‏مقطع صوتي من الشاعرمنتظر المنصوري

هلال المحرم
_______

ايامـك ســــواد وحــــزن هــــلايـام
يـهـلال الـمــــحــرم ياهــلال الـشـر
ياغـصـة مـحـمـد ياحــزن جـــبريل
يادمعات مــوسى وكـسـر مايـجـبر
عــيسى وامـه مريم واسو بلوعات
ايــــوب وي صــبره ليك يـتـحـظـر
دوم البـيـك ادم يلـهـــج ابــطاريك
قبل اسـنيـن ادم بالٓحــجــر يـعــثر
يعگوب وبياض عيونه ضل حزنان
ذرية مـحـمـد اعلـه الثـره امــطــبر
ياشـهـر الــسـبي يا اصـعـب الايـام
سماوات الســـبع والفلك يــتــحـير
نسوان الهــواشـــم طــرّن الــوديان
بحبال السبي حــتـى الـطـفل ينجر
مچتوله الزلم والرمح فوگه الراس
ولا واحـــد فزع لـيـهــن ولا يــنـغر
داست خيل صدره وكسرت اضلال
وبخــنجر شـمـر ســاعــة ذبح كــبّر
يـــذبح ديـن الله وكـبّر ابـــن العاق
اولاد الجــــمـل كـل زمــن تـتـكــرر
مابين الچــفـوف وخنصره المبـتور
گلبه الـبـي سـهـم والعـين والمنحر
حــزنانه الفلق والحـمد والاخلاص
ايات الـكــتاب اهـنـــاك تـطــــشّـر
________

✍️عباس مالك العفريت

#محرم_الحرام_١٤٤٦هـ

الهلال

يهلال الحــزن واللوعــه والحــسـره
ريحــانة مـحـمـد يـنگـطــع نـحــــره

======================
يهـلال الحــزن لا هلـه مـــن هـلــيـت
بيك احزان هاشم تبدي واهل البيت
كلــه اعـلــه الثـره لـمــن تهل خلـيت

وتنعى بـدمــع هامل فاطـمه الزهره
======================
زيّــدت الألــم كــل الفـلك حــزنـان
فوگ اعله الهزيله تنسبي النسوان
نسوان الهواشم ذولي من عـدنان

ياكُبـر المـصـاب وياعُـظـم أمـــره
======================
بيك اضل وحيده بت علي الكرار
بنيران المـعـسكـر علـمـخــيم دار
فرّن للصـحـاري ازغـارهــن وكبـار

بس الهن مـحـامــي زينب الحـره
======================
ركظت صوب اخوها احسين تشكيله
نايم يـبـن امــي المـا رضــه بـعــيـلـه
حسين مـن الطـعــن ماينهض بحـيله

من سحگ الحوافر منخسف صدره
======================
ياشهر السبي كل لوعه صارت بيك
وتهيج المواجــع من يمــر طـاريـك
سود اثيابنه كـــل ما نـمـر اعـلـيـك

حــزنانه المـلائك كـلـهـا والـعـتــره
======================
شهر البيك حزنان النبي المخــتار
وكل اديان الله وموسى والاحبار
شلون اعله الهزل بت حيدرالكرار

ياشهر المصايب جــرحك شكبره
======================
✍️عباس مالك العفريت
#محرم_الحرام_١٤٤٦هـ
نسألكم الدعاء
اللحن👇

لحن يهلال الحزن

عباس مالك العفريت

العليله

عتبي اعله المشو بالدار وحدي وهاجروا عنـي
لابيه أگـــــطـع البيده و لا منـهـم گــطـع ظـنّـي
____
عليله وعلتي بالروح موجسمي المرض ياذيه
ياكل روحه من يروح غالي و وحــده يخليـه
لايمي واگــلـه ارجـاك ولا يمسع عتابي اعليه

اشكي بحالي للجـــدران الـهـن سمـعـت ونّي
____
بيه انه امشي وياهم ولـــدرب السفر أگــدر
بويه اگبال عــينك شـوف وبممشاي ماأعثر
گــدام الركب ممشاي كــون اتگــول أتأخــر

