فرات الشُوم يلّي امنَغّص العيش
ويلمرَاويني أشـكَال الأذيـّـه
شَح مَايك على ابن المصطفى ليش
وچان اخجَـلِـت مِن امّه الزچيّه
مَهَرهه المَاي وانته اتحَاربه ابطَيش
اوتِحِرمَه البَارد ابعَـين الـﮔِويّه
عَجيب شلون انته اتطَاوِع الجيش
اوتِـبيع ابن النَبي الخَاطِر أميّه
**
ليل الهَم طِويل وصَعب يَنهَار
وفرات الشُوم خلّه الصبر يِنهَار
عَليـﭽن عَار هذا النهر ينهَار
لأنّه ابعطَش عَاف ابن الزچيّه
----------
لقمان البدران

https://www.tg-me.com/الشاعر لقمان البدران/com.lukmanbdran1970

‏مقطع صوتي من Lukman

كسرُ القيدِ قد حان
ومضَى عصرُ الطغيان
قد سارُ شُعاعُ النور
من قمَّ الى طهران
بطلٌ وفقِـيهُ جاء
من نسلِ أبي الزهراء
من يُدعى روحُ الله
بُورِكَ أزكى الأسماء
**
فـذٌ بيَـقين عَـاد
ألغى حُكمَ الإبعاد
ومضى مابينَ اثنين 
نصرٌ أو إستشهاد
كالشمسِ أتى وأضَاء
كلَّ ظلامِ الأرجاء
قالَ وما أنجَزنـاه
من نهضةِ عاشوراء
**
ثورةُ هذا المِقدام
حمَلَت همَّ الإسلام
وتعلَّمَ كلُّ الكون
منها درُسَ الإقدام
وللشهداءِ حضُور
في ثورةِ إبنِ النور
لولاهُ ولَـولَا ذاك
ماكانَ بها منصُور
**
من بعدِ خُمينيْ الجُود
ذا خامنائيْ موجود
يَملأُ أرضاً وسَماء
رُعباً سامٍ وجنُود
ضد الباغي المغرور
شعّت رايتُهُ نور
يعطيها بٱذن الله
للمهديِّ المذخُور
**
هذا الخطُّ المِعطاء
يسمُو بدمِ الكُرماء
مَن ضحّوا للاسلام
ومضوَا عزاً شهداء
قاسمُ فخرا وجمال
وعمادُ ابو الأبطال
وقوافلُ جُندِ الله
ضربت للصَحبِ مثال
**
نصرُ الحقِّ المضمُون
بسواعِدنا مرهُون
أمريكا ستجني السوء
ونزيلُ بني صُهيون
لامانعَ نحو الدين
فالجمع أتى بيقين
سنُواجهُ زُمرَ السُوء
لا ضَعفَ ولا تَوهين

مِن عَباتـﭻ طِلعَت اشمُوس العَفاف
ونور سِتر اَلله اويَه الخيُوط اِنطبگ
ﮔالوا اِحتِرﮔت واَنه اِرفَضت المَقال
شلون مَحروﮔـه إذن سِترَه اِحتِرگ
يازينب
**
بالسِتر دِنيـَـانه زَيـَّـنها الجَلـيل
ودُونـَه كل قِيمه أبَد ماتِنطلُب
ودنيه مَابيها سِتر ماتِبقى هَيـﭻ
وشي أكيد البَاري يـﮔلبها ﮔـلب
يازينب
**
ألله مِـن اَسمَاءَه سَتار العِـيوب
امغَطّي مِن اعبَاده ﭼَم زِلمَه ومَرَه
مُذنبين ، اِنـّوب يفضَح هالمَـلَاك 
المِن نسل زَهره الزﭼيه وحَيدره
يازينب
**
زينب آيَـة خِدر بكتَاب العَفاف
بَسمَلتها النور والخَـتمه السَبي
وبشهَـر عاشُـور نَـزّلهه الإله
ومَوضِع التَنزيل تَـل الزينبي
يازينب
**
إسِم زينب جَامع احرُوف النَـقاء
زِينه, يسر ,ونور, وَي بيت العطف
ونِدري واجِب عالبشَر مُو مَستَحب
المَاهو مَتوَضّي فلا يلفـظ حَرف
يازينب
     
