نزلة للامام العباس عليه السلام
دگ بوق الحرب واتوكل الكافل
مشه بخطوات سيف اعله الرگب نازل
طب سوح الوغى وبكامل الايمان
النصر بي ينقري من عينه باين چان
رجز عباس رجّف قادة الميدان
قبض چفه اعله سيفه وْصوت منهم بان
صوت المن ذاك الصوب / مو حافر دگ اگلوب
ومضم راس النعامة راس اليقاتل
دگ بوق الحرب واتوكل الكافل
معروفه الحرب من تبدي كر وْفر
يكر عباس والوادم تفر اكثر
ابطگته اعداه حت سابع أرض تنطر
يطگ واحسين اله اينادي يخي تشكر
يل چنك حيدر ذاك / شامخ راسك ولواك
زينب بالخيم مبتسمه واتسائل
دگ بوق الحرب واتوكل الكافل
الرماد بعمره ماگابل هبوب الريح
الخاف اليوم مايفزعله جدمه ايطيح
والحل موته هذا اليوم للتوضيح
وگف بمگابل العباس روحه اتصيح
حيره وبيهه شختار / ملك الموت وبتّار
نَزْع الرّوح أخف من سيف ابو فاضل
دگ بوق الحرب واتوكل الكافل
طر صفّينهم وابنصهم اصبح حد
ينعد جيشهم بس عباس ماينعد
خزرهم والْفِكِر بالعگلمي أزيد
تعنّه وْخلگه من الماي چان ابرد
إلمستعصي امن ايام / يم رجله امدنگ الهام
رد وْجِرْبِتَه بيهه النهر شايل
دگ بوق الحرب واتوكل الكافل
رد والجربة صارت أغلى من دمه
العزيز اهواي واجب عالصدر ضمه
ابچفه وعينه انطه وموش بالچلمه
سهم الصاب جوده بْمقتضى الحكمة
من اهد الطف هالجود / يسگي الوادم وايزود
بس لحسين من روحه الگمر عازل
دگ بوق الحرب واتوكل الكافل
خادم الزهراء (ع)
سيد حامد النعيمي
دگ بوق الحرب واتوكل الكافل
مشه بخطوات سيف اعله الرگب نازل
طب سوح الوغى وبكامل الايمان
النصر بي ينقري من عينه باين چان
رجز عباس رجّف قادة الميدان
قبض چفه اعله سيفه وْصوت منهم بان
صوت المن ذاك الصوب / مو حافر دگ اگلوب
ومضم راس النعامة راس اليقاتل
دگ بوق الحرب واتوكل الكافل
معروفه الحرب من تبدي كر وْفر
يكر عباس والوادم تفر اكثر
ابطگته اعداه حت سابع أرض تنطر
يطگ واحسين اله اينادي يخي تشكر
يل چنك حيدر ذاك / شامخ راسك ولواك
زينب بالخيم مبتسمه واتسائل
دگ بوق الحرب واتوكل الكافل
الرماد بعمره ماگابل هبوب الريح
الخاف اليوم مايفزعله جدمه ايطيح
والحل موته هذا اليوم للتوضيح
وگف بمگابل العباس روحه اتصيح
حيره وبيهه شختار / ملك الموت وبتّار
نَزْع الرّوح أخف من سيف ابو فاضل
دگ بوق الحرب واتوكل الكافل
طر صفّينهم وابنصهم اصبح حد
ينعد جيشهم بس عباس ماينعد
خزرهم والْفِكِر بالعگلمي أزيد
تعنّه وْخلگه من الماي چان ابرد
إلمستعصي امن ايام / يم رجله امدنگ الهام
رد وْجِرْبِتَه بيهه النهر شايل
دگ بوق الحرب واتوكل الكافل
رد والجربة صارت أغلى من دمه
العزيز اهواي واجب عالصدر ضمه
ابچفه وعينه انطه وموش بالچلمه
سهم الصاب جوده بْمقتضى الحكمة
من اهد الطف هالجود / يسگي الوادم وايزود
بس لحسين من روحه الگمر عازل
دگ بوق الحرب واتوكل الكافل
خادم الزهراء (ع)
سيد حامد النعيمي
Forwarded from المرجع الإلكتروني للعتبة العباسية المقدسة (محمد عبد الصاحب)
Media is too big
VIEW IN TELEGRAM
زيارة عاشوراء
Media is too big
VIEW IN TELEGRAM
عجيبين انتم اهل العراق
السيد نصرت قشائش
السيد نصرت قشائش
This media is not supported in your browser
VIEW IN TELEGRAM
اللهم لك الحمد والشكر على هذا النعمة
هدية عظيمة من الاخ الغالي الرادود عقيل الحياوي جزاه الله خير الجزاء
هدية عظيمة من الاخ الغالي الرادود عقيل الحياوي جزاه الله خير الجزاء
This media is not supported in your browser
VIEW IN TELEGRAM
اللهم لك الحمد والشكر على هذه النعمة
هدية عظيمة من الاخ الغالي سيد حامد هلال جزاه الله خير الجزاء
هدية عظيمة من الاخ الغالي سيد حامد هلال جزاه الله خير الجزاء
