عسل ما يردونهة ويوكفونهة عد حدهة غير اهلهة اذا هددتهة مني الهة راح تسند ظهرهة بزيدان وما راح اثمر شي ..
تالي تشهر رباب وتتدمر
ما اضمن رد فعل رباب بس يمكن تتخبل احس بيهة هسة مرتاحة ومستقوية بينة وما ناطية الموضوع ذيج الاهمية لان احنة بظهرهة ..
اذا انكسرت هاي المرة رباب تنتهي ..

فكرت هواي واجة ابالي اكول لعقاب بس عقاب ملتهي بمصايب بيت حاتم وعمامي وهاي الشغلة ما تحتاج عقاب لان بسيطة ..

نمت بعد تفكير طويل وكعدت الصبح صليت وبدلت لبست قميص ردن كاملة اسود وبنطرون اسود لان محرم خليت شعري مفتوح واكتفيت بكحل وحمرة خفيفة ..

نزلت لكيت هنا تتريك عدهة روحة للمدرسة هية وظيفتهة مُدرسة انتبهتلي وابتسمت
:- صباح الخير هنونة

هنا :- صباح النور تعاي تريگي بسرعة لا تطلعين ع لحم بطنج

لعياء :- ما اشتهي شوكت تحفظون هذا الشي المهم باعي هنا اني رايحة بشغلة مو للمستشفى خااف اخد اله نية يجي للمستشفى خابريني

فتحت عيونهة وكلتلي :- صخام الصخمج لولو لج وين رايحة ويامن طالعة

لعياء :- مو ويه احمد عندي شغلة اسويهة وارجع فدوة ستريلي وكتلج انتبهي عليهم كلهم اذا احد راذ يجي للمستشفى انطيني خبر خوش واني راح اخابر سحر اوصيهة اكلهة خاف ع حظي ويجي احد صدفة تگلهم نازلة اكل

هنا :- خوش من تخلصين سولفيلي
لعياء :- صار من عيوني كلشي احجيلج
يلة بيباي عمري
هنا :- الله وياج

طلعت من البيت شغلت السيارة ورحت گبل للحيانية ، من وصلت ضليت اسأل ع اهلهة وبالنص ساعة يلة وصلت الهم ..
باوعت ع بيت واني بسيارتي مبينين ناس ميسوريين الحال اكيد زيدان ما غراهة لعسل بفلوس يجوز مهددهة
حطيت ايدي ع حلگي باوعت ع بيت محتارة
اخاف انزل و اورطهة للبنية وتطلع مهددة ..

بس اذا طلعت مهددة وتعاطفت وياهة راح تفضح رباب، مسحت وجهي بأيديني الاثنين بحيرة
باوعت للسماء وهمست ربي دليني الطريق الصحيح الي ينقذ اختي ..

تنهدت وبعد تفكير دام دقايق نزلت شلت جنطتي وفتحت جهاز التسجيل خاف كلشي يصير
دگيت باب البيت باوعت للجرس رنيتة و ضليت واكفة ع صفحة انتظر فتحة الباب ..

انفتح باب البيت طلع شاب طويل اسمراني باوعلي وعكد حاجبة بتساؤول
القيت السلام رد عليه ورحب بية بس شال عينة عني
گتلة هذا بيت عسل ...
باوعلي وكال هاا اي هلا بيج خوية تفضلي تفضلي هسة اصيحلهة بس هية يمكن طلعت للجامعة

لعياء :- بس اني ما جاية ع عسل جاية ع اهلهة
التفتلي باوعلي لحضات بنظرات استغراب وعيونة درست شكلي بتأني
كملت كلامي
ياريت اشوف ابوهة واحجي ويا

انتفض من كلت ياريت اشوف ابوهة وكلي
لا خوية هسة اصيحلج الحجية تفضلي تفضلي فتحلي باب الاستقبال وقبل لا افوت كتلة
لعياء :- بس اني اريد الحجي يصير گدام واحد من زلم البيت لان عندي موضوع مهم بس بالبداية نسيت اعرفك نفسي اني لعياء كامل اكون بنت زوجة المسؤول ورجل الاعمال حبيب ال.....

حسيت الزلمة عرف عندي موضوع مهم خلاني اعرف عن نفسي
فوتني وصاح لأمة اجت مرة حلوة وطويلة بحنكهة دگة خضرة تلكتني بالهلا والمرحبا وبوستني وبوستهة وكعدت وهية تباوع لشكلي بغرابة ..

دخل الشاب الي فتحلي الباب وكال انه هنا اخوهة لجبير باعتبارج ردتي زلمة من زلم البيت
هزيت راسي كعد هوا كبالي ع قنفة والحجية صاحت
استعجلي زينب ..الماي بنيتي

لعياء :- لا خالة اني ما جاية اشرب ماي لو اكعد و اسولف هواي
اخذت نفس عميق وباوعت ع ولد ضيق عيونة بحذر وكأن يعرف اختة مسوية مصيبة
كتلهم صح اكو واحد اسمة زيد خاطب بتكم؟

الولد باوع ع امه وهية باوعتلة بأستغراب
وثنينهم كالو باصوات متفاوتة
لا ماكو
ماخطبهة واحد اسمة زيد

لعياء :- يا جماعة اسفة ع حجي الي راح اگولة بس بنتكم جاي تبتز اختي وتطلب منهة اشياء ، بكلام مو حقيقي ما اعرف هية منين جايبتة بصراحة

الشاب حجة
:- وضحي وضحي تبتز اختج ترة هية ما محتاجة شي علمود تبتز احد وتطلب منة مقابل

لعياء :- للأسف اختك ما طلبت من اختي اشياء مادية اختك تگول الاختي انتِ عندج علاقة بشخص اسمة عقاب حبيب الي هوا ابن زوج امنه
اني لعياء كامل ، حبيب ابوي زوج امي الي ربانة ..
وعقاب ابن زوج امي
بنتكم تكول الاختي انتِ عندج علاقة بي وهوا مغتصبج وانتِ لازم تتزوجين حسين متعة والمقابل استر عليج واذا رفضتي افضحج كدام كل طلاب الجامعة ، وطبعا حسين ما نعرفة ممكن تكون انتَ وممكن اخوهة الثاني ويجوز صديقهة او ما اعرف منو وبالحقيقة اني اجيت بنفسي احجيلكم واحذركم حتى توگفون بتكم عند حدهة لان اذا ما وگفت عند حدهة العواقب ما راح تكون زينة
واحنة ناس عشاير حالنة حالكم اكيد ما راح تكون حلوة بحقكم تنذكر عسل بنيتكم بنص ديوان ع اساس هية مبتزة وتطلب من صديقتهة تتزوج متعة؟! ........يتبع.

#بارت١٢


الشاب حجة
:- وضحي وضحي تبتز اختج ترة هية ما محتاجة شي علمود تبتز احد وتطلب منة مقابل

لعياء :- للأسف اختك ما طلبت من اختي اشياء مادية اختك تگول الاختي انتِ عندج علاقة بشخص اسمة عقاب حبيب الي هوا ابن زوج امنه
اني لعياء كامل ، حبيب ابوي زوج امي الي ربانة ..
وعقاب ابن زوج امي
بنتكم تكول الاختي انتِ عندج علاقة بي وهوا مغتصبج وانتِ لازم تتزوجين حسين متعة والمقابل استر عليج واذا رفضتي افضحج كدام كل طلاب الجامعة ، وطبعا حسين ما نعرفة ممكن تكون انتَ وممكن اخوهة الثاني ويجوز صديقهة او ما اعرف منو وبالحقيقة اني اجيت بنفسي احجيلكم واحذركم حتى توگفون بتكم عند حدهة لان اذا ما وگفت عند حدهة العواقب ما راح تكون زينة
واحنة ناس عشاير حالنة حالكم اكيد ما راح تكون حلوة بحقكم تنذكر عسل بنيتكم بنص ديوان ع اساس هية مبتزة وتطلب من صديقتهة تتزوج متعة؟!

حسيتهم نصدمو صدمة قوية وكلامي جان مثل السجين بالخاصرة الحجية خرطت خدودهة وصاحت تصخمتي وتلطمتي ياعسل تصخمتي وتلطمتي

بينما الشاب استرجع ثباتة وگال
:- خوية متأكدة من حجيچ يجوز اختج تفتري ع عسل ممكن بسبب مشكلة بيناتهن او شي ثاني زين شنو دليلج؟ اريد دليل مقنع
يعني ما معقولة اي واحد يجي يگلي اختك مسوية كيت وكيت واصدگة لازم يجيبلي دليل ..

عسل :- طبعا اكو دليل هية دازة رسائل الاختي مرة او مرتين بالاضافة الى هذا هية حاجية وياهة وجهًا الى وجه وطاعنة بشرفهة وطبعا هذا الحجي نحجة وراح وماكو علي دليل ، لهذا السبب نجيب اختي وبنيتكم ونحطهن ويحلفن ع كلام الله بحال اختكم نكرت كلامهة وطلعت اختي كذابة ..

الحجية انتفضت وكالت
:- لا لا يمة كلام الله ما ينحلف بي لا صادگ ولا چاذب وبنيتي واختج حديثات شلون نخليهن يحلفن تالي يصير بيهن شي

لعياء :- خالة گتلج اذا بنتكم جذبت اختي ما يضل عدنة حل ثاني ، اني عندي دليل اكدر هسة اروح واجيب مبايل اختي واراويكم الرسائل .

الولد عدل كعدتة كان واضح علي الغضب راح يطلع من عيونة وينفجر وحجة
:- رايح اجيبهة هسة وانتِ امشي جيبي اختج ونخليهن يتواجهن بس الله يخليج اعتبريهة عسل اختج وبدون فضايح خلي نحل الموضوع بالسر ..

لعياء :- وهذا الأريدة بس عندي طلب قبل كلشي

عقد حاجبة بتساؤول :- وهوا؟

لعياء :- توگفون بنتكم عند حدهة اذا طلع حجي ع اختي ف بنتكم اول بنية اوجهلهة اصابع الأتهام واني مو سهلة وصدكني الي يوكع بأيدي ما يطلع سالم هذا مو تهديد طبعا هذا تحذير لان اختتتي جدا عزيزة وما اقبل تنضر لو تتأذى

:- حقج خوية بس هسة مانكدر نحكم حد ما نشوف الرسايل ونحجي ويا البنات ثنينهن صح لو انه غلطان يجوز اختج تجذب عليج وينيتنة تطلع بريئة

لعياء :- لو ما متأكدة ما اجي هنا وافشل روحي .. خوش حجي خوية اطلع جيب اختك وانه اجيب اختي وهاي الحجية كلشي راح يصير گبالهة واذا ابوهة لعسل موجود يكون افضل حتى كلشي يصير كدامة مو بعدين تحطون الصوج بينة وتسدون باب مشكلتكم بفتح باب الطعن بينة ..

انتفض وكال بنخوة
:- عفا عليج خوية ان جان اختي غلطانة افصم ظهرهة وهذا شاربي مو عليه اذا ما ربيتهة وخليتهة تخاف حتى تجيب سيرة اختج وتضلن مستورات احنة ما نطعن ببنات الناس علمود نضم خيسة بتنة نتوكل؟

كمت من مكاني وكتلة يصير افضل لو نحلهة بسرعة قبل لا يصير شي

وكفت الحجية وكالت
:- شنو سالفة زيد؟

لعياء :- لا خالة جنت شاكة بموضوع وسألت هيج سؤال ..

راح اطلع گبل اجيب اختي واحطهة گبالكم

:- حجية لا تحجين شي كدام الحجي احنة نجيب البنات ونجي والف حلال يحلهة
بس خوية انتن ماعدجن اخو ابو ?? يعني مو صغرًا بيج بس شعجب انتِ الفازعة الاختج

لعياء :- ابونة ميت قبل كم شهر وعدنة ناس تفزع بس كلهم ناس واصلة ومسؤولين اذا ندخلهم بالموضوع تكبر السالفة اكثر وما اريد تنجاب سيرة اختي بالموزين كدام كل ناسنة ..حتى لو بالاخير طلعت مظلومة الناس راح تضل تعلج بالسالفة حد ما تمل .. وتزيد بالحجي لو عليكم لو علينة شلنة بهاي الدوخة ما تگلي

:- بارك الله بيج خوية زين ما سويتي
طلعت انه وهوا مشة وراي بس الحجي اسمعهة تهمسلة تكلة
:- برضاي عندك لا تفشلهة كدام الناس تدري بيهة متعلمة ع دلال وتسلك دروب غلط نربيهة لازم مو نزيد الطين بلة ونخليهة تكرهنة اكثر وتزيد بعنادهة ..

:- حجية لا تخافين شمالني افضح روحي واختي

طلعت صعدت بسيارتي گبل خابرت رباب رن خلصت المكالمة وما ردت ، طلعت وهوا طلع وراي
باوعت بالمراية صاعد بجكسارة ، مشيت واني اباوعلة بالمراية
والله هاي عسل لو صلفة زايد لو مبتزهة زيدان وحدة من الاثنين لان ناس عدهم خير شتحتاج قابل حتى تلكة المحتاجتة عد زيدان الخايس ..

