tg-me.com/omdegim/12051
Last Update:
لطمیه لام البنین ع
ـــــــــــــــــــــــــــــــ
آنه ام البنین الراحو ابنیني
ولا واحد بگه منهم یباریني
►✺┅●✥●┅✺◄
انه ام البنین الجانو اگبالي
ابشوفتهم سرور ایفیض دلالي
امن اشوفنهم صدگ دنیاي تحلالي
واشوف الکون کله یزهر بعیني
►✺┅●✥●┅✺◄
انه ام البنین الایست منهم
سوه للموت بیدي گمت احزمهم
دون حسین آنه افدیتهم کلهم
گلت حسین میذبني یجازیني
►✺┅●✥●┅✺◄
ولا ظلو اولادي ولا بگالي حسین
بس ظلیت اصیحن وین راحو وین
چان البیت یزهي وچانو منورین
وصفه بیتي وحش مظلم یبچیني
►✺┅●✥●┅✺◄
یبچني ارکان البیت والحیطان
یبیت اشلون چانو بیك الي شبان
اسفه ذیچ الرسوم اتوسدت تربان
ذبحوهم عطاشه یا عمت عیني
►✺┅●✥●┅✺◄
الله یعینها زینب بشوغتها
مدري اشلون گدرت تنظر اخوتها
جثثهم علی الغبره الخیل داستها
تنادیهم یخوتي لا تضیعوني
►✺┅●✥●┅✺◄
اون وانحب واگول الموت اشوالي
چاوینه رباي وتعب دلالي
اصد للبیت من ذیچ الولد خالي
اصیحن لیش منکم خابت اظنوني
►✺┅●✥●┅✺◄
انهدم حيلي وغدیت ارسوم نحلانه
لیل انهار روحي تنوح لهفانه
علی المطروح ظل ابوسط میدانه
حسین ابن الزچیه البیه فجعوني
►✺┅●✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏
https://www.tg-me.com/fr/قناة العلويه ام ﺿيغـم المحنا الموسوي/com.omdegim
BY 📘قناة العلويه ام ﺿيغم المحنا الموسوي📘
Share with your friend now:
tg-me.com/omdegim/12051