خـــواتي وعـمـتـي وياي مـن اتعب يعينني
____
بطاريكم احاچي الدار وحشه اخلاف راعيها
جفني الماغمض للنوم وبوي حـــسين مابيها
اسال بالقــوافل دوم واتـنـشـــد طـــواريـهــا

طارش انطر ومكتوب ويطفّي جـمـر حـزني
____
كل ساعه واشوف الباب تركض مو مشي جدامي
واحســب باليالي احــساب اشهــور يمـرّن ايامي
ادور ابالي الحسبات اخــاف الـــراح ينـســانــــي

ابوي وعـتبــي انــه اعلــيه بويــه ايامــي هدّني
____
والعبدالله انه اشـتـاق ارتّب بالـمــهــد واشـتـم
صوته بأذني ما أنساه من اذكر ضــحكته اتولم
هزني الشوگ أخيي اعليه كل يوم بسهم أحلم

بيكـــم بالمنام احـلــم حـلــم الـسـهــم فــززنـي
____
هم بيكم رجه اترجعون انطركـــم دهـر وسنين
هم بيكم أمــل للضال وحــده ومابقاله امـعــين
طفله وهمي حمل اجبال شيبت الگلب يحسين

همّــي ايزيد كل ماطال هـجــرك يلرحت مـنـي
==========================

✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇

لحن عتبي اعله المشو (العليله)

عباس مالك العفريت

سفير الحُسين مسلم

مـسلــم غــــريـب الــدار مــحـتـار بالكــوفـه
چــاوينه عـنـه حـسيــن خــل مسلم يشـوفه
=======================
بيــده الأمــانه يــريـــد يــوصـــل بـمـرســاله
مـسـلــــم صــحاري وبـيــد گاطـعـهـن الحاله
لاجـــيــش راح ويـــــاه لا قـــــاد خــيّــالــــه

تـــاه الــدلـيـل الــچـان ويــاه ويـــعــــوفــــه
=======================
بشــــوگ الــدرب مـمــشــاه يـتــأمل انصـاره
ألاف هــــــاي الناس واصــــيــر بـكــــــتــاره
يوصـــل الكـــوفه اهــناك ويــرجع اخــــباره

يكــتـب لــبو السـجـاد ويـسـطــر احــروفــه
=======================
طب المدينه وشــاف هـلـنـاس مـــو نـاســـه
صـــابـه الحــزن والهـم وســط الگلب داسه
هاجس خطر علحسين ضل مسلم احساسه

غـــرگـــت اجــفـــون العين بدموع مذروفه
=======================
لمـن وصـل كـــوفـان شــو وحــده بالــديره
مــات الأمــل بالگوم ضــل عــايش بـحـيره
المــن يـــروح اهناك لا گـــربه ولاعــشـيـره

ضل وحده وابن ازياد اعليه يشهر سيوفه
=======================
حالة طــوارئ جـيـش وايــفــرّق اجمـوعه
وحـده ابو طاهر صار لــمـن وصـل طوعـه
رايــدلي شـربت مـاي يـطـفـيـهـن اضلوعه

طارش انه من حسين ياطـــوعه مظيوفه
=======================
اهـــلا وســـهـلا بــيــك يامــسـلـم ابـدارك
راعـيـــها انت الـــدار والـبـيـهــا خــطـارك
لـو شـحـت الانـصــار أولــــهـم انـصـــارك

تحچي بدموع العين من الفرحه ملهوفـه
=======================
بفجر الله صار الجيش من فوگ سطح الدار
حــــي الله طوعــه اصــيح انهــض يبن كرار
گوم أهـجــمـت بسيــوف گـــوم التدوي النار

وبسيـفـه ردهــا اعــداه صـاب الزلــم خـوفه

=======================

✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇

لحن مسلم غريب الدار(طور شال الشهيد حسين)
عباس مالك العفريت

العليلة


يا دوه العافيتي،،، وين الكاك
ياهواي ابريتي،،،، وين الكاك

سيدي وداعت شبابك
والله مشتاكه الجنابك
ثوبت دمعي المصابك
عذاب

قلدت كلبي الزياره. الماخذاني ومعتنيك
بويه وين الله واشوفك أرد أنام أبين اديك
هم إلك جيه اعله بيتك بويه طك كلبي عليك
والله حيره حيرتني مدري أظلن مدري اجيك

