بعدنا نريد نحجي واسمع دُر صاحت على ريــان
_ ريــان اركض دارين وجود صايرين امالخ برا .

حُــرة ..

لملمت فستاني واني اصفگ وامشي بصف ريــان اسأل بي
_ منو دارين ؟
استدار يباع على ايدي تصفگ وقلص عيونه .
_ بنت عمران ، بس ليش تصفگين .
_ احب العركات بكُل اشكالها .
_ امشي فوتي جنية امشي .
_ ما عاش الي يتأمر على حراير .
_ نعم ؟
_ والله العظيم اذا ما اطلع اخليك ادورني اختفي من الوجود .
_ الله يساعد گلبي عايز ضيم اني .

طلع قبلي ودُر رافعه الفستان وتركض على باب الخروج
وام حسن ويانا، انــور سلك الموضوع مايريد الضيوف يحسون
فزيت على صياح ريــان الفاهي صوته يخوف راد يوگف گلبي
ريــان : جوووووووووووود لك جوووووووووود .
دُر : عزززززا شببك وياهااااا عوفهاااا .
دارين : شگد رقم البوليس والله اليوم ارفع دعوة على هذا الشخص .
ريــان : يا بوليس وين اكو بوليس بالعراق .
دارين : لعد شنو عدكم .
ريــان : عدنا عمران يحل ويربط .

رحت امشي بسرعة شو هذا يسولف وياها يمه ريــان
ابو الحلوات يحب الصغار ، وكفت بصف دُر اخذتها من ايدها
جــود : واگف اني لا يمها ولا احجي وياها تتجاوز عليَّ .
دُر : دارين تتجاوز عليك ليش .
جــود : عادت نفس هاي الكلمة مالتها تگول بربري متوحش .
دارين : يخزرني .
جــود : ما عاجبتني .

ضربت على رجلها تريد تمشي وصاحت
_ ياااا ربي بووووليسسسسس شگد رقمهممممم .
جــود : شني اجباري ما ارتاح لها موووو راحة أحسها مو راحة .
دارين : اسكتي مني والله اخابر ابوك يرجع عليك يبسطك .
جــود : شدعوة هل فهاوة .
دُر : Please جــود اتركها .
جــود : هجوم مثقفين ولكم شبيكم هو انا يمهااااااا مووو يمهااااا .
دارين : savage .
جــود : دخيلك يا علي .

اخذت ام حسن دارين وفاتت وهي ترزل
بجود وجود يصيح اني مو وياها
جــود : هاي ام الريلاكس شلونچ ؟
ملت راسي ورفعت فستاني مثل الاميرات
حُــرة : اوووووي تمام تمام .
ريــان : حرررررررايرررررر .
حُــرة : ريلاكس صيادي ريلاكس امزح .

عفتهم ودخلت اتعرف على هل دارين شفتها گاعدة وبيدها
تلفون وتحجي ما ادري شنو تحجي منفعله گعدت يمها خليت
ايدي على خدي صفنت بوجهه وهي صفنت على تصرفي
حُــرة : هذا عمران الخايس عنده هيج حاته .
دارين : نعم ؟
حُــرة : ياااا والله على هل نعم تناسبين ابن عمچ الفاهي .
دارين : مافهمت .
حُــرة : شلون نسوان حلوة .

عدلت نفسي وطبگت رجل على رجل واشرت على ريــان وهو داخل
حُــرة : شنو رأيچ بهذا الرجُل الدخل لابس رسمي نيلي ؟
دارين : لطيف .
حُــرة : حلووو .
دارين : انتِ الثانية منو ؟
حُــرة : احسچ تغارين مني لان مبين راح تصيرين ضرتي الثانية .

فاتت من يمنا رنيم لزمت ايدها وگفتها واشرت على رنيم اعرفهن
حُــرة : رنيم احب اعرفچ هاي ضرتنا الجديدة .
رنيم : شنو ؟
حُــرة : دارين ضرتنا الجديدة .
رنيم : منو گال ؟
حُــرة : ريــان .

سحبت ايدها من ايدي بكُل قوتها وراحت تمشي اتجاه ريــان
بكُل سرعتها حسيتها راح تنطي راشدي بس هي هم قزمة مقابيله
كون اروح ارفعها اخليها تضربة الخاين ، اشوفها تأشر بيدها
وهوَّ مستغرب مصدوم ، اشر على عقلها بـ أصابعه وصفگ بيده
بمعنى عقلچ طار ، اشرت علينا وما احس غير خزراته صارت
تطاير طگيته بخزره ودرت وجهي منه رجعت على دارين
_ جمالچ طبيعي ؟
دارين : انتِ منو ؟
اريد اجاوبها واسمع صوت ريــان صاح من ورايَّ
_ حراير .
_ اسمي حُــرة بس هذا لزگ بحراير .
دارين : شنو يصير منچ .
_ طليقي خلعته .

رجعت جسمه وراسها بنفس الوقت وفتحت
عيونها وخلت ايدها على صدرها
_ هذا خلعتي ؟
_ عجبچ اخذي بالعافية هو يحب الحلوات واذا صغار يخرب عليهن .
ريــان : حررررررة .
درت وجهي رفعت حاجبي وضربت على ميز وكفت
_ تريدك البنية عجبتهاااااااااا .
ريــان : نعم ؟
دارين : نعم ؟
حُــرة : تتوالمون واوووو برافوووو الخيانة واضحة .

لزمني من خصري هيج من طرف الفستان وسحبني وهو يبتسم
_ لا تاخذين بكلامها .
دارين : حُــرة بنت ياسين مو ؟
حُــرة : حُــرة بدون ياسين بليز .
دارين : سمعتهم يتفقون ويحجون عليچ اول البارحة ذكروا اسمچ .
حُــرة : شنو يگولون .
دارين : يروحون يطلعوچ من بيت ابن يوسف .
حُــرة : عزا سمعت ؟
ريــان : عادي وشنو يعني ؟
_ بارد بارد بارد .

ذبت التلفون وتسأل بي الخايسة بنت الخايس
دارين : صدك خلعتك ؟
ريــان : منو خلعني .
دارين : حُــرة .
ريــان : منو گال ؟
حُــرة : رنيم .
دارين : لا حُــرة گالت طليقي خلعته .
ريــان : اي بعد صرت مو محلل عليها
لازم اتزوج غيرها وبعدين ترجعني  .
حُــرة : هذا هم حظك .

اشر بيده للبعيد يريد اگوم
_ امشي گدامي امشي .
دفعت الكرسي واني اريد اروح اشرت عليَّ حجيت وياها گدامه
_ هو هذا الرجال من تخلعي يظل يفتر وراچ .
ريان : گلبي الله لا ينطي .
كتفت ايدي ومشيت وهو ورايَّ يدردم
_ جنية بگد النملة تعمل عمايل شنو انتِ من بشر
شنو هل افكار الشيطانية شلون تألفين وطبقي هذا عقلچ شنو هذا عقلچ .
_ امشي خاين .

حجيتها وركضت بعيد رحت على شهد وانور رفعت ايدي
وصفگت ولشرت الهم يگومون مديت ايد لشهد والثانية لأنور
لزموا ايدي واثنينهم صاروا بوسط المكان واني وياهم
ركضت على مسؤولة على اغاني والصوت طلبت اغنية
شغلتها واني راجعه اغنيها واتمايل بخصري
حُــرة : لتسولف ع الخوه هنا ، على الراس الصاحب شلنا
والجان يشمر بالصوت ، من صار الطك فلشنا .
وصلت قريب من شهد همست الها
_ غني ويايَّ خوفي هل اثنين ؟
_ منو ولچ .
_ ريــان وانور من هسة حتى نسيطر .
كملت الاغنية وهي تغني وتتمايل ويايَّ
شهد : خايب كتلك بطل لتلح ، خاب انا مو ياهو الجان
اگعد راحه وعوفو الرفشه ، لا خليك تذب الوان .

التفتت على ريــان واشر بيدي امثل الكلمات واغمز بعيوني .
حُــرة : لك انا الفريت الكون ، تريد العالي يطيح شلون
اغمز لنجمات تطيح ، وحتارو بيه شيحجون
محد يتمرجل وياي ، حسبوني وشافوني هواي
واكف والعالم جواي ، بيه احتارو يا دنياي
اگعد راحه وعوفو الرفشه ، لا خليك تذب الوان .

انــور : ها عرس لو ساحة حرب ؟
شهد : شبيك حبيبي ؟
راح انــور على ريــان لزم ايده وهو يتقدم علينا يغنيها وريان يضحك
انــور :  حاسب ماي الشط شكد ، واعرف بيمن ظهري انشد
جان اليل ابيض من جيت ، عصبني وسويته اسود
وهسة الدنيا تريد تفرني واني مدوخها من الويل  .
ريــان : لك انا مو ياهو الجان انا الماخاف من الدم
واتوذر وارجع والتم من عندي الكل يتعلم
وجه اعداي بأيدي انغم اگعد راحه وعوفو الرفشه لا خليك تذب الوان .

اخذ ايدي فرني وهو يصيح
_ افرچ فرر افرچ جنية .
_ اني احبك .
_ ربي تعبتني هل نملة ربي .
_ اووووييي تموت عليها .

التفتت على صوت ام حسن ضربت انــور على ضهره وصاحت بي
_ شني ولك تهدد بنتي بالأغاني ؟
انــور : وين اگدر اهددها هاي تهدد ما تتهدد .
_ عبالي والعباس اخذها وارجع للبيت .
انــور : تريدين حجه تعالي يا عيوني تعالي رگصي بعرس بنتچ .

اخذ ايدها وام حسن مصدومة بي يرگص ويصفگ
وهي دخلت بالجو فاتت دُر الفاهية بنصهم ترگص مثقف
واني رحت أتمشى واتمايل واهلهل بنص القاعة اتحاور وياهم
وصلت الرنيم گعدت يمها وسألتها
_ طالعة تموتين ادب سز .
_ حُــرة تروحين مني لا اسحل بيچ القاعة .
_ شنو شعورچ وانا اخذت زوجج منچ .
_ يبووووووووووووو .

عفتها وكفت شفت ريان گاعد على وحدة من الطاولات
طابگ رجل على رجل وبقمة الهدوء يشاهد
هزيت اكتافي واني امشي اتجاه الصياد هو مبتسم اليَّ
واني اضحك وغنيله بصوت عالي مسموع
حراير : بارد واموت بدمك انت البارد أتنفسك يالجامد .
اشر على نفسه ومسكني من ايدي يقرّبني منه تحت انظارهم كُلهم
الصياد: انا جامد .
حراير : غيرك ابد ما رايد انت بس الي .
الصياد: حُبي انا مدمن بيچ .

حراير : شنو اكثر شي تحبه بحرتك ؟
ريــان : جرئتها الصلافة عدها تجبرني ادوخ بيها .
_ ومن عندك لازم نعرف الرجال يحب الي تلعب عليَّ .
_ لسانچ حراير شوية سيطري عليَّ منا العالم .
_ شتسوي يعني اذا ما اسيطر ؟
_ اخذچ واشرد بيچ المكان بس انا وياچ بي .
_ اووووووي حماس يلة .
_ هههههههههههههههه .

خليته بقمة دوخته ونظراته الذابلة ورجعت ارگص
واتمايل على اغاني اني والبنات ، شغلنا ردح واني وانور
ما قصرنا هزينا هز الرقاصات ، هلكت وتعبت جريت كرسي
نزعت كعبي وبيدي ببسي اشرب واراقب بيهم وارگص من بعيد
بس خلصوا كُل فقراتهم العالم صاروا الموظفات يقدمن اكل
وانور مد ايده الشهد يريدون يطلعون لبست حذائي وركضت
_ هااا انورر هااا وين ؟
انــور : نروح .
_ شوكت ترجعون ؟
انور : روحي مني هسة روحي شنووو
زعطوط انتِ امچ ابووووچ اني وما ادري .
_ راح تعيشون بيتنا مو. 
انــور : افكر.
_ حباب عيشوا ويانا الله يخليك .
شهد : اني اريد اعيش وياچ .
انــور : ليش .
شهد : حتى نگدر عليكم ونلعب عليهم .
انــور : مثل ما گال اخوچ ربحنا.

‏أخذها وراح تحت أنظار امها ودعتها لباب بالدموع والأحضان
‏قد ما قصت عليها بس تظل حنين واحسن من اهلنا كلهم
‏اما دور تشوف عمتها تبكي وهي تبكي على بكتها
‏حُــرة : خالة على منو تنزل دموعچ هي بنتچ بس تريد تروح وياه
شهد : حرة تسكتين لا أنسى أنا عروس وآجي أعيد تربيتچ .
_ لا رجاء تربيتي خط أحمر لأن تربيت على إيد أحسن رجال العالم .
انــور : العالم تحلف براس أبوچ .
_ فدوه لعيونه محبوب .

‏طلعوا العالم كلهم يتعشون ماكو ولا أي بشر راحوا وياهم
‏مثل ما متفقين أول ليلة فندق وبعد الفندق سافر مدة أسبوع
المدگدگ شمه بعد ما أشوفه سبع أيام يبو على زواجك يبووو
‏أول ما صعد هو وياها بالسيارة أسمع أم حسن تحچي بصوت عالي بالتلفون
_ أي هاي دارين وياي ليش شكو صاير شي ؟
‏ضربة على صدرها وهي تدور بعونها على دارين أول ما شافتها
‏راحت اتجاه تركض وهي تحكي رهبة ورعب
_ نارين يمه هاي أنت صدگ اشتكيتي على جود .
_ اي اني .
_ يا يمه ليش خطية هو بس لسان فقير جــود والله .
_ مو فقير قهرني وتجاوز علي وأنا كلشي ما سويت .

‏راح يمها يا ريان يريد يصيح بس لازم نفسه
‏بعيون الغضب وگف گدامها اشر على باب الخروج وصاح
_ فورا مثل ما سويتيها رفعت دعوة وما أدري شلون
وأنت گاعدة ويانا تروحين فوراً تتنازل عليها .
دارين : يعتذر بالبداية .
ام حسن : عيني يعتذر بس مو مال دعوة أحچي وياها ريان .
دارين : يجي يعتذر و الله العظيم أني مثل ما سويتها أنهيها .

‏ بس بدأت العالم تطلع وصلت سياراتنا وكلنا على
‏اللي سوته دارين اجتمعنا بسيارتي رحنا على بيت أبو حسن
‏بس نزلنا من السيارات على الأكبر وإخوانه كانوا واقفين
يتسائلون وين دايرين وهي بكل ثقة فاتت من يوم راحت على
‏أبو حسن أشرت على جود وصاحت
_ ما أتنازل إذا مو هو هذا يجي يوقف گدامي ويعتذر مني .
جــود : اخليهم يعتقلوني شكو بيها السجن للزلم .
دارين : l can't not stand you  .

من بيناتنا كلنا لمحت علي الاكبر لزم ايد دُر فوتها جوة
ورجع طلع صاح بصوت عالي حتى ننتبه عليه
_ فوتوا جوة تفضلوا نحجي عيب منا العالم .
ابو حسن اخذ ايد دارين دخلها وكلنا دخلنا وراهم بس جــود ظل برا
دُر اختفت من الوجود علي وعلي الآكبر وام حسن وبناتها
بالمطبخ يجهزون الضيافة ، گعد ابو حسن يقنع بدارين
ويحچي وياها بكل هدوء سألهم ريــان
_ هي منو عزمها وشلون اجت وابوها مستشفى وحاقد علينا ؟
ابو حسن : اني من البارحة رحت اخذتها الحجية طلبتها .
ريــان: وابوها يدري ؟
دارين : مايهتم .

