بس ولا واحـد جاوبني،
عيني على أخواتي وأول سؤال أجتاح فكري
”شلـون راح أكدر احميهن من غابة الرماح؟!“
34
عصرت راسي بقوة واني أندب حظي
حسيت على أيد أديب متمسك بيه
أديب: لا تضوجين مُرجان اني أبقى يمجن ما أعوفجن.
52
حضنتة بقوة وبجيت حتى سندنا حيكون بعيد
غيـد: مُرجان لا تبجين والله أسبوع واخلي الرماح
ياخذنه بنفسة مرجعنة لعمو ظافر.
68
ياقوت: شفتي شكله شلونه؟! حتى شكل المجرم أرحم منه.!!
27
مُرجان: ما أريد تسون شي وممنوع تخلقن مشاكل.
21
سكتن وخلصت ليلتنا بين الونين والنحيب،
كلنا بجينة شلون بلمح البصر تغيرت حياتنة،
طلعت الصبح للمطبخ جانن بلقيس ووحدة ثانية كاعدات
نهضت بلقيس بسرعة من مكانها
بلقيس: جوعانات مو عمة؟! البارحة نمتن من المغربية.
21
مُرجان: وين أبـو الحـسن ولـواء؟!
43
صفنت بوجهي صابتها صدمة من سؤالي
المفاجئ والغريب
بلقيس: وين تعرفينهم؟!
17
مُرجان: محتاجة أحجي وياه أذا ماتصير زحمة.
9
أندارت تباوع على المرة الثانية ورجعت باوعتلي
بلقيس: أنتِ تِـرياق العليل؟!

قبل لا أجاوبها ركضت للغرفة ورجعت شايلة ورقة
بأيدها قدمتلياها وعيني على طولها كله يرجف
أخذتها منها فتحتها وأنرسمت كدام عيني حروفة

”نصيحة من أبـو الحـسن:
حتى تعيشين بسلام ببيت الرماح
لازم تكونين بقوة اللبوة وبمكر الثعلب.!!
والأهــم أتخذي دور ”تِرياق العليل“
أشعلي النار بذكائج حسبة إيام وراجع أوچها وَچ“



َ~~~~~~

أنت تقرأ

أغلال المرجان (غَـربيب)
الأكشن
• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...

#أغلال #الحسن #المرجان #سارة #غربيب


Part 8 || واقع دَمِيم


بواسطة itsara_kh
﷽
5
الكاتبة:
"سـارة الحـسن

•••••••••••••••••••••
لأعيـش ربيعاً مزهراً
وَجب عليَّ أن أعيـش
شتاءً ذو برد قارصٍ،
وأعيـش صيفاً لاهباً مؤذياً
وخريفاً تنتزع فيهِ الروح مـن الجسـد .
36
تِرياق العليل.!!!
بس يا تُرى أي عليل منهم؟!
61
أبتسمت وطويت الورقة
رفعت راسـي على بلقيس صافنة بوجهي
مُرجان: وين جدو؟!
61
بلقيس: محتاجة شي؟!
49
مُرجان: ماتعرفنة عليه زين البارحة وهو هم.
114
تحمحت وأندارت على فاطمة
بلقيس: أم نـوح بدون أمرة عليج جهزيلهن الريوگ،
خلي تاكل هي واخواتها لما يرجع جدهن.
46
مُرجان: اني أجهزة لا تعبينها.
35
فاطمة: تعبيش يمة تدللن أنتن.
50
أبتسمتلها بأمتنان وطلعت من يمهن راجعة للغرفة،
كعدت البنات وأديب وكعدت احجي وياهم
مُرجان: من اليوم من هاي اللحظة تغيرت كل حياتجن،
دلال زايد.!! طلبات.!! طولة لسان.!! هاي كلها ماكو بعد؛
راح نطلع هسه من هاي الغرفة نتعامل ويا الكل بأحترام..
79
قاطعتني غيـد ما عاجبها الكلام
غيـد: واللي يجفص ببطنك شلون تعاملة بأحترام؟!
98
مُرجان: اللي يجفص ببطنج بوجهج لجدج الرماح
جدي هيج وهيج الموضوع واريد حقي منك.!!
82
ياقوت: من يكول هو يحبنة وياخذ حقنة؟!
43
مُرجان: راح نحببة بينا؛ راح نعاملة على أساس هو نبي.
161
غيـد: احسج كُفرتي.!!! شجاب هذا المُجرم على النبي؟!
91
مُرجان: تعبير مجازي يمعودة كافي تقاطعيني.
48
هزت أيدها وياقوت أندارت على أديب اللي مركز ويايه أكثر منهن
ياقوت: لا تركز حبيبي الكلام مو الك.
57

أديب: كلام أستفاد منه للمستقبل مو اله اعيش يم جدج.
233
ضحكت غيـد بصوت عالي
غيـد: هسه إلا يفشلج يلا تسكتين؟!!
72
أندارت على غيـد وواضح من ملامحها راح تبدأ عركة؛
عطت بيهن قبل لا تنطق بحرف
مُرجان: ممنوع أشوفجن متعاركات هنا.!!
وخاصةً كدام أحـد منهم والله العظيم اشرب من دمجن.
50
غيـد: من أول يوم ببيت الرماح صرتي عنيفة.
60
ياقوت: عفيفة أسكندر؟!!
99
ضحكن سوة وأديب صافن عليهن من تفاهتهن
سكتن من شافن حدية ملامحي وجدية الموضوع
مُرجان: احنه مو بحال يسمحلنة نتشتت او نتفاكك.!!
لازم نكون أيد وحدة، وحدة تسند الثانية حتى نكدر نعيش.
46
غيـد: شتآمرين اعتبري متنفذ.
44
مُرجان: لا يجي يوم وتخلون أحد من هذا البيت
يحجي على تربية عمو ظافر هذا أقل شي ممكن نقدملهيا.
61
ياقوت: كل خطوة نخطيها وكل حجاية نحجيها راح تكون بعلمج وموافقتج، بس لا تتعبين.
58
أبتسمتلهن وأشرتلهن يكومن وياية نطلع من الغرفة،
دخلنا المطبخ كلنا وكانت فاطمة محضرة الأكل،
تشكرت منها وكعدنة سوة وويانة بلقيس
مُرجان: عمة بلقيس احجيلنة عن حياتكم هنا.
46
بلقيس: شتردين تعرفين؟!
مُرجان: نمط حياتكم، قوانينكم، طبيعة تعامل العائلة.!!
50
بلقيس: كملن ريوك ونطلع بالبستان هم تشوفنة وهم احجيلن على راحتنة.
43
هزيت راسـي بقبول وسكتنة، لا هي ولا احنه
حجينة شي بعد لما خلصنا وطلعنا للبستان،
هي تمشي كدامنة ولازمة أيد أديب تحجي وياه،
وصلنة نص البستان تقريباً صارت كدامنة غرفة
ويمها رجال وولد صغير، أشرت بأتجاهم
بلقيس: هـذا الولد الصغير الفضل ابن عمجن سلمان،
والرجال اللي وياه هـذا نـوح أبن فاطمة؛
حارس ومسؤول على بستان الرماح واللي بي.
97
تقدمت عليهم وصاحت على الفضل
بلقيس: تعال الفضل؛ أخـذ أديب يمكم.
146
ياقوت: نـوح صاحب السفينة بس احس أغرقني.!!
323
أندارينة عليها اني وغيـد بصدمة،
بلعت ريگها متوترة من نظراتنة وغيـد نترت بيها
غيـد: بلشت رحمة الله؟! لو مطيرجي لو حارس؟!
219

ياقوت: أشاقة وروح ماما.
34
مُرجان: ولا يهمج حبيبتي إذا صار الموضوع
صدك ادفنج هنا يمة وخلي يكون مسؤول عليج هم.
81
ضحكت وبقت تحلف تشاقة لما رجعت بلقيس،
أشرتلنة نكعد مسافة عنهم بمكان مرتب للكعدة
مُرجان: غريبة شلون مخلي امة تشتغل بهذا العمر؟!
20
بلقيس: أمه مو تشتغل عدنا بس تساعدنة بالطبخ وهاهي مالها علاقة بأي شغلة ثانية، وهم تصير اقاربنة هي،
بنت خالتة للرماح صارت سالفة كبيرة ويا نـوح
وانجبرو يتركون محافظتهم وشغلهم ويجون يمنة،

على الرغم رادو من نـوح يسكن بالبيت ويانة بس
هو ما قبل وأختار يعيش هنا بروحة.
45
ياقوت: شنو السالفة الصارت وياه؟!
27
بلقيس: سالفة طويلة تعرفنها من يجي وكتها،
خليني احجيلجن اللي يفيدجن هسه.
26
مُرجان: عادي تحجيلنة ليش بابا متخارب وياكم؟!
15
أتنهدت ودنگت راسها وأيدها تلعب بالحشيش الكدامها
بلقيس: اوف يعمة سالفة أبوج ما تتسولف.
20
غيـد: نحب السوالف الماتتسولف سولفيلنة عمة.
68
أبتسمت على كلام غيـد وهزت راسها بقبول
بلقيس: شوفن عمة الرماح متزوج نسوان اثنين
وحدة منهن أم الولد والثانية امي انا واختي،
اخوتي سلطان وسلمان، مهيب ومهاب، حازم وحمزة،
180
حمزة جان طايش وكل همه النسوان
وبليلة گمرية كعدنة على صوت صرخات المهيب
طلعنة كلنا نتراكض وأنفجعنة بحمزة
مخلي المهيب بحضنة منحـور
المهيب: ذبحو حمـزة بوية ذبحو...
75
بنفس اللحظة وكعت أمه من طولها لا تصد ولا ترد،
أنجلطت وما طولت اسبوع وماتت ورة حمزة،
بقى الرماح يدور على چتال حمزة وماطول
وعرف ياهو اللي ذبحة حسب كلام واحد من جماعتة
محمود: كاظم اللي ذبحة لأن هو هددة ينحرة.
50
الرماح: تهديديش؟!
محمود: حمزة وكاظم بيناتهم حزازيات وحمزة
صار يحجي بالگهوة بطاري أخت كاظم،
تعاركو عركة جبيرة والاوادم فازعتهم بس حمزة
جان يضحك يحاول يستفز كاظم
حمزة: تريد اشوفك شلون أجيب اختك للدرب؟!
83
كاظم: جرب تگرب صوب أختي وشهيد كربلاء أنحرك.
73
طلعو كاظم من الگهوة وحمزة جان مخلي ببالة
يوصل أخت كاظم حتى يكسر عينه،
وصدك كدر يوصللها جانت توكفلة بالباب وهو
يفوت يحجي وياها وبعد إيام طلب منها
يجيها بالليل وصدك راحلها،
ثاني يوم كعد بالگهوة كدام كاظم وكعد يحجيلة
مواصفات أختة وحتى عدد الشمات الموجودة على جسدها،
تعاركو عركة ثانية وأخر كلمة جانت من كاظم
كاظم: ودع اهلك ودعهم.
99
عافة وطلع وثاني يوم أنشمر حمزة بباب بيت الرماح
منحور، صارت حرب بين بيت الرماح وبيت اهل كاظم
ما أنتهت إلا بفصل يكسر الظهر وفصلية منهم،
كاظم شارد من الديرة من يوم الذبح حمزة،
واختة اللي نهبها حمزة أختفت
ناس تكول ماخذينها يم خوالها بغير ديرة
وناس تكول كاظم ذبحها وأختفى اثرها لهذا يومنة.
71
طلب الرماح من المهيب يتزوج الفصلية
بس ما قبل لأن جان خاطب بنت عمي "طرفة"
المهيب: مستحيل اتزوج وحدة من بيت چتالين اخوية.
68
الرماح: غصباً عليك تاخذها المهيب.!!!
13
المهيب: خلي واحد من أخوتي ياخذها ليش إلا انا؟!!
14
الرماح: كل أخوتك متزوجين.
7
المهيب: بوية انا هم خاطب.!! لو طرفة مو بعينك؟!!
32
صارت مشادة كلامية بيناتهم وخصمها المهيب
المهيب: هاهي أخذها.
15
كلنا توقعنة أقتنع بس خابت توقعاتنة
ثاني يوم الصبح وصلنة خبـر مطلگ طرفة
وتارك رسالة للرماح مكتوب بيها كلام هواية
وخاتمها بجملة ”مستحيل أعيش تحت أوامرك“.
102
زاد الطين بلة ترك وراه اثنين ”الفصلية وطرفة“
مـن جهة راح تصير فضيحة لطرفة والكلام راح يكثر
شلون ابن عمها طلكها هيج بدون أسباب اكيد بيها عيب،
ومن جهة الفصلية بقت محد راح ياخذها وراح يتسود
وجه الرماح كدام شيوخ العشيرة،
مرت إيام والرماح مشتعل بنار الحيرة
الى إن وصل قرار طرفة ياخذها حازم
والفصلية ياخذها مهاب.
64
ياقوت: زين حازم هم كان متزوج؟!
10
بلقيس: اي بس ما عندة أطفال، وبعد ما تزوج طرفة زوجتة الاولى تطلكت منه ورجعت لأهلها.
41
غيـد: زين عمة الفصلية وينها هسه؟!
8
بلقيس: عاشت أشهر ويانة بس بضيم الرماح،
شوفها نجوم الظهر يريد يطلع قهره بيها وهي مالها ذنب،
صارت حامل من مهاب وعلى الولادة ماتت.
62
مُرجان: الله يرحمها، بس منو ابنها؟!
8
بلقيس: لـواء، ومرت مهاب الجبيرة عدها غفـار وغفـران.
278
مُرجان: وبابا ما رجع بعد؟!
بلقيس: رجع بعد سنين طويل بس الرماح طردة،
ورجع مرة أعتـذر منه وكال خسرت مرتي وبناتي ومايريد
يخسر أهله هم لأن صفى وحيـد بس الرماح ما حَن كلبه
عليه وطردة، والروحة روحة مات وما شفناه بعد.
38
مُرجان: وعرفتو شلون مات؟!
8
بلقيس: كالو مقتـول.
30
بلعت ريگي ورفعت عيني على أخواتي، صدمتهن
مو أقل من صدمتي
مُرجان: وما عرفتو منو اللي قتلة؟!
24
هزت راسها مستغربة
بلقيس: ماتعرفن ابوجن شلون مات؟!
21
ماكدرت اكللها احنه نعرف شي وانتو شي،
وما أعرف ياهو الصدك وياهو الكذب
مات مقتول مثل ما تكول.!!
لو مات بحادث مثل ما كالت ماما.!!
مُرجان: نعرف بس توقعت تعرفين منو اللي قتلة.
34
هزت راسها وشرحتلنة على نظام حياتهم
وجبروت الرماح ومشاكل طرفة ونبهت علينا نتجنبها
بلقيس: أكيد هسه حاقدة عليجن بسبب أبوجن،
حاولن تتجنبنها حتى لا تصيرلجن مشاكل بسببها.
41
حجت هواية كلام وفهمت شي واحد
”لازم نتصرف بحذر وذكاء بهذا البيت“

