#Оҳори тўкилмаган туйғулар
У билан бир хонада ўтирардик. Хона-ку тор, лекин кўнгиллар кенг эди. Шкаф, жавон, иш столию стуллар камига хона гуллари ҳам шу чоғроқ иш ерига ярашиқли турарди. Ёшимиздан улуғроқ бинонинг жиҳозлари ҳам ҳаминқадар, чироқлари кайфиятсиз одамдек тунд йўлаклар… аммо ишонинг, кўнгилларимиз ёп-ёруғ эди. Зеро, ишхонага биз ишлагани эмас, яшагани борардик...
Бир куни хонага кирарканман, у саломимга алик олар олмас, "Сизни Фурқат ака чақиряпти", деди жиддий. Фурқат ака Эргашев “Ватанпарвар” замредактори (беқиёс шоир ҳам), бекорга одамни жойидан безовта қиладиган эмас, демак жиддий сабаб бор деб ўйладим. "Нимага? " десам, ҳамхонам "Билмайман" деди клавиятурасини чиқиллатганча. Ҳамма мақолани топширганман, ҳафталик режаларни бажараганман, дея ўзимга ўзим ҳисоб топшириб, муҳаррир ўринбосари эшиги олдига етиб бордим. Эшикни аста қоқиб, ичкарига кирдим. Фурқат ака саволомуз нигоҳимга савол назари билан боқди. Сўнг:
- Чақирган экансиз, - дедим секингина.
- Чақирган эканман... Ҳа, ҳойнахой сизни капитан Ҳожимуродова юборган бўлса керак.,- деди одатича хотиржам. – Ундай бўлса, ҳаммаси жойида экан, деб қўяверинг– деди ўзиними меними ҳижолатликдан чиқармоқчи бўлиб.
Ҳа, деганда бирон нарса хаёлимга келмай, каловланиб хонадан чиқарканман, хонага киришим билан бу қиз қурғур капитан Очилов билан қаҳ-қаҳ урганларидан ўзимга келдим. Ва мени калака қилган дугонамга қараб, "Гулнор!!!" дедим.
Бироқ ишонинг, қалбим зарра ҳам озор топмади.
***
Ишдан уйга қайтарканман, қўл телефонимга кўринмас рақамдан қўнғироқ бўлди. Олсам ингичка овозли қиз.
- Лаббай
- яхшимисиз, мен газетага шеър бермоқчи эдим.
Рости ишдан қайтаётганингда бунақа нозииик овоз ҳам қулоғингга бузилган скрипканинг овозидек эшитиларкан. Истамайгина:
- Яхши, - дедим.
- Шунга олдингизга қачон борсам бўлади? - деди, ҳозир гаплашишга вақтинг борми ўзи йўқми демай, шеър ёзгич.
- Ҳа мана, эртага олиб келинг унда. Бугун кеч бўлди энди.
- Воййй бунча зўр. А… қанча бўлади? - деди дабдурустан.
- Нима қанча? - дедим бирдан рангим бўзариб.
- Чиқариш...ингиз, - деганини биламан, жаҳл билан,
- Нима, бирон марта газетамиз пул олиб шеър чиқаради, деб эшитганмисиз?!, - дедим жиғибийроним чиқиб. У бўлса ўзини оқламоққа тушиб кетди. Лекин энди уни эшитишга қулоғим бардош бермас, унга яна нималар дедим билмайман. Ҳайдовчи ҳам ҳайрон, авзойимни кўриб олди ойнасидан хавотирланиб қараб қўяди. Энди шеър ёзгичнинг адабини обдон бераётгандим, кутилмаганда яна ўша қаҳ-қаҳа жаранглади. Мен эса бирдан:
"Гулнор!!!" дедим ва негадир елкамдан тоғ ағдарилгандек, унга қўшилиб шарақлаб кулиб юбордим.