              ---------------------------- 
       لقمان البدران

https://www.tg-me.com/الشاعر لقمان البدران/com.lukmanbdran1970

‏مقطع صوتي من Lukman

لذكرى زواج النور من النور :
------------------------------
وَصّه النبي رَب السِمَه
يجمع علي  وَي فاطمه
ألف مبروك الحضُور اتنادي
نُور وَي نُور وجمَـعهَه الهادي
الدنيه ابفرَح   متبَسّمه
حيدر علي وَي فـاطمة
  * 

هذا الزواج  اليوم  .. عِزه وفرَح للدوم
.. سِر السعاده
والمُحب ياهالناس  .. بالرقّه  والإحساس
.. يعلن ودَاده
رُوح واملاك وعـَرش مسروره
والقلـم واللوح رسمـَت صوره
الدنيه ابفرَح   متبَسّمه
حيدر علي وَي فـاطمة
  * 
بت النبي المختار .. وَي حيدر الـكرار
.. نجمَه وﮔـُمرهَه
جَـمّعهم  الرحمن  .. والدنيه بالإحسان
.. غطـّوا بـَشَرهه
الليله لِـﮔلـُوب ابفرح نـَشوَانه
والسعد طير وترِف جنحانه
الدنيه ابفرَح   متبَسّمه
حيدر علي وَي فـاطمة ‎                   ‎
  * 
بسم النبي المرسول  .. والباري كلنه  انـﮔول
.. تَمّم فرحهُم
بالبهجه  والأنوار ..  آل النبي الأطهار
.. جَمّع شـَمِلهم
خِيرة النسوان ويـّـه الوَالـي
انجِمعوا وطاب الفرح للتالي
الدنيه ابفرَح   متبَسّمه
حيدر علي وَي فـاطمة
  * 
بَحر الشِعر  محتار .. وِشينظم امن اشعَار
.. بالفرحه هَايه
والقلم والقرطاس  .. ﮔال اعتذر ياناس
.. الكلِّ البرايَه
فرحه مايُوصفهه منطق شاعر
ولا  لحن رادود مـُبدع شـاطر
الدنيه ابفرَح   متبَسّمه
حيدر علي وَي فـاطمة
,,,,,,,,,,
لقمان البدران

لعيد الغدير الأغر ⬇️

علي دَربي .. ونبض گلبي .. ورضا ربّي
علي عِندي .. حلِم وَردي .. سبب سَعدي
علي ماي وهوَى . علي
علي شَمس وضُوه . علي
علي سِر انطوَى . علي
علي سر انطوَى
(شيل لله يابا الحسن شيل لله
الشمس ردّتله علي بعد الصلاه)
**
علي أوّل .. علي أفضَل .. علي أعدَل
علي جَنّه .. وعلي سُـنّه .. وفلا منّه
علي يشبَه علي . علي
فلا غَيره وَلي . علي
فدَا روحي وهلي . علي
فدَا ولدي وهلي
(شيل لله يابا الحسن شيل لله
الشمس ردّتله علي بعد الصلاه)
**
علي فِكري .. وعلي عُمري .. وعلي ذخرِي
علي داري .. علي انوَاري .. مله انظاري
علي جُود وكرَم . علي
علي ومُو بالقلم . علي
النَبض يكتِب نعم . علي
النَبض يكتِب نعم
(شيل لله يابا الحسن شيل لله
الشمس ردّتله علي بعد الصلاه)
**
علي رَحمه .. وعلي نِعمه .. انتشر عِلمه
علي زاهِد .. علي عابِد .. وإجَه ساجِد
علي سُور وعَمَد .. علي
علي يوم العِـبَد .. علي
فلَا گبـلَه أحَد .. علي
فلَا گبله أحَد
(شيل لله يابا الحسن شيل لله
الشمس ردّتله علي بعد الصلاه)

