بصوت. مسلم المطيري

عمتي تناديني. يارقيه

كلمات الشاعر
سيد رياض الرسل الجابري

بصوت. مسلم المطيري

ابوذيات نعي للسيدة رقية بنت الحسين ع

رقيه  امدلله انه وبت               عز آنه
اعله ابوي حسين عرش الله       عزانه
من اول قطره من نحره             عزانه
بده وماينتهي يالجعفريه
‏. . . . . . . .
بعد حسين ابوي اني              ويمي
سبيه باول اسنيني               وايامي
ابحلم وحسين جن كٌاعد         ويمي
شبكني وكالي شلونج رقيه
‏. . . . . . . . . . . .
رقيه وشفت ابوي اهناك              يومي
انه ساعتهه اسود صار                 يومي
روحي اتمنه ذاك الحين               يوماي
جان انطيها كون ايرد اليه

الشاعر ياسر العارضي

نزله شجاعه لمولاتي زينب علي _ع⬆

قصيدة اول ليله لمحرم 1438

استقبال شهر محرم
         
هل محرم والعرش اعلن عزاء
ونادى جبريل بحزن يا كربلاء
تبجي ودموعك دمه
وتندب أمك فاطمه.         يابوصالح

شهر آهات وحزن
بي سياط وبي متن.   بالغاضرية
بي بواجي وبي دمع
چنه محسن والضلع.  وحال الزجيه
والعريس وشمعته
والدموم الحنته.      وسهم المنية
وبي تراجي اسلبن
وطفله حزنانه وتون.   آه يارقيه

وانت تذكرها المصايب والبلا
وتبجي حال ايتام ظلت بالفله
وتدعي يارب السما
وتندب أمك فاطمة.        يابوصالح

طف بواجي وفاجعه
والكفل والمشرعه.         تكول الرواية
جربه بالطف ونهر
وعم يسمونه الكمر.      وجفوفه آيه
والعقيله تيسرت
عالجمر يوم المشت.    وية السبايا
يامصايب هالدرب
كعبه عثرت عالترب.    احتركت عباية

عالكفل صاحت عقيلة حيدرة
شفت خدر الله احتركت فوك الثرى
حال عمتك تفهمه
وتندب امك فاطمة.      يابوصالح

ام تنوح ويالمهد
تنادي يايمة الوالد.     هالدر حليبي
صورتك يبني البقت
دمعه بعيوني العمت.   شهكة نحيبي
يادللولك حزن
جمرة ظلت بالجفن.    ناري ولهيبي
كلبي مايحمل الم
وردة يذبحها السهم.    نحرك حبيبي

يمه ابوك حسين من رد للخيم
وانته بيده ونابت بنحرك سهم
طفل مات من الضما
وتندب أمك فاطمة.       يابوصالح


سكنه ظلت عالوعد
راحت تحاجي العمد.   وين الكفلني
من جرحته بهامته
وسفه صاحت جربته.   جي ماروتني
راح اروح المصرعه
وابجي يم المشرعة.    واشكيله حزني
ارد اكله مروتك
خدري نار بغيبتك.     جمر وحركني

وركضت عطشانه والنار بكفاي
من التفت الكه الشمر يركض وراي
وحته حيدر شتمه
وتندب أمك فاطمة.     يابوصالح


شلون حال اخت الولي
الفاركت غيرة علي.    وآية خدرها
من بعد خدر الكفل
عمر يكضي عالهزل.   آه ياصبرها
بعده وسفه تيسرت
وهي عالناكه وبجت.   بس ماحضرها
بعد ماتحمل صبر
وهي تمشي عالجمر.  آخر عمرها

والعمر فوك الهزل يخلص عجيبة
واسمي جان ام الخدر صرت الغريبة
وليلي ابد مانايمة
وتندب أمك فاطمة.    يابوصالح

    
  علي طعمه البطاط

بصوت. مسلم المطيري

هل محرم والعرش، اعلن عزاء

كلمات الشاعر
علي طعمه البطاط

"وين وين . يادنيا تجمعنا بعد
وين وين . انته ابلد وانه ابلد
ابحث عليك ابكل صبح
ماادري راسك عالرمح
وين وين . انته ابلد وانه ابلد


