tg-me.com/tajalzahraa1/83580
Last Update:
#محرم1446
في آخر لحظات مولاي قمر بني هاشم قال لمولاي الحسين ع سيدي اتركني هنا ولا تأخذني صوب الخيام فأنا خجلا من الأيتام والأطفال
فرد عليه مولاي الحسين وهو يهمل دموع عيناه...
اعوفك ألمن وامشي
وبعيوني جنت كلشي
اهواي بخيمتي الماي
وماكو منك اهواي
يعباس ............يعباس
..........................................
بيش تطلبني اعوفك وكلشي جنت انته بخيمنه
شنومك يا گلب زينب هلة الهله بأختنه
جبت عمرك بينه تسگي ياهو گلك عطشتنه
اهواي عدنه الماي خويه لجن طولك ماكو منه
گوم وياي يعضيدي
توني امفارگ اوليدي
طولي بعازة افياي
وماكو منك اهواي
يعباس........... يعباس.
............................................
وداعت عيونك يروحي أطيب عثراتي برجعتك
شغير ارسومك الحلوه وياهو المتعب كشختك
جنت أتيه وما أتيهك امن الدمه شو ما عرفتك
رايد تموتني چنك ليش عباس اعله بختك
مدري شگد كبر عمري
يظهري ألحك لظهري
أريدك تلزم گفاي
وماكو منك اهواي
يعباس.......يعباس
...........................................
كلشي هين الا انته يصعب افراگك عليه
منيلي واحد يشبهك ويكعد ايداري برقيه
وهذا ياعطشان مثلك عالنهر فكر بأخيه
اعليك گلبي يابو فاضل خاليه لترد أديه
أكعد يا أعز ناسي
قبل لا ينذبح راسي
ليش تردها يمناي
وماكو منك اهواي
يعباس........يعباس
..........................................
مستحي اتبدت جربتك!!!! شلي بلماي اوجوده
وطاري ما اجيب لبناتي ابخير اگلهن بويه جوده
انته بس عينك شريعه ولأبو الاكبر انته زوده
ادري بيك تحب رضيعي عالأقل گوم اعلموده
عليك المهد بس أرجع
مو روحي بدت تطلع
شفزع ياهو وياي
وماكو منك اهواي
يعباس...........يعباس
............................................
ادري ما ينطيك گلبك تعوفني وحدي بغربتي
بعد ما بيه أكابر ضحكوا وطاحت دمعتي
درت كلها انته عفتني امبين اعلي من وگفتي
يامن يدليني وارجع عدل كون لخيمة اختي
يوجعني الهوى بريتي
ومدري شبيها عافيتي
شيسكت بعد عيناي
وماكو منك اهواي
يعباس...... يعباس
#احمد #ماجد #الكلابي
BY 🌴تجمّع الزهراء ع العاشورائي🌴
Warning: Undefined variable $i in /var/www/tg-me/post.php on line 283
Share with your friend now:
tg-me.com/tajalzahraa1/83580