اتصل وطمنا كافي بچي
4
- مگاعد ارتاح عمة گلبي حاس صاير ويا شي مو زين
- شيلي هالأفكار من راسچ حتى ترتاحين وتريحينا لو بي شي چان بلغنا لأن أول وتالي نعرف مو صح
5
- اي
- لعد كافي تنقين بـ راسي ترى البية كافيني وزيادة
3
حچتها وطلعت ظلينا بيومها سهرانين للصبح
حتى خديجة مراحت البيتها
للفجر صلينا يلا گدرنا ننام ما حسيت إلا بالتسعة نزلت ع السريع كلهم گاعدين وديشتغلون
حتى متريگت بس غسلت وجهي وگعدت انظف وياهم
11
نفس الحالة نتصل على همام مغلق
گالت خديجة انتظر للظهر اذا ما اجة اروح الأبو الاء لأن بس هو اليگدر يساعدنا
21
صارت الوحدة رادت خديجة تبين الموضوع طبيعي
سألت الحجية اصب الغدة
باوعتلها بـ استغراب أخوچ وين يمة مو صديقة البارحة گال الظهر تلگوا يمكم ترى مطلع شغل هذا
4
- لا يمة هذا وينة بالطريق قبل شوية اتصل وبلغني
- لعد شكو صابة انتظري يجـي وناكل سوة ع الواهس
5
- على راحتچ حجية
حچتها وراحت للمطبخ دخلت وراها لگيتها دتبچي
4
- صاير شي عمة حصلتي خبر جديد عنة
- لا يا ريت احصل
- واني فرحت من كل عقلي متصل وصدگ راح يجي
4
- ردت اطمنها شسوي
دتشوفين بدت تشك وهي مو حمل مصايب كافي البيها
15
بتول.. عمة انتِ هنا واني گلبي راح يوگف
شلون فهميني مو صار الظهر وينة عمي حاچيني راااح اتخبل
5
خديجة.. اني ادري وينة اااادري
اسكتن عني راح اوگع من طولي حتى روحي محاملتها
3
باوعت البتول واشرت الها بـ حواجبي اسكتي
فجأة اندگ الجرس
ركضت لبست الحجاب ورحت فتحتها صار همام گبالي مستند على مخلد وحالتة متنوصف
63
همام.. فتحت عيوني اني وين وشصار وياية
شوية وحسيت بالألم
تذكرت الحادث باوعت لليمين مخلد فوگ راسي حچة وياية بس ما سمعت شنو لأن بعدني مصاحي زين
13
- همام همام تسمعني
- مخلد!! هاي شصار وين اني بالمستشفى ؟؟
5
بس حچيتها دار ظهرة علية
شوية والتفت شصار يعني خليني ساكت الله لطف بيك
15
- البچي مو للزلم يول
- حقك مو ما شفت حالتي حضرتك نايم واني المبتلي
40
- الأخو يمون على أخو
- والنهاية العمر ألف الحمد لله على سلامتك حبيبي
18
- الله يسلمك... ردت اعدل نفسي تأذيت كلش
- همام لتتحرك يمعود صوابك بعدة جديد خليك شتريد اني اساعدك بس گول
3
- وين صارت أصابتي
4
- اثنين وحدة بچتفك والثانية بظهرك
بس لتشيل هم الحمد لله الدكتور سوة اللازم وهاي انتَ رجعت مثل أول واحسن
43
صدگ ما دريت
غير حضرتك اعتازيت دم واني تبرعت الك
بعد شيخلصك مني إلا اظل اعيرك يوميا لحد مترجعليا
114
- هسة فهمت السالفة اگول شبية حاس بـ روحي تافه
173
- والله عرفت قبل لا تحچيها
من انطيتك دم گلت راح اندم بعدين بس يلا عمي سوي زين وذب بالشط البشر ميغزر بي الزين الله يعوض
20
- لتضحكني ولك ما اگدر حاچيني شگد صارلي هنا
- الظهر جبناك وهاي الليل راح يخلص
- أهلي شلون مخلد اكيد ظل بالهم يمي وين موبايلي
4
- يمعود غير حرگوا جهازك بالمكالمات
بس لتخاف دزيتلهم رسالة طمنتهم ولو مفاد تالي شنو غلقتة حتى يگولون خلص شحن ويبطلون ملحة
4
- لازم اتصل عليهم هسة
أمي يظل بالها مو حمل قلق لازم تسمع صوتي وترتاح
7
- وين ترتاح انتَ سامع صوتك شلونة
ترى بس تحچي يعرفون بيك تعبان شوفلك غير سالفة
3
- ما عندي غير حل مترهم بس اراسلهم محد يقتنع
3
- جيب اني احچي وياهم
بس اريد رقم واحد منهم حافظ لو لا لأن مو مال افتح جهازك
3
- منو چان يتصل عليك طول اليوم
- أختك
- لعد هاك هذا رقمها سجلة يمك وحاول تقنعهم أخيك
11
ظل واگف يمي أخذ الرقم واتصل
عرفت بتول دتحچي ويا قنعهم وسد الخط ها شلونك هسة مرتاح
7
- اي الحمد لله
- خو ما دتتوجع حتى ابلغ الدكتور
- اكو وجع بس بسيط ممستاهلة احجيلي شصار وياك
4
- اسكت غير انخبصت الدنيا عليك بالمستشفى
تخيل حتى القائد اجة