والأهم نحسب حساب لكل خطوة نخطيها
ياقوت: زين عمامي وين؟! وطرفة وين؟!
26
بلقيس: طرفة وابنها خضر عايشين ويانة بالبيت،
العصر راح تشوفينهم، البيوت الاثنين اللي يمنا
واحد بيت عمجن سلطان عندة ولد اثنين لـؤي وساهر بي توحد صغير بعده، وبنية وحدة متزوجة.
وعمج سلمان عندة 3 بنات وحدة متزوجة و2 بعدهن وولد واحد الفضل.
55
غيـد: اختج وينها؟!
بلقيس: ماتت، ام روكان وبثينة.
76
ترحمنالها وسكتنة ما حاولنا نسألها اكثر بالوقت الحالي
لان حسيتها انقهرت من ذكرت بعض الأحداث،
رجعنة البيت بعد فترة وأديب والفضل ويانة،
أجت بثينة تعرفت علينا وكعدت ساكتة،
عيونها مغوركة بالدموع ما نعرف ليش
وأجن بنات سلمان هم نورالهدى ونورهان
سلمن علينا وكعدن يباوعن علينا بطرف عين
ونورهان وجهت كلام لـ غيـد
نورهان: احس ما عنـدج طابع انوثي.
103
غيـد: ليش أنتِ عنـدج؟!
129
أشرت على نفسها بغرور
نورهان: عيونج ما تشوف؟!
27
غيـد: لو شايفة كان ما سألتج.
89
أشرت على ياقوت وأسترسلت بالكلام
غيـد: أختي منبع الانوثة.
52
باوعن عليها اثنيهن وياقوت تحولت طاوس،
ضحكت عمتي بلقيس وصارت تتغزل بيهن كلهن
بس نورهان اتنرفزت وحاولت تغث غيـد
نورهان: اممم ملابسج حلوة
بس أعتقد مو أصلية اتوقع عادية؛
بس كلش حلوة عليج.
68
غيـد: ملابسي عادية وحلوة عليه أنتِ
حتى الماركات مو حلوة عليج.
163
ضحكت ياقوت بصوت عالي واني خزرتها،
ما أريد من هسه تصير بيناتهن حزازيات واحنه
مانعرفهن شنو ما شنو لحد هسه
نورهان: انا لو البس جيس بتيتة هم يطلع يموت عليه
لأن الحلو حلو بكل أحواله.
81
حجتها وضحكت هي ونورالهدى ضحكة مستفزة
غيـد: حـس فُـكاهي واو.
68
أختفت ضحكتهن وما عرفن شيجاوبنها وهي
مقابلة نظراتهن بأبتسامة باردة،
أخذت تلفوني وكمت من يمهن دخلت المطبخ
اتصل على عمي ظافر بس جهازة مغلق
هو كال الصبح يجي وهاي صار العصر وهو ماكو
نبض كلبي نبضات خوف وقلق
بقيت احاول وماكو اتصل على غفـار ولـواء وهم ماكو
احس راح أنهار كلشي انسد بوجهي
دخلت عمتـي بلقيس تباوعلي بخوف
بلقيس: شمالج عمة؟! ليش وجهج أصفر؟!
42
هزيت راسي بمعنى ماكو شي
مُرجان: عمة وين غفـار ولـواء؟!
10
بلقيس: مادري والله؛ شتردين منه؟! وما جاوبتيني منين تعرفينهم؟!
13
مُرجان: بس محتاجة احجي وياهم،
تعرفين بعدين منين عرفت بس هسه ضروري اوصللهم.
11
بقت تباوعلي بتركيز حايرة
بلقيس: تجيهم أيام يختفون كم يوم ويرجعون، انتظري.
15
هزيت راسي وسكتت وبقينة كاعدين لما رجع الرماح
للبيت اخذت البنات ورحت عليه لغرفتة،
دكيت الباب ودخلت من سمحلي
مُرجان: شلونك جدو؟! عادي نكعد يمك اذا ما مشغول؟!
48
هز راسة بقبول وأشرلي بأيدة ندخل،
تقربت منه جابرة نفسي على كذا خطوة
طبعت بوسة على راسة وكعدت بجانبة
مُرجان: رايدين نتعرف عليك أكثر البارحة ما شفناك.
37
الرماح: موجود يمجن العمر كله وراح تعرفني حق المعرفة.
109
أبتسمت وبقينة كاعدين يمة نحاول نحجي
وياه وهو حسيتة متحملنا على أعصابة وكل أجوبتة
مختصرة، بس مجبورين نتقرب منه حتى نكدر نعيش وياهم
نهضت من مكاني بعد فترة وأشرت للبنات
هم يكومن حتى نطلع
مُرجان: نعوفك ترتاح جدو.
30
هز راسة واكتفى بالسكوت، طلعن البنات
واني بقيت واكفة بمكاني وعيني على الرماح
حتى هو أستغرب حالتي
الرماح: محتاجة شي؟!
18
مُرجان: جـدو عادي احضنك؟!
240
طال الصمت بيناتنة وحسيتة رافض
ردت اطلع وصاح عليه اتقرب منه، فتحلي اديه مبتسم
الرماح: تعالي تعالي.
121
حضنتة وبقيت ساكنة بين ادية لثواني وأبتعدت
مُرجان: تشبه بابا هواية، وحضنك دافي مثل حضنة.
133
مسد على راسـي بهدوء
الرماح: وانا هم بمثابة ابوجن.
94
ابتسمت وطلعت من يمة؛ لكيت غيـد واكفة بالباب
رفعتلي حاجيها وهمست
غيـد: مشاعر حقيقية لو توكسك؟!
85
مُرجان: توكسك.
127
ضحكت ومشت بجانبي تحجي بهمس
غيـد: تِرياق العليل مو؟!
58
أنداريت عليها وعيوني متشخصة، ضحكت وحشرت نفسها بيه
غيـد: بالصدفة شفت الورقة والله، بس وينه؟!
21
مُرجان: ماعرف غيـد، وما مقتنعة بكلام عمتي بلقيس،
لأن الرسالة واضح بيها يعرف راح نجي، ومستحيل يقبل هو.
17
غيـد: زين الرسالة مخليها عند عمتي لو وين؟!
اللي وصل الرسالة أتوقع يعرف وينه.!!
22
مُرجان: هي انطتنياها بس ما أعرف اذا مخليها يمها او يم غيرها بس هم راح اسألها وشوف.
7
دخلنا المطبخ وانفتحت الباب الخارجية ويا دخلتنة،
دخلت مرية ووياها ولد مُعاق عرفتها هاي طرفة وابنها،
عينها علينا وتحجي ويا فاطمة
طرفة: هنه هذن بنات المهيب؟!
59
فاطمة: اي وهذا الولد اخوهن من امهن.
4
نزلت عينها على أديب كاعد بصف ياقوت ورجعت
رفعت عينها علينا ونظرات الحقد انرسمت بعيونها
طرفة: أن شاء الله كلجن تلبسن ثوب الأرملة.

144
فتحت عيوني مصدومة من دعوتها، وخضر أبتسم
وكمل طريقة يريد يطلع للصالة
غيـد: خمو نعوفج لابستة وحدج.!!
221
بحلقت عيونها على غيـد وصارت ترعد
طرفة: بنات شوارع، الله اعلم وين ربيتن.
35
أجت عمتي بلقيس تركض على صوتها، وتحجي عليها لأن تصيح على غيـد وطلع الرماح وصارت هوسة
شكبرها، تدخلت غيـد تشرح موقفها للرماح
غيـد: جـدو اني ما غلطت بشي هي كالت
أن شاء الله تلبسن ثوب الأرملة واني كلتلها نلبسة وياج،
وين الغلط او العيب اذا هي أرملة؟!
64
طرفة: لا أنتِ جاي تشمتين بيه.!!!
16
مُرجان: اكو واحد يشمت بالموت شسالفة عمة؟!
واذا حسيتي هيج اني أعتذر نيابةً عن غيـد.
20
رادت تحجي وقاطعها الرماح خاصم الموضوع
الرماح: البنت اعتذرت منج رغم الحجاية عوجة
كافي انسد الموضوع وبالمرات الجاية تعلمي تسلمين يلا تتعاركين.
82
دخل وعافها وهي خزرتنة وراحت لغرفتها،
خضر تمشى بخطوات ما متوازنة وكعد بالصالة
باوعت لـ غيـد بنظرات عتب بسبب كلامها
مُرجان: شكلت اني؟!
10
بلقيس: على حظج عمة چـاا لو ما موصيتج؟!
9
غيـد: طرفة مو من النوع اللي واحد يسكتلها.
23
دخل ولـد أول مرة نشوفة مبتسم ورافعلنه حاجبة
لـؤي: صايرة خبيرة بالبشر؟!
90
بقينة ساكتين ما نعرفة وبلقيس كلبت وجها
مستحقرتة، بقى ينتظر جواب من عدنه
فاطمة: هذا لـؤي ابن عمجن سلطان.
10
مُرجان: إهلاً وسهلاً.
12
هز راسة وسألني عن اسمائنة، وراها رجع نظراتة على
غيـد
لـؤي: اي يَالخبيرة برأيج انا يا نوع؟!
53
غيـد: أنسان دميم.
162
لـؤي: بمعنى؟!
5
غيـد: يعني لطيف.
85
توسعت أبتسامتة وأندار على فاطمة سألها على
الرماح وراح لغرفتة، ضحكت وانداريت على غيـد
مُرجان: لطيف مو؟!
31
غيـد: أدعي ربج ما يروح يبحث على الكلمة.
116
ضحكت وياقوت ضحكت ويانه تعرف معنى الكلمة
أنسان دميم بمعنى أنسان قبيح،
بلقيس وفاطمة صافنات علينا ما مفتهمات كلامنة،
سويت جاي واخذت أستكان لـ خضر ورحت كعدت يمه
مُرجان: حسبت حسابك ويانة تشرب مو؟!
64
عين عليه وعين على الأستكان هز راسة بأيجابية،
ورفعة أيدة ترعش بصعوبة مسيطر عليه
خضر: شكراً، شنو أسمج أنتِ؟!
66
مُرجان: اني مُرجان كبيرة اخواتي، اللي كانت كاعدة
ياقوت واللي صار سوء فهم بينها وبين امك غيـد.
10
خضر: وين جنتن عايشات؟!
24
كعدت احجيله على حياتنة وهو متفاعل وياية،
رفعت عيني على باب المطبخ واكفة بلقيس تباوعلي
مستغربة اندماجي ويا خضر،
استأذنت منه ونهضت راجعة للمطبخ
سحبتني من أيدي وياها للحديقة البرة
بلقيس: مُرجان لا تگربين صوب خضر.
34
مُرجان: ليش؟! بالتالي راح نعيش نفس البيت.!!
10
بلقيس: لا تتعاطفين وياه بسبب أعاقتة،
لأن خضر واحد نذل وإذا دخلتي عقلة مستحيل
يعوفج بحالج، خسرنا بنات بعمر الورد بسببة.
25
مُرجان: شلون يعني خسرتوهن؟!
6
بلقيس: ما صار شهر من ذبحو غفـران أخت أبـو الحـسن بسببة وأكتفي بهذا الشي حالياً.
16
خفق كلبي بقوة من حجايتها.!!
شلون هيج بدم بارد يذبحونها؟!
مُرجان: شنو ذبحوها؟! يعني ماتت؟!
20
بلقيس: ذبحوها ودفنوها بأراضي مجهولة،
لا شفنة جثة ولا صارلها كبر ونكدر نزورة.
28
بلعت ريگي متوترة شكد توقعتهم سيئين بس
واصلين لمرحلة القتل هاي ما توقعتها،
هزيت راسي بأيجابية ورجعت للبيت والحسبات
هدت حيلي، شاركت الصار ويا غيـد وياقوت
حتى ياخذن حذرهن ويلزمن لسانهن
ياقوت: صخام بعينج قوتة ولج احنه شجابنة هنا،
يم بشر عادية وكوة عايشين نوبة مجرمين.!!!
36
بقت ياقوت تلطم مصدومة وغيـد تضرب صفنات،
مر الوقت مثل السم علينا، لا عمو ظافر جاوبني بعد
وحرگ روحـي حرگ ، خوفي وقلقي عليه أكثر من اي شي
ولا الولد رجعـــو بعـد وبقينة مثل بلاع الموس
كلشي ما نكــدر نسـوي.
20
مرت 4 إيام والوضع مثل ماهو ومن اسأل الرماح
على عمي ظافر يكتفي بنفس الجواب
الرماح: علمي علمج.
46
مُرجان: جدو هو كال راح يرجع ياخذ أديب
وبعدها أختفى وجهازة مغلق أكيد صاير وياه شي.
13
الرماح: تردين اسأل عليه؟!
12
مُرجان: ياريت والله بس نطمن عليه.
11
هز راسة بقبول واني طلعت من يمة
بعد يومين صاح عليه
الرماح: سألت على ظافر واللي وصلي أخباره كال مسافر من اسبوع، يعني سافر ثاني يوم جيتجن لهل بيت.
144
بقيت جامدة بمكاني معقولة عمي ظافر يسويها؟!
معقولة هيج يتركنا حتى بدون وداع؟!
زين وأديب شنو ذنبة؟! إذا احنه يم اهلنا وهو؟!
محد راح يعاملة زين بهذا البيت وراح يعتبرونة غريب،
حاولت أسيطر على دموعي وبس اريد أبتعد
مُرجان: شكراً جدو تعبتك.
148
هز راسة واني طلعت من يمة مختنكة
بوجهي للبستان أريد أبتعدت شكد ما أكدر
اريد اصرخ وأطلع الوجع المستوطن بكلبي،
كعدت بالكاع ابجي بصوت عالي واشحد النفس
احس مختنكة وهوى الدنيا كله مدايروي ريتي

