#Tafakkur va ijod
#Oqshom yaqin…
#Qadrdon radioda
#Tinglaymiz

#Oq_shom

Oqshomni yaxshi koʻraman.
Sababi, unda suron yoʻq,
unda lahzalik sogʻinch bor,
kutish iztirobi bor.
Kunning tunga uzalgan goʻzal maktubi bor.

Oqshomni kutaman.
Chunki, kun boʻyi sargashta bulutlar qirmizi roʻmollarini hilpiratib,
soʻzana hayollar surgan vaqtda, qalbimga shukur fursatini eslatgani uchun.

Oqshom esa yaqin…

https://www.tg-me.com/NARGIZA ASAD/com.Nargiza_Asad

#Тонгги чизгилар

***
Садолар,
суронлар
ва сукут,
Ортингда журъатсиз хитобман.
Сержилва, ранг-баранг дунёнгда,
Мен сассиз,
оқ-қора китобман!..

© Наргиза Асадова
https://www.tg-me.com/NARGIZA ASAD/com.Nargiza_Asad

#Орамиздаги одамлар

76 ёшли бу китоб сотувчиси Работлик Муҳаммад Азиз кунига 6-8 соат вақтини китоб ўқишга сарфлайди.

У ҳозирда француз, араб ва инглиз тилларида 5000 дан ортиқ китоб ўқиган энг кекса китоб сотувчиси бўлиб қолмоқда. Унинг дўкони 43 йилдан бери доимий равишда бир жойда фаолият юритади.

Китобсевар сотувчидан, “Китоблар ўғирланиши мумкин-ку, нега дўконни қулфламайсиз?” деб сўрашганида, у: “Ўқишни билмайдиганлар китоб ўғирламайди, ўқийдиганлар эса ўғри эмас”, деб жавоб берди.

Бизда ҳам шундай ашаддий китобсеварлар борми, нима дейсиз?..

https://www.tg-me.com/NARGIZA ASAD/com.Nargiza_Asad

#Яна муҳаббат ҳақида

* * *
Автобуслар елдек елади,
Тутиб тонгнинг оқ билагидан.
Юрагимга олиб келади,
Илинж сизни хув Сирғалидан.

Билмам, нима боғлайди бизни,
Дил узолмас чиндан рўёси.
Ҳар саҳарда кечирсам сизни,
Мени оқлар умид дунёси.

Йўлингизга кўз тикади йўл,
Фурсат билар ғанимат дамни.
Кечаларнинг манзиллари сўл,
Яхши кўргум мен субҳидамни.

Кўчам томон баҳонами иш,
Айтинг, чиндан собит эсангиз?
Бир йилда ҳам йўламайди қиш,
Ишонтириб, "Севдим!" десангиз.

Тушда кечар бугун ўнгимиз,
Толе бизга кийдирмайди тож.
Дунёлардан бойдир кўнглимиз,
Бизда фақат илож йўқ, илож...

Автобуслар хўрсинар оғир,
Шом қораяр тилагигача.
Ортингиздан эргашиб ёмғир,
Кузатади Сирғалигача...

© Наргиза Асадова
https://www.tg-me.com/NARGIZA ASAD/com.Nargiza_Asad

°°°
Замин бўлган ҳудди тўйхона,
Куёв мисол ухлаб ётар Тун.
Саҳар туриб сепгани шудринг,
Пешайвондан чиқиб келар Кун.

Бунда қотиб ухлар деворлар,
Босинқирар дарпардалар сал.
Юрак ютиб чиқиб кетаман,
Тонгда эшик эснаган маҳал!

°°°
바닥은 결혼식장 같다,
밤은 신랑처럼 자고 있다.
새벽에이슬을 뿌리기 위해
날이 베란다에서 나옵니다.
벽들은 숙면을 취합니다.
커튼이 자고 있습니다.
내 마음이 나갈거야,
아침에 문이 하품을 할 때

© Наргиза Асадова
Корейс тилига
Муқаддас Тайланова ўгирди

https://www.tg-me.com/NARGIZA ASAD/com.Nargiza_Asad

XUSHXABAR

Yolg'iz edim...
Baxtimni kim bilandir bo'lishgim keldi. Shunda...
Yo'limda ko'ndalang turgan derazani shartta surdimda, shodlikdan tongni quchib oldim!

* * *
Ko'z o'ngimda to'kilib tursang, beg'am yashash mumkinmi, daraxt?

SUKUNAT

Kun boʻyi ne-ne suronlarni ko'targan bu xona, tunda birgina jo'mrakning ko'z yoshlariga toqat qilolmaydi.

Nargiza Asad

P.s.: Necha kunki bu mo'jaz kitob menga hamroh. Hadsiz, hisobsiz matnlardan charchaganimda birrov ko'z tashlayman. Tizginsiz satrlar, g'aroyib topilmalar, hislarimizga qo'yilgan nom -- ajoyib kayfiyat uyg'otadi... ♡