(ياهلال احزاني) محرم 1446
لسان حال الخادم يكلم هلال محرم في اول ليلة
ياهلال احزاني والذكرى العظيمة
كل محرم تنزف اجروحي الأليمه
من تهل حد ما تغيب
أَبچي لمصاب الحبيب
واحسيناه واحسيناه
ليلك مايشابه من تهل كل ليل
يطشرني حزن وافراح گلبي اتشيل
ويبدي الطف صور بعيوني مثل السيل
كل أوّل طلعتك صوتي يصرخ حيل
ياعذابي ظهرك الچن ظهر زينب
ذاكه البگطعت نحر من ليله حدّب
وي جرحهه الما يطيب
أَبچي لمصاب الحبيب
واحسيناه واحسيناه
على طول السنة دمعاتي اضم بيهه
أُمنه الزهره عالموعد أتانيهه
من تنشر قميص امدمّه بيديهه
أشد احزام آهاتي او أواسيهه
ودمعي افَزْعَنّه وَگلّه هذا يومك
من تصب لحسين دم محّد يلومك
جفني ذبله للغريب
أَبچي لمصاب الحبيب
واحسيناه واحسيناه
كلشي بروحي يابس والنفس يعثر
أتخيّل قميص احسين الموذّر
شايلته البتول وتنعى ابو الاكبر
ودمّه الْطاهر امن اچفوفهَه يِتْگَطّر
الگطره لو طاحت تزيد الزهره عبره
حيل تشبه طيحته من فوگ مهره
وْچن سهم بيهه وْتصيب
أَبچي لمصاب الحبيب
واحسيناه واحسيناه
لبست اسود رفعت الراية فوگ البيت
وسابگ ريح شوگي المجلسي اتعنيت
وانا شتمنى غير الخدمة شتمنيت
أردد لَيْتَني بالطف چنت ياليت
فرصة ابذل مهجتي للروحي تهواه
وصدري اقدمه للسحگ لحسين يفداه
گبله كون الخد تريب
أَبچي لمصاب الحبيب
واحسيناه واحسيناه
مصاب احسين جمره ابگلبي ماتطفه
وبيّه لِلَّطم ماتبرد اللهفه
توفيق إلِّطَمْ فوگ الصدر چفه
والضل ويه زينب ليله مايغفه
باجر اتگر عينه فاطم بالقيامة
بالشفاعة ينحشر ويّه إمامه
من ابو اليمه قريب
أَبچي لمصاب الحبيب
واحسيناه واحسيناه
خادم الزهراء (ع)
سيد حامد النعيمي
لسان حال الخادم يكلم هلال محرم في اول ليلة
ياهلال احزاني والذكرى العظيمة
كل محرم تنزف اجروحي الأليمه
من تهل حد ما تغيب
أَبچي لمصاب الحبيب
واحسيناه واحسيناه
ليلك مايشابه من تهل كل ليل
يطشرني حزن وافراح گلبي اتشيل
ويبدي الطف صور بعيوني مثل السيل
كل أوّل طلعتك صوتي يصرخ حيل
ياعذابي ظهرك الچن ظهر زينب
ذاكه البگطعت نحر من ليله حدّب
وي جرحهه الما يطيب
أَبچي لمصاب الحبيب
واحسيناه واحسيناه
على طول السنة دمعاتي اضم بيهه
أُمنه الزهره عالموعد أتانيهه
من تنشر قميص امدمّه بيديهه
أشد احزام آهاتي او أواسيهه
ودمعي افَزْعَنّه وَگلّه هذا يومك
من تصب لحسين دم محّد يلومك
جفني ذبله للغريب
أَبچي لمصاب الحبيب
واحسيناه واحسيناه
كلشي بروحي يابس والنفس يعثر
أتخيّل قميص احسين الموذّر
شايلته البتول وتنعى ابو الاكبر
ودمّه الْطاهر امن اچفوفهَه يِتْگَطّر
الگطره لو طاحت تزيد الزهره عبره
حيل تشبه طيحته من فوگ مهره
وْچن سهم بيهه وْتصيب
أَبچي لمصاب الحبيب
واحسيناه واحسيناه
لبست اسود رفعت الراية فوگ البيت
وسابگ ريح شوگي المجلسي اتعنيت
وانا شتمنى غير الخدمة شتمنيت
أردد لَيْتَني بالطف چنت ياليت
فرصة ابذل مهجتي للروحي تهواه
وصدري اقدمه للسحگ لحسين يفداه
گبله كون الخد تريب
أَبچي لمصاب الحبيب
واحسيناه واحسيناه
مصاب احسين جمره ابگلبي ماتطفه
وبيّه لِلَّطم ماتبرد اللهفه
توفيق إلِّطَمْ فوگ الصدر چفه
والضل ويه زينب ليله مايغفه
باجر اتگر عينه فاطم بالقيامة
بالشفاعة ينحشر ويّه إمامه
من ابو اليمه قريب
أَبچي لمصاب الحبيب
واحسيناه واحسيناه
خادم الزهراء (ع)
سيد حامد النعيمي
متباركين بعيد الله الاكبر عيد الغدير
بيت ازهيري
حيدر علي بالحكم عن وادمه مالهه
كسرة خبز لو أكل من ماله مو مالهه
للطير حنطة نطه بس بطنه ابد مالهه
وبالدنيا مامش ذره بانعامها نفس اله
البي خص علي رَبَّنَه منطه النبي نفسه اله
قوسين هم اقترب لاحمد صبح نفس اله
والدنيا بيده صفت يعدلهه يو مالهه
......