جا جيتك لو أندل وينك
إشكد مشتاكه اعيوني العينك
حدر إجدامك أنثر عمري
فدوه اسنيني اكبال اسنينك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا أمير ادموعي،، ما انساك
شوفتك موضوعي،، ما انساك

ترفه مو مالت مئاسي
والهجر يابويه قاسي
كلبي شيب جنه راسي
جريح

إدخيل بختك بس  تعالو      ملت  الساني  التعال
رحمه  لامك  رد  عليه    طفله  وابحاجة  دلال
إستقبلت  عطرك  واشمه  واذكر  ايام  الوصال
راحت وما الها رجعه خلصت وصارت خيال

دمعة عيني التنزف حيره
اخلافك ظلت وحشه الديره
طفله أبليل ومحد يمي
الليل إيخوف وآنه زغيره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الما يرد والدها،، وين تروح
والوكت مو الها،، وين تروح

كمت اشم ريحة نوايب
من لفى ناعي المصايب
كتله بشر. كلي جايب
مصاب

إيكلي مات وآنه اكله ، حسين ما ميت محال
هو جم حسين عندي وخده نايم عالرمال
يا عزيز الزهره أول ، تالي جسمك عاري ظال
من هوان الدنيا تعطش وانت ماي الله الزلال

يالراسمتك صوره ابعيني
ابكل دمعه ورسمك يلفيني
ما نسيتك لا والزهره
ينساه الله الينسه حسيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من لفاني الناعي،،صاح ابصوت
ما بقالج راعي،، صاح ابصوت

اكبال ابن حذلم تباجو ا
كتله أهلي وكلي راحو ا
كتله وين و كلي ماتو ا
جميع

إيدك إلكضت كفاهه. ياجرح كاسر كفاك
أبو فاضل لو القاسم لو علي الأكبر حناك
إشكد كريم الله إيرحمك يالعفتني ابجي وراك
حتى عبد الله نطيته قربه لله وكتله هاك

كلشي إنطيت الربك قربه
خيل اتكلبك كلش صعبه
إهواي إجروحك ما ينحسبن
ابكد الجيش اليرمي الجربه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

كرار ابومهدي المالكي

يافرج الله

هذا انت. الورده. جنك. ذابل اهواي
هذا انت. الماتوا. أهله. إبذمة الماي

إبعاشورك الشعيره
دمعاتك الغزيره
ماتوا. إلك عشيره
الله يكون إبعونك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بالندبه أقراك بس حزنك وياك
بالناحيه الكاك،،، غريب
يالعايف الدار متغرب الثار
حتى الإسم صار،،، غريب
امصاب اعله لمصاب جرحك ولا طاب
يالمالك احباب،،، غريب
يشبه للهلال ظهر الوكت مال
لحسينك الظال،،،غريب

والله دنيا. صاحب الله. ماله صاحب
ابغربه عايش. وانت مثله إبلا كرايب

ماله وقت عزائك
بالندبه دم بكائك
يالمانشف ردائك
الله يكون إبعونك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين إنوله اهناك فرض العصر ذاك
آخر صلاته،،،حرام
دار اعله لخيام  ويكلهن إسهام
تاخذ حياته،،،حرام
من طاح الحزام ظهره انحنى وكام
شده أبعباته،،،حرام
لتبجي العيون لو ظل بلا عون
تفزع خواته،،،حرام

ياهضيمه العفه طلعت ياهضيمه
واليتيمه اتجي كامت لليتيمه

يبجي هوى البراري
عالنامن ابصحاري
حكك تنادي ثاري
الله يكون إبعونك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مابينك وبين عاشور الحسين
حرمه اعله تله،،، تصيح
هذا حسيناه مكسور مكفاه
ما واحد وياه،،، تصيح
لوحان الفراك كشختها تنباك
وللخوه تشتاك،،، تصيح
جنها دموعك لمن تصبه
عااللي تحبه،،، تصيح