***
Аслида унинг бундай "безориликлари"га кўп ва хўб тушганмиз. Лекин ишонинг, ҳар гал эслаганимда дилимга бир ҳузур, юзимга ним табассум югуради. Зотан, сиз билан елкадош, сафдош, замондошу, заминдош бўлган дўстни мана шундай эслаш, соғиниш ҳар икки инсон учун ҳам бахт, шундай эмасми?
***
Бугун у елкасига юлдузлари ярашган подполковник Ҳожимуродова. Ҳарбийларнинг ичида ўз сўзига, ўрнига, интизомига эга.
Бироқ, у мен учун ҳамиша ўша-ўша юзида шумликка яқину, озордан узоқ, юрагингни бемалол ёза оладиган, сени жимгина тинглай оладиган, ёдингга тушганда соғинганингни билдирадиган — қадрли дугонамдир. 💚
У билан бир хонада ўтирардик. Хона-ку тор, лекин кўнгиллар кенг эди. Шкаф, жавон, иш столию стуллар камига хона гуллари ҳам шу чоғроқ иш ерига ярашиқли турарди. Ёшимиздан улуғроқ бинонинг жиҳозлари ҳам ҳаминқадар, чироқлари кайфиятсиз одамдек тунд йўлаклар… аммо ишонинг, кўнгилларимиз ёп-ёруғ эди. Зеро, ишхонага биз ишлагани эмас, яшагани борардик...
Бир куни хонага кирарканман, у саломимга алик олар олмас, "Сизни Фурқат ака чақиряпти", деди жиддий. Фурқат ака Эргашев “Ватанпарвар” замредактори (беқиёс шоир ҳам), бекорга одамни жойидан безовта қиладиган эмас, демак жиддий сабаб бор деб ўйладим. "Нимага? " десам, ҳамхонам "Билмайман" деди клавиятурасини чиқиллатганча. Ҳамма мақолани топширганман, ҳафталик режаларни бажараганман, дея ўзимга ўзим ҳисоб топшириб, муҳаррир ўринбосари эшиги олдига етиб бордим. Эшикни аста қоқиб, ичкарига кирдим. Фурқат ака саволомуз нигоҳимга савол назари билан боқди. Сўнг:
- Чақирган экансиз, - дедим секингина.
- Чақирган эканман... Ҳа, ҳойнахой сизни капитан Ҳожимуродова юборган бўлса керак.,- деди одатича хотиржам. – Ундай бўлса, ҳаммаси жойида экан, деб қўяверинг– деди ўзиними меними ҳижолатликдан чиқармоқчи бўлиб.
Ҳа, деганда бирон нарса хаёлимга келмай, каловланиб хонадан чиқарканман, хонага киришим билан бу қиз қурғур капитан Очилов билан қаҳ-қаҳ урганларидан ўзимга келдим. Ва мени калака қилган дугонамга қараб, "Гулнор!!!" дедим.
Бироқ ишонинг, қалбим зарра ҳам озор топмади.
***
Ишдан уйга қайтарканман, қўл телефонимга кўринмас рақамдан қўнғироқ бўлди. Олсам ингичка овозли қиз.
- Лаббай
- яхшимисиз, мен газетага шеър бермоқчи эдим.
Рости ишдан қайтаётганингда бунақа нозииик овоз ҳам қулоғингга бузилган скрипканинг овозидек эшитиларкан. Истамайгина:
- Яхши, - дедим.
- Шунга олдингизга қачон борсам бўлади? - деди, ҳозир гаплашишга вақтинг борми ўзи йўқми демай, шеър ёзгич.
- Ҳа мана, эртага олиб келинг унда. Бугун кеч бўлди энди.
- Воййй бунча зўр. А… қанча бўлади? - деди дабдурустан.
- Нима қанча? - дедим бирдан рангим бўзариб.