رمشتلي رباب رفعت التلفون وخابرت عليهة جاوبتني هية فتحت سبيكر وخليته للمبايل
رباب :- الو لعياء شصار وينج
لعياء :- جاية اخذج علمود تحجين الصار الأهل عسل وتراويهم الرسائل الدزتهن الج
رباب :- يممة شلووون هاي تكول اهلهة يخوفون

لعياء :- ما يخوفون جلبي رحتلهم وحاجيتهم واخوهة دگ صدرة رايح يجيبهة من الجامعة علمود تتواجهن احجي كلشي لا تضمين شي ولا تخافين راح اخليهم يوگفونهة عند حدهة وما تجيب سيرتج ع لسانهة بعد ..

هاا نسيت كتلهم اني بتكم مطلعة حجي جذب انتِ انسي موضوع اغتصابج كلة اعتبري جذبة من عسل لا زيدان ولا شي مو تفضحيني وتفضحين روحج كدامهم ..

رباب :- لا لا ابد ولا احجي اكلج هاي هية كدامي جاي تخوزر بية شسوي خاف تحجي وياي من تخلص المكالمة اخاف اضل احجي وياج ويخلص رصيدج نوب تحتاجينة شلون

لعياء :- خليهة مفتوحة حد ما اوصل عندي رصيد هواي لا تخافين ما يخلص ..
بعدين انتِ مو خوش رادتهة شبيج بعد المن خايفة

رباب :- لا لا ما خايفة بس انه ثولة اخاف اجفص انتظرج لا تتأخرين
لعياء :- ما اتأخر
ضلت تحجي وياي حجي شيش بيش حد ما كتلهة يلة رباب طلعيلي اني راح اوصل

رباب :- خوش جايتلج ، طلعت امشي حتى اروح لأختي لعياء واحس عسل تمشي وراي همست بصوت ناصي
:- لعياء هاي لاحگتني
لعياء :- خليهة باعي صيري عاقلة وخلوقة كدامهة هسة لان اخوهة جايب بلكي يشوف سوالف اختة بعينة .

رمشت بعيوني بثول وكتلهة
:- جا انه مو عاقلة وخلوقة؟
لعياء :- اي طبعا بس مرات اكو ناس يجبرونك تعوف اخلاقك وقيمك وتشمرهن شمر وتلزمهم تمسح بيهم الكاع وتطيح ابو حظهم .

وگفت ع صفحة مابيهة احد لان خفت عسل تحجي ويجي احد يسمعهة باوعت لمكان فارغ، نزلت المبايل من ع أذني سديتة لان لعياء كالت راح اوكف اخو عسل واگلة وين يتوجه ، ضليت واكفة وحدي عسل صارت تتقرب مني اول ما وصلت دفعتني من ظهري ع گاع ، رفعت راسي المكان مابي احد بس سيارات ..

بقيت جاثية ع ركبي اباوعلهة بصدمة هنا صدك صار حجي لعياء ردت اشمر اخلاقي ورة ظهري والزمهة وامسح بيهة الگاع ..
بس يصير الحگ علية مجبورة احافظ ع هدوئي

وگفت كبالي ولزمتني من كتفي تهز بيه بغضب
:- شلعتتتيي كلبي يمتة تخلصيني وتنفذذين الشرط شووفي وسمعي زين هسة اذا ما تكليلي اي لو لا بوجهي عدل وگبل ادخل للكلية واشهرج شهيرة الله اكبر اخلي الناس كلهة تعرف بأخلاقج السزز

ردت اكوم من مكاني دفعتني حيل ع كاع وصاحت بوجهي
:- حيوانة ساقطة انه اعلمج تردين تضيعين وكت وتماطلين علمود تخلين صاحبج عقاب يحل سااالفتج الخاايسة مو صحيح؟ عبالج ما اعرف امثالج لو شنووو

دفعت ايدهة بقوة، شفت سيارة جاية سودة لزمتني من شعري من ورة الحجاب استغربت ليش ماكو احد هنا انه وين طلعت بلعت ريكي اريد اكتم غضبي حد ما تجي لعياء واخوهة لعسل لان اذا حجيت راح انگعهة بالغلط وتالي يطلعوني انه الغلطانة هاي السوالف مارة علية وسامعة بيهة هواي ..

بهاي الاثناء سمعنة صوت صياح و واحد نزل من سيارة بغصب يرعد وصاح بأعلى صوتة
:- عسسسسسسسسسسسللل تتتعااااي هناااا اليوم اكسررر راسججج سنونج افلششهن

هية جفلت وعيونهة جحظت حسيتهة بلحضات تحولت صفرة وضاعت كل قواهة حتى ما گدرت تلتفت
اجاهة من ورة جرهة من ايدهة دارهة علي وضربهة راشدي طير وجهة ..

كمت من مكاني انفض ملابسي بخوف نزلت لعياء تركض وتهمس
:- خوووية مو هنااا لا يمر احد وتصيرلكم فضيحة بالبيت العتاب والحجي والحساب

جان مدخن غضب ويحجي بصوت ناصي ما اميزة كد ما يلهث بس فهمت منة
:- ولج تعبنة عليج ودللناج ومن دون كل بناتنة خليناج تدخلين جامعة هيج تجازينة ولج تكتلين بنية بمجان مابي بشر تخافين احد يشوف سوايتج؟ ما خفتي الله اليشوفج بكل مجان

هية تبجي وتحجي بتواسيل
:- والله هية عالت بية انه ما مسوية شي الهة

لعياء حجت بغضب ومدت ايدهة
:- طلعيلي رسائل لعسل خلي اخوهة يشوف سوالفهة ويخليلهة حد

ايدي ضلت ترجف والدكم صارن يمشن من الخوف اباوعلة واطلع بالرسائل هوا مثل الوحش صار اذا يصرخ بية اموت اودع
لعياء جانت واكفة مسيطرة جرتة من ايدي وكالت شمسميتهة گليلي

اردفت بنص خوفي
:- عسولة

لعياء كالت بصوت ناصي نعلونة شيطونة ..

طلعت الرسائل وحطتهن گبال اخوهة جانت متوقعة رسالة لو رسالتين بس هنة اكثر من ستة وتقريبا عسل حاجية بيهن كلشي
حط الرسائل كبال عينهة وكللهة
:- هذني شنو؟ هم كولي مالي شغل ومو انه دازتهن وحسين منوو ولج تردين تورطين بت الناس

باوع ع لعياء وگللهة
:- مالة داعي يتواجهن الصدك مبين وهذا الدليل كافي انه اشوف شغلي

لعياء :- مو بهاي السهولة استاذ اختك مدفوعة واريد اعرف منو دافعهة ع اختي ، حتى اخلي حد لهاي السالفة

تنهد مد ايدة بجيبة طلع مبايلة وعسل جانت ترجف بين ايدي وتباوع علينة بنظرات توسل
انه كسرت گلبي بس لعياء لا
انطة المبايل لاختي لعياء وكللهة كتبي رقمج وخابري ع روحج من افتهم السالفة اخابرح اشرحلج وهاي عسل بعد ما تتعرض الاختج واعتبري السالفة انتهت .

اخذت مبايلة كتبت رقمهة وخابرت ع روحهة رن مبايلهة وسدتة وانطتة اله
جرتني من ايدي وكالت يلة امشي نروح

بس عسل صارررت قطعة صفرة بأيد اخوهة الثاير مثل البركان واعتقد هذا اخوهة الجبير ثائر فلك اسم ع مسمى تباوعلي علينة بتوسل همست لعياء خاف يأذيهة
:- كل انسان لازم يتعاقب ع اغلاطة حتى ما يعيدهن

رباب :- كل انسان يغلط
فتحت باب السيارة وباوعت ع عسل تبجي دخلهة اخوهة للسيارة و اعتقد راح يكون يومهة اسوء من السوء نفسة ..
لعياء ردت :- اي كل انسان يغلط ويتعاقب ع غلطة هسة اني لو اغلط واتعاقب ماعندي مشكلة ، العقاب يردع الشخص وبعدين عسل غلطهة اكبر من كبيرررر هية ما غلطت بحق نفسهة وسوت شي ممنوع ومحرم حتى نكول الله يعاقبهة ونخليهة ع الله هية غلطت بحقج ورادت تفضحج وفعلا كلامهة جان كلة اكاااذيب يعني تكول مصاحبة عقاب واغتصبج شنو منتظرة ناخذهة بالاحضان ونكللهة انتِ ظالمة وسيئة ولازم تتغيرين وهية يحس ضميرهة وتصير انسانة صالحة؟ بهاي السهولة عبالج
امثال عسلللل ما يردهم شي خووش لا تصيرين فاهية

رباب :- ليش تصيحين عليه انه شنو ذنبي وروحة الابوي ما حجيت شي كدامهة
طلعت بالسيارة وحجت
:- ما جاي اصيح عذريني بس مقهورة وخايفة ع سمعتج شنو منتظرة من عندي اسوي ..

سكتت وهي هم سكتت وطلعت بالسيارة
:- والله اليوم مو بس اغيرلج جو انسيج ابو السالفة
هسة اوكلج بمطعم يموووت ونمر ع ارقى المحلات نتسوگ وهيج نغير نغير اريد انسة سواية عسل الخايسة ..

طلعت بينة اكلنة دفعت وبعدهة رحن للسوگ من نزلنة شبكنة ايد بأيد اباوع عليهة من تمشي وتوصفلي المكان وتحجي حسيت بقوة وانه يمهة
وراهة اخذتني للمستشفى عرفتني ع صديقتهة عسل الي بقت فاهية بوجهي و گالت
:- لا لا انتِ مو بنية عادية انتِ ملاك نازل من الجنة الله عليج شنو تاكلللين ولج تتريگين عسل واحنة نتريگ بيض وباگلة لو. شنووو

خجلت كلش منهة ضلت تگرص بخدودي وتجر بيهن
سحر :- لعياء اختج تشبه امج كلش تخبل تجنن ما شاءالله راح احسدهة المن جبتيهة اكلج رباب انتِ هم تحجين مثلنة

كتلهة اي احجي مثلكم
حطت ايدهة ع گلبهة وسوت حركة مدت لسانهة عود ماتت
:- حتى صوتهة حلو انتِ بنية وانه بنية ما اظن ما اظن باعي لعياء اني حبيت اختج كلش وهسة لازم اروح اكل انتِ اخذي مكاني واني اخذ اختج اوكلهة واسولف وياهة وامتع نظري بجمالهة

لعياء :- اكلنة قبلج حبي واختي اريد ارجعهة للبيت ها مو تجفصينن مثل ما حاجيتلج

جرتني من ايدي :- انجبي تنزل وياي اشربهة عصير اتكشخ بيهة يلة روحي لزمي مكاني ها اكو ناس اجو سألو عليج
حجتهة وغمزت ..
واخذتني من ايدي نزلتني وياهة ..

بيومهة بالليل بدلنة ولبسنة عبينة علمود نروح للقراية امي راحت كدامنة وطلعنة سألنة عليهم يلة وصلنالهم
بس وصلنة براق كرصتني بأيدي بطئت حركتي صرت ورة امي نزلت راسهة همستلي
:- ولج هذاا بيت الولد الاشكررر يمةةة خنرررجع ما ادخل نا ادخل

رباب :- واذا بيتهم شنو لابس عباية وكاعد ويا النسوان يلطم وياهن تلكي بالحسينية ويا الزلم

جريتهة من ايدهة دخلنة من باب اسود كبير بوجهنة حديقة مرتبة ونظيفة وطارمة بيهة سيارة مصفوفة
مشينة لباب خشب كبير جان مفتوح ونسوان كاعدات صوت حجيهن طالع ..

امي دخلت قبلنة وكالت السلام عليكم
النسوان رحبن بيهة وكعدنة ع صفحة يم امي ننتظر الملاية تجي ..

شوية ودخلت مرية جبيرة تخبل شگرة وعيونهة زرگ سبحان الله بحر طويلة ولابسة اسود بس ملابسهة بخمة
اجت گبل علينة امي وگفتلهة واحنة وگفنالهة ويا امي بوسناهة وهي تهلي وترحب بينة ..
وكفت مقابيلنهة وبدات تحجي

:- هلا بيج حبيبة نورتي المنطقة تعذريني والله ما اعرف بوجودكم ابني قيس امس گلي ما عزمتي الناس الجدد واستغربت كتلة يا ناس جدد
يا خية استريحي عفتج واكفة استريحن
كعدنة و هي كعدت وتكمل حجيهة

هل اگلج خية كتلة يا ناس سولفلي عليكم وكال انتم گرايب عقاب كاعدين هنا استغربت وعاتبت ابو قيس كتلة بالله عليك شلون ما تگلي عاد اروح اتعرف عليهم اشوفهم بيوم الشالو امرلهم اسويلهم غدة
گال نسيت راحت من بالي .. بس هوا مار ع عقاب وناشدة اذا محتاجين شي والولد مساعدينة بترتيب الأثاث ..

سهى :- ما تقصرين حبوبة احنة هم لان ماطلعنة ما صارت فرصة نتعرف عليكم

ام قيس :- والله تشرفت بيج ام من؟
سهى :- ام رباب خية ..
ام قيس :- حبايب هاي ام رباب جارتنة الجديدة ولو هية صارلهة كم شهر هنا بس بعد ما صاررت فرصة
ان شاءالله احنة هنا خواتج وصديقاتج اشوفلي يوم امر عليكم حتى يصير بيناتنة تواصل ونصير صاحبات ههههه ..