هدأت من سمعت صوت خطوات قريبة مني
رفعت راسـي من وكف كدامي نـوح
نـوح: خيـر يَـاحفيدة الرماح أشوفج تنوحين؟!
68
نهضت بسرعة امسح بدموعي هزيت راسـي بمعنى
ماكو شـي ودرت وجهـي عنه اريد أرجع للبيت
استوقفني صوتة العالي صاح وراية
نـوح: گـوي كلبـج بعدج بأول خطوة.
38
أنداريت عليه مستغربة تدخلة
مُرجان: العفـو.!! بس منو اللي طلب رأيك؟!
25
نـوح: بهلول ما يوم أحد طلب رأيه وكل كلامه جان صح.
44
مُرجان: والمطلوب؟!
10
بقى ساكت وعينه عليه، ردت أمشي وذكرت غفـار
مُرجان: تعرف غفـار؟!
10
نـوح: انا الأعرفة.
مُرجان: وينه؟! ليش صار أسبوع مختفي؟!
7
نـوح: اسألي جدج.
مُرجان: داسألك الك؛ عنـدك فكرة وينه؟!
11
تقدم عليه خطوتين ودنگ راسة لمستواية يهمس
نـوح: راح أنطيج ورقة خليها بغرفة الرماح
على الساعة 10 بالليل، تكدرين؟!
73
مُرجان: ورقتيش؟!
نـوح: مـن أبـو الحـسن، وكال اوصلها خصيصاً للتِرياق.
54
بلعت ريگي ما أكدر أثق بي بس هاي كلمة أبو الحـسن
مُرجان: وشمدريك اني نفسي التِرياق؟!
18
نـوح: وصف أبـو الحـسن دقيق.
79
رفـع راسـة وعيونة صارت تفتر بالمكان وقدملي الورقة
أول ما لزمتها دار وجهة وابتعد عنـي بخطوات سريعة،
فتحتها جان بيها رسمة مكان مثل البيت كبير ويمة علبة كبريت ومكتوب كلمة وحـدة "رمــاد".
56
ما فهمت المعنى ضميتها بأيدي ودخلت للبيت،
اول ما شافتني غيـد ركضت عليه سحبتني
وياها للغرفة وخايفة
غيـد: طلع لـؤي اللي ذابح غفـران.!!!
42
صفنت بوجها أستوعب كلامها
غيـد: اي اي والله، وواحـد من ولد عمي اسمة لـواء
هو اللي ضاربة بسلاح مصوب أيدة.
21
مُرجان: منين سمعتي؟!
غيـد: طرفة كالت وهم كالت انتبهي لنفسج
لا يصير مصيرج مثلها.
121
مُرجان: لا تخافين ماراح يصير شي.
9
هنا أيقنت لازم أتخذ طريق ثاني حتى أحمي اخواتي،
طلعت من الغرفة غرگانة بهمومي الوكعت على راسـي،
حاولت إلتهي بأي شغلة تطلع كدام عيني
بس أريد الوقت يمضي ماعرف شمنتظرة
صار المغرب وفزينة على صوت الحراس
طلعت بلقيس وبثينة يركضن واحنه وراهن مافاهمين
شكو، صارت عيني على خضر لازمينة الحرس واحد
منا والثاني منا دمة بطولة
شهكنا كلنا بنفس الوقت وياقوت لزمت ايدي بقوة
ياقوت: يمة أسم الله هذا شصاير بي؟!
51
بقينة واكفين وبلقيس دارت وجها تهز بأيدها
بلقيس: يومية مهبوطين احنه من ورة خضر.
26
غيـد: من مسوي بي هيج؟! وهاي مو أول مرة؟!
6
بلقيس: اي مو أول مرة، ومنو سوة بي هيج ما نعرف.
16
غيـد: معقولة هو ما يعرف؟! او جدو ما حاول يعرف؟!
5
أبتسمت وعينها بالفراغ
بلقيس: جانو متوقعين يعرفونة منو،
بس من بعد اليوم راح تضيع عليهم.
43
دخلو للبيت وطرفة سوت حفلة بكائية وصراخية،
غلطت وفشرت وماخلت حجاية ناقصة ما حجتها،
دخلو عمامي واصواتهم ضجت بالمكان ويا الرماح،
وبعدها طلعو كلهم من البيت واحنه بقينة ما فاهمين
شي، ضلت عيني على الساعة أنتظرها تصير بـ 10 حتى
أخلي الورقة اللي انطانياها نـوح.
17
مضى الوقت ما أعرف شلون،
بس صارت بالعشرة غافلت الكل ورحت لغرفة
الرماح، خليت الورقة وطلعت وكعدت بالصالة أنتظر
شراح يصير، كعدت غيـد يمي ساكتة
بعد فتـرة دخل الرماح هو وسلمان وبوجهة لغرفتة
سحبت أيـد غيـد بسرعة حضنتها أحس كاشفني
ما خلصت الدقيقة الأولى وطلع مثل العاصفة
يركض بكل حيلة ويصيح
الرماح: حرگـو المعمل بيهم..!!

أحـس هسه يلا استوعبت كلمة ”رمــاد“
سألت بلقيس اللي طلعت تركض للصالة على صوتهم
مُرجان: يا معمل؟! ومنو حرگة؟!

كعدت بالكاع وصارت تلطم على وجها
بلقيس: حركهم هو اللي حركهم ضامهم هناك.!!!

بقينة مصدومين ما نعرف شدايصير،
كعدت فاطمة يم بلقيس تهديها وانـي ركضت
للمطبخ أريـد أجيبلها ماي.

درت عيني على صوت فتحة الباب
شهگت مفزوعة من صار كدام عيني روكان
سابح بدمة وشايل بين أديه بنية فاقدة الوعي
وحالتها أتعس من روكان، تقدم خطوتين للداخل
ووكف يفتح ويسد بعيونة ما أعرف شبي
تقربت منه خايفة حتى اسأل شبي.!!!
غمض عيونة وطاح على الأرض؛ أرتطم راسة
بقوة وصار الدم ينزل منه بغزارة
وكعت على رگبي مهدوم حيلي وصرخت بعالي صوتي
مُرجان: لا روكان لا.!!!!!!


َ~~~~~~

أنت تقرأ

أغلال المرجان (غَـربيب)
الأكشن
• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...

#أغلال #الحسن #المرجان #سارة #غربيب


Part 9 || أفتِراء



﷽

الكاتبة
"سـارة الحـسن"

•••••••••••••••••••••

لا بأس في تحمل تلك العواقب
خَوف، فُقدان، مَصائِب
فأذا تريثنا وصَبِرنا أمام عَثراتُ الدُنيا
سَوف نجْني قِوة وصَلابة نَستطِيع بِها
مُواجَهة كُل مَصير مَجهُول...
38
درت عيني على صوت فتحة الباب
شهگت مفزوعة من صار كدام عيني روكان
سابح بدمة وشايل بين أديه بنية فاقدة الوعي
وحالتها أتعس من روكان، تقدم خطوتين للداخل
ووكف يفتح ويسد بعيونة ما أعرف شبي
تقربت منه خايفة حتى اسأل شبي.!!!
غمض عيونة وطاح على الأرض؛ أرتطم راسة
بقوة وصار الدم ينزل منه بغزارة
وكعت على رگبي مهدوم حيلي وصرخت بعالي صوتي
مُرجان: لا روكان لا.!!!
70
أنفزعت وأنرعب من منظر روكان
واللـي خوفنـي أكثـر منظر البنية اللـي بين أديه
ملابسها متمزقة، شعرها مگصوص بشكل مخربط
زحفت ليمهم أدفع بـ روكان عنها بس ثگيل
صرخت بصوت عالي على بلقيس
مُرجان: عمة راح يموت.!! روكان راح يموت.!!
92
كُـل الموجودين بالبيت أجـو يركضون
أول ما طاحت عين عمتـي عليهم وكعت يمهم
تصرخ وتسحب بالبنية روحها مفرفحة
بلقيس: يمة غفـران.!!! ولِـج شصاير بحالج.!!
277
دفعت روكان عنها بقوة كلبتة على ظهرة
وسحبتها لحضنها تحضن وتبوس بوجها رغم هي فاقدة
بقيت بصدمة كيف غفـران عايشة وهمه كالو ذبحوها؟!
ومنو سبب حالتها ودمارها حالياً هي وروكان؟!
حسيت على غيـد كعدت يمي خايفة
غيـد: مُرجان هذا راح يخلص دمة سوي شـي.
92
أنعصر كلـبي تخليت بموقف صعب شكدر اسوي؟!
ماكو اي رجال بالبيت كلهم طلعو للمعمل المحترك
رفعت عيني على ياقـوت الواكفة بمكانها ترجف
مُرجان: ساعـدي ياقـوت سوي شي؟! شلون نوكف نزيفة؟!
82
أستنجدنة بيها لأن هي كانت تمريض مرحلة أخيـرة
بس كانت مصدومة من المنظر الصار كدام عينها
كعدت بالكاع تبجي وتأشرلي على راسه
ياقوت: أضغطي على جرحة بقوة.
66
رفعت راسة على رجليه وضغط بأيدي
مُرجان: غيـد جيبلنة شـي واطلعي شوفي الحرس موجودين، ركض حبابة ركض.
62

ركضت غيـد للداخل واني رفع عيني على ياقوت
صحت بيها بعصبية أبد مو وقت تنهار وتضعف
مُرجان: ياقوت مو وكت بجي.!! ركضي صيحي لـنوح.!!
79
هزت راسها وطلعت تركض وفاطمة وبلقيس
خبصن الجو على غفـران كطعن نفسهن،
رجعت غيـد بعد ثواني بأيدة قطعة قماش
لزمت راس روكان وهي ضغطت على الجرح بقوة
غيـد: شسوي مُرجان؟! اروح اشوف الحارس؟!
وشلون اعوف راسه تكدرين تلزمينه؟!
35
مُرجان: ياقوت راحت تصيح لـنوح أنتظري.
41
ثوانـي ودخل علينا نـوح يركض عين على
روكان وعين على غفـران، كعد يم غفـران عيونه
متشخصة ويكرر بالكلمات بخوف
نـوح: عايشة؟! عايشة مو؟!
184
جاوبتة أمه ببكاء
فاطمة: شوفها يمة شوفها لا تصد ولا ترد ماندري.!!
35
سحب أيدها من بلقيس يحسس نبضها وأبتسم
هز راسة بأيجابية أكثر من مرة
نـوح: عايشة.!! بس شصاير؟!
74
أندارت عينه على روكان وكأنو صارت عنده
لحظة أدراك، أختفت أبتسامتة وبقى صافن عليه
غيـد تضغط بقوة على راسه وصارت تبجي مرعوبة
غيـد: ساعدة الله يخليك اخذة للمستشفى راح يخلص دمة.
65
شالة بسرعة عن الأرض وطلع يركض بي للسيارة
واني وغيـد اللي لازمة راسة نركض وياه
نـوح: أرجعن مُرجان أرجعن.
34
مُرجان: غفـران هم أخـذ غفـران.
34
صاح على الفضل اللـي جان واكف وعينه بس على
غفـران، أجه يركض على نـوح خايف ووجهه صاير دم
أيدة تأشر على باب المطبخ ويصيح
الفضل: ميتة أبو الفهـد ميتة.!! ما جاي تتنفس.!!
73
صعد روكان بالسيارة وربت على كتف الفضل بقوة
نـوح: ما ميتة، أصعد يم روكان أضغط على جرحة.
22
رجع يركض على غفـران والفضل صعد يم روكان
مُرجان: اني هم راح اروح وياهم.
غيـد: أروح وياج؟!
40
مُرجان: غيـد حبيبتي كافي بجي وارجعي
يم ياقوت هسه أكيد خايفة، اخذيها هي وأديب ودخلو
الغرفة وتقفليها عليكم ممنوع تطلعون او تفتحون الباب قبل لا أرجع.
37
هزت راسها بقبول ورجعت ركض للبيت
طلع نـوح شايل غفـران ولافها بعباية سودة
وبلقيس وياها ملخت نفسها فاقدة الوعي ماتعرف
شتسوي، صعدت يمها ورة وانـي فتحت الباب
الكدام وصعدت، أنـدار عليه نـوح مصدوم
نـوح: خيـر وين؟!
60
مُرجان: وياكم، ولا تحاول ما أنزل لو تنحرني.
57
نـوح: أنزلي مُرجان مو وكت سوالفج هسه.!!
ما جاي تشوفين ابهاتنة محترگة؟!!
60

أخر كلمة حجاها بنتر، كتفت أيدي ودرت وجهي عنه
مُرجان: أكطع نفسك ما أنزل.
64
ضرب على الستيرن بقوة وراد يحجي بس الفضل قاطعة
الفضل: أطلع بينا للنجف أبـو الفهـد همه غير ماتو وانتو متناگرين.!!! تحجون صدك؟!!!
263
صار نـوح يستغفر ويدردم بينه وبين نفسه وحرك
السيارة بينة يمشي بسرعة جنونية،
دز مسج واحد هو ويسوق لو أنحرك تلفونه من الأتصالات
كل دقيقة يجاوب واحـد ويحجي نفس الكلام
نـوح: ما أعـرف شصاير روكان جايبها للبيت
بس اثنينهم مو بخير ، يمكن أغتيال ويمكن...
70
سكت ما كمل كلامة وغلق التلفون يسب ويغلط
ويصيح وحدة، متعارك ويا ذبان وجهه،
وانـي دموعي صارت تنزل أضعاف ورجفة صابتني
كلام بلقيس يوجع الكلب وخوف نوح عليهم زيد خوفي
وصلنة المستشفى بعد فترة ونزل نـوح يركض
على الطوارئ حتى يجون ياخذونهم على سدية
التمو مجموعة ممرضين وأطباء عليهم
واني نزلت ويا بلقيس لازمتها من ايدها وامشي وياها
مُرجان: لا تسوين بنفسج هيج عمة والله راح تصير زينة.
54
بقينة واكفين على جهة والولد ما أعرف وين أختفو،
ثوانـي ورجعـو الفضل كعد على جهة ونـوح نزع
قمصلتة شمرها عليه بعصبية وينتر مدري شبي
نـوح: ألبسيها ولا تحجينة رحمة للميتين.
147
حجاها وأبتعد خلاني صافنة عليه
أشر لـ بلقيس تروح وياه وكفو على جهة مدري شيحجي
وياها وهي صارت تلطم على تبجي بصوت
عالي وتلطم على وجها مفرفحة
بلقيس: صخام بعيني، منو سوة هيج منو؟!
64
بقى يحجي وياها بهمس وهي ملخت نفسها
ركض عليها الفضل لازم أديها يتوسل بيها
الفضل: كافي عمة بدون فضايح.
40
بقيت جامدة بمكاني كلشي ما مفتهمة
نـوح أبتعد والفضل باوعلي
الفضل: اخذيها للحمامات خليها تغسل.
30
هزيت راسي بسرعة ومشيت وياها كلشي ما أندل
امشي واسأل وهي بس تبجي منهارة
مُرجان: عمة فدوة قوي كلبج مو وكت تضعفين.
22
دخلت للحمام غسلت وجها وطلعت شخص ثاني
رفعت راسها بشموخ وعيونها تشع منها نار
بلقيس: أمشـي نرجع يم روكان.
45
مُرجان: وغفـران؟!
بلقيس: يا غفـران؟! غفـران ميتة مُرجان.
195
بهتت ملامحـي وبقيت صافنة بوجها ما مستوعبة
سحبتني وياها نرجع لنفس المكان وتحجي بحدة
بلقيس: لا شفتي ولا سمعتي بطاريها خوش؟!
91
مُرجان: بس ليش؟! أكيد راح يجون ويشوفونها.!!
13
بلقيس: ماكو شي يشوفونة خليهم يجون.
35
سكتت وراح اسوي مثل ما تكول لا اذن سمعت ولا عين شافت، رجعنة لمكانة وهي راحت لفضل
بلقيس: شصار بالمعمل؟! ولد عمك وينهم؟!
21
رفع أكتافة بمعنى ما يعرف ونهض على حيلة
الفضل: هسه أجيبلج الأخبار.
93
عافنة وطلع مـن المستشفى واحنه رجعنة كعدنة
على جهة والطوارئ جانت حركتها قليلة،
بالي يم غفـران ويم روكان ويم اخوتي اللـي بقو وحدهم،
دقايق ورجـع الفضل ونـوح بقى واكف مسافة بعيدة
الفضل: ولد أخوج مختفين، وجدي بينة وبين الجلطة شعرة، وصديق الچلب الوفي...
89
قاطعتة بلقيس تنتر بي بحدة
بلقيس: لسانك الفضل لسانك.
23
الفضل: العفو قصدي صديق لـؤي اللي يشتغل بالمعمل
محترك وحروقة من الدرجة الثالثة يعني ما يصَبح.
50
دار وجهة عن بلقيس وهمس
الفضل: ولو هو عار شيموتة.
90
بلقيس: وينه جدك هسه؟!
17
الفضل: بعدة بالمعمل هو وعمامي،
ووصلة خبـر روكان وكال طز بي عساه بالموت.
103
لطمت على رجلها بقهر وبقت تنود مفرفحة
الفضل: هاي زايدة مني والله، بس من أتصلت بي صار
يصيح عليه "هو انا بيا حال، والله لنعل ابو عشيرتكم".
113
بلقيس: شترجى منه؟! بس ماكول غير حسبي الله ونعم الوكيل، دمر حياتنة وحياة هل ويلاد.
40
الفضل: كومي عمة نرجعج للبيت ،
انا ما أقبل الرايح والجاي يعاين على عرضي.
181
رفعت راسها عليه خازرتة
بلقيس: ولي من وجهي الفضل لا تخليني أهينك.
179
أبتسم وأبتعد عنها وكف يم نـوح،
بقينة كاعدين ونـوح وراها حار بـ روكان بين اشعة
بين رنين بين الأجراءات البقية وتطمن على وضعة
بس بعدة فاقد وكالو أحتمال كبير يدخل بغيبوبة،
كعدت بلقيس وضمت وجها بشالها وصارت تبجي وتشهگ
بلقيس: الله يكسر الأيد اللي نمدت عليك.
68
كعد نـوح كدامها بعد ما تشكر من الدكتور
بلقيس: راح تنكسر عميمة الغالي والله راح تنكسر
بس كومي هسه خليني أرجعج للبيت لا تنسين مسؤولياتج.
45
مسحت وجها بثنين أديها وهزت راسها بأيجابية
نهضت من مكانها ولزمتني من أيدي
بلقيس: امشي عمة نرجع هسة خواتج وحدهن.
20
تمشينة اني وياها ورة نـوح للسيارة، والفضل بقى
يم روكان، صعدت عمتي واني أنداريت على الباب الثانية
اريد أصعد من جهة باب نـوح، قبل لا يصعد
ضربت قمصلتة على صدرة بقوة ونترت بي بهمس
مُرجان: تعلم شلون تتعامل ويا اسيادك أبـو الفـهد.
213
لزمها ورجع سد الباب مالتة بقوة يحاول يكتم غضبة
نـوح: واجبي هذا مُرجان واجبي لا تفهمين تصرفي غلط.