ابوذيات
الشارع بالغدير السير عطلة
اليوگف صافحه وچكليت عط له
اليسأل گله صار اليوم عطلة
رغم انف السقيفة وال امية
واليناك بالذر وانتباهه
علي كل روح ملكك وانته بيهه
ولي هالأمه إنته وانته باهه
عجب عقوك يل مابيك اذيه
ترهم بيك مانزلت ولايه
علي انته ولليتامه انته ولايه
لو مامنطي إلك ربك ولايه
وعلي ماينكسر ضلع الزچيه
النبي محمد (ص)
مو سيف النبي طبعه ترافاه
اول من شهد لله ترى فاه
محمد لو مشه طوله ترى فيه
جمال الله وعلي حامي الحميه
............
هوسات
بغدير اهل السقيفة بحقد مجتمعة
النبي نصّب علي واذانهم اتسمعه
رفع ايده اوْصُلْ حد السمه السبعة
ومن نزلهه احمد چن طگاهم بيهه
نكروهه الولاية وتبعو الشيطان
العوج دربه ابد ميخاوي القران
مشيهه المسطرة ميلوگ للعرجان
من هاي وكرهو حيدر ميخاوونه
علي دون العلي وفوگ البشر قدره
بعد الله ومحمد ربعه بس فقره
اسمه اعله العرش والما عرف يقره
شنسويله وهو اصلاً اعمى ابنيته
بيت ازهيري
حيدر علي بالحكم عن وادمه مالهه
كسرة خبز لو أكل من ماله مو مالهه
للطير حنطة نطه بس بطنه ابد مالهه
وبالدنيا مامش ذره بانعامها نفس اله
البي خص علي رَبَّنَه منطه النبي نفسه اله
قوسين هم اقترب لاحمد صبح نفس اله
والدنيا بيده صفت يعدلهه يو مالهه
......
ابوذيات
الشارع بالغدير السير عطلة
اليوگف صافحه وچكليت عط له
اليسأل گله صار اليوم عطلة
رغم انف السقيفة وال امية
واليناك بالذر وانتباهه
علي كل روح ملكك وانته بيهه
ولي هالأمه إنته وانته باهه
عجب عقوك يل مابيك اذيه
ترهم بيك مانزلت ولايه
علي انته ولليتامه انته ولايه
لو مامنطي إلك ربك ولايه
وعلي ماينكسر ضلع الزچيه
النبي محمد (ص)
مو سيف النبي طبعه ترافاه
اول من شهد لله ترى فاه
محمد لو مشه طوله ترى فيه
جمال الله وعلي حامي الحميه
............