وهنا بدأت الاسئلة منو رباب والثانية منو وماعندج وليد وزوجج وينة وانتِ من يا عمام ورجلج من يا عشيرة وبناتج مبطلات لو يدرسن
وكل الاسئلة الي اجت ابالهن سألنهة ، وامي تجاوب
واخير شي وحدة منهن ختمتهة

يا خية ام رباب انه عندي وليد الله شاهد والنسواين هنا شاهدات خلقة واخلاق وعندة وظيفة وبنة طابق ثاني يتزوج بي ويعزل لمرتة صارلي شكد ادورلة مرة بس ما يرضة وما يعجبة العجب يريد الا حلوة
ما تنطينة هاي بنيتج رباب صلاوات شحلاتهة وشهادة اذا تنطوهة بفرحة الزهرة نخطبهة وهسة انيشنهة علمود تضل لوليدي ..

سهى :- حبيبة احنة نتشرف بيج بس رباب هسة ما تريد تعرس تريد تتخرج وتدرس ماجسيتر ابد مو ابالهة الزواج .. ولا حتى براق لان براق بالسادس وراهة سنين دراسة ..

براق ..
شاورت رباب
:- شايفة شكد تمدح بأبنهة هسة يطلع راسة مربع وبالشهر يسبح مرتين .

لگزتني بخاصرتي همستلهة
يمتة تجي لملاية شو بطت اريد ارجع وراي دراسة
رباب :- وين ادري صدك تأخرت

انتظرناهة فترة واجت الملاية قرت وخلصت وكالت ام قيس خية خاف ماتدرين هسة راح تروح لبيت ام عباس تعالي ويانة نعرفج ع ام عباس هاي صاحبتنة .

براق :- الظاهر الحجيات كلهن صاحبات وعدهن حزب خاص "بعنوان حزب ام قيس لحش بنات الفيس" ويردن امي تنضم الهن ..

رباب :- هو الظاهر هيج ..

طلعنة وامي ضلت تدور ع شحاطتهة ماكو تدور ماكو
كالت يا يمة يمكن الجهال لبسوهة وطلعو بيهة يلة خلي نرد للبيت خوما اروح حافي

ام قيس گلتلهة يا خية شسالفة لبسي شحاطة مني يمة وحدة منجن تدخل للبيت تشوف وحدة من البنات تگللهة امجن تريد شحاطة مابية اصعد هاي العتبات
باوعتلي رباب والحجية كالت يلة يمة ركضي هم يالة نروح راح تقرا ..

مشيت لباب المطبخ وايدي ع گلبي اخاف اشوف ابنهم الي اكلت اكلة
مديت راسي من الباب محد دخلت مشيت باوعت للمطبخ كبير وبي كاونتر ذهبي وعالي يخبل والسراميك ابيض بي قوري ..

دخلت للهول باوعت منا ومنا شفت بنية باوعتلي هية كالتلي ها خية نسيتي شي
:- امج تريد شحاطة

:- هسة اجيبلج تفضلي ع ما اجيبهة
مشت هية بممر وانه ضليت واكفة ، وما احس الا واحد خطف من گبالي لاف ع روحة منشفة ويدندن ما ادري شنو صارت عيني بعينة ، فتح عينة بصدمة وضحك بسرعة جان بطرگ الخاولي .. نزلت راسي وشهگت بصدمة
هوا ارتبك وضل يمشي سريع

انطتني الشحاطة وطلعت اركض ركض مرتبكة واحس سخنت من الخجل
حطيت الشحاطة بالكاع لبستهة امي وطلعنة وكلشي ممستوعبة
يعني هذا حظ؟
صدفة؟
قدر؟ الي خلاني اجتمع بي للمرة الثانية وبموقف محرج اكثر من الاول

شفت الولد مصلخ بس لاف ع روحة منشفة
لزمت صدري دگات كلبي عالية كملنة المجالس ورجعنة للبيت اول ما دخلت كتلهن بعد ولا اروح مجالس حجيتهة بعصبية

باوعلي متفاجئات ارتبك وهمست يعني اقصد استحيت استحيت مو اقل ولا اكثر

رباب :- هنة المجالس راح يخلصن من تخلص العشرة
:- ما سمعتي امي قيس تكول نص يسون قرايتهن بالعشرة الثانية ونص بالعشرة الثالثة هسة امي راح تاخذنة الهن كلهن

ثنياتنة وجهنة انظارنة الامي
:- شمالجن تباوعلي نروح نسمع قراية الحسين بس مو يومية لا تخافن ..

رحنة درسنة بسرعة انه ل12 نمت بس رباب ضلت تدرس
ثاني يوم دوامي صباحي كعدت بدلت وطلعت للدوام وبطلعتي نخيت ثنعش معصوم ما اشوف الاشگراني ، والله مشيت شايلة جنطتي ومنتعشة ببرودة الجو الرقيقة ماعرف ليش هيج اجواء احس البرد رقيق!

وصلت مقابيل بيتهم وكلت يا الله عبري براق هوا مو چلب ويركض وراج هوا بشر ..
عبرت مشيت ما شفتة حمدت الله وشكرتة وصلت للشارع العام وطلعت من يمي سيارة مشت ع كيف ضليت امشي بدون ما اباوع عليهة صار گدامي شوية
رفعت عيني صارت بالمراية شفتة هوا نفسة يباوعلي بالمراية ، من انتبهتلة نزل نظاراتة ع عيونة وطلع ..

وكفت بنص الشارع مستغربة ، هذا شبي؟ انه وين وهوا وين وشعندة يباوعلي هيج
معقولة مستصغرني لان اكلت اكلة وعبالة ما شايفة لو نظراتة ترمز لغير شي ..

من لا جارة تنهدت وكملت طريقي للمدرسة ..
وصلت تلكتني صديقتي لجديدة بالباب
نهال :- بعد وكت ست براق جان اجيتي نص الدرس الاول

براق :- واصلة اطرف خشمي سكتي ..لا اطلع ضيم گلبي بيج خوش حبي امشينة للصف احسن

نهال :- ع كيفج عيوني ما سبينة العنب الاسود

.............. بعد مرور فترة زمنية
وبشهر صفر بالتحديد رن المبايل بوقت متأخر من الليل ع غير عادتة
ركضت جاوبت ع متصل بدون ما اقرأ اسمة لان صوتة عالي وامي نايمة
فتحت خط كلت الوو
ما اجاني رد رفعت المبايل باوعت شفت عقاب المتصل
ضحكت وحسيت بخجل حطيت المبايل مرة ثانية ع أذني و كلت الو عقاب ليش متصل اذا متحجي؟
ما رد عليه وسد الخط بوجهي

استغربت تصرفة صاير غريب اطوار اخر فترة ..
خابرت لعياء بوقتهة وضلينة نسولف شوية
گلتلي تدرين شنو صار تعاي اسولفلج

بعد ما نسيت موضوع هذا الشاب كرار الي ناسي عقلة بالبيت وطالع ، اجاني شخص للمستشفى شايل باقة ورد وگلي دكتورة لعياء هذا البوكي الچ
باوعتلة كان احد الحرس بالمستشفى اخذتة منة باوعتلة بي كارت سحبتة
مكتوب بالكارت اعتذر منكِ ان قبلتي اعتذاري اتصلي
ومخلي رقمة وبنهاية الكارت اسمة "كرار"

عرفت هذا الشخص ديسلك طرق ملتوية حتى يوصلني بس اني ما نطيتة اي مجال ولا اتصلت ، وبين العبوس ع وجهي ورجعت البوكي للحارس كتلة من يجيك مرة ثانية انطي اله ..

هوا من شافني عصبت خاف مني واخذة وطلع .

رباب :- خاف عندة غاية سيئة وياج انتبهي الزلم ماعليهم امان
لعياء :-اي من عقاب وشيلي ايدج
رباب :- ليش شبي عقاب؟
لعياء :- خليني ساكتة اذا احجي اخرب ويا وماريد اخرب ويا بالاخير هذا مو بس اخوي لا ابوي بنفس الوقت ماكدر اخسرة وكلش خايفة من هذا الموضوع

عدلت كعدتي وكتلهة بقلق
:- خوفتيني
تأفأفت وردت
:- لا تخافين خية اكلج يلة خلي انام باجر وراي طلعة للشغل ومنهة للموكب ههههه صرت صيدلانية وممرضة بنفس الوقت انطي دوة واضرب ابر واشكل كانولات للزوار

رباب :- ما تمرين علية تاخديني وياج يوم اريد اشوف المشاية
لعياء :- هاا خوش باجر امر عليكم شوفي خالة سهى وبراق اذا يحبن هم فد مرة قبل لا تخلص المشاية
رباب :- خوش تصبحين ع خير
:- اجمعين

اخذتنة وياهة تلاثتنة خدمنة بالموكب واخذتنة اليوم الي بعدة ومرت الايام وصارت الاربعينية زرنة من البيت
وراهة الايام صارت تتسابق لفرحة الزهرة
يمكن لسبب كنت اجهلة؟ ممكن للفرحة الي منتظرتني

بعد ما صارت فرحة الزهرة وبيوم جنت راجعة من جامعتي بنص البرد ارجف لكيت عقاب ينزل بسيارتة للفرع طبگ علية وفتح الجامة وضحك وصاح صعدي كتلج البرد

باوعتلة بنظرة شوق لعيونة وسمارة وابتسامتة همت بضحكتة من ضحك وعيوني صارت تسرق النظر اله
فتحت الباب بسرعة وصعدت ضليت افرك ايد بأيد
وارجف واحجي
الله يساعدك عقاب
:- ويساعد بختج شلونج شلون صحتج

باوعتلة وانه ارجف وهمست برجيف
:- شلوني ميتة برد صاكة بررررد صرت قالب ثلج

كالت بتساؤول وهوا يضحك
:- ادفيچ الفج بين ضلوعي وتدفين

رمشت بعيونة متفاجئة ونزلت راسي ، درت وجهي ع جامة ضل واگف بالسيارة گلي
:- باوعيلي رباب لا تستحين مني انت مو تحبيني ليش ما تكليلي احبك ليش ما اشوف لهفتج الي ليش هيج تخجلين مني معقولة تستحين مني واني محبوبج

لزمت خدي وهمست
:- استحي عقاب امشي وصلني للبيت يلة ولا تحجي هيج حجي احس سخنت

عقاب :- اوووف
باوعتلة يتنهد ويباوعلي ميل راسة ع كرسي وهمس
:- تربع براسي الشيطان هسة بقتلي طگة واطلع بيج گبل ، احبچ ولچ يمعودة عاشكج وهايم بيج بس انت ماتحسين

غطيت وجهي بأيديني ثنينهن اسمع صوت ضحكة وحسيت السيارة تحركت شلت ايديني شفتة رجع ليورة صرختت يمة راح تطلع بية گبل

هوا يضحك ويجاوبني بمكر
:- لا تخافين زواج زواج مو حرام اخذج اعقد عليج شتگولين

حجيت بخوف
:- لا لا عقاب امي تنجلط وانه ما اقبل رجعني للبيت افتح الباب خننزل لا تصير لئيم انت موهيججج اعرفك

ضل يضحك بصوت عالي ويباوعلي بمكر جنت اباوعلة بخوف بس بداخلي شعور يگلي اتطمني ذياب اشرف من ان يسوي هيج شي
ضيق عيونة ويباوعلي بخبث

همست بخوف
:- ترة ما خايفة منك خوش يلة رجعني

ما رد عليه ومشغل اغنيتة الي يغنيهة الي دوم
وكلساع وصاح ادري بگلبي وادري بگلبك

حطيت ايدي ع كلبي صار بركان احس حرورتة عبرت ع ملابس بينما هوا قطعة من الثلج ..وكل شوية يباوعلي بلهفة ويدرس تصرفاتي ويدقق بتفاصيلي
باوعت وصلنة للكورنيش فتح الباب ونزل فتحت الباب ونزلت وصحت بغضب
وووين جااايبني

تقرب عليه وگف كبالي حط عينة بعيني
عيوني تباوعلة بتأني قميصة البيجي وسمارة كحل لعيوني ، ابتسامتة العفوية هيئتة رجولتة وشخصيتة كلهن سحلن گلبي سحل ، سنحت گبالة حسيت رجليني ما احس بيهن
همس بصوت ذايب
:- اريدچ يعني اريدچ ولحضني ماتصيرين لحضن غيري رباب اني عاشكچ ومهووس بيج لا ليلي ليل ولا نهاري نهار ليلي شعرچ ونهاري اخخخ لو تدرين بنهاري شمس نايمة برگبتج شاماتچ نجومي ، ما جاي اكدر اسيطر ع روحي گبالج وما اريد اضل احمل ذنوب كل ما اشوفچ وگلبي يصيح باوعلهة واشبعني متلهف عليهة ، راح اتقدملج ع سنة الله ورسولة توافقين؟ .......يتبع

#بارت١٣

أجارَتَنا إنَّ الخُطُوبَ تَنوبُ
وإني مُقِيمٌ ما أقامَ عَسِيبُ
أجارَتَنا إنّا غَرِيبَانِ هَهُنَا
وكُلُّ غَرِيبٍ للغَريبِ نَسيبُ
فإن تَصِلِينَا فَالقَرَابَةُ بَيْنَنَا
وإنْ تَصْرِمِينَا فالغَريبُ غريبُ
أجارَتَنا مافاتَ لَيْسَ يَؤوبُ
ومَا هُوَ آتٍ في الزَّمانِ

تقرب عليه وگف كبالي حط عينة بعيني
عيوني تباوعلة بتأني قميصة البيجي وسمارة كحل لعيوني ، ابتسامتة العفوية هيئتة رجولتة وشخصيتة كلهن سحلن گلبي سحل ، سنحت گبالة حسيت رجليني ما احس بيهن
همس بصوت ذايب
:- اريدچ يعني اريدچ ولحضني ماتصيرين لحضن غيري رباب اني عاشكچ ومهووس بيج لا ليلي ليل ولا نهاري نهار ليلي شعرچ ونهاري اخخخ لو تدرين بنهاري شمس نايمة برگبتج شاماتچ نجومي ، ما جاي اكدر اسيطر ع روحي گبالج وما اريد اضل احمل ذنوب كل ما اشوفچ وگلبي يصيح باوعلهة واشبعني متلهف عليهة ، راح اتقدملج ع سنة الله ورسولة توافقين؟ ..