ابو حسن : سيف الدين امشي صيح اخوك امشي .
طلع ودُر فاتت مبدلة تراك وعلي الاكبر راح برا على صوت جــود
يحجي وياه من دخلوا وهوَّ ما قابل نهضت دُر قبل لا يروح عمها
_ اني اخلي يجي والله لا تصير عصبي فدوة .
عافتنا وراحت وهي تريد تطلع صاح علي الآكبر
_ لا طلعين راسچ بالشارع صيحي هو يفوت .
هزت راسها وراحت تمشي سريع ضربت الباب
حسن : سمعتوا صوت الباب هاي ادغدغ بي .
سيف الدين : مثقفة نازوكية .

رجع علي الآكبر ضهره على تخم شغل
جگاره ومال على جهة ريــان يسولف
وهو وياه بصوت ناصي ويبتسمون
دخل جــود عصبي ويشمر بيده ويسب وينتر
مالت دُر راسها ما ادري شنو حجت بحيث جــود تحول
استند على باب الشارع وهي تضحك كتف ايده يستمع ويضحك
دخل وهو يحجي بصوت مسموع
_ اني وعشيرتي خدام تدللين زوجة اخي .

جــود : وهاي اسف الخاطر هل وجه الحلو
ولسان المعسول زوجة اخي ، اسف عيوني دارين عمران .
دارين : اوكي ما راح ارفعها باجر دام نزل نفس .
جــود : اني نزلت روحي .
دارين : yes .
جــود : لعنة الله على ثقافة خوووووووش .

فات جوة ما متحمل وهو يصعز على درج يدردم
صفگ ريــان بيده ونهض يأشر بيده
_ يلة حُــرة رنيم دارين للبيت .
حُــرة : يموت على تعدد .
ريــان : مصيبة هل نسوان .
علي الآكبر: المؤنسات الغاليات .
دُر : يموت على نسوان .
علي الآكبر: المؤنسات الغآليات يجلطنا .

دُر : انــور وصاني اني وعلي الآكبر حُــرة تبات يمي هل يومين .
ابو حسن : ودارين تبات عدنا جدتها تريد تشبع شوف منها .
دُر : حلو .
سيف : تجمع مثقفات .
ريــان : حراير تروح ويايَّ .
علي الآكبر: ضيفتي ماتطلع وياك توكل عيوني .
ريــان : لا والله صدك احجي .
_ شنو شايفني اضحك وياك گلت ضيفتي ما تطلع .
دُر : هل يومين ترجع عيوني اخذ مرتك وروح .

ظل صافن بوجهي عبالك يريدني اني هم ارفض
بقيت ساكته استمع الهم وبنفس الوقت ما اريد اعرف دُر
خجل يحجي اكثر وكف يحجي هو وياهم ورجع يحاجيني
ريــان : ها گاعدة ماتريدين تجين ويايَّ .
حُــرة : مايقبلون .
ريــان : انــور كون اليوم بالكعب تنضرب .
علي الآكبر: امين  .

طلع وعافني دُر اشرت اليَّ ولدارين رحنا على بيتها
بدلنا ملابسنا منها وغسلنا المكياج ، فاتت شمس صاحتنا
على عشاهم رجعنا هناك كلهم ينتظرونا على سفرة
راحت دُر بصف علي الآكبر مبقي العا مكان ، واني بصف شمس
دارين ابو حسن طبطب على مكان بينَّ وبين الحجية گعدت بنصهم
اخر واحد فات جــود روحه طالعة گعد بصف علي الآكبر وصاح بجود

_ صار كم يوم مخلصين ناكل ونشرب اني وياه نطلع ونتونس رجعت .
دُر : هاي گدامهم كلهم اسبوع بعد ما يطلع وياك .
عاطت بيها جدتهم مصدگة كلام جــود ودُر ومنفعله
_ چا وصلت الرحم ؟
جــود : گطعنها النسوان صلة الرحم يجده گطعنها النسوان احووووي .
ذبت جدتهم الخاشوگة ورفعت فوطتها على وجهه وتنعي وهو ينعي
ام صفوان : لا ظلت اخوان لا ظلت اخوان راحت وانتهت يجدة ذيچ الأيام .

كلها شمرت الخواشيگ وياها واني بقمة التعجب دارين
صفنت عليَّ واني صفنت عليها مستغربين وتفز من تنعي
واني ضربت على وجهي مو سمعت جــود يكمل
جــود : خلوني يجدة بالضيم يا حال لا واحد نشدني
يا جدة على سوء الاحوال ‏ وأنا المثقفات يجده يهدن بگلبي جبال ،
مسوي علول علول مسوي تجمع للمثقفات  مسوي علول
‏اي اي أنا گلبي يا جدة گلبي تعبان تعبان ومو زينة الاحوال .

‏ على كلامه والنعي نزلت راسي أضحك ضحك
‏ جرتني شمس من ايدي وصاحت
‏شمس : لچ عيني لا تضحكين ترى تلعب عليچ لعب
‏نزلي راسك تنزل وسوي نفسچ تبچين .
‏كلهن نزلت رأسها على أساس يبكون بس هم خربانين ضحك
‏وحسن وعلي الأكبر يضربون بجود وهو مصر ما يسكت
الجدة : ويلكم ليش هيچ ويه اخوكم خطية شابع ضيم .
جدة : وبعدني يا جده كلها تزوجت يا جدة
وانا بعدني أتخيل الحيطان نسوان .

صفنت جدتهم على جود ركزت على آخر كلماتي يمكن افتهمت
‏جاي نضحك ما جاي نبچي ، رفعت در وجه أحمر صاير دم
‏وعلي الأكبر عيونه تلمع من يباع عليها ابتسم لا إراديا من أشوفهم
‏ حاول يسكتتها أبو حسن رجعت تاكل وهي تمسح دموعها
‏ دارين تضحك وتهز برأسها ما راضيه وتنظر الجود بنظرات استهزاء
‏هو شافها وبعد ما يگدر يخلي شي بحلگه ، دارين من شافت انفعاله من نظراته استغلت نقطة عصبية وصارت تزيد بنظراتها حبيت حقارتها .

‏رن تلفوني استأذنت منهم وطلعت بره للگراج
_ الو الصياد .
_ ‏ ليش ما جيتي جنت منتظر اللحظة اللي
‏نگعد بيها أنا وياچ وحدنا عندي هواي كلام وياچ  .
_ ما ردت أكسر كلام ابن عمي أنور بعد عريس كلمته مسموعة .
‏سد الخط بوجهي ، صفنت الجهاز الثواني رجعت اتصال
_ لا لا لا مو مقبولة من الصيادي يسد التلفون بوجه حراير  .
_ حراير آجي أخذچ هسه لو شلون .
_ ‏اووي هاي شبيك حبيبي .
_ شنو ؟
_ حبيبي .
_ يروحلچ فدوة .

ابتسمت واستداريت على باب شفت دُر اجت يمي
‏أخذت التلفون مني وتحچي وياه سريع
_ يلة عيني عوف حراير اليوم ماكو اشتاق لحرة .
_ ديري بالك عليها دُر .
_ بعيوني .

‏سددت الخط أخذتني من يدي دخلتني جوا
‏ميثاق وريمان بتول وأخوات علي الأكبر موجودات كلهن بالمطبخ
‏بس دارين گاعدة هي والكبار وبيدها استكان جاي
‏بتسولف وياهم عبالك صار لها سنين تعرفهم
‏بس كملوا الجاي على الأكبر راح على بيتهم
‏ميثاق : بيت عمي صاير مضيف لبيت الرياش .
شمس : ها بلشنا .
دُر : عوفيها تحب تنسحل صايرة عبالها مثل قبل اسكت .
‏ميثاق : قبل عبرتها الخاطر عمي وعمتي عيديها
وشوف الأمهات شنو تخلف .
حُــرة : خطيه شنو يوجعها ؟
ميثاق : تفرضين نفسچ انتِ وياها على عائلة .
حُــرة : هالموضوع مزعلچ .
‏ميثاق: تغثون .
حُــرة : اي طبچ مرض واسكتي يا خايسة لا اسحل بيج المنطقة .

‏عافتني دُر وراحت على بيتها دقايق ورجعت وياها علي الآكبر
ومن الباب صاحتني وراحت على دارين حجت بـ اذنها
دُر : امشي حُــرة نرتاح تعبانين .
طلعت وياها رحت على بيها اول ما دخلت گالت
_ اخذي راحتچ علي الآكبر راح يبات هناك
حتى ناخذ راحتنا بالبيت ونسهر .
كلها دقايق ودارين واخوات علي الآكبر دخلوا علينا
فرشنا الفراشات على عددنا ونمنا ونسولف وناخذ صور
الى ان نمنا ، الثاني يوم فزيت من الصبح على صوت عالي
ركضت اسمع شمس تحجي وتگول
_ بس لا تسمم اروح اگعد علي الآكبر .
حُــرة : دُر شنو بيچ ؟
شمس : للصبح سهرانين ولا نامت بس تذب من راسها يمكن تسمم .

شهد ..

منبعد طريق طويل بين محافظتنا والسليمانية
وصلنا على شاليه مقابيل الشلالات والجبال
جديد راقي بس نزلت وگلبي صار يدگ براسي من الخوف
رفعت فستاني ومشيت دخلت اشوف المكان غرفتين
ومطبخ وحمام مجهز ومؤثث بالكامل
دخل الغرفة گعدت على سرير وانور رجع طلع
ودخل بيده جنطتي ، ذبها بالنص البيت
وفات  مبتسم رفعت راسي شفته
عصرت ايد بيد ودموعي تجمعت بعيوني همست
_ اريد اهلي .
_ شنو ؟
_ وينهم .

حجاها واجه گعد بصفي اخذ ايدي باسها
_ اريد تنسين الدنيا كلها اليوم .
_ لا ما انساها انــور اني .
_ شنو خايفة ؟
_ لا شنو خايفة اني شهد قابل شكو واخاف .
نهض وهو يضحك وينزع بالسترة من جسمه
_ واضح ابد ما تخافين وايدچ ورجفتها الدليل .

جريت نفس طويل ورفعت عيوني نزلت دموعي
_ عادي اخابر امي ؟
_ مو اتفقنا تلفوناتنا تنغلق وتظل بالسيارة الثاني يوم ؟
هزيت راسي ذب القميص ظل بس بالبنطلون ألأسود
فتح الجنطة وهو بيده اختار ملابسي رتبهم على سرير
_ احسن شي ذبيتي البدلة قبل السفر .
_ اي .
دخل للحمام مايريد اخاف لان شاف وضعي كُله تخربط
_ جهزت الحمام فوتي اخذي شور واطلعي عيوني
حتى يفك تشنچ جسمچ .
_ ليش يفك تشنچ جسمي .
_ مو زين ؟
_ لاااااا .

ظل ساكت حاير استسلمت ونهضت دخلت للحمام
سبحت وطولت شگد ما اگدر ما اريد اطلع سمعت صوت
الباب الخارجي وصوته بحجي وياهم ، من طلعت عرفت
طلب اكل ، صارت عيوني بعيونه هو ما مسوي شي بس بجيت
اجه يتلمس بوجهي ويرفع براسي
_ شنو يوجعچ .
_ كلبي يوجعني .

رجع للجنطة طلع ملابس طلعة رتبهم وهو يفوت للحمام يحجي
_ بدلي اني هم اخذ حمام ونطلع نفتر راح اخذچ مكان حلو .
سويت مثل ما طلب بدلت طلع بدل بدون ما يباع عليَّ
من كمل اخذ المفاتيح وادري بي تعبان بس بجبر نفسه
طلعت وراه شفته فاتح الباب صعدت فتح الخريطة بتلفونه
صار كُل ما يمشي صوت يطلع يعلم اتجاهات الطريق
وصلنا لجبال ازمر صعدنا على جبل ايدي بيده يمشي
ويأشر على مكان يشرح اليه واني بس اهز براسي
من شاف ماكو احد شالني ويمشي ويحجي بصوت خافت
_ تخافين مني ؟
_ لا .
_ لعد .
_ ما ادري .
_ ترا انا اخاف عليچ .
_ والله .
_ وداعت هل شفايف .نزلني حضني ويمشي ويسولف طبيعي على حياتنا الجاية
ويخطط جنت ادري يريد بس يخليني اطمأن
رجعنا بالسيارة افتر على منطقة ونزلنا بمطعم ياخذ العقل من الجمال
والترتيب يسحر المقابل ، سحب كرسي گعدت وهو بصفي
طلب اكل النا قدموا بترتيب اكلت بس ما ادري شصار بيَّ
اكل هو طبيعي واني شلون ما كان بس جان يحاول يوكلني
دفع الحساب ورجعنا للبيت من شفت المكان توسلته
_ عادي نفتر بعد .
_ تعبان والله شهد .

نزلت هو يقفل بيها دخلت غسلت وجهي وطلعت ذبيت شالي
حسيت بي حضني من ضهري وفتح القراصة نزل شعري
لوسط ظهري ما احبه طويل حيل واسود بسواد ليل
_ جنت بس اريد اشوف شعرچ بفترة الخطوبة .
_ ليش ؟
_ ظل مطبوع بذاكرتي من خطفتچ وانكسرت القراصة وانفتح .
ملت راسي هو يطبع بوساته خفيفة على رگبتي ويحچي بدفو
_ من ساعتها مارحتي من راسي من نشگ القميص
ولبستي قميصي ما گدرت انساچ وبكل مرة اتذكرچ روحي ترجف عليچ .

فرني يرفع بشعري يتلمس شفايفي خلاهم
بين اصابيعه الي مليانة وشوم
_ هل شفايف عذبني من يرجفن ما يريدن قربي .
_ متندم ؟
_ على شنو ؟
_ خطفتني .
_ لا والف لا .
_ ليش ؟
_ اول مرة اسوي شي صح بحياتي يوم خطفتچ
صحيت جنت غافل وعيت على دنيا وصرتي محورها .

باس شفايفي وهو يرجف مثلي همس بأذني
_ انتِ انظف شي صار بحياتي شهد لا تعوفيني .
_ اربع شغلات بس تبعدني عنك
الخيانة ، والكذب ، وتنطي بيَّ مقابيل
احد ، واهمهم تتقرب من الله سبحانه .
مد ايده وذب التشيرت يشوفني الوشوم
_ الله سبحانه يتقبلني هيچ ؟
_ اكيد اول علامة رضا الله عليك هو الندم
اذا ندمت على اخطائك بالماضي ، وقررت اتصحح من نفسك
وتقرر ابد ما ترجع الطريق الظلام والمعصية
معناها الله قبل توبتك مرة ابوية گال جملة انطبعت براسي گال
" من أجل صلاته يظن انهُ قرر من ذاته لا يُريد الصلاة
لكن الحقيقة الله سبحانه لا يُريد ان يراه "

هز راسه وگعد على سرير ما متحمل كلامي
_ الله مايريد يشوفني صعبة هل كلمة صعبة .
_ بهل حالة لازم نفرش السجادة حتى لو اكو شعور
بداخلنا يمنعنا نگعد نتوسل ونزعي ربنا يتقبلنا
والله سبحانه يتقبل الانسان اذا تاب وعصى ثم تاب
وعصى دام الانسان صادق بتوبته حبيبي .
_ نصلي .
_ ويطمئن گلبي وگلبك نبدي بداية صحيحة بحياتنا من اليوم .
_ اريد أبديها وياچ شهد .