38
مُرجان: واجبك تأدي بأحترام مو تشمر وتنتر.
53
فتحت الباب وصعدت السيارة بدون ما انتظر جوابة،
بقيت ساندة راسـي على كتف عمتـي بلقيس
وأفكر ليش رجعو خفـو غفـران؟!
وشلون طلعت عايشة وهمة كالو ميتة؟!
غمضت عيوني من حسيت ايد عمتي تمسد على خدي
بلقيس: هم حظجن هذا اللـي رجعجن لأهلجن.
46
سكتت ماعرفت شجاوبها،
شلون جنه مدللين وعمو ظافر يخاف علينا من الهوى
ووين صفينة بين ادين عائلة كلها جشعة وتخوف
ننام على دم وقتل ومشاكل ونصحى على مشاكل أكبر،
وصلنا البيت بعد فترة وطول الطريق ساكتين
قبل لا ننزل عمتي حجت ويا نـوح
بلقيس: أبـو الفهـد ألزم الفضل عن خضر لا يطيح حظه،
أنتَ تعرف جدة أذا عرف راح تصير مصايب أول
ما الها تالي ومابينا حيل والله.
42
نـوح: چـاا سلمان شنو شغلة؟!
21
بلقيس: هو هنا المصيبة، راح يتذابح سلمان ويا الرماح
وما تهدأ مصايبهم ألا نخسر عزيز.
31
نـوح: ما يصير شي أن شاء الله.
13
نزلت من السيارة وهي هم نزلت تدردم عليه
بلقيس: مخلين جلمود بمكان عقلهم.
16
قبل لا يتحرك أبـو الفهـد رجعت سألتة
بلقيس: وين أبـو الحـسن ولـواء؟!
24
نـوح: اسألـي أبوج يَـابنت الرماح لا تسأليني.
28
بلقيس: اسألك لأن أنتَ تعرف كلشي وهسه احجي وينهم؟!
7
نـوح: وشيبات امي ما أدري وينهم.
53
هزت راسها وأبتعدت عن طريقة، تمشي بسرعة
واني امشي وراها دخلنا البيت وجانن طرفة ومديحة
مرت سلطان كاعدات بالصالة، رفعت راسها علينا
طرفة وتجسدت نظرات الشماتة بعيونها
طرفة: اشوفج رجعتي أيد ورة وأيد كدام وينهم؟!
33
بلقيس: همه منو؟! روكان ودخل غيبوبة بسبب أفعالكم مـن الله لا يوفقكم.
25
طرفة: چـاا وغفـران بلقيس تغشمين نفسج؟!
39
بلقيس: صاير عندج زهايمر؟! اشوفج صايرة تنسين
هواية.!! مو بسبب ابنج نذبحت غفـران لو انا متوهمة؟!
54
نهضت على حيلها ومديحة هم انصدمت
مديحة: يا چـاا مو كلتي جابها روكان؟!
30
طرفة: عليمن تضحكين بلقيس لو ما شفتها بعيوني؟!
33
ضحكت عمتي بقهر وصرخت بوجهن
بلقيس: منو يضحك على منو؟! بسبب منو ماتت طرفة؟!
بسبب ابنج العاق، وراح ابن مديحة گُـرة عينج يَـا مديحة
ذبحها حتى يغسل عار سببه ولدجن.
36
مديحة: ليش ولدنا بلقيس؟! بنت اخوج هي اللي شردت ورادت تصخم وجهنة بين الناس.
52
بلقيس: متصخم بشر افعالكم والله يصخم وجهكم اكثر واكثر.
32
سحبتني من ايدي لغرفتنة وهنه تخبلن ورانه،
طرفة تحلف وتتكفر عايشة ومديحة تكللها تردين
تذبين مصيبة براس ابني على كولة ما طلع سبع وذبح
بنت عمة اللي نزلت روسهم،
فتحت الباب بس كانت مقفولة وسألت غيد بصوت عالي
غيـد: منـو؟!
مُرجان: اني حبيبتي افتحي.
24
فتحت الباب وجها صاير أصفـر من الخوف،
كاعدة هي وأديب وياقوت غافية والدموع بعدها بعيونها
غيـد: شلون صارو؟! عايشين مو؟!
24
دخلت عمتي بلقيس وأشرتلها تسكت،
قفلت الباب وراحت كعدت ياقوت، كعدت مرعوبة
بلقيس: اكعـدن عمة عنـدي كلام وياجن.
31
كعـدت ياقوت وغيـد يمها، وانـي حضنت أديب
ساكت ما نطق ولا حرف ولا علق على الموضوع
مصدوم من الصار وحقة أول مرة نمر بهيج حالة
بلقيس: اللي صار واللي شفتنة اليوم ينمحي من ذاكرتجن،
لا شفتن غفـران ولا سمعتن بطاريها تمام؟!
40
غيـد: بس ليش؟!
22
بلقيس: مو وكت الـ ليش بعدين تفهمن كلشي،
بس هسه راح يرجع جدجن وراح يسألجن وأنتن تنكرن
تكولن شفنة بس روكان أجة مضروب على راسة ونوح اخذة للمستشفى وهاهي.
32
هزن راسهن بأيجابية وعمتي باوعت لأديب
بلقيس: الكلام الك هم حبيبي متفقين.
21
أديب: متفقين ماراح احجي شي.
42
أبتسمتلة مجاملة ونهضت طلع من يمنة،
أجت ياقوت حشرت نفسها بحضني وأشرت لـ غيـد
هم تجي حاضنتهم ثلاثتهم على كلبـي وزاد
خوفـي عليهم وكبرت المسؤولية على عاتقي.
مُرجان: شوفن ذنب اللي يغلط بهاي العائلة شلون
صار مصيرة؛ رغم غفـران ما غلطانة بس همة أعتبرو غلط،
ضامينها حتى يمحونها والله أعلم شصاير بحالها.!!
32
غيـد: طرفة تكول الله أعلم بيا ملهى جانت.
42
مُرجان: وربج هم راح يشمرها بملهى أبو لهب
على أفتراءاتها وسوء ظنها بغيرها.
77
أديب: منو هاي البنية؟!
مُرجان: بنتهم بس صايرة مشاكل وضامينها حتى ما تتأذة.
15
أديب: وما عدها أخ يحميها؟!
46
أتنهدت وفزت انفاسي بقلة حيلة
مُرجان: محـد يعرف اخوانها وين.
12
ياقوت: هـذا خضر مكسر مايكدر يرفع لا أيد ولا رجل،
ما أعـرف منو مسوي بي هيج.
27
أديب: الفضل كال جهال المنطقة هيج مسوين بي.
115
ضحكت على سوالف الفضل والبنات ضحكن على واهسي
غيـد: هسه باجر أكول لأم عاكول بعد لا تخلين ابنج يطلع بالشارع.
43
مُرجان: أم عاكول شنو؟!
10
غيـد: مو هي اسمها طرفة نبات موجود بالصحراء وابنها عاكول نبات اصغر بالحجم وهم بالصحراء.

58
أديب: الفضل يكول هاي ملگوفة.
53
مُرجان: ترجمو مصطلحاتكم اذا ماتصير زحمة.
38
أديب: كال يعني مثل المجنونة وهيج شي.
27
بقو يضحكون ويحششون على طرفة وأسمها
اباوع عليهم مبتسمة بس داخلي محترك
خايفة لا واحـد منهم يتأذة،
طلعت من يمهم للحمام غسلت وردت أرجع للغرفة
صارت بوجهي طرفة، سحبتني من ملابسي
كدامها وصارت دفع بيه للمطبخ
مُرجان: شكو شكو؟! شبيج دفعين عمة؟!
27
سحبت السجينة من المجر ونبتت طارفها بركبتي
طرفة: صيري مطيعة واحجي وين غفـران؟!
88
مُرجان: أول شي ابتعدي عني أكبر مني وما أريد
أمـد أيدي عليج، وثاني شي شعرفني اني منو هاي غفران.!!
36
طرفة: قنعتج عمتج بلقيس تسكتين ادري بيها،
احجي لا وداعة ابني اذبحج هنا.
34
مُرجان: اذبحيني يلا وشوفي شراح يصير.
26
طرفة: أنتِ منو وتهددين؟! منو بظهرج ها؟!
41
مُرجان: بظهري اللي تتراجفون منه كلكم.
178
أبتعدت عني صافنة بوجهي وتسأل بشگ
طرفة: أبـو الحـسن؟!
66
هزيت راسـي مبتسمة
مُرجان: طلع صدك مرجفكم، اي أبـو الحـسن وأذا
أنتِ كدها اشعلي شعراية وحـدة من راسـي وشوفي شراح
يصير وشلون نارة راح تحركم.
62
طرفة: وينه هو؟! متحامية بشخص ما ندري إذا ميت وإذا عايش؛ عاقلة أنتِ؟!
30
مُرجان: لو تدرين بي ميت جان ما تراجعتي أم خضر.
32
شمرت السجينة بالكاع تهز براسة بوعيد،
طلعت ورجعت عليه مبتسمة بشر
طرفة: تعجبني البنية القوية، واللي تكدر تحمي أبني هم.
138
مُرجان: يا أبـن؟! قصدج أحمي خضر لأن مُعاق؟!
19
ما أهتمت لكلامي وهزت راسها بأيجابية
طرفة: راح تصيرين زوجة ينشد بيها الظهر.
104
مُرجان: إذا قصدج تزوجيني خضر يلا رهميها
حتى انسي حتى أمه، اخليج تتمنين يباوع بوجهج.
159
تغيرت ملامحها للصدمة ما توقعت تسمع مثل هيج جواب،
طلعت من يمي بدون كلام، فركت وجهي بسرعة
وزفت أنفاسي بتعب، منين أجتني هاي المصيبة نوبة
سمكن تاخذ الموضوع تحدي وصدك تسويها
ضربت رجلي بالكاع مقهورة
مُرجان: وينك عاد وينك؟! متحامية بصيتك وأنتَ ماكو.
62
دفرت الكاونتر برجلي نوبة شاغت روحـي،
امشي وأدردم بس لازم أستمر على نفس الخُطى؛
رجعت للغرفة ونمت بنص هوسة البنات مـن التعب؛
ثاني يوم كعدت من الصبح وبوجهي للمطبخ
مُرجان: صباح الخير خالة.
11
فاطمة: صباح الخيرات والعافية يمة.
12
مُرجان: وين عمتي بلقيس؟! ما كعدت لهسه؟!
9
فاطمة: لا يمة كعدت تريكت ورجعت نامت مالها خلگ شوية.
16
هزيت راسي وحگيت خدي مستحية منها
مُرجان: خالة لا تفهميني غلط بس أريد رقم نـوح
أريـد اطمن على روكان بالي يمة.
22
ما علقت على الموضوع وانطتني تلفونها صغير
فاطمة: طلعي يمة والله ما أعرفن شلون.
30
أبتسمت وأخذتة من أيدها نقلت الرقم لجهازي ورجعتليها
مُرجان: شكراً خالة، بـس جدي وين؟! هم رجع لو لا؟!
14
فاطمة: رجع متأخر وطلع وجه الصبح.
12
هزيت راسي بأيجابية تشكرت منها مرة ثانية،
وطلعت للحديقة اتصل على نـوح، مرتين يلا جاوبني
متعصب وينتر مدري شبي
نـوح: يعني بشر مارد عليكم من أول مرة شهل ملحة؟!
84
مُرجان: والله العظيم حرامات خالة فاطمة أمك.
110
سكت لثواني من سمع صوتي، تحمحم وجاوبني
نـوح: أعذريني يَـاحفيدة الرماح، آمري.!!
42
مُرجان: أنتَ تذكرني اني حفيدة الرماح اكثر من الرماح نفسة.
45
نـوح: شني خوية متبلي عليج؟!
19
تجاهلت الموضوع ودخلت بالمفيد
مُرجان: أنتَ حركت المعمل مو؟!
15
نـوح: يا معمل؟! منو انا؟!
61
مُرجان: الورقة الجان مرسوم بيها بناية ويمها علبة كبريت شنو معناها؟! وبنفس اللحظه احترك المعمل؟! وفوكاها الولد هناك وهسه مختفين تتوقع صدفة؟!
30
صار يحجي بصوت عالي طرش أذني
نـوح: ما جاي اسمعج خوية محتاجة شي؟!!
123
مُرجان: تسمعني تسمعني وإذا ما فهمتني هسه
أقسم بالله اروح احجي للرماح كلشي.
20
نـوح: بعـد ساعة أكثر راح أرجع واحجيلج هسه ماكدر.
42
فركت وجهي متوترة احس كلبي يخفق بقوة وهمست
مُرجان: وغفـران شلونها؟!
10
سألني بأستنكار
نـوح: يم ربج شنو شلونها؟!
58
قافلين حتى ما يقبلون احد يجيب طاري،
سكتت ما لحيت وكلت اسال عمتي اكيد عدها اخبارها
مُرجان: اححمم شلون صار روكان؟! ما كعد؟!
13
نـوح: جان انتظرتي ارجع وسألتي عليه.!!!
64
صفنت استوعب كلامة وهو ضحك
نـوح: بعدة ما كعـد وصي العزيزة تدعيلة.
22
مُرجان: احنه هم نعرف ندعي.
51
حجيتها وغلقتة بوجهه نرفزني، انسان مستفز لدرجة
رجـع أتصل عليه ما جاوبتة، رجعت للبيت كعدت البنات
وسويت ريوك رحت لغرفة عمتـي بلقيس بس ماقبلت
تطلع وكالت تعبانة تريد ترتاح،
كعدت طرفة مهوسة وتتعارك ويا ذبان وجها،
سوت هوسة بالبيت وطلعت لبيت سلطان،
واحنه طلعنا كعدنة بالحديقة باوعت غيـد على بايسكلات
وصاحت على أديب يروح وياها