فكيت عيوني متفاجئة من طلبة ، حسيت گلبي صار عندة جناحات وصار يرفرف بجنائن الحب ..
السعادة غمرتني والصدمة اخذت حيز بعيوني
ضيق عيونة بقلق وهمس
:- رباب جاوبيني ترديني اكون زوجچ لو لا
بس قبل لا تفكرين خلي ابالج اني انسان هايم بيج واريدج الي مو بس زوجة لا اميرة وسند ، اريدج انيسة وحدتي ودوة لجروحي وصدگيني والايام تثبتلج راح اصيرلج سند عمرة ما يميل .. واذا رفضتي ما راح يتغير شي تضلين عزيزة وراحتچ تهمني وأمانج مسؤوليتي ..

رمشت بعيوني وضحكت حيل حطيت ايديني ع عيوني من الخجل وصرخت بصوت عالي بكل لهفة
:- طبعااا اوووااافق طبعااااا

ما حسيت غير ايدينة ضمتني حيل غمرني بصدرة ويضحك بأعلى صوتة ويحجي بلهفة
:- وروح امي احبچ والدنيا ما حلت بعيني غير لمن شفتتتج وعرفتج انتِ مصدر سعادتي واماني معشوقتي وملهمتي دائي ودوائي صرتي جنت حاااير اذا رفضتيني وضليتي الداء وماصرتي الدواء شسوووي وين انطي وجهي .

رباب :- عقاب لا حرام!
حجيتهة مستغربة من رد فعلة وهوا يحضني

ابتعد عني يضحك وعيونة تلمع بفرح
مشة خطوتين وكال تعاي يلة مشيت ويا وايدي تلامس گلبي يخفق بسرعة مو طبيعية حسيت بلحضات راح يطلع من صدري

باوعتلة بعد يضحك يباوعلي ويدير وجهة عني
وگفنة يم الشط حطيت ايدي ع محجر لفحني نسيم بارد اثلج اطرافي ، همست
:- برد مو طبيعي دخيلك ربي شكد درجة الحرارة

عقاب :- اوگفي خليج بمكانج هسة اجيج مشة بسرعة للسيارة فتح الباب الخلفي طلع شي واجالي باوعتلة شايل جاكيتة الاسود اجة بهرولة بأتجاهي نزلت عيني بخجل

فتح الچاكيت وحطة ع اكتافي ولفة زين
:- ها دفيتي؟

:- اي دفيت وانتَ مابردان لبسة انتَ قميصك خفيف

ردت اشيلة ما خلاني رجع لفني بي وهمس
:- اني المشتعل نار يا برد يا ثلج ولج دفو گلبي واني وياج دفالي عروگي .

لميت شفايفي للداخل ونصيت
حسيت نبضات گلبي مضطربة وحرورة صارت تطلع من وجهي، مثل السخونة
تنهد وهمس
:- تعاي كعدي اجيبلج قهوة دافية اتدفي مصارينج

ضحكت حيل وكتلة وانه ارفع حاجبي
:- شيوصلها لمصاريني
ضحك وحك راسة :- هذا المتعودين علي يلة تعاي گعدي
مشيت للكرسي مسحة بأيدة خاف بي تراب وگعدني ..

راح للولد ابو القهوة جاب ثنين كاسات سفري يطلع منهن بخار، دار وجهة باوعلي مبتسم
تقرب مني مدهة الي اخذتهة من ايدة واصابعي لامست اصابعة بدون قصد بس حسيت نفس شعوري اول مرة بالمركز من تلامست ايدينة رجفة سرت بكل جسمي

باوعتلة غمض عينة وجر نفس قوي فتح عينة وكعد يمي
حط رجل ع رجل لزم القهوة بأيد والايد الثاني حطهة ورة ظهري ع كرسي يعني مو عليه ..

اخذت اول رشفة دافية غمضت عيني اتلذذ بيهة شعورهة يشبه شعوري من كنت وحيدة اصارع الموت البارد و ايد عقاب انتشلتني بوقتهة حسيت دفو گلبة غمرني ..

قرب راسة من راسي وهمس
:- راح ينتهي سهر الليالي الباردة راح انام بحضن محبوبتي .

درت وجهي باوعتلة چنة قريبين من بعض لدرجة اختلطت انفاسنة سوية و كتلة بصوت هادي
:- ليش شعندك تسهر الليالي..؟

عقاب :- الليالي چانت كلهة باردة ما بيهة شي غير سواد الليل ومن حبيتج ظلمة الليل زادت وبرودتة صارت تثلج كلبي يكولون المحب من يعشگ تصير حياتة حلوة يصار حالم ومبتهج بس اني اختلف صرت حزين و اهملت كل العالم وافكاري صارت متشتتة گلبي ليلية يون بوجع عليچ .

عقدت حاجبي وبرطمت شفايفي متصنعة الزعل
:- هاي طلعت شرشبيل ومربيتلك عله جاي تحسسني تكرهني مو تحبني .

فتح عيونة متفاجئ وهمس
:- احبچ شلون ما احبچ ، مد ايدة ع شفتي گرصهة
بعدت وجهي ، وعضيت شفتي بخجل
حسيت حرورة سرت بكل جسمي ومشاعري تأججت عيوني ضلت تتجول بكل مكان الا علي ، مد ايدة لزم ايدي تحسس نبضي وهمس
:- شگد شفافة انتِ ويلوموني چا عشگتچ ..

بعدت ايدي منه اردف بهدوء باوعتلة سابل عيونة ويباوعلي بتأني
:- من حبيتچ صار عندي خوف اي اخاف اخسرچ اخاف من تحطين راسچ ع مخدة يحضر ابالج واحد غيري بالأخير بنية شابة مثلچ شايلة كل هذا الحسن والجمال نص الزلم تتمناچ

رباب :- بس ما اريد كل الزلم انه اريدك انتَ

عقاب :- شمعنى اني؟

رباب :- يمكن الحب؟

عقاب :- الحب!! تدرين الحب من طرف واحد شسوى بية؟
:- ممم شسوى
عقاب :- يجلدني يومية بسياط الشوگ واللهفة النوم هاجرني اتخيلچ بحضن غيري وتشتعل ناري وما تطفة الا بشوفتچ ، الدنيا ظلمة صارت علية و بس يمج تضوي .

رباب :- كلت يلوموني چا احبچ منو لامك ع حبك الي .

عقاب :- اليدرون بية عاشگلي وحدة عمرهة 22 اصغر مني بأكثر من عشر سنين يلوموني يگلولي صغيرة ماتهواك .

رباب :- ما يدرون بالگلب هايم بيك عقاب الحب والحنين

ضحك بصوت عالي وهمس نروح؟ لو نضل سوية بعد شوية
رباب :- لو بيدي اگضي العمر يمك .

عقاب :- رباب قبل لا نرجع اريد اعرف شروطچ وطلباتچ كلهة خاف تستحين من امچ وما تحجين يمهة

ابتسمت وگتلة :- خاف طلباتي تطلع جبيرة وغالية وتتعبك لو تكلفك .

عقاب :- كلشي لأجل عيونچ يهون ، اطلبي وكلشي يجرالچ .

رباب :- اشاقة وياك اريد سلامتك وبقائك يمي و بس لا تعوفني خليك بظهري .

بهاي الاثناء رن مبايلي كأن امي حست جاوبتهة اجالي صوتهة الخايف
:- يمة رباب وينج بطيتي وبالي ضل يمچ .

رباب :- لا تخافين يمة هسة راح اطلع السايق تأخر عليه مسافة الطريق واصير بالبيت .

سهى :- خوش يمة .

نهيت الاتصال باوعتلة وكتلة
:- يلة عقاب تأخرت ع امي لازم ارجع رجعني للبيت حبوبي .

عقاب :- ما شبعت منچ ولا من سوالفچ حتى انفاسچ ماشبعت منهة رياتي .

رباب :- راح اضل العمر كلة يمك وتشبع مني!!

تنهد وگام من مكانة اخذ كاسات القهوة الفارغة الي ما ادري شلون كملناهة بدون ما نحس ، رماها بالزبالة ورجعلي حط ايدينة بجيوبة و كال
:- تضلين العمر يمي وما تعوفيني لأي سبب .

رباب :- طبعا حجيتهة بلهفة

تمشينة للسيارة سألني سؤال عجزت عن اجابتة
:- حتى لو خنتچ؟ بدون ما اريد .

عقدت حاجبي بتساؤول و اردفت بحيرة
:- بدون ما تريد؟!!!

فتحلي باب السيارة صعدت دار وجهة طلع باكيت الجكاير اخذ جگارة ورثهة جر منهة كم نفس وانه كاعدة بالسيارة وحدي ..
دقيقة وصعد كال
:- اسف ياروحي اذا ما ادخن ما يرتاح گلبي اميرتي انتِ خليتج تنتظريني .

رباب :- عادي ماكو مشكلة بس سؤالك دوخني

ضحك وهوا يطلع
:- رباب زواجنة ما راح يصير بعلم ابوي ولا اخواني وخواتي تعرفين السبب صح

رباب :- لان امي متزوجة ابوك ومادري شنو يصير اذا گلت تريد تتزوجني وانه بنتهة الثانية

:- شاطرة لهذا السبب گتلج هيج خوفا من المستقبل المجهول خاف يصير شي يوم

:- خوفتني
:- ليش تخافين خليج مرتاحة يلة ضحكي ليش تنگتي راويني صف اللولو .

ابتسمت بدون ما اطلع اسناني ، كان الحديث مشوق ما اعرف ليش يمكن لان الشخص الگاعدة ويا عزيز وماخذ گلبي وانتظر منة الكلام حرف حرف حتى ارضي گلبي المتلهف علي ..

بعد ما وصلني دخل وياي للبيت جان جوابة ع تساؤول امي من شافتنة دخلنة سوية
:- شفتهة براس الشارع وصعدتهة گلت شيمشيهة الدرب كلة .

رحبت بي امي ودخلتة للبيت دخلت بدلت ، ردت احمي الاكل وأكل بس من گد الفرحة حتى ما اگدر اكل شعور غريب بداخل بطني احس فراشات تركص بفرح .

*

براق ..

امشي بخطوات سريعة مُتجهة للبيت ، اعبر من يم المحلات واستغرب انظار بعض الشباب وألقائهم بكلمات غزل الي في بعض الأحيان ..
كنت اجهل سبب اعجاب البعض بية ، يا تُرى العناية بنفسي والاهتمام الي جبرني علي رباب ولعياء
بعد ما حصرني وحفلي وخللي ماسكات هوا السبب؟
معقولة صرت اشبه الأخريات!!! وصرت محط اهتمام بعض الشباب؟
زين ليش احس غزلهم او نظراتهم ما هي الا تخطي ع حريتي وما يخلوني احس بالراحة واني اسلك هذا الطريق!!! ..

الخزرة والتجاهل الحل الوحيد لهذول الشباب المفتقرين للأخلاق والأدب .. وبعض الأحيان الرزالة لا بأس بيهة ..

ما گدر احد من الشباب يلفت نظري او يهز ثگلي
ولا گدر احد يخربط نبضاتي المنتظمة غير ذاك الشاب الوسيم ..
صاحب البشرة البيضاء والشعر الأشقر العسلي المتناثر ع جبينة بعبث .. كأن شعر رأسه ينزل لـيُقبله عمدًا .. سبحان من انزل العسل ليستقر بعيونه
ساعده بارز بي شعر خفيف اشگر يشيل صناديگ الفاكهة و ينزلهة من السيارة وكل ما يقبض ايدة ع الصندوگ وتبرز عضلات أيدة شراييني تقبض ع قلبي وتعصرة بقوة ..
رفع عينة شافني امشي بأتجاهي اله بدون قصد او بقصد ما ادري
افلت الصندوك واندثر التفاح بالگاع وتطشر بكل مكان ..

نزلت ع أرض اجمع بالتفاحات الي تدحرجن حتى وصلن الي وضليت اجمع بيهن لميتهن كانن تقريبا ستة شلتهم بصعوبة حضنتهم حضن و تقربت منه

رفع عينة التقتت نظراتنة زلزلت كياني وألقت القبض على قلبي رغم كُنت اني الضحية !