هوسات
بغدير اهل السقيفة بحقد مجتمعة
النبي نصّب علي واذانهم اتسمعه
رفع ايده اوْصُلْ حد السمه السبعة
ومن نزلهه احمد چن طگاهم بيهه
نكروهه الولاية وتبعو الشيطان
العوج دربه ابد ميخاوي القران
مشيهه المسطرة ميلوگ للعرجان
من هاي وكرهو حيدر ميخاوونه
علي دون العلي وفوگ البشر قدره
بعد الله ومحمد ربعه بس فقره
اسمه اعله العرش والما عرف يقره
شنسويله وهو اصلاً اعمى ابنيته
(يخبرني احساسي) محرم 1446
لسان حال مولاتي فاطمة العليلة (ع)
من شفتك يبويه تمسح ابراسي
رايح ماترد يخبرني احساسي
من شبگة وداعي وياك بصدرك نار حرّاگه
چوتني وأيّسِت ترجع يغالي ويذبح افراگه
من رَجْفَة إديك اقريت بعد هيهات نتلاگه
يمك من اغمض العين أفَتّح ليك مشتاگه
شصبر من تغيب وانت كل ناسي
رايح ماترد يخبرني احساسي
دارك ونستي تدري من عينك تضويهه
يم العِتبة هل بعدك واتغيرت معانيهه
هبوب ارياح للوحشة خسوف احزان طب ليهه
گلي اشلون من ترحل وصد احسين مو بيهه
واچماله خذت وياك عباسي
رايح ماترد يخبرني احساسي
بيتك والگبر واحد يخنگ لو مشو خوتي
باوّل خطوة للناگة أحسب خطوتي الموتي
دربك لو طُوَلْ يعني أحضّر آنه تابوتي
الي يمك طلب بويه وانخاك ابعلو صوتي
رقية اتضل شريچة روحي وانفاسي
رايح ماترد يخبرني احساسي
مودع بالله من تمشي ابسلام اجنازه ودعتك
انت السابگ اعله الموت وانه النوب تابعتك
عليلة وعايشه گوه وجودك يشفي ابنيتك
يرفعت راسي مو تدري أميرة ابعيشتي ابختك
ذلّه ابدون عطفك والزمن قاسي
رايح ماترد يخبرني احساسي
وعد منك خذيت اهناه ترسلّي علي الاكبر
صم اتراب تدفنّي لَوَنْ كل ساعة يتأخر
رسايل بسمه ماريدن اريده بشخصه من يحضر
وسالم كون كل طوله مو يرجعلي اموذر
اخوي وهيبتي المنّه خذت باسي
رايح ماترد يخبرني احساسي
خيمة البضعن واثياب گمت عطاب بيهه اشتم
ونحرك من اصدنله يِتْخَايلّي يجري الدم
يعگوب وبياض العين يِتْرَاوالِي هم ابهم
هسه اتيقنت هيهات ترجع لو بعد نلتم
طمئنينة صبح يحسين وهواسي
رايح ماترد يخبرني احساسي
خادم الزهراء (ع)
سيد حامد النعيمي
لسان حال مولاتي فاطمة العليلة (ع)
من شفتك يبويه تمسح ابراسي
رايح ماترد يخبرني احساسي
من شبگة وداعي وياك بصدرك نار حرّاگه
چوتني وأيّسِت ترجع يغالي ويذبح افراگه
من رَجْفَة إديك اقريت بعد هيهات نتلاگه
يمك من اغمض العين أفَتّح ليك مشتاگه
شصبر من تغيب وانت كل ناسي
رايح ماترد يخبرني احساسي
دارك ونستي تدري من عينك تضويهه
يم العِتبة هل بعدك واتغيرت معانيهه
هبوب ارياح للوحشة خسوف احزان طب ليهه
گلي اشلون من ترحل وصد احسين مو بيهه
واچماله خذت وياك عباسي
رايح ماترد يخبرني احساسي
بيتك والگبر واحد يخنگ لو مشو خوتي
باوّل خطوة للناگة أحسب خطوتي الموتي
دربك لو طُوَلْ يعني أحضّر آنه تابوتي
الي يمك طلب بويه وانخاك ابعلو صوتي
رقية اتضل شريچة روحي وانفاسي
رايح ماترد يخبرني احساسي
مودع بالله من تمشي ابسلام اجنازه ودعتك
انت السابگ اعله الموت وانه النوب تابعتك
عليلة وعايشه گوه وجودك يشفي ابنيتك
يرفعت راسي مو تدري أميرة ابعيشتي ابختك
ذلّه ابدون عطفك والزمن قاسي
رايح ماترد يخبرني احساسي
وعد منك خذيت اهناه ترسلّي علي الاكبر
صم اتراب تدفنّي لَوَنْ كل ساعة يتأخر
رسايل بسمه ماريدن اريده بشخصه من يحضر
وسالم كون كل طوله مو يرجعلي اموذر
اخوي وهيبتي المنّه خذت باسي