وكف على مغسلة اني احجي وهو يردد ورايَّ الزم ايده
اعلم بي هو يعرف يتذكر من الطفولة شوية ، كمل واني اتوضيت
مقابيله هو صافن بيَّ ، حسيت الخوف انزاح مني وكلبي
دكاته سكنت من شفت شلون يستجيب الكلامي
دورنا على سجادات الصلاة لگيتهن بالمجرات
فرشت مالته واني وراه اقرا بصوت مسموع
حتى يرددها ورايَّ وطلع يعرف ما ناسي الصلاة
بس يحتاج احد يذكره ، بمجرد ما كملنا التفت باس راسي
_ ما يحرمني منچ ربي شهد .
_ ولا يحرمني منك المدگدگ مالتي .
_ يريدچ .
_ وانا ملكك .

سد السجادة رفعني على سرير ياخذ بوساته بكُل احترافية
فصلني عن العالم صرت اني وياه نسيت الكون كُله بين ايده
جانت ليلة زيادة حُب زاد حبي اضعاف من اشوف خوفه وارتباكه
عاملني معاملة الزجاجة ويخاف يخدشها احتواني بحُب احتريته بعشق .

دُر ..

رفعت شعري گعدت على ميز الطعام دخل علي الآكبر
مثل الانقلاب بعد مايشوف احد رفع وجهي وهو يرجف
_ شكو شبيچ شصاير ليش هيچ وجهچ منو وياچ
شبيها بطنچ تسمم لو استبراد توجعج حيل توجعچ ؟
خليت راسي على صدره بعد ماعندي حيل رفع شعري ايده ترعش
_ شبيهااااااا لچ شمسسسسس شبيهاااااااا .
_ والله ما ادري والله من الفجر هيج صار بيها فزيت شفتها بالحمام .
_ من الفجرررررر واني شنووووووو ما ادري غير تحجين  .

رفعت راسي لزمت بطني ابجي من الوجع معدتي مردتني مرد
_ علي الآكبر.
_ روحه لچ بوية روحه احجي شبيچ .
_ أخذني مستشفى حباب .
_ سيارة لك جوووووود شغلتهاااااا روحي شووووفي شووووووق .
ابو حسن : لك هيووووووو خبصتنا ولك دنيا صبح بس اسكت .
_ شووووف حالهاااااا وانا ما ادري اخررر من يعلم .
_ لو تبطل رجفتك احنا بخير .

عافني وطلع بالگراج خبص جــود وسيف الدين خبص
وهمَّ بعدهم نايمين النوم بعيونهم ، بدلت اجه هو يلبسني
عمتي تحجي وهو بعد ما يسمع أحد سندني امشي والدميا تفتر بيَّ
بس طلعنا باب البيت شالني يمشي سريع حضنته خليت راسي
برگبته اون من الوجع وهو يمشي سريع
_ سودة علية لچ بوية دُر .
_ بطني علي الاكبر بطني .
_ حسدوچ نازوكيتي .

ابتسمت هو يحاول يخليني اضحك بس خوفه سيطر عليَّ
جــود يسوق گعد بصفي حاضني جسمي صار يرجف من التعب
تعبانة ما نايمة صار ايام ، بس وصلنا على المستشفى
‏ رجع شالني وجود ظل يصف بالسيارة دخلنا على الطوارئ
‏دكتورة اجت بسرعة شافت وضعي بقت
تسألني وكتبت على أدوية راح يجيبها
‏وأنا أجاوب على سؤالها بس رجع حولتني على دكتور نسائية
‏توترت أكره هاي المرحلة علي الأكبر يكرها أضعاف
‏بس من خوفنا نضطر نراجع ، دخلت على دكتورة
‏ما أريد يعوفني علي الأكبر إيدي لزمت إيده ما گدرت اعوفه
‏استقبلتني الدكتورة لاحظت خوفي شرحت حالتي ومرض رحمي
‏طلبت من يمي أنام على سرير حتى تنفسي تخربط وضع تخربط تفكيري تخربط علي الأكبر حال مو أحسن من حالي خليت المادة على بطني
‏والسونار جريت نفس غمضت عيوني وأنا أسمعها تگول
" مبروك ماما أنتِ حامل "

‏من الفرحة گعدت على حيلي تلمست بطني
‏وعيوني تصب ادموعها
_ سمعت علي الأكبر أني حامل .
‏بهت لونه وجان عكسي ابد ما فرحان سألها وصدمني
_ دكتورة شلون وضعه ؟
_ عال العال تمام .
‏هز راسه وساعدني انزل وهي تكتب علاج وتعلمني على نظام اتبعه
‏ طلعني وأنا بين ايده صفنت بوجهه وسألته
_ ليش ما فرحت .
_ خايف عليچ .
_ من شنو ؟
_ يروح مثل القبلة تتأزم حالتچ مثل كل مرة .
_ ليش تفاول على ابنه يمكن هي مرة غير عن كل مرة .
_ اتمنى ، أنا ما يهمني غير أشوفچ فرحانة .
_ وأني بهل ساعة طرت فرح .

‏رجعني للسيارة بشر جود جود بالشارع
يهلهل صعدني صفگت وياه من الفرح
‏بس الخوف القلق على ملامح علي الأكبر مخيفة
‏من الباب بعدني أنزل وجود دخل بشرهم
‏رغم الخوف الواضح عليهم بس عمتي هلهلت من كل كلبها
وشمس وياها وعمي من الباب يبوس براسي علي الاكبر
مرعوب ما دخل اجت حُــرة حضنتني ودارين باركت اليه من بعيد
‏رجعت على بيتي ما أريد أسوي شي كنت خايفة مدد على فراشي ورفعت رجلي دخل علي الأكبر وأنا أضحك سألته
_ شنو بعد لازم أسوي حتى أحافظ عليه أريده من كل گلبي أريده .
_ وأنا أريده فرحان بس تنطيني وعد إذا صار شي ما تنتكس حالتچ .
_ ليش تخوفني الخاطري لا تحچي هيچ الخاطري .
_ وحگ حُب علي الفاطمة فرحان وفرحتي ما انطيها لشخص
وزادت فرحتي من اشوفچ فرحانة بس اظل خايف عليج
‏لأن أنا وياچ نعرف وضعچ .
_ خلينا نعيش كل شعور الحال من نخلط الامور خلينا فرحانين .
_ إذا ولد سمي جبل من هسه ثابت .
_ واذا بنية .
_ نختار اسم يليق بأميرتي الجديدة .
_ لا إن شاء الله ولد لان أريد أظل بس أنا أميرتك  .
_ أنت ملكة گلبي لچ أنتِ روحي أنتِ روح على الأكبر   .

‏نمت بحضني من التعب والوجع ما حسيت بعد بشي بعد العلاج
‏الثاني يوم فزيت من النوم اسمع صوت طگطگة بالمطبخ
_ حبيبي هذا انت .
_ اي عمري يلة صح النوم .
‏آجه يشوفني ويصفگ حتى انهض رفعت الغطوة اريد اوكف
واشوف بجامتي عبارة عن دم طگيت على راسي بكل قوتي
واني املخ بروحي واصرخ بعلو صوتي
_ همممممم راح همممم راحححح ليشششششش
على اقل بس يثبت يومين ليشششش هيچ ليش يموووووت
اررررريد اصير ام شوكت اصير ام ليش ربي اريد اصير ام
اريد طفل اريد ابني اريد اشيل طفل ارررررريد اصيررررر ام .

لزمني بكُل قوته من ايدي يمنعني اضرب روحي
وكلها ادگ بالباب بسبب صوتي العالي واني اكررها
_ شوكت اصير ام هم مات راح ابني بعدني ما فرحانة بي
ليش نمت لو باقية گاعدة افرح بي حتى ما لحگت افرح والله بعدني .
_ راح يجي غيره لا تسوين هيچ ابوس راسچ ابوس ايدچ .
دفعته واني املخ بروحي ما اقبل اسكت باوعت بعيونه واني
اضرب على گلبي بكُل قوتي واصرخ
_ ليش اعيش شنو فائدة حياتي واني ما واح اصير ام .

عافني وطلع فتح الباب دخلت حُــرة من شافت الدم
حضنتني تبچي على بحيتي ، واني اناشغ واصيح
_ عذبوني ليش خلوني هيچ مستقبلي معدوم معدوووووم .
_ حسبي الله ونعم الوكيل عليهم حسبي الله ونعم الوكيل.
_ حسبيّ الله ونعم الوكيل وهم اريد انتقم منهم راح انتقم منهم .

رجع علي الآكبر وجهه ما يتفسر انطعن طعن
جبرني انهض دخلني حمام غسلني واني بقمة انهياري
بدلت واني بالحمام همست بتعب هلكت من الصراخ
_ اخذني ازور اريد ازور دخيلك .
ما جاوبني بس طلعني ما قابل اخد يدخل علينا
بدلني لبسني عباية وهو يعدل شالي سألني
_ تزورين ابا عبدلله واخوه ابو الفضل العباس ؟
_ اي اي اريد اروح ما اريد مستشفى اريد اروح الهم .

طلع عباية الصلاة شمرها بجنطة وصعدني بالسيارة
طريقها مو بعيد ، بدون ما احجي وياهم صعدني سيارة
عمتي ما قبلت نروح لبست عبايها وصعدت ويايَّ
طول الطريق بس صوت نحيبي مسموع ، وصلنا نزلت ملهوفة
دخل هو من الرجال واني من قسم النساء وعمتي ساندتني
ما گدرت افوت بس گعدت من الوجع بيت الحرمين
بجيت واني ابجي اسولف وياهم
_ بديت حياتي الجديدة هنا يمكم عقدت واجاني علي الآكبر
عوض على عذاب اهلي ، بس انحرمت من اهم شي
انحرمت من زينة حياة الدنيا اجاني العوض بس
بعد ما اگدر اصير ام وهذا حلمي والله حلمي اصير ام
وعلي الآكبر اب حتى اعيش اطفالي عيشة اني جنت اتمناها
بكل مرة يوگع يظل عندي امل بس هل اسقاط هدم حيلي بعد .

نزلت راسي اناشغ علي الآكبر عافني وامه يمي وراح دخل
للأمام العباس (علية السلام ) يخفي كسرته مني
بقيت ابجي الى ان انهدم حيلي ملت راسيعلى عمتي
حضنتني وهي تبجي على حالنا واني اباع على رايح والراجع
الحد ما شفته من بعيد راجع رافع راسه گعد بمستواي
رفع راسي عيونه مصبوغه دم وهو يحچي بصوته الحنون
_ امشي الخاطري نروح مستشفى مو زين تظلين هيچ .
_ تعبت .
_ بيَّ كون التعب اگدر اخذه منچ ويصير كله بيَّ .

ساعدني امشي وعمتي راحت تزور على سرير طلعني گعدتي
بالسيارة يغسل بوجهي وبيدي شربت مي ما اتقبله ارجع اذبه
اجت عمتي رجعنا وتوجهنا على دكتورتي مو مستشفى
دخلت عليها منتهية من شافتني عرفت بدون ما احجي
ساعدتني اصعد على سرير سوت سونار ما حجت طولت طولت
خلص صبري عمتي مقابيلي فتحت صوت اسمع نبضات
فتحت عيوني على وسعها واشرت بيدي بتعب
_ شنو هذا الصوت .
_ ابنچ موجود .
_ والنزف .
_ تهديد رحمچ ضعيف .
_ والطفل .
_ موجود وبي نبض .

ضميت وجهي ابجي واناشغ راحت فتحت الباب دخلت علي الآكبر
_ خبلتني اليوم در روحك .
_ بعدها مصدومة دكتورة .
_ وانت هم وجهك ما يتفسر افرحوا عيني افرحوا
الطفل موجود وبي نبض لا تخافون عيوني .
_ موجود والـ  ؟
_ لالا النزف شي اعتيادي لان رحمها تعبان بس الطفل الحمدلله موجود
وهل حمل اني كل مرة امل ما انطيكم بس احب ابشركم هل حمل ناجح .

لزم راسه وهوَّ يتشكر منها اشرت اله اجه يمي حضنته
واني اشهگ وهو يوجهه كلامه للدكتورة
_ اذا تبجي يروح الطفل مو .
_ اي .
_ بعد ما ابجي ولا احجي بس اتنفس .
ضحكت الدكتورة وهو يمسح بوجهي بالكلينكس ويبتسم
_ كافي بجي بوية راحت عيونچ .

نزلت من السرير تشكر من الدكتورة
_ دُر راح اسجل علاج ضروري ما تفوتين منه ولا موعد
ومنها ابرة هسة حالاً تضربيها لان الحمل مهدد .
دُر : هسة اضربها والله هسة وما افوت علاجي علي الآكبر موجود مو  .
علي الآكبر: بعيوني صار .

طلعت منها جسمي يرجف ما مستوعبه حقيقة لو حلم
لازمه بطني اريد اظل احس اني حامل ببطني طفل روح اكو روح بطني
دخلت على ممرضة ضربتني ابرة خلتني نص ساعة نايمة
ورافعة رجلي ، طلعت للبيت ما شفت احد اخذني على بيت
نمت بفراشي فاتت حُــرة تبوس براسي خايفة عليَّ
_ راح يجي ريــان يشوفچ تخبل من عرف شصار بيچ .
رجعت راسي على مخدة عيوني توجعني من البجي البيت
كله البنات منظفي من طلعت ، وحرة ما عافتني
دخلت المطبخ تسوي اكل وتحجي هي وهي الاكبر
اجت دارين يمي تحجي عن بنية صديقتها نفس حال رحمي
وصار عدها اربع اطفال وتنبهني لازم الترم
دخل جــود وبيده ماعون مشاوي حار وخبز حار ومقبلات يصيح
_ طررررريق طرررريق عفت الشغل وشلون سوين ماعون مشاوي
يرد الروح لزوجة اخي المثقفة .
وكفت دارين وهو گعد بصفي مبتسم بقهر
_ شصاير لعيونچ دُر والعباس انقهر من اسوفچ هيج كلبي ينمرد .
_ صدك .
_ ماتعرفين شكثر محبتچ بگلبي انتِ عزيزة عليَّ بمعزة علي الآكبر .
_ وانت بغلات علي الآكبر اقرب شخص اليه من بعد علي الآكبر .
_ چا اكلي الخاطري .

علي الآكبر مستند على باب يشاهدنا ويبتسم
ودارين گاعدة بالمطبخ هي وحرة يباعن ويضحكن
اني اكل وهو لازم الشيش يطلع وحده بعد وحدة
الى ان كملتهن شربني عصير برتقال طبيعي وهمس
_ الف صحة وعافية زوجة اخي النازوكية .
_  I love you جودي .
_ وحگ علي انا I love you .

طلع مثگل وجهه ما يلتفت بنظرة على دارين لان موجودة
دقايق ودخل ريــان وعلي الآكبر اجه يمي خايف
ظل بحجي يرزل من شاف وضعي حضني صبّرني باركلي
وظل هو وعلي الآكبر يسولفون فاتت حُــرة وهي تگول
_ الأكل جاهز تعالوا اكلوا ، علي الآكبر النسيب اكل وگول شنو رأيك .
راحوا بالاستقبال دارين اجت يمي
_ بعدكم حرب انتِ وجود .
_ شايف نفسه كُلش .
_ تدرين جــود ماكو مثله والله بس ما ادري ليش هيج وياچ
حتى هو يتسرسح على شخص من يحجي انكليزي
انتِ ابد ولا يتأثر .
_ هم حظي ههههههههه صار عدو عزا عبالك قتلت واحد منهم .
_ بعده ما متعود عليچ يلة ميخالف .
_ واني ما انتظر يتعود اخر همي هل جــود .

