اصلا الحالي حالي مانحتاج رأي احد واثقات🤣😭.


#خيزران.

اوهو رعى الله أيام غراب....في طي النسيان💔يعني اذا من غاب شهر وخف منشورات تنسوه للأخير 💔

معادش يقدروك يا غراب (بصوت عصام الشوالي )💔

#الغراب_الحزين

#غراب ♣️

يا جماعه

في مثل هذا اليوم في العام ٢٠٢٢

جابوا لي منحة اسير اعمل elective لمدة شهرين في جامعة جورج واشنطن

المهم فرحت وعيدت عيد وبعد ما جهزت اوراقي وخسرت شويه

قالوا لي ان به معهد في فلسطين بس مش في فلسطين كتبوا لي حيفا اسرائيل اروح هناك شهر وبعدين اروح امريكا شهر ثاني

وصار اللي صار وقلت لو ما عملت elective عمري وبطلت

المهم العوض من الله ويلعن ام امريكا واسرائيل

فالآن طلع لي التلفون من الذكريات حق ال screenshot

فقلت انصحكم انكم تجلسوا على مبدأ ولو كثرت المغريات

#مؤقت

#its_dollar

المهم انتبهوا من أي مؤتمرات طبية تعملها اسرائيل لا تشتركوا بها نهائيا مهما كان أهميتها.

حتى لو اونلاين.


#طالب_ضابح🐸💔

⁣💌 وصلتك رسالة جديدة
⏱ وقت الرسالة: 2024/07/19 - 08:17:12 PM
----
انتم كفره فسقه وتنشرو نشر لا له ولا عله
----

اهااااااه خرجونا من الاسلام.




#طالب_ضابح 🐸💔

طبعا في فئة من الناس هكذا فعلا
وهم كثيييير جدا بحياتنا وموجودين بكل زغط وبكل حارة
طالما وأنت مش مناسب لأفكاره وتخالف رأيه أو يكون معه افكار ثابتة طالما وانت تناقشه بهن فأنت كافر وفاسق وللنار غطوس
ضروري تكون على ما يشتي هو وبكيفه وأنت بتدخل الجنة
الجنة حق خالته أصلا.




#طالب_ضابح 🐸💔

من اين تتابع قناتنا؟





#طالب_ضابح 🐸💔

جولة العدين ..





#طالب_ضابح 🐸💔

السلامُ عليكم ، نبدأ الإختبار إن شاء الله ، مستعدين 🔥 ؟؟


#غيمة ☁️

بعد نقاشات دارت بيني وبين نفسي وأنا مسنب قدام المراية وبين أشوف صلا قعشتي ههههههههههههه....

- أحلق الله يلـ.ـعنك
= وربي إن أنا هيبة
- أيش من هيبة ... حرام إنك خرية
= خلاص سابر هيا نسير نحلق

وخرجت من الحمام طبعاً قد كان بعد العصر وأنا مخزن ... سرت صلا أمي شليت ألف ريال وقلت عد أسير أحلق
رجعت للديوان وأبسرت ولد عمي فاتح كيس القات حقي ومدخل يده وقد جحف نص قاتي .....
أمانة إني خلست الحزام وندعت له جلـ.ـدة لوما خليته يعوي ههههههههههههه "ما بتفعل يا مقص" قال إن المقوت برمه وأدى له قات شمات وقليل .... قلت له يالله شل لك شوية وجي معي لا عند الحلاق نسير نحلق

- أنت مجنون بتبسر على مطر
= خلاص يا أخي أطرح قاتي وشاسير لحالي
- الله يلعـ.ـنك كيف أنت مُبتز 🥺

