🌕 " إن الصلاة التي لا تَنهى عن الفحشاء ولا تحافظ على القلب، بل لكثرتها تبعث على ضياع القلب، إن مثل هذه الطاعة ليست بصلاة.
🔻 إن صلاتك التي تحافظ عليها كثيرآ وتحرص على إقامتها، إذا كانت تقرّبك من الشيطان وخصيصته من الكِبر، فهي ليست بصلاة، لأن الصلاة لا تستدعي ذلك ".

افلح من صلى على محمد وآل محمد

مَنْ آوَى إلى اللهِ، خَفّت أوجَاعَهُ❤️.
@h_ameer3

لو تجي تلكه حزن.

أنَا الغَارِق الَّذي يطلُب
أن يَكون مِن خُدامَك

ظلَّ مُلْقىً كحُسينٍ جدِّهِ
وثلاثاً نعشُهُ ما شُيِّعا

يا محمد الجواد 💔

22 ذو الحجه شهادة ناصر ال محمد وعاشق امير المؤمنين. عليه السلام

ميثم التمار رحمة الله عليه مصلوباً على جذع نخله

لعن الله من قتله

[[ عالم حنان ]]




لمولاي ابا عبدالله الحسين ع







عالم حنان وعـاطفـه
حبيته بس ما شايفه

بمهـدي عشگـته
وجرني لخدمته
حلــوه صحبــته

           حـــسين ياحســـين

◾◽◾◽◾◽◾◽◾◽

دوريــت  ما لگيت  
لا مـــثيل لا شـبه

للحسين   الحـنين  
الروحي بيه ذايبه


چـــذب مثله بــشر
شمس مـــدري گمر
هنيالي مـــن حبيته


ابو ســــكينه وطــن
واذا اطـلـــب كــــأن
من اهلي لو حاچيته


وزينب وحگ ذيچ العبي
هـــــو ابـــوي وصــاحبي


وداعـــة اخيـته
بس هــــو ردتـه
حلــوه صحبــته

           حـــسين ياحســـين

◾◽◾◽◾◽◾◽◾

استريح   بالضــريح 
اهدأ بيه واطمئِن

بيه درو   طبعه هيل 
قـــررو ينطـــحن


ماتو لچــــــن علـه
وعاشــــــت كـربله
ضد الظلم مضمونه

مـــلائكــة الــــسمه
تنـــادي امـــــحزمه
هـــنيال اليخدمونه


حضن الخدامه بيه دفو
لا مثله حضــن ام لا ابو


قـــدوه وتبــعته
رايــــــد نضــرته
حلــوه صحبــته

           حـــسين ياحســـين

◾◽◾◽◾◽◾◽◾

شگد كريم   بيه اهيم 
وهو احن من هلي

يالشـــهيد   وياك اريد 
گتله يابــــــن علي


فياي امن الشمس
حبيبي وبيه احس
ومــدللين احبابــه

مــــــعالي تنـكتب
ولا ذلــه انحـسب
لمن ابوس اعتابه


حاشا ويعوف العاشگه
المثله حبيـب ولا لگــه


اچبيره رحــمته
تنعش نســــمته
حلــوه صحبــته

           حـــسين ياحســـين

◾◽◾◽◾◽◾◽◾

من امـيل   مستحيل  
ليه ينطي الضهر

يردني ليه   وارتجيـه 
واعــتذر للگـــمر


شكــــثر انه الچـــمه
ولـــكن خـــــــادمــه
من طبعه ما يجفيني

اضـــيــــــع بدنيتــي
ويـــــردني لخـدمتي
من غفلتي يصـحّيني


بچفي اكتب اسمه وارفعه
واشتــــم حــروفه الاربعه


اعمــــه ولــــزمته
ادخيل اعله بخته
حلــوه صــحبــته

           حـــسين ياحســـين

◾◽◾◽◾◽◾◽◾

بالضـياع    عمري ضاع
واغرگت مستحـه

ويـن اكو    مـثله ابــــو
واليزل سامــــحه


يفـــرزن بالــــخلـگ
الچِـذَب من الصِدَگ
هـو ايعرف خــدامه


فضل منـه الشــهم
قبــلني اويه الخدم
خلاني اعيش ايامه


ولو زعَّلِت والي الخدر
يا ريته لا طــال العـمر


لفضــله شكــرته
وحــــبه علـــنته
حلــوه صحبــته

           حـــسين ياحســـين

◾◽◾◽◾◽◾◽








         عبد العليلـه
✍حيدر ابو كيان الفاطمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