سكتت لثواني تحمحمت وسألتني
_ هو منو اكبر جــود لو علي الآكبر ؟
_ علي الآكبر .
_ بس ماكو فرق بينهم ؟
_ اي صح جــود وعلي الآكبر نفس الضخامة والطول .
_ حلو .
_ عجبچ ؟
_ منوو جــود ؟
_ لا فرق الطول والضخامة .
_ احممم اي اي حلو .

ساعدتني رحت تمددت يمهم وهمَّ ياكلون
حُــرة تجهز الجاي ، بس كمل باس راسي ريــان وطلع
يريد ياخذ حُــرة ما قبلت الثاني يوم اجتمعوا البنات
وفات سيف الدين وجود وعلي الآكبر ونرجس وسراج الدين علينا
جهزنا الاستقبال بكُل ما تشتهي الأنفس من اكلات وحلويات
شغلنا فلم وكلنا سهرنا جــود تمدد اول واحد واني وعلى الآكبر على تخم
كُل ما التفت اشوف دارين عيونها ثابته على جــود وهو ولا عبالك
ما مهتم هذا الزاحف هيچ طلع ثگيل صدمة العمر ولك
رجعت اندمج بالفلم واريد اخذ قطعة بيتزا ورجعت لمحتها
تصفن بي وتبتسم ايدها على خدها تتأمله .

اشرت لحرة بعيوني هم ركزت بيها
خلص الفلم نهض يصفگ وينطي رأيَّ ويشارك ويضحك وياهم
ويحشش وعيَّ على كلامة تبتسم صدت نظراته عليهه من شافها
نزلت راسها سوت نفسها تاكل ، ارتبك ونلفت انتباهه
صار يسرق نظراته عليها بين كل دقيقة والثانية الى ان
طلعت من الاستقبال راحت للمطبخ حُــرة راحت وياها
دقايق ورجعت بعد ما رفع عيونه عليها علملها معاملة
كانما ما موجودة من تأخر الوقت بداها سراج الدين اخذ نرجس
وراح ، وشمس وشوق اخذن اخوانهن ودعني لان من الصبح
راح يرجعن على بيوتهن ، وصلني على الآكبر على غرفة
وهو يهمس يتوسلني
_ ما اگدر اعوفچ وحدچ يصير ابات هنا يمچ والبنات بالاستقبال .
_ اي ما اريد تعوفني ظل قريب مني  .

فرشن البنات هناك وهو نام بصفي يدلگ ببطني
_ صير بطل لك بابا اريدك صنديد اسكندر قوي
تعال لك تعال نلعب لعب انا وياك .
_ بيت الرياش خايفين من واحد يجيهم الثاني .
_ بعلي نحودهم حود نسبيهم سبي اغمهم غم .

نمت على ايده واني اضحك وعلى هل خوف يوم مرن ويومين
واسبوع الى ان اجه ريــان مصر حُــرة تروح وياه
وهي قابلة ودعتني وراحت بيوم رجعت شهد وانور من سفرتهم .

حُــرة ..

طول الطريق ايده بيدي مشغل اغاني محتفل برجعتي
صورت ونشرت على حسابي الخاص ، بالثواني اهلي شافوا
بس شفتهم مشاهدين سويت الهم بلوك نص الطريق رجعت فتحته
خليهم يشوفوني مرتاحة بدونهم العارات .

باس ايدي قبل لا انزل وتلمس خدي
_ اليوم بليل اجي عندي حجي وياچ .
_ ما راح تنزل ؟
_ بيت فارغ بس انت وياچ والشيطان ثالثنا يصير ؟
_ رنيم الشيطان ؟
_ رنيم بيت امها .
_ عزا شنو اظل وحدي بالبيت ؟
_ صفية موجودة .
_ تعال انت .
_ ما اگدر والله اعرف نفسي مو امان .

نزلت طبگت الباب بكل قوتي فتحت صفية الباب
خطية صار بيها توحد كل هل فترة وحدها
گعدت وياها اسولف الها شصار بهل اسبوع
واخبار دُر ، فاتت وفاء وبقمة الصدمة صاحت
_ دُر حامل .
_ آي الحمدلله حامل وعلي الآكبر طاير بيها .
عافتني وراحت عبالك ضرتها حامل مو بنتها

طلعت من المطبخ من سمعت الباب ينفتح دخل انــور يضحك
_ اتفضلي شهدي .
حُــرة : نورتونا ولكم عيني البيت مو حلو بدونكم .
شهد : تي مو على اساس انتِ گاعدة بالبيت .
حُــرة : اخذوني اهلچ بديلچ .

صفگت بيدي ورحت افتر داير ما داير انــور
_ لك عيني عين الباردة طالع تذبح ذبح من الجمال مورد
شنو كل واحد يتزوج يصير حلو .
انــور : استلمتنا من الباب بنت الحيوان .
_ ارحب بيكم فوتوا فوتوا كل الهلا بيكم بيت زوجي المستقبلي .
شهد : حبيبي نروح نعيش بيت وحدنا ؟
حُــرة : لااا اسفة بيتكم هذا بيتكم والله .
انــور : فوتي شهدي بيتچ هذا .
رحت قريب منه همست بصوت خافت
_ ميصير هيچ ابن عمي مو بعدين تاخذ علينا شهد .
_ خليها تاخذ .
_ ادگنا بالنعال .لزمني من ملابسي ودفعني بعيد منهم اخذها وصعد
عمي حظوظ نسوان مسيطرات مثل حظي
رجعت للمطبخ اساعد بصفية جهزنا السفرة فات انــور
ويوسف عمي سوية ، نزل انــور وفاء وراه

كلنا گعدنا اخر شي اجت شهد سلمت كلها ردت السلام بس وفاء
_ بس ياريت تطلعين لطيفة مو مثل اهلچ .
_ وشبيهمممممم اهلي ؟
_ همج .
انــور : هااااااااااا سالمين شكوووووووو شكووووووو .
وفاء : هذا رأيي بيهم والكُل يعرف من زمان .
شهد : اهلي تاج راسچ هل همچ لو تصيرين منهم
چان عائلتچ كلها صارت بخير كلچ خلگ وحدة انانية
تحبين نفسچ وبسسسس على اقل الهمچ ربوا احسن تربية
وصنعوا من عدنا اسود ولبوات ، الهمج يفدونه بروهم
انتِ تخلين اولادچ كبش فداء حتى تفرحين روحچ انانية انتِ انانية .

كملت كلامها وفاء فاتحة عيونها على وسعهم مصدومة من
نبرة صوت شهد الواثقة وقوة شخصيتها ، كل ظنها من تخلص
تعوف الاكل وتروح بس شهد سممتها وكملت اكلها طبيعي
ولا كأنها موجود او حجت كلمة ، خلتها تفور تباع على يوسف
ضربت ميز الطعام وراحت من ضحكت بوجهه وهي تصعد تصيح
_ حلو والله بيرفكت واحد جاب بنت ياسين ارملة ومطلقة مرتين
السانها اطول منها ، وهذا الكبير دخل علينا بت همج من اول
يووووووووم الها بيتي تجاوز على امه وهووو سامت مثل الزمال .
ريــان : هذا البيت موووووو بيتچ مووووو بيتچ
واذا الوضع ما يعجبچ تگدرين تروحين وين ما يعجبچ
وجودج وعدم وجودچ صار عدنا واحد ماكو فرق .

اكل قليل يوسف ويحب كلينكس وهو يمسح يحچي بكُل هدوء
_ تصرف قبل شوية وتعاملك ويه امكم ما اريد يتكرر
تظل امكم واجب عليكم وعلى زوجاتكم احترامها اولادي .
شهد : اعتذر منك عمو بس هي نرفزتني .
_ حقچ ما اريده يتكرر هل تصرف فهمت ريــان فهمت انــور ؟
ظل انــور منزل راسه ياكل ولا عبالك الموضوع يمهم .

الى ان خلص وصوت الأذان واضح عالي ، راح يتوضأ
شهد يمي وما اشوف غير انــور البيت رش السجادة يصلي
طلع ريــان من الحمامات صار صنم جامد يشوف انــور
راح يمشي گعد وهو مبتسم يشوفه بهل حال رفع ايده على شهد
يسوي الها اوكي وهي هم سوت نفس الحركة بخجل .

من كمل تعامل وياه طبيعي
_ تقبل الله اخوي
_ منا ومنكم صالح الأعمال .
اني حجه هيچ وطگيتها بضحكه التفت انــور
واجه يمشي بتجاه المطبخ رفعني من ملابسي طرت
هاي ثاني مرة اجرب الطيران
_ توبة والله ما اعيدها بس شنو هل اسلاميات تزوجت لو
دخلت للإسلام من جديدد.
_ شنووووو ملحد اني ملحد .
_ الصراحة اي جنت شبه ملحد .
اجه ريــان لزم ايده يضحك ويصيح بي ينزلني
_ اخبزهاااا خبزززززز سيطررر عليهااا تزوجهاااا وسيطر عليها .
ريــان : لك هاي تسيطر علينا وما نسيطر عليها .

نزلني طفرت بظهر ريــان وانور اخذ شهد وراحوا
اريد اطلع لزمني من ايدي واشر بيده لصفية نطلع
_ وين تروح اخذيني وياچ لچ عيني صفية .
رفعني من خصري على قاطع المطبخ صاير قصير صرت بمستواه
واني گاعدة حط ايد منا ومنا ومال راسه ومثبت نظراته على شفايفي
_ كل يوم يمر وانا ما اگدر اقترب منچ ياخذ من عمري .
_ اسم الله على عمرك صيادي .

تلمست قميصه رفعت اصبعي على رگبته اتلاعب بي
رفع وجهي ثبته بيده وعيونه تلمع لمع كأنها تگول احبچ
بس بلغة العيون تحول كلامة للجدية وخوف بنفس الوقت
_ قبل لا نحدد شي لو ترجعين على ذمتي مرتي حرتي
لازم تعرفين موضوع مهم يخصني والله حُــرة والله ما اريد تتأثرين
لا بيَّ ولا تخافين من احد حتى لو رفضتيني اظل سندچ
وتعيشين هنا معززة مكرمة دراسة وشغل وبيت وسيارة
كلشي يوصل الچ مو شرط تتزوجيني اهم شي اني گلبي مطمئن انتِ بخير .

تمسكت بوجهه مثل ما متمسك بوجهي وسألته بخوف ورهبة
_ شصاير خوفتني ؟
_ انا مريض .
_ مريض ؟
_ صرع نفسي .
_ عزززززا .

ضربت على وجهي وابتعدت لزم ايدي وصاح وهو يهز راسه
_ اسمعيني .
_ شنو اسمع .
_ بعدچ صغيرة انتِ وانا اكبر منچ بهوووواي
فوكاها مريض صرع وانتِ صغيرة الف واحد يريدچ .
_ الف واحد ؟
_ امووووتهممممممممم لچ امووووتهمممم .

حضنته واني ابجي جسمي يهتز بين ايده
_ مريض انت مريض .
_ حُــرة جنتي ما تريديني اگول عادي ابتعد منها وتبتعد مني ما حجيت .
_ شلووون ما تگول واني اني اضغط عليك .
_ لچ من عرفتچ لليوم ما صار عندي نفسيتي تعدلت من رحتي رجع .
_ يمكن يصير بيك شي .
_ تخافين .
_ امووووت .
_ من عمري على عمرچ حرتي .

يمسح دموعي يبوس بعيوني وهو مبتسم بقهر
_ تنزل دموعچ عليَّ .
_ گلبي صار يوجعني ، يعني من خليتك تثلچ من سافرنا جنت مريض ؟
_ اي .
_ ومن اضربك ؟
_ اي .
_ اسفة صيادي .
_ احبچ اني حُــرة خايف تعوفيني ردت ما احجي
بس يگولون حرام لازم تعرف كلشي قبل الزواج .
_ اني احبك مو بس انت تحبني لو موووو مريض وشايب .
_ ههههههههه شايب شنو ولچ بعدني شاب .

حضنته وهو حضني بكُل قوته

_ الف واحد موو ؟
_ الي يفكر يقترب منچ اصيده صيد .
_ شنو اكثر شي تحبه بيَّ .
_ ما تحتفظين بمشاعرچ .
_ قصدك من احب مفضوحة اخبص الدنيا .
_ اخبصي الدنيا يا احلى دنيا شفافتها عيني .
انــور : لككككككككككك انت وياهاااااااااااا امشي اطلع برا انت
امشي مووو راحة ادري بيك موووو راحة  .

طفرت منهم صعدت وانور يهدد بيَّ ويصيح على ريــان
- ميصير لك حررررام روح كمل اجراءاتكم حتى تتزوجهااا امشي .
حُــرة : مدخل روحه بكلشي .
انــور : راضية بنت الحيوان قابلة فووووكاهاااااا .

ريــان واكف يضحك غمزت اله وصعدت فوك
الثاني يوم اسمع صوت جوة عالي طلعت اشوف منو
دخل ابو حسن وام حسن وعلي الآكبر وجود وياهم
استقبلهم انــور اول ما گعدوا سأل علي الآكبر انــور
_ وين شهد ؟
انــور : بعدها نايمة بغرفتي .
كتمت صوت ضحكتي وهو گعد ظل علي الآكبر بهز برجله
وايده على راسه يصبر بروحه من انــور غسلت ونزلت ركض
سلمت وگعدت وياها اشر انــور
_ روحي لغرفتي گعدي اختهم گولي الها اخوانچ هنا .
علي الآكبر: انــور احترم روحك راح اگوم ايبس ضلوعك .

رحت بسرعة گعدتها ورجعت نزلت هي انخبصت خبص
نزلت تركض حضنت جــود بكل قوتها وبجت
جــود : منووو وياچ انوررر احجي ليش تبچين ؟
علي الآكبر: هذا گدامي اغمه الچ غم بعلي .
شهد : لاااا والله حباب انــور بس اني اشتاقيت الكم كلكم .

راحت تبوس بيد امها وابوها گعدت بنصهم
واني رحت اجهز الضيافة ورجعت أسأل على دُر
_ شلون صارت فدوة بالي يمها .
_ الف الحمدلله احسن .
انــور : ليششش دُرررر شنوو بيهاااا ؟
علي الآكبر: مو جنتوا مسافرين ما نريد نقلقكم .
_ احجي شبيهاااا ؟
_ حامل مني اختك .
ظل صافن انــور يهز براسه ويعض بشفته
انــور : يوم لأختيك تصير حامل مني .

دار وجهه قدمت الضيافة سألتهم على دارين راجعة البيت ابوها
بين سالفة وسالفة كلهم ترخصوا يروحون وشهد تبجي وتودعهم
اخذها علي الاكبر وجود على صفحة يحجون وياها قبل لا يطلعون
اثنينهم شالوا ظرفين خلوها بيدها ودعوها وطلعوا
وابوها لبسها گلادة وامها سوار قبل لا يطلع ابوها لزم ايد انــور
_ امانة الله ورسولة عندك شهد خليها بعيونك هاي قطعة من گلبي
اذا بيوم منَّ ألأيام زعلتها وحق عيونهاااا اذا نزلت دمعة منهن
بسببك يا انــور اخذها منك بعد ما اخليك تلمحها .
انــور : انتوا تتعاطون تهديد مو بديتها حلوة .
ابو حسن : ما تعرف شگد گلبي محروك من فراگها
جانت تارسه البيت بضحكتها من راحت عافت فراغ بالبيت وبگلبي .
انــور : بعيوني شهد بدون ما توصيني وصيها هيَّ عليَّ .
ام حسن : لا بدون ما اوصيها هي واجب عليها ادير بالها على زوجها .