من محرم يبدي جرح ال لا نهايه
من محرم ونه توصل للسبايه

متعايش بندامه
عالجربه والعمامه
مدري على اليتامه
الله يكون إبعونك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نوحك ونينه. بالبر ظعينه
وطفله ابمدينه،،،تنوح
تمشي بالأحلام للخربه والشام
بعيونك إشظام،،،تنوح
اجروحك يمولاي أزغرهن اهواي
للماشرب ماي،،،تنوح
واصعبهن الجاي الركضن بلا راي
بالهيمه حفاي،،،تنوح

يالمداوي اجروحي جرحك ماله طيبه
اليامصيبه. تبجي كلي اليامصيبه

ياصاحب الزماني
صبح ومسه تعاني
ذبحولك الأماني
الله يكون إبعونك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

كرار أبو مهدي المالكي

ياصاحب اللوعة الطويلة يافرج

ابنار انتظاري. ودمع إنكساري
وابلهفه كلبي مولاي إجالك
صح ما أشوفك بس ما أعوفك
آنه أو وجودي صرنه حلالك

خلي إشما عني أغيابك طال
مامل وانطر. جياتك. ظال
واليوصل شخصك توصل ليه
ما غايب حاضر بالدلال ♡ أكيد

ابفواتح اهلك اليحظر تحظر انت
فاتحته
والتنظرله هذا إيصير الوادم تحلف ابخته
ماريد الحجي من كون موش المهدي سالفته
لبجيلك بجي المفطوم يتيم وكلها عايفته
#######################
كلبك سفينه وروحك حنينه
شجرة محنه اتفيي علينه
كل هذا واحنه أسود فعلنه
لو ما تجينه كله من ادينه

شخصيآ آنه الكلني اذنوب
جم دوب تسامحني اشجم دوب
لو غيرك يطردني و يغتاظ
طبع المتقلب ما مرغوب ♡ يقين

يمهدي جا طردني ابعيد لو غيرك شحص ثاني
فضل منك أسولف بيك وآنه المذنب الساني
يالتعدلني كل ما ميل بدونك ظايع الكاني
تانيتك خلك فلاح ما مليتك امتاني
#######################
الدنيا ابهلاكي. تسعى المماتي
وبس انت شفتك مركب نجاتي
شارد واجيتك ملجأ لكيتك
تحميني ريتك من سيئاتي

من ياهن أتعذر محتار
موهينه اذنوبي اهواي اكبار
ما تعرك كصتي وأخجل ليش
يالساترني وطبعك ستار ♡ أموت

إذا تطردني من ملكاك بالدنيا بعد شلي
خايف لا يجيلك يوم بعد ماريدك إتكلي
ابوجهي لو تسد بابك لوين أمشي يبعد اهلي
أضيعن كطره وي طوفان أغرك بالهوى كلي
#######################
ازغر عبيدك غارك واريدك
مديت إديه مد ليه إيدك
إقبل دمعتي و منك طلبتي
إتخليني أبجي إبمجلس شهيدك

لا رايد مال ولا من جاه
بس إنطيني اعله حسينك آه
بالمجلس لمن تحظر كون
كلبك لو ناح انوح وياه

زياره الناحيه أتسولف ودعاء الندبه بالجمعه
الف آه وجرح عمرك وانت أمكابل الدمعه
إعله ناعي حسين أسألنك اشلونك لمن إتسمعه
بس إيجيب طاري الخيل إبعينك ينرسم ضلعه
#######################
كرار أبومهدي المالكي

يامهدي

آنه الغريب المحد إلي
آنه الفجيع. الماتوا. هلي
فاكد عشيره ومالي ولي،،، وحبيب

أينَ الحُسين أينَ الحَسن
كلبي أسير إبذاك الظعن
رايح غريب وتارك وطن،،، غريب

كلبي كسير. ليش الجرح يندله
راس الأمير فوك الرمح يتعلى
بعيني تصير. سوط ونياك وتله

التذبح الروح عمتي أمن الخيام
جا طلعت إشلون ادوّر على إيتام
من كربلا اتروح. للكوفه والشام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جرح الزمان ابصوتي اعتلى
عالظل غريب ومحد اله
أصرخ حسين. أواه كربلا ،،،ابحنين

أبجي المساء وأبجي الصبح
لا مو دموع. أنزف. جرح
كسرة كفاي الفوك الرمح
،،،،حسين

ماعنده حيل. شهني ماخذ حيله
اله يموج. بحر الحنين. ابجيله
يبقى العزاء. في كلِ حين أرثيله

