قصيدة الى مولاتي فاطمه العليله ع


عافوچ عافوچ ها يروحي
عافوچ عافوچ ها يروحي
💔💔😭💔
كل الٔاحبهم هاجرو عني مشو عافوني
كل الٔاحبهم سافرو آه أرحـلو تركـونـي
بگلبـي أحس أنه كسر
محــد بعـد بيــه يمــر
تحرگ حرگ نار الهجر
كل الٔاحبهم مادرو گلبي نكسر جـافوني

عافوچ عافوچ ها يروحي
عافوچ عافوچ ها يروحي
💔💔😭💔
عزاز گلبي لنينوى راحو سوى فد مـره
عزاز گلبي بالجرى محد درى بـالكسره
متألمه روحي بكل كتر
وبگـلبي نــاري تستعـر
بس بالٔابــو حـار الفكر
عزاز گلبي عــالثرى بــاچر ترى ياحسره

عافوچ عافوچ ها يروحي
عافوچ عافوچ ها يروحي
💔💔😭💔
آه الاودهم بالغرب الاكثر صعب يظلموهم
آه الاودهم عالترب وبـلا شرب يخـلـوهم
حــسيني بالطف ينذبح
وعباسي راسه عـالرمح
وگــلبي لجلهم منجرح
آه الاودهم بالحرب. بنص الدرب يرموهم

عافوچ عافوچ ها يروحي
عافوچ عافوچ ها يروحي
💔💔😭💔
كل الأهل نادت إله أبو المرجله أنريده
كل الأهل المدلله هم شايـله ووحيـده
عبــاس وحسينـه قتيـل
كــــل البنات بــلا كفيــل
بــالهيمه والمدمع يسيـل
كل الأهل بكـربله بنص الفله بـالبيـــده

عافوچ عافوچ ها يروحي
عافوچ عافوچ ها يروحي
💔💔😭💔

تمت والحمد لله
بقلمي المتواضع
✍ للشاعرة وخادمة الحُسين
رقية العامري

يخويــــــه رهنت عمري بعد شر هن
وعلي الخيــــــــاله ماينجرع شرهن
والشمر روسكم بـــــالشمس شرهن
بهالوضع خويه الحزن خيم عليه

بقلمي المتواضع
✍ الشاعرة رقيـــــة العامـــــري

قصيدة الى سيدتي ومولاتي الحوراء زينب عليها السلام


ها يدنيه... ماطخ الچ أنه الراس
ها يدنيه... وداعت كفيلي العباس
مو أني الانذل وانكسر تـدريني
وداعت علي يـادنيه متذلينــي
هــا يــدنيه هـــا يـــدنيه
===============
يـــا دنيــه أنه أم الخدر للصبـر عنوان
علمني أبـوي المرتضى وسيد الأكوان
ما انكسر ماانحني شمـا كثـرت أحزان

مثل الجبل لا مااطيح
يادنيه سمعيني أصيح
مــاانحني و ما انكسر
هوا الجبل ميهزه ريح
هـــا يدنيــــــه هــــا يدنيــــــه
===============
الهاشميه أنه تره من ظهر أبو حسين
وأمي الـزجيه فـاطمه ست النساوين
ذليتچ بصبـري شكثـر وبهايه تــدرين

تــذليني لااا يــادنيتي
فهميهه هـاي حچايتي
هيبة علي وبت النبي
خشمچ اكسره بهيبتي
هــــا يدنيــــه هــــا يدنيـــــه
===============
الساده بيــه تفتخر علَ القـدميته
صــوتي أبــد بنينـوى مــا طلعيته
بطف كربله يادنيتي ظهرچ حنيته

تحــنيني هــذا المستحيل
تدريني بت حامي الدخيل
تعـرفين أخت انــه منــوو
انــه أخت عبــاس الكفيـل
هــــا يدنيــــــه هــــا يدنيــــــه
===============
واصل صيتي للسمه ومكانتي معروفه
من دخلت بهيبتي زلزلت أرض الكوفه يطلبون باچر رحمتي الگالولي مچتوفه

كل ضالم بيوم الحشر
من عندي يطلب العذر
وأرجـع أميــره مـدلله
وانــي الاذلنــه الشمـر
هـــا يدنيــــــه هــــا يدنيــــــه
===============