سلموا وكلّهم راحوا حضنها يبوس بيها عفتهم وطفرت فوك
خابرت على ريــان من جاوبني صوته بعده مببن نايم
_ شوكت تتزوجني .
_ شنو .
_ عرسنا شوكت ؟
_ ههههههههههه شكوو من الصبح يا ستار .
بعده يحجي ويايَّ واسمع صوت بنية تدلع بكُل وضوح صاحت
_ يلة حبيبي الريوك جاهز تعال نتريك تعبنا ههههههههه .
حُــرة : هاي رنيم ؟
احس بي انخبص وصارت اصوات عالية طبگت الخط رجع اتصل
_ حُــرة اني جاي عليكم هاي مسافة الطريق .
_ هاي رنيم مو ؟
_ اي رنيم .

سديت الخط رحت على غرفة وفاء دكيت الباب طلعت بسرعة
_ خير يا طير من الصبح .
_ اريد رقم رنيم بسرعة .
_ شكو .
_ اريد رقمهاااااا .

راحت على تلفون طلعت الرقم ترد واني اكتب
اتصلت عليها جاوبتني بنفس الدقيقة
_ رنيم هاي انتِ ويه ريــان جنتي .
_ شنو ؟
_ رنيم عليچ الله احجي الصدك حبابة هاي انتِ جنتي
بيت ريــان الثاني احجي الصدك الله يخليچ هاي انتِ  .
_ لا اني بيت امي ومريضة خابرته مرتين ما يجاوبني .
_ يعني هاي موووو انتِ وياه .
_ ليش شنو صار الووو حُــرة الووووو  .
يتبع....

_ رنيم عليچ الله احجي الصدك حبابة هاي انتِ جنتي
بيت ريــان الثاني احجي الصدك الله يخليچ هاي انتِ .
_ لا اني بيت امي ومريضة خابرته مرتين ما يجاوبني .
_ يعني هاي موووو انتِ وياه .
_ ليش شنو صار الووو حُــرة الووووو .

سديت الخط شمرت التلفون وخليت ايدي على راسي
شكوووو ليش ابجي ليش تنزل دموعي عادي خلي يخون
شكو بيهاااا لا تهتمين دموعي غالية اني ميصير ابجي
الباع ينباع حُــرة الباع ينباع ، طلعت احلى تراك عندي
لبسته ورفعت شعري خليت مكياج خفيف وكثرت عطر
نزلت على مطبخ مليت صينية حلويات وحبشكلات
وگعدت بنص الصالة شغلت تلفون على مسلسل كويتي
اباع وانفتح الباب دخل ريــان يركض مخبوص يعدل بالقميص
ويرفع بشعره ، مخبوص صار مقابيلي ابتسمت بوجهه وحجت بحماس
_ هلوووو ابن عمي تأبرني نورتنا .
_ حُــرة وعيونچ مـ ..
_ عفية اسكت ما اسمعهم شنو يحجون على شنو يتعاركون .
_ حُــرة عوفي المسلسل شوفيني احجي وياچ حاجيني .

تربعت واني على تخم وطفيت التلفزيون من الريموت
_ اسمعك عيوني .
_ زعلتي لان رنيم يمي .
ضحكت واتصلت على رنيم واني اخلي ايده على شفايفه
امنعه يحچي غمض عيونه وگعد بصفي مركز بملامحي
_ رنيم يعني من خابرتي وگلتي مريضة ما اجه اخذچ ؟
رنيم : لا ولچ وين من البارحة اخابر بي اخر شي حضر رقمي .
_ يعني هاي مو انتِ جنتي وياه .
رنيم : تريدين اصيح امي تحجي الچ الصار ؟

جر التلفون من ايدي يمشي بالصالحة وانطعن دم يصيح
_ لچ رنيمممممم لچ مووووووو خابرتيني وصلتچ
مستشفى وبقيت وياچ من خلصتي گلتي اروح وياك
صررررررتي مو انتِ ويايَّ مووووو انتِ بنت الحيووووانات
خليني اشوفچ بس اشوفچ يا حيوانه اني اعرف شغلي وياچ .
اخذت كيكة ورفعت الببسي رجعت اكل واباع رجع عليَّ
گعد بصفي لزم وجهي من حنكي فرني يخلي عيونه بعيوني
_ تصدگيها ؟
_ مايهمني بس خليني اشوف المسلسل .
_ ياااا مسلسل احجي وياج حُــرة اسمعيني .
_ ليش اسمع ؟
_ لأن تهميني ضروري اوضح الصار .
_ بس انت بعد ماتهمني .
_ استلم .

ابتسمت بكُل برود وتمددت على تخم اكمل الحلقة
فز من مكانه فصل بلك التلفزيون وتقدم بتجاهلي
رفعني من خصري وگعدني
_ اني مو زعطوط احجي وتجاهلين لو تحكمين بكيفچ
محترم رد فعلچ وبعدني بعز نومتي عفتها واجيت ركض
وواجب عليچ تحترميني ومن احجي تجاوبين بطلي زعططه .
_ جبرتك ؟
_ على شنو ؟
_ تجي تركض .
_ هذا واجب عليَّ اجي واصحح الصار انتِ عزيزة على كلبي
مايهون عليَّ تزعلين وماكو شي يستاهل تزعلين علية .
_ اريد اروح انام .
_ حررررررررة .
_ ليش تعلي صوتك بوجهي .
_ تنرفزيني .
_ هذا تصرفك من اني عصبية تعلمت منك .
_ يعني ضايجة .
_ ما تهمني .
_ انعل ابوچ ؟
_ انعل ابوك وامك .

مسح وجهه بغضب مشيت بدون اهتمام اصعد وصلت النص الدرج صاح
_ تنزلين لا اصعد ما اخلي عظم صاحي بيچ .
_ گد تهديدك ؟
اني احجي رفعت حاجبي وعبرت محجر الدرج وكفت على طرف
بايات الدرج لزمت المحجر بكل قوتي لا اروح بيها من صدك
فتح عيونه على وسعهن واجه وكف مقابيلي فاتح ايده
_ تموتين بس توگعين تتفلشين تفلش لچ حُــرة اسف اني اسف .
_ تهدد انفذ تهديدك وطول عمرك اخليك تبچي .
_ ما هددت يمعودة الزمي المحجر زين خليني اصعد اساعدچ .
_ لا اريد اشمر روحي حتى ما يظل عظم صاحي .
_ لا الخاطر الله لا اموت حُــرة اني احبچ .
هو يحجي هيچ بس مبين عصبي اذا يلزمني يطيح حظ حظي
عض اصبعه ويدفر بالتخم يسب بـ ابوية ويرجع يقنعني .

بعدّه يحچي وزاد بالغلط رفعت حاجبي صحت
_ هااا تغلط اشمر روحي اموت تريد اموت .
ما احس غير انسحبت من التيشيرت ورجلي صارت طايرة
ورجلي تتلولح بالهوا وملابسي تنفر على ايد اباع على ايد
كلها وشوم مخيفة بلعت ريگي وصرخت بعلو صوتي
_ يمممممممممه ريــان راح امووووووت .
انــور : أسهلها عليچ اخليچ اليوم تنامين بصف السابقون .
حُــرة : لا عيوني شبيك خليني من اللاحقون.
انــور : تهددين بنت الحيوان تهدددين اخوية .
ريــان : يمعود انورررررر بس ارفعها لا تتشگگ ملابسهاااااااا .

لزمته من الفانيله ودموعي تريد توگع من الخوف
_ جنت احجي وياه والله شبيك راح اموووت انــور .
_ اعتذري منه يلة اعتذري خبلتي راح يموت منچ اعتذر.
_ هو خاين .
_ منو خاين هذا البارد السكوتي ، على جنية ما يگدر ؟
_ اي خابرته بنية تگول ، يممممممه راح اوگع التشيرت راح ينشگ .
_ حتى لو توگعين ما تموتين شوفي الخاين جوة يلزمچ .
_ شهددددددددددد لچ شهدددددددد .

انــور : اي اي احجي كملي شنوووو تگول .
_ هاي وينها شهد مخليها تشمشم ماكو ماتسمع شنو ؟
انــور : خليني اوگعها هل عرمة .
_ لااااااا لااااا شوف بس شيلني احجي هناك .
انــور : اذا تجين هنا بعد ما اكدر على لسانچ ابقي خايفة .
_ بلعت لساني ولك عيني اسفة اني اسفة ريــان .

يريد يرفعني واجت شهد صرخت صرخة هزت البيت هز بيها
واجت تركض تضرب بي بكل قوتها رفعني گعدتي على درج
حلگي نشف صعد ريــان يريد يرفع بشعري ويمسح بوجهي
شهد : ليششششش هيچ وياهااااا شنوووو هذا تصرفك .
عافها واجه يمي مكتف ايده
_ اي احجي اسمع .
لزمت ايد ريــان احتمي بي وخايفة من هذا المدگدگ وحجيت بتردد
_ ما اريد اخوك هي اجباري .
انــور : يعني شلون ماتريدين اخوية ؟
_ خاين يخون سمعت بنية تگول يلة حبيبي هذا ريوك ناكل تعبنا
هاااا خاين لو مو خاين حاجيني انت .
انــور : من شنو تعبوا .
شهد : اسأل اخوووووووك من شنو تعب لو تگدر على هل طفلة .
انــور : من شنو تعبتوا ولك السكوتي بس لا متزوج ؟

لزمتني من ايدي تصعد بيه فوك ودردم عليهم
غسلن وجهي وكعدت بغرفتي احجي الها الصار وهي
اطلع ملابس لان بشيرتي صار عريض دلع
واني ابدل احجي منفعله
_ هسة انتِ لو بمكاني شنو تسوين .
_ اني ما اخلي يروح بيت وحده حتى ياخذ راحته
هل شلة بيدهم فلوس فتحي عينچ عليهم فريهم فر خبلي خبال .
_ غير انــور طلعه اني شكو .
_ ما ادري تصرفي بعقلچ .
وهي تطلع اسمعها تگول
_ اروح اشوف هذا المدگدگ الهمجي .

ثواني وانفتح الباب لزمني ريــان من ايدي وسحب بشت من الكنتور
_ لبسي .
_ ما اريد .
حر ايدي يلبسني دفعته من صدره وصحت
_ حرام تصير هيچ قريب مني .
_ مو بحالچ اني خاين ما اهتم بقربچ يمي ولا اتأثر .
_ حقك تعبان .
_ بسيطة حُــرة .
حجاها وهو يعدها وعيوني بعيونه .

لزم ايدي وسحبني نزلنا وطلعني للسيارة صعدت وبدون اهتمام اتعامل
وياه ، نزلنا مقابيل باب البيت القديم نزل واجه اتجاهي
_ يلة انزلي .
كتفت ايدي ودرت وجهي منه
_ ما انزل ميصير اظل اني وياك بيت وحدنا حرام .
_ مو وحدنا الي خاينچ وياهااا جوة انزلي .
_ وتعترف .
لزمني من حنجي وثبت وجهي بوجهه هيج عيوني صارت
بعيونه وهو مركز بشفايفي ويضغط على كُل كلمة يحجيها
_ تعرفين كلش زين اني ما خنت وتدرين اني احبچ
بس تحبين تشوفيني متعذب عليچ تخليني دايخ ترتاحين .

جرني بكُل غضب ونزلني فتح الباب اول ما دخل شفت ام رنيم
بالمطبخ ، صارت بوجهه وهي تتوسل بي
_ دخيلك لا تضربها حامل وضعها مو زين فدوة اروحلك يمه .
سحبني وهو يبتعد منها دفر باب غرفتها القديمة شفتها
نايمة ولازمة بطنها عافني وراح عليها وهي بكُل ثقة
گعدت تباع بثقة تدري بي دام هيَّ حامل مستحيل يرفع ايده ويضربها
ريــان : تحجين لا انزل عليچ هسة اخلي دمچ تارس البيت .
رنيم : ترجف عليها .
ريــان : منوووووو ؟
رنيم : حررررة .

هي حجتها اني ردت اطلع امها فاتت صارت مقابيلها حتى ما يضربها
ام رنيم : لا هي والعباس هي اني سويت اكل وعدهم موعد
عند الدكتورة دزيتها تروح تگعد الرجال حتى ياكل وياخذها
ومن البارحة بليل للفجر هوَّ نايم بيها مستشفى .
ريــان : خطة جديدة مووووو رنيم خطة من ياسين
تتخربطين تخابرين تخليني بالمستشفى والصبح
تلعبين لعبة جديدة عليَّ همكم تخلوها تكرهني .
اريد اسحب ايدي من ايده بس اريد اطلع يمنعني
ام رنيم : لا والله مو من ياسين تلفونها عندي انت مو تدري
اني كسرته بيدها وكسرت عظامها وانت بنفسك خلصتها من ايدي
ومن يومها حملها خطر ، هي هيج سوت لان تغار حقها يمه انت زلمتها .

وكفت على حيلها ضربتها امها وهي تريد توصل يمي مثل
المخبلة تصرخ ودفع بأمها وامها بكل قوتها تضرب بيها
رنيم : خلي كلامي محفور بعقلچ تبقين دخيلة دخلتي
حياتنا وخليتي رجال متزوج يعوف مرته وابنه حتى ترضين بي .
جرتها امها من شعرها وگعتها وهي تضرب بروحها رجعت
وكفت وتصرخ بعالي صوتهاا
رنيم : وين ما تروحين ولو تمر سنين راح تظل بصمة عليچ
تزوجتي واحد متزوج وعنده ولد وحرمتي ابن من ابوووووو .
رجعت وگعتها لزمت بطنها وريان عافني وراح عليها
دفع امها منها وصعدها على سرير گعدت وعيونها عليَّ
_ انتِ دخيلة وراح تتندمين لان يجي يوم ويمل هذا
شووووفث هذا راح يمل منچ بس ياخذ الي بباله والي
يموووووووت ويموووت ويهجم كون حتى يحصله
تدرين ليش لان تعود ماكو شي ممنوع عليَّ الي براسه يتنفذ
وانتِ ممنوعه مرغوبة صررررتي عنده حالچ حال الزبايل يشمرچ بعدين .

هي حجت اخر كلماتها ضربها براشدي فرها فر من يمي صرخت
وطلعت من البيت للشارع اريد اروح وحدي طلع رجعني للسيارة
بدون ما يحچي ولا اني انطق بحرف واحد درت وجهي
ما صدگت وصلت للبيت نزلت جسمي يرجف يرعش من العصبية
والقهر الي زرف كلبي زرف شوكت ارتاح الكلمة الي امشي واردها
فتحت باب المدخل دخلت البيت انــور صار مقابيلي مبدل يريدون يطلعون
من شافني فتح عيونه ركضت بلا تفكير حضنته بجيت بعلو صوتي
وهو يمسح براسي وايده الثانية على ضهري رفع وجهي بيده
انــور : منو وياچ ؟ ريــان ؟ ضربچ ؟ احجي حُــرة منو ؟

ريــان راح يمشي على تخم گعد لازم راسه
دخلت ام رنيم وياها رنيم شمرتها جوة رجل ريــان
_ هاي هي گدامك تستاهل كلشي تسوي بيها .
انور متمسك بيَّ بيده حاضني ويجاوبها بعلو صوته
انــور : تعرفي هو مايريدهاااااااا ولا طايق اسمهاااا
والخاطر المظلوم ألي ببطنها متحملهااااا .
حجاها وهوَّ يرفع ايده ويأشر بأصبعه بتحذير
انــور : تسوي حل وياهن وتختار بين حُــرة ورنيم الكلبة
غيرهاااا اني ما اقبل حُــرة تقبل بيك وتتزوجك مو شفتوها
اهلها **** عبالكم تبهذلوها ترا هاي صارت بمعزة دُر عندي .