رايح ماترد يخبرني احساسي
خيمة البضعن واثياب گمت عطاب بيهه اشتم
ونحرك من اصدنله يِتْخَايلّي يجري الدم
يعگوب وبياض العين يِتْرَاوالِي هم ابهم
هسه اتيقنت هيهات ترجع لو بعد نلتم
طمئنينة صبح يحسين وهواسي
رايح ماترد يخبرني احساسي
خادم الزهراء (ع)
سيد حامد النعيمي
(تذبحني بجفاك)
لسان حال مولاتي حميدة بنت مسلم بن عقيل عليهما السلام
كل ساعة من الليل تذبحني بجفاك
أهونلي لو للموت ماخذني وياك
عيني تبچي يابويه مايطفي الدمع ناري
طفلة وحنين الشوگ مايرحم اكبار
وبروحي بويه اشلون ماتحمل الصار
بالونسه تنسه اهموم من تلعب ازغار
بس آنه بيش انساك ياونسة الدار
عيني تبچي يابويه مايطفي الدمع ناري
ميمرني تدري النوم إلا اعله متنك
بس الدلال اوياك شفته آنه منك
طيحت ورد ذبلان طيحني حزنك
تحييني مثل الماي أخبار عنك
عيني تبچي يابويه مايطفي الدمع ناري
عيني اعله باب الدار والنوح مسموع
غير الترد لولا ماعندي موضوع
ثگّل رِداني الإيد من كثر إلدموع
يطلع گمر وايغيب واگليبي موجوع
عيني تبچي يابويه مايطفي الدمع ناري
من ودعتني وحيل تحضني حسيت
آخر لقاء اوياك يجمعني البيت
أسمع همس لحسين بيه انته وصيت
وْريجك نشف ياحيد من ليه صديت
عيني تبچي يابويه مايطفي الدمع ناري
أنوى السفر واضعون جهزهه إلحسين
والنينوى من گال هالعيلة ماشين
آنه إلك حنيت گلّي تهمين
إنتي حميدة اوياي متوسطه العين
عيني تبچي يابويه مايطفي الدمع ناري
عيّشت نفسي اوهام من سارت اضعون
وبكربله اتناك واتكحل إلعيون
لاچن خبر موتاك بي هدّلت امتون
وْأول يتيمة اهناك بس بيه يحچون
عيني تبچي يابويه مايطفي الدمع ناري
خادم الزهراء ع
سيد حامد النعيمي
لسان حال مولاتي حميدة بنت مسلم بن عقيل عليهما السلام
كل ساعة من الليل تذبحني بجفاك
أهونلي لو للموت ماخذني وياك
عيني تبچي يابويه مايطفي الدمع ناري
طفلة وحنين الشوگ مايرحم اكبار
وبروحي بويه اشلون ماتحمل الصار
بالونسه تنسه اهموم من تلعب ازغار
بس آنه بيش انساك ياونسة الدار
عيني تبچي يابويه مايطفي الدمع ناري
ميمرني تدري النوم إلا اعله متنك
بس الدلال اوياك شفته آنه منك
طيحت ورد ذبلان طيحني حزنك
تحييني مثل الماي أخبار عنك
عيني تبچي يابويه مايطفي الدمع ناري
عيني اعله باب الدار والنوح مسموع
غير الترد لولا ماعندي موضوع
ثگّل رِداني الإيد من كثر إلدموع
يطلع گمر وايغيب واگليبي موجوع
عيني تبچي يابويه مايطفي الدمع ناري
من ودعتني وحيل تحضني حسيت
آخر لقاء اوياك يجمعني البيت
أسمع همس لحسين بيه انته وصيت
وْريجك نشف ياحيد من ليه صديت
عيني تبچي يابويه مايطفي الدمع ناري
أنوى السفر واضعون جهزهه إلحسين
والنينوى من گال هالعيلة ماشين
آنه إلك حنيت گلّي تهمين
إنتي حميدة اوياي متوسطه العين
عيني تبچي يابويه مايطفي الدمع ناري
عيّشت نفسي اوهام من سارت اضعون
وبكربله اتناك واتكحل إلعيون
لاچن خبر موتاك بي هدّلت امتون
وْأول يتيمة اهناك بس بيه يحچون
عيني تبچي يابويه مايطفي الدمع ناري
خادم الزهراء ع
سيد حامد النعيمي
عالمي الاوحد / محرم 1446
مولاتي ام البنين تخاطب مولاي الامام الحسين عليهما السلام
يبني احسين شخصك عالمي الاوحد
انا ام عباس لو ما انت ما أُوْجَد
يعالم ماتِفَسّر شنهو مكنونه
يا عشگي المقدس جنة مضمونه
يمن وحدك أنظره الكون بعيونه
زاهر والنعم ماتنحصي واتنعد
أتيهن بسمك امن ابحر معانيّه