نرسمت ابتسامة بلهفة المشتاق على محييااه ما نزل عيونة حد ما نزلت التفاح بالصندوگ
حط الصندوگ بالگاع وگال اوگفي اوگفي فتحي جنطتج اخليلج بيهة فاكهة .

براق :- ع أي اساس اقبلها منك ؟ .

انفتح باب بيتهم بينما هو اردف بصوت خافت
:- ادور على فرصة وحجة اروي ضمئي بيهة و هيَ تتهرب ! .

شفت ام قيس طلعت تتلگى ابنهة شافتني وضحكت تقربت سلمت عليهة بوستني و گالت
:- خالاتي حبيباتي شخبار دراستچ ، يمة قيس جمع فواكه لبراق تاخذهم وياهة للبيت

رديت بأحراج :- الحمدلله خالة ماشية اموري ومشكورة متقصرين بس امي تسوگت الصبح واشترت كلشي .

ام قيس :- يا براق يمة وأذا امج مشترية ما يخرب ينضم بالثلاجة لا ترديني يمة ما يرد الكريم الا البخيل وامج نفسيتهة طيبة وكريمة خليج مثلهة .

ابتسمت الهة و ضلت تسألني عن احوال امي ورباب وگالتلي اگول الأمي راح تمرلهة ورة العشاء هيَ وأم حسن وصديقتهم ابتهال حتى يگعدون يمهة ويسولفون .. انطاني قيس علاگة جمع بيهة من المسواگ الجايبة چانت ثگيلة ابتسمت ابتسامة صفرة وهمستلة مشكور الله يكثر خيرك ..

مشيت للبيت بدون ما التفتت ما كنت ادري تركت وراي قلب مشتت ينبض بجنون بمجرد ما لمحني للحضات ..

وصلت للبيت لكيت سيارة عقاب بالباب ، دخلت نزعت حذائي وشفت رباب بالمطبخ تفرك بأيديهة بأرتباك ومرسومة ابتسامة ع وجهة
:- گواچ الله رباب

:- الله يگويچ
ردت بدون انتباه كأنما ما حست ع وجودي

نزلت العلاگة ع كاونتر ورحت بدلت هدومي وغسلت رجليني اجيت شافتني عقدت حاجبهة وكالت
هاي يمتة اجيتي ؟

براق :- ما چنت ادري وجود عقاب ياخذچ حتى من نفسچ ويخليج مو واعية لهذا الحد
دخلت وگتلج گواچ الله ورديتي عليه بس جنتي شاردة ومبتسمة كأنما روحچ بالدوانية يم امي وعقاب او بالأحرى يم عقاب .

ضحكت وغطت وجهة بكفوف ايديهة وشالتهن بسرعة وحجت و هي تتمايل بدلع
:- جاي يخطبني من امي جاي يحجون صارلهم بالنص ساعة ما ادري شنو يگولون بس ادري بأمي راح توافق .

شهگت بصدمة وحطيت ايدي ع حلگي و عيوني اتسعت
:- چذااابة عقاب جاي يتقدمممملللججج ، سرعان ما تلاشت ابتسامتي وفرحتي وگتلهة بقلق
:- وأهلة و أمچ ، وعمامي بشكل عام وزيدان بشكل خاص شلون ؟ .

اختفت ابتسامتهة و الغضب اجتاحهة بمجرد ما سمعت كلامي
:- يخسى زيدان يوگف بطريقي ويا عقاب اصلا ما راح يدري راح ننخطب ونتزوج بدون علمة ولا حتى علم اهل عقاب ، عقاب مو طفل زلمة شكبرة وهوا مسؤول عن نفسة و گال بكل وضوح الي راح يتم زواجنة كدام كل اهل هاي المنطقة وكدام كل اصدقائة بس اهلة واقاربة لا وتعرفين السبب
وبصراحة انه ما يهمني اذا عرفو اهلة او لا اذا الگمر يمي وبأيدي شسوي بالنجوم .

براق :- خوش حجي صحيح اذا عقاب صار زوجج شرعًا وقانونًا شعليج بالباقي مو مهمين .

حميت الأكل وكعدت اكل كتلهة مبينة ممتغدية تعالي اكلي وياي شمالج مخبوصة ما تگليلي .

همست بصوت ناصي :- مرتبكة براق .

دقايق وطلع عقاب شفناه من شباك المطبخ وتبعتة امي الأبتسامة كانت مرسومة ع وجوهم رباب تنفست براحة وراحت للدوانية ، بعدهة اجت للمطبخ تركض
نسة سويجة نسى سويجة يمكن متعمد علمود اودي

براق :- فرررصتج ضمي من تدخل امي روحي للدوانية ورجعي كولي راح ارجعلة سويچة ضل هنا .

رباب ..
وگفت براق ع حيلهة دخلت امي مبتسمة باوعتلي و بعدهة راحت گبل للغرفة عقدت حاجبي وهمست
:- شو ما حچت

براق :- يمكن طلعنة مثل المثقفين وما نحجي بسرعة الا بعد ما تمر فترة ننجمع ع عشاء و بعدهة امي تكول عندي وياكم موضوع وتحجي السالفة ..

هزيت راسي اي
كالت ركضي ودي السويج

رفعت دشداشتي وطلعت اركض ركض خطوة بالنجف والثانية بكربلة جني بيبيب
نزلت الدشداشة وفتحت الباب
، طلع واكف ورة الباب ضحك و كال عرفت وجفوف العباس .

مديتلة سويجة و كتلة
:- بعد لا تعوف غراضك يمنة خاف استعز بيهن چا بيهن شي منك وما ارجعهن .

عقاب :- صار يبا ، واني راح استعز بالسويچ اللزمتة ايدينج .
حجاهة وهوا يباوعلي بتمعن ..

سديت الباب بعد ما اخذ السويج رجعت لكيت مسواك ع كاونتر حجيت بأستغراب
:- مو امي غاسلتة ومخليتة بالثلاجة لو عقلي طار مني وفقدت حتى ذاكرتي .

براق :- لا خية هذا من الأشگراني .

قصتلي السالفة و گتلهة تدرين شنو معناها

رفعت حاجبهة بتساؤول
:- معناها هوا معجب بيج لو يحبج صار شهرين ومدري شگد من شافج وعرفچ ممعقولة حد هسة يراقبج بدون سبب .

براق :- سويتيهة يراقبني هوا اشوفة مرات وبالصدفة بس يضل يباوعلي بصراحة ، بعدين رباب اني وين وهوا وين غير هوا أيه من الجمال مرسوم رسم واني گوة گوة صرت اجمل بشوية بعد عناية واهتمام مستمرة شهر .

رباب :- انتِ ليش هيج ماعندج ثقة بنفسج ترة الثقة مطلوبة بعدين تعاي شوفي البنات والله ما يتباوع بوجهن بس شخصيتهن قوية وعدهن ثقة بروحهن بحيث الأحلى والأحسن من الأشگراني يسحل نفسة عليهن ويعشگهن الثقة مرات احسن من الجمال نفسة .

سكتت لحضات وبعدهة كالت
:- ترة انتِ حلوة والله ما ناقصج شي ليش عدكم الجمال لازم بيضة ولازم مربربة اهم شي هاي ولازم گصير لان اذا طويلة يتنمرون عليهة ولازم ولازم
الف لازم يخلون ، اذا سمرة شبي السمار ، ويعني ضعيفة ماعندج وجه مدور وين المشكلة ملامحج حلوة ولايگلج سمارچ وضعف وجهج وكلشي .

صفنت بكلامهة لحضات واكتشفت الشكل ومظهري ما كان عائق بطريق سعادتي حد ما عرفت الأشگراني و شفتة صرت اركز بعيوبي اكثر من قبل وصرت اشوف حتى محاسني عيوب ..

والعجيب صرت من احط راسي ع مخدة اتخيل يجي يوم واحبة و يحبني ونتزوج
واني ويا گاعدين واحد بصف الأخر والبنات الجميلات يندبن حظهن لأن ما ضفرن بي ع عكس صاحبة الوجه الأسمر النحيف والعيون الشاحبة ..

****

للمغرب واحنة گاعدين بالمطبخ امي فتحت الموضوع بشكل غريب
استغربنة من عندة اني ورباب ، فاجئتنة وهية تگول لرباب راح ازوجچ لعقاب بدون علم اهلة خوفًا من المشاكل والرفض وحياة امج ويا ابو عقاب ..

رباب باوعتلي مستغربة رغم نعرف هذا الشي بس الي استغربنة منة هي گالت "راح ازوجچ لعقاب"
ما گالت خاطبج عقاب مني او شي مشابه حجت وهية ماخذة رأيهة وحاسمة الأمر ..

رباب ردت متعجبة
:- يعني انتِ موافقة ؟

سهى :- طبعا موافقة وگتلة گبع واخذ عقاب مو ذابة بنتي ذب ولا شي بس انتَ رايدهة و هيَ رايدتك وادري بهذا الشي حسيت بي من زمان وأي مشكلة ما عندي .

رباب :- يمة ليش سويتي هيچ ؟

سهى :- شسويت يمة ؟ مو انتِ تحبينة حتى بنومج تهلوسين بي وعيونكم فاضحتكم .

عافت المطبخ وطلعت زعلانة امي باوعت بأستغراب وگالت
:- شحجيت هسة انه ليش اختاضت ؟ چا غير رايدة مصلحتهة وين نلگة مثل عقاب الولد اخلاقة تخبل والله رازقة وبعدين ما مقصر ويانة شلون اردة؟!!.

براق :- من يمي حسيت موافقتج بهاي السرعة اهانة لرباب لان مو بنية .

فكيت عيونهة ع وسعهن و كالت :- ياااا

براق :- والله يمة لمفروض تگليلة افكر واشوف البنية واردلك خبر مو تكليلة گبع واخذ عبالك شامرتهة علي شمر المفروض تحسسي اغتصابهة ما مشكل فرق عندچ .

سهى :- وروح ابوچ مو هذا السبب انه بس شايلة همهة وهم مستقبلهة من صفحة ومن صفحة ثانية ادري بيهة تحبة مبينين همة .

براق :- مع هذا جان لازم تكليلة لو بيدي اگلك كبع واخذ بس الشور شور البنية ع أقل هيج گليلة هسة رباب انقهرت من عرفت انتِ ماخذة قرارج ومنطيتة الأوكي بدون علمهة .

جرت حسرة ونزلت راسهة .. تقربت منهة حطيت راسي ع كتفهة
ادري بيج مو قصدج وشايلة همهة بس يمة ليش استعجلتي ، يلة بعد شتسوين الفات مات لا تتگدرين ورباب انه احجي وياهة خوش .

****

لعياء ..

بالمستشفى ومندمجة ويا الشغل ، ما شاغل بالي غير موضوع امي ورباب ما لازم يضل كلشي مخفي لازم امي تعرف كلشي وتتعرف ع رباب حتى لو تألف چذبة جديدة ..المهم يلتم شمل الأم وبنتهة ..

زين شلون اذا امي ماتقبلت رباب وما طلبت العفو من رباب لان عافتهة وما اخذتهة
واعرف رباب ما راح تتقبل بسرعة ، وتحتاج محاولة من امي
لا شنو محاولة تحتاج محاولات ..

جريت حسرة وعدلت وگفتي حطيت ايدي ع ظهري احس يوجعني
لفتني صوت رجولي من وراي يردف بمكر
:- لا تتحسرين اجيتج .

عقدت حاجبي متسائلة منو هذا النرجسي الحاسب نفسة محور الكون وكلنة ندور حولة
التفتت شفتة الولد كرار ابو عيون الخضر جريت نفس وهمست بصوت ناصي
:- اللهم طولچ يا روح اجت العطلات والكراوي التعبانة .

كرار :- معذورة ع هذا حچيچ بسبب الموقف الأخذتي مني بأخر مرة التقينة ..

باوعت بأيدة علبة وباقة ورد حطهم و گال
:- جدا اعتذر منج هاي هدية اعتذار اتمنى تقبليهة وطبعا اني عاذرج لان رديتي البوكي المرة الفاتت .

ابتسمت مجاملة لان احرجني و هوا يحجي بأدب
:- اعتذارك مقبول بس ما اقبل هداية من اشخاص غرباء تعذرني بهذا الشي .

زم شفايفة بأسف و گال
:- اذا رفضتيهة اعتبرج ما مسامحتني ع قلة ادبي .

باوعت لسحر سوتلي حركة بعيونهة بمعنى وافقي
لعياء :- تمام اعتذارك وهديتك مقبولة واتمنى الصار ما يتكرر لا وياي ولا ويا اي موظف اخر بأي مكان كان .

كرار :- ان شاءالله هسة اني اترخص شكرا ع قبولج الهدية والأعتذار .

لعياء :- ولو اخذ راحتك اخي .

حچيت هيچ ودرت وجهي اكمل شغلي طلع هوا عفست وجهي وهمست
حتى وهوا مسوي نفسة مؤدب هم لئيم ومزعج ..

سحر اجت تركض شالت الورد شمتة وكالت
:- ذواق جايبلج ورد طبيعي اكلج خنفتح الهدية

لعياء :- اخذيهة الچ بعد ما اريد شي منة انسان مزعج .