المهم وخرجت أنا وياه بين المطر والسيول ههههههههههههه وكان كل شوية ويقل لي " أنا منكر إن عاد معك عقل" ضبحني ههههههههههههه
وصلنا للزفلت وبه سيل ضخم ... كل واحد زقم يد الثاني ورفعنا الأثواب ودغوزناهن في العسوب ساع المزز وقطعنا الزفلت ههههههههههههه
وصلنا لا فوق الرصيف الذي في نص الشارع ... قال ولد عمي خلاص لا تزقم يدي شجزع لحالي لأنو حين بتزقم يدي بين أحس إن أنا زوجتك يا روميو ههههههههههههه
عادو غر دعس وسط السيل ... ويندع طحسة عالمية .... سحبه السيل ٥ متر وأنا بين ألاحق بعده من فوق الرصيف وأبسرته رجم كيس القات إلى بر الأمان لا فوق الرصيف 😂😂😂💔
مد لي يده وأنا مدري كيف تخيبلت وصدقته ومديت يدي أزقمه ...!
جرجرنا السيل أنا وياه بعدى ههههههههههههه
لوما حنبت نخرتي عرض الكمبة كان عيسحبنا السيل لا وسط الروضة
قمنا طلعنا لا فوق الرصيف ورجعنا للقات حق الغالي ...
ورجع أبسر صليا وزقم يدي وقال "هيا نجزع وأمري إلى الله 🥺"
المهم قطعنا السيل وذهبنا إلى عند الحلاق وأحنا مخسعين وحالتنا حالة ههههههههههههه
وصلت كرعت بواقي الماء الذي في أذني وسط المحل ...
- يا عمناااااا وينو الحلااااااق ووووييييي
= موجود موجود هوذا أنا هه

حلاق لابس نظارات ساع حق زنبقة
أبسرت صلا ولد عمي وقلت هيا نخرج هذا مشو حلاق شكلنا غلطنا في المحل ودخلنا إكسسوارات
بيبسرني الحلاق وقال " هيا من منكم يشتي يحلق"
دهفني ولد عمي وقال هوذا هه الأنيق يشتي يحلق ....
طلعت فوق الكرسي وأنا بين أبسر كل زاوية في المحل مقلفدة والمراية مكسورة وكان أبسر راس نخرتي جنب أذني ولقفي عند صدري .... حسيت نفسي طلعت فوق كرسي تعـ.ـذيب ههههههههههههه

الحلاق دخل لا داخل سار هزر المكينية ورجع بسرعة وبين أبسر في يده مقص من حق الشجر "يا غالي ماهو هذا والله لو أبسرتني دم الأخوين ما تدي هذا المقص بكله" ههههههههههههه
ضحك وقال والله إنك ظريف 🤣
سار ينشق المكينية حق الحلاقة من الدبة الديزل الذي ورى الباب ورجع شغلها
حسيت إنها حراثة مش مكينية ... وفعلاً طلعت حراثة ههههههههههههه
بدأ يمررها في راسي وكانت تقاحصني مقاحصة "يا غالي أنت شكلك مربي كلـ.ـب بوليسي هانا مش مكينية" ههههههههههههه
أمانة كل شوية وتندع لي قحصة لوما أحس إن قد أنا صلعة بقعة القحصة
آخر شي قلت له خلاص يا غالي أدي المقص العائلي وأحلق لي به .... ما هكذا مابش خراج عتكمل راسي قحص .... باقي قحصتين وكملتني ههههههههههههه
شل المقص وليته ما شله ...
حلاق بنظارات ويشل مقص .... كل شوية وطعني تحت أذني .....!
كان يحلق لي وهو واقف في طرف المحل من كُبر المقص ههههههههههههه
آخر شي قص شوية من الجلد حق أذني ..... قمت حاسبته الألف الريال وشليت الشال حقي وغطيت راسي وخرجت ...!
لا نص الشارع ورجعت سعية فتحت علبة الجل الكبيرة ودغفت ملان يدي ودهونت أرجلي ووجهي قصدي أنو كريم يبعد السواد وقلت له هذه توفية الزلط ههههههههههههه
وروحت البيت وقد شعر أرجلي مسنبات ووجهي ساع وجه عجوز مات ولدها بالسم حق الذبان
وخزنت وانا بنص حلاقة ونص راس وعيال عمي وأبي وأعمامي كلهم بيضحكوا وأنا مشورغ

خاطركم


#طارق_رسام

من أتم قراءة الصفحة،فليتفاعل بأحببته ❤️

#الورد_اليومي 🤍

- شايف نفسك فين بعد خمس سنين؟



#زعكمه.

في بيت زوجتي.




#طالب_ضابح 🐸💔

لا دولار إلا واحد وهو شفشوفي
ولا اصلي إلا هو أما هؤلاء كلهم تقليد.




#طالب_ضابح 🐸💔

جـهـادُ العـشـريـن
ولـا ندمَ الأربـعيـن


#غيمة ☁️