يشبهك حرفك الاول بزغ ضيّه
يُمّه احسين حرف الحاء حنيّه
گلبك منبعه وْروحك إهي المَسْنَد
يمالك كلشي بِيّه وعمري الك فدوه
يانبع الحياة وموطني اليسوه
إليه ولليحبّك كل وكت تچوه
عطائك مو جزر ساس اليمد المد
عُظم اسم الوفاء البيه اتوصّف
ودعائي المايرده الباري وِاتْشَرّف
الزَيّد قيمتي إنت ومصاب الطف
اليخدمك من صدگ للدوم يتخلّد
عباس اشعظم قدره علي ابشخصه
ومنك بالأُخُوّه يمتلك حصة
وصّيته الگمر يمك فرض ينصه
العبد يم سادته ابكبر القَدُر ينحد
خادم الزهراء (ع)
سيد حامد النعيمي
مولاتي ام البنين تخاطب مولاي الامام الحسين عليهما السلام
يبني احسين شخصك عالمي الاوحد
انا ام عباس لو ما انت ما أُوْجَد
يعالم ماتِفَسّر شنهو مكنونه
يا عشگي المقدس جنة مضمونه
يمن وحدك أنظره الكون بعيونه
زاهر والنعم ماتنحصي واتنعد
أتيهن بسمك امن ابحر معانيّه
يشبهك حرفك الاول بزغ ضيّه
يُمّه احسين حرف الحاء حنيّه
گلبك منبعه وْروحك إهي المَسْنَد
يمالك كلشي بِيّه وعمري الك فدوه
يانبع الحياة وموطني اليسوه
إليه ولليحبّك كل وكت تچوه
عطائك مو جزر ساس اليمد المد
عُظم اسم الوفاء البيه اتوصّف
ودعائي المايرده الباري وِاتْشَرّف
الزَيّد قيمتي إنت ومصاب الطف
اليخدمك من صدگ للدوم يتخلّد
عباس اشعظم قدره علي ابشخصه
ومنك بالأُخُوّه يمتلك حصة
وصّيته الگمر يمك فرض ينصه
العبد يم سادته ابكبر القَدُر ينحد
خادم الزهراء (ع)
سيد حامد النعيمي
شيبتي تشهد عليه / محرم 1446
خطاب حبيب ابن مظاهر (رض) مع الامام الحسين (ع)
هاي ساعة شدة وتريد الرجال
وانه الهه وما اعوفك لا محال
شيبتي تشهد عليه / ما ارد الا ابمنيه
هاي ساعة شدة وتريد الرجال
غربلاني اهواي بالشدة الزمان
ثابت الموقف وَحَدْ من السنان
يشهد ابهايه عَلِي بالنهروان
وشاهد ابصفين من عج المكان
صارم السيف ابإديه / ما ارد الا ابمنيه
هاي ساعة شدة وتريد الرجال
سيدي يحسين ملكك دم حبيب
الله ذاخرني الك وانته القريب
ذرني اردماد اعله طفك ياغريب
قرر اشتملي عَلَيْ وانه المجيب
خادمك بالغاضرية / ما ارد الا ابمنيه
هاي ساعة شدة وتريد الرجال
إئذن اليهواك يبرز للألوف
والله أگر عينك وراويهه اشتشوف
اترس الميدان بيهم بالحتوف
عشره صار اسنين وياهه السيوف
وخصمي اليشهد إليه / ما ارد الا ابمنيه
هاي ساعة شدة وتريد الرجال
سيدي طمنهه زينب للأبد
من حبيب احچايه واصحابك وعد
نفتديكم بالمهج كُلْ استعد
آنه قائد هالزلم خَذْتِ العهد
الثورة تصبح عالمية / ما ارد الا ابمنيه
هاي ساعة شدة وتريد الرجال
الثايه تندگ بالحرب وانه اليدگ
الروح ترخص من تهيم أهل العشگ
والعلامة عابس الثوبه يشگ
وجون خادم وانته حرّيته الصدگ
باع روحه للقضية / ما ارد الا ابمنيه
هاي ساعة شدة وتريد الرجال
عاقل اليختار دربك بي يذوب
هاي دنيا بيهه تنجح لو رسوب
عاقل الحر من أجه كله ذنوب
واعله ايدك فرصة من قرر يتوب
واختتم حُسْن البليّة / ما ارد الا ابمنيه
هاي ساعة شدة وتريد الرجال
خادم الزهراء (ع)
سيد حامد النعيمي
خطاب حبيب ابن مظاهر (رض) مع الامام الحسين (ع)
هاي ساعة شدة وتريد الرجال
وانه الهه وما اعوفك لا محال
شيبتي تشهد عليه / ما ارد الا ابمنيه
هاي ساعة شدة وتريد الرجال
غربلاني اهواي بالشدة الزمان
ثابت الموقف وَحَدْ من السنان
يشهد ابهايه عَلِي بالنهروان
وشاهد ابصفين من عج المكان