غيـد: امشي نلعب بيهن شوية من زمان عنهن.
33
ركض أديب فرحان جابوهن واجو
وبقو يتسابقون بالحديقة والمساحة كدام
الـ3 بيوت مشتركة وكبيرة، مرت ربع ساعة وأجة
الفضل باوع على غيـد وضحك
الفضل: عمي أنتِ المفروض أسمج جاسم مو غيـد.
86
أديب: تعرف احسن مني ومنك.
14
الفضل: أفـااا شلون احـسن مني؟! هسه اشوفها.
25
راح جاب واحـد ثالث وتسابقو كلهم،
الفضل فاز عليهم وهي بالمرتبة الثانية يلا أديب،
نزلو من البايسكلات وتقربت غيـد على الفضل
ضربتة على كتفة بقوة وتضحك وياه
غيـد: لك كفو من شاربك المطمور.
124
سحب كتفة من تحت ايدها وباوعلها رافع حاجبة
الفضل: شو حاسبة الكدامج زعطوط؟!
شاربي المطمور مو بعينج؟!
35
ضحكت بصوت عالي ورجعت ضربتة وهو
يتسحب منها رافض تتقرب منه
الفضل: ولج استحي ووخـري عني.
171
أبتعدت عنه تضحك وهو يحجي من كل عقلة،
بقى كاعد ويانة كلش فرفوش ويتصرف على انه هو رجال
مو ولد بعمر الـ13، بقى يسأل على حياتنة قبل
وعلى دراستنة اللي ناسينها وغيرها وغيرها
بعدين أجاني أتصال من نـوح نهضت من مكاني
مبتعدة عنهم فتحت خط وقبل لا انطق سبقني
نـوح: تعالي وانتبهي.
26
نطق هذهِ الكلمتين وغلق الخط، غمضت عيوني
أسيطر على اعصابي على شنو شايف نفسة هذا،
تسحبت من يمهم متوجهة للبستان،
جان واكف على جهة يباوعلي وأشرلي على مكان
شوي بعيد عن أنظار اللي جاي من البيت،
تمشيت وكفت بي وهو بقى بمكانة تحسة مراقب
المكان ويتأكد محد أجه وراية،
أجه بأتجاهي بعد فترة يمشي بهمة طلع ورقة
مـن جيبة وقدملياها وعيونة تتلفت بالمكان
مُرجان: شنو هاي؟!
15
نـوح: أعترافـي الماكدرت احجي بوجهج.
56
مُرجان: كل هاي الصلافة وماكدرت تحجي؟!
87
نزل عيونة عليه بسرعة وحاول يخفي أبتسامتة
نـوح: ناوية على نحري وحق نور محمد.
96
مُرجان: مـن هيج تخاف إلزم حدودك وتصرف عدل نـوح
صارن هواية عليك رغم طيبتي ومودتي وياك.
19
نـوح: يا طيبة رحمة للكائنات اعرفج تعرفيني
هي هذهِ المرة الثانية لو الثالثة اشوفج بيها.
18
درت وجهي أريد امشي انسان مو محترم؛
ورجع صاح ورايه متنرفز بكل صلافة
نـوح: الورقة يمعودة الورقة.!!
7
مُرجان: خليها على كلبك.
15
ما أهتميت لكلامة وهو صار يمشي وراية
بخطوات سريعة ويهمس بحدة
نـوح: مـن أبـو الحـسن أخذيها ترة انفضحنة بين المعربان.
72
أنداريت عليه خازرتة وسحبتها من أيدة بقوة،
ومشيت مبتعدة عنه بخطوات سريعة واسمعة يصيح
نـوح: أستغفر الله ويكلك يا نـوح ليش تغرد.
39
ماكدرت أسكت واعبرها بدون ما أجاوبها
باوعتلة وصحت بصوت مسموع
مُرجان: قصدك نعيق مو تغرد.!!
95
مشيت بعد ما سمعت بقية كلامة،
بوجهي لغرفتنة قفلت الباب وكعدت أقرأ بالرسالة
كان مكتوب بيها كلام هواية ومن ضمنها كاتب
"ماراح اسألج اذا كدها، لأن متأكد أنتِ كدها
رايد منج تزعزعين ثقة الرماح بـ لـؤي وثقة لـؤي بطرفة".
137
طويت الورقة وصفنت بالفراغ أفكر،
ليـش مستخدمني وسيلة أنتقام اله؟!
وشراح أحصل اني من كل هاي الهوسة؟!
بس راح أضر نفسي وبعدين أضر اخواتي.!!
أتصلت على نـوح بسرعة جاوبني وقبل لا اسأله جاوب
نـوح: جواب سؤالج عنـدي،
حتـى تحمين نفسج وتحمين
أخواتج لازم تنفذين المطلوب منج،
مو أستغلال بس تعاون؛
وهـذا كلام أبـو الحـسن.
56
مُرجان: أريـد احجي وياه نـوح؛ ضروري والله.
13
نـوح: اردلج خبـر بعد شوي.
18
غلقة مني وبقيت أنتظر خبـر منه على نار،
لازم احجي وياه حتى أفهم بنفسي تفسير لكل
الاسئلة اللي بعقلي، مشى بقية اليوم بنفس الروتين
الظهر خطيت خطوة مـن عنـدي وتوجهت لغرفة خضر
دكيت الباب ودخلت هو جان منسدح بسريرة،
حاول يعدل نفسة من شافني بس ما كدر
مُرجان: أرتاح خضر لا تتحرك بس حبيت أطمن
عليك واشوفك إذا محتاج شي.
33
كتف ايده اللي ترجف لصدرة وجاوبني بنبرة أرتعاش
خضر: شكراً مُرجان ما رايد شي.
39
مُرجان: شلون صرت؟! بالي يمك؟!
وامك تضوج نتقرب منك ما أعرف ليش.
25
خضر: ليـش تضوج؟!
10
نزلت راسـي وجاوبتة بحزن
مُرجان: والله ما أعرف بس ماكو مشكلة اجيك بغيابها.
77
حاول يعتذر نيابةً عنها بس مايهمني اعتذارة،
دخلت طرفة بعد دقايق من حديثي ويا خضر
تباوعلي مضيگة عيونها
طرفة: اشوفج لافية غرفة ابني اليوم؟!
22
مُرجان: اي عمة أجيت اطمن عليه واشوفة اذا محتاج شي، خضر هم غالي عليه.
21
خضر: يمة صاير شي؟!
5
أندارت عليه تضحك بتصنع
طرفة: لا حبيبي بس أنتَ تعبان ما أريدن احد يزعجك.
14
ما جاوب واني ترخصت منهم وطلعت وهي وراية،
سحبتني من أيدي بقوة موكفتني وتهدد
طرفة: اي تلعبين بالنار مُرجان.
16
مُرجان: يا ليش؟! غير داسأل على أبن عمـي.!!
11
طرفة: شنو اللي ببالج من الأخير؟!
10
ابتسمت وهمست متجنبة احد يسمعني غيرها

مُرجان: سمعت خضر عنده أملاك كثيرة، الوضع مُغري.
118
وهذا كان كلام الفضل ما أعرف اذا صدك او كذب،
أبتعدت عنها وهي تخبلت صارت تغلط وتسب بيه وبأبوية،
وتهدد وتتوعد اذا أقترب من ابنها راح تحركني
طرفة: اسويها وروح الحسين اسويها واحركج.
54
ضحكت بهدوء وأبتعدت عنها، وكنت متقصدة هيج
أستفزها حتى ما تحاول هي وابنها تجبرني
او تجبر وحدة من اخواتي نتزوج خضر،
ومصيرنا يكون مثل غفـران.
50
الظهر رجع جـدي كان ضايج على المعمل
وحسب اللي فهمتة كان معمل "علب كارتونية"
تحقيق الشرطة يكول تماس كهربائـي
بس الرماح يكول فعل مُفتعل واكيد أحـد حاركة
وفوك كل هذا محترك حرگ لأن غفـار ولـواء جانو
محبوسين بالمعمل وهسه مختفين ومحد يعرف مكانهم.
تجرأت ورحت لـ غرفتة انـي وغيـد ، دكيت الباب ودخلت
مُرجان: ما نريد نزعجك بس حبينة نشوفك شوية.
22
اشرلنة براسة ندخل للغرفة، وغيـد وراية سدت الباب
وبقت واكفة يمة، تقربت منه طبعت بوسة على راسة
مُرجان: لا تضوج جدو، مو يكولون بالمال ولا بالعيال،
وأكيـد رب العالمين راح يعوضك أضعاف،
أهـم شي صحتك بخير كلشي يتعوض والله.
44
غيـد: صح هو تعبك ومانكدر نلومك بس يفداك جدو،
اعتبرة دفعة بلاء.
29
أبتسم وسحب أيدي مخليها بكف ايدة،
ويطبطب عليها بأيدة الثانية
الرماح: يا عيـن جدجن الحمـدللة.
208
مُرجان: ياقوت خايفة منك هي دائماً تخاف من الاشخاص اللي يزعلون او يعصبون وماكدرت تجي هسه ويانة،
وأديب واكف بالباب يحس بغربة ومتردد يجيك.
22
رفع راسة على غيـد
الرماح: صيحي لأختج ولأخوج، اخوجن هم وليدنة.
66
طلعت غيـد صاحت عليهم دخل أديب سلم عليه
أديب: الله يعوضك عمو.
53
ضحك الرماح مـن كلمة "عمـو" وطبطب على كتفة
الرماح: جدي كول جدي مو عمو.
15
هز راسة أديب بقبول مبتسم
أديب: تدلل جـدو.
28
بقى الرماح يضحك على كلماتة ويحسها فاهية،
دقايق ودخلت ياقوت وفعلاً صارت تخاف من الرماح
بعد الأحداث اللي دانشوفها ونسمعها،
ما أعرف منين نزلت عليه الحنية وضحك بوجها
الرماح: تخافين وانا جدج افا.!!
106
ياقوت: فدوة لا تعصب والله ماكدر احجي وياك بعد.
42
ضحك ونهض من مكانة باسها من راسها وبقى
يحجي وياها ويشاقيها، اني وغيـد وحدة صافنة على
الثانية وهي تهز بأيدها من جوة لجوة وأديب يكرص بيها،
بعد فترة طلعنا من يمه لغرفتنة وياقوت فرحان
ياقوت: الله والله حباب ليش ما نحاول نحبه؟!
193
غيـد: عقلج طار ويا الحمام أنتِ، لج ثولة غير مجرم هو.!!
69
ياقوت: مجرم خمو علينا على الناس.
20
غيـد: لا حتى عليج، هي غفـران اللي عايشة
كل عمرها يمة ذبحها بدون ما يرفلة جفن، تردين
أنتِ اللي عرفج من أسبوع يحبج ويحتويج؟!
25
ياقوت: هم صدك والله.
9
غيـد: عالجي ألتهاباتج الشخصية حبيبتي.
64
مُرجان: واصلة للنخاع شيعالجها، إلا أذا ضربوها كيمياوي.
36
احنه نحجي عليها وهي تضحك من الفطارية،
بقيت للعصر أتصل بـ نـوح وما يجاوبني،
أخـر شي دازلي رسالة مكتوب بيها
"شوفتة مقابل أول خطوة منج وأنتِ مُخيرة،
كدامج فرصة اليـوم فكري بيها عـدل وأستغليها"
22
جريت شعري بكل قوتي ردت اكطعة من النرفزة،
هم مـن نـوح وهم مـن غفـار، بس ماشيتهم
وكعدت أفكـر شسوي وشلون أزعزع ثقة
وشنو الفرصة اللي كدامـي، بقيت نص الليل واني
كاعدة أضرب أخماس بأسداس، بس كان ضروري
اسوي شـي حتـى أشوف أبـو الحـسن وأفتهم منه
لأن أحس هو الوحيد اللي مايريد أذيتنة لأن رفض
يرجعنة لبيت الرماح مـن أول يوم عرفنة.
18
سمعت آذان الصبح، طلعت من الغرفة أريد للحمامات
حتـى أصلي، وبلحظة صارت ضجة قريبة من البيت
ركضت على شباك المطبخ وتشخصت عيوني
على النار القوية الشابة ورة بيت سلمان،
صوت الحرس وصوت سلمان وعائلتة
حسيت على فاطمة وراية تسأل مستغربة
فاطمة: اللهم أجعلهُ خير، شني هاي الهوسة؟!
12
مُرجان: البستان محترك خالة.
21
شهگت بقوة وأجت تركض تباوع وياية،
لطمت على وجها ورجعت للبيت تصيح تريدهم يكعدون،
وراها طلعت تركض على البستان تطمئن على نـوح،
أجت عمتي بلقيس تركض ووراها الرماح
طلع بسرعة راحلهم وكل اللي بالبيت كعدو
كل هذا واني عقلي يفكر ممكن هي هاي الفرصة
اللي يحجي عنها نـوح.!! بس شلون راح استغلها؟!
قطع صفنتي سؤال غيـد مستغربة
غيـد: منو اللي حرگة؟! معقولة توصل بيهم لهذهِ الدرجة؟!
31
هزيت راسـي بمعنى ما أعرف، وأجت فكرة ببالي
غمضت عيوني بقوة مستصعبتها "أفتراء"
بس مجبورة لازم أخطي أول خطوة.
طول الليل واني أفكر بهذهِ الخطوة بس مالكيت
غيرها احس عقلي تجمد،
أنتظرت الصبح يطلع وما نمت ولا دقيقة
كعدت بالمطبخ وحضنت رجلية على صدري ساندة
راسي عليهن وصافنة، دخلت فاطمة مثل كل صبح
أول وحدة هي تكعد
فاطمة: يمة مُرجان بيج شي؟!

10
مُرجان: بعدني نعسانة.
10
سكتت عني وهي ماتدري اني ما كدرت تغمضلي عين،
بقيت أنتظر جدي يطلع من غرفتة،
مرت فترة طويلة اجت عمتي بلقيس هم وسألتها
على روكان بس نفس وضعة بعده فاقد الوعـي.
18
بعد ساعة تقريباً دخل جدي للمطبخ كاشخ
صبح علينا من ورة خشمة، وانطة خبر لـ بلقيس
وفاطمة عنـد ضيوف على العشة وطلع،
ركضت وراه صحيت عليه وكف يباوعلي وعاكد حواجبة
مُرجان: جدو عادي أخذ من وقتك موضوع ضروري.
14
الرماح: احجي؟! شصاير؟!
11
تقربت منه وحجيت بصوت ناصي
مُرجان: جـدو ما أعرف إذا الراح احجي يهمك أو
لا بس اني ضميري دايأنبني وماكدر أسكت وخاصة
اذا الموضوع بي أذيتك.
35
الرماح: خير مُرجان اكو شي؟!
11
مُرجان: جدو يمكن لـؤي اللي حرگ البستان.!!
53
فتح عيونة متعجب وضغط على ذراعي
الرماح: شتحجين أنتِ؟! وشلون تتهمينه هيج اتهام؟!
20
مُرجان: شعندي وياه حتى اتهمة، بس اني البارحة بالليل
قبل الحريق طلعت للحمامات وقت الأذان واجيت
للمغسلة علمود الوضوء وشفتة بأيدة مثل دية الغاز
صغيرة ودخل للبستان بعد دقايق صار الحريق.
71
الرماح: أنتِ متأكدة من كلامج؟! ومتأكدة اللي شفتي
لـؤي مو واحد من الحرس؟!
20
هزيت راسـي بأيجابية
مُرجان: متأكدة جدو.
12
هز راسة بوعيد
الرماح: هذا الحجي ما يطلع لغيري مفهوم؟!
16
مُرجان: أبد والله بس أنتَ حجيتلك لأن ما أريدك تنضر.
36
أكتفى بالسكوت وأبتعد عنـي، وياريت ما حاجية
اللوم أكل كلبي والقلق والحيرة، شلون لو الرماح ذبحة؟!
راح تكون خطيتة بركبتي.!! احس تورطت بطريق ما منه
رجعة بعد؛ فرگت عيوني بقوة مانعة دموعي تنزل،
وبقيت النهار كله كاعدة أنتظر شراح يصير
بس كلشي ما صار ، لليل أجو ضيوف جدي وصارت
خبصة بالبيت والتهيت وياهم وتناسيت الموضوع.
20
دزيت مسج لـ نـوح
مُرجان: "نفذت أول خطوة شوكت المُلتقى".
9
مرت دقايق وجاوبني
نـوح: "يا مُلتقى؟! ديرتنة مابيها هيج سوالف".
171
ردت أشگ ثوبي مـن الأستفزاز، تمنيت احجي وياه
على برنامج مو رسايل على الخط حتى أدزلة بصمة
تخلي سنة ليكدام ما يحاول يستظرف
مُرجان: ليش تجيب الحجاية لنفسك؟!
22
نـوح: من نشوف نتيجة خطوتج انا اتصل بيج.
20
وبعد ما جاوب عليه ولا بنص حرف حرگني حرگ،
بقيت كاعدة بالمطبخ والوب، عيوني اتنفخت من النعاس
بس ماكدر أنام الأرق هد حيلي،
رحت للغرفة البنات كاعدات وكلمن عينها بتلفونها
رفعت راسها عليه غيـد متسألة
غيـد: أديب مارجع؟!
19
مُرجان: ليـش وين راح هـو؟!