صعدني فوك وشهد ويانا ريگي يبس اشرب بالماي
ودموعي تجري گعد قريب مني يفهمني بكُل طمأنينة
انــور : حُــرة وداعت شهد علاقتهم منتهية من زمان
لا رنيم تريدة ولا هو يريدها هي تكرهه وهو كرهه .
حرة : والطفل ؟
_ هل طفل صار بالغلط بداية زواجهم ومايصير
ينفصلون بفترة حملهم .
حرة : اني مو طرف ثالث .
_ لالا من زمان اتفق وياها بس تولد يتحمل مصرفهم ومسؤوليتهم
وينفصلون الله شاهد
حرة : لعد شبيها هيج تحجي يرجع وابنه ومرته تحجي حجي
يخلي گلبي ينمرد مرد تگول يطلگج من يمل منچ .
انور : هي من شافت علاقتكم وحبه الچ
هاجت عدها الغيرة كون الزمها اخليها تصيح التوبة
بس اخوي فاهي ما يفتهم والله حامل ما ارفع ابدي
غير *** تستاهل السحل .

وكفت شهد مقابيلي تفهمني
_ شوفي هاي ماراح اتوب ، ومايگدر يطلگ
راح تظل تبث سمها عليكم وتسوي مشاكل .
انــور : ارگعها بالقندرة .
_ ميصير بعدها زوجة اخوك عيب هو موجود ويحاسبها .
انــور : اخ بسسسسس اخ .
شهد : حُــرة انتِ بيدچ تكبريها وصغريها
تعرفون كلكم رنيم شنو من بشر حقود لو توثقين بريان
يا اما تخربون علاقتكم بالمشاكل .
انــور : ريــان مستحيل يخونچ لان يحبچ اخذيها مني والله يحبچ .

بعدهم يحجون فتح الباب وفات متردد يحجي وياهم ومركز بوجهي
انــور : راحوا ؟
ريــان : بقت رنيم هنا .
طلعه انــور برا يتجادل هو وياه بالممر اسم ريــان يجاوبه
ريــان : لك اخوها مايقبل يفوتها للبيت وامها ضربتها
والطفل نبضه ضعيف من البارحة وهسة لزمها مغص
حرام أطردها انــور باجر الله يحاسبني عليها .
انــور : وحرة ؟
ريــان : حُــرة بعيوني وهي للبارحة ماعدها اشكال برنيم
انــور : لان تدري بيك ماتريدها .
ريــان: وانت تعرف ما اريدها وحرة تدري لا تعبوني انا تعبان .

شهد يمي تتسمع على كلامهم فزت من سمعت أنوار صاح بأسمها
_ هذا صوته العالي خبلني .
ابتسمت ونزلت راسي هي طلعت وريان فات وسد الباب
وكف گدامي مستند على ميز رفعت نظراتي شفته صافن بيَّ
ضغطت على راسي من الوجع واحرك بيدي صار بيها تشنچ
اجه بصفي رفع أيده يدلگ براسي ومطوق رجلي برجله ختى ما اتحرك
_ هجمتي احوالي من الصبح لهل ساعة فريتيني فر .
_ ريــان اني ما اريد ابنك يعيش يتيم وانت عايش
ولا اريد تاخذه من امه وماعندي مشكلة تبقيها
على ذمتك الخاطر الطفل ، واذا اكو حل غيرهن اني ما اعرض
عليهم واذا اني صدك طرف ثالث اروح منكـ ...
فر ايده وراه راسي والثانية على شفايفي يمنعني احجي
_ ما اعيش اذا اعوفچ ، ما اريد فراگچ افهميها لچ حراير .

سند راسه على راسي اقترب مني اكثر وهوَّ يفهمني
_ أنسى لدنيا كلها وفكري بعرسنا اختاري فستان عرسچ
حذائچ وين تريدين تصير اختاري كلشي بأدق التفاصيل
وانا انفذ احلامچ ، انا احل كلشي ، وانسي انا اخونچ بيوم .
حُــرة : منو يگول ماتخون مثل ما گالت شهد فلوس بيدكم تلعبون لعب .
_ شهد هيچ گالت ؟
_ اي وگالت اني الغلط مني اقبل تنام ببيت وحدك .
_ بهاي حقها صح اسحبيني يمچ اعيش هنا .
_ اخوك الخايس مايقبل .
_ وانتِ تقبلين .
_ تزوجني وتعال .
_ امشي نروح نعقد .
_ لا عيني انــور يذبحني اذا اروح وياك .
_ تخافين من انــور ؟
_ لا احترمه مو اخاف ، شوف هو اخاف بس احترمه هم .
_ ماتخافين وتحترميني هيچ بنت الشريف .

ضحكت واني ادفعه من صدره سكت لثواني
ريــان : الله راسمهن رسم .
_ شنو .
_ مرسومات يدوخني من اركز بيهن .
تلمست وجهي اقترب وهو يميل راسه بقّيت جامدة بمكاني
صار قريب مني وهو يكمل كلماته بصوت ذبلان
_ ليش هيج حلوات ماكو هيچ دخت .
_ شنو ريــان ؟
_ شفايفچ .

نظرت بحزن لعيونه وهو يمشي اصبعه على انفي
_ ملامحچ حافظهن ، ليش هيج تنظرين لعيوني زعلانه .
_ دا اگول كُل هل جمال الچ يحرة نيالي والله .
ضحك بعلو صوته وهو يحضني رفعت راسي منه اتلمس لحيته
_ احب ضحكتك اضحك هواي ودائماً وكُل ماتشوفني .
_ وبعد شنو تحبين ؟
_ ايدك من تلبس ساعة وترفع ردن القميص انصهر اتبخر .
_ احب التعبير الجريئ كملي ..
_ وطولك من تمشي وتجي هيچ بتجاهي
والله يجيب راسي وراس اهلي .
_ ههههههههههه .

رن تلفونه شاف اسم انــور جاوبه وهو بصفي
_ ها سالمين صوتك هواي صاير يرتفع عليَّ .
_ بعدك يمهااااااا ؟
_ اي .
_ اطلع .
لزمت ايده وكف طلعته وقبل لا اسد الباب صحت
_ ابن عمي طردته تدلل لا تصيح .
انــور : العرمة صار ساعة گاعد يمچ .
ريــان : الجنية تتغزل بيَّ .
انــور : وانت فرحان انشي اطلعععع من البيت اطلع .
سديت الباب وقفلته لان رنيم بالبيت وبقيت احجي اني ودُر .

دُر ..

سديت الخط من حُــرة بعد ما حجت الصار وياهم بالتفصيل
شميت ريحة طيبة گمت من فراشي وطلعت من البيت رحت
على باب المطعم عمتي بالگراج
_ ها يمه دُر .
_ عمه وين علي الآكبر .
_ بالمطعم ذاك .
فتحت الباب واكف يرتب بوكسات اكل مبين عنده طلبيه
بقيت دقايق واني اتّبع تحركاته طلع جــود من المطبخ
سحب ببسي يشرب فحطان من حر المطبخ الداخلي
_ علي الآكبر..
التفت مصدوم من صوتي ذب كُلشي من ايده واجه بتجاهي
يتفحصني بنظراته بخوف لابس كفوف ويمشي سريع
_ يروحه شبيچ كلبي ليش اجيتي .
_ جوعانة .
_ خابريني ليش تجين .
_ اريد افوكادو .
جــود : اجنبي هذا يعلم الطبخ .

اشرت عليَّ واني اميل راسي بتعب
_ بيبي هذا خلي يسكت مني .
_ جــود لا تجبرني اغمك غمممم يا اغم اسكت .
_ غمه مايسكت شوف شيريد يحچي .
_ هسة ادگه بغمه تدللين .
_ اريد صوص افوكادو وجبس مثل البارحة حباب .
_ صار ، بس هذا مو اكل لازم تتغذين زين .
_ لا شوف معتدتي ما تتقبل بس هل اكله .
_ جوووود تعال جيب افوكادو.
_ يتزوجون مثقفات وجود يبتلشششششششش .
_ امشي .
_ فلووووس اريد شنوووو بلاش بعلي كون افوت لجدتي
اخليها تعرف جنتنا تريد افوكادو .
دُر : عزززا لاااااا  .

نزع الكفوف من ايده وطلع المحفظه اخذ فلوس ينطي
ويتقدم يدلي وين يبيعون افوكادو بس وصل قريب منه
صاروا مرافس نومه على كرسي وطعنه بغمه بنص راسه
علي الآكبر: كون غمه تغمك غم يا اغم تخليها تصيح تهدد الخايس .
اخذ الفلوس وطلع وهو يدردم علينا
رحت گعدت بالگراج عمتي ترش بالزرعات اخذت منها الصونده 
ارش على رجلي وعلي الآكبر مقابيلي يشتغل وعيونه عليَّ
فاتت ميثاق عفتهم واشرت لعلي الآكبر راح افوت هز راسه
بعدني بنص الممر حسيت حضني ملت راسي عليَّ
_ خليني ارجعچ لفراشچ لان راح اظل بقلق .

فوتني للبيت نمت على سرير رفع رجلي بالمخاديد
وجر سيار الكهرباء مخلي بي شاحن تلفوني وشاحن لابتوب
علي الآكبر : افتحي لابتوب اقري هاي روايتچ بـ الواتباد .
دُر : خلصتها واجيت يمك ، يمكن راح اشوف قصة غيرها .
علي الآكبر: أسألي حُــرة مو هم تقرا وياچ .
دُر : اخابرها هسة اشوفها روح انت .

باس راسي وطلع مستعجل مبين مشغول
اخذت تلفوني رجعت خابرت حُــرة وصوتها مبينه نايمة
_ اگلج خلصت القصة شنو جاي تقرين هل يومين .
_ شوف هاي الخايسة هو اني صايرة قصة .
_ ها سالمين .
_ هو الي يعيش وياكم مايصير قصة والله اذا احجي
قصتي للعالم اخلي القصص تعزل مصايبكم لا صارت ولا مرت على بشر .

هزيت ايدي واني اريد اروح للباب يندگ
_ لسانچ اطول منچ ماينلام انــور يشمرچ من فوك الدرج .
سديت الخط وفتحت الباب واشوف عمي مقابيلي بيده علاگة
_ عمو هلا بيك .
_ اجيت اشوفچ .
دخل وهوَّ حاضني ويسألني على احوالي گعدنا بالاستقبال
_ هاي جبّت الچ خوخ مو سمعت تحبي هل ايام .
_ اوووي عمو اروحلك فدوة شگد لطيف . 
_ هههههههه شعندي غيرچ انتِ وبناتي بنيتي دُر .
_ علي الآكبر شلونه وياچ .
رفعت ايدي اهز بيها واني أجاوبه بضحكة
_ شنو احجي حتى احجي عاشت ايدك على هيچ تربية ههههههه .

وهو يضحك ضرب رجله وجاوبني دخل علي الآكبر
بيده صوت افوكادو والجبس وعمي يحجي وعلي الآكبر صفن بوجهه
ابو حسن : الوحيد جان بين ولدي ما اسيطر عليَّ
الزمه اطيح حظ حظه ويرجع ثاني يوم كلشي مابي
زيبگ يحود المنطقة حود وحگ علي بنيتي جنت اتمنى
يمر يوم ما يجي اب وبيده ابنه ملعوب بحاله لعب .
_ عزا بس لا هم ابني هيج يطلع وكيح .
علي الآكبر: اذا ما يصير صگار المنطقة انا اطيح حظ حظه .

اخذتهن من عنده خليتهن مقابيلي اكل بيهن واحجي اني وعمي
وهوَّ وأكف عيونه عليَّ يريد يشوفني اكل
_ مرة واحد بالمتوسطة جبير ضخم علاء تتذكره  ؟
علي الآكبر: اي قبل اسبوع سلم عليَّ .
ابو حسن : اي وعلي الآكبر ثالث ابتدائي
عنده بايسكل يفتر بي وهذا علاء اخذه منه يلعب بي
وفالت الزنجيل علي الآكبر صاح بي مثل ما خربته انت تصلحه
هذا عباله جاهل يضحك عليَّ عايفه ورايح ، هذا ابني راجف
نزع الزنجيل وصلخ الولد على ضهره مخلي يتبحرث بالگاع
لليل علي الاكبر فات خانس عرفت بي شي الولد مسوي مصيبة

بعدنا نريد ناكل وبابنا يندگ رحت واشوف ابو علاء وياه علاء
والرجال يفر بالولد يشوفني الضربة ويصيح ابنك هذا علي الآكبر
بقيت باهت اسأل بي معقولة علي الآكبر علاء زلمة شوية وشواربه
تبين بعد علي الآكبر يخلي هيج يبجي .
دُر : اي وبعد كمل عمو حباب .
ابو حسن : صحت علي الآكبر اسأل بي بوية صدك انت
ضربته غير يخاف ماكو شايلها كلش يرفع براسه وجاوبني
اي بوية انا ضربته هذا الثور لا بيَّ اضربه احب شخصيته
ولليوم من بين كل ولدي احب شخصيته اكثر واحد بيهم
لأن انا بطفولتي هم جنت مثله حرك وابوية تخبل من ورايَّ .علي الآكبر: غير يجي ابني ويخبلني .
حجاها وهو يطلع ذبيت الاكل من ايدي وهمست بخوف
_ اخاف ماتكمل فرحتنا ويصير شي علي الآكبر
ينتظر دقيقة دقيقة ياخذ الطفل بين ايده .
أبو حسن: لا تحجين هيچ بنيتي كلشي بيد ربچ
وانا ما ناسيكم بكل فرض صلاة انسى روحي واذكركم وحگ علي .
بست راسه وهوَّ گام من مكانه ماقبل اجي وراه
_ كملي بوية ، وهم تعالي هناك اشوفچ نگعد نسولف سوية
انا احب سوالفچ والگعدة وياچ تونسين .
_ والله يا عمو علي الآكبر ولا يقبل اطلع من البيت .
_ اسمعي كلمته لا يروح يرجف علينا انا اجيكم .

وصل للباب صحت واني ادرك الوضع صحت
_ عمو انت محتاج .
_ لا والله بنيتي اجيت اشوف شلونچ .
نزلت راسي وصوت وشعور بداخلي يمرد بكلبي
ابوية اني بنته يعرف بحملي ولليوم ما رفع تلفون وگال شلونچ
بعدهم مثل قبل ابوية كل مايشوفني حفظت كلامة
( ها بوية در محتاجة فلوس اذا تحتاجين
لا تضغطين على زوجج تعالي واني اصرف الج شگد ما تحتاجين )
وتعودت بكل مرة يحجيها اجاوبه وعلى ملامحي واضح حزني منهم
( عشت عمري اطلب حنانكم فلوسكم ما احتاجها )
الحمدلله اجه الي عوضني عن حنانهم وعشت شعور الطفلة المدلله.

