‏بنات الفكر ياقربها من بنات الحور
‏لو ان ابلغ التشبيه ماهيب تحتاجه

‏مزاجية الشاعر لها في قصيده دور
‏وانا الشاعر اللي هاجسه مصدر ازعاجه

‏اللي داخله فاضي لايتعب على الديكور
‏واللي مـاهو بـ رجال لا يضحك حجاجه

‏الابداع مايحتاج له منبر و جمهور
‏الجمهور و المنبر للابداع محتاجه .

‏جت تثنّى كنها الصبح في عيون الفقير
‏راح ليله لاتعلل ولاجاه المنام

‏ينتظر فرصة حياته مع الصبح الكبير
‏ ساقها حظه عقب كان خانقه الظلام

‏ناعمه وانعم من اللي عليها من حرير
‏ودها بالستر لكن يجرّحها اللثام

‏قالت اليا قلت (احبك) توقع وش يصير ؟
‏قلت ابا اجلس بالثريا ومركاي الغمام .

صبحكم بالخيّر عيدكم مبروك وعساكم من عواده🤍.

‏على كل وجهن من وجيه الجميل اسين
‏لا قامت صواديف الليالي تلوى به

‏وعلى كل دارٍ ضمت أحبابنا الغالين
‏سلامٍ يرش الكبد من فاقد أحبابه

‏يقولون عجلات الليالي تشيب العين
‏وانا اقول من يستعجل الوقت يشقى به

‏تعجلت والدنيا تمشي العجول بزين
‏ومن عاند الايام يصبر على مابه .

‏لافترق شمل المحبه لايطريك الرجوع
‏الوصل روحه من الارض راحت للسماء

‏لو بعد فرقاك شفت الحزن من كل نوع
‏مستحيل انسى لياليك ياعذب اللمى

‏التوى حبك على القلب من بين الضلوع
‏مثل ماتلوى الفريسه من الداب العمى .

‏لو قفلت دنياك في وجهك الباب
‏وقام الزمن في وسط روحك ينّتش
‏
‏عليك بالضحكة من الناب للناب
‏ماحداً على لوعات قلبك "مفّتش" .

لافترق شمل المحبه لايطريك الرجوع
‏الوصل روحه من الارض راحت للسماء

‏لو بعد فرقاك شفت الحزن من كل نوع
‏مستحيل انسى لياليك ياعذب اللمى

‏التوى حبك على القلب من بين الضلوع
‏مثل ماتلوى الفريسه من الداب العمى .

يعدل مزاجي كل ماخربوه الناس
‏انا وين ابلقى واحدٍ كنه الشاهي :) .

أنا مقصّر .. وأنت ، حسنك تام
‏والقلب يشكي والشعور يلحّ

‏ما لك شبيه من اليمن لـ الشام
‏ومن الخطا لين الصحيح يصحّ

‏معذورة ( الاوراق ، والاقلام )
‏وش ذنبها دام الحروف تشحّ

‏صدّقني .. حتى ، ريشة الرسّام
‏مهما تحاول ما تجيبك صحّ .

بعض الشعور آكبر من حدود الكلام
‏ودك تعيده كل يوم وتفرحه

‏مثل المطر في ساحة البيت الحرام
‏لو تقدر تعيشه ماتقدر تشرحه .