الفجر 💕

تعالوا نحجي ويه عقلنا شوي 🧠

ونشوف شنو الحلول 🤔⚠️

تخيل وانتَ في وسط تعب قرايتك..
يجي شخص ويگلك لا تخاف اني راح اساعدك اگدر انجحك، انت بس اقرا و امتحن و انا أمشيلك أمورك.

ولله المثل الاعلى {قَالَ لَا تَخَافَا إِنَّنِي مَعَكُمَا أَسْمَعُ وَأَرَى ٰ﴾

راح ترتاح وقتها، و الحِمل تحسه أخف، و راح تبدأ اطبق شرط هالشخص إنّك فقط تقرا و تدخل الامتحان لا أكثر لأن عقلك تبرمج وراح تَطْمَئِنُّ اكو شخص يمشي أمورك
تمام بس شلون يعني اموري تمشي بأمان؟ شنو اسوي؟!…

قال تعالى: { وَأَن لَّيۡسَ لِلۡإِنسَٰنِ إِلَّا مَا سَعَىٰ}
الله طلب منك السعي فقط! ما طلب أي تخمين مستقبلي أو تحليلات..

وبعدين؟

{ وَأَنَّ سَعۡيَهُۥ سَوۡفَ يُرَىٰ}

ممكن أي دكتور ماشايف تعبك ومستحيل يصدگك، ولكن رب العزة يگلك أنا شايف أدقّ شعور والتعب الي بداخلك!
وبعدها يارب شنو راح يصيرلي ؟

{ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ}

يا الله على المواساة اللي ماكو أحنّ منها!
جواب واضح وصريح من الله عز وجل ألك كافي إنّ يطمن قلبك

ف والله إن حُسن ظنك بالله وثقتك بيه هي مفتاح راحتك

سُبحَان الذي إذا ذَكرتَهُ ذكَرَك ، و إن شكَرتَهُ زادَك ، و إن توكّلت عليه كفَاك ، سُبحانَ الله وَبِحمدِه ، سُبحَانَ الله العَظِيم