بس طلع بقيت وحدي لليل وفات علي الآكبر يسولف عن يومه
واني اجهز بالأكل گعدنا اني وياه وفات جــود
_ وينها المثقفة گعدت انا وريمان وميثاق وبتول
بوية اختنگت عوزت ثقافة گلت الهن أروح للمثقفة خلصت منچن .
علي الآكبر: اريد اكل براحة .
جــود : " وبشر الصابرين " وانت يا علوله صبرت ونلت
مثقفة ترد الروح اخوانك ما ادري شلون متحملين ها ثلاثي .
علي الآكبر: عينك علينا وعلي ما تخلينا مرتاحين ابد انت .
جــود : دُر ماكو وحدة فاهية منا منا انا اخوچ بعد .

جريت كرسي حتى ياكل ويانا گعدنا نسولف ونضحك وناكل
بعدني اجهز بالجاي فات ابن حسن صاح علي الاكبر عمي يريده
وبيقيت اني وجود نصب جايات اخذت مالتي وجود اخذ مالته
ورحنا گعدنا بس اني وياه نلعب دومنه
_ اذا افوز تسويلي صوص افوكادو هواي تخلي بالثلاجة
وتشتري كارتون جبس مثل مالتي الي احبه .
_ وانا گد التحدي .
بقيت بالنص ساعة العب وهو يفوز اخر لعبة ادري بي تقصد افوز
شمرهن وهو يصيح بوجهين
_ امري لله اروح انفذ الشرط للمثقفة .

قبل لا يطلع سألني وشوية ويريد يتوسل
_ باجر اروح اخطب تجين .
_ تخطب منو ؟
_ بنية بنت صديق ابوية .
_ ودارين ؟
قوس حاجبة متعجب من كلمتي وقلص حواجبه بمعنى شبيها
دُر : اني زوجتكم من اول يوم شفتها بي .
جــود : دارين بنت عمران ؟
_ اي شبيك .
_ ما أطيقها .

دخل علي الآكبر يباع علينا راح للمطبخ يشرب ماي تقربت بصف جــود
_ والله من تشوفك احسها معجبة بيك تظل تركز وياك .
جــود : تضحكين عليَّ انتِ غير من تشوفني عبالك تشوف وحش
واني من اشوفها اشوف صخله لان بنت صخل .
_ والله اذا تسمعك .
_ شتسوي تظل تهذري انكليزي براسي وبراس الخلفوني ودوختي .
_ مدوختك اعترف دارين مدوختك دايخ بيها .
_ دايخ بـ ثقافتچ زوجة اخي النازوكية .

عافني وراح وهو يهز بيده بعده بالممر واجتني دارين من
شافته تكهربت تباع عليَّ بطرف عيونه ما عاجبها
جــود : انووووووب النازوكية تگول من تشوفك احسها
لچ هاي العيووووون افگسهاااااا وحگ علي هنااا افگسها .
دارين : شيت اب جــود .
جــود : لاااااا اوكفي لااااا شيت اب هاي للنازوكية لا تقلدين .
دارين : بنت عمي هي علمتني عليها يلة من طريقي يلة .
جــود : دُرررررررررر شنووووو براسچ دُررررررر .
دُر : شيت اب جووووود براسي موال راح يصير يعني راح يصير .

دفعته دارين من كتفه وفاتت يمي سديت الباب بوجهه
وهو صافن دايخ ما ادري حاير يمكن خايف
جــود : خوفي من المثقفات اني يهجمون ويبنون بيوت على مرامهم .
علي الآكبر: هذا شبي صوته عالي .
دُر : يريد اروح وياه باجر من يخطب عادي ؟
_ لا مايصير لازم تبقين بالفراش .
_ مليت .
_ دُر ملي هسة احسن مايصير شي وتتندمين .
_ والله والله بس اروح وياه وبعد ما اطلع حباب الخاطري .
_ لا تگولين لخاطري.
_ بداعت دُر حباب .
_ اني ما اگدر عليچ استسلم يمچ .
دارين : هو هنا الحلو راعب بيت الرياش كلهم ودُر راعبتك .
علي الآكبر: اخاف عليها مو منها .

بقيت اني وياها هي تسولف عن حياتها شلون جانت بالخارج
واني احجي الها عن اهلي واهلها ومعاملتهم ويانا كلنا
بس شافت الوقت تأخر ماقبلت تبات يمي قبل لا تروح سألتني بتردد
_ يعني باجر جــود يخطب .
_ يگولون .
_ البنية حلوة ؟
_ تعالي ويانا وشوفيها .
_ يعني عادي اجي .
_ اي شكو بيها بنت عمته انتِ .
_ اوكي لعد اخذيني وياچ احضر الخطوبة .
_ تحضرين خطوبة الفارس المستقبلي .
_ شنو ؟
_ افتحي عقلچ بنت عمي .

فزت على صوت علي الآكبر مبدل ويلاعب بشعره بيده
حتى ينشف الماي وعطر نظافته كفخني
_ ها دارين وين تروحين ؟
_ انام هسة بيبي قلقانة .
قفل الباب وراها والتفت يشوف تلفونه حسيته يقرا شي
تقربت منه اريد اقراها سد الخط وگرص خدي
_ اريد اشوف شنو قريت ؟
_ امانة هاي بوية ما اگدر .
_ اريد اشوف ماكو امانة بيني وبينك .
_ تقبلين اخلي احد يشوف محادثاتنا .
_ يا محادثتنا هو بس اني احجي بيها وحدي .

رفعني من الأرض شالني بين ايده
وهو ينزل راسه بين رگبتي يبوسها
_ ولا رسالة عندي منك .
_ احسن محادثتنا بيت اسرارچ حل مشاكلچ .
_ وعندك غيري موووو تحل مشاكلهم وحادثتك بيت اسرارهم .
_ عندي ، بس مو مثلچ .

نزلني على سرير نومني على صدره لاعب خصلات شعري
_ شنو اختلافها بالله ؟
_ رسالتچ ما اخليها تمر عليها غير دقايق وأحلها
اشوفها بالثواني ، احب اشوفها موجودة .
_ اي والباقين؟
_ اهجم وياهم هههههههه .
_ منو ؟
_ ريــان ، جــود ، اخواني ، خواتي ، ابوية ، واصدقائي اثنين بعد .
_ حتى ابوك ؟
_ اي من يحتاج يحجي يجي يمي .
_ ليش .
_ انتِ تعرفين ليش جاوبيني ؟

رفعت حاجبي واني اردد بالجواب مبين ليش كلنا نعرف ليش
_ وانت ؟
_ شبيه .
_ عندك بيت اسرار ، حلال مشاكل .
_ عندي فحل الفحول ابن عم الرسول بعل البتول الضارب
بـ السيفين فارس بدر وحنين الطاعن بالرمحين
أبا الحسن وابا الحسين امير المؤمنين علي ابن ابي طالب "علية السلام "

بقيت جامدة بوجهه دموعي لا ارادياً تجمعت بعيوني
_ قشعريرة سرت بجسمي .
علي الآكبر: كُل شخص يسمعها لو يحجيها بصوت عالي
راح يحس بهل شعور رهبة ، قشعريرة ، فخر .
_ اخذني ازور الامام علي .
_ من ادفن عمران على اربعين نروح وياهم .
_ ههههههههههه انتظر خليني اولد بالسلامة .

غفيت بحضنه الثاني يوم گعدت حضرت ملابسي بدلت
ورحت للبيت الثاني لگيت عمتي تريد تكمل الاكل قبل لا تروح
تقلي بيتنجان اخذت وحده بالصمون واني اكل اقلب بيهن
علي الآكبر: عفية بمرتي لمعدلة .
_ شعبالك بعد اني اعرف اقلب واسوي مقلوبات .
اجه قريب مني همس بـ اذني
_ هي مرة البوس والتنازلات نقذوچ
والثانية الشكر لحرة .
_ يا حُــرة سالمين اني طبخت .
_ دُر انا علي الآكبر .
_ هم صدك على منو ابيع جذب على علي الآكبر .
_ هههههههههههه .

صاح علينا عمي طلعت دارين هي وجدتهم من الغرفة
وجود نزل عطره سابقة ولابس اسود باسود طالع يطگ بالگاع
والشعر مرفوع يلمع يجنن صاير دارين صفنت اشرت الها
وجود يستمع حركت اصبعي عليهم همَّ الاثنين
_ رايحين احنا بس راح تتندمون بعدين .
جــود : على شنو نتندم .
_ بالمستقبل تعرف .

عافنا وطلع يحجي وياهم ويجهزون بالسيارات
اخذت ايد دارين بيدي وطلعنا نمشي بطيء
جــود : حتى المشي مثقف ؟
دُر : شلون عرفت بالله مثقف المشي .
جــود : فاهيات ، شوفي ميثاق زلمة ويمشي على گاع الله تهزها .

صعدت بسيارة علي الآكبر اني وجود ودارين وشمس ويانا
والسيارة الثانية عمي وعمتي وجود وجدتهم وحسن
الطريق اخذ ساعة وصلنا من الباب استقبل ابوها
عمي بالهلا والمرحبا
دُر : هو صديقة كُلش .
جــود : اي من قبل لا يتزوج امي هذا صديقة
هي امي داخت بـ ابوية بس ابوية شلون داخ بأمي وهي مو مثقفة .
علي الآكبر: استحي شوية هاي امك راح افشلك گدام العالم .

دخلنا بعد السلام كلنا وفاتت امهم گعدت وابوها موجود
وعمي ما طال الكلام عنده مبلغ ابوها وحاجين بموضوعهم
دقايق والبنية دخلت وبيدها صينية تقديم
دارين واني وبعدنا علي الاكبر وبصفه جــود مال جسمه ويحجي
ويانا بصوت ناصي ورفع ايده يعدد بيها
_ مواصفاتها مطلوبة ناعمة المشي فاهي هلااا هلااا شوفي شوفي
اتحدها توصل العصير يمي اشربه بالصينية هلاهلا يلعب العصير يلعب .

اهلها گدامنا نريد نضحك ما نگدر صرنا حمررررر دمممم
نحتار وين نودي وجهنا كلها عيونها علينا نبلع بالضحكة
نحاول نبلعها وهو مستمر الحد ما وصلت قريب منه
_ هاي يا كب كيك يا ناعم ولچ تلگين لگ .
هو حجه هيج وسبحته بالعصير بدون ماتدري وبقت تعتذر
علي الآكبر: حل بعد ايدي .
_ اسفة والله مو بقصدي تزحلگ من ايدي .
جــود : عادي عادي ولا يهمچ عصيرچ يمون .
علي الاكبر : ولك اثگل ولك عيب استحي وين انطي وجهي .

باع عليَّ يحجي ويايَّ بمل جدية مايمزح
_ ناعمة ، تلگ لگ ، فاهية ، مثقفة هاي هي توكلنا على الله .
درت وجهي على دارين ما تضحك بس صافنة بينا
حتى من ايتسم بوجهه ما تبتسم عبالك كاتمة بگلبها
عين على بنية وعين تركز بجود ، جابت البنية كلينكس
اخذه منها يمسح بملابسه وراحت هي جددت العصير النا
اخذته منها واني مبتسمة بوجهه كملت وراحت گعدت بصف اهلها
استمع ألهم يحجون بالماضي ورجعوا يحجون بموضوع جــود
قدمت رجعت جايات وكيك وامها بلشت تحجي
_ انتوا شفتوها بنتي ما علمتها على تنظيف ولا طبخ
عصير ما عرفت تقدم ما تتحمل عيال وعدها دراسة
اذا انطيها اريد بيت وحدها .
جــود : تنطيها ؟
_ اي انطيها اوافق .
جــود : وابوها ؟
_ اي أي اكيد قصدي اني وابوها ، ومن اطلب بيت وحدها
لراحتهم بعيد عن الهوسة والمشاكل ويكون يصرف عليها
ما اريد يقصر عليها ابد بنتي بنت عز ربت على غالي .

ادخل عمي وصار يحجي هو وابوها بعده ابوها بنص
الكلام وادخلت امها كملت على كلامه
_ هي ماتطلب البنية قنوعة حاضر غايب على ماشي نقرر .
ام حسن: على حاضر والغايب هذا كله سهل وتدللون حقها
وراجعات الهم اذا تمت بعون الله ، المهم هسة عدنا يتفاهمون
تعجبه ويعجبها ترضى البنية وهو يرضى .
ظل جــود مركز وياها بتحركاتها وامها بعدها تحجي
وعلي الآكبر مركز فلسهم تفلس اخر شي وجع ضهره وهز راسه
اشر لعمي بعيونه وجود مال راسه يسأله
علي الآكبر: ولكم هاي امهم زلمة البيت .
جــود : خايب المثقفات طلعن غاليات .
_ ولك اشرب عصيرك وألملم اهلنا ونطفر .
جــود : ولك اقبل تلعب علينا عوفني .
_ وين تگدر هاي امها راح تلعبك على مكشوف .
جــود : مو يمعود بنت عز .
_ ابن العز ما يحچي بي عيونهم طافية مو مليانة وحگ علي .

ظل عمي وابوها يحجون بس عافوها البنيّة هادئة ماطلع صوتها
ومبين جــود عجبته وهي عجبها ، ترخصنا وطلعنا منهم
والهم يومين يردون خبر واحنا هم لازم نعرف جــود شنو رأيي
بس وصلنا نزلنا كلنا نسولف على صار اليوم
ابو حسن : يعني تريدها ؟
_ اي رايدها هاي هيَّ .
شمس : بس انت احلى منها .
دُر : اي واحسها بعدها صغيرة ما راح تتوالمون .
دارين : والنبي البنية مو حلوة جبتها باربع جبهات الصراحة .
جــود : منو طلب رأيچ ام جبهات ؟
بقت دارين جامدة تباع بوجهه هو التفت يحجي وياهم
وهي ما ترمش بعد بعيونها انقهرت واريد هيج اروح اضربة براشدي
لزمتها من ايدها استدارت بتجاهي ودموعها نزلت على خدها
عافتنا بدون ما تخلي احد ينتبه وطلعت منهم فاتت للحمام
بس جــود انتبه عليها ومن نظر اتجاهي درت وجهي منه ورحت وراها .

دگيت عليها الباب طلعت مابيها شي ورجعت
ولا عبالك تشوفه وتحجي هي وشمس وسيف الدين
وحتى حسن يحب يحجي وياها ، بعد دقايق صعدت هي ونرجس
رحت وراهن گعدنا نحجي بعيد عن موضوع جــود لليل نزلت
اساعد بعمتي اشر علي الآكبر بيده وصاح
_ اليوم يا صاعدة يا نازلة يا طالعة الله يستر منچ دُرررررر .
اجه جــود ياكل سلطة واني اثرم بيها وهو يحجي تجاهلته
_ شبيچ ؟
_ ما بيَّ .
_ زعلانه مني ؟
_ لا .
_ شلون لا حتى ما تباعين بوجهي شبيچ زعلتچ .
_ عدل اسلوبك اني اعرفك طيب ظل مثل ما انت .
_ شسويت .
_ جرحت دارين وحرجتها بكلامك ما اقبل مو لان بنت عمي
لو اعرفها حتى لو غريبة ما اقبل تجرح بنية .
_ هي تدخل .
_ حالها مو حالنا كلنا حجينا لو انت مركز وياها وبس تريد تقهرها .
_ ماعندي شي وياها شلي دخل بيها .
_ اعتذر منها خطية .
_ تخسي .