انه العزيزة ابنيتك محسوبة عالحبايب
اسأل منو ماكو حجي يستوعب المصايب
كالوا مسافر والاصح جثتك على الترايب
وانه وراك اتعودت عالنومة بالخرايب
ليش ليش . وانه بعمر رابع سنه
ليش ليش . صح طفله بس ظهري انحنه
يالشابع ارماح ونبل
مو محتمل لم الشمل
وين وين . انته ابلد وانه ابلد


يامن بقيت ابكربله للشام انه ارتحالي
بويه ولعلمك مانمت مرتاحه هالليالي
ياراحة وسياط الشمر ماخلت اعله حالي
واسمع يشتمك حرمله كلما صحت يغالي
آه آه . ومتوني مو مالت ضرب
آه آه . والناكه عرجه بهل درب
طحت وبعد ماكو رجه
ومحد يصعدني اجه
وين وين . انته ابلد وانه ابلد


جان الحبل بيدي خشن وانه شكثر نخيتك
ردتك تفل مني الحبل بس وسفه مالكيتك
كلشي نسيته من التعب بس انته ما نسيتك
سلبوا تراجيي ونحت جانن لان هديتك
خوف خوف . كل الملامح مرعبه
خوف خوف . بح صوتي وينك يا ابه
وين انطي وجهي ليا كتر
وبكل كتر خولي وشمر
وين وين . انته ابلد وانه ابلد


بويه الخرابه موحشه مثل القبر عليه
احتاجيتك وردت تجي ماريد اضل سبيه
لن غفله مرتني وحلم بي ريحة المنيه
وانمدت ايدك وسمعت تعالي يارقيه
راح راح . يجمعنا بالشام الوكت
راح راح . بس انته راسك بالطشت
نتشابك ابشبكة حزن
خاطر سوه انسد الجفن
وين وين . انته ابلد وانه ابلد


كلمات الشاعر : كرار حيدر الخفاجي"

بصوت. مسلم المطيري

وين وين
يادنيا تجمعنا بعد

كلمات الشاعر
كرار حيدر الخفاجي

عايش بغربه      وحالتي صعبه
من اسمع بعمتي انسبت تكتلني حركَه
الزم امتوني وتصير امتوني زركَه
**
عايش بصحره وأون كل مغربيه
وابجي دم الزينب الراحت سبيه
جن تكلي متوني توجعني واديه
ويا ابوصالح حركو الخيمه عليه

عمه يالمهدي       خيمه ماعندي
أركض وجمر الخيم كلساع اسحكَه
الزم امتوني وتصير امتوني زركَه
***
حيل متغيره وذبل زينب جفنها
غيرتها كربله ومو هيه جنها
من اجاها الشمر محد حامه عنها
زينب الصوط انطبع حيل ابمتنها

زينب شتلكَه     بخيمه محتركَه
غير بس ارماد وجم ذكره تلكَه
الزم امتوني وتصير امتوني زركَه
***
ليلة الوحشه رقيه اشتد بجيها 
تكلي اذاني وكامت تراويني بيها
وهاي سكنه اكبالي محتركات اديها
والرباب أتريد ابنها ودر ثديها

تلولي عالغالي     والحضن خالي
عكب عبدالله تصيح الدنيه خنكَه
الزم امتوني وتصير امتوني زركَه
**
عذبوج وحركو عليج الصواوين
وين عنكم راح خال أبني تصيحين
انتي نجمه محجبه وبالخدر تزهين
انتي زينب بت علي ومو للدواوين

انتي ستر الله     والوحي صلى
حته عرش الله اجه الخدرج يشبكَه
الزم امتوني وتصير امتوني زركَه
****
يله صاحو بالسره صعدوهم النوك
وصحت وين الرجب اخته بصوت مخنوك
يا ابو صالح من اسولف كَلبي محروك
عمه يفترون كامو بينه بالسوك

ناري حراكَه     وصعدت الناكَه
عليه صعبه وريت ميته شهكَه شهكَه
الزم امتوني وتصير امتوني زركَه
**
يا ابو صالح والله دوهني زماني
اسبايه درب الشام ياعمه سباني
وتدري ياهو الكام منهم شتماني
لا تكلي زينب المسبيه آني

الباوع عليه     هيه مو هيه
شسوه بيه السبي المايعرفني حكَه
الزم امتوني وتصير امتوني زركَه
*
تمت
ميثم العمري

بصوت. مسلم المطيري

عايش، بغربه.