#قصائد_محرم_
#محرم_الليلة_الرابعة_

مولاتي ام البنين(ص) وهية جاي تحضر احتياجات الضعن وتجهز اهدوم الحسين(ص) وترتب بغراض الضعن بعد ان يشد الرحيل ودگول…


وانة جهز يُمه هَدمك؟
نزلت دموع الوداع…
أدري يُمه من اعوفك
عمري يتحول ضياع…

وانتة رايح؟ دير ضهرك
من تودع شيل اديك…
گلبي يوكف ما؟اودعك
ولله متعلمة عليك…


گلبي اخذتة لمن مشيت
مخنوگة بعدك يمُه بقيت
بخطوة وداعك دمعه بچيت…ودعتك جروح

كل لحضة دونك تاخذ عمر
ليل انتضارك يكسر كسر
چانت عيونك عندي فجر …يلماخذ الروح


وين الگاك حاچيني
اهدة شلون يحسيني
من فرگاك ما اگدر
صار الضيم بسنيني


واويلاه يا يمُه حسين…

_______

تدري أول ليله دونك
گوة خلصت جيتّ أموت…
گاعدة وأيدي علخدي
چان صوتك احلة صوت…

شلون تگضي أيامي دونك
شلون ترهم واستراح…
ياحلات عيونة چانت
هسة كلشي مني راح…


يمُه انتضارك رايدلة حيل
وانة بدونك كلساع اميل
ارسم وگفتك لو مرني ليل…وحسب ليالي

ربي دخيلك رد الحسين
راحن اموتن من الونين
موتني دونة هذا الحنين…وتعبلي حالي


ولله الشوگ أذاني
فگد حسين بچاني
حسره هواي بعيوني
صبح وليل احزاني


واويلاه يا يُمه حسين….

____

ياهو؟ يدري اخبارة ياهو
شگد عمر عبدلله صار…
هيچي كل ايامي صارت
مو سهل هذا أنتضار…

أطلع انشد عن ضعونك
ما أمل منّ السؤال…
ياهو اشوفة كمت انشده
حسين ضعنة مني شال…


بلباب اناطر من الصبح
وجاني خبركم كلكم ذبح
وراسك حبيبي نشال برمح…هاي المصيبه

قل شوفي يمُه ماكمت اشوف
بنحرك حبيبي صارت سيوف
شسوت يويلي هاي الطفوف…ولله عجيبه


ولدي تهون بس انتة؟
موتك حيل مو وكتة
ضامي تموت ياروحي
فراگك دوم ما ردتة


واويلاه يا يمُه حسين…

_____

وين زينب كمت ادور
كمت اناشد ياهي هاي…
وجاوبتني؟ زينب انة
ذبحو اهلي وماكو راي…

منين اسولف وحچي بيمن
من الذبح لو للخيام…
لو سبي التعب دليلي
وليلة ما اگدر انام…


صرت الغربية وضاع الدلال
من چف اخوتي لچف الحبال
صاحولي باسمي وبان الخيال…فوگ الهزيلة

الشام وقصرهم ماهو سهل
واصعب مصيبه السوگ بهزل
امسح دمعتي وبيدي الحبل…رحلة طويلة


درب الشام موتني
ممشة النوگ تعبني
وين اندار وين امشي
وصيحن ياهو يسمعني


واويلاه يا يمُه حسين…

____
#محرم_1446هـ_

خادم الزهراء ص

✍️محسن الباوي
____

لحن القصيدة 👇👇
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

ونخسف القمر 😭.ويلاه ياعباس

دعاء الامام الحسين يوم عاشوراء
اللهم أنت ثقتي في كلّ كَرب، ورجائي في كلّ شدة، وأنت لي في كلّ أمرٍ نزل بي ثقة، وعُدّة،كم من هِمٍّ يَضْعفُ فيه الفؤاد، وتقلّ فيه الحِيلة، ويَخذُلُ فيه الصّديق، ويشمت فيه العدوّ، أنزلتُه بك وشكوتُه إليك، رغبةً مني إليك عمّن سِواك، ففرّجته وكشفته، فأنت وليُّ كل نعمةٍ، وصاحب كلّ حَسنةٍ، ومنتهى كلّ رغبة»)[161].

وَلَا نُكَلِّفُ نَفْسًا إِلَّا وُسْعَهَا❤️.