جنت احجي واشتغل والتفتت ع صوت نشغة سحر وصيحتهة ..

سحر :- واوووووو واوووو واووووو مو طبيعي هذا لكرار مو طبيعي صدك ماعندة اخلاق بس عندة ذوق وفلوس .

تقربت منهة مديت راسي اباوعلهة شايلة علبة بيهة گلادة مكتوب بيهة اسمي و ع اطراف اجنحة ومخلي بيهة الوصل تقرأ بي سحر تبين ان لگلادة ذهب .. و بسعر 450 ألف ..

عقدت حاجبي وزميت شفايفي .. جريتهة من ايدهة شفتهة گلبتهة
و حجيت
:- هذا وين يريد يوصل؟ اكو شخص طبيعي يجييب هدية اعتذار "ذهب" لوحدة حتى مايعرفهة !.

سحر :- لعدهم فلوس حبيبتي هسة ابوچ ما شاءالله من يزعل امچ مو كلة يجيبلهة ذهب وألماس .

لعياء :- ترة امي متزوجة ابوي .

سحر :- والله ولا ادري شوكت ما گتيلي .

لعياء :- الولد هذااا سخيف حرفيا سخيف يريد يبنلي عندة فلوس وعبالة يشتريني بفلوسة .

سحر :- بس انتِ ما ناقصج شي ليش حتى يحاول يذبلج طعم غالي حتى يصيدچ .

لعياء :- چا هوا شمدري اني بت منو وشگد عندي ماعندي .

باوعتلي بمعنى فهمت و ضلت تربط الاحداث
:- شوفي لولو الظاهر الاخ جاي ومنتبهلج بس انتِ ممنتبهتلة ف حب يجذب نظرج من اجة وسأل عنچ ومن عاركچ هم حتى تنحفرين بذاكرتة وتصيرلة حجة علمود يحجي وياج مرة ثانية يمكن معجب بيچ لا اكيد هوا معجب .

لعياء :- معجب رخيص اشتري ثنين بربع .

دخل مراجع سحر شالت الهدية والورد خلتهم ع صفحة ، كملت شغلي وطلعت اول ما وصلت السيارتي لگيت ورقة محطوطة ع جامة سيارتي سحبتهة وفتحتهة ..

مكتوب بيهة
( جاي يطبخونهة الچ على نار هادئة "انتبهي" )

باوعت داير مدايري ما شفت اي بشر فتحت باب السيارة و صعدت اجت سحر تركض خلت باقة الورد والهدية بحضني و گالت
:- مالاتج
شمرتهن ع كرسي الخلفي صعدت سحر وانطلقت للبيت شي چان غريب منا كرار سالفتة غريبة و تخوف وبجهة ثانية هاي الورقة والمكتوب بيهة ..
شنو يطبخونهة الي ع ناري هادئة؟!!

حجيت الموضوع السحر اصفر وجهة وضلت تقرأ بيهة مستغربة ..سدتهة وخلتهة ع صفحة

وضلت تحجي بتساؤول
:- شنو هية الي يطبخوهة الج ع نار هادئة معقولة باچة لو كراعين؟! ..

باوعتلهة بنص عين ضلت تضحك وكالت يطلع كرار يريد يلفت انتباهج لا تفكرين زايد منو يتجرأ ويتقرب من بنت المسؤول حبيب محد ..

وصلتهة للبيت بس براسي ألف حسبة رجعت لبيتنة لگيت هنا گاعدة ع تلفزيون جوة
سلمت عليهة وتمددت خليت راسي بحضنهة مرتبكة وقلقة والف حسبة ابالي
ضلت تفرك براسي و تسألني اذا بية شي
گتلهة تعب الشغل والوگفة ..

گالت بعد ما جاوبتهة
راح تجي سنا ورجلهة وجهالهة

شلت راسي من حضنهة و حجيت بلهفة المشتاگ
:- الله عليچ؟ يمتة

هنا :- باچر ان شاءالله العصر اعتقد .

لعياء :- يممماااا راح يجي عقاااب الصغيرررر راح يجي عقووووبي يماااا .

سجاد دخل شايل علاليك يلهث
:- ركض وراي چلب طيح گلبي بمصارني الله ياخذ چلب بيت سهيل مدري منين جايبة مچلوب يركض ورة الرايح والجاي .

هنا :- زلمة جيس حب يخوفك چلب؟ الزلمة من الأسد ما يخاف

سجاد :- اي ما يخوفني أسد واصير سبع واخو خيتي واذب روحي جوة الچلب اگلة تفضل اكلة دسمة ألك فلسني ع راحتك ، يمعودة يا روح ما من بعدچ روح اني شفتة وهية صرخة وهية ركضة الأنثى الي بداخلي طلعت لا أراديا .

ونوب هوا ينبح ويركض وراي ، تگول اول مرة يشوف ولد حلو عابتلة جرحني اوي ..

يحجي بشقة ويتظاهر بالمياعة .. جاب العلاليك گال هاي شفتهن وگلت خواتي العزيزات اجيبلهن حلويات وياي بس طلعتن ما تستاهلن ..

قسم حصتنة ضم السنا وجهالهة واكثر من حصتنة ، اني اقتنعت بس عفت هنا تتعارك ويا وتتصارع حتى تحصل الأشياء الي تحبهة و صعدت سبحت و تمددت بفراشي افكر بحيرة ..

ضليت اتگلب حد ما غفيت ورة تفكير دام لأكثر من ساعة ..

**

رباب ..

لابسة فستان وردي قصير مكشوف الصدر ، مخلية مكياج خفيف وشعري كوتة الي لعياء الي كانت ضايجة لسبب مجهول ..
لونت شفايفي بأحمر شفاه وردي و خليت الرميل ع عيوني والمسكرة ..
براق حطت جكليتة بصدري ، لان بأعتقاد الناس هاي تجيب السعادة للعروس ..
ام قيس لازمة طاسة بيهة الهيل والچكليت جابتهة وياهة حتى تطشهة عليه بعد العقد وبناتهة الأثنين گاعدات يم امهن ويسولفن ..

كاعدة ع كرسي منتظرة عقاب يجي ويا اصدقائة والشيخ حتى نعقد ..وينعقد نبضي ويا نبضة وروحي ع روحة ، واصير زوجة عقاب حبيب امام الله وهاي الناس وانعم بقربة وحنانة ..
چنت فرحانة رغم اني ادري ممكتوبلي السعادة و فرحتي عمرهة ما تكمل ، وضحكتي عشيقهة الرحيل و هيَ وفية اله .........يتبع ..

بارت١٤

وعانِقي الرّوح ، إنَّ الروحَ مُتعبةً
وضمّةٌ منكِ بعدَ الموتِ تُحييها

رباب :- لولو خايفة مرتبكة شنو احچي امي گالت من يكمل گولي نعم .

ربتت ع فخذي اقلل التوتر ..
باوعتلي ولزمت وجهي بثنين ايديهة
لعياء :- اخذي نفس عميق وزفري الهوى من حلگج يلة سوي كم مرة هيچ .

جريت نفس عميق ملئ رياتي وزفرتة و كررتة لعياء اشترتلي عباية عقد بيضة غطتني بيهة لفلفتني تلفلف ..

امي تقرأ الفاتحة لمولاتي ام البنين تسهل أمرنة و براق نزلت دمعتهة غدر مسحتهة و راحت للمطبخ ..
مقهورة لأن راح تفارگني .

امي گعدت يمي لعياء طلعت من الغرفة سمعت اصوات زلم دخلو علينة للغرفة ألقو السلام
حسيت مغصة صارت ابطني شعور غريب هيمن علية ..
من بينهن صوت عقاب طبطب ع گلبي ..

گعدو وبدأ الشيخ يحجي ، واني احس نبضات گلبي سمعوهة كل الحضور ، همست بصوت خافت
:- ياالله ساعدني خفت .

الشيخ گلي :- اتقبلين اترضين ابنتي رباب كامل ستار بأن اكون وكيلك لأزوجك وامتعك وانكحك عقاب حبيب ع سنة الله ورسوله وعلى مهرًا معجله 8 مليون دينار عراقي ومؤخر 10 مليون دينار عراقي ؟

غمضت عيني بقوة جريت نفس و رديت بصوت خافت ..

رباب :- نعم .

الشيخ :- صلو على محمد وآلِ محمد .

الشيخ وجه السؤال لعقاب :- ازوجك وامتعك واُنكحك يا عقاب حبيب نفس موكلتي رباب كامل ستار هل قبلت التزويج والتمتع والنكاح لنفسك
، تنهد وأردف بكل حب

عقاب :- نعم قبلت التزويج والتمتع والنكاح لنفسي .

الشيخ :- الف مبروك ان شاءالله بالرفاه والبنين .

گامو الناس انفتح الباب طلعو وفاتت لعياء نزعتني ورتبت شعري بأيدهة باوعت عقاب يسلم ع امي وباسهة براسهة ..

سهى :- انطيتك قطعة من روحي لا توجع گلبي بيهة .

عقاب :- احطهة بنص عيني .

ابتعد عنهة وتوجهلي بلهفة المشتاگ وفرحة الملهوف تقرب بسرعة وهوا يفتح ايدينة للحضن
سبقتة وحوطت عنقة بأيديني ، حضني من خصري وارتفعت رجليني عن الأرض ..
همس بأذني
:- اريد وياچ التف حضن بحضن مثل الظفيرة .

توغل عطرة لصدري انعشني ..
رباب :- ما اصدگ كلشي مر ع خير ما اصدگ

همس :- بذلت كل جهدي حتى يتم كلشي ع خير وتصيرين الي وبعدهة شنو يريد يصير خلي يصير عسى ما تحترگ الدنيا بعد ما اهتم المهم صرتي حالي وحلالي .

قوة لزمة خصري نزلت دموع الفرح من عيني ع عنقه شمني بقوة وهمس
:- ردتلي روحي الضايعة .. اوف يا عطرچ النفس لـعقاب .

لعياء :- ترة احنة موجودين مو غرفة النوم هاي ياريت تخلصونة وتطلعون يم الناس حتى نكمل سوالف الخطوبة ، بعدين استاذ عقاب حضر روحك تحجز قاعة للحنة لان الخطوبة مو مرضية ابد بس اقدر وضعيتك وانتَ خايف من كثرة التحضيرات تكشف الموضوع ويجون عمامي يخربون ، وهسة تمت الخطبة وارتاح گلبك بعد ماعندك حجج .

عقاب :- رباب لو تطلب عيوني انطيهة كل غالي لعيونهة يرخص .

ابتعدنة عن بعض باوعت لأمي تبچي وتمسح دموعهة بدون صوت ركضت حضنتهة بكل قوة حوطتني بأيديهة كأن راح اروح منهة للموت مو اتزوج ..

سهى :- فراگچ مو سهل يمة ، الله يسعدچ لو ما ثقتي بعقاب القوية ما انطيتچ اله بس ادري بي راح يشيلج ع كفوف الراحة ويسعدچ .

عجزت الكلمات تعبر عن شعوري بهاي اللحضة اكتفيت بحضن عميق .. اختلطت ع خدودي دموع الحزن والفرح .. بالأخير اني راح ابتعد عن امي واختي بعد فترة قصيرة مو شي سهل عن اي بنية ..

مسحت دموعي و لعياء اقترحت تعدلي مكياجي قبل ما اطلع بينما براق تجهز باقي السوالف ..
عقاب ضل يحجي ويا امي و يقطع عليهة الوعود حتى يطمنهة ان اني راح اكون ويا مرتاحة وسعيدة ..

بعدهة طلعنة ام قيس هلهلت و رشت الهيل وانطش الجكليت ع روسنة ..
جابو الذهب والكيك والعصير ، جانت لحضات تضحك وممتعة ..

شال الكلادة وگال رفعي شعرچ البسچ ..

لميت شعري ورفعت شوية حط القلادة برگبتي وصار قريب مني لدرجة نفاسة تلفح رگبتي كزبر جسمي ..
همس وهوا يلبسني
:- الذهب يخجل من رگبتچ ، كل النسوان يلبسن الذهب علمود يحليهن الا انتِ حليتي الذهب .

ابتسمت عضيت شفتي ورجعت شعري و عدلت گعدتي ..
انتهة هذا اليوم بطلعتة من البيت ام قيس اترخصت وراحت بس لعياء بقت ..

براق حضنتني باركتلي و بعدهة اقترحت ع لعياء ينظفن البيت علمود ابدل وارتاح شوية ..
رحت للغرفة احتاريت ابدل بشنو ادري بي راح يجي ادري ما ينطي گلبة وراح يرجع لأي سبب ماعرف بس يطلع حجة ويجي ..

احتاريت شنو البس اخير شي طلعت دشداشة جديدة حلوة مرتبة لبستهة وطوخت الحمرة ورشيت عطر سبحت بي كأن ما شايفة عطر .. رشيتة بجنون ..

دخلت للمطبخ وامي صارت تنطيني دگ وصايا
لا تطلعين المغرب مو زين عليچ تنضرين لا تدخلين المغرب للحمام وسمي بالرحمن ...

كتلهة سمعًا وطاعة يمة ..

دخلت لعياء للمطبخ وگالت
:- المسعد يگول لا تسوون عشاء راح اجيبلكم واجي بعد شوية .

