Одам зоти қўл урмаган қандай жиноят қолди дунёда?
Ёлғон, қимор, пора, фирибгарлик, қароқчилик, кашандалик, ичкилик, одам савдоси, тарозидан уриш, қотиллик, зўрлаш, зино, хиёнат, зулм…

Яна “негадир барака кўтарилди!” деб ажабланиб ҳам қўяди инсон!

@IkromSharif

Изоҳ ёзишга роса ўйландим. Қарасам, узун ёзиш керак экан. Видеони кўриб, тушуниб оласизлар ёзмоқчи бўлганларимни. 😊

@IkromSharif

Болалар аутизми (мия ривожланишидан келиб чиқадиган касаллик) спектри бузилишига чалиниш ҳолати туғилган чақалоқларнинг сонига нисбатан кўрсатгичи:
1975-йилларадa: 5000 нафардан битта;
2000-йилларда: 150 нафардан битта;
Ҳозирда: 44 нафардан битта:

Ёзилишича, болалар аутизми касаллигининг келиб чиқиш сабаби аниқланмаган экан. Лекин касаллик кескин кўпайиши юқори частота билан ишлайдиган технологияларнинг ривожланиб ўсиб бориши билан параллел равишда ўсиб бормоқда…
***

Бу маълумотни “Рақамланган дунёда фарзанд қандай тарбия қилинади” китобидан олдим. Унда гап телефон, компютер ва шунга ўхшаш воситаларнинг таъсири, улар билан қандай муносабатда бўлиш лозимлиги ёзилган.
***

Китобни тавсия қилган Санжар Саид акага ва ҳадия сифатида етказиб берган Қамар китоблар дўконига алоҳида раҳмат!

@IkromSharif

Бу борада фикрим ўзгача, яъни фарзандларимизни, аввал бўлганидек, оила муҳитигина қутқариб қолиши мумкин. Ҳозирги кунга келиб, дунёда жуда кўп нарса ўзгарди. Фарзандларимиз таълим-тарбияси билан жиддий шуғулланишимиз керак бўлган биз инжиқ капитализм талабларини бажариш билан банд бўларканмиз, болаларимиз тарбияси билан шуғулланиши учун бошқаларга пул етказиб бериш дардига тушдик. Яъни фарзандимизга аҳамият қарата олмаслигимизнинг сабаби бор-йўқ ишимиз улар билан шуғулланадиган мутахассислар учун пул топиш бўлиб қолганидир. Эҳ, капитализм, инсонлар устидан кулишда сенга етадигани йўқ...

«Фарзандларимизни, аввал бўлганидек, оила муҳитигина қутқариб қолиши мумкин!»
***
“Рақамлашган дунёда фарзанд қандай тарбия қилинади” китобидан.

@IkromSharif

Севганимни тополмадим, деб, топганингни севаверма.

@IkromSharif

​​Ташриқ такбири ва ташриқ кунлари

Арафа куни бомдод намози ўқилгандан бошлаб, то ташриқ кунларининг охирги куни қуёш ботгунга қадар ҳар фарз намози ортидан жаҳрий тарзда такбири ташриқ айтилади. Ва бунинг ҳукми вожибдир. Аёллар махфий равишда яъни овозни баланд қилмасдан айтадилар. 

Унинг кўриниши қуйидагича: “Аллоҳу акбар, Аллоҳу акбар, лаа илааҳа иллаллоҳу валлоҳу акбар, Аллоҳу акбар, ва лиллааҳил-ҳамд”.

Ташриқ кунлари ҳайит кунидан кейинги уч кун ҳисобланади.

Бу кунларнинг ташриқ кунлари дейилишига сабаб шуки, «ташриқ» сўзи араб тилида бирон нарсани офтобга ёйиб, қоқи қилиш деган маънони англатади. Одамлар мазкур кунларда келгусига ғамлаб қўйишга мўлжалланган қурбонлик гўштларини бузилиб қолишидан сақлаш учун бўлакларга бўлиб офтоб нурига ёйиб, қуритар эдилар. Шунинг учун, бу кунлар ташриқ кунлари деб аталди. Шу боис, бу кунларда айтиладиган такбир ҳам «ташриқ такбири» деб юритилди.

Аллоҳ таоло марҳамат қиладики: “Саноқли кунларда Аллоҳни зикр қилингиз!” (Бақара сураси, 203-оят). Муфассирлар бу «саноқли кунларни» ташриқ кунлари дейдилар.

Демак, такбири ташриқ арафа куни бомдод намозининг фарзидан сўнг айтиш бошланади ва ҳайитнинг тўртинчи куни аср намозидан сўнг охирги такбири ташриқ айтилади. Шунда беш кун давомида умумий 23 та намоздан сўнг такбири ташриқ айтилган бўлади.