وعمك ابراهيم ما راح إلا قبل ساعة لأن الدكتور بلغهم لحد يبقى ممنوع على المريض الزيارة اليوم
13
- لا يابة يعني اكيد زوجتي عرفت بس لا تحچي الأهلي
12
- لا يول ما اتصور
وعموماً اني بلغتة أهلك ما عدهم علم والرجال تفهم
اكيد مراح يحچيلها لأن يدري بنتة متسكت بهيچ مواقف
11
تشكرت منة وحاولت ارجع أنام بس ما گدرت
بدا الألم يزيد بشكل
بعدين مخلد صاح الدكتور الخفر ضربوني أبرة مسكن يلا گدرت أنام وارتاح من هالوجع شوية
11
ثاني يوم الصبح حسيت على صوت أبو الاء يمي
فتحت عيني واگف يحچي ويا مخلد
بس شافني عافة واجة بـ اتجاهي ها وليدي الحمد لله على سلامتك
5
- الله يسلمك عمي
- شسويت بينا يمعود والله خوفتنا عليك
- ماكو شي عدت سلامات ان شاء الله وممنون منكم
8
- دنحاول نوصل الهم وتأكد حقك ميضيع بس نحصلهم
- متقصر عمي رحم الله والديك
8
- مخلد گال هاي مو أول مرة يهددوك شلون يعني
- تذكر هذا التحقيق السري
- أي
- همَ من طرفة لأن جابوا بالأسم بعد ثاني يوم تحقيق
6
- خوش اني اعرف لعد شلون راح الگفهم اصبر علية
13
للظهر والغرفة ما فرغت ناس طابة ناس طالعة
اختنگت كلش
راح مخلد يجيبلي ورقة الخروج شوية ورجع گال ماكو طلعة ما قبلوا يكتبولك حالتك ممستقرة
4
- ما اگدر اظل هنا مخلد طلعوني بسرعة اختنگت
- ميصير وليدي وضعك خطر وهمَ اعرف بمصلحتك بلا عناد اترجاك صحتك أهم من كل شي
8
- اني اوقع الخروج على مسؤوليتي
بس طلعوني مو طفل أگدر اهتم بروحي وصحتي عمي
4
مخلد.. همام ميصير شبيك
شوكت تبطل عناد يعني مو كافي الصار تظل تستهيـن بوضعك
9
همام.. مخلد لتناقشني
اطلع يعني اطلع وروح جيب الورقة حتى اوقع بسرعة
3
مخلد.. براحتك والله على شنو اضوج روحي
هسة رايح احاچيهم
قبلوا قبلوا ما قبلوا تظل هنا مو بكيفك تطلع اليمك هم الهم حق عليك لتصير أناني وتشتغل بالعناد
4
أبو الاء.. اني ادفع تكاليف المستشفى واكمل الأجرائات ارتاح انتَ تعبت من البارحة لليوم
13
مخلد.. لا والله سيدي محد يدفع غيري
خليك يم همام بين ما اكمل وارجعلكم حتى نطلع منا
12
حچاها وطلع الحمد لله قبلوا يخرجوني
حاولت امشي ما گدرت أخر شي مخلد جابلي الكرسي وطلعنا
8
أبو الاء.. مخلد عندك سيارة لو لا
3
مخلد.. لا والله
اجيت ويا همام بالاسعاف وظلت سيارتي يم المقر
3
أبو الاء.. يلا لعد اني اوصلكم ظلوا هنا اقدم سيارتي
6
جابها من الكراج ورجع