=============
لقمان بدران

https://www.tg-me.com/الشاعر لقمان البدران/com.lukmanbdran1970

إجهَر بحُبِّ مَن اعتَلى يومَ الغديرِ
عرشَ الإمامةِ مُحرزاً لقبَ الأميرِ
**

لاتِخفي حبَّك وافتِخر بين الخلگ للدوم
واظهر محَبتك للذي حَب الصلاه والصوم
وفرض الزكاه وَكت الفجر وي نُصرة المظلوم
چن حُـبَّه لحسين وحسن والحرّه وام كلثوم
ابحبَّك تهِد ..
دار الحقد ..
واتفِت گلُب من گال
عنّك شِـرَك ..
غَالَه وتِـرَك ..
دِينه ومشه بإظلال
أعمى البصيرةِ ذاكَ في المهوَى العسيرِ
إجهَر بحبِّ من اعتَلى يومَ الغديرِ
**
هِيم بعشِگ حامي الحِمه وعِيش العمر وفَّاي
وانشر مفاخِر سيرِته الجِمعَت جهَاد ورَاي
شلون احتِمَل طعن وضَرُب مارد يوِن شكّاي
وخاض بميادين الحرب مثل اليخُوض بماي
راوَه الكُـفَر ..
موت الحَمَر ..
ماقَط رِجف وارتاب
وچفّه الطِعَن ..
واجلَه المِحن ..
خيَّط فَتِگ جِلباب
عجبٌ عُجابٌ سيدُ الشأنِ القديرِ
إجهَر بحبِّ من اعتَلى يومَ الغديرِ
**
أمشي وعَذُولك خالِفه ولاتسمع الأقوال
وعانِد حَلاة الي يحِب لو عانَد العذَّال
حِط عينك بعين اليضِد واثبِت ثبات ارجال
حيدر بطَل وابفطرِته يعشگ طَبع الأبطال
كل الفخَر ..
فارس مُضر ..
حامي الشرع والدين
بي ملتِزم ..
شايل إسم ..
شيعي الأبو الحسنين
إفخَر فحقُّ الفخرِ للفعلِ الكبيرِ
إجهَر بحبِّ من اعتَلى يومَ الغديرِ
**
هذا الأمير الّي نِزل أمره ابخَتم جبَّار
وذَاع القرار اعلى الخلگ هادي ونبي ومُختار
مو مثل المنَصَّب غَصُب بالصَيحه والإجبار
بفَلته زمان اموَقِّعه بچف مُنحرف غدّار
وفَرق الثَرى ..
امبيِّن ترَه ..
عن الثُريه الفوگ
وبس العَلي ..
كلمة وَلي ..
تحلَى اوتحِل واتلوگ
ومن اقتَدى بالغيرِ مذمومُ المصيرِ
إجهَر بحبِّ من اعتَلى يومَ الغديرِ

==========
لقمان بدران

حيدر شريك الگلب مِن حَقه لو مال اله
والساني كِثر الذِكر مايوم ابد ماْل اله
عاش ونِشأ وارتحَل لا أرض لامال اله
ومن مثله حُب النفِس للمصلحه غالَبه
وابعمره كلشي رِخص بس النبي غالِبه
واحد زِهَد قيمِته اوّاحد عشگ غالَبه
ومابين حُب وكره ظل شانه دُومه علي
وكل شرَف مر بالبشر تلگه اصله حيدر علي
من مثله يوم الفتح گلّه النبي اصعَد علَي
والفضلَه دون الملا بجنة عدن بَشَّره
ومن غيره وَجه الوجه بالنجوى من بَشّره
بالباع مالي شغل مالي شغل بِشَّره
مادام حيدر علي يسكِن فؤادي واظِل
للدوم بي أهتدِي ومايوم اضيعن واظِل
ويم غيره مادوَّرِت راحه اوّجاهه وظِل
وانواره رغم البَله الكل الخلگ لافِته
جبريل خط بالسمه بچف القدس لافِته
لا سيف غيرَك علي ولا فارس ولافَته
والهذا راس الدهر غصباً عَلِيه مال اله