Аллоҳ таоло марҳамат қиладики: “Саноқли кунларда Аллоҳни зикр қилингиз!” (Бақара сураси, 203-оят). Муфассирлар бу «саноқли кунларни» ташриқ кунлари дейдилар.

Ийд куни намозга чиқиб кетилаётганда ҳам ушбу такбирларни айтиш мустаҳаб ҳисобланади.

Аммо, уни жаҳрий яъни ўзгаларга эшитиладиган тарзда ошкора айтиш вожиб баъзи қавлларда эса суннатдир.

Ийдул-Азҳонинг биринчи куни дохил ташриқ кунларида рўза тутиш ман этилади. Чунки бу кунлар еб-ичиб, чинакам байрам қилинадиган кунлардир.

Нубайша ал-Ҳузалий разияллоҳу анҳудан ривоят: Расулуллоҳ соллаллоҳу алайҳи васаллам марҳамат қилиб дедилар: “Ташриқ кунлари ейиш-ичиш ва Аллоҳни зикр қилиш кунларидир!” (“Саҳиҳи Муслим”).

Байрам ва ташриқ кунларида рўза тутиш ҳанафий мазҳабига кўра таҳримий макруҳ саналади. Яъни, бу кунларда рўза тутган инсон гуноҳкор бўлади аммо, рўзаси дуруст бўлади, валлоҳу аълам.

Устоз Алишер Султонхўжаев саҳифасидан.

@IkromSharif

Арафот остонасида турганлар, бу йил Роббим бандалари ичидан сизларни танлаб(!) олди. Сиз турган мақомни орзу қилганлар кўп эди. Сиз турган ерда — Муздалифа, минодаги еру чодирда шу куни бир кеча ётиш учун қасрини алишишга рози бўлганлар бор эди. Эртага чиқадиганингиз Арафотда туриш учун дунёларини бериб юборишга тайёрлар бор эди. Уларнинг баъзиси ҳозир ер остида, баъзиси тўшакка михланган хаста, баъзиси сафардан бенасиб…
Аммо сизларга бу бахт насиб қилди. Эртага кечқурун ёнингизда ўтирган киши жаннат кафолатини қўлга киритиши мумкин. Балки, атрофингиздаги миллионлаган кишилар жаннатни қозониб олишлари мумкин. Сизнинг исмингиз ҳам эртага буюк Маҳкама Деъвонида “Жаннатий!” деб битиб қўйилиши мумкин. Сизни ўша маконга чақирган, Зот — ваъдасига зарра ҳилоф қилмайдиган Карамлилар карамлиси шу ваъда билан чақириб олган. Нега чақирганини биласизми? Ўтмишдаги улуғларимиз айтадилар: “Аллоҳ таоло бандасига истиғфорни илҳом қилса, демак уни кечиришни истабди. Дуони илҳом қилса, демак унга ато қилишни истабди”. Шу нақлга кўра ўйланг, Роббингиз сизга Ҳажни илҳом қилган бўлса, Арафот майдонига, Ҳарамининг бағрига, Каъбасининг остонасига келтириб қўйган бўлса, У сиз учун нимани истабди экан?!!!

Бу йил сизлар танландингиз, ҳожилар, сизлар танландингиз!
Иллҳо ҳажингиз мабрур ҳаж бўлсин!

БИЗЛАРНИ ҲАМ ДУОЛАРДА ЭСЛАНГ, ЛУТФАН!!!

Икром Шариф

@IkromSharif

АРАФА ДУОСИ МУСТАЖОБ!

Ибн Ражаб роҳимаҳуллоҳнинг "Латоифул маъориф" китобида келади:
"Орифлардан бири айтади:
"Арафа куни нима дуо қилган бўлсам келаси йилгача албатта ижобат бўлган!".

@IkromSharif

Яхшилар, барчангизга Қурбон ҳайити муборак бўлсин!
Аллоҳ таоло фазилатли кунлардаги солиҳ амалларимизни қабул қилсин!
Умр давомида офиятда, солиҳ амаллар устида собитқадам қилсин!
┉┅━❀🍃💐🍃❀━┅┉

www.tg-me.com/Ikrom Sharif/com.IkromSharif

Аҳлингиз зеҳнингизни ўқиб олишини кутманг. Афсуски, зеҳнни ўқий оладиган дасгоҳ ҳали ихтиро қилинмаган. Модoмики у билиши ва тузатиши лозим бўлган масала бўлса, уни юмшоқлик билан очиқ айтинг.

@IkromSharif

Ҳар бир инсон ёзувчидир; ўз китобини ёзиб боради. Эртага ўқиб хижолат тортишни, ҳасрат қилишни истамасангиз, фақат яхши нарсаларни ёзинг!