- Чиқариш...ингиз, - деганини биламан, жаҳл билан,
- Нима, бирон марта газетамиз пул олиб шеър чиқаради, деб эшитганмисиз?!, - дедим жиғибийроним чиқиб. У бўлса ўзини оқламоққа тушиб кетди. Лекин энди уни эшитишга қулоғим бардош бермас, унга яна нималар дедим билмайман. Ҳайдовчи ҳам ҳайрон, авзойимни кўриб олди ойнасидан хавотирланиб қараб қўяди. Энди шеър ёзгичнинг адабини обдон бераётгандим, кутилмаганда яна ўша қаҳ-қаҳа жаранглади. Мен эса бирдан:
"Гулнор!!!" дедим ва негадир елкамдан тоғ ағдарилгандек, унга қўшилиб шарақлаб кулиб юбордим.
***
Аслида унинг бундай "безориликлари"га кўп ва хўб тушганмиз. Лекин ишонинг, ҳар гал эслаганимда дилимга бир ҳузур, юзимга ним табассум югуради. Зотан, сиз билан елкадош, сафдош, замондошу, заминдош бўлган дўстни мана шундай эслаш, соғиниш ҳар икки инсон учун ҳам бахт, шундай эмасми?
***
Бугун у елкасига юлдузлари ярашган подполковник Ҳожимуродова. Ҳарбийларнинг ичида ўз сўзига, ўрнига, интизомига эга.
Бироқ, у мен учун ҳамиша ўша-ўша юзида шумликка яқину, озордан узоқ, юрагингни бемалол ёза оладиган, сени жимгина тинглай оладиган, ёдингга тушганда соғинганингни билдирадиган — қадрли дугонамдир. 💚
This media is not supported in your browser
VIEW IN TELEGRAM
#Kun iqtibosi
Har qanday vaziyatdan chiqishning bitta yo'li bor.
— Yashashda davom etish… 💚
https://www.tg-me.com/NARGIZA ASAD/com.Nargiza_Asad
Har qanday vaziyatdan chiqishning bitta yo'li bor.
— Yashashda davom etish… 💚
https://www.tg-me.com/NARGIZA ASAD/com.Nargiza_Asad
#Gazeta sahifalarida 📰
Jahon adabiyoti bilan ilk kez tanishuvimizda oʻzbek tarjima maktabining oʻrni katta boʻlgan. Bu yoʻlda Olim Otaxon, Jamol Kamol, Ibrohim Gʻofurov, Abdulla Sher, Vafo Fayzulloh, Оdil Ikrom, Oygul Suyundiqova, Muhabbat Yuldasheva kabi oʻnlab ustozlarning zahmati katta.
Qardosh xalqlar adabiyotida esa Usmon Qoʻchqor, Miad Hakimov, Bobohon Muhammad Sharif, Zuhriddin Isomiddinov, Shermurod Subhon, Ma’rufjon Yoʻldoshev kabi koʻplab tarjimonlarning mehnati bisyor.
“Yangi Oʻzbekiston” gazetasida ana shunday jarayonlar haqida ustoz tarjimonlar qatorida mulohazalarimiz berilgan.
Gazetaning ijodiy jamoasiga tashakkur.
https://www.tg-me.com/NARGIZA ASAD/com.Nargiza_Asad
Jahon adabiyoti bilan ilk kez tanishuvimizda oʻzbek tarjima maktabining oʻrni katta boʻlgan. Bu yoʻlda Olim Otaxon, Jamol Kamol, Ibrohim Gʻofurov, Abdulla Sher, Vafo Fayzulloh, Оdil Ikrom, Oygul Suyundiqova, Muhabbat Yuldasheva kabi oʻnlab ustozlarning zahmati katta.
Qardosh xalqlar adabiyotida esa Usmon Qoʻchqor, Miad Hakimov, Bobohon Muhammad Sharif, Zuhriddin Isomiddinov, Shermurod Subhon, Ma’rufjon Yoʻldoshev kabi koʻplab tarjimonlarning mehnati bisyor.
“Yangi Oʻzbekiston” gazetasida ana shunday jarayonlar haqida ustoz tarjimonlar qatorida mulohazalarimiz berilgan.