============
لقمان بدران

https://www.tg-me.com/الشاعر لقمان البدران/com.lukmanbdran1970

هوسات غديرية ⬇️

إذا ردنا احنه نُوفي الحيدر الكرار
قسيم الجنه هذا وناصِر المختار
الكعبه البالصلاه الها الوجه يندَار
أم حيدر كُون انسمِّيها
**
قُرآن ٱلله هذا الناطِق بإعجَاز
قِدِّيس العِباده البالفَضل يمتَاز
المُوالي الّي نِخاه يوم الشِدايد فاز
وما يربَح مِن راح الغيره
**
علي سَاجي الضِمه وفَكَّاك عِسْر الدِين
علي العِنده الصلاه والصوم اعَز اثنين
علي ايحِب اليتامه بگد حسن وحسين
ماعون الفُقره ايسمُّونه
**
علي الطلَّـگها هالدنيه ابسَبيل الله   
وغرِّي الغَيري گلها ودَوِّري الأشبَاه
عاشِـگ ألله مامِن بالگلب إِلَّاه
وبحضن امّه ايصلّي افرُوضه
**
نادي الّي نِـقَذ يُونِسها من الحوت
ونبي ابراهيم يوم ابنَاره شاف الموت
ومو لازِم إذا للحاجه ترفَع صُوت
بالسِر من تحچي ايلَـبِّيها
**
علي التَخويل عِنده بخَتم من جبَّار
ايحِل كل المشاكل يدفَـع الأخطار
ثِـق بي واعتقِد واطلُب ولا تِحتار
وامدلَّل من بَايع حيدر

===========
لقمان بدران

https://www.tg-me.com/الشاعر لقمان البدران/com.lukmanbdran1970

#جديد- بمناسبة عيد الغدير الأغر
(حيدر أصل حبي )
#كلمات- الشاعر لقمان البدران
#أداء- الرادود رضا الشمري
إنتاج استوديو خِيام للإنتاج الإسلامي
لتحميل القصيدة على الرابط https://youtu.be/_Kc4cNqOpis?si=bQQ8vLkGCaJL2CjE

يا هلا بيكم
ألله يحمِيكم
بالبيعَة للكرار سَجْلُوا اساميكم
**
من نبدِي باسم الوَلي
وصوت الفرح يعتِلي
مانقبَل اسكوت
خل نحيِي ماضي الخَدَم
للبيعه نكتِب نعم
ونردّد بصوت
(مفروض عالناس حبك ياعلي
علّاك رب العرش علّاك
غصباً على اعداك)
**
تَرتيبه أوّل وابَد
ماصلّه گبله وعِبد
بالدنيا إنسان
وصّاه إلهَه وأمر
صاح الرسول وجِهَر
سمعَته الاكوان
(مفروض عالناس حبك ياعلي
علّاك رب العرش علّاك
غصباً على اعداك)
**
بحُبّه الفرج والهَنه
ونور المَلا المُؤمنه
والرِفعه للناس
للعلّه إسمه الدُوه
نتنفَّسه اويه الهوى
واتصِيح الانفاس
(مفروض عالناس حبك ياعلي
علّاك رب العرش علّاك
غصباً على اعداك)

===========
لقمان بدران

سنقوم بإذن الله
بنشر قصائد
#محرم_الحرام
لهذه السنة .
بعد أن أنجزنا مجموعة منها
بتوفيق الله
وبفضل دعواتكم
ومتابعتكم الطيبة .

لقمان بدران

(ملمع)

جائنا شهرُ البلَايا
بالخطُوبِ المُرعِبة
فيهِ صوتُ الريحِ يأتي
مثلَ صوتِ النادِبة
**

