#قصائد_في_خدمة_الخطباء
#محرم_١٤٤٦
#شهادة_علي_الأكبر (عليه السلام)

صورة شعرية: كأني بهم لما وضعوا جسد الأكبر في ذلك الفسطاط أقبل إليه أخوه الامام علي زين العابدين عليه السلام، جلس عند جسد اخيه المقطع ولسانُ حاله ...

١/ونّاتي تعتلي .. منهو اللّي ظل الي
هذا أنا علي .. يا خويه يا علي

٢/منهو اللي صوّبك .. منهو اللي خضّبك
بْچَم طعنه عذّبَك .. يا خويه يا علي!

٣/يالأسبَلِت إيديك .. جاوبني شنهو بيك!
شنهو الجرى عَليك .. يا خويه يا علي!

٤/يمّك گِعَدْتَ انوح .. وْبيدي احسب الجُروح
مرمي بَلايه روح .. يا خويه يا علي


ثوابُها يُهدى الى الشهداء وإلى كل مجاهد رأى رفيقه قد هوى إلى الارض شهيدا أمامه...

#عظم_الله_أجوركم ◾️

فاطمة علي رزق
اسألكم الدعاء

وللأربعين ريحٌ لا تمرُّ بالروح إلا وأثقلتها بالشوق على الشوق، فما أجمل أن يترُك المرءُ كلَّ ما في الدّنيا ويتوجه إلى محبوبه بكلّ وجوده مستذكرًا تلك المصائب...
قريباً ....
*تركت الخلق طرا يا حسين*
يوسف سعد العاملي
الشاعرة فاطمة رزق
تسجيل وتوزيع
محمد عليق
تصوير واخراج
محمد جزيني
Making of
جميلة شكرون
انتاج مضيف ثار الله ١٤٤٦هـللمتابعة :
https://youtube.com/@youssefalameli?si=1WDuiQKxsg1QY45Z

المقتل
كلمات : فاطمة رزق
ألحان و توزيع : محمد خليفة
ميكساج : حسن المرهون
إخراج : خضر ياسين
شكر خاص مضيف أسفار الحسين ( ع )

https://youtu.be/MfgAQVib2ls?si=L4HfdHPUYbzrES8w

بصوت السيد عبد الله فحص

#عظم_الله_أجوركم ◾️

#قصائد_في_خدمة_الخطباء
#محرم_١٤٤٦
#شهادة_أبي_الفضل_العباس(عليه السلام)

صورة شعرية: لسان حال مولاي العباس عليه السلام لسيد الشهداء عليه السلام بعد أن فارقت روحه جسده...

(طور الجزع/ طور ودعتك وظهري انكسر)

١/سامحني من توصل لعد جسمي
وِتْشوفه سايل عالرمل دمّي
سامحني لو دمعك إلي يهمي
يبعد الرّوح

٢/ما اگدر اتحمّل دمع عينك
وْلا أگدر اسمع يالأخو وْنينك
سامحني ما ظل واحد يْعينك!
وانا مطروح!

٣/لو بيدي چنْت انهَض واذب عنّك
لو بيدي لحظه ما أعوفنّك
حرموني يابن المرتضى منّك
الجسد مجروح


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#شهادة_أبي_الفضل_العباس (عليه السلام)

صورة شعرية: كأني بالزهراء عليها السلام حضرت عند مصرع العباس عليه السلام بعد شهادته وخاطبته قائلة...

يا يمّه أنا الزّهره .. يالغالي ويَضَيّ العين
إجيت بْچفّي أتلگّاك .. يالما ظل إلك چفّين

١/منهو الگطّع چفوفك .. وٌتِرَس جسمك يغالي جْروح؟!
منهو الخضّب جْبينك .. وخلّه جسمك بْلا روح؟! جاوبني يبو فاضل .. تگعد لو تِظَل مطروح!
هذا حسين من بعدك .. حار وما بُقاله مْعين

٢/گوم وشوف حال حسين .. يالما ترضى يِتألَّم
وحده وجيش اميّه عْليه .. من كلّ النّواحي الْتَم
إنهض گبل لا يوگع .. وْمن گلبه يِسيل الدّم
إنهض گبل ليْذبحه .. الشمر گوم الحگ عْلى حسين!!

٣/إگعد يابني من نومك .. زينب ترى رايِدْتَك
گوم اسمعهم شْيِحچون .. ناوين عْلى سلْب اختَك!!
ناوي الشمر يضربها .. بْسوطه وهالوكت وكتك
عن النسوان ردّ الجيش .. وسكن كل ألم وِوْنين


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#شهادة_أبي_الفضل_العباس (عليه السلام)

لسان حال سيد الشهداء عليه السلام للعباس عليه السلام ...

(طور في وينه راسك)

١/يا كافل اخته
ظهري كِسَرته
ما صدّگ انته
هذا بو فاضل

٢/وين الوجه وين؟
غطّى الرّمل عين
ومجروحِ لِجبين
دم منّه سايِل

٣/چف ما بُقَتلَك
يالماكو مثلك
منهو الوصَلَّك
واحقاده شايل

٤/غمضت إلك عين
وظل وحده لحسين
ما ظل الي مْعين
وهسه آني راحل!