ضحيت العيون وأصرخ يجداه
ابصوت اليصرخون إتحولت آه
واللي يعزّون يلكوني ويلاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بس عالمخيم يحله الحجي
وطاري السهام إيريد البجي
ظهري كسير ومال أنتجي،،،،،،محال

همي ثجيل أوما ينجلي
أصحى وأنام ويتراولي
ذبحوا. رضيع وجتفوا علي،،،حبال

شفت حبال. شدوا بإديه بالعاشر
وجسم خيول. تسحك عليه بالحافر
و لا عمام. تنغر تجيه واتناصر

التشده البال. والتلوي الصفاح
بس طاح الحسين كل الحمل طاح
ياجرحك إيصيب. لب الكلب لاح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلشي نطيت إشعندك بعد
لا ظل عضيد ولا ظل ولد
وسفه الزنيم إبصدرك كعد،،،،حرام

جاسم جفاك وسبع النهر
وظلت سماك ابلايه كمر
خالي كفاك ومالك ظهر،،،،حرام

آيا غريب. محد وراك إيعينك
بيّن عليك. حيره ذيج إبعينك
واكع صريع. والدم خذاك البينك

يمعذب الروح. يمبجي العين
جرحك ولامات يمشي ويالسنين
وابكل وكت آه تنذب على حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كرار أبو مهدي المالكي

عبد الله الرضيع

ست اشهور هنّــه وحـــاربـانـــي البين
يبني التنذبح وانت اعله صدر حسين

========================
ســت اشــهــور ياعـــمـر الــورد يبني
جـســه ويـاي الــزمـن هلبيك حاربني
ليـش ومــن ضـحـكـتك يـمه حارمني

شيـطـلبـنـي زمــــاني وياي ماله دين
========================
يايمه عــبــد صــوتـك أنـيــس الروح
هـيـــچ بساع يايـمـه تـــريـد اتـــروح
ابــــد ماحـسبـت بـيـهـا تـــرد مذبوح
ناوي اعـلـه السفر گـلّـي السفر ليوين
========================
ليوين الســفـر حسـبـت تـبـقـه ويـاي
دفـيـت المـهـد حـظــرت شربت ماي
بطاريك اعـلـه غـفـلـه ويـقـره النعـاي

بدموع الهجر غــرگــت چـفون العين
========================
بدموع الـهـجـر اقــرالك انــه ابـيــات
توه ابني بحضيني وهس ابني المات
و أون بحرگه تكتل ونّـت مـضـيـعـات

يانـجــمـة سماي البـيهـا تـضـوه سنين
========================
تضــوه اسنـيـن عـمـري گلت من تكبر
سنــد ليـه بـكــبرتي وبيــك اتبــخـتـر
آه بـيـــوم عـاشـــر ياســهـم الـكــشـر

ســهام الحـقـد تطـلـب ثارها بصـفـين
========================
تطـلـب ثارها ومـنـك تــوفــــي الثار
گوم بخيل هـجمـت گوم تدوي النار
يــبـنــي بكربله مامـثـلـه يـــومٍ صار

وحيد حسين ابوك ودايره الصوبين
========================
وحــيـد حــسين ضـل حاير بملگاها
حـــيره وكل هله اعـله الگاع خلاها
وهـــاي الخيل هجـمت وين منواها

مــره اعله اليسار يروح مــره يمين

~
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇

ابا الفضل /مراجل

غــط اصـفــوفــهـا وخــربط سـراياهم
مثل اللـــيث ابــو الـنــومـاس طـراهم
=======================
صاح الله وكـــبـر واعــتـلـه الـمــهـــره
مـتــعود على العــركات مـــن زغــــره
واللاگـــه ابو فاضـل مـعــتـنـي الگبره

ملـــچ الـمــوت سـيـفـه هناك راواهم
=======================
ماثـنــه بظـربــتـه وطـــيراها الروس
ذباها الـشــوراب عـلــرگاب يـــدوس
عباس الـكـــــتـايب علـمـاها ادروس

