tg-me.com/facdy313/1059
Last Update:
الليله الثانيه
......
مولاي حسين مولاي حسين
......
كلشي الك فدوه ونذر .. هاذا العشك من الصغر .. يبقه ويضل لآخر عمر
امن الصغر ربوني اهلي اعل العزاء
اتعلمت انسان اصيرن بالبكاء
اجروح عاشت بيه من اول سنين
سيرتي الذاتيه صارت كربلاء
اهلي وأنه اصغير لمجلسك ودوني
الحزن ولنوح صاير عزائك لوني
رابي وياي حزن كل خيمه
رابي وياي صراخ ايتيمه
رابي وياي ركاض الهيمه
.........
اؤنسي الخدامه ولطم .. كلشي ولا منهه انحرم .. لجلك يمحلاته الهضم
ينكطع حت الهوى ولا خدمتك
ايطيح بيتي اواكفه اتضل خيمتك
انسه كل امصاب البيه يصير
وعل بالي دوم تبقه امصيبتك
عمري اخلصه كون أمن العزه للموكب
ابكبري ضهري ريته اعل المصاب ايحدب
مو الي اولام الراحه إبلا حزن
مو الي اولام السكته ابلايه ون
مو الي اولام كللب المايحن
.......
نيتي اذا مجلس افوت .. وبلتعزيه ايعم السكوت .. من يقره مقتل كون أموت
اطلب ابلطم ايدي منك جزع
مايكفي اعليك جفني لو دمع
القاري من يوصل لسحك الخيول
اتمنه من صدري ضلع مني انشلع
من المهد ولحدي ماابطل نوحي
اشما كبرت اوياي تكبر تضل اجروحي
ابكللبي نيران توج وتستعر
ابكللبي نيران عل السحكن جمر
ابكللبي نيران عل الراحن يسر
........
ادعي الله جدمي مايزل .. وماريده كللبي لو يمل .. محله الدمع لجلك يهل
شنو نفع العين ماتهمل عليك
نحنُ عبيدك نرجِع اليك
انه عايش ملك بسمك ياحسين
مختصر كل الحياة أبين اديك
شكرا اعل الدمعه وعل الجرح يامولاي
شكرا اعل النعمه امن اذكرك وشرب ماي
ابقه للموت اشكرك عل الجرح
ابقه للموت دموعي ماتشح
ابقه للموت اعيش اوي الرمح
........
اللهم عجل لوليك الفرج
بفضلهم
محمد الاسماعيلي
BY الشاعر محمد الاسماعيلي
Warning: Undefined variable $i in /var/www/tg-me/post.php on line 283
Share with your friend now:
tg-me.com/facdy313/1059