تمت والحمد لله
بقلمي المتواضع
✍ للشاعرة وخادمة الحُسين
رقية العامري

مولاتي زينب عليها السلام وهي في خرابة الشام مع النساء والأطفال فكانت حزينه ومتعبه جدآ مما جرى في أراضي كربلاء فكانت جالسه في تلك الخرابه فغلبها النعاس فأغمضت عيناها فأتاها مولاي الإمام الحسين عليه السلام في عالم الرؤيا وكأني بلسانها تقول~~

أجاني حسين بطيوفي
وضل ينشد عن أحوالي
حضنته وگتله فرگاكم
صبح يــــاخويه چتالي
بجافكم ياأبو الأكبر
حيـــــــره تتبع حيره
ركضتي من الخيم صوبك
ســوتنــــي مره چبيره
يخويه منذبح شفتك
ومـاأوصفلك إحساسي
يخويه جبال متحمله
ضيم المـــر على راسي
أشوف بعيني من ذبحوك
وخــــاتم خنصرك سلبو
وهــــــــدو خيلهم فوگاك
وصـــدرك يالولي طحنو
آه يزينب هذا مو همي
ولا همني الذبـح والخيل
الذبحني طلعتچ خويه
هــــاي الهدمتلي الحيل
أشبـــــــاه الـزلم كلفه
يخــويه شاهدو طولچ
والهضمتني يـــازينب
حبل بيـــــدچ يشدولچ
ووحقچ كلفه ياخويه
غـــــربه تركبچ عالنوگ
ويــــادرت علي أنتي
چبيره يدخلــــوچ بسوگ
بچيت گتله خويه حسين
تراني حيـــــــــل تعبانه
وبعد من طببوني بسوگ
يخـويه لهسه خجلانه
عگبك وعگب عبــــاس
وعلي كلشي صبح ضدي
ومن الحلم من فــــزيت
غـــريبه ورجعت وحدي

بقلمي المتواضع
✍ الشاعرة رقيــــة العامــــري

سـالفها أحچيها رايد لچن حكمتها قويه
العمر رحله بقطار ونعم يوگف يوم بيه
أبتدت أنه رحلتـــي مو مثل هاي البقيه
أبتدت آنه رحلتــــي ويه التعشگه رقيه
شو تالي الليل گـاعد أجت أبالي السبيه
قررت دفتري أطلعه أقره عن ذيچ لرزيه
أقره وسرحت بخيالي گامت ترجف إديه
غمضت شفت بخيـــالي بهيمه جثه رميه
شفت عالتل حرمه تلطم وعرفتها الزينبيه
خيام محترگه شفتها أطفال دمعتهم جريه
شفت حسين حبيبي يسلبــــــه إبن الرديه
يگطع بخنصره شفته والغـــريب عالوطيه
خاتمه سلبـــــــــــــــو منه وكلها تنده إليه
شفت حرمه تلم يتامه وعنها گالو خارجيه
سمعت واحد گال يلا هدو خيل الاعوجيه
حسين خلينطحن صدره راسه نريده هديه
شفت الشمر اللعين يـــــــذبح بابن الزچيه
لازم راسه ويصيح حــرگت گلب الهاشميه
من خيـــــــــالي فزيت منرعب من القضيه
ويـــه كل صفحه شفتها ناري بگلبي سريه
وبگلب مفجوع اگـــــول لعن الله آل اميه
الدفتر سديته وأنعـــه لإبن حامي الحميه
وادعي إلهي يعجل الحجه بطلتــه البهيه
ونــــاخذ بثـــــــــــــار حسين كلنه سويه
وهنــــا رحلتي تنتهي وتبقالي بس امنيه
وهــــــــــالشطر راح احچيه وهذا وصيه
بــــــراية علي يــــــاخذوني وكت المنيه
رايه صفره وبيها ايه ذكــر علي بيها هيه
وتخلص حيـــــــاتي وتــــراب ينهل عليه
وأول بشر يـــــــــــزورني حسين الشفيه
اللهم عجل لوليك الفرج
💔💔
أبـــــــو الحسن

