وبچَيت شمِا حَوت روحِي
‏عَليك الدمِع ما أعِزه .

اليسافر للبَچي ياخذ عيوني مَتاع
أعَله چفني اولام جايه مخِيطه الدمعَه

وهسه گُلي شنهو عذرك؟
‏آني منطيك العيّون
‏وأنت گضيّت العُمر
منطيني ظهرك
‏أنت بايعني ببلاش
‏وآني خايف لا أخسرك
‏أنت كاسر كُلشي بيّه
‏وآني خايف لا أكسرك
‏ومِن بعَد كُل هذا أريدَن
‏سبب واحد حتى أعذرك
‏شنهو عذرك؟

أگضي الليل أحضر بالحجي الملگاچ..

بيا عين اضمك وانت عيني؟

لا تسَولفلي على حِزنك
أنه أفهمك
ومَاعليك مِن المسافة
وحَتى لو نحجي برسَايل
أنه يمَك
ولا تخاف عَليه أنتَ
ولا يهمك
أنه حزني يضيع
من أندَل ضحكتك .

بعيوني
‏أريدك تجي
‏لو بَس حلم عَابر
‏انطيني نسمّة هوىٰ
‏و براحتك سافر
‏لو گلبي ، لو خاطري
‏ما أعرف شكاسر

أضُم چِم ليَل مِن روحَي
‏وأسيَرلك گُمر مَتعوب .

ظلي يمي أنا اريدچ
ظلي يمي
وچهج ينسيني همي
شگلج يذكرني باهلي
صوتج والليل من أسمعه
چن بچي عند راس أمي
خل اشوفچ ماشبعت
من أمي شوف
روحي يَمها ببيتها
ضلت تطوف
هيه غُربة وليلي صعبة
وجَيه المشتاگ خوف

أهي كسّرة عظم ما تجبُر بيوم
ولا دورة سَنة وآثارها تروح
كسروا واهسِي وخَلوني مالوم
وخَايف عَلى عيوني بالبچي تروُح
- كاظم اسماعيل الكاطع

حرت مابين ألِم روحي و ألَم روحي

تذب نَفطك عليه وأنه بيه النار
وتتحَمه اعله ناريّ وما تطفيني
وصرت محبَس بديّك وكمت بيه تسوم
ساعة تبيع بيه وساعة تشريني

هّوت روَحي وهّوت بس ماهوتها الناس
‏ حچَي عيوَني سهَل بس جيب اليفهمهَ..