أنا عرفت الناس ما أجهل الناس
‏حتى غدت نفسي من الناس حذره

‏ماهو لزوم اللي زرع يحصد إحساس
‏" أحـيـان تزرع لـكـن الأرض قـذره

عزّاي إني على قيد الأمل لو السنيّن تميل
مثل شمسٍ تعدّاها المغيب وتنتظر بكره

عطيته ولا شفت العطايا تبيّن فيه
على كثر زلاته صبرت و تحملته

تجرعت بـ ايدينه هواني ولا يكفيه
وحتى الكلام اللي جرحني تجاهلته

و أنا لو ب اعد اللي عشانه اسويه
مايلحق جزا قلبي ولا كيف عاملته

يجيني ليا ضاقت عليه السبل وارضيه
وحتى الطريق الصعب لرضاه ذللته

ولكن غواه ابليس قبل الكبر يغويه
وانا اللي عطيته فوقه حجمه و منزلته

ولا كل ذنبٍ بـ اعتذاره ، يبي يمحيه
وبابي على كل المعاذير قفلته

لو انه يجيني شايل الأرض فوق ايديه
ياما اكبر طموحه كان لحظه تقبلّته

تركته و أنا قد المفارق .. ويسأل ليه ؟
و هو يعرف وعند إجابات لـ اسئلته

الله يبيض وجه بعض المواقيف
‏لا عرّت اللي كان طيّب بـ عينك

‏لكن بقلبي رسمت الفين حدّ
‏استلذ البرد .. ما اطلب دفاي

‏ما تسوّلت السعاده من أحد
‏ولا لأحد مِنّه على بسمة شفاي

‏ان تعبت السبت بطيب الاحد
‏وان بكيت اليوم يوم السعد جاي

‏ولا كرهت إنسان لو جار وجحد
‏هقوتي ما تبعد اكثر من غطاي

‏ما رجيت إلا رضى الفرد الأحد
‏في رضاه اليا رضى عني رضاي

‏يحيّـا حياته فارقٍ ماله أشباه
‏لو قلدوه الناس . . ما ينتشبّه

‏سهله تمرّه لكن صعبه تعـداه
‏تبقى بذاكرتك وساويس حبّه

‏أكثـر ما قالوا في صواديف ملقاه
‏" عـز الله إن اللي مربّيه .. ربـّى".

أنا سقيت الورد لكنه جحود ارتوا ساقه وتناسى من ساقه .

وجهي من الطيّب ماغير إيتواكل
‏وشلون أجازي محزمي فالمواقيف

‏أرمي على كتفه كبار المشاكل
‏ويرمي على كتفي كبار المعاريف

– عناد القثامي

‏لا محرقٍ جوفي ولا الدمع نازل
‏لو دمعة العاشق مافيها مناقيد

‏عن كل حاجة من طرفك متنازل
‏حتى السلام اللي من العيد للعيد

‏- بندر الدويش

في غيابك / كل يوم تموت شمعه
شد حبل وصالنا وش فيه راخي !

كان قصدك في الغياب تشوف دمعه ؟
ما بقى دمعه عشان تطيح .. ياخي

ياملامح رحلتي ، وأصدق وعودي
‏ ماني بناسي على شان أتذكّر

‏-عبدالله ناصر

‏أنساك .. هذي ثامن المستحيلات
‏السابعه كانت لقاك .. ولقيتك

‏-مزيد الوسمي

«أما أني أنساها نسى الله من نسى ذاك القبال
‏يا صبّ روحي صب دلتها على فنجالها»
‏- مدغم

‏"يمكن أعاتب عشر مرات عشرين
‏أما إني أنسى عشرتك ماطرالي"
‏- سعد بن شفلوت

‏ادور لجرحك من يدين الطبيب ضماد
‏واثر ما يضمد جرحك الا سكاكينه

‏- عويد النجود

‏لا تخوفني من الموت، أشوفه كل ليل
‏ليله بليّاك أنا واحد من أمواتها

‏أنت وجهك: يا إلهي
‏وصدّك: يا وكيل!
‏ليلةٍ ماجت بطاريك كيف أباتها؟

‏انت ابو الضحكه وابو كل السعاده
‏كيف صرت ابو الشعور اللي يبكِّي ؟

‏من باب ( أنزلوا الناس منازلها)
‏أنزلتك قلبي.

التحدي العاطفي اللي يأسرني هو طلال الرشيد لما قال لمحبوبته : والله ما تلقين حبي مع الناس، روحي وهالأيام بينك وبيني"

‏رهان شخص واثق من قلبها قبل ثقته بنفسه

هذا أنا من خلوة لـ خلوة
‏والرّاحة فيني ما اتّصوّرها

‏مو بس نسيت أيّامك الحلوة
‏حتى جروحك .. ما اتذكّرها

ودك دايمًا إنك تشوفه مرتاح بال وسعيد، حتى لو كان بعيد عنك، تبي له الزين سواءً معك ولا بليّاك، وإن كانه طيّب وبخير ف باقي الأمور هواين

وما جاء في ذلك
"يا علّ الدروب إللي تضمك حيا وأزهار
‏لو إنك تعيش أيامك البيض..من دوني"

وأيضاً
‏"يصبّرني على بعض الشعور أنك لا زلت بخير
‏أنا أحوالي إلى منّك غديت بخير؟ مستوره"