غيـد: يم الفضل ببيت عمي سلمان.

مُرجان: صاير يندل دروب هذا، اني راح اجيبة.

شمرت شال بشكل فوضوي على راسـي وطلعت،
مشيت مسافة وقبل لا أوصل البيت سمعت
صوت خطوات وراية، وكفت بمكاني وقبـل لا أندار
تخلت أيد على حلكي وانسحبت لظلام البستان
صرت أصرخ بصوت مكتوب وارفس بين أدين اللي سحبني
أحاول أخلص نفسي بس ماكدرت،
دارني عليه وضرب ظهري بالحايط بقوة حسيت
العمود الفقري أنقسم نصين،
كف أيدة حاوط ركبتـي خانكني بقوة
ورفعني عـن الأرض ناوي موتي على أيدة،
صارت عيني عليه لـؤي ، نطقت الشهادة مـن هجست
روحـي راح تطلع وهو يحجي بصوت غاضب
لـؤي: منـو اللـي دزج عليه ها؟!
شلون عيونج شافت لـؤي يحرگ البستان؟!



َ~~~~

أنت تقرأ

أغلال المرجان (غَـربيب)
الأكشن
• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...

#أغلال #الحسن #المرجان #سارة #غربيب


Part 10 || مُساومة

﷽

الكاتبة:
"سـارة الحـسن"

•••••••••••••••••••••••••


”يَكرهُ ما أحُـب بنفسي وأنا أحُـب ما يبغضهُ“
ٖ
ٖ
63
مشيت مسافة وقبل لا أوصل البيت سمعت
صوت خطوات وراية، وكفت بمكاني وقبـل لا أندار
تخلت أيد على حلكي وانسحبت لظلام البستان
صرت أصرخ بصوت مكتوب وارفس بين أدين اللي سحبني
أحاول أخلص نفسي بس ماكدرت،
دارني عليه وضرب ظهري بالحايط بقوة حسيت
العمود الفقري أنقسم نصين،
كف أيدة حاوط ركبتـي خانكني بقوة
ورفعني عـن الأرض ناوي موتي على أيدة،
صارت عيني عليه لـؤي ، نطقت الشهادة مـن هجست
روحـي راح تطلع وهو يحجي بصوت غاضب
لـؤي: منـو اللـي دزج عليه ها؟!
شلون عيونج شافت لـؤي يحرگ البستان؟!
103
صرت أضرب بي واشرمخ بوجهه من شوغتي
بس ما أبتعد، سحبني مـن الحايط ورجع ضربني
ضربة أقوى ناوي يترك أثر الوجع بيه
لـؤي: ماراح أموتج بـس حتى تشوفين بعينج لـؤي
شراح يسوي بيج وشلون راح يعيشج بخوف.
180
صرت أشهگ بقوة أشحد النفس بس لـؤي
مستمتع بكل لحظه يشوفني داتعذب بيها؛
حسيت عليه أندفع بقوة وانـي طحت على الأرض ألوب
صرت افرگ بركبتي اريد الهوى يدخل ريتـي
وأسمـع صوت الفضل يصيح على لـؤي
الفضل: شجاي تسوي يَـالخبل شجاي تسوي؟!
185
لـؤي: لا تحشر خشمك الفضل وكمل دربك الجاي منه.
82
الفضل: رجوليتك طلعها على الناس الصح لـؤي
مو مستقوي على حرمة ، براسك حظ واجهه أبو الحـسن.
180
رفعت راسـي عليه وحقد الدنيا كله تجسد بكلبي أتجاهه
دفع الفضل بقوة ويحجي بتحذير ويهدد
لـؤي: أنتَ وأبـو الحـسن والأكبر منكم كلكم ادوسكم بالقندرة أفتهمت لو أعيـد؟! وغفار لو رجال جان
ما ضم روحه طول هاي الفترة.
164
الفضل: خـوش يَـالرجال ابو عفطات ءءء أقصد ابو عضلات
انا موصل الخبر لـجدي وشوفني شلون راح تدوسة؟!
192
لـؤي: اي جرب تحجي وشوف لـؤي شلون راح يدمرك.
90
راد يبتعد وصحت وراه بصوت واهَـن
مُرجان: اسمعني قبل لا تروح لـؤي.
50

أجه عليه الفضل يريد يكومني ويدردم
الفضل: عوفي عوفي دواه يمي.
65
نهضت على حيلي وتقدمت على لـؤي
واكف ورافع راسة بكل شموخ يتوقع مُرجان خافت منه
تقربت منه كلش وهمست متجنبة الفضل يسمع
مُرجان: مو بس اني اللي شفت.!!
وطرفة هم شكت منك لجدو.!! وسمعتها كالت لخضر
اللي يلعب من وره ظهرها راح تلعب عليه وعلى عشيرتة.
292
فتح عيونه على وسعها مصدوم من كلامي
ما أعرف شنو اللي بينه وبين طرفة
بس دام أبـو الحـسن راد ازعزع الثقة بيناتهم
معناتها أكيد اكو مصالح مُشتركة، وردة فعل لـؤي
حالياً تثبت هـذا الشـي، درت وجهي أريد امشـي
ورجع سحبني من ايدي بقوة موكفني
لـؤي: وبعد؟! شحجت بعد؟! شكالت هاا؟!
117
تقرب الفضل دفر لؤي بعصبية وماد أيدة
حاجز بيناتنة وعيونة تطافر منها شر
الفضل: أيدك لـؤي لا تنكسر.
158
مُرجان: الحليم تكفيه الأشارة لـؤي.
64
هز راسة بوعيـد وأبتعد من يمنة، باوع لفضل
أريدة يسندني احس راح اوكع مـن طولي
مُرجان: أسندني الفضل، عادي؟!
50
مد أيدة لزمتها بقوة وذبيت ثكلي عليه
الفضل: أتچـي ياعيـن الفضل أيچـي والذنب بركبتج.
411
مُرجان: ماعليك ذنب بعدك صغير.
46
الفضل: رحم الله والديج، كلها حَسبة أيام وأدخل بالـ14.
126
مُرجان: بعـد كدامك سنة.
30
ضحك وهز راسة بأيجابية
مُرجان: وين أديب؟! مو جان يمك؟!
30
الفضل: اي يمي ونام بغرفتي أجيت انطيكم خبر راح يبقى يمنة الليل.
40
مُرجان: لا كعدة خلي يجي يمنة.
22
الفضل: ما ناكل بشر مُرجان.
61
مُرجان: ما أريده يضايقكم لا تفهمني غلط.
20
هز أيدة الثانية يتصنع العصبية
الفضل: ماكو لا مضايقة ولا أزعاج بطلي هذه السوالف،
وإذا على الثقة لا تخافين راح اقفل عليه الغرفة.
69
سكتت ما ناقشتة ماحبيت افشلة،
وصلني لباب المطبخ ردت ادخل واستوقفني بسؤالة
الفضل: شيريد  منج لـؤي؟! ليش خانگج؟!
42
مُرجان: تكدر تساعدني؟! وراح تحميني.
34
الفضل: ابشري.
51
مُرجان: تروح لغرفة جدو تنطي خبر بكل الصار وتحجي اللي شافتة عيونك.
70
بقى يباوعلي مضيگ عيونه احسه ما فاهمني
الفضل: ضلت بنفسي اقرأ افكار الكبار،
شلون تفكرون انتو علموني.!!
145
مُرجان: تسويها لو لا؟!
الفضل: وليش ما تروحين تكليلة أنتِ؟!
31
مُرجان: يمكن ما يصدكني بس أنتَ راح يصدكك.
26

هـز راسة بأيجابية وفتح باب المطبخ بقوة ودخل يصيح بعالي صوتة
الفضل: وينك جدي؟!
141
أبتسمت ودخلت كعدت بالمطبخ وامسد على ركبتي
بهدوء احس انفاسي ما منتظمة،
طلعو الأغلبية على صوت الفضل لأن خبص الجو
الرماح: ليش صوتك عالي الفضل؟! شصاير؟!
45
الفضل: شيصير بعد جدي شيصير؟!
لو ما متلاحك لـؤي ومصايبة جان هسه
مُرجان طلعت جنازة من هذا البيت.
124
الرماح: احجي مثل البشر شجاب لـؤي على مُرجان؟!
29
الفضل: شفتة خانگها يريد يموتها، بالموت الأحمر يلا كدرت اطلعها من بين اديه.
91
أسمع الرماح يستفسر بعصبية شلون؟! وليش؟! ووينها؟!
دخلو للمطبخ وانـي جنت محضرة دموعـي،
دنكت ابجي ويا دخول الرماح، رفع راسـي بأيدة
وصارت عينه على ركبتي وعرفت اثار الخنگ مرسومة عليها
الرماح: ليش؟!
106
ضميت وجهي بباطن كف أيده وتمسكه بي بقوة، اشهگ واحجي
مُرجان: لأن حجيتلك الصبح باللي سواه،
راد يموتني بس لأن ردت احميك وأبعد عنك أذيتة.
196
هز راسة بوعيـد وطلع من البيت يرعد،
الفضل غمزلي وطلع وراه والتمن عليه اخواتي وعمتي
بلقيس وبثينة يستفسرن ويسألن وحجيتلهن كلشي
بلقيس: نذل.!! هو النذل شتتأملين منه؟!
فوكاها يحرك بستان عمة سلمان حتى يسوي فتنة.
71
غيـد: شعنده وياه ويحرك البستان مالتة؟!
34
بلقيس: سلمان وسلطان ما واحد يطيق الثاني،
ولو مو الرماح وراهم من زمان لو يتذابحون لو كلمن يهج بديرة.
58
سكتت ما علقت، رفعت عيني على طرفة واكفة بالباب
ضحكت بشماتة ودارت وجها وطلعت،
طبطبت عمتي بلقيس على كتفي بحنية
بلقيس: كومي حبيبتي نامي أرتاح وأن شاء الله ماكو إلا الخيـر.
66
نهضت من مكاني وغيـد وياقوت وياية،
دخلنا غرفتنة وكلمن لفراشها، سحبت تلفوني كان
واصلني مسج مـن أبـو الفهـد
نـوح: ”تعالـي ويا آذان الفجر“.
83
استصعبتها أطلع هيج وقت ويمكن أحـد يحس عليه
مُرجان: شلون أطلع بهيج وقت؟!
27
نـوح: مـن الباب تطلعين.
212
تنرفزت ولو يمي يمكن اضربة راشدي أفر
وجهة، عضيت طرف البطانية أحاول أكتم غضبي
بس ما كدرت وصحت متنرفزة
مُرجان: أنتَ شبيك؟!! أثول لو مستثول؟!
104
ياقوت: أعوذ بالله أعوذ بالله ويامن تحجين ولج؟!
71
غيـد: ويا طحنون.
84
ياقوت: منـو هـذا؟!
غيـد: الجن مالت بيت الرماح اسمة طحنون.
126
رفعت راسي عليهن ياقوت صافنة وغيـد ضحكت
غيـد: والله همه يسمونة هيج، الفضل كال.
55
مُرجان: يعنـي عدهم جن؟!
38
غيـد: اي هو جن واحـد يفتر على بيوت الرماح،
وهواي مرات يشوفون أشياء مُخيفة بعدين
يستعينون بسيد او شيخ او روحاني ويطهرلهم البيت.
66
ياقوت: وبعـد ما يرجع؟!
غيـد: بلي يرجع بس حسب مزاجة.
63
مُرجان: الله الله الجن هم عنده مزاج.
51
ياقوت: جن بيت الرماح different.
256
غيـد: ساعة السودة يوم رحتـي قسم بي انكليزي.
68
غطت راسها وياقوت لزكت عليها تحجي كلمات
وجمل انكليزية تريد تغثها أكثـر،
وانـي ضبطت المنبه ويا صلاة الصبح وغفيت
بسرعة من التعب،
حسيت على هزاز تلفوني قبل لا يدگ المُنبه
باوع للأسم وبصعوبة فاتحة عيـوني، بس كان رقم
غريب، ما أعـرف لـيش فـز كلبي وتأملت عمي ظافر
كعدت على حيلي بسرعـة وجاوبت بلهفة
مُرجان: الـو.!!!
46
زفرت أنفاسي بخيبة أمل مـن ما سمعت صوتة
غفـار: كعـدتج مـن نومتج مو؟!
109
مُرجان: وينك غفـار؟!
غفـار: تعالـي لـ غرفة أبـو الفهـد.
90
نهضت مـن مكاني بسرعة، شمرت حجابي على راسي
وطلعت بهدوء مـن الغرفة، فتحت باب المطبخ وطلعت
منها، امشي بأتجاه البستان وكلبي يرجف،
هدوء الليل ووحيف الأشجار الهادئ مخيف،
جمدت بمكاني مـن حسيت خطوات أقدام وراية
أقتربت منـي أكثر ردت أصيح أو أركض بس سبقني بالكلام
لـواء: كملي طريقج ليش وكفتي؟!
186
أنداريت عليه بسرعة ملثم كلشي ممبين منه
مُرجان: وين غفـار؟!
31
لـواء: الحمدلله بخير شلونج أنتِ؟!
219
تمشى كدامي بخطوات عادية واني أركض ومملحكة بي،
صارت عيني على نـوح واكف مسافة شوية بعيدة عن
الغرفة، فتح الباب كدامي لـواء وأشرلي أدخل
لـواء: هنـا غفـار.
48
دخلت بسرعة حاضنة نفسي
من البرد من الخوف من التوتر،
كل حيلي يرجف أحـس هيج أمـور
هواية عليه، بقيت واكفة ورة الباب
وعيوني دمعت وهو يباوعلي مبتسم
غفـار: منو مزعلج مُرجانة؟!
136
مُرجان: الدنيا كلها مزعلتني.
78
أشرلي على مكان قريب منه
غفـار: لا تبجين تعالي يمي واشكيلي منهم.
152
كعدت يمة وماكدرت أسيطر على دموعي
أحـس بية شي.!! أريـد أبجي.!! أريد أصـرخ.!!
تراكمت عليه هواية أمـور وبس يمة كدرت أشكي
مُرجان: أنتَ غفـار.!! أنتَ اول واحد بيهم مزعلني،
مـن أجينة لهذا البيت وأنتَ ماكو، وفوك كل هذا
شوفتك صارت بيها شروط ودخلتني بمصيبة كبيرة،
يمكن جدك يكطع راسي أذا عرف الحقيقة.
58