سهى :- هذا ياهو؟

لعياء :- المسعد خطيب اختي ، چا بس السعيدة والمرتاحة يسموهة لمسعدة؟ عقاب هم مسعد لان ماخذ رباب الزين والجمال كلة .

رباب :- ابتسمت وگتلهة شكرا .

باوعتلي بنظرة غريبة صعبة التفسير وطلعت ..

رتبت شعري بأيديني و گعدت بالهول خجلانة عبالك مادري شنو حطيت ايديني ع حلگي كتمت صرخة رادت تطلع بفرح ..

امي ولعياء وبراق يباوعلي مستغربات ويضيقن عيونهن بشك ..
امي همست شي لأختي لعياء و لعياء تهز راسهة بأي ، عدلت شعري للمرة المية ورتبت دشداشتي ..

تنهدت ورفعت راسي للسما نخيت الله وثنعش معصوم يسعدني ويا عقاب ويخلي ايامي احلى من العسل ..

نزلت راسي و شفتهن يباوعلي بنظرة غريبة حجيت بصوت ناصي
:- شبيچن تباوعلي هيچ؟
شنو شايفاتني مخبلة ..

سهى :- عمي خلفلة ع مخبلة يمة من شبگتي طك راسج براسة وطاح عقلچ ..
صدگ تذكررررت تعااااي انتِ شلون هيچ تشبگينة ما تستحين ولج البنية لازم يصير عدهة حياء وتخجل وتتمنع .

لعياء :- مضبوط حجيج خالة گبل شمرتي روحج علي المرأة لازم تتمنع وتدلل مو تذب نفسهة علي
باوعت الأمي و حچت
:- ماما الله يذكرهة بالخير تگول الرجال اذا تذبين روحچ علي يكول هاي ميتة علية ويسيطر وحتى اذا اجة براسة يبصبص ع نسوان ، يخووون ..
يگول هية ميتة عليه وماتدري اذا درت تسامحني
بس اذا شافهة قوية وماذابة روحهة علي وساحلة نفسهة يحسبلهة الف حساب قبل لا يسوي شي .

براق :- امچ ما تدخلني دروس يمهة خوش عدهة حكم .

لعياء :- ماما مسيطرة ع بيت كلة بس مو لان الكل يحبهة لا ، لأن مسيطرة ع بابا حبيب ومخليتة يموووت عليهة .

رن مبايلهة شالتة وعقدت حاجبهة ..
گامت من مكانهة وگالت عذروني هذا اخوي سلمان يتصل تقصد اخو عقاب ..

جاوبتة و هي حاجبهة مطبوگ طول المكالمة وتحچي بهمس نهت المكالمة و تقربت من عدنة
:- تعذروني لازم اطلع اخوي سلمان مرتة عدهة ولادة وسنا وياهة بالمستشفى ، لازم ارجع اساعد هنا لان راح يكعدون ويانة بالبيت

سهى :- جا ماعدهم بيت وحدهم شعجب كاعدين وياكم

لعياء :- لا عدهم سلمان ماخذ بت خالتة و عزيز عايش وياهم بس ممتزوج وهسة مرتة ماتگدر تشيل مسؤولية الطفل وحدهة ف بابا اقترح يرجعون يكعدون ويانة بالبيت راح يصير البيت ازدحام .. حجت اخر كلمتين بالشقة وضحكت

براق :- مبين بيتكم هيج اكشن و وناسة ابدي اعيش وياكم

گلبت عيونهة بضجر وگلتلهة
:- اووو كلش مشرمينهة بالوناسة ، تعاي وشوفي بابا وماما لو مسافرين لو طالعين ما نشوفهم بالنسة حسنة وهنا وسجاد يكعدون كلة سوية جوهم يختلف عن جوي و اني مخلصتهة لو بالشغل لو كاعدة بغرفتي بالضيم راح يطكني توحد .

سهى :- تعاليلنة وتونسي ويا البنات .

لعياء :- شعندي غيركم متكلولي بوست امي وبراق واجت بوستني وراحت .

اجة المسعد جايب العشا وعلاكة صغيرة بيضة حطهة بأيدي ، اخذتهة منة وابتسمت
:- شنو هاي ؟
:- مبايل وفعلتلج بي نت علمود نحجي .

ابتسمت وهمست شكرا ع هدية تخبل .

ابتسم برضا وخصم عيونة وكعد بالهول يم امي براق تقربت جرتة من ايدي فتحتة شافتة مبايل حديث لمس وضلت تكمز
:- مثل مبايللل لعياء الله يجنن ، يلة انطيني المبايل العندچ العب بي لعبة الدودة .

رباب :- انجبي ما صدگتي تاخذين غراضي والمبايل العندي ما انطيج شي حد ما اتزوج .

تخصررت وگلتلي :- لا والله؟

رباب :- وجعااا من الله اخذي بس خلي اتعلم ع هذا بالأول .

اجت دحست روحهة يمي وحجت بحماس
:- اني اعلمچ سهلة .

رباب :- خلي نتعشة بالأول خو ما نضل كاتلنة الجوع وزحمة اجة نخلي جوعان قابل .

براق :- نزلي بي العاب .

رباب :- علمود تستلمينة تلعبين بي واني وعقاب نتراسل بزاجل .

عفست وجهة تتصنع الزعل ، ضميتة بالكاونتر وسويتلهة اششش
رتبنة العشا بالمواعين ورتبنة السفرة بالدوانية وصاحتلهم براق ..

سمعت عقاب يگلهة خلي اغسل ، اجت ورا تركض حالفة ما تخلي يشوفني وحدة ودحست روحهة يمي يباوعلهة ويرجع يباوعلي ..

راح غسل ودخل للدوانية و لحگناهم كعدنة امي خلتني اكعد بصفة ، باوعتلة منطلق يسولف ويا امي يحجون عن العمام والخوال وسوالف مال ناس كبار

واني محتارة شلون اكل استحي حطيت اول لگمة بحلگي مضغتهة وگوة نزلت وگفت ابلعومي اختنكت بلگمة وهوا يحجي طبيعي فتح الببسي ومدة الي ومكمل سوالفة عادي ..

جان اصعب عشا بعمري ، ما صدكت خلصنة وگمت ..
امي كعدت بالهول وبراق ودت الجاي وكتلهة بخزرة روحي درسي اني اغسل المواعين ..

براق :- الحمدلله والشكر لله خلصتيني من هم چبيرررر الله ينطيج الصحة والعافية ان شاءالله تجيبين من عقاب جنگل جهال .

رمشت بعيونهة متفاجئة عبالك كايلتلهة حررتچ من العبودية .. راحت هية وضليت اغسل مواعين

سمعت خطوات وراي التفتت شفتة عقاب شايل استكان الچاي
:- اريد چاي .. يحجي بمكر ..

بلعت ريگي وحجيت بصوت متقطع
:- خ خوش اني ... اجيبلك واجي

تقربت منة اخذت الاستكان باوعلي بتمعن خليت القوري احمي شوية و اجيت اغسل الأستكانة حضني من ورة نكزت منة وكتلة وخر عيب امي هنا ..

عقاب :- بس بوسة يبا شطالب منچ .

رباب :- لا عيب وخر لا يجي احد طفيت القوري وشكرت الأستكان رجع لف ايدينة ع خصري وحط راسة بشعري
:- اموت ع شعرچ رباب هذا الي شعرچ داري ولا تگصينة اريد اتوسدة وانام .

رباب :- هههه تدلل وخر شواربك صارن ع ركبتي وخر الله عليك لا يجي احد

:- اريد اشمچ واشبع من ريحتج ولچ ما جاي ارتوي شسوي .

همست :- مو بس شعري اني بكبري الك رباب لـعقاب و لو حاولت كل الدنيا تبعدني عنك ما اعوفك صرت من شي روحي .

دارني لف ايدة ع خصري زين والايد الثانية بعد بيهة گذلتي عن وجهي نزل راسة باس جبيني غمضت عيني استنشق قربة
لزم حنكي رفع وجهي .. باس خشمي و گال

:- الچاي بلا زحمة .

درت وجهي شلت الاستكانة ، اخذهة مني وهمس
:- بالضيم ما مخلية شكر ضوگي ضوگي
اخذتهة من ايدة ضگتهة :- والله حلوة لا تدلل علية .

اخذهة وطلع يضحك ويغمزلي بمكر ، حطيت ايدي اتحسس خدي ، كزبر كل جسمي من قربة ..

كملت شغلي بالمطبخ شغل بسيط ، من كملتة طلعت لگيت عقاب يريد يروح امي شافتة يباوعلي كالت اخذو راحتكم يمة ..

گامت دخلت للغرفة وسدت الباب هوا عبالك انطتة الاوكي گام جرني من ايدي حيل للدوانية دخلني وسد الباب ..

نشغت بصدمة و همست عقاب لا تجي امي عيب شتگول علينه مفلفلين ما شايفين .

ابتسم بهدوء و گال شنو راح اسويلچ قابل هية بوسة من هذني الشفايف الحلوات اروي بيهة ضمئي ولج عطشان عليچ .

حطيت اصبعي ع حلگة بمعنى اششش
وهمست بأذنة :- هدي اللعب وياي ..
غمز وباس صبعي ، رفعت صبعي وعيني صارت ع شاربة مشيت ايدي ع شاربة رجع راسة ليورة ..

عقاب :- رحميني رباب ولا تسوين هاي الحركات هسة ستري علينة .

قربت راسي حطيتة ع كتفة حضني برهاوة حوطت ظهرة بأيديني ، كال بصوت ذايب ..
:- فتحي شعرج ليش لامتة .

مد ايدة ع راسي شال الشكالة من راسي واندثر شعري ع ظهري همس اوووف شلال اسود يبا ضمي عن عيون الناس لا ينحسد هذا الي اخاف علي .

رفعت راسي باوعتلة وتصنعت الزعل، برطمت شفتي وحجيت بدلال ..

:- تحب شعر رباب اكثر من رباب .

باوع بعيني شال ايد منهن ومشاهة ع شفتي گرصهة بعدت راسي .. ميل راسة وحجة
:- اعشگ رباب وعيونهة وروحهة وكلبهة وشفايفهة وكلشي بيهة بس شعرچ شي ثاني ما اتحملة شعرچ وشاماتج نقطة ضعفي ..
ابوسهة شامة شامة ..

مد ايدة جر شوية من شعري شمة و قرب راسة جاي يبوس وحدة من شاماتي وانفتح علينة الباب بقوة ثنيناتنة طفرنة كل واحد بصفحة ..

باوعنة ع براق حطت ايديهة ع حلگهة وتباوعلنة كل واحد بصفحة وصايرين الوان من الخجل ونللهث ونعدل بروحنة ..

عقاب عدل سترتة وگال :- رباب وصليني للباب

براق :- ع وزن والقافية ، عذروني عبالي رحت ما ادري بيك حاصر اختي .

حجتهة وطلعت بلعت ريگ ضحك وعدل سترتة وكال
:- يلا يا رويحتي رايح اني محتاجة شي؟

رباب :- لا سلامتك اوصلك للباب .. طلع وطلعت وراهة يمشي وكف وكال صيري منا علمود محد يشوفچ من تفتحين الباب ..

رباب :- صار .. صرت بالجهة الثانية باوعلي بنظرات عميقة نزل راسة باس خدي برهاوة ملمس شفايفة ع خدي خلاني اذوب بمكاني ريحتة مثل المخدر سبلت عيوني وباوعتلة عض شفتة ..

عقاب :- تصبحين ع خير ياااالخير .

طلع وسديت الباب ورا ، ركضت للبيت سديت البيبان وطفيت الاضوية اجيت اطلع المبايل الجايبة اخذت الباكيت ورجعت للغرفة لگيت براق نايمة ومغطية راسهة باللحاف يمكن خجلانة لان چيتت علينة ..

فتحت العلبة ع كيفي مستطيلة بيضة وبكل رقة حتى بشرتي ما اتصرف وياهة هيچ
تفاجئت مالگيت المبايل ، ضليت اگلب بالعلبة ماكو

حاجيت براق بتساؤول :- اگلچ المبايل ماكو شسالفة ماشفتي اني متأكدة ماطلعتة من الكارتونة .

ما ردت ، گمت من مكاني بغضب اعرف سوالفهة شلت اللحاف من راسهة لكيتهة حاطة هيتفون ولازمة المبايل الجابة عقاب ، ابتسمت ابتسامة صفرة مال وحدة نلزمت بالجرم المشهود ، شالت السماعات وانطتني المبايل بدون اي خسائر او نزاعات ..

و بعدهة گعدت تعلمني علي .. لان اني ما أعرف

*

لعياء ..

اول ما رجعت للبيت انشغلت بالترتيب ويا هنا والمساعدة ، عقاب الصغيرون لگيتة نايم
گعد ضل يبجي اخذتة لحضني بوستة و انطيتة فاكهة ياكل يريد امة ..

هنا :- لولو عزيز يريد احد يساعدة صعديلة ملتهية والعباس لو اصعدلة اطگ ويا ونتعارك .

لعياء :- بشنو اساعدة؟ شو خالتي (المساعدة) نظفت ورتبت غرفتة القديمة ونقلو الاثاث وهم رجعت رتبتهة لو هوا مايبطل سالفة الهوس مال النظافة والترتيب .