كلمات الشاعر
ميثم العمري

بصوت. مسلم المطيري

نعي

بلسان ام البنين عن الحسين ع

ولا متعوده افارجكم يــــــغياب
يامن سفركم صابني صــــــواب
ليل انهـــار اســــامر عـتبة الباب
بلكي اكتاب من عدكم يالاحباب

كلشي ولا حسين يروح عني
گطعة من الدليــل الولد يبني
هدني افراگكم يالذخر هدني
ومـــن اللطم مهـــدول متني

ليا صوب ارد اعــــرفه -- راحـل حسين
وفــــلا شــاف بحيـاته -- راحه الحسين
انخمش گلـبي اضــنــه -- راح الحـسين
وخذو زينب على الهزله سبيه

           عبد العليلـه
✍حيدر ابو كيان الفاطمي

ليلة عبد الله الرضيع ع
عبد الله يبني لا تروح من أيدي ..
يالوجهك أحله من الكمر يوليدي ..
ليش يبني الغالي .. ظل مكانك خالي
............................
طبع كل أم على أبنهه تبني آمال شكثر ..
تذرع بطوله وتكمطه أصبع أصبع موشبر ..
أتكول كل صبح ومسيه الحمد لله والشكر ..
وتقره يم راسه دعاء وتقره آيه من الذِكر ..
لو يبجي تمسح دمعته من خدوده ..
تحس  بأمان  وبالأمل  بوجوده ..
يالضواك أيلالي .. ظل مكانك خالي
...................................
ياحبيب أمك يغالي جنت ألوليلك وأظن ..
تكبر  وغصنك يوّرد باجر  وأنسه الحزن ..
جنت أناغيلك وألولي لحد مايغفه الجفن ..
العمره ست أشهر يعالم والله مو مالت دفن ..
مو للدفن عمرك يماي أعيوني ..
جنت آنه أكولن بيك ياخيعوني ..
يكبر أبني الوالي .. ظل مكانك خالي
...................................
العطش يبّس لهاته وذابله أرسوم الطفل ..
بحسره يوليدي أشوفك والدمع عالخد يهل ..
بحضن أبوو عبد الله غافي وفززاه سهم النذل ..
وآنه  أدعي  يا آلهي  ردلي عبد الله عدل ..
مرفوعه أيدي وأدعي يا معبودي ..
شلال دمعي يجري فوك أخدودي ..
ودعت آمالي .. ظل مكانك خالي
...................................
هذا آخر يوم لأبني من الصبح أشعر وأحس ..
وأبني لا راضع حليبي ولا شرب ماي من أمس ..
منحره ضاوي ويلالي ويعكس بنور الشمس ..
بسهم المثلث بنحره صوبوه أهل الرجس ..
كطّع  دليلي  هالسهم  وأبتوته ..
جي ماخذ من أيدي أعز ياقوته ..
الأوّلي والتالي .. ظل مكانك خالي
....................................
وحشه والكاروك خالي يبجي وينوح المهد ..
وآنه أحسب دمعه دمعه عمرك شكد يالولد ..
أبد ماجان على بالي تروح من أيدي أبد ..
غفله سهم الموت أجاك وفرهد أيام السعد ..
أبحضني أشوفك كل وكت كدامي ..
ما فاركتني أبصحوتي و بأحلامي ..
يابزر دلالي .. ظل مكانك خالي
.................................
يانظر عيني وحياتي يبني يا وجه الصبح ..
فاهيه الدنيه  بغيابك وأنت للدنيه  ملح ..
كون أحطه بمزهريه الورد مو مالت ذبح ..
منحرك خليني أشمه كبل مايعله برمح ..
أشلون أشمّك والرمح مالوحه ..
مو للرمح عمرك تره المرجوحه ..
دمعتي تحلالي .. ظل مكانك خالي

...............................

الشاعر حيدر مطر العبادي

بصوت. مسلم المطيري

عبدالله يبني لاتروح من ايدي

كلمات الشاعر
حيدر مطر العبادي

بصوت. مسلم المطيري

مولانه. مولانه. حيدر خليفه

كلمات الشاعر
ياسر العارضي

((ياعلي))

.       عالمـعـبـر وعالمـعـبـر وعالمـعـبـر
        متدوس جدمـه المايحبك حيدر

                  🌹               🌹                 🌹

        متدوس جدمه المايدين ابـديـنك
        مفتاح جنةِ الباري شاله ايـمـيـنـك
        عالحوض بـاچـر تنضرنه بـعـيـنـك