Gazetaning ijodiy jamoasiga tashakkur.
https://www.tg-me.com/NARGIZA ASAD/com.Nargiza_Asad
This media is not supported in your browser
VIEW IN TELEGRAM
#Уммон орзуси
Бир куни мактабда орзу ҳақида сўрашди. Мен, “денгизни кўришни истайман!”, дедим. Ўртоқларим, “Ўзбекистонда денгиз йўқ-ку”, деб кулишди. Аммо мен жимгина ният қилавердим…
Йиллар ўтиб, дунёга зеб берган денгизлар билан юзлашдим. Тўлқинларнинг сирли сасларини соатлаб тингладим. Уфққача туташ об-ҳаётнинг азим ривоятларига қулоқ тутдим.
Болаликдаги хаёлларимни мавжлар билан бўлишдим.
Бугун ёнингиздаги дўстнинг орзулари қолипларга сиғмаса, сархадлар ошса кулманг, ён беринг, йўл беринг, истагидек ҳаёти бўлсин.
Болангиз чўққилар расмини солса, беэътибор бўлманг. Далда бўлинг, мақсадлари сари етсин.
Зеро, денгиздек орзулари кун келиб уни уммонларга элтсин…
https://www.tg-me.com/NARGIZA ASAD/com.Nargiza_Asad
Бир куни мактабда орзу ҳақида сўрашди. Мен, “денгизни кўришни истайман!”, дедим. Ўртоқларим, “Ўзбекистонда денгиз йўқ-ку”, деб кулишди. Аммо мен жимгина ният қилавердим…
Йиллар ўтиб, дунёга зеб берган денгизлар билан юзлашдим. Тўлқинларнинг сирли сасларини соатлаб тингладим. Уфққача туташ об-ҳаётнинг азим ривоятларига қулоқ тутдим.
Болаликдаги хаёлларимни мавжлар билан бўлишдим.
Бугун ёнингиздаги дўстнинг орзулари қолипларга сиғмаса, сархадлар ошса кулманг, ён беринг, йўл беринг, истагидек ҳаёти бўлсин.
Болангиз чўққилар расмини солса, беэътибор бўлманг. Далда бўлинг, мақсадлари сари етсин.
Зеро, денгиздек орзулари кун келиб уни уммонларга элтсин…
https://www.tg-me.com/NARGIZA ASAD/com.Nargiza_Asad
This media is not supported in your browser
VIEW IN TELEGRAM
#Қадрдон маскан
Ота уйимга борганимда биринчи кўзим тушадиган жой – фарзандлар бурчаги. Ва ҳар гал бу менга ва оила аъзоларимга қандайдир сурур беради.
Дунёда бизнинг увоқдеккина ютуғимиздан тоғдек ғурурланадиган инсонлар бўлса, бу фақат ва фақат ота-онамиздир…
Мен учун бу жавон ҳамма китоб жавонларидан қадрли. Чунки бу ерга китобларимни дадам ва онам меҳр билан қўйиб чиқишган…
https://www.tg-me.com/NARGIZA ASAD/com.Nargiza_Asad
Ота уйимга борганимда биринчи кўзим тушадиган жой – фарзандлар бурчаги. Ва ҳар гал бу менга ва оила аъзоларимга қандайдир сурур беради.
Дунёда бизнинг увоқдеккина ютуғимиздан тоғдек ғурурланадиган инсонлар бўлса, бу фақат ва фақат ота-онамиздир…
Мен учун бу жавон ҳамма китоб жавонларидан қадрли. Чунки бу ерга китобларимни дадам ва онам меҳр билан қўйиб чиқишган…
https://www.tg-me.com/NARGIZA ASAD/com.Nargiza_Asad
#Акс
Бугун суратлар ичидан болаликдаги расмимни топиб олдим. Боғчада ўртоқларим билан расмчи амакига тушган эканмиз.