صارم السيف ابإديه / ما ارد الا ابمنيه
هاي ساعة شدة وتريد الرجال
سيدي يحسين ملكك دم حبيب
الله ذاخرني الك وانته القريب
ذرني اردماد اعله طفك ياغريب
قرر اشتملي عَلَيْ وانه المجيب
خادمك بالغاضرية / ما ارد الا ابمنيه
هاي ساعة شدة وتريد الرجال
إئذن اليهواك يبرز للألوف
والله أگر عينك وراويهه اشتشوف
اترس الميدان بيهم بالحتوف
عشره صار اسنين وياهه السيوف
وخصمي اليشهد إليه / ما ارد الا ابمنيه
هاي ساعة شدة وتريد الرجال
سيدي طمنهه زينب للأبد
من حبيب احچايه واصحابك وعد
نفتديكم بالمهج كُلْ استعد
آنه قائد هالزلم خَذْتِ العهد
الثورة تصبح عالمية / ما ارد الا ابمنيه
هاي ساعة شدة وتريد الرجال
الثايه تندگ بالحرب وانه اليدگ
الروح ترخص من تهيم أهل العشگ
والعلامة عابس الثوبه يشگ
وجون خادم وانته حرّيته الصدگ
باع روحه للقضية / ما ارد الا ابمنيه
هاي ساعة شدة وتريد الرجال
عاقل اليختار دربك بي يذوب
هاي دنيا بيهه تنجح لو رسوب
عاقل الحر من أجه كله ذنوب
واعله ايدك فرصة من قرر يتوب
واختتم حُسْن البليّة / ما ارد الا ابمنيه
هاي ساعة شدة وتريد الرجال
خادم الزهراء (ع)
سيد حامد النعيمي
عباس موضوعي / محرم 1446
لسان حال الامام الحسين (ع)
صعبة أحبس ادموعي / عباس موضوعي
أحچي لاخته / أبقه سكته / حيرة امري / ضاع عمري
مات اخوي الگمر
ياچلمه الأسولفهه ابرجعتي
اول مرة هيچ اشعر محنتي
فگد عباس اصعب من ذبحتي
شَگِلهه اوْ اختي تقره اعيوني اختي
اشيخفيهن آلامي / عفت الأخو دامي
للمنّية / بين اديه / دمه يجري / ضاع عمري
مات اخوي الگمر
ابكبر حبه وعظم قدره رزيتي
أحاول ظهري اعدلنّه بمشيتي
تشهگ بالنفس ومبينه ريتي
زينب عاينت دمعي ابلحيتي
حزني افترض ينضم / بثيابي تنظر دم
هيه تحچي / وانه ابچي / خاف تدري / ضاع عمري
مات اخوي الگمر
سِأْلَتْنِي يخوي احسين گلي
چا وِينَهْ أخوي وعزوة اهلي
آنه ابغير روحه ابروحي شلي
عِرَفْتَه منكتل من راح ضلي
طوله اويه طولي انعد / لو غاب يعني انهَد
طاح حيلي / ياخليلي / ضاگ صدري / ضاع عمري
مات اخوي الگمر
درت زينب كسرنه صار واقع
ظهرهه وظهري من الكسره راكع
وْويانه عمود الخيمه واگع
حلم اصبح نشوف الغالي راجع
من خلصت الجربه / مايرجع ابدربه
منّه يخجل / مالگه حل / يسگي نحري / ضاع عمري
مات اخوي الگمر
شهم لاخر نفس عباس وفّه
ترف ملمس رطب بالماي چفه
چفه الشلته من الگاع اعرفه
أثر عالجربه قابض رغم نزفه
لو باقيه گطره / وصلهه للحره
بيهه مهتم / راد يسلم / خانه دهري /ضاع عمري
مات اخوي الگمر
صحت العايلة او ونتي سريه
گعدت ابخيمتي التمّن عليه
يابس ريجهه كلتلهه هيه
وداعاً گولي العمچ رقية
ساعة وْتِصدوله / راس ابرمح طوله
عذره واضح / چفه طايح / حاله مزري / ضاع عمري
مات اخوي الگمر
خادم الزهراء (ع)
سيد حامد النعيمي
لسان حال الامام الحسين (ع)
صعبة أحبس ادموعي / عباس موضوعي
أحچي لاخته / أبقه سكته / حيرة امري / ضاع عمري
مات اخوي الگمر
ياچلمه الأسولفهه ابرجعتي
اول مرة هيچ اشعر محنتي
فگد عباس اصعب من ذبحتي
شَگِلهه اوْ اختي تقره اعيوني اختي
اشيخفيهن آلامي / عفت الأخو دامي
للمنّية / بين اديه / دمه يجري / ضاع عمري
مات اخوي الگمر
ابكبر حبه وعظم قدره رزيتي
أحاول ظهري اعدلنّه بمشيتي
تشهگ بالنفس ومبينه ريتي
زينب عاينت دمعي ابلحيتي
حزني افترض ينضم / بثيابي تنظر دم
