Масал эца

Youtube чуьра ссылка

Шарчохь хlокху деношкахь бен хьоьга кхочуш далура доцу суннат

ХЬАЖ, ЙА ӀУМРАТ ДАН ӀАЛАШО (ЛААМ) ХИЛЧА ДАН ДЕЗАРГ...

Хьаж далахь, йа Ӏумрат далахь, хӀоранна тӀехь ду, (важиб ду) и даран белхаш довзар, Пайхамара (соллаллохӀу ӀалайхӀи ва саллам) ма дарра.

Пайхамара (соллаллохӀу ӀалайхӀи ва саллам) аьлла: соьгара схьаэца шайн хьаж белхаш"
И бохуш дира Пайхамара (соллаллохӀу ӀалайхӀи ва саллам) тӀаьххьара Ӏадика еш шайн хьаж.

«Вайна ма довзара, муьлха цхьа хӀума ахьа деш хилча, муьлха Ӏамал, иза Пайхамара (соллаллохӀу ӀалайхӀи ва саллам) ма дарра, цо ма ярра ян езаш ю.

Иштта хӀоранна, цхьа хӀума дан леринехь, цу хьокъехь дерг, цу хӀуман белхаш, довзар важиб ду.
Масала: хьаж дан хьуна лиича, йа Ӏумрат дан лиича, ткъа вуьшта аьлча, и дан хьо новкъа ваьлча, и дан хьо ара ваьлча, хӀинца кху шара воьду со хьаж цӀа аьлла, йа Ӏумрате, тӀе бохучу баттахь, аьлла хьан ният кхолла делча хӀинца хьуна важиб хули тӀе дужуш ду цу хьаж дан воьдуш валахь, цу хьажах дерг, Ӏумрат дан воьдуш валахь, цу Ӏумратах дерг, хьуна довзар, ахьа Ӏама дар, хьан бала кхачар. Шайна хьалха ваьлла цхьаъ ву бохуш, цу тӀехь кхачо ца яр. Шайна хьалха ваьлларг мила ву, Ӏилмац ву йа вац хьо хьажар, иманац, Делах кхерарц, болучу гулламехь хьо нис валар иза коьрта ду, иза лардар дезаш дерга а ду, амма цу тӀехь кхачо йина хьо Ӏан везаш вац.
Ишттаниг хьалха ваьлла велахь а, хьо даиманна цуна гушчхьа хира вац, даиманна цуьнан бӀаьргаш хьалха хира вац, цуна ца хууш, хьоьгара цхьаъ дала йиш ю, хьан дан йиш йоцу хӀума, дан мегаш доцу хӀума, хьуна хьайна доьвзуш ца хиларе терра. Цундера и массо хӀума довза декхарийлахь ву хӀора бусулба стаг, ша дан лерина долу муьлха хӀуман хьокъехь.»

- Пайхамара (саллаллахӀу ӀалайхӀи ва саллам) ма-дарра суннатехь Ӏумрат дар довзуьйтуш яздина Шайх Халид ЖухӀанин «Кайфа таӀтамиру камаӀтамаран-набиййу» цӀе йолу жайна

©Ӏадлан Харачо
https://www.tg-me.com/deshaarr

Ӏеламнехан масаллаш:

«Шайх Абу Исхьакъ Хьувайни схьалаьцча, цунна кӀанта боху, шай дена новостеш ца хазийта гӀерташ чӀогӀа къахьоьгу шаьш, цо хаьттича а цунна харц дерг ца дуьйцуш жоп дала гӀерташ, делахь новост а ца хазийта гӀерташ, дуьнен тӀера муьлхха а меттехь цхьана бусалба стаган гӀело йина, хьизийна аьлла хезча, шайн чохь тезет хуьлу, гӀайгӀане воьди, воьлхуш, яъ хӀума ца юуш, иштта хьолехь хуьлу иза боху.»

Ӏадлан Харачо (АллахӀа Ӏалаш войла иза)