#عظم_الله_أجوركم ◾️

فاطمة علي رزق
اسألكم الدعاء

الرادود جعفر سعد

#عظم_الله_أجوركم ◾️

تركت الخلق *مضيف ثار الله*
https://youtu.be/V-yyB1pBM8A?si=3IZouCr2A9ltEKy1
الرادود يوسف سعد العاملي
الشاعرة فاطمة رزق
تسجيل وتوزيع
محمد عليق
Mk production
مخطوطة محمد صباح
تصوير وإخراج
محمد جزيني
Making of
جميلة شكرون

شكر خاص
فوج الامام الحجة_كفررمان

إنتاج مضيف ثار الله ١٤٤٦l

#قصائد_في_خدمة_الخطباء
#محرم_١٤٤٦
#ليلة_العاشر

لسان حال العقيلة زينب عليها السلام لأخيها الحسين صلوات الله وسلامه عليه...

(طور الجزع/طور ودعتك وظهري انكسر)

١/هالليله آخر ليله يالغالي
بيها انته يمّي آنه وِعْيالي
باچر أشوفك عالثرى گبالي
بَلايه روح!

٢/راح انظُرَك وانته على التّربان
يالتّنذبح يمّ النَّهَر عطشان
وْجسمَك يِسَوّيه العدو ميدان
وْيِظَل مطروح!

٣/إدعيلي منّ انظرلك اتصَبَّر
من انظرك فوگ الثرى موذّر
راسك گطيع وداميِ المنحر
جسد مذبوح!



#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#ليلة_العاشر

حال مولاتي زينب عليها السلام ووداعها مع الأحبة ...

(وزن الفايزي/طور البحراني)

هذا الوَداع اصعَب وَداع عْلى العقيله
مِجتَمعه بيهِ الدّمعه وِهموم الثّگيله

١/بين الخيم تتنقّل وتلطم عَلى الرّاس
من شدّةِ الهم والألم مجروح لاحساس
تنعى الأحبّه بْكل نفس وثگيله لانفاس
تستحضر الأخبار والمدمع تِسيله

٢/تمشي وظهرها منحني وچن عالمُتون جْبال
سكته تِوِن حد ما إجت يم خيمةِ الكفّال
من دِخلَت عْلى الكافل الوَنْ والبَچي طال
گالتله ضُمني بْباقي ساعات القليله

٣/ضَمْها الكفيل وعينه صبّت جَمْرِ لاعبار
وْگلها اعذِريني ما تِظَل يمنه وَلا يْسار
مو بيدي لو أسكت إذا يتسلّب خْمار!
وْمنّ الضَّرُب لو صارتِ مْتونچ عليله!


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#يوم_العاشر

صورة شعرية.. لسان حال العقيلة زينب عليها السلام عند جسد المولى صلوات الله وسلامه عليه ....

(طور في وينه راسك)

١/جسمك تِخضَّب
وْخدري تِسَلَّب
خويه لَتِعجَب
هاي آنه زينب

٢/ما ظل الي خْمار
وْمرعوبه لزغار
بْكلّ الخيم نار
وايتامي تنحب

٣/ضربولي لمتون
سطرولي لعيون
لا ما يِرِحمون
متني تٍعذّب

٤/دارَوا عَلينه
ها يا ولينه
بْغُربه بُقينه
والحاله تصعب



#عظم_الله_أجوركم ◾️

فاطمة علي رزق
اسألكم الدعاء

عظم الله أجورنا بمصابنا بالحسين عليه السلام، وجعلنا وإياكم من الطالبين بثاره مع وليه الإمام المهدي من آل محمد (صلى الله عليه وآله )

#قصائد_في_خدمة_الخطباء
#محرم_١٤٤٦
#مصائب_الهاشميات

صورة شعرية: كأني بفاطمة الصغرى بنت الحسين على أبيها وعليها السلام عند جسد أبيها ...

(طور عاري حبيبي عالغبره)

١/ليش بْلا راسك صاير
وبيك آثار مْنِ الحافر
يا بويه منهو الخَضَّب جَمالك!

منهو الگطّع چفّينك
وين يْسارك وِيْمينك
يالغالي لا مو هذا حالك!

جروحك كثره يا بويه شْجَرى؟
گبالي جسمك دامي منحره!
وضلوعك أظنها مْكسّره!
وگلبك الحنون عْلى الثّرى

طريح .. فوگ التّربان گبالي
طريح .. بْدونك ما أصعب حالي
طريح .. منهو بعدك يبگالي

٢/بويه گوم انهض ليّه
گبلن أمشي مسبيه
جابوا يبويه لحبال الينه

ما همني اللّي يِسبيني
وما همني اللي يْأذيني
گلبي عَلى فراگك وِنينه

ها يالعَوَّدِتني عْلى الدّلال
خلهم يِگَيْدوني بالحِبال
وخلها تضرب مْتوني الرّجال
بسّ الصّعْبه اعوفك عالرِّمال!