چِـنّّه ملتمّين ٱحِـبَّه .. انجُوم وابنصهَا الگُمر
عَيله غطّاها الأمان .. وما يمُر بيها الكدَر
يلِمنه لحسين بحنَانه .. وما يصَل لينه الخطر
لم نرَ الأحزانَ يوماً
والهمومَ المتعِبة
جائنا شهرُ البلَايا
بالخطُوبِ المُرعبة
**
ومن إجِه اهلال المُحرم .. راحت ايام السَعَد
وكالفَلك دارت رَحاها .. الدنيه والعِز ابتِعد
والحرُب عِترة محمد . جهِّزَت عِدة وعدَد
وغدَت نفسُ الكرامِ
كأسَ حتفٍ شاربة
جائنا شهرُ البلَايا
بالخطُوبِ المُرعبة
**
تدري ياشهر المُصيبه .. شنهي حسِّيت وشِفت
من إجت أيامك اِلنه .. بكل مكان الألتِفتِ
دَخنة اخيام ومَناحه .. وغُربه وامعَاند وَكت
شدةٌ عانيتُ حتى
صرتُ منها شاحِبة
جائنا شهرُ البلَايا
بالخطُوبِ المُرعبة
**
بيك اودِّع خدري هذا .. وكل دَلالي وعِزِّتي
وادفن آمالي بتُرَاب .. اليندِفن بي إخوِتي
واطلَع السَبي العِجاف .. وتبدي بالهَم رِحلِتي
وكفوفُ اللؤمِ تأتي
نحوَ مَتني ضاربة
جائنا شهرُ البلَايا
بالخطُوبِ المُرعبة
**
باچر اترِك عالشريعه .. الغالي سَبع المشرعه
واوگَف اعلى حسين اوَدعه .. وعيني تنظر مصرَعه
بالعِيال اتمَـحَّـن آنا .. ونسوَه بالبرَ فازِعه
ثاكلاتٍ متعباتٍ
فوق أرضٍ لاهبة
جائنا شهرُ البلَايا
بالخطُوبِ المُرعبة

============
لقمان بدران

https://www.tg-me.com/الشاعر لقمان البدران/com.lukmanbdran1970

‏مقطع صوتي من Lukman

وحشَة عمُر .. مُر الصبر .. يبَـاريني
أحمِل فلَا .. أسخَط عَلَى .. أذَى سنيني
أمرَ الله هذا امن افگِد اولادي
أوَاسي بيهُم عترة الهـادي
أذَى سنيني
***