        الـعـاداك حـيـدر والله لازم يخـسر

                  🌹               🌹                 🌹

        احچيهه هـايه ياعلي ومـا بـالـي
        بـس انـته وحـدك سـاكـن بدلالي
        هالليله بسمك هـالـفـرح يحلالـي

        يسقيني بـاچـر چفك مـن الكوثر

                  🌹               🌹                 🌹

        خـــل اليلوم اعليه خـــلـــه ابــرايه
        هـذا اعتقادي ومـا تغيره احـچـايـه
        يــاهـــو الرسول بچفه خـلـه الرايه

        وياهو ابيمينه الهد حصنهه الخيبر

                  🌹               🌹                 🌹

        امي ارضعتني مــن الولاده ابدرهه
        وعلمني ابـــوي اولايـتـه وفـسرّهه
        گـــلّالـــي جنــه ابلا علي تخسرهه

        اولاية علي تبقى الاصـل والجوهر

                  🌹               🌹                 🌹

        مـــن عـــالـــم الـــذر وذبــت بهيامه
        ومنيتي اصـــيــرن خـــادم الخِدامه
        كل مسلم ابدونه العفه اعله اسلامه

        هالكلمه هــايــه الله وصّـــه وَقـــدر

                  🌹               🌹                 🌹

        آخـــر كـــلامـــي واسـتـمـع هالكلمه
        كالعمري فدوه ايروح لحروف اسمه
        ايسموني خادم وأفـــخـــر بهالخدمه

حــقــــه الخدملك ياعلي لـــو يفخر

                  🌹               🌹                 🌹

✍ خادم امير المؤمنين ع
     الشاعر رعد الچريخي

بصوت. مسلم المطيري

عالمعبر وعالمعبر وعالمعبر

كلمات الشاعر
رعد الچريخي

#علي_مولاه
#عيد_الله_الاكبر_عيد_الغدير

يرب اشهد الي .. اموت اعله علي
امير المؤمنين
__
اميري . ومصيري . ومجيري .. علي العاش بضميري
لگــاني . اعـــاني . احتـواني .. علي بعطفه اشتراني
علــي أشــر عـليــه وگــال اريده
فتحلي ايده واحس الجنه بيده
صرت حــر يـوم ضماني العبيده
العيشه وي علــي عيـشه رغيده
 
اويه الانفاس الولي .. امــوت اعله علي
امير المؤمنين

---------------------

امامـي . وغـــرامي . وهــيامي .. بعلي يعجز كلامي
شوصفه . وشنصفحه . واعرفه ..  جهنم بسمه تطفه
بالــذر وقعـتــله بذنـــي اديه
وعلي  وقعلـي رائـسا بالهويه
گتله احسبني اعمه وگود بيه
المهم ياعلي بس ترضه عليه
 
الحــبيب الاولي .. اموت اعله علي
امير المؤمنين

__

يجنه . ومحنه .  الحملنه .. قليل وشحجي عنه
يماجد . يواحـد . يخــالد .. يمــن بالگلـــب گاعد
ترسني حب علي من جدمي للراس
وگـمت اشتـــم عبــيره ويه الانفاس
المــاهام بعلــي خــــسران يانــــاس
نعــم واستـــاذي ابهالعـــشگ عباس
 
العلي فدوه هلي ..  اموت اعله علي
امير المؤمنين

------------------

صلاتي . ونجثاتي  . بحياتي .. علي مولاي اغاتي
بدمــائي . انتــمائي . ولائـــي .. ومن اعدائه برائي
الماعنده علي ماحسـبه صاحب
الصحبه مستحب اوعلي واجب
وابوس ايـده البأيده علي كاتب
انياله الربعه مـــن اهل المواكب
 
نعـــم ياسائلي .. اموت اعله علي
امير المؤمنين

____

بكياني . مــعاني . وحياني .. علي المامثله ثاني
يشدني . ويمدي  . ويودني .. ومثل ولده يعدني
بعـيونه علـــي الوادم سويه
ماعنــده فرق حامي الحميه
احــمد الله كل صبح ومسيه
الجعلني واحد امن الرافضيه
 
الگلب بيه ممتلي .. اموت اعله علي
امير المؤمنين

_

مجيبي . وطبيبي . ونصيبي .. وضوه عيوني وحبيبي
هـــوائي . ودوائي . ورجائي .. ويـضل بســـمه نـــدائي
علي باب الله بــابه ومايـــسده
اليتعـــنـــاه خايــــب مايــــرده
اجيت ابابك اطلب طلبه وحده
الوبا عن شيـعتك ياعــلي ابعده
كوورونه يبو الحسنين ابعده
 