وصلنا للبيت لزمت بي مقبل يدخل
گال تعبان بالليل عود امرلك لتزعل حبيبي وخلة وراح
8
سندني مخلد ودگ الباب
بسرعة فتحتها طيبة بس شافتني لزمت بـ إيدي تصرخ عمو شنو هذا حالك شصار وياك موتتنا من القلق
36
مخلد.. تقرب مني بـ همس شو هاي تگولك عمو
همام.. مو وكتك يول
التفتت عليها ماكو شي لتخافين حادث ومر سلامات
172
طيبة.. همَ نفذوا تهديدهم مووو
ليش عمو مو گتلك لتداوم بس شلون لازم تعاند متعلم
15
مخلد.. خوية مو وكت هالحچي
فوتي سويلي طريق حتى ندخل للبيت الرجال تعبااان
2
طيبة.. اي اي رايحة
3
حچيتها ودخلت اركض لگيتهم بأول الممر ينتظروني
- ها طيبة منو
- ابشرچ عمة اجة اجة هذا هو بالباب والحمد لله زين
6
خديجة.. صدگ والله لعد وينة ليش ما طب وياچ
3
طيبة.. مو صديقة مخلد ويا سون طريق حتى يدخلون
3
خديجة.. شعندة صديقة ويا احچي طيبة شصاير
3
مخلد.. يلا وين صرتيييي
19
طيبة.. ها سمعتوا مو وكت هالسوالف روحن لبسن عاد
3
گبل طلعت گلتلهم تفضلوا يلا
دخل همام ساند نفسة على مخلد وبالگوة يمشي خطية هنَ شافنة لو خبصن البيت بالصياح والبچي
5
همام.. اششش كافي هاي واگف على طولي ما متت
13
الحجية.. عزة بعيني يمة هاي شصاير بحالك والله چان گلبي حاس اكو شي بس ذني ااااخ منهن ميحچن
13
همام.. ما بية شي حجية
ومحد يدري بحالتي بس مخلد وجماعتي بالشغل
يلا هسة خلوني ارتاح مو گوة واگف على رجلي ما اريد اسمع بعد لا بچي ولا صياح
3
خديجة خوية فتحي الأستقبال والباب الورانية
الزلم طابة طالعة حتى اعزلكم عنهم وتاخذون راحتكم
4
باوعت الخديجة خطية من الهبطة متگدر تتحرك
ركضت اني
فتحت الباب ورجعت دنگ همام ع الحجية بتعب باس راسها ومسح على وجها كافي تبچين ما بية شي
13
حچاها وگام سند نفسة على مخلد وراحوا للأستقبال
بـ هالاثناء نزلت الاء
صفنت علينا الوضع مو طبيعي سألت وهاي المرة الأولى التحچي بيها ويانة لأن اشهر وهي عازلة روحها
17
الاء.. شكو صاير شي
11
بتول.. رجعي نامي حبيبتي شعندچ گعدتي هي يا الله
15
الحجية.. زحمي روحچ شوية واسألي على رجلچ يمة
2
الاء.. ليش شبي همام ؟!!
4
خديجة.. ذبي الحجاب على راسچ وروحي للأستقبال شوفي بعينچ شبي
3
لبست الحجاب ورجعت تركض كلنا رحنا وياها
دخلنا متمدد على الدوشك
حس علينا فتح ركضن علي خديجة وبتول يبوسن بي ويبچن صاح بيهن مخلد مو هيچ الرجال تعبان