غفـار: تخَـسين أحد يدنالج وانا موجود.
106
مُرجان: بس أنتَ ما موجود.!! متحامية بصيتك وأنتَ ماكو.
78
توسعت أبتسامتة وميل راسة مركز بوجهي
غفـار: متحامية بصيتي؟! يم منو؟!
176
مُرجان: يمهم كلهم، ما أعرفك أذا كدها او لا،
بس كلت أنتَ بظهري، راح تكون بظهري مو؟!
71
طلع قطعة قماش صغيرة مـن جيبة
وتحرك بالكرسي مالتة متقرب منـي
مـد أيدة اللي بيها قطعة القماش وصار
يمسح بدموعي منا ومنا بهدوء
غفـار: أستقوي بيه يمهم، وأضعفـي يمي.
332
مُرجان: الدموع اللـي تطيح من عيني يطيح
وياها ضعفـي وأرجـع اقوى.
55
غفـار: نچـرة أنتِ يَـابا.
117
أبتسمت على كملة ”يَـابا“ يلفظها بطريقة حلوة وغريبة
غفـار: وغيـر غفـار، منـو مزعلج؟!
52
مُرجان: لـؤي خنگني اليوم راد يموتني،
بس لأن كلت لـجدو شفتة هو يحرك البستان.
37
غفـار: بيا أيـد خنگج؟!
137
بلعت ربگي واني مركزة بعيونة
مُرجان: اللي ما متصاوبة، ومو بس هيج
ضرب ظهري بالحايط مرتين بقوة لهسه يوجعنـي.
83
غفـار: وغيـر لـؤي ياهو بعد غثج؟!
48
مُرجان: طرفة نبتت السجين بركبتي تهددني احجي
شي ما شايفتة اني وهم كانت تريد تزوجني لـ خضر.
58
ضحك وفرگ وجهة يستغفر
غفـار: وشبي خضر؟! خوش ذكر.!!
113
بقيت صافنة بوجهة وهو رجع ركز بعيوني مبتسم
غفـار: لـؤي تنكسر أيدة اللي نمدت عليج،
طرفة احركلج كلبها بجنازة أبنها،
وغيره يَـابا وغيره منو زعلج؟!!!
141
مُرجان: أنتَ مجـرم؟!
52
غفـار: أدرجيني تحت المسميات اللي تعجبج
ما يشكل عندي فرق دام جاي أخـذ حقج وأبرد كلبج.
81
مُرجان: ليـش تسوي هيج؟!
20
غفـار: أعوضجن دلال ظافر.
64
رجعت نزلت دموعي من جاب طاريه
مُرجان: تعرف شي عنه؟! أمانة بس طمني والله كلبي نار.
23
غفـار: لو أعـرف ما أنتظرج تسألين،
كل اللـي أعرفة حالياً هو مسافر، وين وليش مادري.!!
63
مُرجان: ما يعوفنة بهذهِ السهولة وفوگ كل هذا
ترك أديب هم يمنة ما أخذه.
25
غفـار: راح أعرف وينه وليش راح بس انطيني صبر.
40
هزيت راسـي متأملة بي يعرف ويريح كلبي
غفـار: اكو أحد مزعلج بعد لو خلصو؟!
28
مرجان: وبعـد نـوح هم دايضوجني،
ينتر بيه ويصيح عليه ويعاملني كأنو أشتغل عندة.
99
غفـار: عنـده شهامة زايدة مطلعها عليج أعذري.
191
مُرجان: يستفزني غفـار، يخليني اكول كلام ما اريد اكولة.
35
غفـار: راح يجر وياج عدل منا وهيج، وبعـد؟!
37
مُرجان: شوكت ترجع؟!
غفـار: تردين أرجع؟!
45
مُرجان: لأن عرفتك قبلهم أحس بس أنتَ أمان.
160
غفـار: يومين والثالث انا يمج.
80
أبتسمت أبتسامة عريضة فرحانة
مُرجان: غيابك مرجف كلوبهم، حضورك شراح يسوي؟!
76
غفـار: يوكف كلوبهم.
121
مُرجان: أنتَ تستاهل يحطونك بالمتحف والله.
98
ضحك بصوت عالي كلش ، أنفتحت الباب بسرعة
ولـواء يدردم عليه متعصب مدري شبي
لـواء: حتى الموتى فزت من الكبور تريد الرماح
ما يفز مـن نومتة على هاي ضحكتك؟!!!
179
ما أهتملة واني احس فشلت بقيت مدنكة راسي
ومبتسمة، طلع لـواء ورفعت عيني اباوع لأبـو الحـسن
مُرجان: وهسه فهمني ليش تخليني اسوي مصايب؟!
37
غفـار: لازم تصير مصايب يتلهون بيها بيناتهم
حتى يبتعدون عنج وعن اخواتج.
37
مُرجان: بس لـؤي مخليني ببالة هسه
شلون راح يبتعد عني؟! وفوك كل هذا هددني يأذيني.
26
غفـار: بياع حجي هذا ما يسوي شي.
41
مُرجان: غفـران شلونها؟! ووينها؟! وروكان شلون صار؟!
27
أختفت أبتسامتة وجاوبني بجمود
غفـار: روكان بعده ماكعد، وكومـي أرجع يلا تأخر الوقت.
61
مُرجان: ليش متجاوبون؟! بس أريد اطمن عليها؟!
غفـار: انسيها حالياً.
38
ما لحيت وياه يمكن صاير شي أكبر ومايريد
يحجي، نهضت من مكاني أمسح بوجهي
مُرجان: بمنو أكدر أثق؟!
23
غفـار: بالوقت الحالي عميمة بلقيس ونـوح.
64
هزيت راسي ودرت وجهي أريد أطلع وهو
صاح وراية بصوت هادئ
غفـار: مُرجانة؛ تِرياق العليل تعالجيني؟!!
233
مُرجان: وتحميني؟!
63
غفـار: أقدملج روحـي قربان.
286
أبتسمت فرحانة لأن يريد يتعالج وهزيت
راسي بأيجابية، مديت أيدي
على الباب أريد افتحة وأنفتح بقوة ضربني براسي
رجعت ليورة بسرعة وعطت متألمة
غفـار: الله الله على كيفك يَـابا هو هيج كالو؟!
77
رفعت عيني على لـواء خازرتة لان تأذيت
من ضربة الباب، باوعلي ورجع باوع لـ غفـار
لـواء: ردت أطمن على الوضع لأن الشيطان قوي.
245
مُرجان: اي مو ضارب أبر B12.
139
لـواء: بالله أنتِ شيطانج بي كساح بس هذا لا.
125
حجاها وأشر على غفـار وهو يضحك، كلش فشلت
وهو صلف ولا يمة الموضوع، ضربتة بقوة على رجلة
هوى على الأرض بسرعة لازم رجلة متوجع
لـواء: طاح حظ شواربك سيدي.
94
مُرجان: حتى مرة ثانية تدك الباب يا قليل الذوق.
51
عفتة وطلعت وهو طلع يركض وراية يعرج
لـواء: اليعجبني بيج تذبين ميانة بسرعة،

بس عايني اخواتج هم هيج لو نفسيات؟!!!
153
مُرجان: ماعليك بأخواتي خوش؟!
لـواء: أحد كلج رايد رقمهن؟! شو ما تستحين أنتِ؟!
98
وصلت باب المطبخ وهو وراية، وكفت وأنداريت عليه
مُرجان: تفضل اتريك يمنه، واكعدلك جدك يتريك وياك شرايك؟!
53
دفعنـي ودخل خلاني فاتحة حلكي
لـواء: والله فكرة حلوة.
50
دخلت وراه وهو راح للثلاجة طلع فواكه ويحجي وحده
لـواء: يا يابة شكد مشتاگ لملكة سبأ.
59
مُرجان: منو هاي؟!
لـواء: بلقيس ملكة سبأ متعرفينها؟!
80
سندت كتفي على الباب بين المطبخ والصالة
وهو منطلق يدندن وكام يسوي لفات جبن
مُرجان: شلون ينطيك كلبك تصاوب ابن عمك؟!
34
لـواء: لو انا اريد أأذي وحدة من اخواتج شراح تسوين؟!
23
مُرجان: نفس اللي سويته أنتَ.
28
لـواء: خلص بعد، وانا ما يوكف بعيني بشر
عمي سلطان مرتين صوبتة مرة بأيدة ومرة برجلة
بس لأن حاول يأذي غفـار وهو بهذا وضعة.
46
مُرجان: شنو سبب أعاقة غفـار؟!
لـواء: حادث.
42
مُرجان: مرة كال ”المستشفى يوم طاحت على المرضى فشلة تتعَمر“ واللي فهمتة جان أحد متأذي بسببه؛ منـو؟!.
42
كمل اللي بأيدة وخلاهن بصينة، شالهن وراد يطلع
لـواء: روحـي صلي وأستغفري ربج وادعي يغفر ذنوبج وارجعي نامي.
101
عافني وطلع بسرعة متجاهل سؤالـي،
ينرفزني هيج أسلوب؛ وينرفزني اللي يتجاهل سؤال؛
ما يعرفون الحيرة والفضول والقلق اللي بداخلنا
أتجاه هيج مواضيع، زفرت أنفاسي بنرفزة ورجعت
للغرفة دخلت لفراشي بهدوء وفزيت على صوت غيـد
غيـد: وين جنتي؟! صاير وياج شي؟!
45
خليت راسـي على مخدتها وجاوبتها بهمس
مُرجان: شفت أبـو الحـسن؛ ابن عمج بس ما أعرف
شصاير وطالع مـن البيت هذهِ الفترة.
23
غيـد: شتردين منه؟!
21
حجيتلها كلشي ما أحـب أضم عليها شي لأن
واعية وتتفهمني وتساعدني كثير،
رفعت راسها عليه وصفنت بموقفي ويا لـؤي
غيـد: ما شاء الله موقف ينتفل عليه.
165
مُرجان: اي والله، وفوك كل هذا فشلني هذا ابن
عمج الجحش الثاني.
35
غيـد: بيت الرماح كلهم عدهم ألتهابات شخصية.
86
مُرجان: عرفنة عَـدوة ياقوت منين.
54
ضحكت ومسدت على شعري بحنية
غيـد: صارلج يومين ما نايمة زين نامي،
عيونج ذبلانة كلش.
31
أبتسمت بأمتنان وغمضت عيوني، غفيت
بسرعة مـن التعب، ما كعدت غيـر ثاني يـوم على
صوت أديب وياقوت متناكرين بالغرفة
ياقوت: أنجب وما تروح.
23
أديب: لا تغلطين ياقوت، ومو بكيفج اني اكول لـ مُرجان.
22
ياقوت: لعد أنجب مرة ثانية وأطيح حظك اذا طلعت.
32
صار يتأفأف ضايج من ياقوت
أديب: لا تغلطين لا تغلطين مو محترمج اني.!!
86
رفعت راسي عليهم كوة فاتحة عيـوني
مُرجان: خير من صباحيات رب العالمين؟!
21
ياقوت: أخـوج يريد يطلع ويا الفضل للملعب.
23
أديب: الملعب هنا قريب وكل الولد تروح هناك شبيها؟!
23
مُرجان: تمام روح بس ألبس زين ولا تتأخر،
تلفونك بأيدك شوكت ما أتصل عليك تجاوب بسرعة.
63
أديب: تمام وما اتأخر والله.
20
غير ملابسة وطلع يركض فرحان راح يطلع،
باوعتلي ياقوت ما عاجبها الوضع
مُرجان: ممنوع اسمعج تغلطين عليه مرة ثانية.
22
ياقوت: شلون تأمنين يطلع ويا الفضل؟!
مُرجان: خلي يطلع من أجينة لليوم هو ماطلع من البيت.
27
هزت راسها بنرفزة ونهضت من مكانها تريد تطلع
مُرجان: غيـد ويـن؟!
21
ياقوت: كاعدة يم نسوان المنطقة.
94
مُرجان: ليش وينهن نسوان المنطقة؟! وشتسوي يمهن؟!
20
ياقوت: اجن مجموعة نسوان اليوم تغدن يمنة،
وهي بقت يمهن ويا بثينة وعمتـي بلقيس.
24
نهضت من مكاني خليت شال على راسـي وطلعت،
وفعلاً كان اكو مجموعة نسوان واللي فهمتة
جايات يعزن عمتي بلقيس بوفاة غفـران؛
غسلت وسلمت عليهن ودخلت المطبخ
مُرجان: خالة فاطمة شلونج؟!
24
فاطمة: الحمدلله يمة، هاي عگبتلج أكل ما كعدنج على الغدة.
26
مُرجان: تسملين خالة ليش تعبتي نفسج؟!
20
فاطمة: ماكو تعب يمة، شوفي وجهج شلون صاير
أصفر، اكلي يمة اكلي خلي ترد روحـج.
15
أبتسمت وكعدت يمها بالمطبخ أكل،
بعدين سألتها على طرفة وخضر
فاطمة: طلعت تشوف بستان سلمان.
27
هزيت راسـي وبقيت أباوع للبستان من شباك المطبخ،
فترة وأجة لـؤي يمشي بهمة ودخل البستان،
بدون تفكير طلعت أركض للبستان أكيد اكو شي
من اقتربت منه تمشيت بحذر واسمع لـؤي يصيح
لـؤي: تعرفيني أنتِ لو يحتاج اكلج انا شنو؟!
اذبحج وادفنج وأضيع أثرج طرفة لا تلعبين بذيلج.
61
بس هو يحجي ويصيح وهي ما ألها صوت،
تحركت كم خطوة أريد أشوف شدايصير
شفته خانگها وهي ترفس بين أديه روحها تريد تطلع
ردت اتقدم وامنعة بس بعدين فكرت اني شعليه بيهم
عساهم نارهم تاكل حطلهم، أنداريت اريد
أرجع للبيت وصار كدام عيني نـوح واكف مسافة
بعيدة ورافع تلفونة صورهم،
تقدمت بأتجاهه بس هو من حس عليه أبتسم