هنا :- بعد ما تعرفين عزيزو صعديلة .

لعياء :- يدلل عين السيح

هنا :- شنو؟
لعياء :- عين السيح ..

صعدت دكيت الباب ودخلت باوعلي بنص عين و گال
:- جاية تساعديني؟

هزيت راسي بـ اي

عزيز :- خوش مسحي الكاع تعرفين لو اجيب خالتي تعلمچ؟
هااااا تذكرت امج جانت هيج تشتغل تنظف فضالتنة طبعا متعلمة منهة .. احلام الخدامة .

ابتسمت مستهزءة وباوعتلة بكل برود ..
:- البهائم ماتگدر تلم فضالتهة تحتاج احد يشيل وصخهة .

امي اشتغلت تنظف مو عيب ولا تتوقع اخجل من شغل امي السابق ع أقل ابوك حب وحدة خدامة تشتغل بشرف وخذاهة ، ما عشگ بت ليل من حضن الحضن .

قطب حواجبة بغضب وقبض ايدة وتقربلي وگف كبالي استفزيت غضبة بـالبرود ..
عزيز :- ما اسمحلچ تحجين عنهة .

رفعت حاجبي وكتلة بأستهزاء :- شتسويلي؟ تطلع عضلات لسانك وتگلي بت الخدامة؟ ما تهز شعرة مني ماتخوف چلبي .

عض اصبع السبابة بغضب وصاح ااااااخ لو ما ابوي بظهرررچ چا فصمتة .

باوعتلة بجدية وحجيت بتحدي :- فصمة .

اشرلي ع باب وزئر بوجهي بغضب
:- طلعي برااااااااا لا تدخلين غررررفتي .

ابتسمت و وگتلة اوكيييي واني ابعد شعري عن كتفي واباوعلة بأستهزاء ..

ايقنت ان رجوعهم لهذا البيت ماهو الا بداية حرب باردة وفي بعض الاحيان راح تصير نار وبعدهة تخفت وترجع حرب باردة ..

رغم اعصابهم ومقتهم الي بس همة مثل شمس النهار ، الصبح تكون دافية رقيقة عطوفة والظهر حارة ساطعة قاسيييية ويا العصرية تلين وتخفت وتودعنة بسلام متناسية قسوتهة علينا .. ماعندي وصف لعزيز وسلمان غير هذا لأن همة بالضبط هيچ ..

فتحت باب غرفتي طلعت مبايلي من الجنطة لكيت ورقة صغيرة مطبوكة جريتهة وعلامات التعجب احتلت كل ملامحي .. گعدت ع جرباية فتحت الورقة ما جان بيهة غير لطخات حمر مبينات دم ..
قربتهة من خشمي شميتة و تأكدلي بعد لحضات هذا دم حقيقي ..

طبگت الورقة و گمت شمرتهة بالزبل گبل غسلت ايديني بصابون وسميت عليهن و رجعت فتحت مبايلي تصفحت بي وبهاي الأثناء وصلت رسالة من ثائر اخو عسل ..

محتواها كـالعادة عسل مـا جاي تستجيب وتنطي اي معلومة لا بالضغط ولا بالمسايس
وحابسة نفسهة بالغرفة بعد ما بطلوهة من الكلية ..

ايقنت ان عسل احتمال جبير تكون مهددة بشي قوي ماتگدر تحچي كدام اهلهة .. زين الهددهة وينة؟
اكيد مايسوي شي الهة لان مستهدف رباب مو عسل ..

اريد افتهم هاي الناس شبيهم ، ليش يحبون الظلم ما يگولون اكو رب يشوفنة !! .

صفنت شوية ، بعد تفكير عرفت اكو ناس مستهدفتني اني هم موضوع الورقة وهسة الدم بهاي الورقة هذا تهديد صريح ..

گمت فتحت الزبل طلعت الورقة فتحتهة تنهدت حطيتهة بكيس وضميتهة بداخل المجرات ..
بس منو يوصل لجنطتي و يحطلي الورقة؟ من الدوام لبيت خالة سهى للبيت يعني الورقة محطوطة الي بالمستشفى بدون علمي!!! ..

اول ما شفت الورقة بيهة دم توقعت هيج شي عادي ممكن تكون من المستشفى صارت بجنطتي عن الطريق الخطأ بس هسة لا عرفت وراي مشاكل ..

انفتح باب الغرفة علية عدلت گعدتي و حجيت
:- ها ماما!!

احلام :- زوجة اخوچ اجت امشي باركيلهة حبيبتي واستقبليهة عيب .

لعياء :- صار من عيوني .

ضيقت عيونهة و دخلت للغرفة
:- لولو ماما عندچ مشاكل بالشغل بالبيت ويا عزيز مثلا .. مبينة مغثوثة منو غاثچ .

لعياء :- مو مشاكل تعب الشغل احس طاقتي قليلة احتاج ارفه ع نفسي شوية بلكي ارتاح .

احلام :-احجزلچ سفرة لأنطاليا ، ادري بأبوچ ما يقبل تسافر بنية وحدهة بس اخلي سجاد يسافر وياچ غيري جو حبيبتي ما مليتي من الشغل والكعدة بالبيت يا امي .

لعياء :- لا لا لا ماما لا تكولين لبابا وتخليني بموقف محرج ما اريد اسافر اني اكدر ارتاح يوم يم سحر لو نطلع نتونس اني وياهة لو ويا هنا مو شرط اطلع لتركيا السعادة والراحة مو بالمكان بالأشخاص النرتاح وياهم .

ابتسمت و گالت
:- خوش چا ونسي نفسچ تعاليلي بعدين انطيچ فلوس روحي تسوگي وتونسي ادري براتبچ ما يوصلچ لنص الشهر .

لعياء :- تمام ماما شكرًا .

اجت هنا تركض حطت ايديهة ع اركبهة تاخذ نفس وگالت
:- ماما تعالي يم سلمان وزوجتة اجوهم ضيوف بهاي السرعة الخيالية من صديقاتهة .

احلام :- يا قليل ذوق جاي بهذا الوقت وين اكو احد يجي لبنية جايبة قبل ساعاتين شنو ماتريد ترتاح ماتريد تسبح استغفرالله وتالي ويا قليلين الذوق راح يجلطوني .

طلعت هية باوعتلي هوا وقوست شفايفهة
:- عشتو صاحباتهة ما يعرفن البنية توة جايبة ... تعاي شبي وجهج منو مضوجچ

لعياء :- محد تعبانة حجيتهة وتمددت
ماما كالت لازم اسلم ع سلمان وزوجتة اني ماكدر هسة كليلهم ضغطهة نزل واقترحت عليهة تنام ترتاح

هنا :- تدللين .. طفت الأضوية وسدت الباب ..
طلعت مبايلي شغلت قرآن و غمضت عيوني غفيت بدون ما احس و گعدت بوقت متأخر نزلت لگيت البيت هدوء الكل بغرفهم شفت عزيز وسجاد يلعبون بليستيشن بالصالة

تخطيتهم ودخلت للمطبخ فتحت الثلاجة طلعت جبن دخل عزيز للمطبخ مد ايدة من وراي اخذ ببسي ، حجة من وراي

عزيز :- خليتلج اكل تلكي بالفرن .

باوعتلة بنص عين ودرت وجهي
:- خاف حاطلي سم بي ما أمنلك .

عزيز :- لا تخافين ما مخليلج سم و اني لو بيدي اخليلچ بس ماناقصني دوخة السجون والمحاكم البية مكفيني بت الداگوگة .

گلبت عيني بضجر ضحك بأستهزاء وطلع ،
طلعت الاكل جان جاهز اكلت و صعدت للغرفة ..

بأقرب عطلة اقترحت ع سحر نطلع ونتونس ونغير جو وهية وافقت بدون تردد
نزلت گلت لهنا تجي ويانة رفصت ف عفتهة براحتهة سجاد كال اروح وياج كتلة انجب طلعة نسوان

سجاد :- عادي ازين شاربي واگعد بنصچن اهم شي الصاكات .

لعياء :-بابا اسمع ابنك

حبيب :- اخذي وياچ يموت ع سوالف النسوان لو بيدة يلبس حجاب ويصير نثية .

عزيز :- اشرم حلگة سويجد صير زلمة لا بالنعال و ع وجهك اهفك .

سجاد :- من تصير انتَ زلمة بذيج الساعة انصحني لو هفني بالنعال ع وجهي .

عزيز :- راح اشرم حلگك والرضا لا تصير بربوك .

حبيب ، صاح بغضب وبلغة تحذير :- خواتكم هناااااا!!!!!! .

عزيز حجة بصوت خافت يستفز سجاد :- بربوگ مگطگطة .

سجاد :- نثية حولة عوبة .

هزيت ايدي و صعدت مخابيل .. طلعت ع سحر اخذتهة وطلعنة فرفرنة بالسوگ اشترينة كم شغلة واني اخذت لخواتي كم شغلة هم ..

وبعدهة رحنة لمطعم نتغدة اول ما گعدت انسحب لكرسي بالطاولة الكدامي و كعد كرار ويا شباب ثنين ..
اختفت ابتسامتي عن وجهي و سحر التفتت تتأكد من السبب وباوعتلي مستغربة و همست ..

:- معقوووولة صدفة لو انتِ گايلتلة راح تجين هنا

قربت راسي منهة وهمست
:- وشعندي ابلغة وين اعرف رقمة اصلا .

قوست شفايفهة بأعجاب ورجعت التفتت همست ولج فضحتينة
باوعتلي وگالت
شما اشوف راح تصيرون حبيبين واجمل حبيبين دخيل الله شوفي جنة سراميك الحضرة يخبل يلج لج .

خزرتهة و حجيت من بين اسناني
:- سحرر كااافي استخفاف راح يحس علينة .

هذا كلة هوا ممنتبه ومندمج ويا الشباب الي ويا .. سحر دكت رجل الا هنا ناكل طلبنة اكل و كعدنة ناكل تجاهلت وجودة
بس من رفعت راسي علي شفتة يباوعلي ابتسم وهزلي راسة هزيتلة راسي بنفس الحركة معناها هلا بيك ..

كل ما ارفع راسي تلتقي نظراتنة ارتبكت ، صحت ع كرسون انطي لحساب صاح هوا من مكانة
كابتن حساب الخوات يمي ..

عقدت حاجبي وخزرتة كتلة لا يمي وطلعت جنطتي دفعت المبلغ ..

خزرتة وأشرت لسحر تكوم باوع عليه بأستغراب
ضلت عيونة تراقبني حد ما طلعت
سحر جرت ايدي كالت شبيج ليش تحسسيني جاي يأثر عليچ ما لازم يحس افتهمي

لعياء :- ما اريدة يحس شي بس ما لاحضتي جاي يبينلي عندي فلوس شوفيني عندي فلوس ناقصة بس يدگ لوحة ع راسة يگول بيهة عندي فلووس .

اجالي صوتة مستنكر
:- لا ابدًا هذا مو قصدي ، مادري ليش ردت ادفع حسابجن يمكن لان خجلان من موقفي وياجن وجاي اسوي كلشي حتى اصححة وتبدلن نظرتچن الماخذاتهة عني .

سحر :- لا خوية مماخذين نظرة وتسلم ع كلشي بس هية انفعلت وضاجت من موضوع لگلادة وهسة الدفع .

طئطئ راسة وتنهد شال راسة و حجة نبرة صوتة يكتسيهة الحزن
:- اعذريني ع الموقف هذا الله كاتبلنة بكل موقف يصير بينة سوء وفهم ولازم واحد بينة يغث الثاني عمومًا جدا اعتذر وما تتكرر وان شاءالله هاي الصدفة ما تتكرر ولا اشوفج ولا تشوفيني ، لان بصراحة جاي تنهان شخصيتي بقصد او بدون قصد ... حجاها ورجع للمطعم ..

باوعت لسحر بغضب وحجيت
:- اكص ايدي اذا طلعت هاي صدفة اني شاكة اكو ناس مراقبيني ويردون مني شي ويمكن هذا يطلع وياهم من شفتة كلشي بحياتي تخربط ..

صكت ع سنونهة وجرتني من ايدي
:- فضحتينة صرنة فرجة للعالم شبيج تسودنتي شنو غيرچ وخلاچ اعصاب وتعاركين ذبان وجهچ .

صعدت بالسيارة و كتلهة :- شوفي اني .... سكتت جريت نفس عميق ومشيت
:- ماكو شي بس جاي اشك اكو خطر يتربص بية بس انسي الموضوع ..

سحر :- لعياء تحكمي بأعصابچ خوش بدون مشاكل ..

رن مبايلي باوعت عزيز جريت نفس بقلة صبر
جاوبتة و حجيت
:- جاي اسوق من اوصل اخابرك .

عزيز :- لا ترجعين للبيت ابوي متخبل خبال بت عمي شايفتچ ويا واحد بالمطعم كاعدين سوية ولازمين ايدين بعض اذا توصلين يفرغ غضبة كلة بيچ .........

الصدمة احتلتني وسيطرت عليه ما حسيت غير الدنيا ضلمت بعيني فقدت السيطرة شفت الطريق جاي يتعرج و سمعت صرخة سحر المفزوعة و بعدهة ما حسيت بشي ......يتبع