12
مسح همام على راسهن يحاول يهدي بيهن
ظليت واگفة بمكاني
ما عندي غير الدموع تريح گلبي شوية مو مثلهن عادي يتقربن منة ويبينن خوفهن أما اني ما اگدر اسويها
27
كلش خفت علي
لا أهل لا سند وين انطي وجهي اذا صارلة شي لا سامح الله وأهلة هم منو الهم من بعدة وهو رجالهم
10
وصلت المرحلة اكره نفسي بسبب التفكير
معقولة هيچ اني فگر أي واحد اتعلق بي ويحميني من الدنيا وناسها ياخذة الموت !!!
17
انتبهت الـ الاء انسحبت من المكان بدون أي كلمة
معقولة ابد مخافت علي
حتى الحمد لله على سلامتك ما گالتلة غير گلب عدها
34
مخلد هم طلع حتى يخلينا ناخذ راحتنا
ويا طلعتة باوع همام للباب
شافني ابچي فتح إيدة واشرلي على حضنة مصدگت انطاني الأشارة ركضت حضنتة حيل واشهگ بالبچي
311
- كافي لويش دتبچين ما بية شي عمو
عاد ضمن كم دمعة حتى من أموت تصرفنها على گبري
67
- اسم الله عليك عمو عفية لتحچي هيچ يومي قبلك
21
بس حچيتها ابتسم ومسح دموعي بـ أطراف اصابيعة
- شنو هالحچي دنيا وما بيها طيبة ما اريدها اني
207
بتول.. واحنة هنا خراعة خضرة مثلاً خلف الله عليك
92
گمت من يمهم وطلعت اركض كلامة خجلني كلش
وصلت للصالة الحجية تبچي
انقهرت عليها خطية متگدر تتحرك مثلنا وتتطمن علي
14
- بيبي لتبچين عمو بخير والله
- شلون صار ومنو سوة بي هيچ ما سولف الكم احچي
5
- لا ما حچة بس المهم هو بخير والفات مات لتنقهرين
- اريد اشوفة راح اموت ساعديني بيبي فدوة الطولچ
15
- اسم الله عليچ بيبي الله يحفظچ النا
اااي تتدللين هسة اخذچ تشوفي وتشبعين منة شوف
4
حچيتها وسحبت الكرسي للأمام
وصلتها للأستقبال أول ما دخلنا سند همام نفسة بالگوة وگام من يمهم للحجية
7
الحجية.. لتگوم وليدي خليك مرتاح
بس اجيت اشوفك شوية واروح گلبي يمك يبعد أمك
3
ما اهتم الكلامها ظل يمشي لحد ما وصل يمها
لزم بالكرسي وگعد يم رجلها
شال إيدها باسها أكثر من مرة اني الأجيچ يمة مو انتِ
48
مسحت على راسة تبچي
- كون الأيد النمدت عليك تنشل بجاه كلمن عنده جاااه
23
- احبچ وميهون علية اشوفچ تعبانة الخاطري ارتاحي
- شلون تريدني ارتاح وانتَ هذا حالك
- ما بية إلا العافية وهاي اني بيناتكم الباقي يهون يوم
7
خديجة.. خويه ليش ما حچيت هااا
تدري شصار بينة من البارحة لليوم الله ليروايك قهرنا
3
همام.. شلون اگول خديجة غير تتخبلون
مع ذلك مصار شي
مخلد الله ينطي العافية ما تركني ولا لحظه وعمي أبو الاء وكل اصدقائي وياية ما قصروا
10
خديجة.. رحم الله والديك مخلد
نوگفلك بالأفراح ان شاء الله تعبناك ويانة ما قصرت
13
مخلد.. واجبي هذا غير همام أخوية
واكيد كل التعب يهون بشوفتة سالم الله يحفظة الكم
35
همام.. يلا خديجة
اريد ارتاح اخذي امي والبنات وعوفوني وحدي شوية
5
خديجة.. اي تتدلل وألف سلامة عليك خوية
حچتها واخذت الحجية اني هم سحبت بتول وسديت الباب عليهم
4
همام.. مخلد انتَ هم روح ارتاح مو هلكت من البارحة لليوم
5
مخلد.. اسكت يخوي من كل عقلك اعوفك واروح
دشوف حالك شلونة
بعدين اذا اجوا الزلم منو يستقبلهم ما فكرت بـ هالشي قبل لتحچي يلا نام بيتك بيتي مرتاح لتفكر
40
- طبعاً بيتك ونص محد يگدر يگول غيرها
بس والله تعبتك وياية لهنا وكافي اني ادبر روحي بعد
4
مخلد.. لا تعب ولا شي
واذا تريدني ارتاح صدگ شد حيلك وارجع اوگف على رجلك ساعتها وداعتك مراح يظل كل تعب بية
7
- وگفتك ماانساها لو أخوية عايش هم ميسوي السويتة
- لتزعلني منك قابل غريب وتخلي بيناتنا هالرسميات
12
- أخ وأكثر والله
- يلا لعد ارتاح شوية قبل ليجون الخطار وشيخلصك
8
- لعد افتح هاي الباب حتى يدخلون منها وطفي الضوة
- تأمر سيدي
- ههههه ما يأمر عليك ظالم وجوز مني ما بية اضحك
20
طيبة.. گاعدين بالصالة وگالبيها مناحة ليش ما ادري
فجأة رفعت راسي مخلد طلع من الأستقبال
باوع علينا بخزرة وتقرب على شنو كل هالبچي شنووو مات مثلاً لا سامح الله
64
- التفتت خديجة علي مخلد الله يخليك شصار احچي
- ماكو شي بس اشتباكات يم المقر ويا طلعتنا وانصاب
6
- لا هالحچي مو صح نعرف صارلهم فترة يهددون بي
5
- مو وكت هالسوالف خيتي
رايح اجيبلكم ضيافه للخطار شوية ويجون
اخاف يگعد همام أو يجي أحد بس اتصلي علية واكون يمكم خلال دقائق
14
- اي زين بس اجيبلك الفلوس لحظة
- عيب هالحچي والله بعد لتعيديها يلا في أمان الله
18
بس طلع التفتت خديجة علينا
- امشن ننظف البيت زين شوية والعالم يصيرون هنا
5
ما طولنا هواي نص ساعة خلصنا كل شي لأن هوَ نظيف
توني داغسل اندگت الباب
لبست الحجاب وفتحتها دخل مخلد متسوگ اشكاااال حتى خضروات وفواكه بحيث گوة شايلهن
19
دخلهن للمطبخ وراح يم همام
صحت بتول وبدينا نرتب بيهم خلينا العصير بالمجمدة حتى يبرد ورتبنا صحون الفواكه بين ميجون

