💛 Allohning taqdiriga ko'nish qanday rohatli...

🔹 Shuncha harakat qilib kelsangiz ham poyezd/samalyotga ulgurmadingiz; 3-4 yil ingliz tilini o'rganib IELST'dan 5-5.5 oldim...

😔 Aslida yuqoridagi misollardan juda ko'piga hayotimizda duch kelamiz va o'zimizcha o'ylaymiz: "Agar unday qilmaganimda, bunday bo'lardi va h.k". Lekin bilmaymizki hayotimizdagi barcha hodisalar Allohning xohishiga ko'ra amalga oshadi.

🎯 Eng yaxshisi esa "Allohning taqdiri ekan samalyotga kech qoldim", "Alloh bundanda yaxshiroq narsalarni menga ravo ko'rgani uchun ham IELTS'dan pastroq baho oldim" kabi xulosalar qilish orqali quyidagilarga erishamiz:
1. Avvalo Allohning taqdiriga ko'nganimiz uchun savob va Allohning muhabbatiga erishamiz inshaalloh.
2. Ko'nglimizdagi turli g'ashliklar ketadi. "Nasib qilmagan ekan shunday bo'lmadi" deb "omadsizlik"larni osonlik bilan qabul qilamiz.

☺️ 2014-yil o'qishga kirolmay yiqilgan paytimda bu dunyodagi eng baxtsiz insonlardan biriman deb o'ylagan edim, lekin mana shu yiqilishni menga berilgan ne'mat ekanligini keyinchalik anglaganman. Bu haqida ham keyinchalik aytib berarman.

✅Tavsiya: Allohning taqdiriga ko'ning, shunda ancha ko'nglingiz taskin topadi.

⚠️ Diqqat! Taqdirga ko'nish deganda imtihondan yiqilib bori shu ekan deb ortga qaytish kerak emas, imkon qadar maksimal harakat qilish va kelgan natijani ijobiy qabul qilish kerak.

@VMblogi

1Fit'dan foydalanish bo'yicha qo'llanma

1️⃣ Birinchi navbatda 1Fit dasturini yuklab, o'rnatasiz. Ro'yxatdan o'tishingiz bilan sizga dastur hodimlari aloqaga chiqishadi. Ular keyingi amallarni qilishingizda ham yordam berishadi.

2️⃣ O'zimni holatimda 1Fit'dan 1 yillik abonementni Uzum Nasiya orqali 4 920 000 so'mga 1 yilda bo'lib to'lashga, hech qanday foizlarsiz oldim. Shunda oyiga 410 ming so'mdan ulangan plastik kartamdan pul yechim oladi. Uzum Nasiyadan boshqa dasturlar orqali ham abonementni olishingiz mumkin.

3️⃣ Menga yaxshilik qilish niyatingiz bo'lsa abonement sotib olish paytida meni promo kodimni kiritib ketishingiz mumkin: WMTEAM95. Shunda sizda hech qanday o'zgarish bo'lmaydi, lekin menga +30 kun sovg'a qilasiz. Rasmda qayerga promo kodni kiritish ko'rsatilgan.

✅ Menga 1Fit ni eng yoqqan tomoni endilikda men 1 oyga 410 ming so'm to'lab o'zim istagan vaqtda turli sportlar bilan shug'ullanishim mumkin, masalan, haftani toq kunlari workout, juft kunlari suzishga va yana qaysidir kuni stol tennis, kamondan otish, ot minish va h.k.

😎 Axad aka aytganidek sport bilan shug'ullanish bizni turli kasalliklarsiz, sog'lom turmush tarzi bilan barakali hayot kechirishimizga ko'makchi bo'ladi.

@VMblogi

Kitob oʻqish boʻyicha chelenj

📖 Bugun bir haftada tugataman deb shu kitobni oldim. Nasib qilsa bir haftada tugatamiz va keyingi shanba kuni kitobdan olgan xulosalarimni sizlar bilan boʻlishaman.

@VMblogi

Kitobni tugatish nasib qilmadi. Endigina 104-betga keldim, bu hali 1/3 ham emas 😅.

Lekin deyarli har kuni kitob oʻqiyapman. Nasib qilsa davom etamiz 💪.

@VMblogi

Qorning boʻlsa changalda shoʻrva 😁

💪 Meni zalga chiqishim va tinimsiz ishlashim kerakligi haqida bortib chiqqan "qorincham" sababchi. U mening motivatsiyam 😅

@VMblogi

Hayot qoidalari o'zi juda oddiy, o'zimiz uni murakkablashtiramiz
#xulosa

Fikrimni oddiy misol bilan ifodalashdan boshlamoqchiman, aytaylik biz ingliz tilini o'rganishimiz kerak. O'rganishni oddiy qoidasi kerakli usullarni intizomli ravishda qilib borish, bunda sizga hech qanday sehrli kitob emas shunchaki mehnat qilish kerak bo'ladi. Lekin buni o'rniga esa biz YouTube'dan soatlar yaxshi o'rganish bo'yicha videolar qidiramiz, turli kurslarni izlaymiz va h.k.

Dangasalikdan qutilish uchun ham "erinmasdan" dangasalikdan holi bo'lishga ko'mak beruvchi videodarslar, qo'llanmalar izlaymiz. Biroq dangasalikning yagona yechimi maqsad qo'yish va vaqtni bekor ketkazmasdan mehnat qilishdir.