ودار وجهة ورجع لغرفتة ببستان الرماح
مُرجان: منين اتلكاها من لـؤي الخبل مو من هذا المُستفز،
لـو من لـواء الجحش لو ذاك أبـو الغموض.
97
ضربت رجلي بالكاع بقوة متنرفزة
ورجعت للبيت كعدت يم عمتـي بلقيس
والنسوان حجاية حلوة و10 يلعبن النفس
ويعلقن علينا اني وغيـد وما عاجبهن العجب بكلشي،
إلا وحـدة منهن كبيرة بالعمر تباوعلي ومبتسمة
بهجة: أنتِ شسمج؟!
مُرجان: مُرجان.
40
بهجة: شكد عمرج أنتِ؟!
مُرجان: 24 خالة.
75
ابتسمت وهزت راسها أندارت على عمتي بلقيس
مدري شتهمسلها وعمتي بس تهز براسها،
بقن فترة وكامن طلعن، من سألت عمتي عليها كالت
بلقيس: عوفيها هاي تحب السوالف.
51
ما علقت على الموضوع، ومـرت الساعات نفس الروتين
المغرب كلش كاعدين بالمطبخ بس اني وغيـد
ودخـل لـؤي جهة من وجهة زرگة وعينة مورمة
فاتح بس تك عين واضح محصل ضربة قوية
رفعت راسها غيـد عليه وتحجي بلطف
غيـد: بيك شـي؟! شبيها عينك؟!
62
لـؤي: لا تدخلين بشي ما يعنيج.
27
غيـد: داتمطر لـؤي.
72
صفن بوجها ما مفتهمها وحتى اني ما فهمتها
لـؤي: وشسويلها؟! انصبلها مضلات؟!
36
غيـد: أنت لابس نص ردن راح تتمرض هيج.
76
بقى مركز بيها واني كرصتها من رجلها،
دنكت راسها تتجنب نظراتة وكملت كلامها
غيـد: ألبس شي مو زين على أيدك تبرد.
100
فرگ وجهة وتخربطت كل أحوالة بس حاول
يمثل الثبات، غيـد فشلتة بأسلوبها اللطيف،
ثوانـي ورجع باوعلنة بملامح لـؤي الخنيث الحقيقي
لـؤي: اي مرجان؛ أديب وين؟!
64
ردت أجاوبة واكول بالملعب بس أبتسامتة
المستفزة وكفت شعر راسـي، نهضت بسرعة من مكاني
متقربة مني وسارت رجفة بجسمي من القلق
مُرجان: وينه؟! شسويت بي ها؟! لـؤي أديب ما اله ذنب.!!
33
لـؤي: على كيفج قابل كتلج معلكة بمسلخ المتحامية بي.!!
46
فتحت عيوني على وسعها وضربتة بكل قوتي
على صدرة راد يوكع لو ما يلزم الحايط
مُرجان: لك طفل يا حقير طفل شذنبة؟!!
18
لـؤي: ذنب اختة اللي صارت تلعب شاطي باطي.
55
بـدون وعي مني سحبت السجين وردت أهجم عليه
ركضت عليه غيـد لازمة ايدي تتوسل بي
غيـد: عوفي السجين مُرجان شوفي شيريد.!!
21
أخذتها من ايدي واني نظراتي على لـؤي يضحك بأنتصار
مُرجان: شتريد لـؤي؟!
14
لـؤي: تكولين لجدج الرماح سالفة حرگ البستان جذبة منج.
26
مُرجان: من أنتَ صرت سَـبع ورحت حركت البستان عادي
بس ما تصير سَـبع وتعترف بسوالفك مو؟!
21
لـؤي: تجذبين الجذبة وتصدكينها؟! أنتَ تعرفين مو انا
ليش هيج سويتي؟! منو دفعج عليه؟!
26
مُرجان: رجـع أديب وراح احجي اللـي تريده.
17
لـؤي: منيلج هاي الدروب؟! روحـي احجي لجدج
بالاول الحقيقة وبعدين يرجع أديب، وإذا تردين تلعبين
بذيلج وتكولين لـؤي أخذ أديب حتى احجي غير حجي
يرجعلج أديب جثة والخلقج وانا اسويها واسألي عني.
46
دار وجهة يريد يطلع وكمل كلامة بصوت عالي
لـؤي: كدامج ساعتين بس فكري بيها صح.
19
صاحت عليه غيـد مستوقفتة، وكف بالباب وأندار
عليها يأشرلها براسه بمعني شتريد
غيـد: قبل شوية حجيت عليك وضميري أنبني
لأن كلت عليك عار بس هسه ارتاح ضميري
لأن طلعت عار بجدارة.
72
لـؤي: لسانج خلي بحلكج لا اسوي أكل للچلاب.
31
غيـد: أكل الك مو؟! أنتَ أچلب چلب شفتة بحياتي.
87
راد يرجع عليها بس دخلت بثينة للمطبخ واتراجع
هز راسة بوعيد وطلع من المطبخ راكع الباب وراه بقوة
كعدت بالكاع احس رجلية ماتن ما شالني اني
والحمل الثكيل الوكع على أكتافي
غيـد: شراح نسوي مُرجان؟!
16
رفعت راسـي عليها عيونها مغورگة والعبرة خانگتها
مُرجان: ما ادري غيـد ما ادري ورطني وياه ورطني.
28
نهضت من مكاني وطلعت أركض من المطبخ للبستان
وهـي تركض وراية ما فاهمة شريد اسوي
غيـد: وين تردين ولج مُرجان؟!
23
ما جاوبتها وصلت غرفة نـوح أدور عليه ماكو،
ركضت لمكان الخيـل لكيته هناك ينطيهن أكل
رفع عينة علينا مـن سمع صوت خطواتنة الضوضائية
نـوح: خيـر يَـاحفيـدة...
40
قاطعتة بسرعة
مُرجان: أتصل بي بسرعة.!! أتصل بأبـو الحـسن.
16
نـوح: شمالج ترعدين؟! أكو شـي؟!
18
عطت بي مقهورة اني بيا حال وهو بيا حال
مُرجان: شعليك بيه شعليك؟! هم عايزة أكعد اشرحلك.!!
20
بقـى مصدوم من حالتـي وأنهياري، تدخلت غيـد تهدأ الوضع
غيـد: ضروري نحجي ويا أبـو الحـسن لأن واكعين
بمصيبة وبس هو يكدر يساعدنة، لطفاً اتصل عليه.
57
هز راسة بدون ما يحجي شي وأتصل عليه
أكثر من مرة وينطي رفض ما يجاوب
نـوح: من ينطي رفض يعني ما يريد يحجي.
21
مُرجان: دزلة مسج اكتبلة مُرجان محتاجتك ضروري.
15
دز مسج وبقينة واكفين ننتظر رد، لا هو سأل بعد
ولا احنه حجينة ووضحنة شصاير، كم دقيقة وأتصل غفـار
قدملي التلفون أخذتة من أيدة وأبتعدت عنهم
مُرجان: كنت تعرف راح يصير هيج مو؟!

ليش ورطتني وياك؟! بدل لا تحمينا شمرتنة بتهلكة.
25
غفـار: اعصابج يَـابا وفهميني شصاير؟! بشنو ورطتج انا؟!
30
مُرجان: لـؤي أخـذ أديب ومخلي بالمسلخ
ساومني إذا ما اروح احجي الحقيقة للرماح راح
يذبح أديب، شسوي بهل حالة ها؟!
25
غفـار: نص ساعة واردلج خبـر.
30
نزلن دموعي متخبلة على أديب وعطت بي
مُرجان: يا نص ساعة غفـاار؟!! داكلك معلكة بالمسلخ.!!
شسوي هسه اذا حجيت راح يذبحة.!!
22
غفـار: مقدر خوفج وحقج يَـابا بس انطيني مجال
أتصرف وارجعلج أديب ؛ ضيعيتي دقيقة من وقتنة.
40
بدون لا أجاوبة غلقت الخط بوجهة
ورجعت انطيت التلفون لـ نـوح
مُرجان: كال نص ساعة ويتصل اذا اتصل انطيني خبر.
13
نـوح: بالخدمة.
54
سحبت غيـد ومشيت من يمة بقت روحـي تلوب
احس أريد اتخبل، شلون هيج ما فكرت بيها
شلون ما أجت بعقلي لـؤي خطر لهذهِ الدرجة.!!!
كعدنة بظهر البيت حضنت راسي بين كفوف ادية
وأجهشت بالبكاء، تربطن أدية ما أكدر اسوي
اي شي غير أنتظر غفـار أو اروح احجي لجدي الحقيقة
غيـد: لا تبجين مرجان راح يرجع والله.
30
مُرجان: كله بسببي وسبب غبائي، لو ما ماشية أبـو الحـسن من البداية جان ما انجبرت اندگ بـ لـؤي ويطيح حظي.
23
غيـد: مكتوب يصيرلنا هيج لا تلومين نفسج.
26
سكتت ما بيه حيل حتى للكلام، والنص ساعة
تعادل ساعات بهذهِ اللحظات، رجعنا اني وغيـد لـ نـوح
وكان بعدة أبـو الحـسن ما متصل بي،
بقينة كاعدين قريب منه يم الخيـل لما أتصل وهو جاوب
نـوح: يا هـلا…هنا يمي ماراحت…تمام سهلة.
24
اجة عليه انطاني التلفون حتى احجي ويا غفـار
مُرجان: شصار؟! لكيت حل؟!
13
غفـار: تروحين هسه على لـؤي تحجيله هل حجاتين
”ويــن رحيــم“ وراها بربع ساعة يرجعلج أديب.
107
مُرجان: منو هذا؟! وشلون متأكد راح يرجع؟!
16
غفـار: سوي مثل ما جاي اكلج ولا تضيعين وقت.
18
حجاها وغلق الخط؛ رجعت التلفون لـ نـوح وتشكرت منه
مُرجان: شكراً نـوح، واسفة عليت صوتي عليك بس أنت استفزيتني.
23
نـوح: من أجل عين الف عين تُكرم.
84
هزيت راسي بأمتنان ورحنة اني وغيـد ركض
لبيت سلطان، دكينة الباب وبقينة واكفين ننتظر احد
يفتحة، ثواني وفتحتة مديحة
مديحة: اليوم يمنة؟! تفضلن.
21
مُرجان: شكراً عمة بس لـؤي موجود؟!
مديحة: شسوين بي؟!
28
مُرجان: محتاجتة بشغلة إذا ما تصير
زحمة عليج إذا موجود يصحيلياه.
12
ملامحها جامدة وما عاجبها اي شي،
هزت راسها ودخلت للبيت تصيح بأسم لـؤي
ثواني وطلع علينا مبتسم
لـؤي: هـا مُرجان؟! حجيتي بهذهِ السرعة؟!
31
عدلت وكفتي ورفعت راسي بشموخ
احاول اشتت شعور الضعف الي أجتاح كلبي
مُرجان: أجيت اسالك لـؤي ”ويـن رحيـم“؟!
43
صفن بوجهي يستوعب كلامي، وفتح عيونه بتعجب
لـؤي: يا رحيـم مُرجان؟!
32
مُرجان: والله أنتَ أعرف يا رحيـم.
28
طكن شرايين جبينة، دفعني من كدامة بقوة
وطلع يركض مثل الميتلة ميت متخبل،
أنداريت على غيـد عينها عليه لما صعد السيارة
غيـد: تتوقعين منو رحيـم؟!
96
مُرجان: ما أعرف بس واضح عزيز عليه حيل.
23
غيـد: صح ردة فعلة مو طبيعية أذا كان شخص عادي.
20
مُرجان: ما يهم المهم يرجع أديب بخير.
16
هزت راسها وسكتت، تمشينة كعدنا بباب المطبخ
ننتظر رجعة أديب، طلعت ياقوت علينا معصبة
ياقوت: وينجن أنتن؟! صار ساعة أدور عليجن.!!
28
غيـد: لا اني ولا مُرجان امج شكو مدورة علينا.
23
ياقوت: انجبن ترة أخواتي شلون ما أدور عليجن.
18
مُرجان: صايرة هواية تغلطين وعلى يوم اشگ حلكج.
56
اعتذرت وكعدت يمنة على الواهس
ياقوت: مو كتلج لا تخلينة يطلع شوفي تأخر وقلقنه عليه.
18
مُرجان: هو أنتَ أول مرة تكولين شي مفيد وما سمعناج.
55
ضحكت وبقت تحاول تلطف جو من شافتنة ضايجين،
رغم ما حجينالها بالموضوع لان تخلصها علينا بواجي،
مثل ما كال أبـو الحـسن ربـع ساعة ورجـع أديب
ركضنة عليه نحضن ونبوس بي من الخوف
مُرجان: وين جنت أديب؟! خمو بيك شي؟!
20
بقى مصدوم ويباوعلنا
أديب: ما صار شي بس جانت اكو لعبة بملعب بعيد
وجنه رايحين عليها ويا صديق لـؤي بس رجعنة
كال تأخر الوقت.
36
مُرجان: والفضل وين؟! ليش مو وياك؟!
12
أديب: ما ادري دخل يلعب وبعد ما شفتة.
20
مُرجان: اني شكتلك ها؟! مو كتلك حدك هذا الملعب
شلون تروح لملعب بعيد، ممنوع تتحرك خطوة بدون الفضل بعد ترة والله امنعك من الطلعة.
18
أديب: شبيج مُرجان شسويت اني؟!
18
أنهاريت وفقدت أعصابي من خوفي عليه،
سحبتة مني غيـد تنسي الموضوع ودخلو للبيت كدامنا
واحنه دخلنا وراهم ؛ جـدي كان مو على بعضة
يطب البيت ويطلع يصيح ويرزل اي واحد يجي كدام عينه
خضر حابس نفسة بغرفتة وطرفة طول الوقت لونها
مخطوف وضعها غريب كلش.
53
عمتي بلقيس يومية تروح يم روكان تخلص نص
النهار يلا ترجع عيونها مورمة مـن البجي

مُرجان: شلون صار روكان؟! ما كعد؟!
20
بلقيس: ما كعد بعدة ذاك الطول الحلو بفراش المرضى.
40
ما بأيدنا غيـر الدعاء ونتأمل يكعد،
الضربة اللي على راسة حيل مأثرة بي ؛
وهيج مرت اليومين كانت هدوء بالنسبة النا
بعد الصار، لـؤي بعد ما شفتة وأبـو الحـسن كل ما
أريـد احجي وياه يكول لـ نـوح
غفـار: خلي تنتظر رجعتـي.
32
وما يقبل يحجي ويايه على التلفون،
حسيتة ضاج مني لأن صيحت وحجيت عليه
بس ردة فعلي مو بأيدي أخوية بين ادين نذل شلون
يريدني أتصرف اخلي رجل على رجل وانتظر فرج الله؟!
27
باليـوم الثالث احنه بالمطبخ وصاح الرماح على عمتي
الرماح: جهزي البنت يَـا بلقيس اجتها قسمتها.
67
بلقيس: يا بنت بوية؟! ومنو قسمتها؟!
9
الرماح: مُرجان، حجة ويايه علمودها ابو فيصل
وجايين اليوم هو وعائلتة حتى يشوفوها.
150
بلقيس: وشلون تزوجها بدون لا تاخذ رأيها؟!
لو هم تريد تجبرها يا بوية ومن تعترض تذبحها؟!
16
الرماح: ضبي لسانج ونفذي الأوامر.
26
عمتي صارت تحجي ما عاجبها والرماح عصب من
كلامها وصار يصيح عليها، ما ردت عمتي تنحط بهيج
مواقف بسببنا، طلعت عليها لزمتها من أيدها أريدها تهدأ
مُرجان: لا تزعلين عمة، جدو أعرف بمصلحتي.
68
الرماح: حتى البنت أعقل منج يَـا بلقيس.
39
اندارت عليه متنرفزة تريد تحجي بس توسلتها
تسكت، كل ما في الموضوع جايين يشوفوني،
واكيد راح انطي خبر لأبـو الحـسن يساعدني ويخلصني
من هذا الموضوع، مشيتها وياية للغرفة اجهز نفسي
واحجي وياها اقنعها تسكت
مُرجان: شبيج معصبة عمة؟! أفرحي ممكن يطلع خوش ولد.
38
بلقيس: مو معناها يقرر بدون لا ينطيج خبر مُرجان،
لا يجي يوم وتقبلين بهيج معاملة لو على كص ركبتج.
26
ضحكت وتقربت منها بوستها من خدودها
مُرجان: هسه عوفج من الموضوع واحجيلي
شلون هذا الذكر؟! حلو لو لا؟!
34
بلقيس: يا تحجين صدك؟!
10
مُرجان: مشيها عمة هي شوفة وهاهي.
14
جزعت منـي وسكتت واني ماخذة الموضوع بضحك
وصرت كدام جدي الفقيرة المطيعة اللي ماكو منها،
جهزت نفسي وبقينة كاعدين بغرفتنة لما سمعت
صوت ضجتهم برة ومـن بين الكل مسمعي ركز بصوتة
غفـار: دايسين بساطك يَـالرماح ما تردنة خايبين.
220
فتحت الباب وطلعت أركض موهمة نفسي،
بس ما متوهمة هو بشحمة ولحمة،
كاشخ كشخة عريس
ووياه بيت أبو فيصـل ولـواء واكف وراه
حسيتة مثل الصقر اللي يحامي ممتلكاتة بأجنحتة.

رفع عينة عليه غفـار أبتسم من شافني
ورجع باوع للرماح وبعيونة نظرات تحدي
وهو ينطق كلماتة اللي صدمتنة كلنا
غفـار: انا طالب أيد حفيدتك مُرجانة على سنة الله ورسـولة..



•••••••••••••••••••••