هيه تحچي / وانه ابچي / خاف تدري / ضاع عمري
مات اخوي الگمر
سِأْلَتْنِي يخوي احسين گلي
چا وِينَهْ أخوي وعزوة اهلي
آنه ابغير روحه ابروحي شلي
عِرَفْتَه منكتل من راح ضلي
طوله اويه طولي انعد / لو غاب يعني انهَد
طاح حيلي / ياخليلي / ضاگ صدري / ضاع عمري
مات اخوي الگمر
درت زينب كسرنه صار واقع
ظهرهه وظهري من الكسره راكع
وْويانه عمود الخيمه واگع
حلم اصبح نشوف الغالي راجع
من خلصت الجربه / مايرجع ابدربه
منّه يخجل / مالگه حل / يسگي نحري / ضاع عمري
مات اخوي الگمر
شهم لاخر نفس عباس وفّه
ترف ملمس رطب بالماي چفه
چفه الشلته من الگاع اعرفه
أثر عالجربه قابض رغم نزفه
لو باقيه گطره / وصلهه للحره
بيهه مهتم / راد يسلم / خانه دهري /ضاع عمري
مات اخوي الگمر
صحت العايلة او ونتي سريه
گعدت ابخيمتي التمّن عليه
يابس ريجهه كلتلهه هيه
وداعاً گولي العمچ رقية
ساعة وْتِصدوله / راس ابرمح طوله
عذره واضح / چفه طايح / حاله مزري / ضاع عمري
مات اخوي الگمر
خادم الزهراء (ع)
سيد حامد النعيمي
نزلة
يشبه طبع عباس / محرم 1446
فضة بذهب بلماس / يشبه طبع عباس
جسّام اسمه / عباس رسمه
اربع طعش نوره اكتمل برسومه
ابلامة حرب كاشخ طلع بهدومه
العمه اتجه رايد يطب للحومه
باسمه افتخر ابن الحسن واعلومه
ابسبعين الف ينقاس / يشبه طبع عباس
جسّام اسمه / عباس رسمه
يستأذنه إسمحلي عم خل أثأر
للدين واصحاب الوفه والاكبر
دم الگمر بيّه غلى ما أگدر
لو ساعة عن اهل الغدر أتصبّر
أمحيهه هل ارجاس / يشبه طبع عباس
جسّام اسمه / عباس رسمه
طب ضيغم وْمعروف ابن الساده
بصوته ارتجز رجفهه كل القاده
بعمر الورد لاچن فعل أجداده
عدهم نصر معروفه هيه العاده
ساس وْيِوَرّثْ ساس / يشبه طبع عباس
جسّام اسمه / عباس رسمه
چن ريح صرصر من حمل بيهم عج
ميدانهم يختظ صبح رجهم رج
سيفه ابضربهم مشتعل وجهم وج
كل ضربة بسم الله القوي من يلهج
من سيفه فرت ناس / يشبه طبع عباس
جسّام اسمه / عباس رسمه
لِحْسين من شافه ابتهج بافعاله
نفّذ وعد سواله كل الگاله
أشرله ابو الاكبر يعم صاحاله
العنده مثلك بالحرب هنياله
مرفوع دوم الراس / يشبه طبع عباس
جسّام اسمه / عباس رسمه
خادم الزهراء (ع)
سيد حامد النعيمي
يشبه طبع عباس / محرم 1446
فضة بذهب بلماس / يشبه طبع عباس
جسّام اسمه / عباس رسمه
اربع طعش نوره اكتمل برسومه
ابلامة حرب كاشخ طلع بهدومه
العمه اتجه رايد يطب للحومه
باسمه افتخر ابن الحسن واعلومه
ابسبعين الف ينقاس / يشبه طبع عباس
جسّام اسمه / عباس رسمه
يستأذنه إسمحلي عم خل أثأر
للدين واصحاب الوفه والاكبر
دم الگمر بيّه غلى ما أگدر
لو ساعة عن اهل الغدر أتصبّر
أمحيهه هل ارجاس / يشبه طبع عباس
جسّام اسمه / عباس رسمه
طب ضيغم وْمعروف ابن الساده
بصوته ارتجز رجفهه كل القاده
بعمر الورد لاچن فعل أجداده
عدهم نصر معروفه هيه العاده
ساس وْيِوَرّثْ ساس / يشبه طبع عباس
جسّام اسمه / عباس رسمه
چن ريح صرصر من حمل بيهم عج
ميدانهم يختظ صبح رجهم رج
سيفه ابضربهم مشتعل وجهم وج
كل ضربة بسم الله القوي من يلهج
من سيفه فرت ناس / يشبه طبع عباس
جسّام اسمه / عباس رسمه
لِحْسين من شافه ابتهج بافعاله
نفّذ وعد سواله كل الگاله
أشرله ابو الاكبر يعم صاحاله
العنده مثلك بالحرب هنياله
مرفوع دوم الراس / يشبه طبع عباس
جسّام اسمه / عباس رسمه
خادم الزهراء (ع)
سيد حامد النعيمي