5
ماكو عشر دقايق وبدا الخطار يهل
ما لحگنا ناكل لگمة من الهوسة كل شوية صاح مخلد الضيافة اجوا العالم
13
بتول.. ولكم اااااخ
ظهري انكسر بعد ما بية حيل اوگف على رجلي شلون
18
طيبة.. تحملي ولچ ما ظل شي هاي الليل وراح يصير
6
بتول.. عمة هاي الاء صدگ تحچي
شو نزلت شافتة وصعدت الغرفتها ولا چن رجلها واصل للموت
12
خديجة.. بتول يمة فدوة لعمرچ
شيلها من راسچ خليها تصعد منريد بس تچفينااا شرها ما بينا حيل للمشاكل
14
- اني حچيت علمود عمو والله شيگول هسة
- ميگول شي هو يريد يخلص منها خليها هيچ مريحة ومرتاحة
4
ساعتين تقريباً واجوي أهلها يشوفوا
هنا يلا نزلت من قفصها
بس راحوا صعدت هزت إيدها بتول وضحكت حتى هيَّ ملت من الحچي عليها فـ بردت راسها بالسكوت
14
همام.. نمت شوية وفزيت على وجع
باوعت مخلد ماكو
ردت اعدل گعدتي انفتحت الباب ودخل خليك لتتحرك
4
- اريد اگعد تعبت
- ليش وين لحگت تنام لو ما نمت اصلاً
- لا نمت شوية هسة يلا گعدت بس انتَ وين رحت
3
- تسوگت للخطار وللبيت
- ميصير هيچ مخلد فلوس المستشفى وهسة هاي كافي
3
- انتَ الـ كافي
ترى والله اعوفك واروح اذا تحسبني غريب تسمع لو لا
15
دار وجهة ضايج ردت احاچي اندگت الباب الخارجية
طلع يشوف منو
شوية ورجع ويا اثنين ضباط من جماعتنا وهيچ لليل
11
تعبت ونعست ساعات والناس رايحة جاية
باوعت للساعة بالتسعة ونص
خليت راسي ع المخدة بلكي الحگ أنام شوية بعدني ما مغض فزيت على صوت موبايل مخلد يدگ
13
- ها حبيبي اي رجع بالبيت
ماشي هلا بيت تشرفنا راح ادز الك العنوان بـ رسالة

- سد الخط وكتب العنوان باوعتلة بتعب هذا منو بعد
- صالح ديجيك بالطريق......

ارشيف لسهوله ايجاد القصص✔

اضغط على الرابط ويظهر لك اول بارت من القصه ❄

https://www.tg-me.com/+Q8vvRebV35Q4Mjgy

#تفاعلكم_يسعدنه_ننشر_قصه_جديده_تصويت
تحياتي لكم احبتي 😘😘


يتبع