رفعت حاجبي بصدمة ودرت منه اخذت السلطة وزعتها كاسات
ونقلتهن بالسفرة وكلنا ماكل هو يحاول يضحك يلطف الجو قفلت علية
راح يشتري النا ومثل قبل من يحشش ويسأل ما اجاوب
احجي لعلي الآكبر وهو يبلغه شنو اريد ، راح ورجع عاند وياها
من دون الكُل ما يشتري الها شي وهي ما تبين عدها طبيعي
بس اني اختنگت من يمي ، راح گعد بصف بيبيته مد مخده ونام
ودارين على جهه الثانية گاعدة هم قريب منها
جــود : جدة .
_ ها عيوني .
جــود : هل ايام مخليه بنت عمران بحضنچ وگاعدة .
دارين : ما عاجبك الموضوع ؟
جــود : گلچ على بعضچ ما عاجبتني .

هزت راسها وطلعت من المكان فاتت للغرفة بعدنا بصدمتنا
وعمي يرزل بي هو يضحك بس سمع صوتها وهي تشهگ
وتبجي التفت يباع الها بخوف وگف على حياه يصيح بعلو صوته
_ على شنووووو تبچين هو شصايررررررر ؟
دارين : عفية خالو تگدر ترجعني على بيت ما اريد اظل هنا .
ابو حسن : افاااا ترجعين بهل ليل والله هو يطلع من البيت وانتِ تبقين .
شهگت وشهگتها خلت جــود يفور
_ ليش تكبريها كلها تعرفني انا احب اشاقة واضحك .
دارين : انت تضحك وياهم كلهم الغريب والقريب بس اني
من اريد احجي لو حرف واحد ترزل عبالك عدوتك .
جــود : عدوتي شنوووو لا اعرفچ ولا تعرفيني ولا تهميني .
دارين : ولا انت تهمني ما كرهت بحياتي بشر بي اليوم كررررهتك .

حجتها ورجعت تتوسل بعمي ياخذها وكف عمي فوك راس جــود
_ ليشششششش وياهاااا اعتذر هسة تعتذر .
_ ما غلطت حتى اعتذر سألتني وجاوبتها .
_ سألتك ؟
_ گالت ما عاجبك جاوبنها كلچ على بعضچ ما تعجبيني وهاي الحقيقة .
دارين : عفية خالو اريد اروح عفية ما اطيق اشوف وجهه .

تريد تطلع عمي حضنها ولزم لحيته
_ الخاطر هل شيبات الخاطري ماتروحين .
_ بس اني ما ..
_ هو يطلع هسة اخلي يطلع .
_ شلون يطلع نن بيته اني هنا خطار وهو هذا بيته .
_ وابني طلع زلمة يهين بخطارنا .

عبرهم جــود وطلع مختوك من روحه علي الآكبر وباقي
اخوانا ابد ما بيهم واحد ادخل ساكتين ، رجعت دارين
صح ما تحجي بس عيونها تلمع تريد بس تبچي
ساعة ورجع نفس جــود الي يضحك ويشاقة ولا عبالك صارر
شي ورجع نام على حضن بيبيته رفعت ايده وغمته
على غمتها كلنا بصوت صحنا
_ حل وتستاهل .
_ أشكركم اجمعين .
بيده نستله بيها اثنين اكل وحده وفر راسه ومد ايده لدارين
_ هاچ شوفيها شگد طيبة .
_ ما اريد .
_ گولي بالعافية .

بعدت عيونها منه هو دار وجهه عود يحجي هو وجدته
عيونه بعد ما رفعها منها طلع جكليته وهو يضحك مدها
_ هاج جكليته يا جكليت هاج .
_ شكراً ما اريد .
_ جكليت الصلح شبيچ .
_ يا صلح .
_ مو زعلتي مني .
_ ماتهمني حتى ازعل منك .
_ اقبلها منچ جكليته اقبلها .

اخذت بيبيتها وراحت للغرفة الجوة الي جانت بيها شهد
واني همست لعلي الآكبر عفناهم ورحنا على بيت
الثاني يوم بس طلع علي الآكبر اجت يمي دارين
_ اجيتي بوقتچ تعالي نسوي ريوك نتريك على واهس .
بعدني اخدر الجاي واندك بابنا راحت دارين فتحته
فات جــود وبيده ماعونين مليانات اكل وبترتيب
_ ادور عليچ جكليته .اشرت دارين على نفسها بعدم تصديق
_ اني ؟
نزل الاكل على ميز وهو يلزمها من طرف ردن التراك
_ تعالي سويت الج مخلمة بعمرچ ما اكلتي مثلها .
سحب كرسي خلاها تگعد وهي متعجبة اخذ صمون حار
حط بيها ينتظرها تاكل ذبت الصمون تريد تگوم منعها
ما يگدر يلزمها مخلي حدود بس يحاول يمنعها
_ اعتبري اعتذار .
_ انت من يوم شفتك مواقفك ويايَّ تقهرني
واني ما سويت الك شي هلي اخوانك مو هيچ بس انت .
_ اعتذرت .
_ لا ما اعتذرت البارحة من القهر ليل كله معدتي توجعني .
_ اسف اني اعتذر منچ غلطت اسف والله العظيم اسف جكليته .

اخذت الصمون اكلت شوية وهي مبتسمة
_ هاي انت سويتها .
_ اي وحگ علي .
_ طيبة .
_ مثلچ .
_ شنو .
_ جكليته انتِ جكليته .

عافها وطلع وهي جامدة رفعت ايدها على گلبها وهمست
_ عزا شبي گلبي .
دُر : اولاد صفوان يدفرون باب الگلب
ويعيشون بي غصباً ما عليچ .
_ يمه دُر ايدي ترجف هذا شبي شلون تغير .
_ جــود احن واطيب گلب ممكن تقابلي بكل حياتچ
بس جان متخوف منچ من شاف دموعچ البارحة كسرتي راسه والحواجز .

حُــرة ..

بيدي التلفون وريان مقابيلي هم يبحث گاعدين بنص الصالة
من بعد ايام بحث طويلة گدرنا نحدد احلى وافخم قاعة اعراس بالعراق
وحجزنا سفرة على مكان باقي بنفس ريــان ، نفس الدولة الي
رحت اتعالجت بيها حجز نفس الكوخ الي تعاركنا بي
_ شمعنى الكوخ .
_ اكسر راسچ بي .
_ ما اتزوج .
_ تكسرين واسي بي .
_ استعجل بزواجنا .

نزل انــور هو وشهد صاح وايده بجيب البنطلون
_ ها وين وصلتوا ترا بعد 10 ايام على موعد زواجكم .
ريــان : باقي بس فستان عرسها كلشي كملنا .
انــور : واني كملت هديتكم نفس الكوخ الي ببالك .
حُــرة : شهد قررت البس بدلة قصيرة بعرسي .
انــور : احترمي نفسچ واصله وياچ لهنااااااا .
اشر على خشمه نظرت اله صفح
حُــرة : رياني انت قابل .
ريــان : لا والله حبيبتي ما قابل .

اجه انــور يمي يأشر بـ اصبعه بتحذير يريدني اخاف جاوبته
حُــرة : لعد عناد بيكم البس بدلة قصيرة .
انــور : ريــان اذا صدك تحجز الها بدلة قصيرة .
حُــرة : شسوي يعني تخلي يدگدگ .
ريــان : شبيك يا قصيرة قابل صغيرة .
حُــرة : نشوف منو كلامه يمشي .
اجه فر التشيرت على ايده وعاط
_ شنووووو قصدچ يا جنية تتحديني .
_ هو اخوك واني مرته ان شاء الله نشوف منو كلامه يمشي .
_ اني كلااااااااااااااامي يمشي .
_ عرسك لو عرسي هسة اني ادخلت بدلة شهد ؟
_ ولچ ديووووووووث گدامچ انعل اهلچ انعل ابوچ .
_ اعصابك نزل التيشيرت .
_ بدلة قصيرة ماكووووووووو .
_ وصلاة اني وابوية ما البس بدلة قصيرة اطمأن .

دگ الجرس راح ريــان دخل اربع كراتين كبار اشر عليهن وصاح
_ اربع ملايين يريدون .
حُــرة : ها .
_ اربع ملايين .
حُــرة : جهاز عرسي .
انــور : تجهيز مشروع هذا مو عرس .
حُــرة : لعد غير كُله جديد .
شهد : لو اشتري السوك كله هم مو اربع ملايين
بس يلة بنت رياش تدلل على زوجها الرياش مابيها شي من حقها .
حُــرة : رجعهن اذا تريد لا تصفن هيج بوجهي رجعهن
حتى كل واحد يگعد بمكانه كُلشي ولا البخيل يدخل بحياتي .

هز ايده وراح فوك دقايق ونزل بيده فلوس گعد يحسب
بيهن هو وانور راح سلمهن للشحن ورجع بعده يريد
يفتح ذبيت اله بوسة بالهوا وحجيت بصوت ناصي
لان انــور مراقبنا يريدون يصعدون الكراتين فوك
_ بعد نص ساعة .
_ اي .
_ هم راح يوصلن اغراض .
_ ترا راح نتزوج السوك يظل مفتح والقران
بكل وكت تگدرين تروحين تشترين ما معزلين .
_ افتهم اني افتهم بس عروس لازم اصرف اتونس .
_ وانتِ تتونسين واني انقط .
_ تتونس بعدين راح اخليك تتونس فد ونسات ما صايرة بكوكب الوناسه .
_ ما ارتاحيت كلبي نغزني .
_ هيهيهيااااااااييييييييييي ضحكتي الشريرة .

انــور : شعدها وجهك صار اصفر .
حُــرة : دا نخطط لمستقبلنا انتِ شهد سوي تفاح لأنور دللي زوجج .
شهد : اني ادلله وانتِ جلطي .
نزل عمي هو وفاء هي بسرعة طلعت بس هو ظل يسأل
على كراتين وريان جاوبه بعدهم بالباب واجه ابو توصيل جديد
ريــان : صارحيني بالسعر .
حُــرة : اسمع منهم احسن حبيبي تذكر اني احبك .

هز راسه وطلع يدور بتلفونه ما ادري شيسوي
راح طلع ورجع مستعجل دخل كارتون ثانية
التفتت على انــور وابتسمت
ريــان : انوووووووور تعال شيلهن ويايَّ تعال .
_ هاي بيش .
_ شيل شيل يمعووووووود .
رفعوهن وانور من فوك يصيح
_ هاي وحدچ تختارين وتطلبين ؟
_ لا شهد ودُر ودارين ونرجس يساعدوني .
_ مشتريات الي بنفسچ ونفسهن براس الزوج .
_ براس يزوجي الرياش الصياد .
_ صبغي بي صبغي زين .
ريــان : كلبي ورممممممم .
انــور : انت ما تفتهم اقشمرها اعقد واروح فندق
واخذ حيفي وحيف الدنيا منهاااا هل جنية هاي .

گعدت اشرب عصير وشهد تحاجيني
_ كملن لو بعد اكو .
_ لازم افرزهم اسوف النواقص .
_ لا يا ناقصة وين بعد اكو نواقص اسكتي لا يغير رأيه .
_ الغي الفكرة .
_ اي .
_ وذا وصل بعد شي .
_ تبري منهم .
_ لا عزا عيب العب على عالم حرام عليَّ
استلم قابل أرزاق العالم لعبة .
_ لعد اقنعي .
_ سهلة بس سكتي زوجج المدگدگ .

من مزل ضحكت بوجهه رفع حاجبة وطلع هو وانور برا
لليل رجعوا مكملين اخر لمسات اتفاق القاعة ، وقلط العرس كملوا
بعدنا نسوي اكل اني وشهد ونزلت رنيم لازمة بطنها
_ وين ريــان ؟
راحت شهد يمها گعدتها على كرسي
_ شبيچ ؟
_ بطني موتتني من الوجع .
_ بعد وقت على ولادة .
_ اي اي بس أخابره ماكو ما يجاوبني .
شهد : حقه .

اخذت جهازي خابرته انقهرت على حالتها جاوبتي بسرعة
_ ريــان رنيم متخربطة .
_ جذابة كالعادة تعودت على لعباتها .
_ لا مبين صدك بطنها .
_ هي خلتني ما اصدك بيها حتى او تگول راح اموت ما اصدگها .
_ الله يهليك تعال اخاف صدك ويصير شي حرام علينا .
_ اجيت والله لو ما الطفل والله ما ارجع والله .

بقيتها يمنا سويت الها عصير ما گدرت تشرب
بس رجع وياه انــور اخذوها وراحوا من الباب
توسلت بيهم شهد تروح ما يقبلون ، بالساعتين وما رجعوا
رجعوا متأخرين صعدت هي فوك شهد اخذتها بيدها قطن
رحت على ريــان ايده على راسه سألته
_ شبيها .
_ سوء تغذية اهتموا باكلها الطفل نبضه ضعيف .
_ قابل مانعيها .
_ لا هي تريد تحرگ كلبي ادري بيهااااا .
_ لا تصير عصبي فدوة قابل تتقصد تأذي نفسها وابنها .
_ اي .
_ مستحيل .
_ هسة هددتني بس تولد تحرك روحها والطفل گدام عيوني .

خليت ايدي على شفايفي وبقيت اباع على درج متعجبة منها
رحت اخذت اكل الها ودگيت الباب على شهد اخذته الها
من نزلت لگيت ريــان طالع من البيت اخذت اكلي ورجعت للغرفة
اعدل بالأغراض والصبح شهد تساعدني وهيج خلصت يوم
بعد يوم من ترتيبات وتجهيزات العرس وبكل يوم لازم رنيم
تخترع فلم شكل تخرب بي فرحتنا كلها .

وبعد ما مرن عشر ايام وصلنا للأيام المنتظره
اجرت احسن ومصورين مصورين ، بديتها
بتفاصيل بدلتي والاكسسوارات وحذائي كُلشي
يصوّرون بأحسن واجمل صور وفديوات
وقبل لا تصير هوسة بالقاعة راحوا قبلنا يصوروها
واني بالبيت خليت بنات اثنين ميكب ارتست يجهزوني
رفضت اروح على مركز ، ودُر ودارين وشهد ونرجس
من الصبح قبل الكُل يمي فاتحين كلنا اغاني نتجهز
ونردح بلا تعب وحده تركض منا وحده تجهز
ذبيت لحم وبعدني بالغرفة تعبت من الحركة
كملت واني اركز بتفاصيل بدلتي طويلة كبيرة
ومكياجي ناعم بارز ملامحي الناعمه
والبنات كملوا ويايَّ طلعوا عبالك لعابات .

طلعن ودقايق اجه انــور وانفتح الباب دخل عمي يوسف باس راسي
_ اني بمقام ابوچ بيدي اسلمچ بيد ابني ريــان .
حاولت اسيطر على قهرتي بكلماته من لزمت ايده همست
_ واريد انــور هم عمو .
نزلنا وانور عيونه تلمع
_ ها انــور .
_ اميرة جنية لطيفة .

بس نزلت شفت رنيم وامها يمها هي شافتني
فتحت الباب وطلعت من البيت قبل لا اطلع
حُــرة : دُر ريــان مو وصل رنيم البيت
اهلها گال ما اريد تشوف العرس وتنقهر حامل .
دُر : اي هي رجعت هسة وراحت ما ادري ليش .
حُــرة : بس خطية ليش اجت ليش فوتوها .
دُر : اني بليل اروح الها بس يخلص عرسكم .