Нимадир ёқмаган шекилли тумтайибгина тушибман.
Даврнинг нафаси жажжи суратимда ҳам сезилиб турибди. Аммо барибир ота-онам бағрида кечган ўша беташвиш, маъсум даврни соғинаман.
Сизчи?..
https://www.tg-me.com/NARGIZA ASAD/com.Nargiza_Asad
Бугун суратлар ичидан болаликдаги расмимни топиб олдим. Боғчада ўртоқларим билан расмчи амакига тушган эканмиз.
Нимадир ёқмаган шекилли тумтайибгина тушибман.
Даврнинг нафаси жажжи суратимда ҳам сезилиб турибди. Аммо барибир ота-онам бағрида кечган ўша беташвиш, маъсум даврни соғинаман.
Сизчи?..
https://www.tg-me.com/NARGIZA ASAD/com.Nargiza_Asad
#Парвозли ёшлар
Тошкент вилояти Қуйи Чирчиқ туманида “Парвоз” адабий тўгарагини бошлаганимизга бу йил беш йил бўлади.
Шу кунга қадар ижодга қизиққан кўплаб ёшларимизни адабиёт майдонига баҳоли қудрат йўлладик. Республика миқёсида ўтказиладиган семинар ва танловларда фаол иштирок этишида йўл-йўриқ кўрсатдик. Энг муҳими, мактаб партасидаёқ қўлига қалам олиб ижод қилишга тутинган қаламкашлар дуч келадиган саволларга устозлар билан бугун ҳам имкон даражасида жавоб беряпмиз.
Шу пайтгача тўгаракда Муҳаммад Али, Яҳё Тоға, Тўлқин Ҳайит, Луқмон Бўрихон, Исажон Султон, Зулфия Мўминова, Аҳтамқул Карим, Салим Ашур, Назира ас Салом, Заҳро Ҳасанова, Ботир Эргашев, Кифоят Мансуровна, Рустам Жабборов, Зоҳиджон Олов, Мансур Жумаев, Кумуш Абдусаломова, Нодирабегим Иброҳимова, Алишер Боймуродов, Ҳулкар Шерзодова, Муқаддас Тайланова каби устоз адиблар ҳамда ёш ижодкорлар билан учрашувлар, “Гулхан” ва “Тонг юлдузи” тахририяти ходимлари билан суҳбатлар ташкил қилдик. Устозларнинг дуосини, ака-опаларининг адабиёт борасидаги тавсияларини олдик.
~~~~~~~~~~~~~~~~~~~~~~~~
Яқинда эса Ёзувчилар уюшмаси аъзоси, яхшигина ҳикоя ва қиссалар ёзиб танилаётган ёзувчи синглимиз Рахшона Аҳмедова билан тўгаракда суҳбат қилдик.
Рахшона “Орзу ва денгиз”, “Соябон остида”, "Тушунарсиз севги изҳори", "Севгим менинг, севгилим менинг" номли китоблар муаллифи. Шунингдек у, корейс саёҳатчиси ҲАН Биянинг "Дунёни уч ярим марта яёв кезганда" китобидан Ўзбекистон ва Африка давлати саёҳати ҳақидаги боблари, корейс ёзувчиси ШИН Кёнгсукнинг «Онамни асра» романи, корейс ёзувчиси ҲВАНГ Сунвоннинг корейс мактаби дарсликларига киритилган машҳур "Жала" ҳикояси ҳамда ўнга яқин корейс халқ эртакларини ўзбек тилига таржима қилиб улгурган.
Китоб жавонимда соғинганда ўқиб турадиган китобларим ичида Рахшонанинг “Соябон остида” номли китоби туради. Унинг мавзу топиш ва ёзиш услубидан ҳам кўра, ҳикояларидаги табиийлик, содда ҳамда самимийлик менга ёқади. Яъни асаридаги образларнинг ўзидан ҳам кўра, ҳаракатлари кўпроқ “гапиради”. Туйғуларингизга яхши маънода дахл қилади.