أرسم ألطف بخيالي ردت أشوف
شنو يعني اليوم معناها الطفوف
شـــــو شفت ايتامه كاتلها خوف
شفت واحد شو موذرته السيوف
عاينت عــالنهر مشمرمه الچفوف
جيش كله أنذال مــابيهم عطوف
شفت حرمه متربه تزحف زحوف
تــــــــركض وتعثر ماتگدر تشوف
محيره تلزم منو ويـــــاهو تعوف
عجت ترابه وخيــــــــــــاله تلوف
الخيل منهو شوفه بگلبـــه تدوف
بين نـــــار وخيل ممنوع الوقوف
حــــــــرمه محتاره مابين الألوف
خيامها محترگه وصعبه الضروف
هيچ تعمل كـــــربله چا بالضيوف
💔💔
بقلمي المتواضع
✍ الشاعرة رقيــــة العامــــري

أرسم الطف بخيـــــــالك فد ثواني
وشوف زينب من شنو چانت تعاني
💔💔
بقلمي المتواضع
✍الشاعرة رقيــــة العامــــري

قصيدة اشتياق للإمام الحُسين ع
طور (لاحياة بلا عزاء) للرادود قحطان البديري
==============

مشتاكَ ازورك ياحُسين
وامشي بين الحرمين
كَلبي حن لزيارتك يابو علي
😭😭😭😭😭
من بعيد ارسل سلام .. الك يا نعم
الامام
اقبلهه من بعيد هاي زيارتي
ازورك اني من بعيد .. وانته تعرف شنهو
اريد
بس الك والزهره شوكَي ولهفتي

وحق عباس تره تجرح الفركَه
شكثر اشتاكَ يغالي والله للملكَه

مرت ايام وسنين
مانسيتك يالحنين
بحبك انه والله كَلبي منملي
كَلبي حن لزيارتك يابو علي
😭😭😭😭😭
امنيتي صارت ياحُسين .. امشي بين الحرمين
واشم ريحت حضرتك هاي امنياتي
مالي غيرك كل حبيب .. وانته لجروحي طبيب
واني الك نذريت عمري وكل حياتي

حبيبي انته وحق الطاهره الزهره
شكثر مشتاكَ اجي اتمشه بالحضره

كَلبي حن لزيارتك
اتمنه اشوفن كَبتك
زيارتك يحسين اقسمهه الي
كَلبي حن لزيارتك يابو علي
😭😭😭😭😭
الك مشتاكَ شكثر .. والله عذبني
الهجر
اتمنه اشوفنك ولو مره بمنامي
امنيتي اشوفن بالمنام .. بس ضريح وبي حمام
بشوفتك مولاي حلوه كل ايامي

ازورك والله هايه امنيه بدنياي
ذابحني حنيني وشوكَي يامولاي

حيل جارحني الحنين
ارد ازورك ياحُسين
ياحبيبي واغله كل ناسي وهلي
كَلبي حن لزيارتك يابو علي
😭😭😭😭😭
وحيد اني بلا أهل .. و بيك خليت
الأمل
بكلشي تدري وانته اعلم بالكَلب
ياابو كَلب الحنين .. تعرف كَليبي
الحزين
بين ناسي بس احس عايش غرب

امنيتي اجي يمك يابو السجاد
عذبتني غربتي والكَلب ما هاد

الغربه لا ماتنحمل
تعذب وتكتل كتل
بحالي تعلم انته يحسين الولي
كَلبي حن لزيارتك يابو علي
😭😭😭😭😭

تمت والحمد لله
بقلمي المتواضع
✍للشاعرة وخادمة الحُسين
رقية العامري

وكأني بلسان الإمام الحسين عليه السلام عندما نضر علي الأكبر مصوب بالسهام وملطخ بالدماء كأني بلسانه يقول...


نكسر گلبي نكسر مــــابين ظلام
علي الأكبر أشـوفه مترس سهام
الخصم ماعنــده غيره
حرت حيـــــره چبيره
ـــــــ❥❀✿❀❥ـــــــ❥❀✿❀❥ــــــــ
علي حيرني لمن طاح_ خــلاني أون سكته
حسين المايهزه الريح_ظهري يــاعلي كسرته
بقيت أتعثــــر بممشاي_ودربـــي والله تيهته
شحال الأبنه عـالغبره_وعده بعناده ذابحته

أنا الأبني نــــذبح بعنـــــادي ياناس
والحــــافر بعد فــــوگ الصدر داس
تــــــره بحر الضهيره
حـــرت حيره چبيره
ـــــــ❥❀✿❀❥ـــــــ❥❀✿❀❥ــــــــ
بهذاك الحر علي طايح_حاله يكسر الخاطر
صدره منملي بسهام_وعليه يدبج الحافر
هيل وهـاون يطحنه_تره هيچ بعلي صاير
طحنته طحن هالخيل_الخيل اعله الولد داير