ونــدائي يعــتلي .. اموت اعله علي
امير المومنين
---------------------
حيدر تركي الكربلائي
 
 

بصوت. مسلم المطيري

يرب اشهد الي،، اموت اعله علي

كلمات الشاعر
حيدر تركي الكربلائي

حال السيده زينب عليها السلام



لا خيمه ضلت لا دار
والحرم ماخذها النار
وطفال ظاعت بالخيل
ماتندل وصار الليل
والحرم ماخذها النار
،،،،،،،،،،،،١
طلعت من الدار طفله تركض بنص الجمر
النار حركت كلشي بيها اجفوفه من الدم حمر
تركض ومحتاره صارت وين تمشي اليا كتر
والسوط مطبوت بمتنها الله لا يطي الشمر
محتاره ما بين ثنين النار وسياط البين
والشمر بسياطه يعيل ما تندل وصار الليل
والحرم ماخذها النار
،،،،،،،،،،،٢
زغار ظاعت بالصحاري واليل جل اعليهن
لا تندل البر و تعاود ولا خيمه الداريهن
لو نار لو حافر فرس لو سوط اليلاكيهن
تيهن لا ام لا ابو راح الكبل حاميهن
ما ينوصف خويه الحال نسوان ظاعت وطفال
دم ودمع خويه تسيل ما تندل وصار الليل
والحرم ماخذها النار
،،،،،،،،،٣
كمت اوصي الحرم خويه اني ادري بحالجن
نلتم ونبجي بهداوه لو لكينه ازلامجن
سكته خلنها البواجي بهيده خلي نياحجن
حسين من التعب نايم لا يكعده اصياحجن
من التعب توك نمت ولا يكعدنك خفت
ومن الركض ما ضل حيل ما تندل وصار الليل
والحرم ماخذها النار
،،،،،،،،،٤
حسين خويه الليل اخذني وتعبتني دوارتك
دورتهن جثه جثه وجنت حيل بعازتك
اهناك راس اهناك ايد وحدر الخيول اعمامتك
الله لا يطي الحوافر ما مخليه بحالتك
بكثر ما داست عليك ترست البر خوه بيك
بدوارتك شفت الويل ما تندل وصار الليل
والحرم ماخذها النار
،،،،،،،،،،٥
ليل صار وخوف لمنه وليلهم كلش وكح
ماكو وحده تلز بختها خاف يلجمها الجرح
وانه اوصيهن اسكتن دمع ظمن لصبح
ليل هسه وما تشوفن باجر الروس برمح
باجر شيبقالجن وروس اهلنه اكبالجن
باجر درب حيل اطويل ما تندل وصار الليل
،،،،،،،،،،،٦
حسين خويه وداعت الله غصب عنكم رايحه
عالهزل وحبال بيدي وعيني ليكم شابحه
راح اخلص الدرب وانه ابين لطمه ونايحه
ياهي مثلي اتعوف اخوها وتمشي وي الذابحه
امشي وي ذباحكم يسبني من انعالكم
اعثر شما راس يميل ما تندل وصار الليل
والحرم ماخذها النار


تمت بعون العقيله زينب
الشاعر مالك المياحي
ونسألكم الدعاء

بصوت. مسلم المطيري

لاخيمه ضلت لا دار

كلمات الشاعر
مالك المياحي

بصوت. مسلم المطيري

🌷مقطوعه🌷
بحق أمير المؤمنين ع


گـا لـولـي ألـمـن تـحـب
               گـلـتلـهـم بـكـل فـخـر

محبوبي نبض الـگـلب
                يخـتلـف عـن الـبـشـر

گـا لـولي شـو بآ لـغـت
               فـهِـمـنـه شنهو الـخبـر

شايل بروحك حـچـي
                مـعـروف مـن الـنـظـر

رادوا يـعرفـون العشگ
                وشـلـون حـبـي كـبــر

سـولـفـت عـن قصّتي
                 وبـيـهـه الكلام أنـدثـر

مـدري أشـگـولـن بـعـد
                حـيّـرنـي اوّل سـطــر

ابشخصه تـاه الـوصـف
            والسـانـي وَحـده اعـتـذر

مـايـنـوصـف يا خـلـگ
                شيوصفه فارس مـظـر

                                       *---------------*---------------*

خادم أمير المؤمنين ع
✍الشاعر رعد الجريخي