@IkromSharif

​​Оиладаги тотувлик ва ўзаро муҳаббат давомли бўлиши учун эр-хотин бир-бирларининг таҳаммулларини суистеъмол қилмасликлари керак. Баъзи ўринларда хатолардан кўз юмиш, табиатларидаги баъзи камчиликларга сабр қилиш лозим. Эр кўчанинг одами. Ишлайди, куни бўйи турли ҳарактер эгалари билар муомала қилади, нима қилсам, оилам, фарзанларим учун икки сўм пул топаман, деган ўйда юради, чарчайди. Уйга деярли дам олиш учун келади. Аёл эса уй одами. Эртаю кеч уй юмушлари билан банд, бола-чақа тарбияси, супур-сидир, пишир-куйдир, эрини ишга муносиб кузатиб, муносиб кутиб олиш унинг ҳар кунлик ташвиши. Бу такрорий бир ҳиллик ҳаёт аёлни зериктиради, инжиқ ва асабий қилиб қўяди. Демак ҳар икки шахс бекорчи эмас, баъзи йўл қўядиган камчиликлари табиий инсоний феълдир. Шу нарсаларни ҳисобга олиб яшаш жуда муҳим.
Бу оддий қоида. Лекин оиланинг фаровонлиги кўпинча шу қоидага амал қилиш билан бўлади. Ҳиндча кинолардаги ўлдим-куйдимлар, эр-хотиннинг бир-бирига айтадиган гапи фақат севги изҳори экани, қўл ушлашиб, гулзорларда югуриб юриши реал ҳаёт эмас. Унинг нақадар ёлғон экани кейинги кинода бошқаса билан югуриб юрганидан маълум.
Демак оиладаги бахт сабр-тоқат, қаноат, баъзида билиб-билмаганга, кўриб-кўрмаганга, эшитиб-эшитмаганга олиш устига қурилади. Бундан ортиб, эр хотинига, хотин эса эрига кўмакчи бўлиши, бир-бирларининг кўнглига қараши, доим хурсандчилик улашиш ҳаракатида бўлиши ва шунга ўхшаш муомалаларни кучйтириш ўртадаги меҳр-муҳаббатни, севгини ва оиладаги фаровонликни янада зиёда қилади.
Бу қийинчиликларни енгишдаги энг катта куч эса шу амалларининг ҳар бири учун Аллоҳдан савоб умид қилишдир. Зеро ҳадиси шарифга кўра эр қиладиган садақаларнинг энг яхшиси аҳли оиласига қилган садақасидир. Ҳар бир яхшилик садақадир.
Хотин киши эса беш вақт намозини ўқиса, рамазон рўзасини тутса, ўзини ҳаромдан сақлаб, эрини рози қилса, қиёмат кунида унга жаннатнинг саккизта эшиги очилади, у эса хоҳлаганидан киради. Эрни рози қилиш эса кўпинча унинг шахсига ва уйига меҳр ила хизмат кўрсатиш билан бўлади.

©Икром Шариф

@IkromSharif

Юқоридаги расм телефонда гаплашишнинг
болалар ва катталар миясидаги қизиш таъсирини кўрсатиб бериш мақсадида олиб борилган илмий изланишга оид. Расмда 15 дақиқалик телефонда гаплашиш натижасида беш ва ўн яшар ҳамда катта одамлар миясидаги қизиш харитаси кўрсатилган. Харита ёйилган ҳудуд қизишдан таъсирланган жойни, харита ичидаги қуюқ ранглар эса қизиш кучини кўрсатмоқда.

“Рақамлашган дунёда фарзанд қандай тарбияланади” китобидан.

@IkromSharif

Бизда навбатдаги мавзу: "Тарбияда отанинг ўрни".

Бугун 20-июн, Тошкент вақти билан соат 21:00 да You tube саҳифамиз орқали томоша қилинг.

Премьера учун ҳавола👉 https://youtu.be/_d1HMTp0W3E?si=XTqoPy80lkzE-I9r

Туйғулар ичида ҳеч бири инсонга соғинчдан кўра қаттиқроқ азоб бермайди.

@IkromSharif

Ютуб саҳифаси орқали видеони кўриб, уни янада кўпроқ кишилар кўриб манфаат олишлари учун ўз ҳиссангизни қўшинг.

Бунинг учун видеога лайк босиб, изоҳда фикрингизни ёзишингиз керак бўлади.

https://youtu.be/_d1HMTp0W3E?si=uF-4MzZDtAfaQvo3

📹 Bugungi postimizda Sodiq Schooldagi do’stlarimiz tomonidan yo‘lga qo‘yilgan yangi loyiha Seven School haqida gapirib bermoqchiman

📌 Agar sizga maktab berayotgan taklifi ma’qul kelsa quyidagi raqamlarga qo’ng’iroq qilib batafsil ma’lumot olishingiz mumkin:
📞55 555 80 80
📞78 113 25 37