مطشر روح أبــــــــــو وهاي هيه
علي مـــــــــــوذر بعد شيلمه إليه
أنـــــــا شيخ العشيره
حــــرت حيره چبيره
ـــــــ❥❀✿❀❥ـــــــ❥❀✿❀❥ــــــــ
مطحون الــولد مطحون_كسرني يالولد يومه
علي ذاكه الحلو طوله_الحرب غيرتها يرسومه
علي كشخت بني هاشم_فاضت بالدمه هدومه
الاكبر أبني يوم الطاح_أحس چن كعبه مهدومه

روحي مــــــــــوجعه وزداد وني
الكسر ظهري كسر عبـاس وأبني
الــــــوجه ألمن أديره
حرت حيــــره چبيره
ـــــــ❥❀✿❀❥ـــــــ❥❀✿❀❥ــــــــ
مطشرينه الولد طشار_وباقي عالرمل ظامي
حرت وجهي أديره منين_لعلي ماادري لخيامي
علي من كل كتر مجروح_ويضحك خصمي گـــدامي
وليــدي من إديه يــروح_چنت ماضنها بحلامي

اليشـــــوف إبنه ذبيح يشيب بساع
وأنا شفت الولد مطــــــروح عالگاع
بــــــــانفاسه الاخيره
حرت حيــــره چبيره
ـــــــ❥❀✿❀❥ـــــــ❥❀✿❀❥ــــــــ

تمت والحمد لله
بقلمي المتواضع
✍للشاعرة وخادمة الحُسين
رقيــة العامـــري

بصوت خــــــادم الزهراء
الــرادود المبدع والمتألق
زين العابــدين العامــــري

بويه أخذني حالي من حال البنات
خلني أروح هنـــــــه كلهن رايحات
وآنه دمـــوعي عـــــالخدي سايلات
للرحيل الحـــــــــرم كلها محضرات
ليش تتــــــركلي فقط بس ذكريات
وتــدري أحب هواي يالمت الخوات
ليش تعوفوني بــــويه لوحدي أبات
💔💔

بقلمي المتواضع
✍للشاعرة رقيـــة العامــــري

سؤال ♦️

- بعدكم ما مجهزين قصائد محرم 🙂
- محتارين شتقرون بمحرم ؟؟ 🤔
- ادورون قصائد تهز المجلس هز 😍👌

لا تحتار كلشي يمي جهزتلكم قصائد ال10 الاولى من محرم 👌 وكلمات تبجي الكلبه صخر وحسب جدول محرم شتردون بعد بس ندعولي 🙂👌

---------------------------------------------------------------------------------------------

- 1 محرم قصائد الهلال 🌙 👇
https://www.tg-me.com/+OyGOOSWms68zZWFi

- 2 محرم مسيرة الركب الحسيني 🐫 👇
https://www.tg-me.com/+bNkp-87b1I85OTgy

- 3 محرم - العليله 👇👇
https://www.tg-me.com/+ByYik9_F6Yk1OGZi

- 4 محرم - لام البنين 💔 👇👇
https://www.tg-me.com/+J7FBfTo4dkY4M2Ji

- 5 محرم - لمسلم ابن عقيل 😢 👇
https://www.tg-me.com/+EyPQW0Z34mAyOTVi

- 6 محرم - للانصار 👥👥 👇
https://www.tg-me.com/+vxPnqRwotZNmMWJi

- 7 محرم - للامام العباس 💔🖐️🖐️ 👇
https://www.tg-me.com/+n8K4heOrZno4NjQ6

- 8 محرم - للقاسم 🤵💔💔 👇
https://www.tg-me.com/+OqFYyp1B_SAzNTNi

- 9 محرم - لعلي الأكبر 😓🥀 👇
https://www.tg-me.com/+V8-KC13QlLE0Mzcy

- 10 محرم - المصيبه الاعضم للحسين 💔😭😭 👇
https://www.tg-me.com/+chEnTex7_L9lODYy

♦️" باجر حروف القصيده بضلمتي يصيرن ضوه "♦️

روحي اشتهت ملگاك ياكافل أم عون
لزيارتك حنيت حيــــــره أصبر شلون
💔💔

بقلمي المتواضع
عاشقة أبا الفضل الشاعرة رقية العامري

يــابو صالح والله حيره
شــــوكت تعجل الضهور..
أضهر وعـــــــاين يمهدي
الخلگ كـــــــاتلها الغرور..
أضهر يـــــــــمهدي أضهر
خلصنه من هــــذا الجهل..
روحـــــــي تعبت يمهدي
وحق عبــــــــــاس الكفل..
بجدك أحلفك كون تضهر يموعود
لهالضلم يــامولاي بس أنت رادود
اللهم عجل لوليك الفرج
💔💔
بقلمي المتواضع
الشاعـــرة رقيــــة العامـــري