Шу куни суҳбатда фаол қатнашган ёшларимизни меҳмонимиз ўзининг мана шундай ажойиб совға китоблари билан сийлади…
Қуйида сизга Рахшонанинг гўзал бир ҳикоясини тавсия этаман.
@Nargiza_Asad
Тошкент вилояти Қуйи Чирчиқ туманида “Парвоз” адабий тўгарагини бошлаганимизга бу йил беш йил бўлади.
Шу кунга қадар ижодга қизиққан кўплаб ёшларимизни адабиёт майдонига баҳоли қудрат йўлладик. Республика миқёсида ўтказиладиган семинар ва танловларда фаол иштирок этишида йўл-йўриқ кўрсатдик. Энг муҳими, мактаб партасидаёқ қўлига қалам олиб ижод қилишга тутинган қаламкашлар дуч келадиган саволларга устозлар билан бугун ҳам имкон даражасида жавоб беряпмиз.
Шу пайтгача тўгаракда Муҳаммад Али, Яҳё Тоға, Тўлқин Ҳайит, Луқмон Бўрихон, Исажон Султон, Зулфия Мўминова, Аҳтамқул Карим, Салим Ашур, Назира ас Салом, Заҳро Ҳасанова, Ботир Эргашев, Кифоят Мансуровна, Рустам Жабборов, Зоҳиджон Олов, Мансур Жумаев, Кумуш Абдусаломова, Нодирабегим Иброҳимова, Алишер Боймуродов, Ҳулкар Шерзодова, Муқаддас Тайланова каби устоз адиблар ҳамда ёш ижодкорлар билан учрашувлар, “Гулхан” ва “Тонг юлдузи” тахририяти ходимлари билан суҳбатлар ташкил қилдик. Устозларнинг дуосини, ака-опаларининг адабиёт борасидаги тавсияларини олдик.
~~~~~~~~~~~~~~~~~~~~~~~~
Рахшона “Орзу ва денгиз”, “Соябон остида”, "Тушунарсиз севги изҳори", "Севгим менинг, севгилим менинг" номли китоблар муаллифи. Шунингдек у, корейс саёҳатчиси ҲАН Биянинг "Дунёни уч ярим марта яёв кезганда" китобидан Ўзбекистон ва Африка давлати саёҳати ҳақидаги боблари, корейс ёзувчиси ШИН Кёнгсукнинг «Онамни асра» романи, корейс ёзувчиси ҲВАНГ Сунвоннинг корейс мактаби дарсликларига киритилган машҳур "Жала" ҳикояси ҳамда ўнга яқин корейс халқ эртакларини ўзбек тилига таржима қилиб улгурган.
Китоб жавонимда соғинганда ўқиб турадиган китобларим ичида Рахшонанинг “Соябон остида” номли китоби туради. Унинг мавзу топиш ва ёзиш услубидан ҳам кўра, ҳикояларидаги табиийлик, содда ҳамда самимийлик менга ёқади. Яъни асаридаги образларнинг ўзидан ҳам кўра, ҳаракатлари кўпроқ “гапиради”. Туйғуларингизга яхши маънода дахл қилади.
Шу куни суҳбатда фаол қатнашган ёшларимизни меҳмонимиз ўзининг мана шундай ажойиб совға китоблари билан сийлади…
Қуйида сизга Рахшонанинг гўзал бир ҳикоясини тавсия этаман.
@Nargiza_Asad
Forwarded from Нигора Ғаниева (Нигора Ғаниева)
Ҳикоя мана бу ерда: https://teletype.in/@xushnudbek/raxshona-ahmedova-soyabon-ostida
Teletype
Raxshona Аhmedova. Soyabon ostida (hikoya)
Yomgʼir sharros quyardi. Doʼkondan chiqiboq, soyaboningni ochishga chogʼlandingu, negadir toʼxtab qolding. Yomgʼir ostida yurganlar...