الفاگد امضَيّع هوَى ..
اموَدّع ابعَينه الضوَه ..
اتنازِع انفاسَه الحزينه
جِدمه يمشي اعله الدرب ..
ويرتجِف ويّه الگلب ..
وتنسِمع نشغَة وَنينه
ينسَه عافِيته اويرَافگ ذكرياته
ولَـنّه فاگد كل أمل حَي بحياته
وآنا فارَگت اربعه
اعليهُم اگليبي نِعه
لكن الخامس عَلَي
جاسي يصدَع مصرعه
فَگد وألم .. بيّه انكِتم .. چُوَه جروحي
ومن حسرِتي .. ومن صفنِتي .. گضت روحي
ومو سَهله جرحي ايطَيِّبه اضمادي
أمر الله هذا امن افگِد اولادي
***
عِندي لِحسين الأمل ..
وعَيلِته الطيبه الأهل
العِيشه ويّاهُم هَنـيّه
وِلدَه أحفادي شِفت ..
وعالبنات اتعوَّدِت
خَوله وي سِكنه ورُقيه
ويّه زينب عشرِتي الچانت طويله
نگعد الليل وسُـوه انـبَاري العليله
للفوَاطم اخلَصِت
والأجلهِن من عِشت
آنه واگضيت العمر
خادِمه وأم و وإخِت
قَدري ارتفَع .. نُوري السِطع .. الفَضل ليهِن
وآنه اربَحت .. يوم العِشت .. وابارِيهن
وفدوَه آنه اروح الراحَة اسيَادي
أمر الله هذا امن افگِد اولادي
***
اگبالي چان ابن النبي ..
يمشي والطُوله اصطِبي
وچنّه حيدر من يجيني
احسيني من يگبُل علَي ..
وترتِفع له اثنين اِدَي
أدعي وانذِر كل سنيني
مو حزِن دمعـة فرح لمّـن اشوفه
وعيني تشبُگ صُورِته ولا ماتعوفه
بنُوره بالليل اهتدِي
وبٱسمه يوميّه ابتِدي
النسمه لو مرّت عَلِيه
اعلَيّه احِسها تعتدِي
ولِيدي الأعَز .. وگليبي فَز .. لگاه غايب
ومارَد إجه .. ومنّي الرِجه .. رجع خايب
ومحَّد يِسِمعه اگليبي لينادي
أمر الله هذا امن افگِد اولادي
***
أربعه بروحي شلِت ..
وبيهم اتسمّى صرِت
انسِيته اسمي وماهوَيته
أم لِبنين الفخَر ..
لو إسم أم الگُمر
بهالأسامي الحَظ لگيته
وحُب الحسين الهوى الماخِذ حَنيني
واعلى هالحُب علَّمِـت أربع بِنيـني
إي وحگ من جابِته
اتربَّوا اعلى امحَبّـته
وتالي من شَبَّوا سِوه
اتعلِّموا من غِيرته
وتدري المَلا .. الطف كربلا .. امن اربِّـيهُم
وحان الوكت .. جاني وشِفت .. وفه البيهُم
وهالسَّاعه بيهم يفرح افَّادي
أمر الله هذا امن افگِد اولادي
***
الغالي يرخَص بالعمُر ..
الأغلى منّه لوحِضَر
وترتِوي الروح ابوِجوده
وآنا غاليّي انوِجَد ..
وصِرْت اقدمَه اعلى الوَلَد
وافدي كل عمري اعلى مُوده
كالهوى التارِس لي ريتي آنه احسَّه
وروحي تتعذَّب إذا فد شي يمـسَّه
عَشره لو عندي وِلِد
أنطي وگليبي الجَلِد
لنهُم ابصَفِّ السبط
باچر بجنة خلِد
صِنت العهد .. ويوم السَعد .. عَلَي دايم
أنظر لوَن .. رَد الزمن .. ورِجع سالم
بس اشيِردَّه البالترُب غادِي
أمر الله هذا امن افگِد اولادي

==========
لقمان بدران

إمشوا انواسِي الحرّه
بمَاتَم إبن الزهـره
وايّام الخِدمه
هاي اكبَر نِعمه
للمُؤمن رَحمه الباري امخلّي العَشره
**

يالله يا إخُوتي يالنشامه
خلّي نترِك بالأجر علامه
هل محرم والعمُر يمشي بسَاع
خلي نتسَابگ على الخِدامه
وين الوفّـايه
شيلُوها الرايه
وحسين الغايه الأقدَس عِند الخادم
**
نشروا لَسوَد حَضّروا المواكب
بكل شِبر خلّوا خطيب ونادِب
هذا إمام ويسـتِحق مـاي العين
وللعزاء الكون خَل يراقِب
بلَطمة چَفّـيني
يقبَلني حسيني
خادم وبدِيني أخلِـص نِـيتي الربّي
**
سجّل ٱسمك بالسِجل يغالي
ولا يفُـوتك أجَـر هالليـالي
هذا سِجلها بالجِنان أم حسين
نور قُدسي وبالگبر يلَالي
البالمجلس حاضِر
رابـح مو خاسِـر
ويتبَـسَّم باچر يوم الحشْر الأكبر
**
خادِمك يظهَر ابأبهَى صوره
وبالتزام اوَّعي اِيأدّي دُوره
وللحُسينيه اليجي انخِدمه اهنا
بالعِيون ونفخَر بحضُوره
نشكِرله افضَاله
شيطلُب يجرَاله
ابحِلّه وتِرحاله ويأمُر واحنا انَّـفِّذ
**
مايفِـيدك خويه كِثرة اعيال
ولالقَب يزهي اوجَمع للاموال
الينفَـعَ إخلاصَ النفِس والنِـيَّات
للحُسين وسيرِتك والافعال
الخادم بزيَاده
من ام السَاده
يُوصلّه امرَاده ويضمِن بيها الجنه

==========
لقمان بدران

https://www.tg-me.com/الشاعر لقمان البدران/com.lukmanbdran1970