Ushbu aytayotganlarim o'zimda juda ko'p bo'ladigan holatlardan, biror nimani o'rganaman deymanu tonnalab videolar, kitoblar jamlayman va ko'pincha o'sha narsani o'rganishda samarali natijaga erishmayman. O'zi biror nimani o'rganishda o'sha narsani mohiyatini anglash (bu haqida haliroq yozaman) va o'sha maqsad bo'yicha minamal natijalarga erishishga harakat qilish kerak deb o'ylayman.

Xulosa: Hayot oʻzi oson, oʻzimiz qiyinlashtirib muammolar yaratamiz va yechim izlab oʻzimizni qiynaymiz 😅.

@VMblogi

Siz shunday qila olasizmi?
#xulosa

💣 Har safar granatani ko'rganimda Jasur kinosidagi shu lavha yodimga keladi va doimiy bir savol hayolimda aylanadi: "Shunday vaziyatda men bo'lsam askar qilgan ishni qilolarmidim?"

🤔 Bu savolga haqiqiy javob berish orqali qay darajada o'zimdan ko'ra atrofimdagi insonlarni o'ylashim haqida xulosaga kelishim mumkin.

👨‍🏫 Umuman olganda hozirgi turli zararli odatlar va chalg'ituvchi vositalar davrida millatimizni rivojlanishi uchun mehnat qiluvchi insonni videodagi askarga o'xshatish mumkin deb o'ylayman. Chunki hozirgi zamonamizning zamonaviy "jadid"lari millatimizni keraksiz narsalar bilan o'ralashib qolmasligi uchun harakat qilishyapti.

❔Endi sizga savol: "Askar qilgan ishni qilolasizmi? Hozirda atrofingizdagilarni asrash uchun o'zizni "bomba"ni ustiga otolyapsizmi?"

😢 Meni javobim: Men qilolmayapman, bunga loyihalarimga yaxshi e'tibor bermayotganimni isbot qilib keltirishim mumkin.

@VMblogi

Kitob tugatildi!

Qoʻrqma kitobini tugatdim. 220+ betni oʻqidim, qolganini esa audio formatda eshitib tugatdim. Qogʻoz kitobni Asaxiy Books'dan sotib olganim uchun ularning dasturida elektron va audio formatlari menga taqdim etilgan edi, shundan foydalanib audiolarini 1.6x tezlikda eshitib tugatdim.

ℹ️Asar haqida: umuman olib qaraganda yaxshi asar, tariximiz haqida ancha maʼlumot bergan ekan. Lekin yoqmagan jihati kitobni yozgan inson juda koʻp joylarda huddiki "oʻtlab ketgan" dek tuyulgani edi. Bunga sabab esa bobosi haqida gapirayotgan joyida birdaniga 70 talaba bilan biror joyga borgani qoʻshilib ketgan, bu uslub menga biroz qiyinlik va kitobni tugatishimga toʻsqinlik qildi. Lekin kitob oʻqishingizga arziydi deb oʻylayman!

😎 Men bergan baho: 🌟🌟🌟⭐️⭐️

@VMblogi

Salomatligim haqida oʻylashni boshladim
#xulosa

🗓 2023-yil iyul-sentabr oylarida Vohada xizmat safari bilan boʻlgan paytlarimda ovqatlanish tarzim keskin oʻzgargan edi. Oʻzi uncha goʻshtga qiziqmaydigan odam boʻla turib, u yerlarda deyarli 3 oy davomida juda koʻp goʻshtli ovqatlar isteʼmol qildim.

😔 Ovqatlanishim keskin oʻzgargani va Termizning ob-havosi menga uncha yoqmaganligi yuzimda turli xusnbuzarlarni koʻpayganligi orqali namoyon boʻldi. Xusnbuzarlardan qutilish uchun yil oxirrog'ida teri shifokoriga borishni va davolanishni boshladim. Davolanish ancha foyda berdi va doimo shifokor dieta qilmasam xusnbuzarlardan qutulish qiyin boʻlishini taʼkidlardi. Imkon qadar dieta qildim, ora orada dori va ukollar olib turdim, bu narsalar esa jonimga tegdi. Chunki organizmim dorixonaga aylanayotgan edi.

💪 2024-yil may oylarida youtube'da "Biz notoʻgʻri dieta qilyapmiz" podkastini eshitib qoldim va Axad akani gaplaridan soʻng "davolanish"ni doktor oldida emas zalda davom etishim kerakligi haqida oʻylab qoldim. Va shu oyning oʻrtalarida zalga chiqishni boshladim, bu haqida oldinroq maqtangan edim.

🍽 Ayni kunlarda ham dieta va sportga imkon qadar eʼtibor beryapman. Haftada 3 kun zalga boraman, deyarli umuman non yemayapman. Dietam ham juda keskin emas, koʻpincha "qoidalarni buzyapman". Lekin natija yaxshi 1 oy ichida 96 kg dan 90 kg ga kamaydi va oʻzimni ancha yengil his qilyapman. Jigar va boshqa aʼzolarni tabiiy tozalash boʻyicha videolar koʻrib, kerakli mahsulotlarni doimiy ovqatlanishimga qoʻshishga harakat qilyapman. Oʻzimga yoqqan maʼlumotlarni sizlarga ham ulashib turaman, inshaalloh.

@VMblogi

Ayni paytda ushbu audio kitobni ham tinglayapman. Tugatib xulosamni yozaman.

🔉 Morrining seshanba darslari

📝 Tahrir (24.06.24): Kitob nomidan pedagogik mahoratni oshirishga oid kitob boʻlsa kerak deb qiziqdim va deyarli 1/4 qismini audio formatida eshitib chiqdim. Ming afsuski men kutgan kitob emas ekan, shu sababli davom etishdan ma'no yoʻq deb oʻylab kitobni shu qismida tugatdim.

@VMblogi