وفـــنــون الحــرب بالمـعركه اطاهم
=======================
صايـــود وغـظـنـفـر يلـحگ الصيده
روس اكـــبار يخـتـار الــذي يريـده
يفـــرز بيــهــم ويـخــتار چف أيـده

يـطـشرها ويــرد بالـسـيف لـمـاهــم
=======================
غاد أعــلـه الــنـهـر سوه الابد ماصار
صنديد ابو فاضل راعي راس الحار
ماهــمـه الـعــدد خـله العدد مـحـتار

چــم واحــد بعــيـنــه ألاف شافاهم
=======================
رگضه اتراكضوا والركضه هي انواع
ركضة شارده مو ركـضـه مـال سباع
صيت الموت خـــيّم علـمعسكر شاع

تعداد وســره اعله الـمـوت صــفاهم
=======================
طبّاها الشـريعه وتـــرس جوده الماي
وســط النــهـر بـس ما يشرب الوفاي
شلون احسين ضامي وانه ابل چلاي

ذب الــمـاي بـيــده وگـــام لاگــاهـــم
=======================
مــو بالـســـيف تـكـتل خـزرة عيونه
والـمــوت الـحــمـر گـامــو يســمونه
شــردت كـل جــمـعـهــا وما يلاگونه

دگ ثايه والـقـاده هــنـاك بـچـاهـــم
=======================

✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇

لحن غط اصفوفها

عباس مالك العفريت

نعي السيده زينب

وين انه چنت هس انه شنهو الحال
         چـنـت امــدلله مابـيـنـهــا اخـــوانـي

دارانــي زمــانــــي والـــــزمـن دوار
         مـسـبـيـه بغـــرب مــن دار خــلانـي

المن اشتـكـي من يسـمـع الشـكـواي
         خـيـامــي تفرهــدن والحـبل گاداني

طــريـنـه الـعــساكر حـرم والاطفال
         والشـامــت ســبيـه اعـلــيه نادانـي

ماكو حـســين يمي وطايـح العباس
         چتلوهم هلي وحــــرگوهن خيامي

++++++++++++++++++++
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇

السيده زينب/يوم العاشر بعد مصرع الحسين

محــنيه صـوب حـسين راحتله تشكـيله
زينب لـخـــوهـا تريــد تـحـچـيله علعيله
========================
بين الزلم والــخـيـل طـلــعـت وتـتــعثر
ويـنـك يبـعـد أچـلاي طايــح يبو الاكبر
گــرّب ســواد الليل رد للـخــيـــم تگـدر

وحسين دمـــه يسـيـح ماينهض بحيله
========================
من فوگ تل صاحت يبن امي يحسيني
بمچان ابــو الســجاد ياهــو اليـدلـيـنـي
طايــح اخــوي حســين يازهرة سنيني

هـمـالـه تـبـقـه الـعــين ودموعها تسيله
========================
كل الجثث علكاع بالحومه مـطــروحه
وصلت لخوها حسـين واضمد جروحه
وتگــله يارجــواي شـو ناوي عـلــروحه

ياهــو اليـضـل ياحـيد بـعتاب تحچيله
========================
تحـچـيله علاطفال وسـكـيـنه عــطشانه
ياخـــويه مـن فــرگـاك ياروحــي تـعبانه
اهتز وهو اعله الگاع بس ضــال بمچانه

لابــي يــرد الجـيش لابـيـده اي حــيـلـه
========================
تحسب بخوها اجروح بالمعصب تشدهن
لاجـــرح لاجـرحـــيـن لو ريــدن احسبهن
ألاف ذنــي الـبـيـك وشــلــون اطـيـبـهـن

وتكــلـه وسـفـه اطـيـح بلـتـعــدل الميله
========================
كــونك تريــد اتگـــوم ويــاي للـخــيـمـه
بيــدي انه اتچيلك انـهــض بيو الشـيمه
خــويه النسه واطــفال طــشّـار بالهيمه

والوادي مـخــطر نار والـخيل واصهيله
========================
محنيه مـن حــسين مكـسـورة الــخاطر
رجـعـت بـلايـه اخــوان لخـيامها تكــابـر
لا والي ولا خـــلان خـــلالـهــا الـعـاشـــر

من بعد اخوها الحيد تركب على اهزيله
========================
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