حسين .. بنتك آنه كلّمني
حسين .. گوم وبس مره ضمني
حسين .. فراگك تدري يألّمني



#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#مصائب_الهاشميات
#ليلة_الحادي_عشر

صورة شعرية: بين مولاتي زينب عليها السلام وسيد الشهداء صلوات الله وسلامه عليه ليلة الحادي عشر من المحرّم وهي في خيمتها مع النساء والأطفال....

[قصيدة عمودية]

سكونٌ عمَّ وانقطعَ الكَلامُ
وفوقَ الأرضِ ما زالَ الإمامُ

وهذي زينبٌ في ما تبقّى
من الخيم اعتلى منها السّلامُ

سلامٌ أرسَلَتهُ ببعضِ دمعٍ
وسرًّا إن بكت ليست تُلامُ

ففي باب الخيامِ ترى رجالًا
وأمسُ ببابها وقفَ الكرامُ

حُسينٌ في الفلاةِ على تُرابٍ
ينامُ فكيفَ تغفو أو تنامُ!

علت منها سلامٌ يا حبيبي
على جسدٍ تؤلّمهُ السِّهامُ

ألا دعني إليكَ أبثُّ شكوى
وأبدي بعضَ ما ارتكبَ اللّئامُ

مَضَوا بالرّأسِ عنّي واشتياقي
إلى عينيكَ يجرحُهُ الظَّلامُ

فليتكَ تؤنسُ القلبَ الّذي لم
يجد أنسًا فأنتَ لهُ المرامُ

وليتكَ تنظر الأيتامَ حولي
وتشهدُ كيفَ تظلمُ أو تُهانُ


#عظم_الله_أجوركم ◾️


فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#مصائب_الهاشميات
#ليلة_الحادي_عشر

صورة شعرية: كأني بمولاتي زينب عليها السلام تخاطب سيد الشهداء صلوات الله وسلامه عليه...

١/حل يخويه الليل وانته عْلى التّرايب
وْبيّه ما ظل حيل من كثْر المصايب
گلبي من لِهموم مثْلِ عْيوني ذايِب
وكُلها حولي ايتام تبچي من النّوايب

٢/مرّه اسكّت طفله تسألني الأبو وين؟!
ومرّه من لايتام انشّف دمعةِ العين
مرّه بالأحباب اعزّيها النّساوين
ومرّه باب الخيمه من خوفي أراقب

٣/سكنه گالَتلي يَعمّه بْصوت تعبان
بويه ماي انطوه لو لسّاه عطشان!
چفّنو لو بعده عاري بْلايه أچفان؟!
مْنِ سْمَعِتْها تْحَيَّرِت وِشْلون اجاوب!!

٤/والكِسَرني أكثر وأذّالي لاحساس
سَرِّحَوْا للكوفه ظُهْرِ العاشر الرّاس!!
نظره بسّ بْوَجهك تْرِدّلي لانفاس
حتّى من نظره ترى حِرمَتني لاجناب

#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#مصائب_الهاشميات
#يوم_الحادي_عشر

[قصيدة عمودية]

بكت والخدُّ من دمعٍ أُذيبا
وأعلت فوق ناقتها النحيبا

أشارت نحوهُ للجدّ تشكو
أيا جدّاهُ ما دفنوا الحبيبا

حسينٌ بالعرا تركوهُ مُلقًى
خضيبَ الجسم مذبوحًا سليبا

بلا غسلٍ عليه الرّيحُ تسفي
ومنهُ القلبُ يا جدّي أُصيبا

وإنّا بعدَهُ صرنا سبايا
وإنّ العينَ قد رأت العجيبا

فما بين الأجانب قد أُسِرنا
وكان اللهُ في البلوى حسيبا

رجوتُ أحبّتي لكنني مِن
نحورٍ لي نداءٌ قد أُجيبا

تركتُ على تُراب الطّفّ قلبي
بحزنٍ دائمٍ ينعى الغريبا

مشيتُ أُديرُ طرفي في وداعٍ
عساني بعدَهُ آتي قريبا


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#مصائب_الهاشميات
#يوم_الحادي_عشر

لسان حال العقيلة زينب عليها السلام لسيد الشهداء عليه السلام وهي على الناقة....

١/مِشيت وگلبي باقي يالأخو وْياك
تِركته عْلى الرّمل يحسين ينعاك
سباني اللي عَلى التّربان خلّاك
وگيّدْلي چُفوفي گوّه بحبال

٢/أريدن أعتذر منّك يغالي
أودعك من بَعيد وْهذا حالي
أغيب وصورِتَك تُبقى عْلى بالي
صوره لْنَحرك وْصوره لِلَاوْصال

٣/ما أنساك ابد يابن امّي يحسين
وْبِوْداعَك أصبها دمعةِ العين
لا تسألتي خويه ماشِيَه وين؟!
جَوابي يصعب وْآنه عْلى هالحال



#عظم_الله_أجوركم ◾️

فاطمة علي رزق
اسألكم الدعاء

نهدي ثوابها للسُّعداء..

بصوت الشيخ عبدالله الروماني

#عظم_الله_أجوركم ◼️