✅ مؤسسة بني هاشم عليهم السلام ✅


- جاي محرم وتريدون قصائد متنوعة بالاطوار بقلم زينبي؟ 🤔🔥
جبتلكم نصوص مناسبة للرواديد والملالي دخلوا وحضروا لمجالسكم 👇👇👇


♦️ https://www.tg-me.com/HH_7W15 ♦️

- للانضمام للدعم المراسله هنا 👈 { مَٰـُـٰٓحَٰـُمَٰـُـٰد تٌقُيْ " 3‌1‌3‌ " }

✅ مؤسسة بني هاشم عليهم السلام ✅


- جاي محرم وتريدون قصائد متنوعة بالاطوار بقلم زينبي؟ 🤔🔥
جبتلكم نصوص مناسبة للرواديد والملالي دخلوا وحضروا لمجالسكم 👇👇👇


♦️ https://www.tg-me.com/HH_7W15 ♦️

- للانضمام للدعم المراسله هنا 👈 { مَٰـُـٰٓحَٰـُمَٰـُـٰد تٌقُيْ " 3‌1‌3‌ " }

سؤال ♦️

- بعدكم ما مجهزين قصائد محرم 🙂
- محتارين شتقرون بمحرم ؟؟ 🤔
- ادورون قصائد تهز المجلس هز 😍👌

لا تحتار كلشي يمي جهزتلكم قصائد ال10 الاولى من محرم 👌 وكلمات تبجي الكلبه صخر وحسب جدول محرم شتردون بعد بس ندعولي 🙂👌

---------------------------------------------------------------------------------------------

- 1 محرم قصائد الهلال 🌙 👇
https://www.tg-me.com/+OyGOOSWms68zZWFi

- 2 محرم مسيرة الركب الحسيني 🐫 👇
https://www.tg-me.com/+bNkp-87b1I85OTgy

- 3 محرم - العليله 👇👇
https://www.tg-me.com/+ByYik9_F6Yk1OGZi

- 4 محرم - لام البنين 💔 👇👇
https://www.tg-me.com/+J7FBfTo4dkY4M2Ji

- 5 محرم - لمسلم ابن عقيل 😢 👇
https://www.tg-me.com/+EyPQW0Z34mAyOTVi

- 6 محرم - للانصار 👥👥 👇
https://www.tg-me.com/+vxPnqRwotZNmMWJi

- 7 محرم - للامام العباس 💔🖐️🖐️ 👇
https://www.tg-me.com/+n8K4heOrZno4NjQ6

- 8 محرم - للقاسم 🤵💔💔 👇
https://www.tg-me.com/+OqFYyp1B_SAzNTNi

- 9 محرم - لعلي الأكبر 😓🥀 👇
https://www.tg-me.com/+V8-KC13QlLE0Mzcy

- 10 محرم - المصيبه الاعضم للحسين 💔😭😭 👇
https://www.tg-me.com/+chEnTex7_L9lODYy

♦️" باجر حروف القصيده بضلمتي يصيرن ضوه "♦️

السلام عليكم اولاد علي شلونكم 😊❤️

- تريد نشر حسيني قمة في الابداع والتميز 😍 👌
- قناتك حسينية وماعندك وقت تنشر بيها 📩 🍀

♦️ سويتلك بوت نشر حسيني ينشر اجمل الاقوال والعبارات الي تخص العشق الالهي والمحمدي كل الي عليك ارفعه مشرف بقناتك وشوف النشر 🙂👌

✅ طريقة تفعيل البوت : بالبدايه ارفعه مشرف بقناتك وانوب دز رابط قناتك بداخل البوت 👇

البوت 👈 { @ALnashr_1bot }

ملاحظة : البوت حته يصعد مشتركينك 🙂📊👌

يا علي

نشر قصائد محرم الحرام 2025 هنا 👇🙂
https://www.tg-me.com/Lahthat12